Category: شوبز

بالی وڈ اداکارہ جیکولین فرنینڈس کو 200 کروڑ روپے کے منی لانڈرنگ کیس میں ضمانت مل گئی ہے۔ اداکارہ نے مبینہ طور پر یہ کہتے ہوئے ضمانت کی درخواست کی تھی کہ ان کی تحویل کی کوئی ضرورت نہیں ہے کیونکہ تفتیش پہلے ہی مکمل ہوچکی ہے اور چارج شیٹ داخل کی جاچکی ہے۔تازہ ترین اطلاعات یہ ہیں کہ دہلی کی ایک عدالت نے جیکولین فرنینڈس کو ضمانت دے دی ہے اور یہ حکم خصوصی جج شیلیندر ملک نے سنایا ہے۔ عدالت نے اداکارہ کی 26 ستمبر کو عبوری ضمانت منظور کی تھی۔ جیکولین فرنینڈس کو منی لانڈرنگ کیس کی تحقیقات کے سلسلے میں انفورسمنٹ ڈائریکٹوریٹ نے متعدد بار طلب کیا تھا۔ سپلیمنٹری چارج شیٹ میں اسے پہلی بار ملزم کے طور پر نامزد کیا گیا تھا۔

اداکارہ نے ضمانت کی درخواست دائر کی تھی، جس کی ای ڈی نے مخالفت کی اور کہا کہ اداکارہ ملک سے فرار ہو سکتی ہے۔واضح رہے کہ اداکارہ جیکولین فرنینڈس پر اپنے بوائے فرینڈ سکیش چندر شیکھر سے مہنگے تحائف وصول کرنے کے الزامات ہیں جبکہ چندر شیکھر کروڑوں روپے کے بھتے وصول کرنے کے الزام میں جیل میں قید ہے انہیں رواں برس مئی میں گرفتار کیا گیا تھا۔اس کیس کی وجہ سے اداکارہ کی فین فالونگ میں کافی کمی آئی ہے اور اس کے علاوہ ان کے ہاتھ سے اہم پراجیکٹس نکل گئے ہیں.

اداکارہ دیپیکا پڈوکون گزشتہ روز انسٹاگرام پر لائیو آئیں اور آئیں بھی وہ اپنے برانڈ کی تشہیر کے لئے . دیپیکا نے لائیو آکر برانڈ کی مصنوعات کے بارے میں بات کی اس کے فوائد سے لوگوں کو آگاہ کیا اس دوران رنویر سنگھ نے لائیو کمنٹس کرنا شروع کر دئیے. انہوں نے لکھا واہ واہ جوش تو دیکھو ، پھر انہوں نے اپنے مداحوں کو مخاطب کرتے ہوئے بتایا کہ ان کی اہلیہ سخت محنت کر رہی ہیں۔بعد میں انہوں نے برانڈ کی مصنوعات کی تعریفیں بھی کیں۔رنویر نے ایک سوال یہ بھی لکھا کہ آپ گھر کب آرہی ہیں؟یہ پہلا موقع نہیں ہے کہ رنویر نے لائیو دیپیکا کے ساتھ انٹریکشن کیا اس سے پہلے بھی یہ جوڑا ایک دوسرے کے ساتھ سوشل

میڈیا پر اکثر کمنٹس کے زریعے بات چیت کرتا رہتا ہے.واضح رہے کہ دیپیکا اور رنویر نے 4 نومبر کو اپنی شادی کی سالگرہ منائی اور اداکار رنویر سنگھ نے اپنی اہلیہ کو سرپرائز دیا اور سپرپرائز بھی ایسا تھا کہ وہ اپنی اہلیہ کے آفس چاکلیٹس لیکر پہنچ گئے. رنویر اس وقت روہت شیٹی کی فلم سرکس کی ریلیز کے لیے تیار یاں کررہے ہیں . اس میں پوجا ہیگڑے اور جیکولین فرنینڈس بھی اہم کرداروں میں نظر آئیں گی۔ اس کے علاوہ ان کی عالیہ بھٹ کے ساتھ راکی ​​اور رانی کی پریم کہانی بھی ریلیز ہونے والی ہے۔ دوسری جانب دیپیکا کے پاس شاہ رخ خان اور جان ابراہم کے ساتھ پٹھان، ہریتھک روشن کے ساتھ فائٹر فلم جیسا پراجیکٹ ہے.

