Category: شوبز

بالی وڈ اداکار کمال راشد کمار نے حال ہی میں ایک ٹویٹ کیا ہے اس میں انہوں نے کہا ہے کہ ”پاکستانی کھلاڑیوں کے رویے کو دیکھ کر میں یہ کہہ سکتا ہوں کہ وہ آئی پی ایل (IPL) کھیلنا چاہتے ہیں اور ان کا رویہ انڈین کرکٹرز کے ساتھ خاصا دوستانہ بھی ہے۔ کے آر کے کے اس ٹویٹ پر کافی رد عمل آ رہا ہے اور کئی پاکستانی اس ٹویٹ کو پاکستانی کرکٹرز کی توہین کہہ رہے ہیں. ان کا کہنا ہےکہ پاکستانی کرکٹرز کے بارے میں یہ کیسے کہہ سکتے ہیں کہ وہ انڈین پلئیرز کے ساتھ آئی پی ایل میں کھیلنے کےلئے مرے جا رہے ہیں. کمال راشد خان نے یہ ٹویٹ ایشیا کپ 2022 کے انڈیا پاکستان میچ کے بعددیا. یاد رہے کہ گزشہ روز انڈیا اور پاکستان کے درمیان میچ تھا جسے پاکستانیوں کے ساتھ ساتھ انڈینز اور پوری دنیا میں شوق سے دیکھا

گیا، میچ کے آخری اورز کافی سنسنی خیز تھے آخری اورز کی ہر بال پر دیکھنے والوں کو دل دھڑک رہے تھے،. پاکستان نے آخری گیند تک فائٹ کی لیکن جیت انڈیا کا مقدر ٹھہری لیکن جس طرح‌ سے پاکستانی کھلاڑیوں نے جان لگائی اور آخر تک میچ کو اپنے ہاتھ میں کرنے کی سر توڑ کوشش کی اس پر پاکستانی عوام ی طرف سے ان کو کافی داد ملی.پاکستان اور انڈیا کا میچ دیکھنے کےلئے ہمیشہ ہی دونوں ملکوں کے لوگ کافی پرجوش رہتے ہیں.اسلئے ان دونوں ملکوں کے درمیان ہونے والے میچ کو ایک جنگ سمجھا جاتا ہے.

اداکار و گلوکار اور ہلال احمر کے چئیرمین ابرار الحق بھی سیلاب زدگان کی مدد کےلئے کافی متحرک ہیں. گزشتہ روز ایک معروف صحافی نے ایک ٹویٹ کیا اور طنز کے نشتر چلائے ابرار الحق پر کے وہ ہلال احمر کے چئیرمین ہیں اور ابھی تک وہ سیلاب زدگان کی مدد کے لئے میدان میں نہیں آئے. اطلاعات ہیں کہ ابرار الحق نے سیلاب زدگان کے لئے ایک کنسرٹ کیا ہے اور اس سے اکٹھی ہونے والی رقم سیلاب متاثرین کے نام کر دی ہے.
ابرار الحق کا کہنا ہےکہ یہ کنسرٹ روٹین میں میری مصروفیات کے شیڈیول میں‌ تھا لیکن جب میں نے دیکھا کہ میرے بہن بھائی پریشانی اور آفت کی زد میں آگئے ہیں تو میں نے اس کنسرٹ سے حاصل ہونے والی ساری کمائی ان کو دینے کا فیصلہ کر لیا . انہوں نے یہ بھی کہا کہ یہ کوئی خوشی

کا موقع نہیں ہے کہ ہم گانے گاتے پھریں لیکن یہ شو صرف اسلئے کیا گیا ہے تاکہ جو پیسے اکٹھے ہوں ان سے بے سروسامان بیٹھے لوگوں کی مدد ہو سکے. ابرار الحق کی طرح بہت سارے لوگ جو ہو سکے کررہے ہیں تاکہ کسی نہ کسی طریقے سے سیلاب زدگان کے لئے مدد کا بندوبست کیا جا سکے. یاد رہے کہ ابرار الحق تحریک انصاف کا بھی حصہ ہیں اور انہی کے پلیٹ فارم سے انہوں نے الیکشن بھی لڑا. ابرار الحق اس وقت ہلال احمر کے چیرمین کے طور پر بھی فرائض انجام دے رہے ہیں.

