Category: شوبز

عبداللہ کادوانی اور میکال ذوالفقار کے ڈرامہ سیریل”قلندر” کی شوٹنگ لاہور میں جاری ہے۔اے آر وائی پر آن ائیر جانے والے اس ڈرامے کی کاسٹ میں منیب بٹ، علی عباس، کومل میر،علی طاہر،اسمائ عباس،کاشف محمود و دیگر شامل ہیں۔منیب بٹ کا ماضی قریب میں "بددعا” ڈرامہ اختتام پذیر ہوا، اس میں انکے ساتھ امر خان تھیں۔منیب نے اس ڈرامے میں روٹین سے ہٹ کر کردار ادا کیا تھا۔

یاد رہے کہ بہت عرصے کے بعد لاہور میں بیک وقت دو ڈراموں کی شوٹنگ جاری ہے۔ قلندر کے علاوہ جس ڈرامے کی شوٹنگ جاری ہے اسکا نام ہے "فراڈ” ثاقب خان کی ڈائریکشن میں بننے والا یہ ڈرامہ آن ائیر جاچکا ہے۔ اس کی کاسٹ میں صبا قمر، میکال ذوالفقار، احسن خان،اسماءعباس و دیگر کا نام قابل زکر ہے۔اس وقت اسماءعباس اور میکال ذوالفقار علی خان دونوں ڈراموں میں کام کررہے ہیں اور دونوں ڈراموں کی شوٹ بیک وقت لاہور میں جاری ہے۔منیب بٹ کے ساتھ ڈرامہ سیریل قلندر میں کومل میر پہلی بار دکھائی دے رہی ہیں جبکہ میکال احسن اور صبا قمر کافی عرصے کے بعد کسی پراجیکٹ میں اکٹھے ہوئے ہیں

گلوکارہ آئمہ بیگ نے اپنے حالیہ ایک انٹرویو میں بتایا ہے کہ ان کو بریانی بہت پسند ہے اور بریانی پسند بھی کراچی کی ہے.وہ بتاتی ہیں کہ وہ گوشت کے علاوہ سب کچھ کھاتی ہیں اور انکی صحت کا بھی یہی راز ہے.آئمہ بیگ نے یہ بھی بتایا کہ انہیں زیادہ مرچوں والے کھانے نہیں پسند نہ ان سے کھائے جاتے ہیں اگر کھا بھی لیں تو ان کی طبیعت خراب ہوجاتی ہے.آئمہ نے کہا کہ چٹ پٹا کھانا کھا لیتی ہیں لیکن اتنا سپائسی نہیں کھاتیں کہ بعد میں ان کو چکر ہی آتے ہوں.آئمہ نے کہا کہ کراچی میں بہت اچھی بریانی بنتی ہے.آئمہ نے بتایا کہ انہیں اداکاری کی بہت ساری آفرز آتی رہی ہیں اور آتی بھی ہیں لیکن انہیں اداکاری میں دلچپسی نہیں ہے اس لئے وہ کسی بھی اداکاری کے پراجیکٹ کے لیے ہاں نہیں کرتیں۔

آئمہ بیگ جو آج کل لندن میں ایک شو کی غرض سے ہیں ان کا شمار آج کی بہترین نوجوان گلوکاروں میںہوتا ہے وہ ہر دلعزیز ہیں بڑے نامور موسیقاروں کے ساتھ کام کر چکی ہیں.آئمہ بیگ نے ماڈل و اداکار شہباز شگری سے کچھ عرصہ قبل منگنی کی شادی کب ہو گی اس کا اعلان ابھی تک نہیں ہوا. آئمہ معروف موسیقار اور گلوکار ساحر علی بگا کے ساتھ کام کام کر چکی ہیں.آئمہ نوجوان نسل میں خاصی مقبول ہیں.
۔۔۔۔۔۔

ماضی کے سپر ہٹ اداکار کمل ہاسن کی حال ہی میں فلم ”وکرم “ ریلز ہوئی ہے اس کی کامیابی کا تناسب دیکھتے ہوئے کمل ہاسن اس قدر خوش ہوئے کہ اس فلم کے ڈائریکٹر پر پیار جتایا ایک الگ طریقے سے ۔ رپورٹس کے مطابق کمل ہاسن نے فلم وکر م کے ڈائریکٹر کو فلم کی کامیابی کی خوشی میں ایک لگژری گاڑی تحفے میں دیدی۔ سوشل میڈیا پر اس تصویر کے بہت چرچے ہوئے جس میں وہ ڈائریکٹر لوکیش کنا گراج کو کار کی چابیاں دے رہیں ۔یہ پہلا موقع نہیں ہے کہ فلم کی کامیابی پر ایکٹر نے کسی ڈائریکٹر کو گاڑی تحفے میں دی ہے۔اس سے پہلے بھی یہ ہوتا آتا ہے جیسے یش راج نے لتا منگیشکر کو فلم ویر زارا کی کامیابی کے بعد ایک لگژری گاڑی تحفے میں دی تھی اس گاڑی کا استعمال لتا نے مرتے دم تک کیا ،تو یہ سلسلہ بالی وڈ میں میں عام ہے۔

