Category: شوبز

سنجے لیلا بھنسالی کی ڈائریکشن میں تیار کردہ فلم دیوداس کو ریلیز ہوئے بیس سال ہو چکے ہیں. فلم کی لیڈنگ لیڈیز اس خوشی کو منا رہی ہیں جہاں مادھوری ڈکشٹ نے سوشل میڈیا پر فلم سے اپنے کردار کی تصاویر شئیر کیں وہیں ایشوریا رائے نے بھی انسٹاگرام پر کی پارو کے کردار کی ایک تصویر شئیر. انہوں نے تصویر شئیر کی تو ان کے پرستاروں نے کمنٹس کرنا شروع کر دئیے. کسی نے ایشوریا رائے کو بہترین اداکارہ کہا تو کسی نے فلم میں ان کے کردار کی تعریف کی تو کسی نے ان کے حسن کی تعریف کی. جہاں سب کمنٹس کررہے تھے وہیں ایشوریا رائے کے شوہر ابھیشیک بچن نے بھی کیا کمنٹ انہوں نے اپنی اہلیہ کی تصویر کے نیچے دل والا ایمو جی بنایا. دونوں اداکاروں کے پرستاروں نے خوب سراہا دونوں کی محبت کے انداز کو.

یاد رہے کہ فلم دیوداس 1955 میں دلیپ کمار کے ساتھ بنائی گئی تھی اس کے بعد 2002 میں شاہ رخ خان ، مادھوری ڈکشٹ اور ایشوریا رائے کو لیکر بنائی گئی تھی. فلم کے گانے بہت اچھے تھے ان پر مادھوری اور ایشوریا رائے کا رقص بہت پسند کیا گیا. فلم میں‌ مادھوری نے چندر مکھی اور ایشوریا رائے نے پارو کا کردار ادا کیا تھا. فلم سپر ہٹ ہوئی تھی شاہ رخ خان کے کردار کو بھی بے حد سراہا گیا تھا. فلم کی کہانی 1917 میں لکھے گئے ناول پر مبنی ہے.

اداکارہ عالیہ بھٹ جو کہ حال ہی میں لندن سے اپنی پہلی فلم ہارٹ آف سٹون کی شوٹنگ کروا کے واپس وطن لوٹی ہیں.عالیہ بھٹ اپنے ہالی وڈ پراجیکٹ کو لیکر کافی پرجوش ہیں کہتی ہیں کہ میں بہت خوش ہوں کہ میں نے ایک نہایت ہی پروفیشنل ٹیم کے ساتھ کام کیا ہے.عالیہ بھٹ نے ہالی وڈ میں اپنا کام کا تجربہ شئیر کرتے ہوئے کہا کہ میرا دل ہارٹ آف سٹون کے پاس ہے.اداکارہ نے ہارٹ‌آف سٹون کے سیٹ پر لی گئی چند تصاویر بھی شئیر کیں اور وہاں گزرے ہوئے لمحات کو یاد کیا. عالیہ بھٹ‌ نے لکھا کہ میں نے آج اداکار جیمی ڈورنان اور فلم کی پوری ٹیم کو ان کے ساتھ کام کرنے کے ناقابلِ فراموش تجربے کی وجہ

سے بہت یاد کیا۔انہوں نے مزید کہا کہ سیٹ پر اور پورے شوٹ میں جس طرح سے میرا خیال رکھا گیا اور جو مجھے محبت ملی وہ میں زندگی بھر یاد رکھوں گی. یاد رہے کہ عالیہ بھٹ نے ہارٹ آف سٹون سے ہالی وڈ میں ڈیبیو کیا ہے.عالیہ اس قبل پریانکا چوپڑا بھی ہالی وڈ کی فلموں میں کام کر چکی ہیں .ان دونوں اداکارائوں کے علاوہ بھی بہت سارے بھارتی اداکار ہالی وڈ کی فلموں میں اپنی اداکاری کے جوہر دکھا چکے ہیں لیکن ہر کسی کا ہالی وڈ کا سفر ایک یا زیادہ سے زیادہ دو فلموں تک ہی رہا.

