Category: شوبز

بالی وڈ اداکار رنبیر کپور عالیہ بھٹ کے ساتھ شادی کے بعد سے ہیں کافی چرچہ میں. حال ہی میں انہوں نے ایک انٹرویو دیا ہے اس میں انہوں نے کہا ہے کہ میرے والد رشی کپور کے ساتھ میں نے اور عالیہ بھٹ نے نیویارک میں بہت سارا وقت ہسپتال میں گزارا ان کی طبیعت کافی خراب تھی لیکن وہ دیکھتے تھے کہ ہم ان کے پاس ہسپتال میں سارا وقت بیٹھے ہوتے تھے. ان کی جب بھی آنکھ کھلتی وہ ہمیں دیکھتے کہ ہم ان کے پاس بیٹھے ہوئے ہیں وہ کہتے جائو یار تم لوگوں‌کو کوئی کام نہیں‌ہے جو یہاں بیٹھے رہتے ہو جائو جا کر شادی ہی کر لو. ان کی بہت خواہش تھی کہ ہم دونوں شادی کر لیں.وہ اگر زندہ ہوتے تو

یقینا ہماری شادی سے نہ صرف خوش ہوتے بلکہ ہمیں ڈھیروں ڈھیر دعائیں دے رہے ہوتے. یاد رہے کہ رنبیر کپور اپنی شادی کی تقریبات میں رشی کپور کی تصویر اٹھائے پھرتے رہے اور ان کی تمام تصاویر میں رشی کپور کی تصویر نظر آتی رہی.رنبیر کپور سے قبل نیتو کپور نے بھی اپنے ایک انٹرویو میں کہا تھا کہ رشی کپور کی خواہش تھی کہ عالیہ اور رنبیر جلد از جلد شادی کے بندھن میں‌بندھ جائیں لیکن بھگوان نے ان کو اس خوشی کو دیکھنے کا موقع ہی ہی نہیں‌دیا.رنبیر کپور کی 22 جولائی کو سنجے دت اور وانی کپور کے ساتھ فلم شمشیرا ریلیز ہو رہی ہے اس کےلئے آج کل وہ پرموشنز کررہے ہیں.

بالی وڈ کی اداکارہ تاپسی پنو جنہوں نے بالی وڈ میں فلم چشمے بدور سے اپنے کیرئیر کا آغاز کی اس فلم کی ریلیز کے بعد انہیں بہت اچھا ریسپانس ملا. تاپسی نے اپنے حالیہ انٹرویو میں کہا ہے کہ نو سال پہلے جب ان کی بالی وڈ فلم چشمے بدور ریلیز ہو رہی تھی تو انہیں کہا گیا کہ وہ لوگوں سے یہ مت کہیں کہ سائوتھ سے ہیں کیونکہ اگر وہ ایسا کہیں گی تو لوگ انہیں اسی نظر سے دیکھنا شروع ہوجائیں گے. تاپسی بتاتی ہیں کہ سائوتھ میں وہ نو دس فلموں میں کام کر چکی تھیں اور جتنی بھی فلموں میں کام کیا ان میں بڑے ہیروز تھے. یوں سائوتھ کی فلموں میں ان کا نام بن چکا تھا لیکن بالی وڈ میں آکر انہیں نئے

سرے سے اپنی پہچان بنانی پڑی. اس انٹرویو میں تاپسی نے کہا کہ میری پہلی فلم میں‌میرے ساتھ رشی کپور، علی ظفر، سدھارتھ اور دیویندو شرما و دیگر شامل تھے. رشی کپور اس وقت حیران رہ گئے جب انہیں پتہ چلا کہ میں نے سائوتھ کی بہت ساری فلموں میں‌بڑے ہیروز کے ساتھ کام کیا ہے. تاپسی نے مزید کہا کہ مجھے یاد ہے کہ چشمے بدور کے سیٹ پر رشی کپور نے مجھ سے ایک بار پوچھا کہ آپ نے ساؤتھ میں کتنی فلمیں کی ہیں تو میں نے کہا 10 اور میں 11ویں پر کام کر رہی ہوں۔ یہ سن کر رشی کپور بولے کہ باپ رے تُو تو بہت ہی تجربہ کار ہے رے.یاد رہے کہ تاپسی کی فلم شاباش مٹھو آج ہی کے دن ریلیز ہو رہی ہے.

