Category: شوبز

سینئر اداکار جاوید شیخ کے بیٹے شہزاد شیخ اور بیٹی مومل شیخ دونوں ہی اداکار ہیں. دونوں نے اپنے والد اور فیملی کے دوسرے ممبرز کے نقش قدم پر چلتے ہوئے اداکاری کو اپنا کیرئیر بنایا. مومل شیخ تو شادی شدہ ہیں لیکن اس کے باوجود وہ اپنے کیرئیر پر توجہ دے رہی ہیں گو کہ وہ ابھی تک قابل زکر کام نہیں کر سکیں. دوسری طرف اگر ہم شہزاد شیخ کو دیکھیں تو ان کی پوزیشن کام کے معاملے میں اپنی بہن سے بہتر نظر آتی ہے انہوں نے ایسے کریکٹر کئے ہیں جن کی مثال دی جا سکتی ہے. لیکن یہ بات طے ہے کہ دونوں بہن بھائی اپنے والد کی طرح ابھی تک بڑے سٹارز کی صف میں نہیں آسکے. حال ہی

میں شہزاد شیخ اور مومل شیخ دونوں نے ایک ٹی وی انٹرویو میں شرکت کی. شہزاد شیخ سے آڈیئنز میں بیٹھی ایک مداح نے سوال کرنا چاہا اسکو جب مائیک دیا گیا تو اس نے کہا شہزاد سر آپ نے اتنی جلدی شادی کیوں کی. شہزاد شیخ نے سب سے پہلے تو اپنی مداح کو ٹوکا کہ انہیں سر نہ کہے اور دوسرا اسکے سوال کا جواب دیا کہ میں نے جلدی شادی اس لئے کی کیونکہ جو کام کرنے والا ہو وہ وقت سے کر لینا چاہیے. شہزاد شیخ نے بتایا کہ میں نے بہت جلدی شادی کر لی تھی جب میں شادی کے بندھن میں بندھا اس وقت میری عمر بیس برس تھی اور اب میں اٹھائیس برس کا ہوں.اس سے قبل شاید لوگوں کو معلوم نہیں تھا کہ شہزاد شیخ نے اتنی جلدی شادی کی.

چھوٹی سکرین کی بڑی اداکارہ اقراء عزیز ہیں شدید غصے میں. انہوں نے اپنے غصے کا اظہار کیا انسٹاگرام سٹوری کے زریعے. رپورٹس کے مطابق اداکارہ اقراء عزیز نے ایک ریسٹورانٹ میں کال کی اور انہیں آن لائن کھانے کا ایک آڈر دیا. ڈیڑھ گھنٹے کے بعد اداکارہ کو ایک نوٹ موصول ہوا کہ اقراء عزیز کا آڈر کینسل کر دیا گیا ہے کیونکہ جو چیز انہوں نے کھانے کے لئے منگوائی ہے وہ ختم ہو گئی ہے. اقراء عزیز کو یہ نوٹ موصول ہونے پر انہیں شدید غصہ آیا اور انسٹاگرام سٹوری پر انہوں نے اپنے آن لائن آڈر دئیے جانے اور کینسل ہونے کا نوٹ لگا دیا اور ساتھ ہی ساتھ ہوٹل انتظامیہ پر غصہ نکالا. اداکارہ نے یہ آن لائن آڈر

آٹھ بج کر پانچ منٹ پر کیا تھا جسے ڈیڑھ گھنٹے کے بعد کینسل کر دیا گیا. اداکارہ اقراء عزیز کے ساتھ اکثر کچھ ایسا ہوتا رہتا ہے جو روٹین سے ہٹ کر ہے. اس سے قبل بھی اداکارہ کا فون ایک جہاز میں‌رہ گیا تھا وہ اس جہاز میں سفر کررہیں تھیں اور وہیں اپنا فون بھول کر گھر آگئیں بعد میں اپنے فون کی واپسی کے لئے تگ و دو کرتی رہیں. دوسری طرف یاسر حسین کو دیکھیں تو وہ اپنے بیانات کی وجہ سے پھنس جاتے ہیں ان پر تنقید کے نشتر برسائے جاتے ہیں جبکہ اقراء عزیز بولنے میں کافی احیتاط برتتی ہیں کم از کم وہ اپنے بیانات کی وجہ سے تنقید کی زد میں نہیں آتیں.

