Category: شوبز

فلم کملی تو سینما گھروں میں لگ چکی ہے لیکن اپنے پرستاروں سے ملنے اور ان کا جوش و ولولہ بڑھانے فلم کی کاسٹ سے صبا قمر اور عمیر رانا سرمد کھوسٹ کے ساتھ سینما گھروں میں پہنچ رہے ہیں. سرمد سلطان کھوسٹ نے گزشتہ شب ایک فیس بک پوسٹ‌ شئیر کرتے ہوئے بتایا کہ اتوار کے روز سرمد صبا قمر اور عمیر رانا کے سنگ مختلف سینما گھروں کا رخ کریں گے.جن جن سینما گھروں میں انہوں‌ نے جانے کے بارے میں پوسٹ لگائی ان میں یونیورسل سینما، سنے سٹار ،کیو سینما اور کیجز سینما کے نام شامل ہیں.فلم کی ریلیز سے قبل پروموشنز کا رواج تو پرانا چلا آرہا ہے لیکن فلم کی ریلیز کے بعد سینما گھروں میں کاسٹ‌ اور ڈائریکٹر کے جانے کا رواج حال ہی میں‌شروع ہوا ہے یا حال میں اس رواج نے زور پکڑا ہے .اسی طرح‌ سے عید الفطر پر ریلیز ہونے والی فلم دم مستم کی پروموشنز امریکہ میں ابھی تک جاری و ساری ہیں . فلم کی مرکزی کاسٹ کے ساتھ پرڈیوسر عدنان صدیقی فلم کی ریلیز کے بعد پاکستان میں بھی ہر دوسرے سینما میں‌ گئے اور بار بار گئے. فلمی شائقین کےلئے یقینا کسی ٹریٹ سے کم نہیں‌ ہوتی یہ بات کہ وہ جو فلم دیکھنے آئے ہوں اسی کے فنکار اور ڈائریکٹر ان کے درمیان موجود ہوں .

یاد رہے کہ فلم جمعہ کے روز ریلیز کی گئی، فلم اپنے انفردی موضوع کی وجہ سے بہت زیادہ پسند کی جا رہی ہے فلم کی پوری ٹیم لوگوں کے ریسپانس سے کافی خوش ہے.

اداکارہ مایا علی جو خود ایک بہت ہی بہترین اداکارہ ہیں انہوں نے سرمد کھوسٹ کی فلم ’’ کملی‘‘ دیکھنے کے بعد کھل کر اپنے جذبات کا اظہار کیا اور کہا کہ یہ صرف فلم نہیں ہے بلکہ یہ جذبات اور فیلنگز ہے ، کہانی ہمیں کسی اور ہی دنیا میں لے جا تی ہے ۔صبا قمر آپ نے ایک بار پھر ثابت کیا ہے کہ ایک بار کی کوئین ہمیشہ کے لئے کوئین ہوتی ہے۔آپ نے حناکے کردار کو بہت ہی خوبصورت انداز میں نبھایا ہے۔’’کیا بات ہے آپ کی ۔ ثانیہ سعید ، صبا قمر آپ نے اپنی زندگی کی بہترین پرفارمنس دی ہیں۔سرمد کھوسٹ آپ سے بہتر اس پراجیکٹ کو کوئی بھی نہیں کر سکتا تھا آپ نے اس کے ہر فریم میں اپنا دل اور روح شامل کی ہے۔میں کملی کی تمام ٹیم کو ڈھیروں مبارکباد دیتی ہوں۔مجھے ہر کوئی پوچھ رہا تھا کہ اس فلم کو دیکھنے کے بعد ہر کوئی کیوں رو رہا تھا تو میں سوال کرنے والوں سے کہوں گی کہ جائیں اور جا کر فلم دیکھیں آپ کو اس سوال کا جواب مل جائیگا