یاد رہے کہ کمل ہاسن کی فلم ”وکرم “ نے ریلیز کے صرف پہلے چار دنوں میں 175کروڑ کا بزنس کیا ہے یہ فلم ایکشن اور تھرلر ہے جسے شائقین بہت زیادہ سرا رہے ہیں اسی لئے کمل ہاسن اس فلم کی کامیابی کو الگ انداز سے منا رہے ہیں ۔کمل ہاسن نے اسی کی دہائی میں بطور ہیروز کئی سپر ہٹ فلمیں دیں ان پر فلمائے ہوئے گیت آج بھی زبان زد عام ہیں ۔نوے کی دہائی میں بھی ان کی یادگار فلمیں آئیں۔
۔۔۔۔۔۔

معروف اداکارہ نیانتھرا اور فلم میکر ونگیش شیون جن کی پچھلے برس سات سال کے رشتے کے بعد منگنی ہوئی تھی ان کے حال ہی میںشادی کی تقریبات ہو رہی ہیں ان تقریبات کو زیادہ پھیلایا نہیں گیا صرف چنندہ لوگوں کو بلایا گیا ہے ۔ شادی کی تقریبات میں خصوصی طور پر بالی وڈ کے کنگ شاہ رخ خان نے شرکت کی ۔نیانتھرا کے ساتھ شاہ رخ خان نے اتلی کمار کی فلم ”جوان“ میں کام کیا ہے ۔

یاد رہے کہ ریڈ چیلز کے بینر تلے بننے والی فلم ” جوان “ میں شاہ رخ خان اور نیانتھرا ایک ساتھ نظر آرہے ہیں اس فلم کو شاہ رخ خان کی بیوی گور ی خان پرڈیوس کررہی ہیں فلم اگلے سال جون میں ریلیز کی جائیگی ۔شاہ رخان کے فلم جوان کا ٹریلر ریلز ہوتے ہی اس کی دھوم مچ گئی اس ٹریلر میں شاہ رخ خان ایک الگ روپ میں نظر آرہے ہیں ان کے جسم اور چہرے پر پٹیاں بندھی ہوئی نظر آرہی ہیں ۔شاہ رخ خان کے قریبی دوست سلمان خان نے فلم کا ٹریلز دیکھ اس کی کافی تعریف کی اور امید ظاہر کی کہ فلم کامیاب ہو گی ۔شائقین فلم کے ٹریلر میں شاہ رخ خان کے مختلف روپ کو دیکھ کر کافی پرجوش ہیں اور فلم کی ریلیز کے لئے منتظر ہیں ۔شاہ رخ خان کرن جوہر کی سالگرہ کی تقریب کے بعد کورونا میں مبتلا ہوگئے تھے لیکن ان کی طبیعت میں اب کافی بہتری آچکی ہے۔

ماڈل و اداکار میکال ذوالفقار نے اپنے حالیہ انٹرویو میںکہا ہے کہ جو لوگ میر ی اداکاری پر سوال اٹھاتے ہیں میں ان سے صرف یہ کہنا چاہوں گا کہ وہ جیو ٹی وی پر چلنے والا میرا ڈرامہ” چوراہا “ضرور دیکھیں ۔میکال نے کہا کہ مجھے مثبت تنقید سے فرق نہیں پڑتا اور جس کو منفی تنقید کرنی ہے وہ کرتا رہے مجھے اس سے بھی فرق نہیں پڑتا میں اپنا کام اچھے انداز میں کرتا ہوں ،مجھے لوگ پیار دیتے ہیں مجھے بس اتنا پتہ ہے۔میکال نے کہا کہ میں فلموں میں بہت جلد نظر آﺅں گا ۔اس حوالے سے کچھ پراجیکٹس پائپ لائن میںہیں بہت جلد ان پر کام بھی شروع ہو جائیگا امید ہے کہ میرے پرستار مجھے بڑی سکرین پر دیکھ کر خوش ہوں گے ۔

