Category: شوبز

نیلو اور ریاض شاہد کے بیٹے شان شاہد کی فلم “ضرار“ کا ٹریلر گزشتہ دنوں ریلیز کیا گیا ٹریلر سے اندازہ لگایا جا رہا ہے کہ فلم ایکشن اور تھرل سے بھرپور ہے ۔اس فلم کا ٹریلر دیکھ کر گمان ہی نہیں ہوتا کہ یہ کوئی پاکستانی فلم ہے۔ شان شاہد نے فلم میں نئی ٹیکنیکس کو استعمال کیا ہے اور شاید ایسی کہانیوں پر پاکستان میں کم کم کام کیا گیا ہے۔ضرار کا ٹریلر جس جس نے دیکھا ہے اس نے بے حد سراہا ہے ۔فلم شان شاہد نے خود لکھی ہے اس ٹریلر میں دیکھا جا سکتا ہے کہ شان ایک ایسا کردار نبھا رہے ہیں جو دنیا کی بری قوتوں کا مقابلہ کرتا ہے ۔

یاد رہے کہ فلم ضرار کی ریلیز مسلسل تاخیر کا شکار جا رہی ہے دو سال قبل اسکا ٹریلر ریلیز کیا گیا تھا لیکن ایک بار پھر سے فلم کا ٹریلر جاری ہوا ہے ٹریلر یقینا بہت ہی زبردست ہے لیکن ابھی بھی فلم کی ریلز کی تاریخ کا اعلان نہیں کیا گیا ۔شان کے علاوہ فلم میں نئیر اعجاز ،ندیم بیگ اور کرن ملک اہم کرداروں میں نظر آئیں گے ۔شان ضرار کے حوالے سے کافی پر امید ہیں انہوں نے اپنے ٹویٹر اکاﺅنٹ سے بھی فلم ضرار کے حوالے سے ٹویٹ کیا لیکن تاحال فلم کی یلیز کی تاریخ سامنے نہیں آسکی جبکہ شائقین فلم دیکھنے کےلئے بےتاب ہیں ۔شان ایک عرصہ پنجابی سینما بھی کرتے رہے ہیں لیکن کافی سال سے وہ پنجابی فلموں میں نظر نہیں آرہے ۔شان کو ان کی پنجابی فلموں کی وجہ سے سوشل میڈیا پر کافی تنقید کا سامنا رہتا ہے ۔

بالی وڈکے بادشاہ جن کے کریڈیٹ پر بے شمار ایسی فلمیں اور گیت ہے جو یقینا نئے آنے والوں کے لئے مشعل راہ ہیں ۔ان کی ایک فلم ” میں ہوں نا“ جو کہ سال 2004 میں ریلیز ہوئی تھی اس فلم کے تما م گیت سپر ہٹ تھے آج تک ان گانوں کو گنگایا جا تا ہے ۔ فرح خان کی ہدایتکاری میں بننے والی اس فلم کا ایک گیت ” تم سے مل کے دل کا ہے جو حال کیا کریں “ کو اداکار وکی کوشل نے نئے انداز سے پیش کرکے فرخ خان کے ساتھ ساتھ اپنے پرستاروں اور بھارتی فلم انڈسٹری کے لوگوں کے دل جیت لئے ۔رپورٹس کے مطابق ہدایتکارہ فرح خان جو آج کل وکی کوشل کے ساتھ ایک فلم کی شوٹنگ میں مصروف ہیں ، وکی نے ان کے اور ٹیم کے باقی ممبرز کے ساتھ مل کر شاہ رخ خان کے گیت تم سے مل کر دل کا جو حال کو نئے اندازمیں