۔یاد رہے کہ فلم ’’ کملی‘‘ تین جون کو ملک بھر میں ریلیز کی گئی ریلیز سے اب تک لوگ جوق در جوق دیکھنے جا رہے ہیں۔ فلم میں ہر کردار نہایت ہی خوبصورت انداز سے نبھایا گیا ہے۔سرمد سلطان کھوسٹ نے جیسا ان تمام اداکاروں سے کام لیا ہے لوگ کافی برسوں تک یاد رکھیں گے۔ فلم کا میوزک بھی کلاسک ہے یہاں تک کہ ریشماں کا گانا بھی شامل کیا گیا ہے۔ فلم کی کہانی دیکھنے والے کو کسی اور دنیا میں لے جاتی ہے، صبا قمر کا کردار حقیقت کے قریب ہے حنا کے کردار میں صبا نے جس طرح جان بھری ہے وہ لفظوں میں بیان کرنا نہایت ہی مشکل ہے۔ثانیہ سعید نے ایک اندھی خاتون کا کردار ادا کیا ہے یہ کردار اپنی بھابھی کے لئے بہت زیادہ جذباتی ہے۔

بالی وڈ کے بادشاہ شاہ رخ خان جو گزشتہ چار سے فلموں سے بریک لئے ہوئے ہیں اب ایک بار پھر بڑی سکرین پر جلوہ گر ہو رہے ہیں اس بار وہ جس روپ میں دکھائی دے رہے ہیں وہ شائقین نے پہلے کبھی نہیں دیکھا۔ شاہ رخ خان ایسا کردار پہلی بار کرتے دکھائی دے رہے ہیں۔ فلم کا نام ہے ’’جوان‘‘ اس کا ٹیزر ریلیز ہو چکا ہے ٹیزر میں کنگ خان کے ہاتھوں اور چہرے پر پٹیاں بندھی دیکھی جاسکتی ہیں۔ شائقین شاہ رخ خان کو نئے روپ میں دیکھ کر فلم کی ریلیز کے منتظر ہیں۔ شاہ رخ کے ساتھ سائوتھ کی اداکارہ نیانتھرا نظر آئیگی۔ شاہ رخ خان نے جیسے ہی فلم کا ٹریلر ٹویٹ کیا ان کے پرستاروں نے خوشی کا اظہار کرتے ہوئے کہا ہم فلم کی ریلیز کے لئے بے چینی سے منتظر ہیں۔ فلم کا ٹیزر دیکھ کر بالی وڈ کے بھائی جان سلمان نے بھی کافی تعریف کی اور شاہ رخ خان کو گڈ لکھ کہا.

فلم جوان شاہ رخ خان کی ہوم پروڈکشن ہے جسے گوری خان پرڈیوس کررہی ہیں۔ فلم اگلے برس ریلیز کی جائیگی ۔ اگلے برس شاہ رخ خان کی تین فلمیں سینما گھر کی زینت بنیں گی۔ یاد رہے کہ شاہ رخ خان 19 برس بعد ایک سال میں تین فلمیں کر رہے ہیں۔ اس سے قبل 2003 میں شاہ رخ خان کی ایک سال میں تین فلمیں ریلیز ہوئی تھیں جس میں ’سوادیس‘، ’ویر زارا‘ اور ’میں ہوں نا‘ شامل تھیں۔

جب سے بھارتی گلوکار سدھو موسے والا کی ہلاکت ہوئی ہے ان کے پرستار تو غمگین ہیں ہی لیکن بالی وڈ میں ایک سوگ کا سا سماں ہے۔ ہر کوئی افسردہ اور پریشان ہے۔ کہا جا رہا ہے کہ سنجے دت ان کے گائوں فیملی سے تعزیت کرنے کےلئے جائیں گے۔ سنجے دت کے پہنچنے سے پہلے سے موسے والا کے گائوں کی سیکیورٹی ٹائٹ کر دی گئی ہے بڑی تعداد میں پولیس تعینات ہے۔ سنجے دت اور سدھو موسے والا کا آپسی تعلق کسی سے ڈھکا چھپا نہیں ہے ۔ سدھو نے سنجے دت کے لئے ایک گانا بھی گایا تھا جس کے بول تھے ’’او گھبرو تے کیس جہیڑا سنجے دت تے ، جٹ اتے کیس جہیڑا سنجے دت تے‘‘ ، یہ گانا گانے کے بعد وہ ایک کنٹرورسی میں بھی گھرے تھے۔ اُس وقت کہا گیا تھا کہ سدھو موسے والا جان بوجھ کر کنٹرورشل گیت گاتا ہے۔

