Category: شوبز

بالی وڈ کے معروف فلم میکر اور انیل کپور کے بھائی بونی کو اپنی اہلیہ سری دیوی کی یاد ستانے لگی ہے جب سے ان کی اہلیہ کا انتقال ہوا ہے تب سے آج تک وہ سوشل میڈیا پر ان کی تصاویر شئیر کرتے رہتے ہیں ان تصاویر کو مسلسل شئیر کرتے رہنے سے ایک بات تو کلئیر ہوتی ہے کہ بونی کپور آج تک اپنی اہلیہ کو یاد کرتے ہیں. حال ہی میں بونی کپور نے سوشل میڈیا پر سری دیوی کے ساتھ اپنی ایک تصویر شئیر کی، یہ تصویر سری دیوی کی فلم انگلش ونگلش کے وقت کی تھی اس تصویر کے بارے میں‌بونی کپور نے اپنے مداحوں کو بتایا کہ اس میں جو سوٹ پہن

رکھا ہے وہ 2022 میں دس سال کے بعد دوبارہ پہنا. یاد رہے کہ بونی کپور نے سری دیوی کے ساتھ دوسری شادی کی تھی اور دونوں کی دو بیٹیاں جھانوی اور خوشی کپور ہے.. سری دیوی کی موت 2018 میں دبئی میں ہوئی تھی وہ وہاں اپنے ایک خاندان کی شادی میں گئیں تھیں ان کے شوہر اور بیٹیاں بھی ان کے ساتھ تھیں موت سے قبل وہ کافی خوش دکھائی دے رہی تھیں بلکہ شادی میں ناچ گا رہی تھیں. جب ان کا انتقال ہوا تو کہا گیا کہ حرکت قلب بند ہونے سے ایسا ہوا ہے لیکن پورسٹ مارٹم رپورٹ کے مطابق سری دیوی کی موت کی وجہ حرکت قلب نہیں بلکہ حادثہ ہےرپورٹ میں یہ بات بھی کہی گئی کہ سری دیوی کے جسم میں نشے کی مقدار بھی پائی گئی۔

بالی وڈ‌کے بادشاہ شاہ رخ خان ڈان تھری میں کام کریں گے یا نہیں اس حوالے سے ایک خبر سامنے آئی ہے خبر کے مطابق شاہ رخ خان کو جاوید اختر کے بیٹے فلمساز فرحان اختر نے ڈان تھری کی کہانی سنائی ہے لیکن شاہ رخ خان ڈان تھری کی کہانی سے بالکل بھی متاثر نہیں‌ ہوئے. انہوں نے فی الحال فلم کو کرنے کے لئے ہاں نہیں‌کی بلکہ ان کا کہانی سننے کے بعد جو رد عمل ہے وہ اسی طرح‌کا ہے کہ جیسے وہ ڈان تھری کا حصہ نہیں بنیں گے. اس وقت بالی وڈ‌کی جو صورتحال ہے اس کے مطابق چلنا اداکاروں کے لئے بہت ضروری ہو گیا ہے. بڑے سے بڑے اداکار کی فلم بھی فلاپ ہو رہی ہے اور بائیکاٹ کے ٹرینڈز بھی چل رہے ہیں لہذا جو بھی فنکار اب کسی بھی فلم کو سائن کررہا ہے سائن کرنے سے پہلے سوچ بچار کررہا ہے. شاہ

رخ خان نے شاید اسی نقطہ نظر سے ڈان تھری کی کہانی سنی ان کو شاید ایسا لگا ہے کہ کہانی شائقین کو متاثر نہ کر سکے گی لہذا انہوں نے فی الحال تو فرحان اختر کو گھر کی راہ دکھا دی ہے. یاد رہے کہ شاہ رخ خان نے ڈان ون اور ڈان ٹو میں کام کیا تھا ان دونوں فلموں میں ان کے ساتھ پریانکاچوپڑا نظر آئیں تھیں . ڈان سب سے پہلے امیتابھ بچن کو لیکر بنائی گئی تھی اس لئے اس فلم کا سیکول ہر بار کافی چرچا میں رہتا ہے.