اسوقت وطن عزیز سیلاب کی تباہ کاریوں کی وجہ سے پریشان حال ہے، سیکنڑوں لوگ بے سروسامان ہیں کھلے آسمان کے نیچے بھوکے پیٹ بیٹھے ہیں. کئی افراد کی زندگیاں سیلاب کی نذر ہو گئی ہیں. پوری دنیا پاکستان کو امداد بھیجنے کےلئے جہاں سرگرم ہے وہیں پاکستانی بھی سیلاب زدگان کے ساتھ کھڑے ہیں ان کی مدد کےلئے ہر ممکن کوشش کررہے ہیں. پاکستان پرڈیوسر ایسوسی ایشن اس حوالے سے کافی سرگرم دکھائی دے رہی ہے. پرڈیوسر ایسوسی ایشن کے چئیرمین امجد رشید نے اس ھوالے سے سندھ اور پنجاب کے لیے کمیٹیاں تشکیل دیں ہیں اور وہ کمیٹیاں سر توڑ کوششیں کررہی ہیں کہ سیلاب زدگان تک امداد پہنچائی جائے. صوبہ پنجاب سے سید نور اور اداکار شان شاہد،سندھ سے ہمایوں سعید اور شرمین عبید

چنائے ان کمیٹیوں کا حصہ ہیں.شان شاہد اور ہمایوں سعید سوشل میڈیا پر لوگوں سے سیلاب زدگان کی مدد کے لئے اپیل کررہے ہیں. ہمایوں سعید کا کہنا ہے کہ اس مشکل گھڑی میں ہم سب کو سیلاب زدگان کے ساتھ کھڑے ہونا چاہیے یہ ملک ہے تو ہم ہیں اس لئے کون کیا سوچتا ہے کس کو سپورٹ کرتا ہے اس چیز کو ایک طرف رکھ کر آگے بڑھنے کی ضرورت ہے . اسی طرح سے شان شاہد کا بھی کہنا ہے کہ پاکستان نے ہمیں بہت کچھ دیا ہے اسے قائم و دائم رکھنا ہمارا فرض ہے لہذا اپنے دکھی بہن بھائیوں کے ساتھ کھڑے ہونے کا وقت ہے.

گلوکارہ و اداکارہ حدیقہ کیانی نے اپنے حالیہ انٹرویو میں کہا ہےکہ جب بھی کوئی قدرتی آفت آتی ہے ایسے میں ہمارے لوگوں کا جذبہ دیکھنے والا ہوتا ہے، وہ بڑھ چڑھ کر متاثرہ لوگوں کی مدد کرتے ہیں. اب بھی دیکھا جا سکتا ہےکہ لوگ کتنے پر جوش ہیں اور اپنے متاثرہ بہن بھائیوں کی مدد کےلئے ہر قسم کی کوشش کررہے ہیں. حدیقہ کیانی نے کہا کہ مجھے یاد ہے کہ 2005 میں جب زلزلہ آیا تھا اس وقت بھی لوگوں کا متاثرہ فیملیز کے لئے مدد کا جذبہ دیدنی تھا. اسی طرح سے 2010 میں بد ترین سیلاب آیا جس میں بھی لوگوں نے متاثرہ لوگوں کی مدد کی. حدیقہ کیانی نے کہا کہ مجھے بہت فخر ہے کہ ہماری قوم مشکل گھڑی میں ایک ساتھ کھڑی ہوجاتی ہے. حدیقہ کیانی نے

کہا کہ اس وقت بے سروسامان لوگوں‌ کی مدد کرنا کسی ایک سماجی ادارے کے بس کی بات نہیں ہے بلکہ ہم سب کو مل کر کام کرنا ہو گا. نقصان بہت زیادہ ہو چکا ہے. انہوں نے اس چیز پر بھی زور دیا کہ اس وقت سیاست نہیں کی جانی چاہیے یہ وقت سیاست کا نہیں ہے بلکہ مل کر ایک دوسرے کے ساتھ کھڑے ہونے کا ہے.یاد رہے کہ سیلاب نے اس بار جو تباہ کاریاں کی ہیں وہ اس سے پہلے دیکھنے کو نہیں‌ ملیں. بڑی تعداد میں نقصان ہو چکا ہے اور سلیبرٹیز لوگوں‌ کو موٹیویٹ کررہی ہیں کہ ایک دوسرے کا ساتھ دیں متاثرہ لوگوں‌کی مدد کریں.

