Category: شوبز

اس سال جو فنکار جوڑے بہت زیادہ خبروں میں رہے صدف کنول اور شہروز سبزواری ان میں سے ایک ہیں. صدف کنول کے گھر بیٹی کی ولادت کے بعد صدف اور بھی زیادہ رہیں خبروں میں. صدف کنول کے گھر بیٹی کی ولادت ہوئی تو اس موقع پر ان کے شوہر کی پہلی بیٹی بھی موجود تھی ان کی پہلی بیٹی اداکارہ سائرہ یوسف سے ہے. صدف کنول اور شہروز کی خوشی کو منانے کےلئے ان کے ساتھ فنکار ان کے گھر آرہے ہیں. حال ہی میں سینئر اداکارہ صبا فیصل نے اپنی ماڈل و اداکارہ بیٹی سعدیہ فیصل کے ساتھ صدف اور شہروز کے گھر کا رخ کیا وہ دونوں صدف کی بیٹی ذھری کو دیکھنے کےلئے گئیں تھیں . اس دوران ان

سب نے تصاویر بھی لیں اور ان تصاویر میں صدف کنول کی ساس بھی دیکھی جا سکتی ہے سب کے چہروں کی خوشی دیدنی ہے.سوشل میڈیا پر اس ملاقات کی تصاویر وائرل ہو رہی ہیں یاد رہے کہ سعدیہ فیصل ایک ماڈل رہی ہیں صدف بھی ماڈل ہیں لہذا ایک پروفیشن کی وجہ سے بھی ان کی دوستی خاصی زیادہ ہے. سعدیہ اور صبا فیصل سے پہلے زارا نور عباس اور ان کے شوہر اسد صدیقی ، مہرین سید و دیگر فنکار صدف کنول سے ملنے پہنچے ان گھر پر اور ان کے ساتھ ان کی اس خوشی کو شئیر کیا.

جب سے پاکستان سیلاب کی زد میں آیا ہے ہر کوئی اپنے تائیں جتنا ہو سکے سیلاب زدگان کی مدد کر رہا ہے. اور آرٹسٹ برادری اس میں سب سے زیادہ بڑھ چڑھ کر حصہ لے رہی ہے . آرٹسٹ پوری دنیا میں جا کر فنڈز اکٹھے کررہے ہیں تاکہ ملک واپس آکر اپنے بہن بھائیوں کی مدد کر سکیں، چونکہ فنکاروں کے ساتھ گلمیر جڑا ہوتا ہے اس لئے اگر وہ کہیں سجے سنورے نظر آجائیں تو سوشل میڈیا پر ان کو ٹرول کیا جاتا ہے ایسا ہی ہورہا ہے کہ ہم ایوارڈز میں شرکت کرنے والے فنکاروں کے ساتھ. ماہرہ خان خاصی آئی ہوئی ہیں تنقید کی زد میں . ان پر ایک کالمسٹ نے تنقید کی جس پر ماہرہ نے انہیں کہا کہ آپ اپنا کام کریں میں اپنا کام کررہی ہوں میں بس دکھاوا نہیں کررہی اگر تصویر لگائوں گی تو کہہ دیا

جائیگا دکھاو کررہی ہے. ماہرہ خان کے اس ٹویٹ کے بعد اداکارہ و میزبان میرا سیٹھی نے دیا سوشل میڈیا پر ماہرہ خان کا ساتھ اور انہوں نے لکھا کہ ماہرہ میں آپ کے ساتھ ہوں ، میں جب بلوچستان میں امدادی کام کررہی تھی تو مجھے یہ ہوتا تھا کہ تصویر بنا کر لگائی تو لوگ کہیں گے دکھاوا کررہی ہے میں ڈر ڈر کر فوٹو شئیر کرتی تھی ، میں جانتی ہوں کہ ماہرہ خان ہوں یا دیگر فنکار سب سیلاب متاثرین کے لئے فنڈز اکٹھے کررہے ہیں ، فرق بس یہ ہے کہ فنکار اسکی تشہیر نہیں کرتے. یوں نجم سیٹی کی بیٹی میرا سیٹھی نے ماہرہ خان کا ساتھ دیکر ٹرول کرنے والوں کا منہ بند کیا.

