Category: شوبز

بالی وڈ اداکارہ دیا مرزا کا ایک جذباتی انٹرویو کلپ بہت زیادہ سوشل میڈیا پر وائرل ہو رہا ہے اس میں انہوں نے بتایا ہے کہ ان کا بچپن کیسا گزرا. دیا نے بتایا کہ جب وہ ساڑھے پانچ برس کی تھیں تو ان کے ماں باپ میں‌علیحدگی ہو گئی جب نو سال کی ہوئیں تو ان کے باپ کا انتقال ہو گیا. میرے والدین کی شادی محبت کی تھی اسکے باوجود ان میں علیحدگی ہوئی میں بہت حیران تھی. میں نے ایک بار ماں سے پوچھا کہ آپ دونوں میں علیحدگی کیوں ہوئی تو ماں نے کہا کہ ضروری نہیں‌ کہ دو پیار کرنے والے ایک چھت کے نیچے ایک ساتھ بھی رہ سکیں. مجھے تب ان کی بات سمجھ نہیں آئی تھی لیکن آج میں اس بات کو سمجھ سکتی ہوں کہ انہوں نے بالکل ٹھیک کہا تھا. دیا نے بتایا کہ میری ماں نے

ایکبار پھر لو میرج کی اور اس بار جس سے شادی کی وہ مسلمان تھا ، میں دادی کے ساتھ مجلسوں میں جاتی عید مناتی ہمارے گھر میں ہندو مسلم دونوں‌قسم کے تہوار منائے جاتے میری ماں بنگالن تھیں.دیا نے مزید کہا کہ ایک بار اپنی کو بولا مجھے ایک جوتی اچھی لگی ہے لے دو ماں بہت بولی کہ چھوٹی سی ہو اتنی مہنگی جوتی نہیں‌لیکر دے سکتی. ماں کی ڈانٹ کے بعد طے کیا کہ کبھی کسی سے کچھ نہیں‌مانگنا ، اور پھر خدا نے مجھے اس قابل کیا کہ میں نے اپنا گھر اور گاڑی دونوں خریدے. دیا نے کہا کہ میرے دوسرے باپ نے مجھے ہیروئین بننے میں‌مدد کی انوپم کھیر نے پہلی فلم آفر کی وہاں سے بس سلسلہ چل نکلا.

امیتابھ بچن جو کہ آج کل کورونا میں مبتلا ہیں، قرنطینہ کےدوران انکی کیا مصروفیات ہیں انہوں نے اپنے مداحوں کے ساتھ شئیر کی ہیں. انہوں نے بتایا ہے کہ وہ جس کمرے میں رہ رہے ہیں وہاں کے سارے کام خود کر رہے ہیں یہاں تک کہ فون کالز بھی لے رہے ہیں اور ای میلز کا جواب بھی دے رہے ہیں.امیتابھ نے یہ بھی انکشاف کیا ہے کہ وہ فرش صاف کرنے کے علاوہ باھ روم کی بھی صفائی کررہے ہیں.انہوں نے کہا کہہ اپنا بستر خود صحیح کرنا، اپنے غسل اور بیت الخلا کی صفائی، فرش صاف کرنا، اپنا ناشتہ اور مشروبات (چائے اور کافی) بنانا، اپنے کپڑوں کے ساتھ الماری ٹھیک کرنا ، کالز کا ذاتی طور پر جواب دینا، اپنے خطوط کا مسودہ تیار کرنا اور نرسنگ اسٹاف کی مدد کے بغیر ڈاکٹروں کے ذریعہ خود کی دوائیوں کے نسخے پر عمل کرنا یہ سب اطمینان بخش اور پر لطف تجربہ ہے.

یاد رہے کہ امیتابھ بچن دوسری مرتبہ کورونا کا شکار ہوئے ہیں اس سے پہلے انہوں نے کورونا کی شکست دیدی تھی لیکن ایک بار پھر اس مرض نے ان کو آن لیا ہے. امیتابھ بچن کی آئندہ دنوں میں فلم براہمسٹرا ریلیز ہونے جا رہی ہے جس میں ان کے ساتھ عالیہ اور رنبیر کپور دکھائی دیں گے. بی بگ کہلائے جانے والے امیتابھ بچن سوشل میڈیا پر بہت زیادہ ایکٹیو ہیں.

