Category: شوبز

مشہور فلمساز اور پروڈیوسر ایکتا کپور اور ان کی والدہ شوبھا کپور قانونی مشکل میں پھنس گئی ہیں۔رپورٹس کے مطابق ایکتا اور ان کی والدہ نے
ویب سیریز ‘XXX’ کا سیزن ٹو او ٹی ٹی پلیٹ فارم پر ریلیز کیاہے.اس ویب سیریز کا پہلا سیزن 2018 میں ریلیز ہوا تھا جبکہ دوسرے کا پریمیئر جنوری 2020 میں ہوا تھا۔ ایکتا کپور اور ان کی والدہ شوبھا کپور پر الزام ہے کہ انہوں نے ویب سیریز ‘XXX’ سیزن ٹو میں ایک فوجی کی بیوی سے متعلق کئی قابل اعتراض مناظر دکھائے ہیں. اس حوالے سے شکایت عدالت تک بھارت کے ایک سابق فوجی اور بیگوسرائے کے رہائشی شمبھو کمار لیکر گئے تھے. اس شکایت کے بعد عدالت نے ایکتا کپور اور انکی والدہ کو سمن جاری کیا تھا اور انہیں اس معاملے میں عدالت کے سامنے پیش ہونے کو کہا تھا۔

ان دونوں نے عدالت سے کہا کہ انہوں نے فلم سے بہت سارے قابل اعتراض سین ہٹا دئیے ہیں لیکن حقیقت میں انہوں نے ایسا کیا نہیں‌تھا. اس کے بعد عدالت نے انہیں پھر سے پیش ہونے کو کہا اس کے بعد ان کے وارنٹ گرفتاری جاری کر دئیے گئے.
یاد رہے کہ "XXX ویب سیریز کی ہر قسط ایک مختلف کہانی کو پیش کرتی ہے جو جنسی تعلقات کے مختلف پہلوؤں کے گرد گھومتی ہے۔ ایکتا کپور ایک کامیاب پرڈیوسر ہیں جنہوں نے ٹی وی کے لئے لاتعداد سپر ہٹ ڈرامے بنائے اور فلمٰں بھی بنائیں.

بھارتی سینما کی خوبصورت اور باصلاحیت اداکارہ آشا پاریکھ کو ہندی سینما میں گرانقدر خدمات کےلئے ہندوستان کا سب سے بڑا فلمی اعزاز دادا صاحب پھالکے ایوارڈ دیا جائے گا۔بھارتی وزیر انوراگ ٹھاکر نے اپنے ٹوئٹر ہینڈل پر اس حوالے سے ایک ٹویٹ کے زریعے تصدیق کی ہے کہ آشا پاریکھ کو داد صاحب پھالکے ایوارڈ سے نوازا جائیگا.پچھلے برس اداکار رجنی کانت کو 2019 کے دادا صاحب پھالکے ایوارڈ سے نوازا گیا تھا، کورونا کی وجہ سے ایوارڈز میں ایک سال کی تاخیر ہوئی تھی۔آشا پاریکھ کو دادا صاحب پھالکے ایوارڈ دئیے جانے پر اداکار دھرمیندر نے ٹویٹرپر ایک وڈیو لگا کر انہیں مبارکباد دی اور کہا کہ آشا آپ اس ایوارڈ کی حقدار ہو.

یاد رہے کہ آشا پاریکھ نے اپنے کیریئر کا آغاز بطور چائلڈ آرٹسٹ اسکرین نام بے بی آشا پاریکھ سے کیا۔ مشہور فلم ڈائریکٹر بمل رائے نے ایک اسٹیج تقریب میں ان کا رقص دیکھا اور انہیں دس سال کی عمر میں فلم ماں (1952) میں کاسٹ کیا اور پھر انہیں فلم باپ بیٹی (1954) میں کاسٹ کیا. آشا نے کچھ سال کےلئے اداکاری چھوڑ کر پڑھائی پر توجہ دی اور پھر 16 سال کی عمر میں انہوں نے دوبارہ اداکاری شروع کی اور بطور ہیروئین اپنے کیرئیر کا آغاز کیا، انہوں نے اپنے کیرئیر میں کافی اتار چڑھائو بھی دیکھے. فلم پروڈیوسر سبودھ مکھرجی اور مصنف ہدایت کار ناصر حسین نے انہیں دل دے کے دیکھو (1959) میں شمی کپور کے مقابل ہیروئن کے طور پر کاسٹ کیااس فلم نے انہیں سپر سٹار بنا دیا اس کے بعد انہوں نے پیچھے مڑ کر نہ دیکھا.

