Category: شوبز

اداکارہ اشنا شاہ جو اپنی اداکاری کی وجہ سے کافی سراہی جاتی ہیں، اشنا سوشل میڈیا پر پر اپنے مداحوں کے ساتھ کافی انٹریکشن کرتی دکھائی دیتی ہیں. انہوں نے حال ہی میں اپنے مداحوں سے سوشل میڈیا پر پوچھ لیا ہے ایک منفرد سا سوال ہے. انہوں نے سوال کیا ہے کہ کیا آپ کو لگتا ہے کہ کام والیاں عورتوں کی نسبت گھر کے مردوں‌کا زیادہ جلدی کام کرتی ہیں اور ان کا رویہ عورتوں‌سے زیادہ مردوں کے ساتھ اچھا ہوتا ہے. اس سوال کے جواب میں‌ہر کوئی اپنے اپنے تجربے کے حساب سے جواب دے رہا ہے. اشنا شاہ نے تو یہاں تک کہہ دیا ہے کہ میرا تجربہ ہے کہ

کام والیاں عورتوں کی نسبت مردوں کا کہا ہوا کام دل لگا اور بہت جلدی کرتی ہیں. اشنا شاہ کے اس سوال پر دلچپسپ تبصرے ہو رے ہیں اور ہر کوئی اپنے تجربے کے حساب سے جواب دے رہا ہے. یاد رہے کہ اشنا شاہ نے نہایت کم وقت میں اپنا نام بنایا ہے ان کے کریڈت پر بہت کم پراجیکٹس ہیں کچھ میں اچھی اداکاری ہے اور کچھ میں نارمل اداکاری ہےلیکن پھر بھی وہ ایک بہت بڑی فین فالونگ رکھتی ہیں اور سوشل میڈیا پر اپنی تصاویر باقاعدگی سے اپلوڈ کرکے اپنے مداحوں کی داد وصول کرتی رہتی ہے.

اداکارہ مشی خان جو سوشل میڈیا پر کافی متحرک رہتی ہیں اکثر وہ شہباز شریف اور مریم نواز کی نہ صرف نقل اتارتی رہتی ہیں بلکہ ن لیگ اور پیپلز پارٹی کو آڑھے ہاتھوں لیتے ہوئے عمران خان کی حمایت کرتی ہوئی نظر آتی ہیں. مشی خان کو لگتا ہے کہ اس ملک کو اگر کوئی بچا سکتا ہے تو وہ ہے صرف اور صرف عمران خان . مشی خان سیاست کےعلاوہ سوشل ایشوز پر بھی آواز اٹھاتی رہتی ہیں حال ہی میں انہوں نے ایک ایسے ایشو پر آواز اٹھائی ہے جس پر ہر کوئی آواز اٹھا رہا ہے. جی ہاں مشی خان نے بھی فیروز خان پر نکال دیا ہے اپنا غصہ اور ان کی بہن حمائمہ ملک کو لیا ہے آڑھے ہاتھوں . مشی خان نے حمائمہ ملک سے کہا ہے کہ اپنے بھائی کے بھیجے میں بھی

تھوڑی عقل بھر دو ، شرم آنی چاہیے تم سب کو. یاد رہے کہ حمائمہ ملک اپنے بھائی فیروز خان کے معاملے میں بولتی ہوئی نظر نہیں آرہیں. ان کے لئے یہ تو ایسا ہے کہ جیسے کچھ ہوا ہی نہیں. فیروز خان مسلسل اپنی سابقہ اہلیہ پر تشدد کرتے رہے اس چیز کے بارے میں ہر کسی کو لاعلمی تھی لیکن جب سے فیروز خان کا یہ روپ سامنے آیا ہے ان کے خلاف لوگوں میں کافی غم و غصہ پایا جاتا ہے لگتا تو ایسے ہے کہ جیسے اس واقعہ کی وجہ سے فیروز کے کیرئیر کی کشتی ڈوب رہی ہے.