یاد رہے کہ میکال کے آ ج کل دو ڈرامے آن ائیر ہیں ایک چوراہا اور دوسرا فراڈ ۔ ڈرامہ سیریل چوراہا میںمیکال روٹین سے ہٹ کر کام کرتے ہوئے دکھائی دے رہے ہیں ان کا کردار لوگوں کو بہت پسند آرہا ہے ۔جبکہ ڈرامہ سیریل فراڈ میں میکال صبا قمر کے ساتھ دکھائی دے رہے ہیں دونوں کی جوڑی کافی پسند کی جاتی ہے کافی برسوں کے بعد یہ دونوں کسی ڈرامے میں ایک ساتھ نظر آرہے ہیں ۔میکال صبا قمر کے ساتھ کام کرنے کے حوالے سے کہتے ہیں کہ صبا کے ساتھ کام کرنا ہمیشہ ہی بہت اچھا لگتا ہے اور میں سمجھتا ہوں کہ صبا قمر سے بہت بہترین اداکارہ ہیںان کی اداکاری کا انداز نہایت ہی نیچرل ہے جو دیکھنے والوں کو اپنی طرف یقینا متوجہ کرتا ہے۔

فلم ”رئیس “ سے بالی وڈ میں ہلچل مچانے والی ماہرہ خان کی انڈین سکرین پر واپسی آج سے ہوگی ۔رپورٹس کے مطابق آج سے ماہرہ خان کا ڈرامہ سیریل” صدقے تمہارے“ زی زندگی پر آن ائیر جائیگا ۔اس حوالے سے ماہر ہ خان کہتی ہیں مجھے خوشی ہے کہ میں میری واپسی انڈین سکرین پر ہو رہی ہے ۔صدقے تمہارے میرے دل کے بہت قریب ہے خصوصی طور پر شانو کا کردار میرا پسندیدہ ہے ۔اس ڈرامے کے زریعے ایک بار پھرمیرا میرے بھارتی پرستاروں کے ساتھ انٹریکشن ہو گا ۔
واضح رہے کہ صدقے تمہارے کو خلیل الرحمان قمر نے لکھا ہے اور ڈائریکشن محمد احتشام الدین نے کی ہے یہ کہانی اسی کی دہائی کی لو اسٹوری ہے ۔یہ کہانی لکھاری کی ذاتی زندگی کے قریب ہے اس کہانی میں

خلیل اور شانو دونوں کی منگنی بہت ہی چھوٹی عمر میں ہوجاتی ہے لیکن دس سال ان کا آپس میں رابطہ نہیں ہوتا ،شانو اپنے منگیتر سے ملنے کے لئے بیتاب رہتی ہے لیکن اس کا منگیتر شہر میں سیٹیل ہو چکا ہوتا ہے شرو ع میں خلیل شانو سے ملنے یا اس کو اپنانے سے ہچکچاہٹ کا شکار ہوتا ہے کیونکہ وہ شہر میں سیٹل ہو چکا ہوتا ہے وہاں اس کےلئے ہر لحاظ سے بہتر مواقع ہوتے ہیں لیکن آخر کار وہ شانو کی محبت میں گرفتار ہو ہی جاتا ہے۔ماہرہ خان نے شانو کے کردار میں اپنی زبردست اداکاری کے زریعے حقیقت کے رنگ بھر دئیے تھے یقینا ان کے انڈین پرستار ان کایہ ڈرامہ دیکھ کر لطف اندوز ہوں گے ۔
۔۔۔۔۔۔

اداکار بلال قریشی جو کنٹرورسی سے دور رہنے کی کوشش کرتے ہیں وہ کبھی بھی ایسا کچھ نہیں بولتے کہ جس پہ ان کو سوال ہوں لیکن بجلی کم اور بل زیادہ آنے پر ان کے صبر کا پیمانہ چھلک گیا اور وہ برس پڑے حکومت پر۔ تفصیلات کے مطابق بلال قریشی بجلی کے بار بار اور بہت زیادہ جانے پر کافی ناراض ہیں اور اس سے زیادہ بجلی کے بل زیادہ آنے پر ناراض ہیں۔ اپنی اس ناراضگی کا اظہار انہوں نے انسٹاگرام پر ایک سٹوری جاری کرکےکیا۔سٹوری میں انہوں نے لکھا کہ آج بجلی کا بل آیا ہے اور بہت زیادہ آیا ہے۔انہوں نے مزید کہا کہ جب بجل کم اور بل زیادہ آتا ہے تو بہت زیادہ غصہ آتا ہے۔ بلال قریشی نے غصے کا اظہار جس انداز میں کیا ہے لوگوں نے اسکو بہت پسند کیا ہے ۔بلال قریشی کی سٹوری بہت پسند کی جا رہی ہے اور اسے حالات کے عین مطابق قرار دیا جا رہا ہے۔

واضح رہے کہ پچھلے کچھ ہفتوں میں ملک میں بجلی کا بحران بہت زیادہ ہو رہا ہے اور کہیں ہر ایک گھنٹے کے بعد بجلی جا رہی ہے اور کہیں ہر دو گھنٹے کے بعد بجلی جا رہی ہے۔عوام بجلی کے مسلسل غائب رہنے کی وجہ سے بہت زیادہ نالاں ہیں ان کا کہنا ہے کہ بجلی آتی نہیں اور بل اتنے زیادہ آجاتے ہیں.