بالی وڈ کی خوبصورت اداکارہ جو کہ 16 جولائی کو 39 سال کی ہونے جا رہی ہیں انہوں نے اپنی سالگرہ منانے کےلئے اس بار مالدیپ کا انتخاب کیا ہے. کترینہ مالدیپ اپنے شوہر وکی کوشل کے ہمراہ گئی ہیں آج صبح دونوں ممبئی ائیر پورٹ پر مالدیب کے لئے روانہ ہوتے دیکھے گئے. کترینہ کیف نارنجی رنگ کی شرٹ اور بلیو رنگ کی پینٹ زیب تن کئے ہوئے ہیں اور وکی کوشل جو عموما داڑھی میں نظر آتے ہیں وہ کلیشن شیو نظر آئے. ان کے ساتھ فلمساز کبیر خان ، منی ماتھر ، سنی کوشل اور اداکارہ شروری واگھ بھی تھے. کہا جا رہا ہےکہ کترینہ مالدیب میں اپنی سالگرہ اپنے دوستوں اور قریبی رشتہ داروں کے ساتھ

منائیں گی. یاد رہے کہ کترینہ کیف اور وکی کوشل نے دسمبر 2021 کو شادی کی تھی دونوں کی شادی میں کترینہ کیف کے قریبی دوست سلمان خان آگے آگے تھے انہوں‌نے شادی کی تقریب کے کافی انتظامات اپنے ہاتھ میں رکھے ہوئے تھے. سلمان خان کی ایشورائے کے ساتھ علیحدگی کے بعد ایک وقت ایسا بھی آیا کہ کہا جانے لگا کہ کترینہ کیف اور سلمان خان شادی کر لیں گے لیکن ان دونوں کے درمیان ایسا کچھ نہ تھا نہ ہوا اور کترینہ کیف نے وکی کوشل کو اپنا ہمسفر بنا لیا دونوں‌ایک دوسرے کے ساتھ کافی خوش ہیں. وکی اور کترینہ ایک دوسرے ساتھ بنائی گئی تصاویر سوشل میڈیا پر شئیر کرتے رہتے ہیں.

فلم قائداعظم زندہ باد جو کہ حال ہی میں ریلیز ہوئی ہے فلم بہت اچھا بزنس کررہی ہے شائقین ماہرہ خان اور فہد مصطفی کو دیکھنے کےلئے سینما گھروں کا رخ کررہے ہیں. اس فلم میں بہت ساری چیزیں نئی ہیں جیساکہ فہد مصطفی اور ماہرہ خان کا پہلی بار ایک ساتھ نظر آنا ، فلم میں ایسے ایفکیٹس کا استعمال جو ہم باہر کی فلموں میں دیکھتے ہیں، فہد مصطفی کے اسٹنٹس جو کہ انہوں نے خود کئے. شاید انہوں نے پہلی بار کسی فلم میں یہ چیز کی ہے. فلم کی پرڈیوسر اور مصنفہ فضا علی مرزا کہتی ہیں کہ فہد مصطفی نہایت ہی پروفیشنل اداکار ہیں انہوں نے فلم میں جتنے بھی اسٹنٹس تھے خود کئے ان کے پاس

چوائس تھی کہ ان کی جگہ ان اسٹنٹس کو ڈوپلیکیٹ کر لے لیکن انہوں نے منع کر دیا اور کہا کہ نہیں میں خود کروں گا. بعض سینز تو بہت مشکل تھے لیکن فہد نے مہارت کے ساتھ کئے. انہوں نے یہ بھی بتایاکہ ہم نے سپیشل ایفیکیٹس لگانے کےلئے اس کام میں مہارت رکھنے والی دو تین مختلف ٹیموں کو ہائر کیا. جہاز والے سین کے دوران فہد مصطفی کو کرین کے ساتھ اوپر لٹکایا گیا اور وہ تک لٹکے رہے انہوں نے یہ نہیں کہا کہ انہیں بہت دقت ہو رہی ہے انہیں نیچے اتار دیا جائے. فضا نے کہا کہ فہد مصطفی نے پروفیشنل ہونے کا مظاہرہ کیا.اسی طرح سے ماہرہ خان نے بھی دسمبر کی سردیوں میں ساڑھی پہن کر لوٹا رے گانا شوٹ کروایا.