رنویر سنگھ اس وقت فلم انڈسٹری کے باصلاحیت اداکاروں میں سے ایک ہیں۔ اداکار نے 2010 میں منیش شرما کی فلم بینڈ باجا بارات میں انوشکا شرما کے ساتھ بالی وڈ میں قدم رکھا۔ رنویر سنگھ نے پے در پے سپر ہٹ‌فلمیں دیں یوں انہوں نے پھر کبھی پیچھے مڑ کر نہیں دیکھا. رام لیلا، باجی راؤ مستانی، پدماوت، گلی بوائے، اور سمبا سمیت دیگر فلموں میں ان کی اداکاری دیکھنے سے تعلق رکھتی ہے. رنویر نے حال ہی میں ماراکیچ انٹرنیشنل فلم فیسٹیول کے 19ویں ایڈیشن میں شرکت کی، جہاں انہیں ایوارڈ ملا۔ میڈیا سے بات چیت کے دوران، اس نے کہا کہ میں‌نے شروع کے تین ساڑھے تین سال بہت جدوجہد کی ، مجھ سے ایسے سوال ہوتے تھے تم محنتی ہو، یا ہوشیار کارکن؟ میں خود کو

ہوشیار نہیں سمجھتا تھا اس لیے کہہ دیتا تھا کہ میں ایک محنتی ہوں۔تو مجھے آگے سے کہاجاتا کہ ڈارلنگ، ہوشیار بنو، سیکسی بنو۔ یوں میں نے شروع کے تین ساڑھے تین سالوں میں بہت تجربات کئے. واضح رہے کہ رنویر سنگھ کو آخری بار جیش بھائی جوردار میں دیکھا گیا تھا جس میں شالینی پانڈے، بومن ایرانی، اور رتنا پاٹھک شاہ نے کام کیا تھا۔ اس کے بعد رنویر کے پاس بھی پائپ لائن میں کئی پروجیکٹس ہیں جن میں روہت شیٹی کی اگلی ہدایت کاری والی فلم سرکس جس میں جیکولین فرنینڈس، پوجا ہیگڑے، اور ورون شرما شامل ہیں۔ یہ فلم 23 دسمبر 2022 کو دنیا بھر میں تھیٹر میں ریلیز ہونے والی ہے۔ سرکس 1982 کی ہندی فلم انگور پر مبنی ہے۔اس کے علاوہ رنویر کے پاس کرن جوہر کی رومانٹک کامیڈی فلم راکی ​​اور رانی کی پریم کہانی بھی ہے جس میں عالیہ بھٹ، دھرمیندر، شبانہ اعظمی اور جیا بچن ہیں۔ یہ فلم 28 اپریل 2023 کو تھیٹر میں ریلیز ہونے والی ہے۔

بالی وڈ کے بگ بی کہلائے جانے والے امیتابھ بچن ہیں بہت اداس اور اداس ہیں وہ اپنے پالتو کتے کے چلے جانے پر، امیتابھ بچن کا پالتو کتا جب سے مرا ہے اداکار بے حد اضطراب کی کیفیت میں ہیں. انہوں نےاپنے کتے کے مرنے کی اطلاع اپنے انسٹاگرام اور ٹویٹر اکائونٹ پر دی اور ایک نوٹ لکھا جس میں انہوں نے اپنے مداحوں کو بتایا کہ وہ بہت اداس ہیں کیونکہ ان کا ایک ساتھی چلا گیا ہے. اس سے پہلے بھی جون 2013 میں امیتابھ بچن کا پیارا پالتو کتا شانوک مختصر علالت کے بعد انتقال کر گیا۔امیتابھ بچن کی پوسٹ‌سے اندازہ لگایا جا سکتا ہے کہ ان کو اپنے پالتو کتے کے چلے جانے کا کتنا دکھ اور افسوس ہے. امیتابھ بچن کو اپنے پالتو جانوروں کے ساتھ بہت محبت ہے یہی وجہ ہے کہ جب بھی وہ مرجاتے ہیں امیتابھ بچن ان