پیش کیا ۔یہ وڈیو جب انسٹاگرام پر ڈالی گئی تو شائقین نے بہت پسند کیا ۔چند ہی منٹوں میں فرح خان وکی کوشال اور ترپتی دیمری کی یہ وڈیو سوشل میڈیا پر وائرہ ہو گئی جہاں صارفین وڈیو کے نیچے کمنٹس کرتے رہے وہیں شوبز کی شخصیات بھی اس وڈیو سراہتی رہیں اور مزے مزے کے کمنٹس کر تی رہیں۔
یاد رہے کہ فرح خان شاہ رخ خان کی بہت قریب دوست ہیں دونوں مل کر ایک ساتھ ہٹ پراجیکٹس میں کام کیا ۔فلم ” میں ہوں نا“ میں شاہ رخ خان کیساتھ ماضی کے سپر ہٹ اداکار سنجے خان کے بیٹے زائد خان کے علاوہ سشمیتا سین بھی تھیں۔

صدیوں کے اداکار دلیپ کمار جو اب ہم میں نہیں ہیں ان کی خدمات کے اعتراف میں بھارتی حکومت نے اعلی سول ایوارد دینے کا اعلان کیا تھا گزشتہ دنوں اس ایوارڈ کو دینے کے لئے ایک پروقار تقریب کا اہتمام کیا گیا ۔دلیپ کمار کی اہلیہ سائرہ بانو نے یہ ایوارڈ وصول کیا ۔ایورڈ پکڑتے ساتھ ہی سائرہ بانو کی آنکھیں چھلک گئیں اور وہ اپنے جذبات پر قابو نہ رکھ سکیں۔ سائرہ بانو اس موقع پر بہت زیادہ جذباتی ہوئیں انہوں نے کہا کہ دلیپ کمار ہندوستان کا کوہ نور تھے اور ان کا حق بنتا تھا کہ اس ایوارڈ سے نوازا جائے لیکن اگر وہ خود یہ ایوارڈ لیتے تو زیادہ خوشی ہوتی ۔سائرہ بانو نے مزید کہا کہ مجھے آج تک یقین ہی نہیں آتا کہ وہ دنیا سے رخصت ہوچکے ہیں میری یادوں میں دلیپ زندہ تو ہیں ہی لیکن میں محسوس کرتی ہوں کہ ہر قدم پہ وہ میرے ساتھ ہوتے ہیں تبہی تو میں زندہ ہوں سانس لے رہی ہوں۔

یاد رہے کہ دلیپ کمار گزشتہ برس سات جولائی کو دنیا سے رخصت ہو گئے تھے دلیپ کمارکافی عرصے سے بیمار تھے اور انہیں تو اپنی خبر نہیں تھی لیکن ان کی اہلیہ سائرہ بانو نے انکی بہت زیادہ خدمت کی۔سائرہ بانوکہتی ہیں کہ وہ دلیپ کمار سے عشق کرتی تھیں ۔سائرہ بانو اور دلیپ کمار میں بیس برس کا فرق تھا لیکن سائرہ دلیپ کو پا کر بہت خوش تھیں ۔ان دونوں کی مثالی جوڑی تھی ۔ٹریجڈی کنگ دلیپ کمار کی سائرہ بانو سے محبت کی شادی تھی گو کہ اس سے پہلے وہ مدھوبالا سے شادی کرنا چاہتے تھے لیکن حالات ایسے بنے کہ دونوں کو راہیں جد کرنی پڑیں ۔دلیپ کمار کی اداکاری کا منفرد انداز ان کو آج تک دوسروں سے ممتاز بناتا ہے ۔

ادیب، شاعر ،کالم نگار اور اداکار طارق عزیز جن کو ہم سے بچھڑے دو سال بیت چکے ہیں لیکن وہ اپنے مداحوں کے دلوں میں آج بھی زندہ ہیں ان کی آج دوسری برسی منائی جا رہی ہے۔طارق عزیز نے جو بھی کام کیا اس میںان کو کامیابی ملی۔ ریڈیو پاکستان سے اپنے کیرئیر کا آغازکیا کئی سال تک صداکاری کی پھر جب 1964میں ٹی وی آیا تو طارق عزیز ٹی وی پر آگئے ان کو پاکستان ٹیلی ویژن کے پہلے اناﺅنسر ہونے کا اعزاز بھی حاصل ہے ۔ستر کی دہائی میں نیلام گھر شروع ہو ا جو کئی دہائیاں چلتا رہا اس پروگرام نے طارق عزیز کی شہرت کو امر کر دیا،