ہمارے ہاں بہت کم ایسا ہوا ہے کہ ماڈلنگ سے کوئی اداکارہ آئے اور اداکاری میں اپنی صلاحیتوں کا لوہا منوائے اور ہر طرح سے ایک بہترین اداکارہ ثابت ہو، آمنہ الیاس کے پاس یہ اعزاز ھاصل ہے کہ انہوں نے خود کو بہترین ماڈل ثابت کرنے کے ساتھ بہترین اداکارہ بھی ثابت کیا۔آمنہ الیاس انسٹاگرام پر کافی متحرک رہتی ہیں اپنی تصاویر اور وڈیوز سوشل میڈیا پر اپ لوڈ کرتی رہتی ہیں۔ آمنہ الیاس تصاویر اور وڈیوز کے نیچے کمنٹس کرنے والوں کو جواب بھی دیتی رہتی ہیں۔ اسی طرح سے ہوا کچھ یوں کہ کچھ عرصہ قبل جب آمنہ الیاس نے اداکارہ ایمن خان کے ساتھ منال خان کے ویڈنگ ڈنر کی تصاویر

انسٹاگرام پر شئیر کیں تو جہاں بہت سارے مداحوں نے ان تصاویر کو پسند کیا وہیں نا پسند کرنے جیسے کمنٹس بھی آئے ایک صارف نے آمنہ الیاس کو لکھا کہ کیا ہی ہوتا کہ آپ منہ کے ساتھ اپنے پاﺅں پر بھی میک اپ کر لیتیں ،۔اس پر آمنہ الیاس نے جوابا کہا کہ فٹ ہوتا ہے یا فیٹ؟ یہ سوال کرنے کے ساتھ انہوں نے یہ بھی لکھاکہ کیا آپ نے پاﺅں چاٹنے ہیں؟ آمنہ الیاس کا یہ کمنٹ کافی وائرل ہوا تھا کسی نے اس کمنٹ کو سراہا تو کسی نے بہت برا منایا اس کمنٹ پر وضاحت دیتے ہوئے آمنہ الیاس نے کہا کہ میں نے جو کمنٹ کیا تھا اس کا واحد مقصد کسی کی دل آزاری کرنا نہیں تھا بلکہ میرا تو مقصد یہ تھا کہ آ پکو میرے پاﺅں سے کیا لینا دینا ہے ۔

اداکار و میزبان یاسر حسین نے کہا ہے کہ ایک بار اداکارہ میرا نے ان کو زور دار تھپٹر مارا تھا وہ تھپڑ وہ آج تک نہیں بھولے ۔ یاسر حسین نے اپنے حالیہ انٹرویو میں کہا کہ میں نے فلم باجی میں ایک چھوٹا سا کردار کیا تھا اس میں اداکارہ میرا کا میرے ساتھ ایک سین تھا اس سین میںانہوں نے مجھے تھپٹر مارنا تھا۔ سین کی ریہرسلز ہوتی رہیں میرا مجھے فیک تھپٹر مارتی رہیں لیکن اس فیک تھپڑ سے بات نہیں بن رہی تھی میں نے خود ہ اداکارہ میرا سے کہہ دیا کہ آپ ایک کام کریں کہ آپ مجھے حقیقی تھپڑ ماریں ، اس سین میں جان بھرنے اور حقیقت کے رنگ بھرنے کےلئے میرا نے مجھے اصل میں تھپڑ مارا سین تو بہت

اچھا ہو گیا لیکن اداکارہ میرا کی طرف سے مجھے پڑنے والا تھپٹر اتنی زور سے تھا کہ میرے ہوش ٹھکانے آگئے۔ یاسر حسین نے کہا کہ میں آج تک میرا کی طرف پڑنے والے اس تھپڑ کو اس لئے بھول سکا کیونکہ وہ تھپٹر زناٹے دار تھا ۔ یاد رہے کہ اداکارہ میرا کا شمار لالی وڈ کی بہترین اداکاراﺅں میںہوتا ہے اور وہ ااکثر ایسا کچھ کہ دیتی ہیں یا کر دیتی ہیں کہ جس سے خبروں میں آجاتی ہیں۔ اداکارہ میرا کافی عرصے سے کسی پراجیکٹ کا حصہ نہیں بنیں ان کا کہنا ہے کہ ان کے راستے روکے جاتے ہیں ان کو کام نہ ملے ایسا پرڈیوسروں سے کہا جاتا ہے ۔ میرا کے اس دعوے کی کہیں سے بھی تصدیق نہیں ہو سکی۔ اداکارہ میرا نے فلموں کے ساتھ ٹی وی ڈراموں میں بھی کام کیا ۔

