Category: شوبز

بالی وڈ کے اداکار سوشانت سنگھ راجپوت جو کہ 14 جون 2020 کو ممبئی میں اپنے باندرہ اپارٹمنٹ میں مردہ پائے گئے تھے۔ ان کی موت نے بہت سارے سوالات اٹھائے تھے بہت سارے لوگوں‌کی گرفتاریاں بھی ہوئیں لیکن کہیں سے کچھ پتہ نہیں‌چل سکا کہ سوشانت سنگھ راجپوت کی خود کشی کا ذمہ دار کون ہے. سوشانت سنگھ کی گرل فرینڈ ان دنوں میں ریا چکرورتی تھیں ان پر بھی انگلیاں اٹھیں. حال ہی میں سوشانت سنگھ راجپوت کی بہن پریانکا راجپوت نے ریا چکرورتی کو اپنے بھائی کی موت کا ذمہ دار ٹھہرایا ہے انہوں‌نے کہا کہ جب اس نے میرے بھائی زندگی میں‌قدم رکھا تھا میرے بھائی کی بربادی کا آغاز ہو گیا تھا . میرا بھائی مجھ سے بہت زیادہ محبت کرتا تھا لیکن اسکی وجہ سے ہمارے درمیان غلط فہمیوں نے جنم لیا. پریانکا سنگھ نے کہا کہ وہ لوگ جنہوں‌ نے ریا کو بچایا اور اس کے لئے باہر نکلے وہ اصل میں وہ

لوگ ہیں جنہو‌ں نے اس ملک کے اہم مسائل پرکبھی بات نہیں کی.ریا کو تو سوشانت کو تباہ کرنے کےلئے بھیجا گیا تھا. پریانکا سنگھ نے مزید کہا کہ سوشانت سنگھ راجپوت کسی بھی کلب کا حصہ نہیں تھے اس نے اپنے ٹیلنٹ کی وجہ سے انڈسٹری میں‌موجود بہت سارے لوگوں‌کو پریشان کر دیا تھا.جو سوشانت کے آگے بڑھنے سے پریشان تھے انہوں‌نے ہی ریا کو میرے بھائی کی زندگی بربار کرنے کے لئے بھیجا. پریانکا کے ان الزامات کے بعد ریا نے ایک پوسٹ کی اور لکھا کہ "شور سے اوپر اٹھو، انا سے اوپر اٹھو، اتنا اوپر اٹھو کہ وہ صرف تم پر انگلیاں اٹھا سکیں.

بھارتی ٹی وی کی بہتری اداکارہ عرفی جاوید باصلاحیت ہو نے کے باوجود اپنے بولڈ انداز کی وجہ سے جانی جاتی ہیں. وہ سوشل میڈیا پر بھی کافی متحرک رہتی ہیں اور اکثر و بیش تر اپنی بولڈ تصاویر شئیر کرتی رہتی ہیں. عرفی جاوید کی فین فالونگ کافی زیادہ ہے. عرفی جاوید کو جہاں بہت زیادہ پسند کیا جاتا ہے وہیں ان کی بولڈ ڈریسنگ کی وجہ سے ان کو تنقید کا سامنا بھی رہتا ہے. جس اداکارہ کے ہیں دیوانے دنیا بھر میں وہ دیوانی ہیں پاکستانی گلوکار علی سیٹھی کی.

عرفی جاوید علی سیٹھی کے گانے بہت شوق سے سنتی ہیں. عرفی جاوید نے حال ہی میں‌علی سیٹھی کے ساتھ اپنی محبت کا اظہار کیا ہے .عرفی کا کہنا ہے کہ میں‌نے علی سیٹھی کا گلوں‌میں‌رنگ بھر ے اور چاندنی راتیں سنا مجھے ان کی آواز بہت پسند آئی اور اب ان کا گانا پسوڑی سنا ہے یہ بھی مجھے بہت پسند آیا ہے.اداکارہ کا کہنا ہے کہ میں علی سیٹھی کی محبت میں‌گرفتار ہوں اگر وہ میرے سامنے آگئے تو میں ان کو کہیں جانے دوں گی اور اپنی محبت کا اعتراف کر لوں گی. یاد رہے کہ عرفی جاوید کے حوالے سے اکثر و بیش تر جعلی خبریں پھیلائی جاتی ہیں جیسے کچھ دن پہلے ان کی خود کشی کی جھوٹی خبر پھیلا دی گئی اداکارہ نے ایسی خبر پھیلانے والوں‌کو لیا آڑھے ہاتھوں.