اداکار فیصل قریشی نے حال ہی میں ایک وڈیو پیغام جاری کیا ہے اس میں انہوں نے شدید افسوس کا اظہار کیا ہے اور کہا ہے کہ میں بہت پریشان ہوا ہو یہ جان کر کے سیلاب زدگان کی مدد کرنے کی بجائے اشیائے ضروریہ کی قیمتیں‌بڑھائی جا رہی ہیں. انہوں اس وڈیو میں ایک واقعہ بھی شئیر کیا جس کی تفصیلات کچھ یوں بتائیں انہوں نے کہا کہ میرے ایک دوست نے سیلاب سے متاثرہ لوگوں کو کچھ واٹر پروف ٹینٹس بھجوانے کا سوچا اور بھجوا بھی رہا ہے، جو وہ واٹر پروف ٹینٹس بھجوا رہا ہے اسکے مطابق کچھ عرصہ پہلے اسکی قیمت سات آٹھ ہزار تھی اور اب تیراں چوداں ہزار بتائی جا رہی ہےے صرف اسلئے کہ یہ مشکل گھڑی ہے لوگوں نے اسکی خریداری کرنی ہی

کرنی ہے. فیصل قریشی نے تو بلکہ طنز بھی کی ان لوگوں پر جو ایسا کررہے ہیں یہ کہہ کر کہ” یار بڑے ہی ایماندار اور مددگار لوگ ہیں”. فیصل قریشی کی اس وڈیو پر صارفین کی جانب سے کافی کمنٹس کئے جا رہے ہیں اور سب اشیائے ضروریہ کی قیمتیں بڑھانے والوں پر لعن طعن کررہے ہیں. یاد رہے کہ اس وقت سیلاب زدگان کی صورتحال یہ ہےکہ ایک وڈیو وائرل ہوئی جس میں ماں دو روٹیوں کو آٹھ بچوں میں تقسیم کررہی تھی اس پریشان کن وڈیو نے دیکھنے والوں‌کو رلا کر رکھ دیا.

ناصر ادیب جنہوں نے 1979 میں ریلیز ہوئی فلم مولا جٹ لکھی تھی انہوں نے دا لیجنڈ آف مولا جٹ لکھی ہے. حال ہی میں‌ ناصر ادیب کا ایک انٹرویو ہوا ہے اس میں انہوں نے بتایا ہے کہ انہوں نے جو پہلی مولا جٹ لکھی تھی وہ اپنی جگہ تھی اور دا لیجنڈ آف مولا جٹ اپنی جگہ. ناصر ادیب نے یہ بھی دعوی کیا ہےکہ دا لیجنڈ آف مولا جٹ کو دیکھ کر لوگ مولا جٹ کو بھول جائیں گے. انہوں نے کہا کہ اس فلم میں‌ کردار سارے پرانی مولا جٹ کے ہیں لیکن کہانی کو تھوڑا سا مختلف لکھا گیا ہے. ناصر ادیب نے کہا کہ مصطفی قریشی اور سلطان راہی اپنے دور کے سٹار تھے اور فواد خان ، ماہرہ خان اور حمزہ عباسی اپنے دور کے سٹارز ہیں. ناصر ادیب نے یہ بھی کہا کہ ہمیں وقت کے

ساتھ چلنا چاہیے اور میں ماضی سے نکل آیا ہوں حال میں‌ جی رہا ہوں اور کام بھی حال کے تقاضوں کے مطابق کررہا ہوں یہی وجہ ہے کہ مجھ سے نوجوان اور آج کل کے کام کرنے والے لوگ رابطہ کرتے ہیں سکرپٹ لکھواتے ہیں. ناصر ادیب نے کہا کہ دا لیجنڈ آف مولا جٹ دو گھنٹے اٹھاراں منٹ کی فلم ہے جو شائقین کے دل جیت لے گی. انہوں نے کہا کہ حالانکہ اس فلم میں‌سارے آج کے ہی فنکار ہیں لیکن سب نے پنجابی بہت اچھے انداز میں بولی ہے اور میں فلم کی کامیابی کے لئے کافی پر امید ہوں.