رنبیر کپور بالی وڈ کے سب سے زیادہ پسند کیے جانے والے اداکاروں میں شمار ہوتے ہیں۔ انہیں فلم انڈسٹری میں آئے ہوئے تقریباً 15 سال ہوچکے ہیں، سانوریا ان کی پہلی فلم تھی۔ اپنے 15 سالہ فلمی کیرئیر میں انہوں نے کافی اتار چڑھائو دیکھے. انہوں نے ویک اپ سڈ، یہ جوانی ہے دیوانی، اے دل ہے مشکل، سنجو اور حال ہی میں برہمسٹرا جیسی فلموں میں اپنی اداکاری کے جوہر دکھائے ہیں.رنبیر کپور چالیس سال کے ہو گئے ہیں اور انہوں نے اپنی سالگرہ کو منانے کےلئے اپنی رہائش گاہ پر ایک پارٹی کا اہتمام کیا اس میں ان کے بالی وڈ کے دوستوں نے شرکت کی . جنہوں نے

شرکت کی ان میں کرن جوہر ، آیان مکھر جی ، شاہین بھٹ ، آدیتہ رائے کپور ، ڈارئیکٹر روہت دھون سمیت دیگر شامل تھے. رنبیر کپور کی سالگرہ پر ان کی والدہ نیتو کپور خاصی خوش دکھائی دے رہی تھیں. یاد رہے کہ رنبیر کپور نے اداکارہ عالیہ بھٹ کے ساتھ رواں برس اپریل میں شادی کی اور اب وہ باپ بننے والے ہیں. رنبیر کپور کی اسی ماہ فلم براہمسٹرا ریلیز ہوئی ہے جسے خاصی پذیرائی ملی ہے رنیبر اس فلم کی کامیابی کو انجوائے کررہے ہیں. اس فلم میں ان کے ساتھ ان کی اہلیہ عالیہ بھٹ بھی ہیں.

پاکستان اور انڈیا سمیت پوری دنیا میں مقبول گلوکار عاطف اسلم نے حال ہی میں احمد علی بٹ کو ایک انٹرویو دیا ہے اس میں انہوں نے انکشاف کیا ہے کہ ان کی آشا بھوسلے کے ساتھ صلح کیسے ہوئی. عاطف اسلم اور آشا بھوسلے ایک میوزک شو میں ساتھ تھے اور اس شوکو جج کیا تھا اس شو کے دوران عاطف اسلم اور آشا بھوسلے کی اکثر نوک جھوک ہوتی رہتی تھی اور ایکبار تو خاصی لڑائی ہو گئی تھی. یوں ان دونو‌ں کے تعلقات اچھے نہیں تھے لیکن عاطف بتاتے ہیں کہ یہ تعلقات اور لڑائی جھگڑا صرف اس بات پر ختم ہوا کیونکہ آشا بھوسلے کی بیٹی میری مداح تھیں . مجھے آشا بھوسلے نے ایک دن فون کرکے کہاکہ میری بیٹی تمہاری مداح ہے اور وہ مجھ سے ناراض ہو رہی ہے کہ میں تم سے کیوں لڑتی ہوں

یوں ہمارے درمیان کی تمام رنجیشیں صرف اس ایک وجہ سے ختم ہو گئیں اس کے بعد آشا بھوسلے کا رویہ میرے ساتھ ٹھیک ہوا گیا اور میں نے بھی جو کچھ سخت بولا تھا اسکو بھی آشا بھول گئیں. یاد رہے کہ عاطف اسلم کو بھارت میں بہت زیادہ پسند کیاجاتا ہے لیکن وہاں کے گلوکاروں‌کو عاطف اسلم کی شہرت ہضم نہیں ہوتی عاطف اسلم کے خلاف وہاں کے مشہور گلوکار ابھیجیت بھی بول چکے ہیں لیکن عاطف اس کے باوجود وہاں کے میوزک ڈائریکٹرز کی اولین چوائس ہیں.