سنجے دت نے سدھو موسے والا کی ہلاکت کے بعد ایک ٹویٹ بھی کیا تھا جس میں انہوں نے کہا تھا کہ میں نوجوان ٹیلنٹ کی اتنی جلدی موت کا سن کر بہت دکھی ہوں، انکی فیملی کو واہے گرو صبر عطا کرے‘‘ ۔ سدھو موسے والا کی موت کے بعد سنجے دت کا ان کی فیملی کے پاس جا کر اظہار تعزیت کرنے سے اندازہ لگایا جا سکتا ہے کہ وہ سدھو موسے والا سے کتنا لگائو رکھتے تھے۔
یاد رہے کہ سدھو موسے والا کو 29 مئی کو ضلع مانسا کے گاؤں جواہر میں نامعلوم حملہ آوروں نے فائرنگ کرکے قتل کر دیا تھا۔ اس واقعے میں سدھو کی گاڑی پر 30 گولیاں برسائی گئیں جس کے نتیجے میں سدھو موقع پر ہلاک ہوگئے جب کہ ان کی گاڑی میں موجود دو افراد شدید زخمی ہوئے۔

بالی وڈ کامیڈین بھارتی سنگھ جن کو ہر سطح پر خاصا پسند کیا جاتا ہے ان کے پرستار صرف بھارت میں ہی نہیں پاکستان میں بھی موجود ہیں نے حال ہی میں اپنے بیٹے کی پیدائش کے بعد اس کے دو ماہ کے ہوجانے پر کیک کاٹا. کیک پر بیٹے کا نام لکھا یوا تھا یوں ان کے بیٹے کا نام کیا یہ جانا سب نے۔ بھارتی نے اس موقع پر ایک وڈیو بھی جاری کی اور اس میں اپنے بیٹے کی شکل نہیں دکھائی۔ یاد رہے کہ جب سے بھارتی سنگھ کے بیٹے کی پیدائش ہوئی ہے انہوں نے اپنے بیٹے کی شکل کسی کو نہیں دکھائی اسکے پیچھے کیا راز یا منطق ہے یہ تو بھارتی ہی بتا سکتی ہیں۔ صرف بھارتی سنھگ ہی نہیں بہت سارے ایسے ستارے ہیں جو اپنے بچوں کو دنیا کی نظر سے چھپا کر رکھتے ہیں۔
بھارتی سنگھ ماضی میں مختلف تنازعات کا شکار بھی رہیں لیکن ان کی مقبولیت میں کبھی بھی کمی نہیں آئی۔ بھارتی کو ان کے ہلکے پھلکے انداز میں کامیڈی کرنے کی وجہ سے شہرت حاصل ہے بھارتی کامیڈی کے مختلف پراگراموں میں شرکت کرتی ہیں اور ان کے سٹیج پر آتے ہی وہاں موجود لوگوں کے ہنسی کے فوارے چھوٹ جاتے ہیں۔
خیال رہے کہ بھارتی سنگھ سال 2017 میں رئیلیٹی شوز کے میزبان ہرش لمباچیا سے رشتہ ازدواج میں منسلک ہوئی تھیں۔ان کے ہاں جب بیٹے کی پیدائش ہوئی تھی تو ان کے شوہر ہرش نے انسٹاگرام پر فوٹو شوٹ کی ایک تصویر اپ لوڈ کرکے بیٹے کی پیدائش کا اعلان کیا تھا۔