کی موت کو بہت دل پر لیتے ہیں اپنے پالتو کتے کی موت پر اداکار رو پڑے . امیتابھ بچن نے جیسے ہی سوشل میڈیا پر ایسی پوسٹ کی ان کے مداحوں نے دکھ کا اظہار کیا. یاد رہے کہ امیتابھ بچن کی رواں برس براہمسٹرا ریلیز ہوئی اسے شائقین کی جانب سے نہایت سراہا گیا امیتابھ بچن نے اس میں اہم کردار ادا کیا. امتیابھ اس برس کورونا کا بھی شکار ہوئے تاہم صحتیابی حاصل کرنےکے بعد دوبارہ کام پر جانے لگے ہیں .

صائم صادق کی ڈائریکشن میں بنی فلم جوائے لینڈ جس کو کانز فلم فیسیٹول ایوارڈ ملا . اتنے بڑے فلمی میلے میں پذیرائی ملنے کے بعد پاکستانی کافی خوش تھے. پاکستان میں فلم ریلیز کئے جانے کی خبر نے شائقین کو خوش کر دیا تھا لیکن بعض حلقوں کی جانب سے اعتراض کے بعد اب اس فلم کی نمائش روک دی گئی ہے اور پاکستان میں جوائے لینڈ کو بین کر دیا گیا ہے. یہ خبر یقینا شائقین کے لئے مایوس کن ہے لیکن اب سوالات یہ اٹھ رہے ہیں کہ کیا یہ فلم آسکر کی نامزدگی کے لئے بھی نااہل ہو جائیگی؟ پاکستان میں آسکر کے لئے نامزد کرنے والی جیوری نے جوائے لینڈ کو آسکر

کے لئے نامزد کر دیا ہوا ہے لیکن اب سوال یہ اٹھ رہا ہے کہ کیا اگر یہ فلم پاکستان میں ریلیز نہیں ہو گی تو کیا آسکر کی نامزدگی کے لئے بھی نااہل ہوجائیگی. دوسری طرف خبریں یہ بھی ہیں کہ فلم آسکر کی نامزدگی کے لیے نااہل نہیں ہوگی، کیونکہ ممکنہ طور پر فلم کی ٹیم اسے کسی دوسرے ملک میں نمائش کے لیے پیش کرے گی۔فلم کی ٹیم کی کوشش ہے کہ جوائے لینڈ کو 30 نومبر سے قبل فرانس میں ایک ہفتے تک سینما گھروں میں دکھایا جائے۔واضح رہے کہ جوائے لینڈ فلم ایک ٹرانسجینڈر کی زندگی کے گرد گھومتی ہے.

دا لیجنڈ آف مولا جٹ جب سے ریلیز ہوئی ہے اس نے ہر ہفتے کامیابی کے نئے جھنڈے ہی گاڑھے ہیں. اس فلم نے حال ہی میں دو سو کروڑ کما لیا ہے . اس سے پہلے اس نے سو کروڑ کمانے والی پہلی فلم کا اعزاز بھی ھاصل کیا . دا لیجنڈ آف مولاجٹ ایسی فلم بن گئی ہے جس نے گزشتہ چار برسوں میں انڈیا اور پاکستان میں سب سے زیادہ بزنس کیا ہے. دا لیجنڈ آف مولا جٹ دنیا کے کسی بھی ملک میں‌لگی ہے وہاں اس نے دوسرے ملکوں کی فلموں کو پچھاڑ‌دیا ہے. ایک برطانوی ادارے کی رپورٹ کے مطابق پچھلے چار برسوں کے دوران یوکے باکس آفس میں ’دی لیجنڈ آف مولا جٹ‘