ٹی وی اداکارہ کنزہ ہاشمی جو ہمیشہ سنجیدہ کرداروں میں ہی نظر آتی ہیں انہوں نے حال ہی میں ایک انٹرویو دیا ہے اس میں انہوں نے بتایا ہے کہ وہ کس قسم کا مزاج رکھتی ہیں۔ انہوں نے کہا کہ میں بہت ہی زیادہ صاف گو ہوں جو دل میں آئے بول دیتی ہوں ایسا نہیں ہوتا کہ میرے دل میں کچھ اور ہو اور زبان پر کچھ اور ہو۔ میں نے ہمیشہ صاف گوئی کو پسند کیا ہے اور یہی وجہ ہے کہ میری صاف گو لوگوں سے بنتی بھی بہت ہے۔ کنزہ ہاشمی نے کہا کہ پیار محبت کی زندگی میں بہت اہمیت ہے اور پیار محبت کے بغیر زندگی کے رنگ ادھورے ہیں لیکن میں یہاں یہ بتانا

چاہتی ہوں کہ مجھے بلاوجہ کی اپنی زندگی میں مداخلت اچھی نہیں لگتی میں نہیں چاہتی کہ کوئی مجھ پہ حکمرانی کرے۔ کنزہ نے مزید کہا کہ میں نے کبھی کسی کی زندگی میں دخل اندازی نہیں کی چاہے میرا کسی سے کتنا بھی اچھا تعلق کیوں نہ ہو اپنی حدود میں رہتی ہوں اسی طرح سے چاہتی ہوں کہ میری بھی زندگی میں کوئی مخل نہ ہو۔ یاد رہے کہ اداکارہ صبور علی سجل علی کی بہن ہیں سجل علی تو اپنے کیرئیر میں‌اپنی بہن صبور علی سے کافی آگے دکھائی دیتی ہیں کیونکہ انہوں نے ہالی وڈ کی فلموں میں بھی کام کیاہے جبکہ صبور علی کا کیرئیر ٹی وی کی حد تک محدود ہے.

چھوٹی سکرین کے اداکار علی انصاری اور صبور علی کی کچھ عرصہ قبل شادی ہوئی ہے دونوں ایک دوسرے کے ساتھ کافی خوش ہیں۔ علی انصاری کی شکل بالی وڈ اداکار عمران ہاشمی سے ملائی جاتی ہے اور کہا جا تا ہے کہ علی انصاری عمرا ن ہاشمی کی طرح نظر آتے ہیں۔ تاہم علی انصاری نے کبھی یہ خود نہیں کہا کہ ان کی شکل عمران ہاشمی سے ملتی ہے۔ حال ہی میں صبور علی اور علی انصاری نے تاہش ہاشمی کے شو میں شرکت کی دونوں سے وہاں دلچسپ سوالات ہوئے ، علی انصاری سے جب تابش نے پوچھا کہ آپ کو کیا لگتا ہے کہ آپ کی شکل لوگ عمران ہاشمی سے کیوں ملاتے ہیں؟ کام کی وجہ سے شکل کی وجہ سے انہوں نے کہا کہ میرا چہرہ ہی ان کے ساتھ

ملاتے ہیں ان جیسے کام نہ مجھے آفر ہوئے ہیں نہ میں آفر ہونے پر ویسے کام کروں گا۔ صبور علی نے بھی اس شو میں کہا کہ وہ کرداروں کے انتخاب سوچ سمجھ کر کرتی ہیں ان کی پہلی ترجیح سکرپٹ ہوتا ہے اور سکرپٹ اچھا لکھا ہو تو وہ فورا حامی بھر لیتی ہیں۔ یاد رہے کہ ہنسنا منع ہے ایسا کامیڈی شو ہے جو بھارتی کامیڈی شو کپل شرما شو کی کاپی ہے اس شو کو جہاں بہت پسند کیا جا رہا ہے وہیں تنقید بھی ہورہی ہے ناقدین کا کہنا ہےکہ تابش ہاشمی کپل شرما کی بھونڈی نقل اتار رہے ہیں.

