Category: شوبز

چھوٹی سکرین کی بہت ہی پیاری اداکارہ ماورا حسین بھی ہو گئی ہیں کورونا کا شکار. انہوں نے یہ خبر اپنے پرستاروں کے ساتھ انسٹاگرام کی ایک پوسٹ کے زریعے شئیر کی انہوں نے بتایا کہ وہ کورونا کا شکار ہو گئی ہیں اور اپنی تمام مصروفیات ترک کے گھر بیٹھ گئی ہیں .انہوں نے کہ وہ اس وقت دنیا کی بہترین جگہ یعنی اپنے گھر میں ہیں اور مکمل آرام کررہی ہیں. اداکارہ ماورا حسین سے پہلے گزشتہ دنوں اداکارہ حریم فاروق کو کورونا ہوا تھا انہوں نے بھی پوسٹ کر کے اپنے پرستاروں کو بتایا تھا کہ کورونا میں مبتلا ہو نے کی وجہ سے وہ اس بار

عید تنہائی میں کریں گی. یاد رہے کہ کورونا کے کیسسز کی تعداد دن بہ دن بڑھ رہی ہے اور حکومت عوام سے اپیل کررہی ہے کہ عوامی مقامات پر نہ جائیں ماسک لگائیں اور ملنے جلنے میں‌احتیاط کریں. ماورا حسین جو آج کل گھر میں کورونا کی وجہ سے آرام کررہی ہیں وہ آخری بار ڈرامہ سیریل قصہ مہربانو میں دیکھی گئیں اس میں ان کے ساتھ احسن خان تھے. ماورا حسین کی اداکار امیر گیلانی کے ساتھ دوستی کے بھی بہت چرچے ہیں ان کی شادی کی خبریں متعدد مرتبہ سامنے آئیں ہیں لیکن دونوں‌کی طرف سے ابھی تک ایسی کسی خبر کی تصدیق نہیں ہوئی. اطلاعات ہیں دونوں‌بہت جلد ایک ڈرامے میں‌جلوہ گر ہو رہے ہیں اس ڈرامے کی شوٹ بھی جاری ہے.

منجھے ہوئے ڈائریکٹر احسن رحیم نے پرڈیوسر و اداکار ہمایوں سعید کو دیا ہے ایک مشورہ اور وہ مشورہ ہے ایک سال میں ایک سے زیادہ فلمیں بنانے کا. احسن رحیم نے ہمایوں سعید کی مقبولیت اور باکس آفس پر ان کی کامیابی کا گراف دیکھتے ہوئے کہا ہے کہ ہمایوں سعید سمجھ چکے ہیں آڈینز کیا چیز چاہتی ہے اور کیا نہیں تو ایسے میں ان کو چاہیے کہ یہ فلمیں‌ بنانے کی تعداد زیادہ کریں. تین سال کے بعد ایک فلم دینے کی بجائے ایک سال میں ایک سے زیادہ فلمیں بنایا کریں تاکہ شائقین مسلسل سیبنما گھر کا رخ کرتے رہیں. احسن رحیم جو خود کام کی باریکیوں‌کو بہت اچھی طرح سمجھتے ہیں انہوں نے ہمایوں سعید کی حال ہی میں ریلیز

ہوئی فلم لندن نہیں‌جائونگا کی بھی تعریف کی ہے اور لوگوں کا اس فلم کی طرف رجحان دیکھنے کے بعد ہی ہمایوں سعید کو مشورہ دیا ہے کہ وہ ایک سال میں ایک سے زیادہ فلمیں بنایا کریں. یاد رہے کہ لندن نہیں‌ جائونگا کے ساتھ قائداعظم زندہ باد بھی ریلیز ہوئی ہے لیکن ہمایوں سعید کی فلم کو زیادہ پذیرائی مل رہی ہے. فلم رومینٹک کامیڈی ہے اس میں ہمایوں سعید کے ساتھ کبری خان ،مہوش حیات، واسع چوہدری کے ساتھ سہیل احمد اور گوہر رشید بھی ہیں سب نے اپنی اپنی جگہ بہت اچھا کام کیاہے. فلم کو ندیم بیگ نے ڈائریکٹ کیا ہے.

