Category: شوبز

بالی ووڈ کے معروف اداکار اور مسٹر پرفیکشنسٹ کہلائے جانے والے عامر خان کی زندگی میں ایک نئی تبدیلی آئی ہے۔

بھارتی میڈیا کی رپورٹس کے مطابق، 59 سالہ عامر خان ایک مرتبہ پھر محبت میں گرفتار ہو گئے ہیں اور یہ محبت ایک خاتون سے ہے جن کا تعلق بنگلور سے بتایا جا رہا ہے۔ذرائع کے مطابق، عامر خان نے حال ہی میں اپنی نئی ساتھی کو اپنے پورے خاندان سے متعارف کروا دیا ہے۔ یہ ملاقات خوشگوار رہی اور خاندان کے افراد نے ان کو خوش آمدید کہا۔ تاہم، اس حوالے سے عامر خان کی جانب سے ابھی تک کوئی باضابطہ بیان سامنے نہیں آیا ہ

عامر خان کی ذاتی زندگی کی بات کی جائے تو ان کی پہلی شادی رینا دتہ سے 1986 میں ہوئی تھی، لیکن یہ رشتہ 2002 میں ختم ہو گیا۔ اس کے بعد، 2005 میں عامر خان نے فلم ساز کرن راؤ سے شادی کی، لیکن یہ تعلق بھی زیادہ عرصہ قائم نہ رہ سکا اور 2021 میں دونوں کے درمیان طلاق ہوگئی۔عامر خان کی پہلی شادی سے دو بچے ہیں؛ بیٹا جنید خان جو کہ اداکار بننے کی خواہش رکھتے ہیں اور بیٹی ایرا خان۔ دوسری شادی سے ان کا ایک بیٹا آزاد خان ہے۔

عامر خان کی ذاتی زندگی ہمیشہ میڈیا کی توجہ کا مرکز رہی ہے اور اب تیسری بار محبت میں گرفتار ہونے کی خبریں یقیناََ ان کے مداحوں کے لئے ایک نیا چمکتا پہلو ہیں۔عامر خان کی ذاتی زندگی اور ان کے کیریئر پر نظر رکھنے والے اب یہ دیکھیں گے کہ یہ نیا رشتہ ان کی زندگی میں کس طرح کی تبدیلیاں لے کر آتا ہے۔

حکومتی نمائندوں کا پیکا قانون سازی پر جلد بازی کا اعتراف

وزیراعلی پنجاب نے زرعی ٹیوب ویل کی سولرائزیشن پراجیکٹ کا افتتاح کردیا

بالی وڈ کے معروف اداکار سلمان خان کی منہ بولی بہن، شویتا روہیرا، ایک خوفناک حادثے کا شکار ہو گئی ہیں۔

شویتا روہیرا نے اپنے انسٹاگرام اکاؤنٹ پر اس حادثے سے متعلق تفصیلات اور اپنی کچھ تصاویر شیئر کیں، جن میں وہ اسپتال کے بستر پر نظر آ رہی ہیں۔شویتا روہیرا نے سوشل میڈیا پر اپنے جذبات کا اظہار کرتے ہوئے لکھا، "زندگی حیران کن واقعات سے بھری ہوئی ہے۔ ایک لمحے آپ ‘کل ہو نہ ہو’ گنگنا رہے ہوتے ہیں، اور اگلے ہی لمحے زندگی آپ کو ایک موٹر سائیکل بھیج دیتی ہے۔ میں نے خود کو چلنے کی بجائے اڑتے ہوئے پایا۔” انہوں نے مزید کہا کہ حادثے میں ان کی کوئی غلطی نہیں تھی اور انہوں نے اس دوران خود کو شدید درد اور تکلیف میں پایا۔شویتا نے اپنی حالت کے بارے میں مزید لکھا، "ٹوٹی ہوئی ہڈیاں، زخم اور کئی گھنٹے بستر پر لیٹنا میری فہرست میں شامل نہیں تھا، مگر شاید قسمت نے چاہا کہ مجھے صبر کرنے کی ضرورت ہے۔”انہوں نے یہ بھی کہا کہ کبھی کبھار زندگی ہمیں دوبارہ مضبوط بنانے کے لیے ہمیں توڑ دیتی ہے۔