چھوٹی سکرین کے بڑے اداکار منیب بٹ جن کا آج کل لاہور میں ایک ڈرامہ شوٹ ہو رہا ہے وہ کہتے ہیں کہ مجھے لاہور آکر کام کرنے میں بہت مزہ آرہا ہے یہاں لوگ بہت اچھا ریسپانس دیتے ہیں بہت پیار دیتے ہیں تاہم کراچی میں‌کام کرنے کا بھی اپنا ہی مزہ ہے منیب بٹ نے اپنے حالیہ ایک انٹرویو میں کہا کہ میں سوشل میڈیا پر متحرک ہوں اور جو ٹھیک لگتا ہے وہی کہتا ہوں مجھے لگتا ہے کہ عمران خان اس ملک کے لئے بہترین چوائس ہیں اور ان کی حکومت کے خلاف سازش تو ہوئی ہے وہ سازش کس نے کی ہے یہ میں‌حتمی طور پر کچھ نہیں کہہ سکتا. انہوں نے مزید کہا کہ مجھے لگتا ہے کہ اگر لوگ میری بات سنتے ہیں تو میں ان کو وہ بتائوں جو مجھے پتہ ہے یا میں ٹھیک سمجھتا ہوں. منیب بٹ نے ایک سوال کے جواب میں کہا کہ فلموں میں‌کام کروں گا لیکن ابھی ایسا کوئی سکرپٹ سمجھ میں‌نہیں آیا کہ حامی بھر لوں.حالیہ فلمیں اپنے کام کی مصروفیت کی وجہ سے نہیں دیکھ سکا لیکن مجھے یقین ہے کہ ساری فلمیں اچھی تھیں یقینا اچھی تھیں تو لوگ سینما گھروں میں جوق در جوق گئے.منیب نے کہا کہ مجھے ہر قسم کے کردار کرنا اچھا لگتا ہےاور انٹرویوز اس لئے کم دیتا ہوں کیونکہ میرا ایک یوٹیوب چینل ہے وہاں میں اپنے حوالے سے ہر چیز شئیر کرتا ہوں لہذا جس کو میرے بارے کچھ جاننا ہے کچھ پوچھنا ہے تو وہ آئے اور دیکھے میں انہی کے لئے ہر چیز اپ لوڈ کرتا ہوں.

اداکار احسن خان جنہوں نے حال ہی میںایک انٹرویو میں سوال کئے جانے پر جواب دیا کہ میں نے بالی وڈ کی فلم اپنے ہنی مون کی وجہ سے رد کی تھی اور میکا ل نے بعد میں یہ فلم کی ۔اس کے بعد ایک کنٹرورسی نے جنم لیا کسی نے کچھ کہا تو کسی نے کچھ ۔احسن خان کا اس حوالے سے کہنا ہے کہ میں نے جو بالی وڈ فلم چھوڑی تھی اس میں اکشے کمار سرے سے ہی نہیں تھے غلط خبریں پھیلائی جا رہی ہیں کہ اس فلم میں اکشے کمار تھے اور میرا کام بہت اہم ہے میں مانتا ہوں لیکن کہیں پر کبھی کبھی ذاتی زندگی کو بھی دیکھنا پڑتا ہے اور جب مجھے بالی وڈ کی فلم آفر ہوئی میری نئی نئی شادی ہوئی تھی تو میں نے فلم کرنے سے انکار کر دیا اور ہنی مون پر چلا گیا ۔میکال نے اگر یہ فلم کر لی تو کیا ہوا؟ احسن کا مزید کہنا تھا کہ سوشل میڈیا کا دور ہے جس کا جو دل کرتا ہے وہ لکھ دیتا ہے بول دیتا ہے بھئی پہلے کسی کی بات پوری توجہ سے سن لیا کریں ۔ انہوں نے واضح کیا کہ میں نے جو فلم چھوڑی تھی اس میں اکشے کمار بالکل بھی نہیں تھے ۔
یاد رہے کہ آج کل احسن خان کا ڈرامہ سیریل فراڈ چل رہا ہے ان کے پرستار ہر بار کی طرح ان کے اس رول کو بھی سرا ہ رہے ہیں احسن اس ڈرامے میں منفی کردار کے زریعے سامنے آئے ہیں ان کے ساتھ کملی فلم کی ہیروئین صبا قمر نظر آرہی ہیں۔