نوجوان نسل کے نمائندہ اداکار کارتک آریان کو حال ہی میں مشہور کمپنی نے پان مسالہ کی تشہیر کے لئے رابطہ کیا اور اس کے لئے انہوں نے انہیں 9 کروڑ روپے کی آفر کی جسے کارتک آریان نے منع کر دیا ہے اور کہا ہے کہ میں اس تشہیر کا حصہ نہیں‌ بننا چاہوں گا.بالی وڈ کے بڑے بڑے سٹارز اس قسم کی تشہیر کا حصہ رہ چکےہیں لیکن ایک کم عمر سپر اسٹار نے دلکش پیشکش مسترد کردی ہے یہ سوچے بغیر کہ اتنی بڑی رقم مل رہی ہے.سنسر بورڈ کے سابق چیئرپرسن اور پروڈیوسر پہلاج نہلانی بھی کارتک آیان کے نقصان دہ مصنوعات کی تشہیر نہ کرنے کے فیصلے کی تائید کرتے ہوئے کہا ہے کہ پان مسالہ لوگوں کو مار رہا ہے۔ بالی ووڈ کے رول ماڈلز کی طرف سے گٹکا اور پان مسالہ کھانے کی ترغیب دینا یقینی طور پر ملک کے لیے نقصان دہ ہے۔اکشے کمار کا

امیج بہت اچھا ہے وہ عوام کے ہیروہیں پھر بھی وہ پان مسالہ کے برانڈ کی تشہیر کیوں کر رہے ہیں؟ گووندا اور یہاں تک کہ پیئرس بروسنن جیسے دوسرے لوگ بھی پان مسالہ کو فروغ دینے کے لیے جانے جاتے ہیں۔حیران کن طور پر پہلاج نہلانی نے انکشاف کیا کہ شراب اور پان مسالہ کے اشتہارات کی نشریات غیر قانونی اور غیر آئینی ہے۔ "قانون CBFC کو پان مسالہ اور الکوحل کے اشتہارات کو سرٹیفیکیشن دینے سے منع کرتا ہےایسے اشتہارات نشر کیے جا رہے ہیں جو کہ غیر قانونی ہیں۔ ایسے اشتہارات کا حصہ بننے والے اداکاروں کو معلوم ہونا چاہیے کہ وہ غیر قانونی کام کررہے ہیں۔”

اداکاری کو خیر باد کہہ کر عمران خان کی سپورٹ میں دوسروں کو گالیاں دیتی مشی خان ہو گئیں آبدیدہ. مشی خان نے اپنے انسٹاگرام اکائونٹ پر اپنی ایک وڈیو شئیر کی جس میں انہوں نے براہ راست اپنے مداحوں سے بات کی . انہوں نے کہا کہ میں‌ نے ایک وڈیو دیکھی جس میں ایک بچے کو کھانے کےلئے نان ملا اور وہ نان ہاتھ میں پکڑ کر اتنا خوش ہوا کہ اس نے نان کو گلے لگا لیا اور خوشی سے جھوم اٹھا اسکی خوشی دیکھ کر ایسا لگ رہا تھا کہ جیسے اس کے ہاتھ کوئی سونا لگ گیا ہے یعنی اسکے لئے بھوک کے عالم میں نان کی کتنی اہمیت تھی. مشی خان یہ بات کرتے ہوئے آبدیدہ ہو گئیں اور انہوں نے اپنے مداحوں سے ریکویسٹ کی کہ خدا کے لئے کھانا ضائع نہ کیا کریں، میں دیکھتی ہوں کہ لوگ ریسٹورانٹس میں

جاتے ہیں وہاں اتنا زیادہ کھانا منگواتے ہیں چاہے وہ منگوایا ہوا سارا کھانا نہ کھائیں لیکن منگوا لیتے ہیں اور جتنا کھا سکیں کھا لیتے ہیں باقی چھوڑ دیتے ہیں. ایسا نہیں ہونا چاہیے، جتنا کھانا کھانا ہے اتنا ہی منگوائیں اور پلیٹیں مت بھریں اور ان لوگوں کا سوچیں جو ایک روٹی کے لئے ترس رہے ہیں. مشی خان نے اس وڈیو کی مثال دی جس میں‌انہوں نے بچے کے ہاتھ میں نان دیکھ کر اسکی خوشی دیکھی،. مشی خان نے پر زور اپیل کی کہ کھانا مت ضائع کریں.