اداکار انیل کپور کی بیٹی سونم کپور امید سے ہیں سونم کے شوہر آنند آہوجا جہاں بہت ہیں خوش وہیں انیل کپور اور ان کی اہلیہ پھولے نہیں سما رہیں. سونم کپور کے والدین نے فیصلہ کیا ہے کہ وہ اپنی بیٹی کا بے بی شاور دھوم دھام سے کریں گے اور ایسا بے بی شاور کریں گے کہ دنیا دیکھے گی. بے بی شاور کی تقریب ستراں جولائی رکھی گئی ہے اور اس میں شرکت کرنے کےلئے دعوت نامے قریبی دوستوں اور رشتہ داروں میں تقسیم کیے جا چکے ہیں. انیل کپور گرینڈ بے بی شاور کے لئے بھرپور تیاریاں کررہے ہیں. سونم کپور اپنے والد کی طرف سے دی جانے والی اس پارٹی پر ہیں نہایت خوش. یاد رہے کہ سونم کپور کا شمار بالی وڈ کی بہترین اداکارائوں میں

ہوتا ہے سونم نے آنند آہوجا کے ساتھ شادی سال 2018 میں کی تھی. دونوں ایک دوسرے کے ساتھ کافی خو دکھائی دیتے ہیں سونم نے اپنے نام کے ساتھ اپنے شوہر کا نام بھی لگا رکھا ہے . سونم کپور آہوجا جو اب ماں بننے جا رہی ہیں انہوں نے کم مگر معیاری کام کیا ہے بہت ہی کم عرصے میں انہوں نے اپنی صلاھیتوں کا لوہا منوایا. سونم کپور پاکستانی اداکار فواد خان کی بہت بڑی مداح ہیں ان کے ساتھ انہوں نے فلم خوبصورت میں کام کیا ہے اس کے علاوہ رنبیر کپور ، سلمان خان ، ہرتیک روشن ، فرحان اختر اور ابھیشیک بچن و دیگر جیسے بڑے فنکاروں کے مقابلے میں‌کام کرچکی ہیں.

پی ٹی وی کے سہنرے دور کے سنہرے فنکار تنویر جمال اس جہان فانی سے کوچ کر گئے ہیں. تنویر جمال کینسر جیسے موذی مرض میں مبتلا تھے ان کے بیٹے اور اہلیہ جاپان میں رہائش پذیر ہیں تنویر جمال ایک سال میں‌کچھ وقت جاپان گزارتے تھے کچھ وقت پاکستان میں. جب سے تنویر جمال کی طبیعت زیادہ خراب ہوئی تو ان کے بچے ان کو جاپان لے گئے جہاں ان کا علاج جاری تھا. چند ماہ قبل اداکار تنویر جمال کے اہلخانہ کی طرف ان کی صحتیابی کی دعا کے لئے بھی کہا گیاتھا. تنویر جمال مسلسل بیماری کی حالت میں تھے. تنویر جمال نے جاپان میں مختلف

ڈاکٹرز کو چیک اپ کرایا تاہم ڈاکٹرز نے انکا طبی معائنہ کرنے کے بعد انہیں یہ کہہ کر جواب دے دیا تھا کہ اگر آپریشن کیا گیا تو صحت کو مزید خطرات لاحق ہو سکتے ہیں۔اداکار تنویر جمال آج سے چھ برس قبل پہلی بار کیسنر جیسے مرض میں مبتلا ہوئے تھے ان کا علاج کروایا گیا اور یہ مکمل طور پر صحیتاب ہو گئے تھے لیکن اس مرض نے ایک بار پھر ان پر حملہ کیا اور اس بار ان کے لئے جان لیواثابت ہوا.یاد رہے کہ تنویر جمال ایک باصلاحیت اداکار تھے انہوں نے شاہکار ڈراموں میں کام کیا اور ہر ڈرامے میں اپنی فنی صلاحیتوں کا لوہامنوایا. انہیں انکی خدمات کے اعتراف میں پاکستان ٹیلی ویژن کی جانب سے بیسٹ ایکٹر کا ایوارڈ بھی ملا

مون سون کی بارشوں کے بعد کراچی شہر کی صورتحال خاصی افسوسناک ہے، شہر بارش کے پانی سے ڈوب گیا ہے لوگ گھروں میں محصور ہو کر رہ گئے ہیں. کراچی کے شہر کے لوگوں کے معاملات زندگی معطل ہو کر رہ گئے ہیں.سوشل میڈیا پر جہاں لوگ عام عوام تشویش کا اظہار کررہے ہیں وہیں شوبز شخصیات بھی مایوس نظر آرہی ہیں. فیصل قریشی نے گزشتہ روز ایک پوسٹ لگائی اور لکھا کہ ایک بارش میں ڈوب گئے ڈیفنس اور ناظم آباد، نہ کوئی برگر بچا نہ کوئی کباب. فیصل قریشی نے کراچی میں بارش کی صورتحال پر پریشانی کا اظہار کرتے ہوئے حکام سے اپیل کی کہ شہر کی صورتحال بہتر کریں.