بالی وڈ کی بہترین اداکارہ انوشکا شرما جو آج کل اپنے شوہر کرکٹر ویرات کوہلی کے ساتھ لندن میں‌موجود ہیں. وہاں سےانہوں‌نے اپنی ایک تصویر انسٹاگرام پر جاری کی ہے جس میں بغیر میک اپ کے نظر آرہی ہیں اور سادا سا ہئیر سٹائل اور کانوں میں گولڈ ن رنگ کی بالیاں پہن رکھی ہیں اور ایک خوبصورت باغ میں‌بیٹھی ہوئی ہیں.ان کی یہ تصویر خاصی وائرل ہو رہی ہے.انوشکا شرما نے اس تصویر کے کیپشن میں صرف ہائی لکھا. انوشکا شرما کے ساتھ ان کی بیٹی وامیکا بھی اس ٹوور میں موجود ہیں انوشکا کا ٹورر یہ کسی فلم کی شوٹنگ کے لئے نہیں ہے بلکہ وہ اپنے شوہر کے میچز کے لئے وہاں موجود ہیں. انوشکا کی بغیر میک اپ کے تصویر ان کے مداحوں کو بے حد پسند آئی ہے ہر کوئی اپنی اپنی پسند کے مطابق اس تصویر کے نیچے کمنٹ‌کررہا ہے.
یاد رہے کہ انوشکا شرما آخری بار فلم زیرو میں‌نظر آئیں تھیں اس فلم میں ان کے ساتھ شاہ رخ خان اور کترینہ کیف تھے. انوشکا اب ایک کرکٹر کی زندگی پر بننے والی فلم میں‌ نظر آئیں گی کہا جا رہا ہے کہ اس فلم کی شوٹنگ لندن میں‌کی جائیگی. اس فلم کے حوالے سے انوشکا کہتی ہیں‌کہ مجھے بہت خوشی ہے کہ یہ فلم میرے حصے میں آئی مجھے امید ہے کہ اس فلم میں‌جو میرا کردار ہے میں اس کے ساتھ انصاف کر سکوں گی.

کائنات کی حسین لڑکی کا خطاب پانے والی اداکارہ و ماڈل سشمیتا سین جنہوں نے حال ہی میں للت مودی کے ساتھ اپنے نئے رشتے کا اعتراف کیا ہے.اس بارے میں جب ان کے والد شوبیر سین سے پوچھا گیا تو انہوں نے کہا کہ مجھے بھی میڈیا اور للت مودی کے ٹویٹ پتہ لگا ہے. حالانکہ اس ٹویٹ سے قبل میری بات میری بیٹی سے ہوئی تھی لیکن اس نے اس حوالے سے مجھے کچھ نہیں بتایا اس لئے میں کچھ کہہ نہیں‌سکتا. انہوں نے کہا کہ للت مودی کے ساتھ اگر

وہ کسی بھی رشتے میں بندھنے جا رہی ہیں تو یہ ان کی زندگی کا اہم ترین موڑ ہو گا چونکہ میری بیٹی نے مجھ سے للت مودی کاابھی تک زکر نہیں کیا اسلئے میں کچھ حتمی طور پر نہیں کہہ سکتا. شوبیر سین نے مزید کہا کہ سشمیتا سین تقریباً 18 مہینے پہلے ایک خاندانی تقریب میں شرکت کے لیے گھر آئی تھیں اور اس وقت بھی اس نے خاندان میں کسی کو بھی اس بارے میں مطلع نہیں کیا۔جب شوبیر سین سے سوال ہوا کہ کیا انہیں للت مودی داماد کے طور پر قبول ہے تو انہوں نے کہا کہ یہ سوال تو تب اٹھے گا جب مجھے یقین ہوجائے گا کہ للت مودی کے ساتھ میری بیٹی شادی کاارادہ رکھتی ہے اس نے جب مجھے بتایا ہی نہیں تو میں کسی بھی بات کا کیسے یقین کر سکتا ہوں‌یا اس پہ تبصرہ کر سکتا ہوں.

بالی وڈ کی اداکارہ کترینہ کیف جو کسی بھی قسم کے رسمی تعارف کا محتاج نہیں ہیں ان کا شمار بالی وڈ کی مقبول ترین اداکارائوں میں ہوتا ہے. انہوں نے نہایت کم وقت میں اپنی صلاحیتوں‌کا لوہا منوایا ہے. ان کے کریڈٹ پر بہترین فلمیں ہیں‌ انہوں‌نے تقریبا تمام بڑے ہیروز کے ساتھ کام کیاہے جن میں شاہ رخ خان ، سلمان خان اور عامر خان کےنام قابل ذکر ہیں. بالی وڈ کی یہ اداکارہ آج 39 سال کی ہو گئیں ہیں. اداکارہ اپنی سالگرہ منانے کےلئے اپنے شوہر کے ساتھ مالدیپ میں موجود ہیں.کترینہ کیف مالدیپ میں‌اپنے چند قریبی دوستوں‌کے ساتھ اپنی سالگرہ منا رہی ہیں.ان کے شوہر بھی اس موقع پر کافی خوش ہیں دونوں نے اپنی تمام مصروفیات کو