اداکارہ میرا جنہوں نے حال ہی میںایک انٹرویو کے دوران کہا تھا کہ اداکارہ صبا قمر ان کو سخت نا پسند کرتی ہیں ان کی کوشش ہوتی ہے کہ مجھے کام نہ ملے بلکہ اداکارہ میرا نے تو سیدھا سیدھا یہ بھی الزام لگا دیا کہ صبا قمر پرڈیوسروں سے کہہ کر میرے راستے بند کررہی ہیں وہ نہیں چاہتی کہ مجھے کام ملے۔ اداکارہ میرا کے اس بیان کے بعد ہر طرف کافی چرچہ ہو رہی تھی ۔صبا قمر جو کہ سوشل میڈیا پر کافی متحرک رہتی ہیں انہوں نے اپنے پرستاروں کے ساتھ چیٹ کا ایک سیشن رکھا انہوں نے اس میںاپنے پرستاروں کی جانب سے کئے گئے سوالوں کے جوابات دئیے۔ اداکارہ میرا کی جانب سے دیا گیا یہ بیان

چونکہ تازہ تازہ تھا اس لئے صبا قمر سے ان کے ایک مداح نے پوچھا کہ میرا نے کہا ہے کہ آپ ان سے جلتی ہیں اور نہیں چاہتی کہ میرا آگے آئیں ،اس سوال پر اداکارہ صبا قمر کی طرف سے دیا گیا رد عمل کافی دلچپسپ تھا انہوں نے صرف اتنا لکھاکہ ویٹ ، وٹ ان کے اس قسم کے رد عمل کے بھی ہوئے کافی چرچے کسی نے اس رد عمل کو پسند کیا تو کسی نے اس کو میرا کے بیان کا مذاق کہا ۔ یاد رہے کہ اداکارہ میرا اورصبا قمر ایک ساتھ ایک ڈرامے میں کام کر چکی ہیں ۔ یہ پہلی بار نہیں ہے کہ اداکارہ میرا کسی پر الزام لگا رہی ہیں وہ مسلسل کسی نہ کسی پہ کام نہ ملنے کا الزام لگاتی رہتی ہیں ۔ایک وقت میں انہوں نے کہا تھا کہ اداکارہ ماہرہ خان مجھ سے جلتی ہیں اور نہیں چاہتی کہ میں کام کروں ۔

آئی پی ایل کے سابق چیئرمین للت مودی اور سشمیتا سین نے حال ہی میں دونوں کے رشتے کے بارے میں دنیا کو بتایا للت مودی نے سشمیتا سین کے ساتھ اپنی کچھ تصاویرشئیر کیں جس کے بعد وہ خبروں میں آگئے ہیں جن کو نہیں پتہ تھا کہ للت مودی کون ہیں انہیں بھی پتہ چل گیا کہ کون ہیں اور کیا کرتے ہیں۔ سشمیتا سین ایک انٹرنیشنل شخصیت ہیں یقینا ا ن کا نام جس سے بھی جڑے گا وہ بھی بین الاقوامی سطح پر شہرت پائے گا۔للت مودی کے ساتھ بھی ایسا ہوا ہے۔ جب سے للت مودی نے اپنے اور سشمیتا سین کے رشتے کا اعلان کیا ہے تب سے دونوں کافی چرچا میں ہیں۔ للت مودی کا سشمیتا سین کو کیا ہوا

نو سال پرانا ٹویٹ وائرل ہورہا ہے. انہوں نے نو سال پہلے سشمیتا سین کو ٹویٹر پر لکھا تھا کہ میرے ایس ایم ایس کا جواب دیں ۔ للت مودی کا کہنا ہے کہ ہم دونوں ابھی ایک دوسرے کے ساتھ اچھا وقت گزار رہے ہیں لیکن شادی کا ابھی فیصلہ نہیں کیا۔سشمیتا سین کسی تعارف کا محتاج نہیں ہیں انہوں نے کائنات کی خوبصورت ترین خاتون ہونے کا نہ صرف اعزاز حاصل کیا بلکہ بالی وڈ فلموں میں بھی اپنی اداکاری کے جوہر دکھائے ۔سشمیتا نے سلمان خان اور گوندا جیسے بڑے فنکاروں کے ساتھ کام کیا ۔ سشمیتا کو کامیڈی کرداروں میں زیادہ سراہا گیا ۔سشمیتا سین نے حال ہی میں اپنی مقبول ویب سیریز آریہ کے تیسرے سیزن کا اعلان کیا ہے۔