کراچی میں‌ کئی برسوں سے پاکستان پیپلز پارٹی کی حکومت ہے ہر برس جب بھی بارشیں ہوتی ہیں تو کراچی شہر ڈوب جاتا ہے سندھ حکومت کی طرف سے بڑے بڑے دعوے کئے جاتے ہیں لیکن اگلے برس وہی مایوس کن صورتحال ہوتی ہے اور بارش آتے ہی شہر پانی میں ڈوب جاتا ہے اور شہری پریشان ہو کر اپنے گھروں میں‌محصور ہو کر رہ جاتے ہیں. یہ صورتحال یقینا سندھ حکومت کی کارکردگی پر سوالیہ نشان ہے. اس وقت کراچی کا ہر علاقہ پانی میں ڈوب چکا ہے لوگوں کی گاڑیاں اور املاک تباہ و برباد ہو رہی ہی کہیں تو گھروں کے اندر پانی داخل ہو چکا ہے.

معروف کامیڈین جو جیو ٹی وی پر ہنسنا منع ہے کے نام سے ایک پروگرام کرتے ہیں. وہ لاہور منتقل ہو چکے ہیں حال ہی میں‌ جب ان سے سوال ہوا کہ آپ تو کراچی کے رہنے والے ہیں لیکن کراچی چھوڑ کر لاہور منتقل کیوں ہو گئے ہیں تو انہوں نے کہا کہ کبھی آپ نے دیکھا ہے کہ آپ کا قریبی دوست بیمار ہوجائے اور اسی بیماری سے انتقال کر جائے آپ کو دکھ تو بہت ہوتا ہے لیکن دل ہی دل میں آپ سوچتے ہیں‌ کہ چلو اچھا ہوا اسکی مشکل آسان ہوگئی ، میرا شہر کراچی

بہت تکلیف میں ہے اورٹوٹ پھوٹ کا شکار ہے مجھ سے کراچی کی حالت دیکھی نہیں‌جاتی اسلئے میں اسے چھوڑ کر لاہور منتقل ہو گیا ہوں اور دعا گو ہوں کہ میرا شہر جو کہ میرے لئے پورا پاکستان ہے وہ کسی طریقے سے درد اور تکلیف سے نجات حاصل کر لے. یاد رہے کہ تابش ہاشمی معروف کامیڈین ہیں اور آج کل ایک کامیڈی پروگرام ہی کررہے ہیں ان کے پروگرام کے بارے میں دعوی کیا جاتا ہے کہ یہ پاکستان کا سب سے بڑا کامیڈی شو ہے. تابش کے شو میں نامور فلمی ستارے شرکت کرتے ہیں اور ان کے مزے مزے کے سوالوں‌کا جواب بھی دیتے ہیں. تابش ہاشمی کا یہ شو بھارتی شو کپل شرما کی کاپی ہے سیٹ سمیت سارا پیٹرن اُسی شو سے متاثر نظر آتا ہے.

پاکستان فلم انڈسٹری کے معروف فنکار مصطفی قریشی کی اہلیہ گلوکارہ روبینہ قریشی انتقال کر گئی ہیں وہ کینسر کے مرض میں مبتلا تھیں.رواں برس مارچ کے مہینے میں ان کی طبیعت خاصی خراب ہوجانے کے بعد ان کو تشویشناک حالت میں ہسپتال داخل کروایا گیا تھا ان کے شوہر مصطفی قریشی نے اس وقت اپنے پرستاروں سے روبینہ قریشی کی صحیتابی کے لئے بھی دعا کی تھی. اکیاسی سالہ روبینہ قریشی نے اردو اور سندھی گیت بڑی تعداد میں گائے ، سندھی زبان میں گانا انکی پہچان بنا.روبینہ قریشی نے اپنے فن کا آغاز1960 میں ریڈیو پاکستان حیدرآباد سے کیا انہیں‌ ان کی خدمات کے اعتراف میں متعدد اہمیت کے حامل ایوارڈز مل چکے ہیں۔

یادرہے کہ روبینہ قریشی 19 اکتوبر 1940 کو حیدرآباد میں پیدا ہوئیں۔ان کا اصل نام عائشہ شیخ تھا وہ ایک گائیک گھرانے سے تعلق رکھتی تھیں. ان کے بڑے بھائی عبدالغفور ایک بڑے گلوکار تھے. روبینہ قریشی ایک سماجی کارکن بھی تھیں۔ انہوں نے پاکستان کی بلائنڈ ویلفیئر ایسوسی ایشن (لیڈیز ونگ) کے لئے بھی کام کیا. صوفی موسیقی کے لیے ان کی خدمات کے اعتراف کے طور پر، انھیں "قلندر شہباز” اور "خواجہ غلام فرید” ایوارڈ سے نوازا گیا۔ انہیں ریڈیو پاکستان حیدرآباد سے بھی ایوارڈ ملا ہے۔ روبینہ قریشی کو صدر پاکستان کی جانب سے ان کی فنی خدمات کے اعتراف میں تمغہ امتیاز سے بھی نوازا گیا.