اداکارہ دیپیکا پاڈوکون جن کوفرح خان کی ڈائریکشن میں بننے والی فلم اوم شانتی اوم میں پہلی بار ہیروئین بننے کا موقع ملا۔ اس فلم کے بعد تو جیسے دیپیکا کی قسمت ہی کھل گئی ہو۔ انہوں نے اپنے پندراں سالہ کیرئیر میں جتنا بھی کام کیا ہے وہ اپنی مثال آپ ہے۔اداکارہ اپنی بہترین اداکاری پر کافی ایوارڈز بھی حاصل کر چکی ہیں۔انہوں نے حال ہی میں ایک انٹرویو دیا ہے جس میں انہوں نے انکشاف کیا ہے کہ ان کو اپنی کونسی فلم بہت زیادہ پسند ہے۔ انہوں نے بتایا ہے کہ ان کو اپنی فلم پیکو بہت زیادہ پسند ہے وہ کردار ان کی ذاتی زندگی کے کافی قریب ہے۔

اداکارہ نے کہا کہ اس کردار کو کرنے کے لئے انہوں نے بہت زیادہ انرجی لگائی تھی اور اس کردار کی جو عمر دکھائی گئی ہے فلم میں، میں ٓٹھیک آج اسی عمر میں ہوں۔ دیپیکا نے کہا کہ میں نے ٓآج تک جتنے بھی کردار کئے ہیں دل سے کئے ہیں اور ہر فلم میرے دل کے قریب ہے لیکن پیکو کے ساتھ کچھ الگ قسم کی یادیں وابستہ ہیں اس لئے یہ ہمیشہ ہی میری فیورٹ فلم رہے گی۔ اداکارہ نے یہ تک کہا کہ اس فلم میں دو بڑے فنکاروں کے ساتھ کام کرنے کا موقع میسر آیا جو کہ کسی خوش نصیبی سے کم نہیں ہے فلم میں امتیابھ بچن اور عرفان خان کے ساتھ کام کرنا یقینا یادگار ہے۔

اداکار عثمان مختار جو کم مگر معیاری کام کرنے کو ترجیح دیتے ہیں حال ہی میں انہوں نے ایک انٹرویو میں کہا ہے کہ میں جتنا سنجیدہ لگتا ہوں اتنا ہوں نہیں میرے قریبی لوگ جانتے ہیں کہ میں کس قدر ہنسی مذاق کرنے والا انسان ہوں۔ میں سنجیدہ ہوں یہ تاثر میرے کرداروں کی وجہ سے ہے اب جیسے کردار ملیں گے ویسے ہی کروں گا۔ کامیڈی کردار ٓآفر ہی نہیں ہوتے تو کیا کیا جائے۔ اگر مجھے کامیڈی کردار ملے تو یقینا میں کروں گا اور مجھے بہت بار پوچھا جا چکا ہے کہ کیا کامیڈی کردار آپ کی ترجیحات میں نہیں ہیں تو میں یہ کہنا چاہتا ہوں کہ اداکار

کو ہر قسم کے کردار کرنے چاہیں اور کامیڈی میری ترجیحات میں بالکل ہے لیکن کامیڈی ڈرامے بنتے ہی کم ہیں۔ رمضان المبارک میں کہیں کوئی ہلکا پھلکا کامیڈی ڈرامہ بن جاتا ہے اس کے علاوہ تو سارا سال جو ڈرامے چلتے ہیں وہ سبھی سنجیدہ کہانیوں پر مبنی ہوتے ہیں۔جب کام ہی ایک جیسا ہو رہا ہو ایک ہی پیٹرن پر ہو رہا ہو تو پھر ایسے میں الگ کام کیسے چوائس کیا جائے۔ لیکن مجھے جب بھی اچھا کامیڈی کردار ملا تو میں ضرور کروں گا بلکہ کامیڈی کردار مجھے سنجیدہ کرداروں سے زیادہ پسند ہیں۔ یاد رہے کہ عثمان مختار نامور ہیروئینز کے ساتھ کام کر چکے ہیں جن میں ماہرہ خان کا نام قابل زکر ہے.

سینئر اداکارہ ارسہ غزل نے حال ہی میں ایک انٹرویو دیا ہے اس میں انہوں نے کہا ہے کہ میں ڈرامہ سیریل ”حبس” میں جو کردار کررہی ہوں وہ یہی بتاتا ہے کہ اگر ساتھ نہیں چل سکتے تو ایک ساتھ رہ کر ایک دوسرے کی زندگی اجیرن کرنے سے بہتر ہے کہ ایک دوسرے سے الگ ہو کر رہا جائے۔ ارسہ غزل نے کہا کہ میں نے اپنی زندگی میں اپنے اردگرد بہت سارے ایسے لوگ دیکھے جو ساری زندگی ایک دوسرے کو جھیلتے ہی رہے لیکن الگ نہ ہوئے ان کے بچوں نے ایک سٹیج پر آکر ان سے کہا کہ پلیز آپ دونوں الگ ہوجائیں تاکہ آپ دونوں خوش رہ سکیں ہم روزانہ کے لڑائی جھگڑوں سے تنگ آچکے ہیں۔ ارسہ غزل نے کہا کہ ماں باپ کے