حال ہی میں ریلیز ہونے والی فلم لندن نہیں جائونگا کے ڈائریکٹر ندیم بیگ کہتے ہیں کہ میں بہت خوش ہوں کہ میری فلم کو پسند کیا جا رہا ہے. انہوں نے کہا کہ فلم بناتے وقت بہت ساری ایسی چیزیں ہوتی ہیں جو دیکھنے والے گمان بھی نہیں‌کر سکتے.ندیم بیگ نے بتایا کے مرجانیے کیوں‌نخرے وکھانی ایں لندن میں شوٹ کیا گیا اس کا سیٹ رات کو لگا کر ہم پوری تیاری کرکے چلے گئے جب صبح آئے تو بارش نے سارا سیٹ خراب کر دیا ہوا تھا بلکہ سیٹ گر چکا تھا ہمیں دوبارہ سیٹ

لگانا پڑا. اسی طر ح سے کبری خان پر پکچرائز ہونے والا گیت ماہیا وے کی جب شوٹنگ ہونی تھی تو کبری خان کی کمر میں شدید درد تھا اتنا درد تھا کہ وہ آسانی سے چل پھر نہیںسکتی تھیں چونکہ گانا شوٹنگ کے شیڈیول میں تھا تو کبری خان نے کہاکہ وہ اسی طر‌ح سے شوٹنگ کروائیں گی لہذا انہوں نے پروفیشنلیزم کا مظاہرہ کرتے ہوئے اس گانے کو شوٹ‌کروایا. ندیم بیگ نے بتایا کہ اسی طرح سے مہوش حیات اور ہمایوں سعید کے لندن میں برج کے پاس کچھ ڈائیلاگز ہیں وہاں اتنی سردی تھی کہ دونوں اپنے اپنے ڈائیلاگز بھول رہے تھے بول ہی نہیں پا رہے تھے. ندیم بیگ نے کہا کہ پوری ٹیم نے بہت محنت کے ساتھ کام کیا بلکہ میں تو یہ کہوں گا کہ پوری ٹیم نے بہت تعاون کیا کام تبہی اچھا ہوتا ہے جب پوری ٹیم تعاون کرے.

صف اول کی اداکارہ ماہرہ خان جنہوں نے کبھی بھی اپنے سابق شوہر کے بارے میں بیان بازی نہیں کی اور نہ ہی اپنے رشتے کی ناکامی کو ڈسکس کیا ہے. ایک آدھ مرتبہ ان سے ان کی اذدواجی زندگی کی ناکامی کے بارے میں سوال کیا گیا تو انہوں نے جواب دینے سے منع کر دیا یوں ماہرہ خان ہمیشہ ہی اپنے سابق شوہر کے حوالے سے پوچھے گئے سوالات کا جواب دینے سے گریز کرتی رہی ہیں. ماہرہ خان نے 2007 میں علی عسکری نامی ایک شخص سے شادی کی اور 2015 میں ان کے درمیان علیحدگی ہوگئی ماہرہ اور علی عسکری کا ایک بیٹا بھی ہے جس کا نام ہے اذلان .اذلان ماہرہ خان کے ساتھ ہی رہتاہے. اپنے اذدواجی رشتے کی ناکامی پر نہ بولنے والی ماہرہ خان نے حال ہی میں اپنے سابق شوہر کے بارے میں بات کی اور کہا کہ میرے سابق شوہر نے مجھے

میرا کیرئیر بنانے میں مدد کی انہوں نے سمجھداری کے ساتھ کچھ فیصلے کئے.انہوں نے کہا کہ مجھے اب بھی اس بات پر فخر ہے.ماہرہ خان نے کہا کہ میں نے اپنا کیرئیر بنانے کےلئے بہت محنت اور جدوجہد کی اور یہ سب میرے سابق شوہر نے اپنی آنکھوں سے دیکھا میں آج جس بھی مقام پر ہوں بہت خوش ہوں اور مجھے فخر ہے کہ میں نے محنت سے یہ مقام حاصل کیاہے. ماہرہ خان نے ایک سوال کے جواب میں کہا کہ میں نے کبھی بھی اپنی ذاتی زندگی کسی سے نہیں چھپائی نہ ہی مجھے ایسا کرنے کی ضرورت ہے بلکہ میں نے تو دنیا کو یہ دکھایا ہے کہ اذدواجی حیثیت کا آپ کے کام سے کوئی تعلق نہیں ہے.