معروف مصنف خلیل الرحمان کسی نہ کسی پر تنقید کرتے رہتے ہیں، وہ کسی پر بھی تنقید کرنے کا کوئی بھی موقع ہاتھ سے نہیں جانے دیتے. حال ہی میں انہوں نے اپنی تنقید کا رخ اداکارہ مہوش حیات کی طرف کیا انہوں نے کہا کہ مہوش حیات نے بہت کام کر لیا ہے اب کسی اور کو موقع ملنا چاہیے ، وہ جگہ خالی کریں اور کسی اور کام کرنے دیں. ان سے سوال ہوا کہ کیا آپ نے ماہرہ خان کو معاف کر دیا تو انہوں نے کہا میں نے انہیں معاف کر دیا ہے. تاہم اس پر تفصیلی جواب دینے سے کتراتے ہوئے نظر آئے اور اس بار ماہرہ خان کا نام سن کر زیادہ نہیں بھڑکے اور نہ ہی ان کے بارے میں کچھ بھی

الٹا سیدھا کہا یہ پہلا موقع تھا کہ جب خلیل الرحمان قمر نے ماہرہ خان کے بارے میں کچھ نہیں کہا. ورنہ تو خلیل الرحمان قمر ماہرہ خان کو آڑھے ہاتھوں لیتے ہیں. اسی انٹرویو میں مصنف نے دعوی کر دیا کہ انہوں نے اداکار نعمان اعجاز کا آڈیشن لیا تھا جس میں وہ فیل ہوگئے تھے. یاد رہے کہ خلیل الرحمان قمر عہد حاضر کے وہ رائٹر ہیں جو کسی کو بھی نہیں بخشتے ان کو ہر کسی سے کوئی نہ کوئی شکایت رہتی ہے.ان کے بارے میں کوئی بات کر دے تو اس کو جان نہیں چھوڑتے.

اداکارہ حرامانی جو اپنے بولڈ انداز گفتگو سے جانی جاتی ہیں ان کی سوشل میڈیا پر ایک ٹک ٹاک وڈیو وائرل ہو رہی ہے جس میں ان سے سوال ہوتا ہے کہ تمہارا کسی نے دل توڑا تو حرامانی کہتی ہیں کہ کسی لڑکے نے؟ اگر کوئی لڑکا میرا دل توڑے گا تو میں اس کا منہ نہیں توڑ دوں گی،. وڈیو میں حرامانی شرارت کے موڈ میں نظر آرہی ہیں اور نہایت ہی دلکش بھی لگ رہی ہیں. حرا مانی کے بارے میں مشہور ہے کہ وہ سوچ سمجھ کر نہیں بولتیں.یاد رہے کہ حرامانی بہترین اداکارہ ہونے کے ساتھ ساتھ اچھی گلوکارہ بھی ہیں انہیں گانے کا بھی شوق ہے انہوں نے ”فراری ” گانا بہت اچھے

انداز میں گایا ان کے گانے کو بہت مقبولیت ملی.انہوں نے حال ہی میں لندن میں دس ہزار لوگوں کے سامنے گایا ، انہوں‌ نے پرانی پاکستنانی فلموں کے گانے گا کر داد وصول کی. حرامانی کہتی ہیں‌کہ انہیں بچپن سے گلوکاری کا ہی شوق تھا لیکن قسمت نے انہیں اداکارہ بنا دیا. حرا حال ہی میں‌ اداکار و گلوکار جنید خان کے گانے میں ماڈلنگ کرتی ہوئی بھی دکھائی دی ہیں. حرامانی کو ڈرامہ سریل ” میرے پاس تم ہو ” میں ایک ٹیچر کے کردار سے خاصی شہرت ملی. حرا کی آن سکرین جوڑی افان وحید اور جنید خان کے ساتھ خاصی پسند کی جاتی ہے.

صدف کنول ماڈلنگ کی دنیا کا جانا مانا نام ہیں ان کی مہرین سید سے دوستی سے کون واقف نہیں ہے. دونو‌ں کا شمار پاکستان کی صف اول کی ماڈلز میں ہوتا ہے. صدف کنول جن کی سالگرہ کے موقع پر ان کی پرانی دوست مہرین سید نے دوست ہونے کا حق ادا کیا. انسٹاگرام پر ایک وڈیو وائرل ہو رہی ہے جس میں مہرین سید اور صدف کنول کو گلے ملتے دیکھا جا سکتا ہے. مہرین سید نے سالگرہ کے موقع پر اپنی دیرینہ دوست صدف کنول کو گلے لگا کر سالگرہ کی نہ صرف مبارکباد دی بلکہ کیک کاٹنے کا اہتمام بھی کیا. کیک کاٹتے ہوئے صدف کے ساتھ شہروز سبزواری بھی موجود ہیں. سب کے چہروں پر خوشی دیدنی ہے. اس موقع پر دیگر معروف ماڈلز کےساتھ فیشن کا ایک بڑا نام تابش کھوجا بھی موجود ہے. صدف