فلم ٹچ بٹن جو کہ 11 نومبر کو ریلیز ہونے جا رہی تھی اس کی ریلیز اب تھوڑی آگے چلی گئی ہے اور فلم اب 25 نومبر کو سینما گھروں کی زینت بنے گی. اس فلم کا میڈیا پارٹنر اے آر وائی چینل ہے لہذا اے آر وائے نے اپنے آفیشل پیج پر اس فلم کی ریلیز کی تاریخ کی تبدیلی کی پوسٹ لگائی. فلم ٹچ بٹن کی ریلیز بار بار تبدیل ہو رہی ہے. پہلے تو فلم کی ریلیز تین سال تک کورونا کی وجہ سے تاخیر کا شکار رہی اور اب نامعلوم وجوہات کی بناء پر پھر سے تاریخ تبدیل کر دی گئی ہے. لیکن فلم کی کاسٹ پرموشنز میں مصروف ہے. کراچی میں‌فلم کا ٹریلر بھی لانچ کر دیا گیا ہے.

اور فرحان سعید ، ایمان علی عروہ حسین فلم کی پرموشنز میں مصروف ہیں. تاہم سونیا حسین فلم کی پرموشنز میں نظر نہیں آرہیں. کہا جا رہا ہے کہ پرڈیوسر عروہ حسین نے سونیا حسین کو ان کا معاوضہ نہیں‌دیا اس لئے وہ فلم کی پرموشنز میں نظر نہیں آرہیں اور اب تو انہوں نے فلم کی پرڈیوسر کے خلاف قانونی کاروائی کا آغاز بھی کر دیا ہے لہذا سونیا حسین کا فلم کی پرموشنز میں نظر آنا مشکل ہی نظر آرہا ہے. جبکہ فرحان سعید اور ایمان علی کا کہنا ہےکہ وہ اپنی زندگی کے بہترین کرداروں میں‌نظر آرہے ہیں.

فلم ٹچ بٹن جس سے عروہ حسین بطور پرڈیوسر اپنا پروڈکشن کا کیرئیر شروع کرنے جا رہی ہیں. عروہ حسین کا اس فلم میں ایک آئٹم سانگ ہے اس کے علاوہ انہوں نے فلم میں اداکاری نہیں کی. عروہ حسین کو ان کے ساتھیوں نے کافی دعائیں دی ہیں. ڈائریکٹر نبیل نے کہا کہ فلم کا ٹریلر بہت اچھا ہے فرحان سعید سمیت سب فلم میں بہت اچھے لگ رہے ہیں اور عروہ حسین بطور پرڈیوسر آپ کیرئیر کی شروعات کرنے جا رہی ہیں آپ کے لئے نیک تمنائیں. اسی طرح سے گلوکار شہزاد رائے نے بھی کہا کہ عروہ حسین آپ کو بہت مبارکباد آپ کی فلم کے لئے جو کہ نومبر

میں ریلیز ہونے جا رہی ہے . پہ در پہ فلمیں ریلیز ہونے سے ہی فلم انڈسٹری کو سنبھالا مل سکتا ہے اور میری دعا ہے کہ آپ کی فلم سپر ہٹ ہو. عروہ حسین نے ان دونوں سلیبرٹیز کی جانب سے فلم ٹچ بٹن کے لئے نیک خواہشات پر مبنی پیغامات کو اپنی انسٹاگرام سٹوری پر شئیر کیا. یاد رہے کہ عروہ حسین کی فلم ریلیز سے قبل ہی تنازعات کا شکار ہو گئی ہے کیونکہ اداکارہ سونیا حسین نےعروہ حسین پر کیس کر دیا ہے اور کہا ہے کہ پرڈیوسر عروہ حسین نے میرے پچاس لاکھ روپے کی ادائیگی نہیں‌کی.

