Category: شوبز

بی جے پی کے رہنما کے گستاخانہ بیان پر ہر کوئی شدید غصے میں ہے، اداکار فیصل قریشی نے تو مطالبہ کر دیا ہے کہ بھارت کا بائیکاٹ کیا جائے. فیصل قریشی نے ایک وڈیو پیغام جاری کرتے ہوئے کہا کہ امت مسلمہ بھارت کا بائیکاٹ کررہی ہے لیکن ہماری طرف سے ابھی تک ایسا کوئی مطالبہ سامنے نہیں آیا۔ فیصل قریشی نے مزید کہا کہ اس وقت اتنا اہم مسئلہ چل رہا ہے لیکن ہمارے لوگ اس پر خاموش کیوں ہیں۔ فیصل قریشی نے مزید کہا کہ ہم سب کو مل کر اس پہ بات کرنی چاہیے اور بھارت کا بائیکاٹ کرنا چاہیے فنکار اور عوام اس حوالے سے اپنا احتجاج ریکارڈ کروائیں کیونکہ اب بہت ہو چکا۔

یاد رہے کہ حکمران جماعت بی جے پی کے رہنما کی طرف سے ہمارے پیارے نبی کے حوالے سے گستاخانہ بیانات دئیے گئے ہیں اس پر مسلمانوں کے جذبات مجروح ہوئے ہیں۔ہر کوئی سراپا احتجاج ہے بھارت کے خلاف اس وقت ہمارے لوگوں میں بہت زیادہ غم و غصہ پایا جاتا ہے۔وزیراعظم شہباز شریف نے بھی بھارت کی حکمران جماعت بھارتیہ جنتا پارٹی (بی جے پی) کے رہنماؤں کی جانب سے نبی کریم کی شان میں گستاخی کی شدید مذمت کی ہے۔ٹوئٹر پر اپنے بیان میں وزیراعظم نے کہا کہ بارہا کہہ چکے ہیں فاشسٹ مودی کی قیادت میں بھارت مذہبی آزادی پامال کررہا ہے، بھارت میں مسلمانوں پر شدید ظلم و ستم جاری ہے۔

کترینہ کیف جن کی حال ہی میں اداکار وکی کوشل کے ساتھ شادی ہوئی ہے ان کے شوہر ان سے بہت خوش ہیں ان کا کہنا ہے کہ کترینہ کیف سے شادی کے بعد میری زندگی بہت اچھی گزر رہی ہے اور میں بہت خوش ہوں . وکی نے حال ہی میں ایک انٹرویو دیا اور اس میں اہلیہ کترینہ کیف کی تعریفوں کے پل باندھ دئیے بولے میں ایک اچھی اور خوبصورت شادی شدہ زندگی بسر کر رہا ہوں دیکھا جائے تو ایسی بات کہہ کر انہوں نے کتریبہ کیف کی تعریف کی ہے.

یاد رہے کہ کترینہ اور وکی کوشال کی محبت کی شادی ہے اور اس شادی کے انتظامات میں اداکار سلمان خان خود شامل تھے. کترینہ کیف کا بہت عرصہ تک نام سلمان خان کیساتھ آتا رہا ایک وقت میں تو خیال کیا جا رہا تھا کہ شاید دونوں شادی کے بندھن میں بندھ جائیں گے لیکن ایسا کچھ بھی نہیں ہوا . وکی کوشال سے قبل کترینہ اداکار رنبیر کپور کے ساتھ دو سال تک ریلیشن میں رہیں دونوں ایک ہی گھر میں بھی شفٹ ہو چکے تھے لیکن پھر نہ جانے ایسا کیا ہوا کہ دونوں نے اپنی راہیں جد کر لیں. رنیبر کپور کے بعد کترینہ کی زندگی میں وکی کوشال آئے اور دونوں نے شادی کا فیصلہ کر لیا.شادی کے بعد دونوں کا فی خوش دکھائی دیتے ہیٰں. کتریبہ کا شمار بالی وڈی کی خوبصورت اور باصلاحیت اداکارائوں میں ہوتا ہے.