ڈرامہ آرٹسٹ نمرہ خان ہیں بہت خوش کیونکہ ان کو ملی ہے بھارتی اداکار سنجے دت سے عیدی. نمرہ خان نے انسٹاگرام پر اپنی اور سنجے دت کی وڈیو کال کی ریکارڈنگ لگائی اس ریکارڈنگ میں نمرہ خان اور سنجے دت کو آپس میں بات کرتے ہوئے دیکھا جا سکتا ہے .اداکارہ نے ریکارڈنگ کا کیپشن یہ لکھا کہ مجھے سنجو بابا کی طرف سے عیدی ملی. نمرہ خان کی اس پوسٹ کے نیچے سنجے دت کے مداحوں نے ان کو ہائی بولا تو کسی نے کہا کہ آپ میرے پسندیدہ اداکار ہیں. نمرہ خان ڈراموں میں کام

کرتی ہیں اور پچھلے کچھ عرصہ سے ٹی وی سکرین سے غائب ہیں.انہوں نے شادی کی لیکن یہ رشتہ نہ چل سکا انہوں نے اپنے شوہر پر انہیں مارنے پیتنے جیسے الزامات لگائےتھے.یاد رہے کہ نمرہ خان پہلے کافی موٹی تھیں انہوں نے اپنا وزن حیران کن حد تک کم کیا ان کے وزن کم کرنے کے بعد ان کو فیشن شوز میں شوز سٹاپر کے طور پر بھی دیکھا گیا.اس ھوالے سے نمرہ خان کہتی ہیں کہ انہیں کبھی کسی نے فیشن شو میں بطور ماڈل آنے کی دعوت نہیں دی تھی لیکن جیسے ہی وہ اپنے وزن میں کمی لائیں انہیں ہم ٹی وی کی طرف سے ایک فیشن شو میں شو سٹاپر کے طور پر آنے کی دعوت دی گئی.نمرہ خان کہتی ہیں کہ انہوں نے وزن میں کمی لانے کےلئے بہت جتن کئے اور اب وہ اپنی ڈائیٹ کا بہت خیال رکھتی ہیں تاکہ پھر سے ان کا وزن نہ بڑھ جائے.

فواد خان عموما سوشل میڈیا پر کم ہی اپنی وڈیوز جاری کرتے ہیں لیکن گزشتہ دنوں انہوں نے انسٹاگرام پر کی اپنی ایک وڈیو جاری جس میں انہوں نے اپنے پرستاروں سے میوزک ڈائریکٹر میکال حسن کی سٹوڈیو کی تعمیر میں ان کی مدد کرنے کی درخواست کی. ویڈیو پیغام میں کہا کہ بہت سے گلوکاروں نے اپنے پہلے گانے میکال حسن کے اسٹوڈیو میں ریکارڈ کیے اور خود ان کی بھی ماضی میں اس اسٹوڈیو سے ریکارڈنگ کے حوالے سے وابستگی رہی. پاکستان کے ہر عظیم گلوکار کی کسی نہ کسی طرح میکال حسن کے ڈیجیٹل فیڈیلیٹی اسٹوڈیو سے ماضی میں وابستگی رہی ہے۔ فواد خان نے کہا کہ میکال حسن کے

سٹوڈیو نے نامور گلوکار متعارف بھی کروائے یہ وہ تاریخی سٹوڈیو جہاں بڑے بڑے گلوکار آکر اپنا گانا ریکارڈ کرواتے رہے ہیں. فواد خان نے کہا کہ اس سٹوڈیو کا دوبارہ بننا بہت ضروری ہے اسکے لئے میں آپ سب سے درخواست کرتا ہوں کہ میکال حسن کی مدد کی جائے. یاد رہے کہ میوزک ڈائریکٹر میکال حسن کا سٹوڈیو آتشزدگی کی وجہ سے تباہ ہو گیا تھا اب اسکی دوبارہ سے تعمیر کی ضرورت ہے یہی وجہ ہے کہ ان کے تمام دوست اپنے پرستاروں سے اپیل کررہے ہیں کہ وہ میکال کا سٹوڈیو بنانے میں اس کی مدد کریں. فواد خان کی میکال حسن سے خاصی دوستی ہے اس دوستی کا لیول ان کا وڈیو پیغام جاری کرنے سے لگایا جا سکتا ہے.