ترک کرکے مالدیپ جیسی پرسکون جگہ کا سالگرہ منانے کے لئے انتخاب کیا. کترینہ کے پرستار ان کی ایک جھلک دیکھنے کےلئے بے تاب رہتے ہیں. یاد رہے کہ کترینہ کیف نے اپنے کیرئیر کا آغاز 2003 میں کیا تھا. اس کے بعد انہوں‌نے آج تک پیچھے مڑ کر نہیں دیکھا. کترینہ کیف کے بارے میں کہا جا تا ہے کہ وہ تنقید کو کھلے دل سے قبول کرتی ہیں اور کبھی بھی کسی بھی دوسری اداکارہ کے بارے میں منفی بات نہیں‌کرتیں. کترینہ کیف ایک فیشن آئی کون بھی مانی جاتی ہیں ان کے کپڑوں کے انداز کو نوجوان لڑکیاں کاپی کرتی ہیں. وکی کوشل کےساتھ ان کی شادی گزشتہ برس دسمبر میں ہوئی تھی.

اداکار سنجے دت جن کی فلم شمشیرا اگلے چند دنوں‌ میں ریلیز ہو نے جا رہی ہے انہوں‌نے اداکار رنبیر کپور کے بارے میں کہا ہے کہ وہ بہت ہی ایماندار اور اپنے کام کے جنونی ہیں.
سنجے دنت نے رنبیر کپور کی کھل کر تعریف کرتے ہوئے مزید کہا کہ رنبیر ایک بہت ہی صاف روح اور ایماندار بچہ ہے اوراپنے کام کو بہت لگن کے ساتھ کرتا ہے.ہر کسی کی سچائی کے ساتھ عزت کرتا ہے جو اس کے دل میں ہوتا ہے وہی اسکی زبان ہر ہوتا ہے. انہوں‌ نے مزید کہا کہ وہ ایک بڑے خاندان سے تعلق رکھتا ہے اور خاندانی اقدار کیا ہوتی ہیں ان سے بخوبی واقف ہے. انٹرویو میں ہونے والے ایک سوال کے جواب میں سنجے دت نے کہا کہ میں تو رنبیر کپور سے کہوں گا کہ مزید ترقی کرے اور بلندیوں‌کو چھوئے.سنجے دت نے مزید کہا رنبیر

کپور ہر قسم کا کام کر سکتا ہے اور یہ بات میں اس سے اپنے اچھے تعلق کی وجہ سے نہیں کہہ رہا بلکہ میں‌نے بطور اداکار محسوس کیا ہے کہ رنبیر میں بہت صلاحیتیں ہیں. اگر رنبیر شمیشرا فلم کا کردار نبھا سکتا ہے تو وہ کامیڈی بھی کر سکتا ہے ایک عاشق لڑکے کا کردار بھی کر سکتا ہے نیز ہر کردار کر سکتا ہے.یاد رہے کہ سنجے دت اور رنبیر کپور کے درمیان ایک بہت ہی اچھا تعلق ہے وہ تعلق ایک باپ بیٹے اور بھائی و دوست جیسا ہے.

عالیہ بھٹ کی ماں بننے کی خبر نے جہاں ان کے پرستاروں کو خوش کیا وہیں ان دونوں میاں بیوی کے خاندانوں کو پرجوش کر دیا۔ مہیش بھٹ، جو عالیہ اور رنبیر کے بچے کے نانا بننے کے لیے تیار ہیں وہ اپنے نئے کردار کو لیکر بہت خوش ہیں.عالیہ بھٹ کے والد مشہور فلم میکر مہش بھٹ نے اپنے حالیہ انٹرویو میں ہونے والے ایک سوال کے جواب میں‌کہا ہے کہ میں تو ابھی تک عالیہ کے والد کا کردار نبھا رہا ہوں سوچتا ہوں کہ عالیہ اب ماں بننے والی ہے. مجھے بہت خوشی ہے لیکن نانا کا کردار نبھانا تھوڑا مشکل کام ہوگا.
یاد رہے کہ اس خوبصورت جوڑے کی شادی رواں برس 14 اپریل کو ان کے تمام قریبی رشتہ داروں اور دوستوں کی موجودگی میں ہوئی.محبت کی اس شادی میں دونوں خاندان کافی خوش ہیں. عالیہ

بھٹ جو اپنی پہلی ہالی وڈ کی فلم کی شوٹنگ کی غرض‌سے شادی کے بعد لندن مقیم تھیں انہوں نے 27 جون کو انسٹاگرام پر ایک تصویرشئیر کرکے مداحوں کو بتایا کہ وہ جلد ہی ماں بننے جا رہی ہیں.اس خبر نے انٹرنیٹ پر ایک طوفان بپا کر دیا.ہر طرف اس خبر کے کئی دن تک چرچے رہے. عالیہ بھٹ اور رنبیر کپور کی پہلی بار ایک ساتھ فلم سینما گھروں کی زینت بننے جا رہی ہے فلم کا نام ہے شمشیرا جس میں سنجے دت بھی ایک پاور فل کردار کرتے دکھائی دے رہے ہیں.