آج کل ہر کوئی مہنگائی پر بلبلا رہا ہے چاہے عام آدمی ہو یا سیلبرٹی. دن بہ دن بڑھتی مہنگائی نے سب کو مجبور کر دیا ہے کہ وہ حکومت سے گلہ شکوہ کرے. اسی طرح‌ کا ایک شکوہ کیا مانی نے اور پھر حکومت کو مشورہ بھی دیدیا اور مشورہ یہ دیا کہ پاکستان کو بچانے کا اب ایک ہی طریقہ ہے کہ پاکستان سو ملکوں کے ساتھ ایک کمیٹی ڈال لے اور پہلی کمیٹی خود لے کر رکھ لے تاکہ ہمارے حالات بہتر ہو سکیں. مانی نے یہ دلچپسپ مشورہ حکومت کو انسٹاگرام پر اپنی سٹوری میں دیا. مانی کے اس مشورے کے بعد تحریک انصاف کے سپورٹرز نے ان کو سراہا اور مذاق کرتے رہے جبکہ حکومت کے سپورٹرز نے مانی کو کھری کھری سنا دیں اور کہتے رہے کہ مہنگائی عمران خان کا دیا تحفہ ہے نئی حکومت تو بس کوشش کررہی ہے کہ حالات کنٹرول میں آجائیں .

اداکار و میزبان مانی کوئی اکیلے اداکار نہیں‌ ہیں جو سیاسی معاملات پر تبصرے کررہے ہیں بہت سارے دوسرے ایسے اداکار ہیں جو سیاست میں‌دلچپسی لیتے ہوئے سوشل میڈیا پر پوسٹیں شئیر کرتے ہیں جن میں شان شاہد ، ہارون شاہد ،منیب بٹ، ثمینہ پیرزادہ اور عفت عمر کے نام قابل ذکر ہیں. بلکہ اداکاروں نے تو سیاسی جماعتوں کے حق اور خلاف بات کرنے کے حوالے سے واضح پوزیشنز لے رکھی ہیں.آج کل شوبز شخصیات عام لوگوں سے زیاہ سیاسی معاملات میں‌ دلچسپی لیتی ہوئی نظر آرہی ہیں جسے کچھ لوگ سراہتے ہیں اور کچھ لوگوں‌کا کہنا ہے کہ سٹارز کو پارٹی نہیں بننا چاہیے.

ایسٹرن ٹیرسٹریل اسٹوڈیوزڈاوئون ٹائون فلمز اور چینل کے اشتراک سےاداکار عثمان مختار کی بطور ڈائریکٹر اور پرڈیوسر شارٹ فلم ” گلابو رانی؛؛ ریلیز کے لئے تیار ہے.اس پراجیکٹ میں ان کے ساتھ معراج حق بھی برابر کے حصہ دار ہیں.فلم کی کاسٹ میں اسامہ جاوید، حیدر معراج حق، دانیال افضل ، نتاشا اعجاز، عمر عبداللہ شامل ہیں جبکہ کوشال خٹک اس میں بطور مہمان اداکار نظر آئیں گے.عثمان مختار اور معراج حق کا دعوی ہے کہ گلابو رانی ایک الگ لیول کی فلم ہے.
اس فلم کے حوالے سے عثمان مختار کہتے ہیں کہ میری اداکاری کو ہمیشہ بہت سراہا گیا ہے جس کے لئے میں اپنے پرستاروں‌کا شکر گزار ہوں لیکن کیمرے کے پیچھے جا کر کام کرنا اور نئے لوگوں کے ساتھ پھر یہ کام کرنا یہ میرے لئے بہت ہی خوبصورت تجربہ رہا ہے.اس فلم کو بناتے وقت بہت ہی خوفناک لمحے بھی آئے اور بہت ہی ہنسی مذاق والے لمحات بھی آئے ہم سب نے مل کر انجوائے کیا مجھے امید ہے کہ اس ہارر فلم کو دیکھ کر شائقین ضرور محظوظ ہوں گے .عثمان مختار نے مزید کہا کہ ایسٹرن ٹریسٹرئیل ایک نیا پروڈکشن پلیٹ فارم ہے جہاں نئے لوگوں‌ کو چانس دیا جاتا ہے گلابو رانی اس کی بڑی مثال ہے مزید بھی یہ کام جاری رہے گا اس پلیٹ فارم سے ان لوگوں‌کو بریک دیا جائے

یاد رہے کہ ماضی قریب میں عثمان مختار کا ماہرہ خان کے ساتھ ڈرامہ سیریل ہم کہاں کے سچے تھے اختتام پذیر ہوا اس ڈرامے میں‌عثمان کی اداکاری کو بے حد سراہا گیا تھا.

