Category: شوبز

محرم الحرام کی آمد کے ساتھ ہی شوبز کی سرگرمیاں ماند پڑ جاتی ہیں ۔ ٹی وی اور ریڈیو بھی عشرہ محرم کے حوالے سے یکم سے آٹھ محرم تک واقعہ کربلا کے ذکر کے علاوہ شہادت حسینؓ پر مذاکرے اور سوزو سلام کے علاوہ مرثیہ خوانی کے پروگرام پیش کرتے ہیں ، جبکہ نویں اور دسویں محرم کو ٹی وی اورریڈیوچینلز محرم الحرام کے حوالے سے خصوصی نشریات پیش کرتے ہیں۔ شوبزسے تعلق رکھنے والے خواتین وحضرات محرم الحرام کو پورے عقیدت واحترام کے ساتھ گزارتے ہیں.آج آٹھواں محرم ہے اور شوبز کے حلقوں میں عاشورہ محرم عقیدت واحترام کے ساتھ منایا جارہا ہے فنکاروں کے گھروں پر مجالس عزا اور نیاز تقسیم کرنے کا سلسلہ جاری ہے . گزشتہ روز گلوکارہ سائرہ نسیم کے گھر مجلس کا اہتمام کیا گیا.

اس میں مدیحہ شاہ اور گلوکار ملکو و دیگر نے شرکت کی. گلوکارہ سائرہ نسیم اور مدیحہ شاہ کو تصاویر میں غمزدہ دیکھا جا سکتا ہے اور دیکھا جا سکتا ہےکہ وہ کس قدر غم حسین میں‌ڈوبی ہوئی ہیں.

اس موقع پر حضرت امام حسین رضی اللہ تعالیٰ عنہُ اور ان کے رفقا کی عظیم قربانیوں کا ذکر کرتے ہوئے انہیں خراج بھی پیش کیا گیا. سائرہ نسیم کے علاوہ بہت ساری دوسری اداکارائوں کے گھر بھی مجلس کا اہتمام کیا جا رہا ہے. اس ماہ میں شوبز کی تمام خواتین اپنا شوبز کا کام چھوڑ کر مکمل طور پر محرم کا احترام کرتے ہوئے مجالس کا اہتمام کرنے کے ساتھ نیاز بھی تقسیم کرتی ہیں.

سپر اسٹار سلمان خان آج صبح دبئی سے واپس ممبئی پہنچے ہیں اداکار مختصر ٹوور کے لئے دبئی گئے تھے. ممبئی ائیر پورٹ پر وہ بھاری سیکیورٹی کے حصار میں تھے. ان کا ذاتی محافظ شیرا دیگر سیکورٹی اہلکاروں کے ساتھ ان کے ساتھ تھے۔ پولیس والوں کو بھی سپر اسٹار کو سیکیورٹی فراہم کرتے دیکھا گیا۔ سلمان کو بلیک جینز اور جوتے کے ساتھ گرے ٹی شرٹ میں ملبوس دیکھا گیا۔ سلمان خان نے چند دن قبل اپنی حفاظت کے لئے اپنے پاسس اسلحہ رکھنے

کی اجازت مانگی تھی انہیں اپنے پاس اسلحہ رکھنے کی اجازت مل گئی تھی. سلمان خان کو قتل کی دھمکیاں پنجابی گلوکار سدھو موسے والا لے قتل کے فورا بعد ملنا شروع ہو گئیں تھیں انہیں قتل کر دینے کی دھمکیاں پہلے بھی موصول ہوئیں تھیں لیکن سدھو موسے والا کے قتل کے بعد ان دھمکیوں میں تیزی آئی تھی. اداکار سلمان خان پولیس کے ساتھ مکمل تعاون کرتے ہوئے دکھائی دے رہے ہیں اور اپنی سیکیورٹی کو بالکل بھی نظر انداز نہیں کررہے. سلمان خان شوٹنگز بھی کررہے ہیں لیکن ہر جگہ ان کے ساتھ سیکیورٹی موجود ہوتی ہے جو اداکار کی ہر دم حفاظت کررہی ہے. یاد رہے کہ سلمان خان آج کل کبھی عید کبھی دیوالی کی شوٹنگ کررہے ہیں اس کے علاوہ وہ جلد ہی ٹائیگر تھری میں کترینہ کیف اور عمران ہاشمی کے ساتھ بھی دکھائی دیں گے.