بالی وڈ اداکارہ سارہ علی خان کی خواہش کیا ہے انہوں نے سب کھل کر بتا دیا ، وہ کہتی ہیں کہ میری خواہش ہے کہ میں سنجے لیلا بھنسالی کی فلم میں کوئین کا کردار ادا کروں۔ سارا علی خان نے اس خواہش کا اظہار کرتے ہوئے امید ظاہر کی ہے کہ انہیں یہ موقع ضرور میسر آئیگا۔ صرف سارا علی خان ہی نہیں بلکہ ہر دوسرے نیو کمر کی خواہش ہے کہ اسے سنجے لیلا بھنسالی جیسے ڈائریکٹر کے ساتھ کام کرنے کا موقع ملے۔ سارا علی خان کی ہم عمر عالیہ بھٹ نے حال ہی میں سنجے لیلا بھنسالی کی فلم گنگو بائی میں ایسا میچور کردار ادا کیا ہے کہ دیکھنے والی ہر آنکھ دنگ رہ گئی کہ ایک کم عمر اداکارہ ایسے میچور کردار بھی کر سکتی ہے۔سنجے لیلا بھنسالی جانتے ہیں کہ کسی بھی اداکار سے کام کیسے لینا ہے اور اسکی چھپی ہوئی فنکارانہ صلاحیتوں کو باہر کیسے نکالنا ہے۔اسی لئے تو ہر کسی کی خواہش ہوتی ہے کہ اس جیسے ڈائریکٹر کے ساتھ کام کرنے کا موقع ملے چاہے ایک بار ہی سہی۔

یاد رہے کہ سارا علی خان چھوٹے نواب سیف علی خان اور امرتا سنگھ کی صاھبزادی ہیں۔ کولمبیا یونیورسٹی سے تعلیم حال کرنے والی بالی وڈ اس اداکارہ نے چند برس قبل اپنے فلمی کیرئیر کا آغاز کیا انہوں نے اترنگی ، لو آج کل، سمبا ، کیدار ناتھ ، کلی نمبر ون اور دا امورٹل ایشوتھاما جیسی فلموں میں اپنی اداکاری کے جوہر دکھائے ۔ سارا علی خان بہت اچھی رقاصہ بھی ہیں۔
سارا علی خان کی اپنی والدہ امرتا سنگھ کے ساتھ محبت کا یہ عالم ہے کہ وہ کہتی ہیں کہ وہ میری تیسری آنکھ ہیں میں ان کو کبھی اکیلا نہیں چھوڑسکتی بلکہ ایک انٹرویو میں مذاق میں بولیں کہ جو مجھ سے شادی کرنا چاہتا ہے اسے میرے گھر میں ہی شفٹ ہونا پڑے گا کیونکہ میں اپنی والدہ کو تنہا نہیں چھوڑ سکتی۔

عشق لا اور فلم رہبرا جیسے پراجیکٹس کے ڈائریکٹر امین اقبال نے گزشتہ رات فیس بک پر ایک پوسٹ اپلوڈ کی جس میں کچھ یوں لکھا’
”میرے بیٹے سالار کو کچھ لڑکوں سر پر بوتل ماری۔اور جسم پر ڈنڈے برسائے۔میں نے سات بج کر پانچ منٹ پر پولیس ھیلپ لائن پر مدد مانگی اور میڈیکل ایڈ مانگی۔1122 سے پندرہ منٹ میں لوگ پہنچے اور انہوں نے کہا کہ اگر پولیس رپورٹ کروانی ھے تو کچھ انتظار کریں پولیس آئیے گی تو ھسپتال جانا ھو گا۔آدھ گھنٹے بعد وہ بھی چلے گئیے میں دوبارہ ھیلپ لائین کال کی۔لیکن ابھی تک جب کہ ایک گھنٹہ پنتالیس منٹ ھو چکے کوئی نہیں پہنچا۔ ”
کچھ ہی دیر کے بعد انہوں نے ایک دوسری پوسٹ لگائی جس میں کچھ یوں لکھا