ڈائریکٹر فرح خان کے بھائی اور مشہور و معروف ہدایتکار ساجد خان جو بالی وڈ کے کنگ شاہ رخ خان کے قریبی دوست بھی ہیں ان دونوں بلکہ تینوں فرح خان ،ساجد خان اور شاہ رخ خان کی دوستی کسی سے ڈھکی چھپی نہیں ہے۔ ساجد خان نے گزشتہ دنوں سوشل میڈیا پر اپنی ایک وڈیو شئیر کی جس میں انہوں نے شاہ رخ خان کی اہلیت پر بات کی انہوں نے کہا کہ شاہ رخ خان جیسے سٹارز روز روز پیدا نہیں ہوتے، مزید کہا کہ ان میں اتنی اہلیت ہے کہ بھارت کے وزیراعظم بھی بن سکتے ہیں۔ ساجد خان نے مزید کہا کہ شاہ رخ خان بہت ہی نرم دل اور نرم مزاج ہیں وہ لوگوں کے ساتھ بہت زیادہ اچھا کرتے ہیں ان کی مدد بھی کرتے ہیں لیکن یہ چیزیں کبھی سامنے نہیں لاتے۔ ساجد خان نے یہاں تک کہہ دیا کہ بالی وڈ کے بادشاہ ذہین اور باصلاحیت ہیں اگر یہ کچھ سال پہلے انڈسٹری چھوڑ کر سیاست میں آگئے ہوتے تو شاید آج ملک کے وزیراعظم ہوتے ۔ ساجد خان کی اس وڈیو پر کچھ لوگوں نے خوشی کا اظہار کیا کچھ لوگوں نے ہلکے پھلکے انداز میں مذاق بھی بنایا.
یاد رہے کہ شاہ رخ خان آج کل کورونا جیسے مرض میں مبتلا ہیں اور اپنی تمام تر شوٹنگز کینسل کرکے تنہائی میں ہیں کنگ خان کے پرستار ان کی صحتیابی کے لئے دعاگو ہیں۔شاہ رخ اپنے بیٹے آریان کی منشیات کیس میں گرفتاری پر خاصے رنجیدہ تھے لیکن ان کے بیٹے پر جب کچھ ثابت نہیں ہوا اور وہ باعزت بری ہوئے تو شاہ رخ خان نے لیا سکھ کا سانس۔

بھارتی میڈیا رپورٹس کے مطابق دو روز قبل بالی وڈ کے بھائی جان سلمان خان کے والد سلیم خان کو اس جگہ سے دھمکی آمیز خط موصول ہوا جہاں وہ ہر صبح واک کرکے کچھ دیر بیٹھتے ہیں پولیس کے مطابق اس خط میں باپ بیٹا دونوں کو دھمکی دی گئی تھی. سلمان خان اس دھمکی سے بالکل نہیں ڈرے نہ ہی وہ ڈر کر گھر بیٹھے ہیں وہ اصل میں دبنگ بن گئے ہیں۔ سلمان خان دھمکی آمیز خط ملنے کے باوجود گھر سے باہر جا آرہے ہیں یعنی انہوں نے اپنی آمدو رفت کو محدود نہیں کیا، رپورٹس کہتی ہیں کہ ان کے گھر کے باہر کی اور سلمان خان کی خود کی سیکیورٹی بڑھا دی گئی ہے. تاہم سلمان خان اپنی اگلی فلم جس کا نام ہے ’’کبھی عید کبھی دیوالی‘‘ کی شوٹنگ کے لئے حیدر آباد جانے کا ارادہ رکھتے ہیں۔
یوں سلمان خان نے دھمکی دینے والوں کا دکھایا اپنا اصل دبنگ روپ اور انہیں بتا دیا کہ وہ کسی دھمکی سے ڈر کر گھر نہیں بیٹھنے والے بلکہ وہ اپنے پرستاروں کے لئے گھر سے باہر بھی نکلیں اور کام بھی کریں گے اور دھمکی دینے والے بزدلوں‌کا سامنا بھی کریں گے۔
یاد رہے کہ سلمان خان اپنے دبنگ انداز کی وجہ سے لوگوں میں بہت مقبول ہیں گوکہ ان کا نام ہر دوسری کنٹرورسی میں ہوتا ہے لیکن وہ کسی بھی قسم کی کنٹرورسی سے گھبراتے نہیں ہیں.