بھارتی میڈیا کے مطابق، شویتا روہیرا کا سلمان خان کے ساتھ گہرا تعلق ہے اور وہ ان کی منہ بولی بہن ہیں۔شویتا روہیرا کی شادی 2014 کے آخر میں بالی وڈ اداکار پلکت سمراٹ سے ہوئی تھی، تاہم ایک سال بعد ہی دونوں میں علیحدگی ہو گئی تھی۔ اس کے بعد پلکت سمراٹ نے گزشتہ سال اداکارہ کریتی کھربنڈا سے شادی کر لی تھی۔شویتا روہیرا کے حادثے کے بعد ان کے دوست اور مداح ان کی جلد صحت یابی کے لیے دعا گو ہیں۔

واشنگٹن فضائی حادثہ،بھارتی نژاد خاتون،دولہا پائلٹ،سکیٹنگ چیمپئنز سمیت دیگر ہلاک

کراچی جانے والی ٹرین شاہدرہ میں حادثے کا شکار

پاکستان آ کر اپنے نئے خوابوں کو حقیقت میں بدلنے اور حلوہ پوڑی کھانے کی خواہش رکھنے والی بھارتی آئٹم گرل راکھی ساونت کا دل ٹوٹ گیا ہے۔ پاکستانی نوجوان اداکار اور بزنس مین دودی خان نے راکھی کو شادی کے لئے پرپوز کرنے کے بعد اچانک انکار کر دیا ہے۔

دودی خان نے جمعرات کی رات اپنے انسٹاگرام پر ایک ویڈیو شیئر کی جس میں انہوں نے واضح کیا کہ وہ راکھی ساونت کے ساتھ شادی نہیں کریں گے۔ دودی خان نے اس ویڈیو میں کہا کہ کچھ دن پہلے سوشل میڈیا پر انہوں نے راکھی ساونت کو پرپوز کیا تھا، کیونکہ وہ انہیں اچھی طرح جانتے ہیں اور ان کی شخصیت بہت پسند کرتے ہیں۔ انہوں نے کہا کہ راکھی نے زندگی میں بہت مشکلات کا سامنا کیا ہے، ان کے والدین کا انتقال ہو چکا ہے، اور انہوں نے اسلام قبول کیا، عمرہ کیا اور اپنا نام فاطمہ رکھ لیا۔ دودی خان نے راکھی کی زندگی کے ان تمام پہلوؤں کی تعریف کی، جس کی وجہ سے انہیں پرپوز کرنے کا فیصلہ کیا۔تاہم، دودی خان نے اس ویڈیو میں بتایا کہ انہیں اس فیصلے کے بعد بہت سارے منفی پیغامات اور ویڈیوز موصول ہوئے، جس کے باعث وہ اس بات کا بوجھ نہیں اٹھا پائے۔ انہوں نے کہا کہ راکھی ان کی بہت اچھی دوست ہیں اور وہ ہمیشہ رہیں گی، مگر وہ ان سے شادی نہیں کر پائیں گے۔ انہوں نے وعدہ کیا کہ وہ راکھی کی شادی اپنے کسی بھائی سے کروا دیں گے اور وہ پاکستان کی بہو بنیں گی۔

راکھی ساونت نے دودی خان کی ویڈیو پر ردعمل دیتے ہوئے کمنٹس میں آنسو بھری آنکھوں اور ٹوٹے دل والے ایموجیز چھوڑے، جو ان کی مایوسی اور دل شکنی کو ظاہر کرتے ہیں۔ ان کے مداحوں نے بھی اس ویڈیو پر سخت ردعمل دیا اور سوال کیا کہ دودی خان نے راکھی کے جذبات کو کیوں ٹھیس پہنچائی۔ ایک مداح نے کہا کہ دودی خان کو پہلے سوچنا چاہیے تھا اور دوسروں نے افسوس کا اظہار کرتے ہوئے کہا کہ یہ بہت افسوسناک ہے، اور ان دونوں کو میڈیا کی پرواہ کیے بغیر شادی کر لینی چاہیے۔

راکھی ساونت کی شادی پہلے عادل خان درانی سے ہوئی تھی، مگر 2023 میں دونوں نے علیحدگی کا فیصلہ کیا۔ اس سے پہلے راکھی نے رتیش راج سنگھ سے بھی شادی کی تھی اور دونوں بگ باس 15 میں شریک ہوئے تھے، مگر فروری 2022 میں ان کا رشتہ بھی ختم ہو گیا تھا۔

پاکستانی لڑکے سے شادی کیلیے کراچی آئی امریکی خاتون کی واپسی کے لئے شرط

واشنگٹن فضائی حادثہ،پاکستانی خاتون بھی جاں بحق