بالی ووڈ کے معروف اداکار سیف علی خان پر ہوئے حملے کے بعد وہ مسلسل خبروں کی زینت بنے ہوئے ہیں۔ حالیہ دنوں میں ان کی میڈیکل رپورٹ سامنے آئی ہے، جس میں کچھ اہم معلومات شامل ہیں۔ بھارتی میڈیا کے مطابق، لیلاوتی اسپتال کی جاری کردہ اس میڈیکل رپورٹ کے حوالے سے کچھ ایسی معلومات سامنے آئی ہیں جو ملزم شریف الاسلام شہزاد کو بچا سکتی ہیں
رپورٹ کے مطابق، سیف علی خان پر حملہ کے دوران انہیں پانچ مختلف جگہوں پر چوٹیں آئی ہیں، جن میں پیٹھ، کلائی، گردن، کندھا اور کہنی شامل ہیں۔ ان چوٹوں کی تفصیل کچھ اس طرح ہے:
پیٹھ کے بائیں طرف 1-0.5 سینٹی میٹر کا زخم
بائیں کلائی پر 5 سے 10 سینٹی میٹر کا زخم
گردن کے دائیں طرف 15-10 سینٹی میٹر کا زخم
دائیں کندھے پر 5-3 سینٹی میٹر کا زخم
کہنی پر 5 سینٹی میٹر کا زخم
یہ میڈیکل رپورٹ ایسی معلومات فراہم کرتی ہے جس کے مطابق ملزم شریف الاسلام شہزاد پر قتل کی کوشش کا الزام نہیں لگایا جا سکتا۔ ماہرین کا کہنا ہے کہ سیف علی خان کی حالت میں اتنی سنگینی نہیں پائی گئی کہ ملزم پر بی این ایس کی دفعہ 109 کے تحت قتل کی کوشش کا الزام عائد کیا جا سکے۔
دوسری جانب، ملزم شریف الاسلام شہزاد اس وقت پولیس کی حراست میں ہے اور پولیس اس سے تفتیش کر رہی ہے۔ پولیس کے مطابق کچھ اہم انکشافات سامنے آئے ہیں، ملزم کا مقصد چوری کرنا تھا اور سیف علی خان کے فلیٹ سے ملنے والے فنگر پرنٹس ملزم کے فنگر پرنٹس سے مطابقت رکھتے ہیں۔ فنگر پرنٹس ڈکٹ پائپ پر پائے گئے جس کا استعمال ملزم نے عمارت پر چڑھنے کے لیے کیا تھا۔
تاہم دوسری جانب سی سی ٹی وی فوٹیج میں جو شخص دیکھا گیا ہے، اس کی شہزاد سے مشابہت پر سوالات اٹھائے جا رہے ہیں۔ فوٹیج میں دکھایا گیا شخص شہزاد سے مختلف نظر آ رہا ہے، جس کے باعث اس معاملے میں مزید تحقیق کی ضرورت ہے۔
شریف الاسلام شہزاد کے والد محمد روح الامین فقیر نے اپنے بیٹے کی بے گناہی کا دفاع کیا ہے۔ ان کا کہنا ہے کہ سی سی ٹی وی فوٹیج میں جو شخص نظر آ رہا ہے، وہ ان کا بیٹا نہیں ہو سکتا کیونکہ ان کے بیٹے کے بال کبھی اتنے لمبے نہیں ہوتے۔ انہوں نے یہ بھی کہا کہ ان کا بیٹا بنگلہ دیش میں سیاسی بدامنی کی وجہ سے ہندوستان آیا تھا اور یہاں اس کو باضابطہ کام کرنے کی اجازت تھی، جہاں اسے اچھے تنخواہ اور اعزازات ملے۔ میرےبیٹے کو کیس میں پھنسانے کی کوشش کی جا رہی ہے،
اغوا کا ڈرامہ ،والد سے لیا تاوان،مدرسہ میں پڑھنے والی لڑکی نے استاد کے بیٹے سےکی شادی
مہاراشٹر میں آرڈیننس فیکٹری میں دھماکہ، 8 افراد ہلاک، 7 زخمی