کنول اور مہرین سید دونوں متعدد مرتبہ ایک ساتھ ریمپ بھی شئیر کر چکی ہیں دونوں کی خاصی فین فالونگ بھی ہے. مہرین سید بھی شادی کرکے گھر بسا چکی ہیں اور صدف بھی ، صدف کے گھر حال ہی میں ایک ننھی پری کی آمد ہوئی ہے اس موقع پر ان کے شوہر اور سسرال والے کافی خوش دکھائی دئیے اور انہیں ان کے مداھوں کے ساتھ ساتھ ان کے اپنے شوبز ساتھیوں کی جانب سے مبارکبادیں موصول ہوئیں. صدف اور شہروز ایک دوسرے کے ساتھ کاصفے خوش دکھائی دیتے ہیں.

چھوٹی سکرین کی بہت ہی خوبصورت جوڑی ایمن خان اور منیب بٹ دونوں خاصے مقبول ہیں. ان دونوں کی ایک بیٹی بھی ہے جو تین سال کی ہے اسکا نام عمل منیب بٹ ہے. عمل کی تیسری سالگرہ بھی منائی ان کے والدین نے دھوم دھام سے. سوشل میڈیا پر ایک وڈیو وائرل ہو رہی ہے جس میں دیکھا جا سکتا ہے کہ عمل منیب بٹ بچوں کی نظم ” بے بی شارک” پر جھوم رہی ہیں اور ان کی والدہ ایمن خان پاس کھڑی تالیاں بجا رہی ہیں اس دوران ایمن کے چہرے کی خوشی دیدنی ہے. عمل خان اپنی سالگرہ پر بلیو کلر کا فراک پہنے ہوئے دکھائی دے رہی ہیں. ایمن اور منیب اپنی بیٹی سے بہت محبت کرتے ہیں.. عمل کی بہترین پرورش کی وجہ سے ایمن خان نے شادی کے بعد ابھی تک شوبز میں واپسی نہیں کی ان کہنا ہے

کہ ان کی ساری توجہ فی الوقت اپنی بیٹی کی بہترین پرورش پر ہے جبکہ منیب بٹ کہتے ہیں کہ ایمن جتنی اچھی اداکارہ ہیں وہ اس سے کہیں اچھی اور بہترین ماں ہیں وہ بعض اوقات عمل کے لئے اتنا پریشان ہو جاتی ہیں کہ میں کہا کرتا ہوں ایمن نارمل رہو کچھ نہیں ہوتا. یاد رہے کہ ایمن اور منیب بٹ نے محبت کی شادی کی تھی اور ان کی شادی دھوم دھام سے دسمبر 2018 میں ہوئی تھی. مینب بٹ آج کل لاہور میں ہیں اور ان کے ساتھ ایمن اور ان کی بیٹی عمل بھی موجود ہیں.

آمنہ الیاس جنہوں نے رواں برس ریلیز ہونے والی فلم چوہدری میں ” آتش” کے نام سے آئٹم سانگ کیا تھا اس سانگ کےلئے ان پر بہت تنقید ہوئی. تنقید کے پیش نذر فلم سے آئٹم سانگ کو مختصر بھی کر دیا گیا تھا. فلم میں آئٹم سنگ تو مختصر ہو گیا لیکن آمنہ الیاس پر ہونے والی تنقید کسی طور نہ رکی. اسی ھوالے سے آمنہ الیاس نے حال ہی میں ایک انٹرویو دیتے ہوئے کہا ہے کہ ہمارے ہاں آئٹم سانگ کو بہت زیادہ برا سمجھا جاتا ہے اور اسکا نام لیتے ہی بولڈ اور عریانیت کا خاکہ زہن میں بنا لیا جاتا ہے.انڈین اداکارائیں اگر آئٹم سانگ کریں تو ان کو بہت پسند کیا جاتا ہے اور بہت زیادہ شوق سے دیکھا اور ڈسکس کیا جاتا ہے ، یہاں تک کہ ماضی میں ریشم اور بابرہ شریف نے بھی آئٹم سانگ کئے ان کو پسند کیا گیا ان پر

کسی قسم کی تنقید نہیں کی گئی لیکن ہم کریں تو غلط . یہ کیسا معیار ہے؟‌. انہوں نے کہا کہ لوگوں کو سمجھنے کی ضرورت ہے کہ گانا گانا ہوتا ہے ائٹم سانگ بھی ایک طرح کا گانا ہوتا ہے اسکو عریانیت سے جوڑنا نہایت ہی غلط امر ہے. میں نے اسی سال ریلیز ہوئی فلم چوہدری میں جو آئٹم سانگ کیا وہ سکرپٹ کے حساب سے تھا لیکن اس پہ بھی بعض لوگوں نے تنقید کی . ٹھیک ہے تنقید کریں لیکن کسی کا حوصلہ توڑنے اور تنقید کرنے کے فرق کو سمجھیں.