چھوٹی سکرین کی بڑی اداکارہ سجل علی جنہوں نے کم وقت میں اپنا نام اور مقام بنایا ہے آج ان کا شمار چھوٹی سکرین کی صف اول کی اداکارائوں میں ہوتاہے. سجل علی نے ابھی تک جتنا بھی کام کیا ہے ان کے پرستاروں نے بہت سراہا ہے. سجل علی اور صبور علی دونوں بہنیں ہیں. سجل علی کے ساتھ کام کرنا کسی بھی آرٹسٹ کی خواہش ہوسکتی ہے. ماضی قریب میں ان کا ڈرامہ عشق لاء اختتام پذیر ہوا ہے. اس میں انہوں زیبا بختیار اور عدنان سمیع کے صاھبزادے اذان سمیع خان کے مقابلے

میں‌کام کیا ہے.ان کا کردار ایک صحافی کا تھا. سجل علی کی دنیا پرستار ہے لیکن وہ کس کی پرستار ہیں انہوں نے سب بتا دیا ہے. سجل علی نے گزشتہ روز انسٹاگرام پر ایک پوسٹ شئیر کی جس میں انہوں نے بتایا کہ وہ کس کی پرستار ہیں. سجل علی اداکارہ و ماڈل ایمان علی کی مداح ہیں بلکہ کہتی ہیں کہ ایمان علی ان کا کرش ہیں. سجل علی نے جب انسٹاگرام پر پوسٹ شئیر کی تو ان کے پرستاروں نے اس پوسٹ کے نیچے مختلف قسم کے کمنٹس کئے. یاد رہے کہ ماڈلنگ ایمان علی کی پہچان ہے انہوں نے اداکاری کی ہے لیکن بہت کم.ایمان علی نے فلموں میں بھی اداکاری کی جوہر دکھائے. ایمان علی کافی عرصہ سے چھوٹی اور بڑی سکرین پر دکھائی نہیں دے رہیں.

”جاوید اقبال” جیسی سنجیدہ فلم بنانے کے بعد باصلاحیت ہدایتکار ابو علیحہ اب پنجابی کامیڈی فلم ”شاٹ کٹ ” لیکر آرہے ہیں . فلم دو ستمبر کو ریلیز ہو نے جا رہی ہے ، کاسٹ‌ میں جگن کاظم، ثنا فخر، نسیم وکی اور گوہر رشید و دیگر شامل ہیں. ابو علیحہ نے اپنے حالیہ انٹرویو میں کہا ہے کہ میں نے جو فلم بنائی ہے وہ مکمل طور پر فیملی فلم ہے جس میں‌مزاح کا تڑکہ لگایا گیا ہے.انہوں نے مزید کہا کہ تھیٹر کے ایکٹر کے بارے میں یہ مشہور ہو چکا ہے کہ وہ تو ذو معنی گفتگو ہی کرے گا وہ تو گھٹیا سی جگت ہی مارے گا. یہاں تک کہ سہیل احمد جنہوں نے تھیٹر پر کامیڈی بھی کی وہ بھی ایک وقت میں یہ کہہ کر تھیٹر سے الگ ہو گئے کہ جو کچھ اب تھیٹر پر ہو رہا ہے یا جس طرح کی گفتگو چل رہی ہے وہ میں نہیں کر

سکتا.میری اس فلم میں نسیم وکی ہوں یا سخاوت ناز ہم سب نے سیٹ پر بہت مزہ کیا لیکن فلم کو اس کے لکھے ہوئے ڈائیلاگز کی حد میں ہی رکھا، ہماری فلم میں ایک بھی ذو معنی جملہ نہیں ملے گا اور مجھے یقین ہے کہ ہماری فلم جس طرح‌بنی ہے اسی طرح سے پاس ہوجائیگی.ہماری فلم کی کہانی میں جہاں جہاں‌میسج دیا جا سکتا ہے ہم نے دیا ہے.ایک سوال کے جواب میں ابوعلیحہ نے کہا کہ میں پنجابی نہیں‌ ہوں لیکن میں نے باہر سے آکر پنجاب کے فنکاروں کے ساتھ کام کیا ہے.میں نے تھیٹر کے فنکاروں سے انکی صلاحیتوں کے مطابق کام لینے کی کوشش کی ہے کہیں یہ تاثر نہیں آنے دیا تھیٹر کا ایکٹر ہے تو جگت ہی مارے گا. فلم کے تمام فنکار پنجاب کے روایتی انداز میں مزاحیہ مکالمے ادا کرتے دکھائی دیں گے. ہم نے کوشش کی ہے کہ بھرپور فیملی اینٹرٹینمنٹ ہو.یاد رہے کہ شاٹ کٹ کو جاوید احمد کاکے پوٹو اور فہیم سمیجو نے پرڈیوس کیا ہے جبکہ آئی ایم جی سی اسے ریلیز کررہی ہے.