ہم ایوارڈز کو ہوئے بھی ایک ہفتہ گزرنے کو ہے لیکن ان پر تنقید ختم ہونے کا نام ہی نہیں لے رہی. نہ ہی سٹارز کو بخشا جا رہا ہے. ماہرہ خان ہم ایوارڈز میں کالے رنگ کے جوڑے میں ملبوس تھیں اور کافی دلکش لگ رہی تھیں اس پر ڈان کی کالمسٹ رفیعہ زکریا نے لکھا کہ ” جانتے ہو کہ افسوسناک کیا ہے؟ پاکستانی ٹی وی ڈرامے کے ستارے ٹورنٹو کے مضافاتی علاقے کے کسی کونے میں چھوٹے سے ریڈ کارپٹ پر بین الاقوامی مشہور شخصیات ہونے کا بہانہ کر رہے ہیں۔ ان کے اس ٹویٹ کے حق میں اینکر پرسن مدیحہ مسعود نے لکھا کہ ”اس لباس کو ایک ہی تقریب کے لیے 4

مختلف رنگوں میں پہنا گیا نیلا، سرخ سبز اور سیاہ” اس پر رفیعہ زکریا نے لکھا کہ ”مجھے یقین ہے کہ ماہرہ چاروں کپڑے سیلاب زدگان کے لیے عطیہ کرے گی اور سب کچھ ٹھیک ہو جائے گا”. رفیعہ زکریا کی پوسٹ پر ماہرہ خان نے کرارہ جواب دیا اور کہا کہ میں اپنے حصے کا کام کررہی ہوں اور کرتی رہوں گی اگر آپ کی خوشی اس میں ہے کہ میں اس کام کے دوران تصاویر لوں تو ٹھیک ہے لے سکتی ہوں لیکن پھر یہ ایشو ہو گا کہ ہم دکھا وا کررہے ہیں اور پھر بھی کبھی نہ ختم ہونے والے غیر مہذب انداز میں تبصرے ہورتے رہیں گے لہذا آپ اپنا کام کرو میں اپنا کام کروں گی.

بالی وڈ اداکار دھرمیندر اور دلیپ کمار کی دوستی کتنی گہری رہی ہے یہ تو سب جانتے ہیں صدیوں کے اداکار دلیپ کمار کا انتقال ہوچکا ہے لیکن دھرمیندر کی یادوں میں دلیپ آج بھی زندہ ہیں.دھرمیندر اکثر و بیش تر دلیپ کمار کی وڈیوز لگاتے رہتے ہیں ان کے بارے میں لکھتے رہتے ہیں. حال ہی میں انہوں نے ٹویٹر پر ایک وڈیو شئیر کی ہے وہ وڈیو ہے دلیپ کمار کی، اس وڈیو میں دلیپ کمار کہہ رہے ہیں مشرقی میوزک میں جذباتیت اور شاعری بہت زیادہ ہوتی ہے خصوصی طور پر شاعری بہت زیادہ اچھی ہوتی ہے . جب بھی اچھے لفظوں میں گائے ہوئے اچھے گیت یاد آتے ہیں تو ماضی کی پوری زندگی کی یاد آجاتی ہے اور اسکا اثر یاداشت سے زیادہ ہوتا ہے. اس وڈیو کے کیپشن میں دھرمیندر نے لکھا کہ اس کی

وضاحت کون کر سکتا ہے. اسی ٹویٹ کے ساتھ انہوں نے یہ بھی لکھا کہ ہم فطرت ہونے کا احساس ہوتا ہے کاش یہ دلکش انداز مجھے بھی نصیب ہوتا. یاد رہے کہ دلیپ کمار بھی دھرمیندر کی بہت تعریف کرتے تھے ایک ایوارڈ شو میں انہوں نے کہا تھا کہ جب بھی دھرمنیدر کو دیکھتا ہوں تو خدا سے کہتا ہوں کہ کیوں مجھے اس جیسا خوبصورت نہیں بنایا. دوسری طرف دھرمیندر کا کہنا ہے کہ انہوں نے دلیپ کمار کو دیکھ کر اداکاری کی شروعات کی.