لڑائی جھگڑوں بچے ہی پریشان ہوتے ہیں۔ ارسہ نے یہ بھی کہا کہ مرد کا رشتہ نہ چلے تو وہ شادی کرلے اور اپنے کم عمر سے شادی کرے تو کوئی نہیں بولتا لیکن کوئی طلاق یافتہ عورت اگر شادی کر لیتی ہے تو اس کو اتنی باتیں سنائی جاتی ہیں کہ اسکا جینا حرام کر دیا جاتا ہے یہ ہماری سوسائٹی کا دوہرا معیار ہے جسے میں پسند نہیں کرتی۔ ارسہ نے یہ بھی کہا کہ جب ایک دوسرے سے الگ ہوجائیں تو پھر پبلک میں اس بارے میں بات نہیں کرنی چاہیے ایک دوسرے کو چھوڑنا ضروری ہو تو عزت احترام کے ساتھ چھوڑیں۔

اداکارہ جیا بچن کہتی ہیں کہ امیتابھ بچن جب گھر سے باہر ہوتے ہیں تو گھر میں جتنی مرضی ایمرجنسی ہوجائے امیتابھ کو فون کرتی رہتی ہوں لیکن وہ فون نہیں اٹھاتے حالانکہ ان کے پاس ایک سے زیادہ فون ہیں تمام نمبروں پر کالز کرتی ہوں لیکن مجال ہے کہ یہ فون اٹھا جائیں اور پھر بعد میں گلہ کرتے ہیں کہ بتایا کیوں نہیں۔اس ھوالے سے اسی انٹرویو میں امتیابھ بچن نے کہا کہ میں جب شوٹنگ میں مصروف ہوتا ہوں تو کیسے کسی کا بھی فون اٹھا سکتا ہوں۔ پھر جیا بچن نے یہ بھی کہا کہ امیتابھ سے پوچھتی رہتی

ہوں کہ کیا کھائیں گے ٓآج شام کو تو یہ کہتے ہیں جو دل کرے بنوا لو تو میں کافی ساری آپشنز دیتی ہوں تو کہیں گے کہ نہیں یہ نہیں کچھ اور ، کچھ ور بتائوں تو پھر انکار، پھر آخرمیں کہیں گے کہ جو دل کرے بنا لو، امیتابھ نے اس پر بھی جواب دیا کہ جتنی بھی بحث ہو کہ کیا بنایا جائے آخر میں تو یہی کہتا ہوں نا کہ جو تمہارا دل کرے بنا لو۔ اس انٹرویو میں جیا بچن نے یہ بھی کہا کہ امیتابھ بچن کو آج تک یہ نہیں پتہ چل سکا کہ میں پارلر گئی تو کیا کروا کے آئی ہوں اس کے جواب میں امیتابھ بچن نے کہا کہ مجھے سمجھ ہی نہیں آتی چہرہ اور بال دیکھ کر کہ یہ کیا کروا کر آئی ہے تو کیا بتائوں.

اداکار ول سمتھ کی طرف سے کرس راک کو تھپڑ مارنے کے عمل پر کافی تنقید کی گئی.اس تنقید نے اتنا اثر کیا کہ اداکار ول سمتھ کو اپنی اس حرکت پر خود بھی شرمندگی ہوئی اور انہوں نے کرس راک سے معافی مانگ لی اور ان کے ساتھ بات کرنے کی آفر کی لیکن کرس راک نے تاحال ول سمتھ سے بات کرنے کی حامی نہیں بھری. ول سمتھ کی بیٹی نے حال ہی میں ایک بیان دیا ہے اور کہا ہے کہ میرے والد بھی انسان ہیں اور غلطیاں انسانوں سے ہی ہوتی ہیں کوئی بھی انسان کامل نہیں‌ہوتا. میریے والد بھی انسان ہیں وہ بھی عام انسانوں کی طرح غلطی کر سکتے

ہیں. میرے والد میں‌ خامیاں‌ہیں‌یقینا ہیں لیکن اس کے باوجود میں ان سے بہت محبت کرتی ہوں.یوں ول سمتھ کی بیٹی جو کہ مشہور اداکارہ ور گلوکارہ بھی ہیں انہوں‌نے اپنے باپ کی حمایت کی اور اپنے باپ کے مداحوں اور ناقدین سے کہا ہےکہ مت بھولیں کہ غلطیاں انسانوں سے ہی ہوتی ہیں. یاد رہے کہ بیوی کا مذاق اڑانے پر ول سمتھ آپے سے باہرہوگئے اور اپنے جذبات پر قابو نہ رکھ سکے انہوں نے آسکر کی لائیو تقریب میں کامیڈین کرس راک کو زناٹے دار تھپڑ جڑ دیا.تفصیلات کے مطابق شو کے دوران کامیڈین کرس راک نے تقریب میں شریک لوگوں‌کو ہنسانے کی غرض‌سے بہترین اداکار نامزد ہونے والے اداکار ول اسمتھ کی اہلیہ، اداکارہ جاڈا پنکیٹ اسمتھ کو مذاق کا نشانہ بنایاتھا.