بالی وڈ کے اداکار انیل کپور نے حال ہی میں ایک انٹرویو دیا ہے اس میں انہوں نے کہا کہ میرے لئے مزاح بہت ضروری ہے میں جتنا مرضی سیریس کردار کررہا ہوں اس میں بھی مزاح کو شامل کرنے کی کوشش کرتا ہوں.میرے ڈائریکٹروں کے ساتھ یہی گفتگو ہوتی رہتی ہے میں ان سے کہتا ہوں کہ سیریس کردار میں کس طرح سے مزاح شامل کیا جائے.انیل کپور نے کہا کہ میری کوشش ہوتی ہے کہ کردار اس طر‌ح سے ادا کروں کہ لوگ یاد رکھیں، میں کہیں‌جاتا ہوں تو مجھے بہت خوشی ہے کہ لوگ مجھے میرے نام سے کم اور میرے کرداروں کے نام سے زیادہ بلاتے ہیں.انہوں نے مزید کہا کہ دلیپ کمار ، امیتابھ بچن ،

کمل ہاسن ، چارلی چپلن ، نصیرالدین شاہ اور عرفان خان کا کام دیکھتا ہوں تو بہت اچھا لگتا ہے ان کا کام دیکھ کر سیکھنے کا موقع ملتا ہے. میں یہ نہیں کہتا کہ میں بہت سینئر ہوں اور مجھے بہت کچھ آتا ہے میں آج تک سیکھ ہی رہا ہوں.انیل کپور نے ایک سوال کے جواب میں کہا کہ فلم تیزاب میں میرا کردار منا کاتھا بعد میں اس نام پر فلم بھی بنی منا بھائی ایم بی بی ایس. راج کمار ہرانی نے مجھے بتاتا تھا کہ وہ تیزاب میں میرے نام سے بہت متاثر ہوئے اسلئے انہوں نے اس نام کے اوپر ایک فلم بھی بنائی.میں چار دہائیوں سے فلم انڈسٹری میں ہوں اور مجھے لوگوں کا پیار آج بھی پہلی دن کی طرح سے مل رہا ہے. انہوں نے مزید کہا کہ جس موضوع پر مجھے عبور حاصل نہیں ہے میں اس پہ بات نہیں کرتا جس کے بارے میں آگاہی ہے میں اس پہ بات اسلئے کرتا ہوں کیونکہ میں‌کر سکتا ہوں.

چھوٹے نواب کہلائے جانے والے سیف علی خان اور ان کی بیٹی سارا علی خان دونوں ہیں ہسٹری اور کتابیں پڑھنے کے دیوانے. سارا علی خان نے اپنے حالیہ انٹرویو میں بتایا ہے کہ وہ اپنے والد سے شئیر کرتی ہیں کہ وہ کونسی کتاب پڑھ رہی ہیں اسی طرح سے ان کے والد بھی ان کے ساتھ شئیر کرتے ہیں بلکہ ریکمینڈ کرتے ہیں کہ وہ کونسی کتاب پڑھیں . سارا علی خان نے بتایا کہ وہ جب بڑی ہو رہیں تھیں تو انہوں نے محسوس کیا کہ میرے والد سیف علی خان کو ہسٹری میں بہت زیادہ دلچپسی ہے، دلچپسی مجھے بھی تھی والد کی دلچپسی دیکھ کر میری دلچپسی اور بڑھی. سارا کہتی ہیں کہ ایک بار مجھےسکول سے

چھٹیاں ہوئیں تو میں نے اور میرے والد نے روم جانے کا ارادہ کیا اور پھر ہم دونوں ایک ساتھ روم اور فلورنس گئے، ہم وہاں گھومے پھرے اور عجائب گھر تک دیکھے. سارا نے کہا کہ مجھے آج بھی کتابیں پڑھنے کا شوق ہے میں اور میرے والد ایک دوسرے کو بتاتے رہتے ہیں کہ ہم کونسی کتاب پڑھ رہے ہیں اور ایک دوسرے سے کہتے بھی ہیں کہ کونسی کتاب لازمی پڑھنی ہے. یاد رہے کہ سیف علی خان نے دو شادیاں کررکھی ہیں اور سارا علی خان ان کی پہلی اہلیہ امرتا سنگھ کی بیٹی ہیں.سارا علی خان کی اپنی دوسری والدہ کرینہ کپور سے کافی دوستی بھی ہے یہاں تک کہ کرینہ کے ساتھ اپنے والد کی شادی میں بھی شریک ہوئیں تھیں .