اداکار فیروز خآن جو کہ آج کل کافی ہیں تنقید کی زد میں. انہوں نے حال ہی میں اپنے انسٹاگرام اکائونٹ پر ایک پوسٹ شئیر کی ہے جس میں انہوں نے اپنے مداحوں کو بتایا ہے کہ انہوں نے اپنا ایک یوٹیوب چینل شروع کر لیا ہے اور اب سے وہ یوٹیوب چینل پر بھی نظر آیا کریں گے. اداکار فیروز خان نے ایک وڈیو بھی شئیر کی جس میں وہ ایک کیک کاٹ رہے ہیں اور انہوں‌نے لکھا کہ یہ کیک میرے مداح کی جانب سے مجھے بھیجا گیا ہے. فیروز خان چونکہ آج کل ہیں‌تنقید کی زد میں شاید اس لئے انہیں ایسی وڈیو شئیر کرنے کی ضرورت پیش آئی. دوسری طرف

فیروز خان پر تنقید کرنے والوں‌کا کہنا ہے کہ فیروز بھانپ چکے ہیں کہ انکی اہلیہ کے تشدد کے الزامات کے بعد ان کے ساتھ کوئی بھی کام نہیں کرے گا اس لئے انہوں نے اپنی بقاء کی خاطر یوٹیوب چینل بنا لیا ہے. فیروز خان پر بڑی تعداد میں ڈرامہ شائقین کی جانب سے بے حد تنقید ہو رہی ہے شاید یہی وجہ ہے کہ ان کے یوٹیوب چینل کے اعلان کو لیکرسوشل میڈیا پر زیادہ ہنگامہ نہیں مچا یاد رہے کہ فیروز خان کی کو سٹار اقراء عزیز نے فیروز خان کے ساتھ کام کرنے سے انکار کر دیا ہے.

اداکار فیروز خان جس بری طرح سے اپنی سابقہ اہلیہ پر تشدد کرتے رہیں اس کے ثبوت دیکھ کر ہر آنکھ نہ صرف حیران رہ گئی ہے بلکہ ہر درد دل رکھنے والا انسان تڑپ اٹھا ہے. فیروز خان کی سابقہ اہلیہ کے حق میں ہر کسی نے آواز بلند کی ہے شوبز انڈسٹری کے تقریبا سٹارز علیزے کے حق میں بول رہے ہیں اور فیروز خان کے خلاف آواز اٹھاتے ہوئے اس کے ساتھ کام کرنے سے انکاررہے ہیں. حال ہی میں صنم سعید نے بھی علیزے سلطان کے حق میں بیان دیتے ہوئے کہا ہے کہ ہم سب کو علیزے کے حق میں کھڑے ہونا چاہیے ، ساتھ ہی انہوں نے مشورہ دے دیا ہے

خواتین کو کہ وہ اپنے حقوق کے لئے اٹھ کھڑی ہوں اور اپنے ساتھ ہونے والی زیادتی پر بالکل بھی خاموش نہ رہیں. صنم سعید نے مزید کہا کہ خواتین کو قانونی طور پر جو حقوق حاصل ہیں ان کا مطالعہ ہر خاتون کو کرنا چاہیے. صنم سعید کہتی ہیں کہ صرف علیزے سلطان نہین بلکہ ہر اس خاتون کے حق میں آواز اٹھائیں جو گھریلو تشدد کا شکار ہیں. صنم سعید نے فیروز خان کی سابقہ اہلیہ کے ساتھ سپورٹ دکھاتے ہوئے خواتین کو حوصلہ بھی دیا ہے کہ آپ اگر اٹھ کھڑی ہوں تو حالات میں‌بہتری آسکتی ہے.