بالی وڈ اداکار عامر خان نے اپنے حالیہ انٹرویو میں کہا ہے کہ مجھے اس بات کا یقین ہے کہ میں نے فلم بہت اچھی بنائی ہے لیکن یہ سوچ سوچ کر پریشان اور نروس ہو رہا ہوں‌ کہ پتہ نہیں شائقین کو فلم پسند آئیگی یا نہیں. انہوں نے کہا کہ فلم کو بنانے میں‌14 سال لگے 8 سے 9 سال تو فلم کے حقوق حاصل کرنے میں‌ ہی لگ گئے. عامر خان نے کہا کہ میں گھبرایا ہوا ہوں. فلم لال سنگھ چڈھا ہندوستان اور بیرون ملک کی گئی ہے.فلم کا میوزک کافی پسند کیا جا رہا ہے.خصوصی طور پرپھر نہ ایسی رات آئے گی، تور کلیاں اور تیرے ہوالے کو زبردست رسپانس مل رہا ہے

اور میوزیکل چارٹس پر یہ گانے ٹرینڈ کر رہے ہیں.عامر خان لال جبکہ کرینہ کپور خان روپا کے کردار میں نظر آئیں گی.کرینہ کپور بھی اس فلم کی ریلیز کو لیکر کافی پرجوش ہیں وہ کہتی ہیں کہ ان کا اس فلم کے لئے سکرین ٹیسٹ ہوا تھا، انہوں یہ بھی کہا تھا کہ وہ سکرین ٹیسٹ کے آئیڈیا پر زیادہ خوش نہیں تھیں لیکن ان کے شوہر سیف علی خان نے انہیں اس چیز کے لئے راضی کیا.یہ فلم ہالی ووڈ کی فلم فارسٹ گمپ کا ریمیک ہے جس میں ٹام ہینکس نے کام کیا ہے۔ فلم 11 اگست کو ریلیز ہونے جا رہی ہے. دوسری طرف لال سنگھ چڈھا بائیکاٹ کا ٹرینڈ بھی چل رہاہے جس سے عامر خان ناخوش ہیں.

بالی وڈ کے اداکار انیل کپور جو مسٹر انڈیا بھی ہیں اور لکھن بھی ہیں ان کے ہر کردار کو شائقین کی جانب سے بے حد سراہا گیا. انیل کپور نے اپنے کیرئیر میں تجربات کم ہی کئے ہیں لیکن ایک ایسا تجربہ ہے جو کر کے انہیں کوئی زیادہ خوشی نہیں ملی بلکہ مایوسی ہی ہوئی. انیل کپور نے فلم لحمے مونچھوں کے بغیر کی اس فلم کو کرنے کےلئے انیل کپور کو اپنی مونچھیں صاف کروانا پڑیں انہوں نے کروا لیں شائقین کی جانب سے ان کے مونچھیں اتروانے کے عمل کو رد کر دیا گیا اور ان کی فلم لمحے جو کہ بڑے بجٹ کی بڑی فلم تھی وہ فلاپ ہوگئی. انیل کپور نے کئی برس کے بعد اپنے اس تجربے کے حوالے سے بات کرتے ہوئے کہا

ہے کہ مونچھیں صاف کروا کر کام کرنا ایک غلطی تھی، انہوں نے اپنے حالیہ انٹرویو میں کہا کہ میں‌ نے اپنی زندگی میں ایک ہی بار مونچھ صاف کروائی وہ بھی دو فلموں کے لئے اور وہ دونوں فلمیں‌ہی بری طرح‌فلاپ ہو گئیں. جب میری مونچھوں کے بغیر والی فلمیں فلاپ ہو گئیں تو میں نے فیصلہ کہ اب کبھی بھی مونچھوں کے بغیر فلم نہیں کرنی. انیل کپور نے مزید کہا کہ مجھے خوشی ہے کہ میرے پرستاروں نے مجھے ہر حال اور ہر روپ میں سراہا لیکن شاید مونجھوں کے بغیر ان کو میں‌اچھا نہیں لگا اور میں نے بھی ان کی رائے کا احترام کیا اور دوبارہ کبھی بغیر مونچھوں کے فلم نہیں‌ کی.

ہمایوں سعید کے ساتھ ڈرامہ سیریل ”دل لگی” میں ایک چھوٹا مگر یاد رہ جانے والا کردار کرنے والے عمران اشرف کے بارے میں کون سوچ سکتا تھا کہ یہ لڑکا کل کو سپر سٹار بن جائیگا. ڈرامہ سیریل رانجھا رانجھا کردی میں بھولے کے کردار نے انہیں شہرت کی ایسی بلندیوں پر پہنچایا کہ جس کا صرف نئے آنے والے لوگ خواب ہی دیکھ سکتے ہیں. اس کے بعد ڈرامہ سیریل رقص بسمل نے بھی انہیں خوب شہرت دی عمران اشرف ہر کسی کے فیورٹ اداکار بن گئے. رواں برس ان کی پہلی فلم دم مستم بھی ریلیز ہوئی. عمران اشرف باصلاحیت اداکار ہونے کے ساتھ ساتھ ایک بہترین انسان بھی ہیں انہوں نے زیرو سے کام شروع کیا