اداکارہ ثمینہ پیرزادہ جو کہ عمران خان کو بطور سیاسی لیڈر بہت پسند کرتی ہیں ان کی پالیسیوں کو بہت سراہتی بھی ہیں وہ ٹویٹر پر کافی متحرک ہیں۔ ہر دوسرے لمحے ان کا کوئی نہ کوئی ٹویٹ آتا ہے اور عموما وہ عمران خان کے حق اور اپوزیشن کے خلاف ٹویٹس کرتی ہیں اور تنقید کا کوئی موقع ہاتھ سے نہیں جانے دیتیں۔ سیلاب کی آفت میں بھی انہوں نے ایسا ہی کیا انہوں نے ایک ٹویٹ کیا اور لکھا ” کاش پورے کا پورا موجودہ نظام بھی دریا برد ہوجائے اور پھر صحیح معنوں میں ایک فلاحی جمہوری نظام تشکیل دیں جہاں جمہور کی حاکمیت ہو کوئی جمہور کے حقوق کی پامالی کا سوچ بھی نہ سکے اور سب برابر کے شہری ہوں جہاں حکومت عوام کی فلاح اور بہبود کے لیے کام کرے اور ہر شہری خوشحال ہو” ۔ اس تنقید بھرے ٹویٹ کے بعد انہوں نے ایک اور ٹویٹ کی جس میں لکھا ” میرے پیارے پاکستانیو اپنے اہل وطن کی مدد کرنا ہم سب کا

فرض ہے۔ آئیں ان سب کی مدد کریں جو لوگوں کی جانیں بچا رہے ہیں اور محنت کر رہے ہیں ہر لمحہ”۔ ثمینہ پیرزادہ نے ایک اور ٹویٹ کی جس میں مایوسی کا اظہار کیا لکھا ” ‏اس صدی میں ہم اتنی بری طرح سے آفات سے لڑنے کے لئیے ناکام ہونگے میں سوچ نہیں سکتی تھی۔جب کہ ہم نے باقائدہ طور NDMA بنا رکھا ہے تو پھر کس چیز کا انتظار تھا؟جب سب ڈوب جائیگا تب؟؟ ہم کوئی بھی مستقبل کا پلان کیوں نہیں بنا پاتے؟؟؟۔آ کیوں آج تک ڈیم نہں بنا پائے ملک کی خاطر۔

لالی وڈ‌ اداکارہ ریما خان نے بھی ایک وڈیو کے زریعے اپیل کی ہے کہ سیلاب زدگان کی مدد کریں. ریما خان نے انسٹاگرام اکائونٹ پر ایک وڈیو شیئر کی جس میں انہوں نے کہا کہ ” پاکستان ایک بار پھر مشکل میں ہے ملک بھر میں سیلاب نے تباہی مچا رکھی ہے اور ہم سب کا فرض ہے کہ اس مشکل گھڑی میں متاثرین کا ساتھ دیں ، وہ سب آپ کی مدد کے منتظر ہیں. اپنے عمل سے ان کو یقین دلائیں کہ وہ اس مشکل میں اکیلے نہیں ہیں .ریما خان نے یہ بھی کہا کہ سیلاب متاثرین کی مدد کےلئے متسند اداروں کے قائم کردہ فنڈز میں دل کھول کر عطیات دیں یہ عطیات مشکل کے مارے لوگوں کو پہنچیں گے تو یقینا ان کے دل سے دعا نکلے گی. اداکارہ ریما خان کے مداح پاکستان میں ہی نہیں پوری دنیا میں پائے جاتے ہیں انہوں نے

اپنے وڈیو پیغام کے زریعے اپنے مداحوں /چاہنے والوں سے سیلاب زدگان کی مدد کی اپیل کر دی ہے. یقینا وہ پاکستان کی نامور فنکارہ ہیں ان کے مداح ان کی اپیل کو ضرور سنیں گے اور سیلاب زدگان کی مدد کےلئے بڑھ چڑھ کر حصہ لیں گے. یاد رہے کہ ریما خان امریکہ میں اپنے شوہر اور بیٹے کے ساتھ رہتی ہیں اور وہ پاکستان وقتا فوقتا چکر لگاتی رہتی ہیں. ریما فلموں اور ڈراموں میں تو نہیں لیکن ٹی وی کے پراجیکٹس کافی برسوں سے ضرور کررہی ہیں.