دا لیجنڈ‌آف مولا جٹ جو کہ 13 اکتوبر کو سینما گھروں کی زینت بننے جا رہی ہے اس کی پرموشنز کا باقاعدہ آغاز کر دیا گیا ہے. حال ہی میں فواد خان اور حمز ہ علی عباسی کی ایک وڈیو سامنے آئی ہے جس میں دونوں ایکدوسرے کے ساتھ نوک جھوک کررہے ہیں. اس وڈیو میں ان دونوں سے ایک سوال کیا جاتا ہے کہ سکرین پر تو مولا اور نوری کی دشمنی دکھائی گئی ہے حقیقی زندگی میں فواد اور حمزہ کی آپس میں لگتی تو ہو گی نا اس پر فواد نے کہا ارے آپ کیا بات کرتے ہیں ایسی بات آڈینز کے سامنے کررہے ایسا بالکل نہیں ہے ہمارا فلم میں ویر ہے ویسے تو ہم فرینڈز ہیں. اس وڈیو میں ایک اور سوال کیا گیا کہ ناشتہ تو آپ لوگ اکٹھے ہی کرتے ہوں گے تو دونوں ایک ساتھ بول پڑے جس پر دونوں ایک دوسرے سے کہتے رہے کہ

پہلی آپ بولیں ، پہلے آپ بولیں . اس کے بعد فواد نے کہا کہ کھانے کا شوق بھی حمزہ آپ کو ، میک اپ میں بھی زیادہ وقت آپ کو لگتا تھا حالانکہ فلم کا ہیرو میں ہوں . اس پر حمزہ علی عباسی تھوڑے sad ہو جاتے ہیں لیکن پھر کہتے ہیں کہ لیکن پیارے افضل تو میں ہوں اس کے جواب میں فواد خان کہتے ہیں کہ کیا مطلب ہے کہ میں پیارا نہیں ہوں؟ نہیں نہیں اس بات کا مطلب کیا ہے یہ جو فزیک بنائی ہے میں نے ابھی فواد اتنا ہی کہتے ہیں تو حمزہ علی عباسی کہتے ہیں کہ میری فلم ہے پرواز ہے جنون ، فواد پھر کہتے ہیں کہ دو تین فلمیں کیا کر لیں‌دماغ ہی خراب ہو گیا ہے اس کا. اتنی دیر میں انٹرویو کرنے والا اٹھ کر چلا جاتا ہے جس پر فواد خان کہتے ہیں کہ سوال پوچھنے والا اٹھ کر چلا گیا ہے اب بتائیے اپنی فلموں کے بارے میں ، اس کے بعد دونوں کھل کھلا کر ہنس پڑتے ہیں. شائقین اس وڈیو سے بہت زیادہ محظوظ ہو رہے ہیں. ی ہوڈیو ہلکے پھلکے انداز میں فلم کی پرموشن کے لئے بنائی گئی ہے.

نعمان حبیب اور ان کی اہلیہ عاصمہ دونوں اداکار ہیں دونوں نے کم عمری میں شادی کر لی تھی. اس خوبصورت جوڑے نے حال ہی میں جیو ٹی وی کے شو ہنسنامنع ہے میں شرکت کی . میزبان کے سوالوں کے جواب دیتے ہوئے عاصمہ نعمان نے کہا کہ اگر نعمان کی شادی مجھ سے نہ ہوتی تو وہ صبا قمر سے شادی کر لیتے انہوں نے کہا کہ میرے شوہر کو اداکارہ صبا قمر بے حد پسند ہے. انہوں نے یہ بھی کہا کہ میرے شوہر بہت اچھے انسان ہیں اور بہت ہی اچھی عادات کے مالک ہیں اگر ان کی مجھ سے شادی نہ ہوئی ہوتی تو جو بھی لڑکی ان سے شادی کرتی وہ بہت ہی خوش رہتی.

دونوں میزبان کے سوالوں کے جواب مزے مزے سے دیتے رہے. یاد رہے کہ عاصمہ نعمان اور نعمان حبیب کے درمیان علیحدگی کی خبریں سوشل میڈیا پر گردش کرتی رہیں ہیں جس پر اداکارہ عاصمہ نعمان کو وڈیو ریکارڈ کرکے کلئیر کرنا پڑا کہ ایسی کوئی بات نہیں ہے ہم دونوں ایک دوسرے کے ساتھ بے حد خوش ہیں اور علیحدگی طلاق مارکٹائی کی خبروں میں کسی قسم کی صداقت نہیں ہے.انہوں نے یہ بھی کہا تھا کہ ہم پر خدا کی رحمت ہے لہذا ہمارے بارے میں غلط افواہیں نہ پھیلائی جائیں. اس جوڑے نے کیرئیر کے شروع میں ہی شادی کر لی تھی اور ان کے دو بچے ہیں.