خوبصورت علیزے شاہ اور سمیع خان کے پرستاروں کے لئے خوشخبری ہے کہ اب یہ اپنے من پسند فنکاروں‌کو ایکساتھ دیکھ سکیں گے۔ رپورٹس کے مطابق دونوں بگ بینگ اینٹرٹینمنٹ کے بینر تلے بننے والے ڈرامہ سیریل ’’ تقدیر ’’ میں کام کریں گے ڈرامے کی ہدایتکاری محسن طلعت کر رہے ہیں اور یہ پراجیکٹ اے آر وائی ڈیجیٹل کے لئے پر چلے گا۔اس ڈرامے میں ان دونوں کے کردار کیا ہیں اور دیگر کاسٹ میں کون کون شامل ہے اسکی تفصیلات آنا ابھی باقی ہیں۔
یاد رہے کہ محسن طلعت ایک منجھے ہوئے ڈائریکٹر ہیں ان کے کریڈٹ پر بے شمار سپر ہٹ ڈرامے ہیں جن میں جھوٹی، ،داسی ، عشق نچایا، کی جانا میں کون ،جال ، ایک محبت کافی ودیگر شامل ہیں۔

سمیع خان جو اکثر سنجیدہ کردار کرتے ہی دکھائی دیتے ہیں وہ اس ڈرامے میں ایک بار پھر سنجیدہ کردار میں ہی دکھائی دیں گے یا اس سے ہٹ کر کچھ کریں گے یہ تو ڈرامہ دیکھ کر ہی پتہ چلے گا۔ علیزے شاہ جن کے کریڈٹ پر اچھا کام ہے وہ اس ڈرامے میں کیا نیا لیکر آتی ہیں یہ دیکھنے کے لئے ہمیں کرنا ہو گا انتظار۔
علیزے شاہ پچھلے کچھ عرصہ میں ایوارڈز شوز میں اپنی ڈریسنگ کی وجہ سے خبروں میں رہیں لوگوں نے انکی ڈریسنگ کو بنایا تھا تنقید کانشانہ دوسری طرف ہم دیکھیں تو سمیع خان کے کریڈٹ پر ایسی کوئی کنٹرورسی نظر نہیں آتی جس کو یاد کیا جائے۔

چند روز قبل ڈائریکٹر اور پرڈیوسر مہرین جبار برس پڑیں تھیں اپنے ڈراموں‌ پر اور بولیں تھیں کہ ہمارے ڈرامے انڈین سوپ بن گئے ہیں ان میں عورت سمیت ہر کوئی مسلسل ایک اذیت میں دکھایا جاتا ہے مرد حضرات چھوٹی داڑھیاں رکھے ہوئے ہوتے ہیں اور اقساط کو کھینچ کر ایک ہزار تک لیجانے کی کوشش کی جاتی ہے مہرین جبار کے اس بیان پر جہاں انہیں بہت ساری تنقید کا سامنا کرنا پڑا وہیں ان کے ساتھ ان کے حق میں بھی ایک آواز اٹھی اور وہ آواز مومنہ درید کی ہے. ڈائریکٹر اور سینئر پرڈیوسر ہم ٹی وی مومنہ درید کہتی ہیں‌ کہ پاکستانی ٹی وی ڈراموں‌ کے حوالے سے مہرین نے جو بھی کہا ہے میں اس سے بالکل متفق ہوں پاکستانی ڈرامے کی کوالٹی گرنے کے حوالے سے ان کا موقف بالکل درست ہے اور میں ان کے ساتھ کھڑی ہوں. مہرین جبار نے جب سوشل میڈیا پر پاکستانی ڈراموں‌ کے زوال کے حوالے سے سے درج بالا کہی گئی باتوں پر مشتمل پوسٹ کی تھی تو مومنہ درید نے انہیں‌اسی پوسٹ کے نیچے جواب دیا تھا مومنہ کے اس جواب کو سراہا گیا کہ انہوں‌ نے کھلے دل سے تنقید سنی اور اس کے ساتھ اتفاق بھی کیا.

یاد رہے کہ مومنہ درید خود بھی ڈرامے بناتی ہیں اور ان کے ڈرامے بھی روٹین کے بننے والے ڈراموں سے کچھ زیادہ ہٹ کر تو نہیں‌ہوتے لیکن مومنہ اپنے ڈراموں میں‌خواتین کو بااختیار دکھانے کی کوشش ضرور کرتی ہیں. ہم ٹی وی اس وقت ڈراموں کے حوالے سے ایک بڑا نیٹ ورک بن چکا ہے.