اور بغیر کسی سفارش کے اپنا نام بنایا. عمران اشرف سوشل میڈیا پر کافی متحرک رہتے ہیں اور اکثر کچھ نہ کچھ شاعری کے انداز میں لکھتے لکھاتے بھی رہتے ہیں. ٹویٹر پر بھی ان کے فالورز کی تعداد کافی زیادہ ہے اسی طرح‌سے ان کی انسٹاگرام پر بھی فالورز اور مداحوں کی تعداد تین ملین ہو گئی ہے اس موقع پر عمران اشرف نے ایک پوسٹ شئیر کرکے اپنے فالورز کا شکریہ ادا کیا اور لکھا کہ ” زیرو سے تین ملین تک ” .اداکار نے کہا کہ میں اپنے مداحوں کو کبھی بھی مایوس نہیں ہونے دوں گا اور ایسے کردار کروں گا جو ان کو یاد رہ جائیں.

متھیرا کا شمار پاکستان کی بولڈ اداکارائوں اور ماڈلز میں ہوتا ہے. انہوں‌ نے بہت کم کام کیا ہے لیکن اسکے باوجود ان کے نام کے چرچے ہیں اور لوگ جانتے ہیں‌کہ متھیرا کون ہے. متھیرا کافی عرصے سے سکرین سے غائب رہی ہیں یہاں تک کہ وہ نہ کسی انٹرویو میں نظر آئیں نہ ہی کسی فلمی پارٹی میں دیکھی گئیں. متھیرا نے حال ہی میں ایک پروگرام میں بات کرتے ہوئے کہا کہ جب وہ زمبابوے سے پاکستان آئیں تھیں تو یہاں ان کے پاس کھانے پینے کے لئے کچھ نہیں تھا. انہوں نے بتایا کہ میں نے
بہت مشکل وقت دیکھا، میرے پاس کچھ بھی نہیں تھا نہ ہی وسائل تھے. دور دور تک اندازہ نہیں تھا کہ آنے والا کل روشن ہو

گا، مایوسیوں‌میں خوشی اور آس کی ایک کرن نظر آئی جب ایک نجی ٹی وی پر کام ملا وہاں سے اچھے دنوں‌کا آغاز ہوا اور دیکھتے ہی دیکھتے میں شہرت کی بلندیوں پر پہنچ گئی. متھیرا نے اس گفتگو میں پارٹیاں منعقد کئے جانے پر کھل کر تنقید کی انہوں نے کہا کہ نوجوان نسل کی تباہی کا باعث ہی یہ پارٹیاں ہیں ان پارٹیوں میں لوگ نشہ تک کرتے ہیں ان کو نہیں‌پتہ ہوتا کہ وہ کس سے کیا بات کررہے ہیں اور نوجوان نسل ایسی پارٹیوں سے برا اثر لے سکتی ہے لہذا نوجوان نسل کو ان پارٹیوں سے بالکل دور رہنا چاہیے.یاد رہے کہ متھیرا نے ہمایوں سعید کی فلم میں ہوں شاہد آفریدی میں ایک بولڈ آئٹم سانگ بھی کیا تھا.

بھارت کا معروف شو کپل شرما شو، کی طرز پر پاکستان میں ایک شو ترتیب دیا گیا ہے شو کا نام ہے” ہنسنا منع ہے” اس شو کی میزبانی تابش ہاشمی کررہے ہیں. کپل شرما شو کی طرز پر اسی طرح سے شو میں مہمانوں‌کو بلایا جاتا ہے اور ان سے ہلکی پھلکی چھیڑ چھاڑ کی جاتی ہے. تابش ہاشمی کپل شرما کے نقش قدم پر چلتے ہوئے ایسا کر تو رہےہیں لیکن اس انداز میں اپنے سٹائل کا تڑکہ نہیں لگا سکے. تابش ہاشمی نے حال ہی میں اپنے شو میں حنا الطاف اور آغا علی کو مدعو کیا. ان کے ساتھ تابش ہاشمی نے ہنسی مذاق کرتے کرتے اداکارہ منال خان کا کائلی جینر کی انسٹا اسٹوری کو بے دریغ چوری کرنے کا موضوع اٹھایا اوراداکارہ کا مذاق اڑانا شروع کر دیا.