پاکستانی اداکارہ میرا جو ہر وقت کنٹرورسیز میں گھری رہتی ہیں اپنی ہی باتوں کی وجہ سے انہوں نے حال ہی میں انسٹاگرام پر ایک وڈیو جاری کی ہے جس میں وہ بالی وڈ اداکارہ کترینہ کیف کی بہن ازبیل کیف کا شکریہ ادا کررہی ہیں میرا ازبیل کی شکرگزار اس لئے ہیں کیونکہ بقول میرا کہ کترینہ کیف کی بہن ازبیل نے لاک ڈائون کے دوران ان کی بہت مدد کی اور خصوصی طور پر اس لئے بھی شکرگزار ہیں کیونکہ ازبیل نے میرا اور ان کے ڈائریکٹر قاسم کو دبئی میں لوکیشنز کےلئے اجازت دلوائی. میرا نے اس وڈیو میں یہ تفصیلات نہیں بتائیں کہ وہ کس فلم کی بات کررہی ہیں اور اس

فلم میں کون کون ہے لیکن اتنا ضرور کہا ہے کہ بہت جلد ازبیل اور میں فلم میں ایکساتھ ضرور کام کریں گے. یاد رہے کہ میرا بعض اوقات ایسا بیان دے دیتی ہیں جس کا حقیقت سے کوئی تعلق نہیں ہوتا اور بعض اوقات تو وہ اپنے ہی بیان سے مکر بھی جاتی ہیں. حال ہی میں وہ کیپٹن نوید کے ساتھ طلاق کے حوالے سے تھیں خبروں میں کیونکہ انہوں نے خود ہی اعتراف کر لیا کہ ان کی اور کیپٹن نوید کی طلاق ہو چکی ہے. تاہم کیپٹن نوید یا انکی فیملی نے یہاں تک کہ میرا کی فیملی نے بھی اس حوالے سے کوئی بات نہیں کی .

اداکارہ بشری انصاری 66 برس کی ہیں لیکن آج بھی وہ ینگ نظر آتی ہیں ان کے چہرے کی تازگی برقرار ہے اور جھریاں نظر نہیں آتیں. بشری انصاری نے خود کو کافی اچھا مین ٹین رکھا ہوا ہے اور یہ چیز دیکھ کر کئی لوگ ہوجاتے ہیں‌حیران کہ آخر بشری انصاری نے خود کو کس طرح سے اتنا فٹ رکھا ہوا ہے اور کیسے ان کے چہرے کی تازگی برقرار ہے.اس حوالے سے بشری انصاری نے پہلی بار بات کی ہے. انہوں نے کہا ہے کہ میں‌بڑھتی ہوئی عمر کے جلد پر اثرات کو کم کرنے کے لئے اینٹی ایجنگ انجیکشنز کا استعمال کرتی ہوں اور میں سکن کا ٹریٹمنٹ شائستہ لودھی سے

کرواتی ہوں. انہوں نے کہا کہ میں ہر دس دن کے بعد انجیکشن لگواتی ہوں. یاد رہے کہ بشری انصاری جو انجیکشنز لگواتی ہیں ان سے ان کی سکن نہ صرف تروتازہ نظر آتی ہے بلکہ ان کی عمر بھی کم لگتی ہے. بشری انصاری نے یوں کھل کر خلاصہ کر دیا ہے کہ وہ آج بھی اتنی جوان کیسے نظر آتی ہیں. بشری انصاری کا شمار پاکستان کی ان اداکارائوں میں ہوتا ہے جو ورسٹائل ہیں بشری انصاری اداکارہ ہونے کے ساتھ ساتھ گلوکارہ بھی ہیں بہت اچھا گاتی بھی ہیں . ان کی فنی صلاحیتوں کو گورنمنٹ کے لیول پر بھی سراہا جا چکا ہے.

پاکستان کے ایک مقامی چینل پر تماشا گھر کے نام سے ایک رئیلٹی شو چل رہا ہے، اس شو میں جہاں دیگر پارٹیسیپینٹس ہیں وہیں اداکار رئوف لالہ بھی ہیں. رئوف لالہ پاکستان سمیت بھارت میں بھی مقبول ہیں اب اس شو کا فائنل ہونے جا رہا ہے اور ہر کوئی اپنے پسندیدہ فنکار کو ووٹ دینے کی اپیل کررہا ہے. بھارتی سنگھ بھی اپنے پسندیدہ فنکار اور دوست کو سپورٹ کرنے آ گئی ہیں میدان میں انہوں نے ایک وڈیو بنا کر اپیل کی ہے کہ روئوف لالہ جو کہ رئیلٹی شو تماشا گھر میں موجود ہیں ان کو سپورٹ کریں ان کو جتوائیں ان کو زیادہ سے زیادہ ووٹ دیں. بھارتی سنگھ نے یہ بھی کہا کہ تماشا گھر

میں رئوف لالہ مزے مزے کے تماشے کرکے ہم سب کو اینٹرٹین کررہے ہیں ہم چاہتے ہیں کہ یہ مزید تماشے کریں اور ہمیں اینٹرٹین کریں. بھارتی سنگھ کے علاوہ کامیڈین کرشنا ابھیشیک نے بھی ایک وڈیو بنا کر اپیل کی ہے کہ تماشا گھر میں موجود رئوف لالہ کو زیادہ سے زیادہ ووٹ دیں اس شو میں روئف لالہ دیکھنے والوں کو اینٹرٹین کررہے ہیں .میں ذاتی طور پر رئوف لالہ کا مداح ہوں میں آپ سب سے گزارش کرتا ہوں کہ انہیں شو میں ووٹ کے معاملے میںسپورٹ کیا جائے اور ان کے لئے اتنے زیادہ سے زیادہ ووٹ کریں تاکہ یہ شو جیت سکیں اور انکی جیت ہم سب کی جیت ہے.