خوبصورت اداکارہ فضیلہ قاضی نے نعمان اعجاز کے ساتھ ایک انٹرویو میں بتایا ہے کہ وہ کیوں ایوارڈ شوز میں شرکت نہیں کرتیں۔ فضیلہ قاضی نے کہا کہ وہی پندرہ بیس لوگ ہیں جو ہر جگہ نظر آتے ہیں انہی کو ہی ایسے شوز میں بلایا جاتا ہے۔ ہمارا مسئلہ یہ ہے کہ ہم پی آر نہیں کر ستے نہ ہی اپنی ہر چیز بیچ سکتے ہیں، میں سمجھتی ہوں کہ میری پرسنل لائف بہت پرسنل ہے میں اپنا بچہ، میاں اور بیڈ روم نہیں بیچ سکتی۔ اب تو ہر جگہ ان لوگوں کو بلایا جاتا ہے جن کے انسٹا گرام پر فالورز بہت زیادہ ہوں، اب تو ہر چیز فیک ہو گئی ہے اور شوبز تو ہے ہی فیک جگہ۔

نعمان اعجاز نے جب فضیلہ قاضی سے پوچھا کہ آپ نیپوٹیزم پر بہت تنقید کرتی ہیں کیوں اس میں کیا برائی ہے تو فضیلہ نے کہا کہ نیپوٹیزم میں برائی والی بات نہیں ہے لیکن اس وجہ سے بہت سارے لوگ بہت سارے جو کردار ڈیزور کرتے ہیں ان کو وہ نہیں ملتے میں کسی کی بات کیا کروں میرے اپنے ساتھ ایسا ہوا ہے کہ مجھے بہت سارے وہ کردار نہیں ملے جن کی میں حقدار تھی۔فضیلہ قاضی نے کہا کہ میری بہت ساری دوستیاں نہیں ہیں نہ ہی میں کسی گروپ کا حصہ ہوں۔میں جب بھی کسی سے دوستی کرتی ہوں دل سے کرتی ہوں اور ویسے میں آپ کو بتائوں میرے بیٹے میرے دوست ہیں مجھے کسی اور کی ضرورت ہی نہیں ہے وہی میرے نقاد ہیں ان سے میں ہر بات شئیر کرتی ہوں۔فٖضیلہ قاضی نے کہا کہ میں وہ فیشن کرتی ہوں جو مجھے سوٹ کرے فیشن کرنے کے چکر میں بندر نہیں بنتی نہ ہی پاگلوں کی طرح فیشن کے پیچھے بھاگتی ہوں۔ فضیلہ نے یہ بھی بتایا کہ ان کے شوہر قیصر خان اکثر اپنا والٹ اور فون کہیں رکھ کر بھول جاتے ہیں ۔

ٹی وی شوز سے شہرت کی بلندیوں کو چھونے والی جیسمین بھاسن مہیش بھٹ کی فلم سے ڈیبیو کرنے جا رہی ہیں فلم کی شوٹنگ جولائی سے شروع ہو گی۔ رپورٹس کے مطابق بگ باس جیسے بڑے رئیلٹی شو سے پذیرائی حاصل کرنے والی جیسمین بھاسن فلم میں کام کررہی ہے اس میں ان کے ساتھ گپی گریوال نظر آئیں گی۔رپورٹس یہ بھی بتا رہی ہیں جیسمین نے فلم سائن کر لی ہے۔ فلم میں ان کا کردار کیسا ہوگا اس سے ابھی تک پردہ نہیں اٹھایا گیا نہ ہی ایسا کوئی اشارہ دیا گیا ہے لیکن کہا جا رہا ہے کہ جیسمین اپنے کردار سے بے حد خوش ہیں ان کا کہنا ہے کہ میرے پرستار میرے کام اور کردار کو دیکھ کر بہت خوش ہوں گے۔ رپورٹس کے مطابق فلم رواں برس اکتوبر میں ریلیز کی جائے گی۔
یاد رہے کہ مہیش بھٹ نے بطور ڈائریکٹر آخری فلم انیس نو ننانوے میں زخم کے نام سے بنائی تھی اس کے بعد انہوں نے اعلان کر دیا تھا کہ اب وہ بطور ڈائریکٹر کام نہیں کریں گے۔ ان کی آخری فلم ان کی ذاتی زندگی سے کافی متاثر تھی اس میں پوجا بھٹ اور اجے دیوگن نے مرکزی کردار ادا کئے تھے، فلم کا میوزک بھی بہت جاندار تھا۔ جیسمین بھاسن جس فلم سے ڈیبیو کرنے جا رہی ہیں اسکو مہیش بھٹ لکھیں گے اور ان کے بھائی وکرم بھٹ اسے ڈائریکٹ کریں گے۔ جیسمین بھاسن فلمی کیرئیر شروع کرنے کے حوالے سے کافی پرجوش ہیں۔