عامر لیاقت کی سابقہ اہلیہ سیدہ طوبی انور نے اپنی طلاق کے بعد بہت کم انٹرویوز دئیے اور پبلکلی اپنی طلاق اور ناچاقی کے بارے میں بات نہیں کی. تاہم انہوں نے حال ہی میں ایک انٹرویودیا اس میں انہوں نے عورتوں پر تشدد کے حوالے سے کھل کر بات کی اور کیس ڈسکس کیا نور مقدم کا اور یہ بھی کہہ دیا کہ جو کچھ نور مقدم نے سہا اپنی زندگی میں میرے معاملات بھی ایسے ہی تھے. انہوں نے یہ بھی کہا کہ مرد جتنا بھی ظلم کرلے لیکن قصور وار عورت کو ہی ٹھہرایا جاتا ہے. نہ جانے ایسا کیوں ہے کہ ہمارے معاشرے میں کہ ہر جگہ ہر بار عورت ہی غلط نکلتی ہے. متھیرا جو

کہ سوشل میڈیا پر کافی ایکٹیو رہتی ہیں انہوں نے لے لیا طوبی انور کو آڑھے ہاتھوں اور کہا کہ عامر لیاقت اس دنیا سے چلے گئے ہیں اور جو مر جاتے ہیں ان کو معاف کر دینا چاہیے اور معاف کرنا سیکھو. انہوں نے یہ بھی لکھا کہ شوبز انڈسٹری میں عامر لیاقت ہی طوبی آپ کو لیکر آئے آپ کو ایک مرحوم شخص کے بارے میں اس طرح باتیں نہیں کرنی چاہیے یہ مناسب نہیں لگتا. اس بعد طوبی انور نے بھی کہا کہ متھیرا کی یہ تنقید بےجا ہے میں نے جو بھی کہا ہے اسکی ایک بیک گرائونڈ ہے اور میں متھیرا کے ساتھ ڈسکس کرنا چاہتی ہوں کچھ باتیں جو میں نے اگر کہی ہیں تو کیوں کہی ہیں. طوبی نے یہ بھی بتایا کہ انہوں نے متھیرا کو فون کالز کئے لیکن انہوں نے اٹینڈ نہیں کیا.

دا لیجنڈ آف مولا جٹ کی دیوانگی شائقین کے سر چڑھ کر بول رہی ہے پاکستان سمیت دنیا کے کئی ممالک میں یہ فلم نمائش پذیر ہورہی ہے. فلم کی ایڈوانس بکنگ بھی کئی جگہ پر شروع ہو چکی ہے پاکستان میں یکم اکتوبر کو ایڈوانس بکنگ کا آغاز ہو گا. اطلاعات یہ ہیں‌کہ دنیا کے کئی ممالک میں جہاں ایڈوانس بکنگ کا آغاز ہو چکا ہے وہاں دا لیجنڈ آف مولا جٹ کی ٹکٹیں ریلیز سے دو ہفتے پہلے ہی فروخت ہو چکی ہیں. کہا جا رہا ہے کہ ناورے میں تمام ٹکٹس بِک چکی ہیں یوں وہاں تو ہائوس فل کی رپورٹ ایڈوانس میں ہی مل گئی ہے اسی طرح‌ دیگر ممالک سے بھی

ایسی ہی رپورٹس آرہی ہیں اب دیکھنا یہ ہے کہ پاکستان میں ایڈوانس بکنگ کو کتنا ریسپانس ملتا ہے.یقینا اچھا ہی رپسپانس ہو گا کیونکہ نوجوان نسل خصوصی طور پر یونیورسٹیز اور کالجز میں تعلیم حاصل کرنے والے ینگسٹرز فلم دیکھنےکےلئے بےتاب ہیں. اس فلم کے ڈائریکٹر بلال لاشاری بہت پر امید ہیں ان کا کہنا ہے کہ انہوں نے ایک الگ چیز بنائی ہے یقینا شائقین پسند کریں گے. اسی طرح سے فواد خان کا بھی ایسا ہی ماننا ہے کہ شائقین سیٹوں سے نہیں اٹھیں گے اس فلم کا سحر ان کو پوری طرح سینما گھر میں جکڑ لے گا بلکہ جو ایک بار دیکھ کر جائے گا وہ دوبارہ بھی آئیگا.