برصغیر پاک و ہند کی سب سے زیادہ کمائی والی فلم بن چکی ہے۔فلم کی پرڈیوسر عمارہ حکمت نے ایک بڑے بجٹ کے ساتھ یہ فلم تیار کی تھی جبکہ بلال لاشاری کی ڈائریکشن نے اس فلم کو امر کر دیا ہے. حمزہ علی عباسی نے نوری نت کے کردار میں اپنی صلاحیتوں کو خوب منوایا ہے. فواد خان ، حمائمہ ملک ، فارش چفیع اور گوہر رشید نے کمال اداکاری کرکے شائقین کا دل جیت لیا ہے. فلم 13 اکتوبر کو ریلیز ہوئی تھی اور پانچ ہفتوں میں ہی فلم کا بزنس پاکستان سمیت دنیا میں بھر میں مثالی گردانا جا رہا ہے.

اداکارہ مریم نور شیخ حال ہی میں منگنی کے بندھن میں بندھ گئی ہیں بہت جلد ان کی شادی ہونے والی ہے. مریم نور شیخ کی منگنی ان کے فیملی فرینڈ اسماعیل کے ساتھ ہوئی ہے دونوں جلد شادی کرنے کا ارادہ رکھتے ہیں . منگنی کی خوشی میں اداکارہ مریم نور شیخ نے گزشتہ رات ڈھولک کا بھی اپنے گھر میں اہتمام کیا . مریم کی ڈھولک کی تصاویر انہوں نے سوشل میڈیا پر جاری کیں جس میں دیکھا جا سکتا ہے وہ سہیلوں اور کزنوں کے جھرمٹ‌ میں بیٹھی ہوئی ہیں. مریم نور شیخ کا کہنا ہے کہ وہ اپنی شادی کو یادگار بنائیں گی اور اس کی تقریبات کی ساری تیاریاں خود کریں گی اور دھوم دھام سے شادی کریں گی. اداکارہ مریم نور شیخ کی ڈھولک کی تصاویر سوشل میڈیا پر وائرل ہو رہی ہیں. ان کے مداحوں کا انہیں

مبارکباد دینے کا سلسلہ زوروں سے جاری و ساری ہے. یاد رہے کہ مریم نور شیخ کا شمار بہترین ادارائوں میں ہوتا ہے انہوں نے کئی سپر ہٹ ڈراموں میں کام کیا ہے. مریم پاکستان ٹیلی ویژن پر بطور اینکر بھی کافی پروگرام ہوسٹ کر چکی ہیں. مریم کا ایک پراجیکٹ آج کل آئن ائیر ہے،. مریم کم مگر معیاری کام کرتی ہیں انہوں نے نہایت کم عرصے میں اپنی پہچان بنائی ہے.

کاشف نثار نوجوان نسل کے نمائندہ ڈائریکٹر ہیں ان کے تیارہ کردہ ڈرامے شائقین بے حد شوق سے دیکھتے ہیں. کاشف نثار کمرشل کی بجائے سنجیدہ کام کرنے کو ترجیح دیتے ہیں . آج ہر آرٹسٹ کی خواہش ہے کہ وہ کاشف نثار کے ساتھ کام کرے ایسی ہی ایک خواہش تھی اداکارہ نازش جہانگیر کی . انہوں نے متعدد پلیٹ فارمز پر کاشف نثار کے ساتھ کام کرنے کی خواہش کا اظہار کیا لیکن اب ان کی خواہش پوری ہونے کا وقت آچکا ہے . جی ہاں کاشف نثار کے نئے پراجیکٹ میں اداکارہ نازش جہانگیر کو شامل کر لیا گیا ہے یہ پراجیکٹ لاہور اور اسلام آباد میں شوٹ ہو رہا ہے.

کاشف نثار کی نئی ڈرامہ سیریل میں سجل علی،وہاج علی،حمزہ فردوس اور ریحان شیخ سمیت دیگر فنکار کام کررہے ہییں۔کاشف نثار پہلے بھی سجل علی کے ساتھ کام کر چکے ہیں سجل کا شمار اس وقت پاکستان کی بہترین اداکارائوں میں ہوتا ہے. انہوں نے اپنے کیرئیر کے آغاز میں کافی نشیب و فراز دیکھے لیکن محنت کرنے کے عمل کو جاری رکھا. اسی طرح سے کاشف نثار کے کام کرنے کا انداز جیسا ہے کہ وہ آج کل کے ڈائریکٹرز کے کام سے بہت مختلف ہے. کاشف بخوبی جانتے ہیں کہ کسی بھی آرٹسٹ سے کام کس طرح سے لینا ہے.