اداکار بوبی دیول جو میڈیا اور سوشل میڈیا پر بہت زیادہ نظر نہیں آتے انہوں‌نے گزشتہ دنوں سوشل میڈیا پر ایک وڈیو ڈالی اس وڈیو میں دیکھا جا سکتا ہے کہ وہ اپنی فلم گپت کے پچیس سال مکمل ہونے کو فلم کی ٹیم کے ساتھ منا رہے ہیں. وڈیو میں بوبی دیول کاجول کے ساتھ کیک بھی کاٹ رہے ہیں اور اداکار دلیپ تاہل کے ساتھ گلے بھی مل رہے ہیں.اس موقع پر بوبی
دیول کا کہنا تھا کہ اس سے خوبصورت لمحہ میری زندگی کا اور کیا ہو سکتا ہے کہ پچیس سال کے بعد بھی میری فلم کو اتنی محبت مل رہی ہے.بوبی دیول اس موقع پر کافی خوش دکھائی دے رہے تھے بلکہ کاجول بھی کافی خوش تھیں اس موقع پر میڈیا

بھی موجود تھا فلم کی ٹیم نے میڈیا سے خصوصی بات چیت کی اور بوبی دیول اور کاجول نے تصاویر بھی بنوائیں. یاد رہے کہ گپت فلم میں بوبی دیول اور منیشا کوئرالہ نے مرکزی کردار ادا کئے تھے سسپنس اور رومینٹک یہ فلم اپنے دور کی کامیاب فلم ہے. اس فلم کے لئے اداکارہ کاجول کو نیگیٹیو کردار کے لئے ایوارڈ بھی ملا تھا. فلم کا میوزک بہت ہٹ ہوا تھا آج تک اس فلم کے گیت سنے جاتے ہیں. فلم کا ایک گیت ”دنیا حسینوں کا میلہ ،میلے میں یہ دل اکیلا” پر بوبی دیول نے بہت خوبصورت ڈانس کیا تھا. فلم کا ہر کردار بہترین تھا یہی وجہ ہے کہ پچیس سال کے بعد بھی اس فلم کو لوگ پسند کرتے ہیں.

مادھوری ڈکشٹ جو گزشتہ تین دہائیوں سے اپنے مداحوں کو اپنی اداکاری اور ڈانس سے محظوظ کررہی ہیں وہ سوشل میڈیا پر کافی متحرک ہیں. خصوصی طور پر انسٹاگرام پر مادھوری ڈکشٹ نے گزشتہ دنوں انسٹاگرام اکائونٹ پر اپنی فلم ” مرتیو ڈنڈ ” کے پچیس برس مکمل ہونے پر اس فلم سے جڑی کچھ تصاویر شئیر کیں اور کیپشن میں لکھا کہ اس فلم کو پچیس سال ہو گئے ہیں لیکن ابھی کل ہی بات لگتی ہے. انہوں نے کہا کہ یہ میری پسندیدہ فلم ہے اور فلم کا ایک گانا ” کہہ دو ایک بار سجنا اتنا کیوں پیار سجنا” میرا پسندیدہ ہے. مادھوری ڈکشٹ کے کریڈیٹ پر جتنا بھی کام ہے وہ معیاری ہے پھر وہ چاہے

فلمیں ہوں یا انکے گانے، ان کی ہر فلم ان کے ڈانس نمبر کی وجہ سے آج تک یاد کی جاتی ہے نہ صرف بہترین اداکارہ ہیں بلکہ رقاصہ بھی ہیں. مادھوری کا شمار بالی وڈ کی صف اول کی اداکارائوں میں ہوتا ہے یہ بھارتی فلم انڈسٹری کی واحد اداکارہ ہیں جن کو لاکھوں کروڑوں دلوں کی دھڑکن مدھوبالا سے بھی ملایا جاتا ہے ان کی سمائل کو خصوصی طور پر ان سے ملایا جاتا ہے. مادھوری کافی عرصے سے چھوٹی سکرین پر ڈانس کے پراگراموں کی میزبانی کرتی ہوئی دکھائی دے رہی ہیں. مادھوری کو آخری بار کرن جوہر کے ویب شو فیم گیم میں دیکھا گیا اس شو میں ان کے ساتھ اداکار سنجے کپور بھی تھے.مادھوری ڈکشٹ کی فلم دل تو پاگل ہے ، تیزاب، دیوداس و دیگر فلموں میں اداکاری دیکھنے سے تعلق رکھتی ہے.