فلمسٹار میرا جن کا سسرال نیویارک میں ہے وہ پاکستان میں مصروفیات نہ ہوں تو اپنے شوہر کے پاس چلی جاتی ہیں، آج کل وہ بھی نیویارک میں ہی ہیں. جہاں ساری دنیا پریشان ہے پاکستان میں سیلاب کی تباہ کاریوں پر اور مدد کررہی ہے وہیں فلمسٹار میرا بھی کافی پریشان ہیں اور سیلاب زدگان کی مدد کےلئے کوشاں ہیں. فلمسٹار میرا نے گزشتہ روز نیویارک میں سیلاب زدگان کی مدد کے لئے فنڈز اکٹھے کرنے کی غرض سے ایک بہت بڑا شو کیا. شو میں‌میرا روایتی پاکستانی لہنگا پہنے ہوئے پنجابی گانا ” بیہہ جا کول ماہیا کج بول ماہیا” جسے سائرہ نسیم نے گایا ہے اس پر پرفارمنس دی. وڈیو میں دیکھا جا سکتا ہے میرا کھلے آسمان کے نیچے پرفارمنس دے رہی ہیں اور گورے کھڑے ان کو دیکھ رہے ہیں . اس پرفارمنس کے بعد فلمسٹار میرا نے سوشل میڈیا پر ایک

پوسٹ شئیر کی اور اس میں لکھا کہ ”آج میں نے نیویارک میں سیلاب زدگان کی مدد کےلئے ایک شو کیا ہے ، میری پوری دنیا کے مسلمانوں اور میرے فالورز سے اپیل ہے کہ سیلاب زدگان کی مدد کےلئے ایک دوسرے کے ساتھ ہاتھ ملائیں. پریشان حال فیملیز کی مدد کرنا وقت کی اہم ضرورت ہے. یاد رہے کہ فلمسٹار میرا بھی باقی فنکاروں کی طرح اپنے فالورز سے اپیل کررہی ہیں کہ پاکستان اس وقت مشکل گھڑی میں‌ ہے اس کا ساتھ دیں اور سیلاب زدگان کے لئے سوچیں. فلمسٹار میرا کو سیلاب زدگان کے لئے اتنا فکر مند دیکھ کر ان کے پرستار کافی حیران ہیں.

اداکار شان شاہد نے حال ہی میں دو نہایت اہم ٹویٹس کئے ہیں انہوں نے کہا ہے کہ آئی ایم ایف نے پاکستان کے ساتھ جن شرائط پر پروگرام طے کیا ہے یہ پاکستان کےلئے اقتصادی سونامی سے کم نہیں‌ ہے. لہذا سیلاب کی صورتحال میں انسانی بنیادوں پر حقائق کو تسلیم کرتے ہوئے آئی ایم ایف اپنے پاکستان کے بارے میں پروگرام پر نظر ثانی کرے. تاکہ سیلاب زدہ پاکستانیوں کو کچھ ریلیف مل سکے. شان شاہد نے اپنے ایک دوسرے ٹویٹ میں کہا ہے کہ سیلاب کے اس المیے میں ان گنت لوگوں کی ہلاکت اور بے شمار لوگ لا پتا ہو چکے ہیں جن کے لئے نہ کھانے پینے کی کوئی چیز ہے نہ سر چھپانے کےلئے کوئی چھت موجود ہے. اپسے لوگوں کی مدد وقت کی ضرورت ہے. جو مدد کررہے ہیں وہ خود بھی ٹیکسوں ، بجلی کے بلوں ،

پیٹرولیم مصنوعات کی قیمتوں اور ساڑھے چار بلین ڈالر کے خسارے کے بوجھ تلے دبے ہوئے ہیں . عالمی مالیاتی ادارے کو اس ساری صورتحال میں پاکستان کے لئے دئیے گئے پروگرام کے لئے نظر ثانی کرنا ہوگی. اداکار نے یہ دو ٹویٹ کئے تو ان کے ان دونوں ٹویٹس کو کافی سراہا گیا اور شان کی باتوں سے کافی صارفین نے اتفاق بھی کیا اور کہا کہ شان شاہد نے جو کچھ بھی کہا ہے وہ بہت اہم ہے اور ایسا اگر ہوجائے تو یقینا پاکستانی گورنمنٹ اور عوام کچھ سکھ کا سانس لے سکے گی. یاد رہےکہ شان شاہد اس ملک کے تمام مسائل کا ایک ہی حل سمجھتے ہیں اور وہ ہے عمران خان کا اقتدار میں آنا.