سپر سٹار فواد خان نے ایک مقامی چینل کو انٹرویو دیتے ہوئے کہا ہےکہ ان کی فلم دا لیجنڈ آف مولا جٹ لوگوں کے زہنوں پر نقش ہوجائیگی اور لوگ کافی برسوں تک اس فلم کو یاد رکھیں گے. انہوں نے کہا کہ دعوی کوئی نہیں لیکن یہ ضرور کہہ سکتا ہوں کہ جب تک فلم ختم نہیں ہوجائیگی شائقین اپنی سیٹوں سے نہیں اٹھیں گے. انہوں نے بتایا کہ انہوں نے جس گنڈاسے کو پکڑا وہ اتنا بھاری تھا کہ اٹھانا مشکل تھا اس گنڈاسے کو پکڑ کر ریہرسل کرنا ، سین اوکے کروانا ایکشن کرنا اتنا آسان نہ تھا. فواد خان نے اسی انٹرویو میں کہا کہ میں اپنی فلم کے بارے میں

دعوے کرنا پسند نہیں کرتا. فلم کیسی ہے یہ شائقین فیصلہ کریں گے میں اب شائقین کے ریویو کا منتظر ہوں. فواد خان نے مزید کہا کہ مجھے پنجابی بولنی نہیں آتی تھی لیکن فلم کےلئے سیکھی اور کیسی بولی ہے یہ آپ دیکھ کر مجھے بتائیے گا ہم نے تو جو کرنا تھا کر لیا اب آپ سب نے فیصلہ کرنا ہےکہ ہم نے کیسا کام کیا.ایک سوال کے جواب میں فواد خان نے کہا کہ فلم میں گانے نہیں ہیں ماسوائے ایک سپیشل سانگ کے. یاد رہے کہ فلم دا لیجنڈ آف مولا جٹ میں فواد خان ، حمزہ علی عباسی کے علاوہ ماہرہ خان عمائمہ ملک ، گوہر رشید و دیگر اہم کردار ادا کررہے ہیں.

شان شاہد کی فلم ”ضرار” جسے 2020 میں ریلیز ہونا تھا لیکن کورونا کی وجہ سے ابھی تک تاخیر کا شکار چلی آرہی تھی. ابھی بھی اس سال اس فلم کی ریلیز کی دو تین تاریخیں تبدیل ہو چکی ہیں. ٔپہلے فلم کی ریلیز اسی برس اکتوبر میں ہونا تھی لیکن شان شاہد نے سیلاب کی وجہ سے ایک بار پھر ریلیز کی تاریخ آگے کر دی اب فلم نومبر کے مہینے میں ریلیز ہونے جا رہی ہے. نومبر میں ریلیز ہونے والی ضرار کی اب پروموشنز کا باقاعدہ آغاز دو اکتوبر سے کیا جا رہا ہے. شان شاہد اس فلم کو لیکر کافی پر امید ہیں دوسری طرف شان شاہد کے مداح بھی ضرار کے

لئے کافی پرجوش ہیں. فلم کا ٹریلر کافی پسند کیا گیا ہے اور ایسا محسوس ہوتا ہے کہ جیسے یہ ہالی وڈ کی فلم ہے. فلم کے مرکزی کرداروں میں کرن ملک، شان شاہد، نیئراعجاز، ندیم بیگ اوردیگراہم کردار ادا کررہے ہیں جبکہ ضرار کی کہانی شان نے خود لکھی ہے۔اس فلم میں شان شاہد کو ضرار کے روپ میں دکھایا گیا ہے، جو ایک سابق آئی ایس آئی ایجنٹ ہے جو پاکستان کے اندرونی اور بیرونی دشمنوں کے خلاف خدمت میں واپس آتا ہے۔شان اپنے ٹویٹر اکائونٹ سے اس فلم کے پرموشن کررہے ہیں اور فلم کے پوسٹر جاری کررہے ہیں.