وحید مراد پاکستان کے واحد ایسے ہیرو ہیں جن کو چاکلیٹی ہیرو ہونے کا اعزاز حآصل ہے. کہا جا رہا ہے کہ ان کا مجسمہ مادام تسائو میوزیم میں نصب کروانے کے لئے ایک مہم چلائی جا رہی ہے.ایسڑداس نامی ایک شخص کے مطابق آج کل وحید مراد کا مجسمہ مادام تسائو میوزیم میں‌نصب کروانے کے حوالے مہم چلائی جا رہی ہے. کسی بھی شخصیت کا مجسمہ اس میوزیم میں‌نصب کروانے کا طریقہ کار یہ ہے کہ میوزیم کی انتظامیہ کو ایک سال کے اندر بیس ہزار سے زائد درخواستیں‌موصول ہونا ضروری ہوتا ہے اس کے بعد وہ اپنی کاروائی کا آغاز کرتے ہیں. وحید مراد کا مجسمہ اس میوزیم میں رکھوانے کےلئے مہم جو چلائی جا رہی ہے اس میں آن لائن فارم فل کر کے سب مٹ کرنا ہے جو کہ میوزیم کی انتظامیہ تک پہنچ جائے گا. یاد رہے

کہ وحید مراد کا اگر مادام تسائو میوزیم میں‌مجسمہ نصب ہوتا ہے تو یہ پہلے پاکستانی فنکار ہوں گے. ان سے پہلے یہ اعزاز کسی پاکستانی فنکار کے پاس نہیں ہے.جبکہ بالی وڈ کے بہت سارے فنکاروں‌کے کے مجسمے اس میوزیم میں‌نصب ہیں. وحید مراد کو دنیا سے رخصت ہوئے چالیس برس ہونے کو ہیں لیکن انکی مقبولیت میں‌کمی واقع نہیں‌ہوئی آج بھی ان کے گانے سنے جاتے ہیں اور فلمیں دیکھی جاتی ہیں .وحید مراد واحد پاکستان کے وہ فنکار ہیں جن کو ان کی وفات کے چالیس سال کے بعد بھی نوجوان نسل پسند کرتی ہے.ان کا منفرد ہئیر سٹائل اور جذباتی اداکاری کے ساتھ گانے پکچرائز کروانے کا انداز نہ کسی ہیرو کا ہو سکا نہ ہو سکے گا.

اداکار شاہ رخ خان کے بیٹے آریان خان جن کو نارکوٹکس کنٹرول بیورو نے کروز کیس میں گرفتار کر لیا تھا اب وہ اس کیس میں بری ہوتے دکھائی دے رہے ہیں عدالت نے آریان کا پاسپورٹ انہیں واپس دینے کی اجازت دے دی ہے جو کہ این سی بی کے قبضے میں تھا. آریان خان اب ہندوستان سے باہر بھی سفر کر سکیں گے جبکہ اس سے قبل ان کو ملک چھوڑنے کی اجازت نہیں تھی.آریان خان کے وکیل کا کہنا ہے کہ نارکوٹکس کنٹرول بیورو نے بھی کروز کیس میں آریان خان اور دیگر چھ افراد کو کلین چٹ دے دی ہے۔وکیل نے مزید کہا کہ عدالت نے ایک لاکھ روپے کے ضمانتی بانڈ کو بھی منسوخ کر دیا ہے جس پر اداکارہ جوہی چاولہ نے دستخط کیے تھے۔آریان خان کے پاسپورٹ کی واپسی اور ضمانتی بانڈ کی منسوخی کا مطلب ہے کہ وہ اب آزاد ہیں۔

یاد رہے کہ گزشتہ برس آریان کو ممبئی کے ساحل سے دور کروز جہاز پر منعقد ہونے والی پارٹی پر چھاپہ مارنے کے بعد این سی بی نے تحویل میں لیا تھا ان کے ساتھ مزید دس افراد کو بھی گرفتار کیا گیا تھا۔آریان خان کا موبائل فون ضبط کر لیا گیا تھا اور اسکی اسکینننگ بھی کی گئی تاکہ معلوم ہو سکے کہ آریان منشیات کے استعمال میں کس حد تک ملوث ہیں.شاہ رخ خان اس سارے عرصے میں بیان بازی کرتے نظر نہیں آئے تھے.