”میں نے اپنی زندگی میں پولیس کے ڈنڈے اور فوجیوں کے بوٹ کھائے۔لیکن آج تک نا کبھی میرا چالان ھوا اور نا مجھ پر کوئی مقدمہ بنا ۔اور نا ھی مایوس ھوا۔کیونکہ لڑنا جانتا تھا۔اور جانتا تھا اس ملک کی زمین کو میرے آباؤ اجداد کی لاشوں کی کھاد سے سینچا گیا ھے اس لئیے یہ زرخیز ھے۔آج تک کبھی اپنی کامیابی کے نشے میں یہ بھی کسی کو نہیں کہا کہ تم جانتے ھو میں کون ھوں۔اپنے طاقتور دوستوں کی دھونس بھی کبھی نہیں دی نا ان سے کبھی اس سسٹم کے کان مروڑنے کے لئیے مددمانگی۔لیکن آج اپنے بیٹے کے لئے جب سسٹم کی طرف دیکھا تو مایوس ھوا۔بہت مایوس ھوں۔ اپنی مایوسی میں تقسیم نہیں کرنا چاھتا تھا۔کیوں آپ لوگ تو پہلے سے مایوس ھو۔ پر
بس اب سب ٹھیک ھے یہ چوٹیں مہروز کو نہیں میرے دوسرے بیٹے سالار کو لگی ھیں۔اب وہ خیریت سے ھے ۔آپ سب کی دعاؤں اور مدد کے لئیے فون کالز کا شکریہ۔”
تاہم ابھی تک یہ پتہ نہیں چل سکا کہ امین اقبال کے بیٹے کو کس نے مارا کیوں مارا کیا ہوا۔

اداکارہ و ماڈل عفت عمر جنہوں نے حال ہی میں کچھ انٹرویوز دئیے ہیں ان میں سے کسی ایک انٹرویو میں ٹی وی ڈراموں پر بات کرتے ہوئے کہا کہ ہمارے ملک میں بہت ہی گندا ڈرامہ بن رہا ہے اور اتنا گندا ڈرامہ بننے پر میں اس کام کا حصہ نہیں رہ سکتی بلکہ انہوں نے یہاں تک کہا کہ جس طرح کا کام ہو رہا ہے مجھے شرمندگی ہے کہ میں اس کا حصہ ہوں، اس لئے میں شوبز چھوڑنے کا اعلان کر چکی ہوں، عفت عمر نے یہ بھی کہا کہ جتنی خراب فلمیں بن رہی ہیں ان کو دیکھ کر میں اپنا وقت ضائع نہیں کر سکتی۔ عفت کے ایسے بیانات پر مشی خان جو کہ سوشل میڈیا پر بہت ایکٹیو رہتی ہیں ان کو آیا غصہ اور انہوں نے عفت کو ایکبار پھر آڑھے ہاتھوں لے لیا اور سوشل میڈیا پر ایک پوسٹ لگائی جس میں انہوں نے طنز کرتے ہوئے لکھا کہ ایک اچھی خبر یہ ہے کہ اب عفت عمر کی شکل ہمیں کم کم دیکھنے کو ملے گی لیکن اسکا مطلب یہ نہیں کہ اب وہ مریم نواز کے جلسوں میں ان کے ساتھ کھڑی ہوں گی۔ مشی خان کی یہ پوسٹ خاصی وائرل ہوئی ہے لیکن تاحال عفت عمر نے اس پوسٹ پر کسی قسم کا رد عمل نہیں دیا ۔

عفت عمر نے اپنے حالیہ ایک انٹرویو میں مشی خان کے سوال پر جواب دیتے ہوئے کہا تھا کہ مشی خان ہوں یا کوئی بھی اور مجھے اس سے فرق نہیں پڑتا کہ کون کیا سوچ رہا ہے اور کیا کہہ رہا ہے مجھے بس جو ٹھیک لگتا ہے میں وہی کہوں گی اور وہی کروں گی۔ یاد رہے کہ مشی خان عمران خان کی بہت بڑی سپورٹر ہیں اور جو بھی ان کے خلاف کوئی بات کرتا ہے تو وہ خوب اسکی تسلی کرتی ہیں جبکہ عفت ماضی میں عمران خان کی سپورٹر تھیں لیکن اب وہ ان کو سپورٹ نہیں کرتیں اور کہتی ہیں کہ ان کو سپورٹ کرنا میری سب سے بڑی غلطی تھی ایسی غلطی کہ جس پر آج تک شرمندہ ہوں۔
یوں سیاسی پسند نہ پسند کے چکر میں ہرکوئی ایک دوسرے کی ٹانگ کھینچنے میں لگا ہوا ہے دیکھتے ہیں کہ یہ جنگ کہاں جا کر رکتی ہے۔