نوے کی دہائی کے ایکشن ہیرو سنیل شیٹی بھی مایوس ہیں موجودہ دور میں بننے والی بالی وڈ فلموں سے ،انہوں نے نہایت ہی مایوسی کااظہار کرتے ہوئے کہا ہے کہ اس وقت جو کام ہو رہا ہے اسکو شائقین رد کررہے ہیں اور اسکا اندازہ باکس آفس کے اعداد و شمار سے لگایا جا سکتا ہے. ماضی میں بہت اچھا کام ہو رہارتھا لوگ بڑی تعداد میں فلمیں دیکھنے کےلئے سینما گھروں کا رخ کرتے تھے ۔ اب شائقین خوش نہیں ان فلموں سے جو بن رہی ہیں اور ریلیز ہو رہی ہیں عالم یہ ہےکہ شائقین تو تھیٹر کا رخ کرنے کو بھی تیار نہیں ہیں۔ ہمیں یہ دیکھنا ہو گا کہ لوگ آخر چاہتے کیا ہیں انکی دلچپسی کیا ہے۔ سنیل شیٹی نے تشویش کیا اظہار کرتے ہوئے کہا کہ ہمیں

لوگوں کے مزاج کو سمجھ کر اسکے مطابق فلمیں بنانے کی ضرورت ہے۔ سنیل شیٹی بالی وڈ فلموں کو سپورٹ کرتے ہیں لیکن حالیہ باکس آفس بزنس سے کافی مایوس ہیں ہر فلم فلاپ ہو رہی ہے بڑے اور چھوٹے ہر قسم کے بجٹ والی فلموں کے پرڈیوسرزپریشان ہیں۔ یاد رہے کہ سنیل شیٹی نے بالی وڈ کی فلموں کا بائیکاٹ کرنے کے رجحان پر احتجاج کیا تھا اور مسلسل کررہے ہیں لیکن ساتھ ہی وہ خواہش رکھتے ہیں کہ ایک بار پھر ماضی کی طرح بالی وڈ کی فلمیں شائقین کا دل جیتیں۔ سنیل شیٹی کہتے ہیں‌ کہ ہمارے دور کے ہر ہیرو کی فلم اچھا بزنس کرتی تھی ٹھیک ہے کچھ فلاپ بھی ہوتی تھیں لیکن مجموعی طور پر فلمیں اچھا بزنس کرتی تھیں.

سینئراداکار بہروز سبزواری نے حال ہی میں ایک انٹرویو دیا ہے اس میں انہوں نے کہا ہے کہ میں مارننگ شوز میں شادی بیاہ کی رسومات اور شادی بیاہ دکھانے کےسخت خلاف ہوں۔ اس شوز میں مہنگے کپڑے اورمہنگی جیولری دکھائی جاتی ہے جس کو دیکھ کر لڑکیاں متاثر ہوتی ہیں ۔ اب وہ لڑکیاں کیا کریں جن کے والدین مہنگی شادیاں کرنا افورڈ نہیں کر سکتے ایسے سیگمنٹس سوسائٹی میں مایوسی پھیلاتے ہیں اور میں ان سب چیزوں کے بے حد خلاف ہوں۔ بہروز سبزواری نے ایک سوال کے جواب میں کہا کہ کامیابی شادی وہی ہے جس میں میاں بیوی ایک دوسرے کے مسائل کو سمجھیں ، اگر کوئی غلطی ہوجائے تو ایک دوسرے کو معاف کر دیں اور انائوں کا مسئلہ نہ

بنائیں۔ بہروز نے مزید کہا کہ میری اور میری بیوی کی زندگی بہت اچھی گزری ہے ہم دونوں نے ایک دوسرے کو سمجھنے کے ساتھ حقیقی زندگی کے مسائل کو بھی سمجھا. میں نے اپنی اہلیہ سے کہہ دیا تھا شروع میں ہی کہ اگر میرے ماں باپ تمہیں کچھ ایسا کہہ دیں کہ جو تمہیں نہ اچھا لگے تو تم میرے پاس آنا مجھے بتانا مجھ پہ غصہ نکال لینا اور مجھے جوتے سے بے شک مار لینا لیکن میرے ماں باپ کو جواب نہ دینا۔ بہروز سبزواری نے کہا کہ اچھی زندگی انڈرسٹینڈنگ کے بغیر ممکن نہیں ہے۔