پاکستان کے سینئر اداکارہ مصطفی قریشی نے حال ہی میں ایک انٹرویو دیا ہے اس میں انہوں نے بتایا ہے کہ 80 کی دہائی میں ان کی فلمیں سپر ہٹ جا رہی تھیں اور ان کی فلمیں نہ صرف پاکستان بلکہ بھارت میں بھی پسند کی جاتی تھیں. انہوں نے کہا کہ میں ایک بار لندن کسی کام سے گیا ، وہاں میں جس ہوٹل میں ٹھہرا تھا وہاں ایک کال آئی میں نے ریسیو کی میں نے ہیلو کہا تو آگے سے کسی نے کہا میں آپ سے ملنا چاہتا ہوں تو میں نے کہا کہ وہ تو ٹھیک ہے لیکن آپ ہیں کون اس نے کہا کہ میں دھرمیندر ہوں. اور میں آپ کا بہت بڑا مداح ہوں میں آپ سے ملنا چاہتا ہوں. میں نے ان سے

کہا کہ حکم کیجیے کہاں آنا ہے تو انہوں نے مجھے بلایا میں گیا تو میں کیا دیکھتا ہوں دھرمیندر اپنے گھر کے فٹ پاتھ پر کھڑے میرا انتظار رہے تھے جیسے ہی گاڑی رکی میں‌نکلا تو دھرمیندر نے مجھے گلے لگا لیا اور میرا حال پوچھنے لگے حال پوچھ کر کہا اک واری فیر گلے ملو میرا دل ہلے رجیا نئیں. دھرمیندر نے بتایا کہ وہ مجھے بطور اداکار بہت پسند کرتے ہیں اور نوری نت کا کردار انہیں بہت پسند ہے. مجھے بہت خوشی ہوئی اس ملاقات میں بہت ساری باتیں ہوئیں اور دھرمیندر نے مجھے کھانا بھی کھلایا اور ہمارا بہت اچھا وقت گزرا.

سینئر اداکارہ مصطفی قریشی جنہوں نے 1979 میں ریلیز ہونے والی فلم مولا جٹ میں نوری نت کا کردار ادا کیا تھا. مصطفی قریشی نے اس کردار کو اس قدر خوبصورت انداز میں نبھایا کہ اج تک ان کے مداح انکی اس پرفارمنس کو یاد رکھے ہوئے ہیں یہاں تک کہ آج کی نوجوان نسل بھی مصطفی قریشی کو نوری نت کے کردار میں سراہتی ہے. مولا جٹ میں سلطان راہی نے کردار ادا کیا تھا وہ اس دنیا میں نہیں‌ہیں لہذا دا لیجنڈ آف مولا جٹ کے پریمئیر پر صرف مصطفی قریشی ہی شرکت کر سکے. مصطفی قریشی نے جب یہ فلم دیکھی تھی تو کہا تھا کہ فلم میں‌فواد خان اور حمزہ علی

عباسی نے بہت اچھی پرفارمنس دی ہے.انہوں نے یہ بھی کہا کہ تھا کہ آج کے نوجوان آرٹسٹ خاصے باصلاحیت ہیں مجھے امید ہے کہ دا لیجنڈ‌آف مولا جٹ‌ سو کروڑ کا بزنس کریگی بلکہ انہوں نے تو یہاں تک کہا تھا کہ یہ فلم سو نہیں دو سو کروڑ کا بزنس کریگی. اور مصطفی قریشی کی یہ بات پوری ہو گئی ہے اور فلم نے دو سو کروڑ سے اوپر کا بزنس کر لیا ہے. یوں دا لیجنڈ‌آف مولا جٹ پاکستان کی پہلی دو کروڑ کرنے والی فلم بن گئی ہے. اور اس فلم کی ٹیم خاصی خوش ہے اور مزید کام کرنے کے لئے پرجوش ہے.