سماجی کارکن اور گلوکار شہزاد رائے نے ایک وڈیو پیغام جاری کیا ہے وہ وڈیو پیغام نہایت ہی اہم ہے اور ہم سب کے لئے اس میں ایک اہم میسج ہے اور وہ یہ میسج ہے کہ سیلاب زدگان کی مدد کریں یہ جذبہ ضرور رکھیں لیکن کوشش کریں کہ وہاں پر دوائیاں اور راشن پہنچائیں جہاں اس کی ضرورت ہے. شہزاد رائے نے وڈیو پیغام کی شروعات کچھ یوں کی انہوں نے کہا کہ اس وقت سارا ملک سیلاب زدگان کی مدد کرنا چاہ رہا ہے جو کہ فخر کی بات ہے. شہزاد رائے نے کہا کہ مجھے یاد ہے کہ 2006 میں جب زلزلہ آیا تھا تو میری آرگنائزیشن نے بہت کام کیا. گرڈ سٹیشن بالاکوٹ پر ہمارا کیمپ لگا ہوا تھا ،اگلی صبح میں ایک گورنمنٹ آفیشل کے ساتھ ٹاپ ماوئنٹین بالا کوٹ پر کھڑا دیکھ رہا تھا کہ سامنے ایک سنگل روڈ نظر آرہا تھا. وہاں عورتوں بچوں اور ہر عمر کے لوگوں کا ایک ہجوم تھا سڑک بھری پڑی تھی سب کے ہاتھوں میں سامان تھا تو میں‌نے اس آفیشل

سے کہا کہ پولیس ان کو کیوں تنگ کررہی ہے کس قدر جذبے سے یہ لوگ آرہے ہیں. تو انہوں نے مجھے کہا کہ کل رات جہاں آپ کیمپ لگا رہے تھے وہاں پیچھے ایک گھر اور سکول تھا جو کہ زلزلے میں تباہ ہو گیا، اس ملبے کے نیچے سے آوازیں آرہی تھیں، کچھ لوگ ملبے میں دبے ہوئے تھے اب اس ملبے کو ارتھ موونگ مشین سے ہی ہٹایا جا سکتا تھا، پولیس کی کوشش تھی کہ اس سنگل روڈ سے لوگوں‌کو ہٹایا جائے تاکہ ارتھ مووننگ مشین کو لایا جا سکے اور ملبے میں دبے لوگوں کی جان بچائی جا سکے. لیکن ایسا نہ ہو سکا اور ملبے میں دبے لوگ مر گئے. لہذا میں آپ سب سے یہ کہنا چاہتا ہوں کہ مدد کریں لیکن کسی طریقہ کار سے کریں.

فخر عالم نے سوشل میڈیا پر ایک وڈیو پیغام جاری کیا ہے اس میں انہوں کافی سنجیدہ باتیں کہی ہیں انہوں نے کہا کہ یہ وقت نفرت کو چھوڑ کر دل جوڑنے کا ہے. میں شکر گزار ہوں سندھ رینجرزکا، این جی اوز کا اوران سب کا جو سیلاب زدگان کے لئے مدد کررہے ہیں.پاکستان کے تمام سیاستدانوں کو چاہیے کہ وہ اس مشکل وقت میں ایک دوسرے کے ساتھ چلیں. سوشل میڈیا پر نفرت پھیلانے والے بہت مل جائیں گے لیکن اس وقت قومی سانحے کو مد نظر رکھیں اور لوگوں کے دلوں میں حب الوطنی کا جذبہ ابھاریں. میں نےسندھ کا کچھ حصہ دیکھا ہے جو تباہی میں نے اپنی آنکھوں سے دیکھی ہے وہ کافی خوفناک ہے. اس وقت سب کچھ تباہ ہو چکا ہے یقینا اس کے اثرات اس سیلاب کے تھم جانے کے بعد ظاہر ہوں گے

اس لئے بہت ضروری ہے کہ بین الاقوامی کمیونٹی کو مدعو کیا جائے تاکہ امداد کے معاملات سیدھے ہو سکیں. فخر عالم نے مزید کہا کہ سندھ ، بلوچستان اور کے پی کے بہت سارے زمینی راستے کٹ چکے ہیں وہاں کے لوگوں تک پہنچنے کا راستہ بھی نہیں ہے.بہت ہی خوفناک صورتحال ہے اس میں ہم سب کو ایک دوسرے کے ساتھ کھڑے ہونا چاہیے. فخر عالم کی طرح تمام شوبز شخصیات سیلاب زدگان کی مدد کے لئے لوگوں کو وڈیو پیغامات جاری کرکے متحرک کررہے ہیں.