اداکارہ سونیا حسین جنہوں نے فلم” ٹچ بٹن” میں مزکزی کردار ادا کیا ہے ، ان کا فلم کی پرڈیوسر عروہ حسین کے ساتھ پیسوں کے لین دین کا تنازعہ چل رہا تھا. سونیا حسین نے دو ہفتے پہلے اعلان کیا تھا کہ وہ اس فلم کی پرموشن کا حصہ نہیں بنیں گی کیونکہ پرڈیوسر نے انہیں ان کے کام کا معاوضہ تاحال نہیں دیا ہے. انہوں نے اس اعلان کے ساتھ یہ بھی بتایا تھا کہ عروہ حسین کو میں نے اس معاملے میں قانونی نوٹس بھی بھجوا دیا ہے.عروہ حسین نے اس قانونی نوٹس کے بارے میں لاعلمی کا اظہار کیا تھا. لیکن بعد ازاں یہ خبریں بھی سامنے آئیں کہ سونیا کے وکیل کی عروہ حسین کے ساتھ بات چیت چل رہی ہے بہت جلد معاملات طے پا جائیں گے. لگتا ہے اب ان کے درمیان معاملات طے پا گئے ہیں کیونکہ سونیا حسین

گزشتہ روز رکراچی میں ہونے والی فلم کی کی پرموشن میں سونیا حیسن نظر آئیں . سونیا حسین نے کل کی پرموشن میں جم کر حصہ لیا ان کے ساتھ فرحان سعید بھی موجود تھے لیکن سونیا حسین اس پرموشن کاحصہ نہیں تھیں. واضح رہے کہ فلم ٹچ بٹن جو کہ عروہ حسین کی بطور پرڈیوسر پہلی فلم ہے 25 نومبر کو یلیز ہونے جا رہی ہے، فلم میں ایمان علی کے علاوہ فیروز خان بھی اہم کرداروں میں نظر آرہے ہیں .

ودیا بالن جو کہ سوشل میڈیا پر کافی متحرک رہتی ہیں وہ اکثر اپنی وڈیوز اور تصاویر پوسٹ کرتی رہتی ہیں حال ہی میں انہوں نے ایک وڈیو پوسٹ کی ہے جس میں وہ گوگل کے وائس سرچ فیچر کا استعمال کررہی ہیں وہ گوگل سے کہتی ہیں ابھی زندہ ہوں تو جی لینے دو، بھری برسات میں پی لینے دو، مجھے ٹکڑوں میں نہیں جینا ہے، قطرہ قطرہ تو نہیں پینا ہے، یہ والا گانا سنا۔ ان کی اس گانے کی فرمائش پر گوگل کی جانب سے جواب آتا ہے کہ گانے کے باقی دو بول بچے ہیں وہ بھی تو گا لے۔ودیا بالن کی یہ وڈیو سوشل میڈیا پر بہت زیادہ وائرل ہو رہی ہے . سوشل میڈیا

صارفین اسے بہت پسند کررہے ہیں. ودیا بالن کی اس وڈیو کے کمنٹس باکس میں ڈھیروں کمنٹس موجود ہیں جس میں سب نے یہی لکھا ہے کہ ہم نے اس وڈیو کو بہت زیادہ انجوائے کیا ہے.یاد رہے کہ ودیا بالن کا شمار بالی وڈ کی ان اداکارئوں میں ہوتا ہے جن کے زکر کے بغیر ہندی فلم انڈسٹری کی تاریخ ہمیشہ ادھوری رہے گی. ٹیلی ویژن سے شہرت کی بلندیوں‌کر پہنچنے والی ودیا بالن کے کریڈٹ پر زبردست کردار ہیں . ودیا کم مگر معیاری کام کرنے کو ترجیح دیتی ہیں.