اداکارہ ایشل فیاض جو کسی تعارف کا محتاج نہیں ہیں گو کہ انہوں نے بہت زیادہ کام نہیں کیا لیکن جتنا بھی کام کیا ہےاچھا کیاہے۔ اداکارہ ایشل فیاض نے خلیل الرحمان قمر کی فلم کاف کنگنا میں کام کیا گو کہ فلم فلاپ ہو گئی لیکن ایشل کی اداکاری کو سراہا گیا۔جیسا کہ ساری دنیا ہی اب سوشل میڈیا پر ہے لہذا ایشل فیاض کیسے پیچھے رہ سکتی ہیں انہوں نے حال ہی میں انسٹاگرام پر اپنی تصاویر اور وڈیوز شئیر کیں ۔ان کے مداحوں نے جہاں ان کو پسند کیا وہیں تنقید کے نشتر بھی برسائے، ایک صارف نے تو اداکارہ کو سیدھی سیدھی ہی سنادیں بولا آپ ان تصاویر

اور وڈیوز کے زریعے اپنے جسم کی نمائش کررہی ہیں اس پر ایشل کو غصہ ٓآیا اور انہوں نے اس صارف کو لیا آڑھے ہاتھوں کہنے لگیں تصاویر میں مسئلہ نہیں ہے دیکھنے والے کی زہن میں گندگی ہے میرا انسٹاگرام میری مرضی آپ کون ہو۔ ایشل فیاض کا غصہ یہیں نہیں ختم ہوا بلکہ انہوں نے اپنی تصاویر کی پرائیویسی کوہی تبدیل کر دیا اور کمنٹس سیکشن کو بھی بند کردیا۔بظاہر تو ایشل نے شو کیا کہ انہیں صارفین کی تنقید سے فرق نہیں پڑتا لیکن ان کو فرق بالکل پڑا جس کے نتیجے میں انہوں نے اپنی تصاویر اور وڈیوز کی پرائیویسی کو تبدیل کیا۔یاد رہے کہ اداکارہ کا نام خلیل الرحمان قمر کے ساتھ جوڑا جاتا رہاہے.ان کے ساتھ تعلق کی کیا حقیقت ہے اس پر اداکارہ نے ہمیشہ ہی بات کرنے سے احتراز کیا ہے.

سینئر اداکارہ سکینہ سموں کی بطور ہدایتکارہ پہلی فلم انتظار کو رواں برس ریلیز کرنے کا اعلان کر دیا گیا ہے. اداکارہ نے اپنے انسٹاگرام اکائونٹ سے ایک پوسٹ کی اور اپنے مداحوں کو بتایا کہ میری ہدایتکاری میں بننے والی فلم کو رواں مہینے 19 اگست کو ریلیز کیا جائیگا یوں فلم کی ریلیز کی تصدیق خود اداکارہ نے کی ہے. انتظار فلم کو امریکا میں ہونے والے ہارلم فلم فیسٹیول سمیت دیگر فیسٹیولز میں پیش کیا جا چکا ہے اسکو ہر جگہ خاصی پذیرائی ملی ہے. فلم کی کاسٹ میں کیف غزنوی، رضا علی عابد ثمینہ احمد، خالد احمد اور عدنان جعفر و دیگر شامل ہیں. سکینہ سموں نے فلم کی ریلیز کے حوالے سے کئی گئی پوسٹ میں‌لکھا کہ ایک خواب جو حقیقت بننے

جا رہا ہے اور لوگ میری ہدایتکاری میں بننے والی فلم کو اب دیکھ سکیں گے. سکینہ سموں کا شمار پاکستان کی بہترین اداکارائوں میں‌ہوتا ہے انہوں نے ہمیشہ ہی اپنی ورسٹائل اداکاری سے شائقین کے دلوں‌کو جیتا ہے. ماضی قریب میں اختتام پذیر ہونے والا ڈرامہ دوبارہ میں انہوں نے ایک ایسی نند کا کردار ادا کیا تھا جو بھابی کو پسند نہیں‌کرتی اور اس کے ساتھ خالصتا روایتی نندوں والا سلوک کرتی ہیں چاہتی ہیں‌کہ ان کی مرضی کے مطابق ان کی بھابھی زندگی گزارے. سکینہ سموں‌ کی ہدایتکاری میں بننے والی فلم سے شائقین کو کافی امیدیں وابستہ ہیں ان کا ماننا ہے کہ اداکارہ نے یقینا اچھی فلم ہی بنائی ہوگی.