امیشا پاٹیل اور عمران عباس کی چند ہفتے پہلے ایک ملاقات ہوئی اس ملاقات کی وڈیو بھی وائرل ہوئی اس میں دونوں‌کو خوش گپیاں کرتے دیکھا جا سکتا ہے. جب سے عمران عباس اور امیشا پاٹیل کی وڈیو منظرعام پر آئی ہے سوشل میڈیا پر مختلف قسم کے تبصرے کئے جا رہے ہیں کہیں کہا جا رہا ہے کہ دونوں کا افئیر ہے کہیں کہا جا رہا ہے کہ دونوں شادی کرنے والے ہیں. لیکن امیشا پاٹیل نے ان افواہوں پر اب بات کی ہے. امیشا پاٹیل نے کہا ہے کہ میں بھی افواہوں کو سنا ہے سوشل میڈیا پر جو لکھا جا رہا ہے اس کو بھی پڑھ رہی ہوں جب میں نے یہ سب پڑھا تو میں نے زور دار

قہقہ لگایا. حالانکہ میں تو اپنے ایک پرانے ساتھی سے ملی تھی وہ بھی کئی برسوں کے بعد. ہم دونوں کئی برسوں سے ایکدوسرے کو جانتے ہیں. میں تو تب سے عمران عباس کو جانتی ہوں جب سے ہم دونوں امریکہ میں ایک ساتھ پڑھتے تھے. اب کافی برس کے بعد ہم دونوں کسی ایونٹ پر ملے اور فیصلہ کیا کہ بعد میں دوبارہ ملاقات کریں گے بس جب ہم ملے تو ہم نے وڈیو بنائی اور اپنے مداحوں کے ساتھ شئیر کردی . اس میں ایسی کیا بات ہو گئی کہ افواہوں کا بازار گرم ہو گیا کہ ہم دونوں کے درمیان دوستی بڑھ کر کچھ ہے یا ہمارا افئیر چل رہا ہے.

1979 میں ریلیز ہونے والی فلم مولا جٹ کے مصنف نے ہی دا لیجنڈ آف مولا جٹ لکھی ہے اور اس کے مصنف کا نام ہے ناصر ادیب . ناصر ادیب نے کمال انداز میں مولا جٹ لکھی تھی اب دیکھنا یہ ہے کہ انہوں نے دالیجنڈ آف مولا جٹ کیسی لگی ہے اور شائقین نئی فلم سے کتنا متاثر ہوتے ہیں. ناصر ادیب کا کہنا ہے کہ جب انہیں بلال لاشاری نے اس فلم کو لکھنے کا آئیڈیا دیا تو انہوں نے فورا سے حامی بھری .ان کا یہ بھی کہنا ہےکہ یہ فلم پہلے والی فلم سے مختلف ہو گی. اب بہت سارے لوگوں کو یہ جاننے میں دلچپسی ہے کہ آخر ناصر ادیب نے مولا جٹ لکھنے کا کتنا معاوضہ لیا. تو

ناصر ادیب نے اپنے حالیہ انٹرویو میں بتایا ہےکہ مولا جٹ لکھنے کے مجھے پونے سات ہزار ملے تھے جبکہ دا لیجنڈ آف مولا جٹ لکھنے کے مجھے 15 لاکھ ملے ہیں . انہوں نے کہا کہ میں نے 10 لاکھ معاوضہ مانگا تھا جبکہ بلال نے مجھے 15 لاکھ دیا. ناصر ادیب کہتے ہیں کہ اس فلم کو دیکھ کر شائقین یقینا پرانی مولا جٹ کے سحر سے نکلیں گے اور ان کے لئے فیصلہ کرنا مشکل ہو گا کہ کونسی فلم زیادہ اچھی ہے. یاد رہے کہ فلم میں ماہرہ خان ، فواد خان ، حمزہ عباسی اور عمائمہ ملک اہم کردار ادا کررہے ہیں.