اداکارہ و گلوکارہ میشا شفیع جو اکثر خبروں میں رہتی ہیں. کافی عرصے سے میشا اداکاری سے زیادہ گلوکاری پر توجہ دئیے ہوئے ہیں. رواں برس ہمایوں سعید کی ریلیز ہونے والی فلم لندن نہیں جائونگا میں میشا شفیع نے ایک گیت (ساڈے نی ویہیڑے اچ چانن ماہی دا) گایا ، اس گیت کو کافی پذیرائی ملی. میشا شفیع کے بھائی فارس شفیع کی حال ہی میں فلم دا لیجنڈ آف مولا جٹ ریلیز ہوئی ہے اس کے پریمئیر پر میشا نے لاہور میں شرکت کی. انہوں نے اس وقت باغی ٹی وی کے شوبز رپورٹر کو بتایا تھا کہ وہ بہت جلد ہالی وڈ کے پراجیکٹ میں نظر آ رہی ہیں . اس پراجیکٹ کی انہوں نے اس وقت تفصیلات بتانے

سے منع کر دیا تھا لیکن اب اس پراجیکٹ کی تفصیلات سامنے آ گئی ہیں. تفصیلات کے مطابق میشا شفیع اسٹینڈ اپ کامیڈین حسن منہاج اور امریکن ایکٹر ایلیشیا سلوراسٹون کے ساتھ ایک فلم میں جلوہ گر ہو رہی ہیں. فلم کی کہانی سچے واقعات پر مبنی ہے۔کہا جا رہا ہے کہ میشا شفیع اس میں ایک لڑکے کی ماں کا کردار کررہی ہیں. یاد رہے کہ میشا شفیع کی یہ پہلی ہالی وڈ فلم نہیں‌ ہے اس سے پہلے بھی ہالی وڈ فلموں میں اپنی اداکاری کے جوہر دکھا چکی ہیں. میشا کو بطور گلوکارہ اور اداکارہ بہت پسند کیا جاتا ہے.

بالی وڈ میں متعدد فلموں کی ہدایت کاری کرنے والے تجربہ کار ہدایت کار شیو کمار کھرانہ کاممبئی کے ایک اسپتال میں انتقال ہوگیا ہے۔بڑھتی عمر کے سبب وہ مختلف بیماریوں میں‌مبتلا تھے دوران علاج ہی وہ 83 سال کی عمر میں دنیا چھوڑ گئے ہیں.شیو کمار کھرانہ نے بہت بہترین فلمیں بنائیں جو فلمیں انہوں نے بنائیں ان میں مٹی اور سونا، بدنام، بدکار، بڈ نصیب ، آبرو ہو، اور سون کی زنجیر کے نام قابل زکر ہیں. شیو کمار کھرانہ ہی پہلے فلم ساز تھے جنہوں نے بالی وڈ کے مشہور اداکار ونود کھنہ کو بطور ہیرو سائن کیا۔ ونود کھنہ بعد میں ایک بڑے ہیرو بن کر ابھرے لیکن انہیں ہیرو کے طور پر متعارف کروانے والے شیو کمار ہی تھے.شیو کمار کھرانہ کے انتقال کے بعد بالی وڈ کی کئی مشہور شخصیات نے اپنے تعزیتی پیغامات

سوشل میڈیا پر لکھے۔ بگ باس کا تیسرا سیزن جیت کر انٹرٹینمنٹ انڈسٹری میں شہرت حاصل کرنے والے ٹیلی ویژن اداکار وندو دارا سنگھ نے بھی کھرانہ کو دلی خراج عقیدت پیش کیا۔ انہوں نے ٹویٹر پر لکھا، "حیرت انگیز روح خدا ان کے خاندان کو یہ ناقابل تلافی نقصان برداشت کرنے کی طاقت دے”۔ یاد رہے کہ شیو کمار کھرانہ کے کام کرنے کا انداز خاصا منفرد تھا انہوں نے جتنی بھی فلمیں‌بنائیں وہ یادگار ہیں اور بڑے اور نامور ہیروز نے ان کے ساتھ کام کیا.