حالیہ سیلاب ملکی تاریخ کا بد ترین سیلاب ثابت ہوا ہے. سینکڑوں لوگ جان سے ہاتھ دھو بیٹھے ہیں ، دیہات ،مال مویشی سب سیلاب کی نذر ہو گئے ہیں . سیلاب متاثرین کی دل دہلا دینے والی ودڈیوز پریشان کن ہیں. جہاں ہر کوئی ہے پریشان وہیں اداکارہ حنا الطاف ہیں خاصی پریشان انہوں نے سیلاب متاثرین کے لئے مدد کی اپیل کر دی ہے. انسٹاگرام پر اپنی مختصر وڈیو میں انہوں نے کہا ہے کہ خواتین اور بچوں کو خصوصی طور پر مد نظر رکھیں. انہوں نے کہا کہ خواتین کے لئے سینٹری پیڈز اور بچوں کے لئے پیمپرز بھی بھجوائے جائیں. حنا الطاف واحد اداکارہ ہیں جنہوں نے خواتین اور بچوں‌کا اس اینگل سے خیال کیا ہے اور لوگوں سے مدد کی اپیل کی ہے. انہوں نے خاص کر یہ کہا ہےکہ مدد کرنے والے زہن میں رکھیں کہ

جو چیزیں آپ بھجوا رہے ہیں وہ تیار ہونی چاہیں ، لوگ بے سرو سامانی کے عالم میں ہیں‌وہ کہاں جا کر پکائیں گے؟ برتن چولہے کا انتظام کیسے کریں گے. اس لئے کوشش کریں کہ جو چیز بھی بھیجیں کھانے کی وہ تیار ہو.حنا الطاف نے یہ بھی کہا کہ اگر آپ کے پاس بہت زیادہ پیسے دینے کی گنجائش نہیں ہے تو ایک سو روپیہ ہی دے دیں یہ بھی اس وقت بہت معنی رکھتا ہے اور کئی لوگوں کی اس سے مدد ہوسکتی ہے. نہ دینے سے بہتر ہے کہ آپ سو روپیہ ہی سیلاب متاثرین کے لئے عطیہ کر دیں.

پاکستانی نامور میوزیشن اور گلوکار ساحر علی بگا نے کہا ہےکہ ملکہ ترنم نور جہاں ان کے گانوں کو بہت زیادہ پسند کرتی تھیں اور انہیں جب بھی سنتی تھیں تو دعائیں دیتی تھیں اکثر کہا کرتی تھیں کہ تم بہت آگے جائو گے لہذا میں آج جو بھی ہوں اور جس بھی مقام پر ہوں وہ انہی کی دعائوں‌کا نتیجہ ہے. ساحر علی بگا نے بتایا ہے کہ وہ میڈم نور جہاں کے بچپن سے ہی بہت بڑے مداح رہے ہیں اور خوش نصیبی ہے کہ ان سے ملاقات ہوتی رہی بلکہ وہ ان کا گانا بھی سنتی رہیں. ساحر علی بگا نے کہا کہ میں نے ہمیشہ پاکستان کی سر بلندی کےلئے کام کیا ہے. اپنا کام ایماندار ی سے

کرتا ہوں میں خود کو خالص پاکستانی گلوکار اس لئے سمجھتا ہوں کیونکہ میں نے ہمیشہ پاکستان کے لئے گایا اور کسی کی نقل نہیں کی. ساحر علی بگا نے مزید کہا کہ بہت سارے دوسرے گلوکاروں پر بھارتی ٹیگ لگا ہوا ہے. شاید ساحر علی بگا نے ان گلوکاروں کو ٹارگٹ کیا ہے جو بھارت جا کر گاتے ہیں یا جن کے گانے انڈین فلموں میں شامل کئے جاتے ہیں. تاہم ساحر علی بگا آج تک بھارتی فلموں میں گاتے ہوئے دکھائی نہیں دئیے یا شاید ان کو کبھی وہاں سے آفر نہیں آئی. ساحر علی بگا کے کریڈٹ پر کافی مشہور گانے اور کمپوزیشنز ہیں ان کا تقریبا ہر گانا یوٹیوب پر ریکارڈ قائم کرتا ہے.