بالی وڈ کے اداکار رنبیر کپور نے حال ہی میں ایک انٹرویو دیا ہے اس میں انہوں نے کہا کہ میں‌ڈائریکٹر بننا چاہتا ہوں ایک بہترین فلم ڈائریکٹ کرنا چاہتا ہوں . رنبیر کپور نے کہا کہ میں نے انو راگ باسو کے ساتھ فلم جگا جاسوس پرڈیوس کی تھی لیکن وہ میں نے بطور ایکٹر ہی پرڈیوس کی تھی مجھے کسی قسم کا کوئی تجربہ نہ تھا اس فلم میں کتریہ کیف تھیں. مجھے اب بھی فلم پرڈیوس نہیں‌کرنی آتی لیکن میری خواہش ہے کہ میں فلم ڈائریکٹ کروں اور کورونا کے دنوں میں، میں نے ایک کہانی بھی لکھی جو کہ تیار ہے لیکن اس کو مکمل فلم کی شکل دینے

کی مجھ میں شاید صلاحیت نہیں ہے یقینا کسی ایسے بندے سے کہانی بنوائوں گا جو اس کا تجربہ رکھتا ہے جہاں تک فلم کو پرڈیوس کرنے کی بات ہے تو میری بیوی عالیہ کپور ایک اچھی پرڈیوسر ہیں ہو سکتا ہے کہ وہ میری فلم کو پرڈیوس کریں. رنبیر کپور نے مزید کہا کہ اداکاری کرنے کا اپنا مزہ ہے اور فلم ڈائریکٹ کرنے بھی اپنا ہی مزہ ہے میری یہ خواہش یقینا میں پوری کروں گا لیکن کب ابھی یہ نہیں پتہ. یاد رہے کہ رنبیر کپور اور عالیہ بھٹ دونوں فلم شمشیرا میں ایک ساتھ نظر آرہے ہی شائقین ان کو آن سکرین دیکھنے کے لئے بے تاب ہیں.

ورون دھون اور سری دیوی کی بیٹی جھانوی کپور دونوں آج کل فلم باول کی یورپ میں شوٹنگ کررہے ہیں. دونوں یورپ کے اس ٹرپ کو شوٹنگ کے دوران کافی انجوائے کررہے ہیں. ورون دھون نے گزشتہ روز جھانوی کپور کی سوشل میڈیا پر ایک تصویر شئیر کی، تصویر میں دیکھا جا سکتا ہے کہ جھانوی کپور اپنے کانوں پر ہاتھ رکھے ہوئے ہیں اور ڈر کا اظہار کررہی ہیں. ورون نے اس تصویر کاکیپشن دیا ہے کہ کس کو بارش سے ڈر لگتا ہے.ورون نے یہ نہیں بتایا کہ جھانوی کپور تصویر میں‌ کس چیز سے ڈر رہی ہیں لیکن جس قسم کا کیپشن دیا ہے اس سے محسوس ہو رہا ہے کہ جیسے جھانوی کپور بارش کی زور دار آواز سے ڈر رہی ہیں. دونوں فلم کی شوٹنگ کے دوران آن سیٹ لی گئی تصاویر سوشل میڈیا پر شئیر کے اپنے مداحوں سے داد وصول کررہے ہوتے ہیں. کہا جا رہا ہےکہ فلم ہندوستان میں‌ تین مختلف علاقوں کے ساتھ یورپ کے پانچ ملکوں میں شوٹ کی جائیگی.جھانوی کپور اور ورون دھون کی ایک ساتھ یہ پہلی فلم ہے.ویسے تو یہ دونوں فلمی پارٹیوں میں ایک ساتھ نظر آتے ہیں لیکن پہلی بار یہ دونوں ایک ساتھ سکرین شئیر کرنے جا رہے ہیں.
باول فلم اگلے سال سینما گھروں کی زینت بنائی جائیگی. یاد رہے کہ ورون دھون کی حال ہی میں ریلیز ہوئی فلم جگ جگ جیو سپر ہٹ ہوئی ہے اس میں ان کے کرادار کو بہت سراہا جا رہا ہے انہوں نے نچ پنجابن پر جو ڈانس کیا ہے اسے خاص کر بہت پسند کیا جا رہا ہے.