اداکارہ عائشہ عمر نے انسٹاگرام پر ایک سٹوری شئیر کرتے ہوئے ایک سوال کیا ہے لوگوں سے کہ اکیلی لڑکی کو گھر سے باہر نہیں جانا چاہیے اور نہ گھر کےاندر رہنا چاہیے تو پھر سے کہاں رہنا چاہیے کہ وہ محفوظ رہے؟
عائشہ عمر کو ایسی پوسٹ لگانے کی ضرورت اس لئے پیش آئی کیونکہ گزشتہ روز کراچی میں دل دہلا دینے والا واقعہ سامنے آیا، ایسا واقعہ کہ زمین پھٹ جائے یا آسمان گر جائے۔ کورنگی کے تھانے میں درج مقدمے کے مطابق باپ نے دو مردوں کے ساتھ مل کر اپنی بیٹی کا ریپ کر دیا بچی کی شکایت پر مقدمہ درج کیا گیا۔ ایس ایچ او کورنگی کے مطابق متاثرہ بچی نے بتایا ہے کہ اسکا والد خود بھی ریپ کرتا تھا اور اپنے ساتھیوں کو بھی لیکر آتا تھا اور گزشتہ روز بھی اس نے
ایسا کیا تو ان کی کوئی رشتہ دار جب گھر میں آئے تو بچی نے واقعہ کی ساری تفصیل انہیں بتائی تو وہ بچی کولیکر تھانے پہنچ گئے تب جا کر ایف آئی آر درج ہوئی اور پولیس نے ملزمان کو گرفتار بھی کر لیا۔

یہ دل دہلا دینے والا واقعہ سامنے آیا تو ہر کسی نے جہاں استغفار پڑھا اور اسے قیامت کی نشانی کہ، وہیں عائشہ عمر کا دل بھی بھر آیا اور انہوں نے سوشل میڈیا پر ایک جذباتی پوسٹ لگائی اور لوگوں سے سوال کر دیا کہ لڑکی خود کو محفوظ رکھنے کےلئے کہاں جائے؟ کیونکہ نہ وہ گھر رہ سکتی ہے نا باہر جا سکتی ہے وہ کہیں بھی محفوظ نہیں۔ عائشہ عمر کی یہ جذباتی پوسٹ دیکھ کر بہت سارے لوگوں نے جواب دئیے اور متاثرہ بچی کے حق میں بات کرتے ہوئے پولیس سے ڈیمانڈ کی کہ ان ملزمان کو جلد سے جلد عبرتناک سزا دی جانی چاہیے یہ ملزمان کسی صورت نہیں بچنے چاہیں اور سزا بھی ایسی ہونی چاہیے کہ کوئی بھی دوسرا ایسا گناہ کرنے سے پہلے دس بار سوچے۔ یہ پہلا موقع نہیں ہے کہ کسی فنکار نے کسی عام آدمی کے حق میں آواز اٹھائی ہے اس سے قبل بھی بہت سی اداکارائوں نے مختلف واقعات کے رونما ہونے پر آواز اٹھائی اور سوسائٹی کے گندے چہروں پر طمانچہ مارنے والے سوالات کئے اسکی مثال قصور میں ننھی کلی زینب کے ساتھ ہونے والا ظلم تھا اس پر ماہرہ خان، صبا قمر،اشنا شاہ ،سجل علی ،صبور علی و دیگر نے آواز اٹھائی صبا قمر تو باقاعدہ ایک پروگرام میں زینب کے ساتھ ہونے والے ظلم پر رو پڑیں تھیں۔