تابش ہاشمی کے اس مذاق کو حنا الطاف اور آغا علی نے تو آگے نہیں بڑھایا انہوں‌نے بلکہ خاموشی اختیار کی اور تابش خود ہی بول کر اگلی بات پر چلے گئے. تابش ہاشمی کا اداکارہ منال کا اپنے شو میں مذاق بنانے والا کلپ سوشل میڈیا پر وائرل ہوا تو تابش ہاشمی کو آڑھے ہاتھوں لیا گیا کسی نے کہا کہ میزبان کو یہ سب کرنا زیب نہیں‌دیتا تو کسی نے کہا کہ کسی کا مذاق اڑانے کا حق کسی کو بھی نہیں ہے. ہر کسی نے تابش ہاشمی کو خود سنائیں لگتا ہے کہ سوشل میڈیا پر اتنی سننے کے بعد تابش ہاشمی یقینا آئندہ سے کسی کا مذاق بنانے کے حوالے سے احتیاط کریں گے.

پاکستانی فلم ”جوائے لینڈ” نے دنیا کے سب سے بڑے فلمی میلے کانز میں جیوری کے دل جیتتے ہوئے ایوارڈ اپنے نام کیا. کانز فلم فیسٹیول میں ایوارڈ جیتنا یقین اہمیت کا حامل ہے اور یہ اعزاز اس سے پہلے کسی پاکستانی فلم کے حصے میں نہیں آیا تھا. کانز فلم فیسٹیول کے بعد اس فلم کو انڈین فلم فیسٹیول آف میلبورن (IFFM) کی کیٹیگری بیسٹ فلم فرام دی سبکونٹی نینٹ میں نامزد کیا گیا ہے۔ یہ یقینا پاکستان کے لئے اور پاکستانی شوبز انڈسٹری کے ایک اعزاز ہے. فلم جوائے لینڈ کے ہدایتکار صائم صادق اس موقع پر کہتے ہیں‌ کہ یہ ایک بہت بڑا اعزاز ہے اور میں اس فیسٹیول میں شرکت کے لیے بہت

پرجوش ہوں۔یادرہے کہ فلم جوائے لینڈ کی کہانی ایک خواجہ سرا کی زندگی پر بنائی گئی ہے جس کو سرمد کھوسٹ اوراپوروا چرن نے پروڈیوس کیا ہے۔ فلم کی کاسٹ میں ثانیہ سعید، ثناء جعفری، علی جونیجو، علینہ خان، ثروت گیلانی، راستی فاروق سمیت دیگر اداکار شامل ہیں .جب سے فلم جوائے لینڈ نے کانز فلم فیسٹیول میں ایوارڈ جیتا ہے تب سے پاکستانیوں کی بھی خواہش ہے کہ اسے پاکستان میں بھی ریلیز کیا جائے، اس حوالے سے ہدایتکار صائم صادق کہہ چکے ہیں کہ پاکستان میں فلم موسم سرما میں ریلیز کی جائیگی ،پاکستانی شائقین فلم جوائے لینڈ کی ریلیز کا بے چینی سے انتظار کررہے ہیں.

5 اگست 2019 کو ایک صدارتی حکم نامے میں، مودی حکومت نے بھارتی آئین کے آرٹیکل 370 اور 35-A کی دفعات کو منسوخ کرنے کا اقدام کیا اس اقدام کے بعد کشمیری اور پاکستانی سراپا احتجاج ہیں.گزشتہ چار برس سے مقبوضہ وادی کے عوام آزادی اظہار، پر امن اجتماع سمیت تمام بنیادی حقوق سے محروم ہیں. آج چونکہ پانچ اگست ہے لہذا آج کا دن یوم استحسال کے طور پر منایا جا رہا ہے.اس موقع پر اداکارہ بشری انصاری نے کشمیر کے نام ایک پیغام جاری کیا انہوں نے کہا کہ
کشمیر نام ہے اس چہچہاتے پرندے کا جس سے اس کی پرواز چھین لی گئی ہے ۔ ہم بطور پاکستانی اپنے تمام کشمیری بہن
بھائیوں کے ساتھ کھڑے ہیں جو اپنی آزادی کے حق کے لئے لڑ رہے ہیں کشمیر کی منزل آزادی ہے۔

پاکستانیوں کے دل کشمیر کے ساتھ دھڑکتے ہیں اس لئےیوم استحصال کشمیر پر پاکستان نے کشمیریوں کی منصفانہ جدوجہد کی سیاسی، اخلاقی اور سفارتی حمایت جاری رکھنے کےعزم کا اعادہ کرتے ہیں، اور مسلسل چار سال سے مقبوضہ کشمیر کی جغرافیائی حیثیت اور آبادی کا تناسب تبدیل کرنے کے بھارتی اقدامات ناقابل قبول قرار دے رہے ہیں۔یاد رہے کہ کشمیریوں پر ظلم و ستم گزشتہ ایک صدی سے جاری ہے ، لیکن آرٹیکل 370 اور 35 اے کے منسوخ ہونے کے بعد سے صورتحال خراب ہو گئی ہے۔