انہیںمہنگے ترین اینکر ہونے کا اعزاز بھی حاصل ہے،میزبانی کو نئی جہتوں سے متعارف کروانے والے طارق عزیز نے فلموں میں بھی قسمت آزمائی یہاں بھی انہیں شہرت اور کامیابی ملی۔ طارق عزیز نے اُس وقت کے بڑے ناموں کے ساتھ کام کیا ان کی پہلی فلم میں ہی انہوں نے زیبا اور وحید مراد کے ساتھ کام کیا ۔ان کی تقریبا فلمیں کامیاب رہیں ۔انہوں نے شاعری بھی کی کالمز بھی لکھے ،انکی پنجابی شاعری اور کالمز کا مجموعہ شائع ہو چکا ہے ۔طارق عزیز کو ادب سے بہت زیادہ لگاﺅ تھا اس چیز کی جھلک ان کی گفتگو میں بھی نظر آتی تھی ،ان کو اگر ادب کا درخشندہ ستارہ کہیں تو بے جا نہ ہو گا ۔طارق عزیز نے عملی سیاست میں بھی حصہ لیا اور سیاسی کیرئیر پاکستان پیپلز پارٹی سے شروع کیا اس کے بعد الیکشن بھی لڑا ۔دیکھتی آنکھوں سنتے کانوں کہنے والا دنیا سے رخصت تو ہو گیا لیکن پرستاروں کے دِلوں میں اپنی گہری یادیں چھوڑ گیا۔

پنجابی فلموں کی سپر ہٹ اداکار ہ انجمن نے گزشتہ روز سلطان راہی کی قبر پر حاضری دی اور دعا مانگی ۔ انجمن نے سلطان راہی کے بیٹے حیدر سلطان سے خصوصی ملاقات کی اور پھر دونوں نے مل کر سلطان راہی کی قبر پر حاضری دی۔اداکارہ نے ماضی کی یادوں کو تازہ کرتے ہوئے اپنے ساتھی سلطان راہی کے حوالے سے ان کے بیٹے کے ساتھ گفتگو کی ،۔انجمن نے کافی وقت حیدر سلطان کے گھر بِیتایا اور اس میں انہوں نے صرف سلطان راہی کو یاد کیا۔انجمن کا کہنا تھا کہ کئی برسوں کے بعد سلطان راہی کی قبر پر حاضری کی دینے کا موقع ملا ہے۔

یاد رہے کہ انجمن کافی برسوں سے پردہ سکرین سے غائب ہیں وہ لاہو ر میں موجود ہیں فلمیں بھی بن رہی ہیں لیکن وہ کسی فلم میں دکھائی نہیں د ے رہیں۔یہاں تک کہ پنجابی فلموں کی ہیروئین صائمہ نور بھی ڈراموں میں نظر آئی ہیں لیکن انجمن بڑی اور چھوٹی سکرین دونوں سے دوری اختیار کئے ہوئے ہیں،اداکارہ کا کہنا ہے کہ میں فلموں میںکام کرنے کی خواہاں ہوں لیکن اگر کوئی ایسا کردار ہو جس میں مجھے لگے کہ ہاں کرنے کےلئے کچھ ہے ضرور کروں گی لیکن صرف نظر آنے کے لئے کسی بھی پراجیکٹ کا حصہ نہیں بن سکتی ۔انجمن ماضی قریب میں اپنی شادی ٹوٹنے کی وجہ سے خبروں میں رہیں،تاہم فلمی تقریبات میں انجمن ضرور نظر آنے لگی ہیں گزشتہ دنوں لاہور میں سرمد سلطان کھوسٹ کی فلم کملی کے پریمئیر پر انجمن دکھائی دیں اور وہاںانہوں نے میڈیا سے گفتگو بھی کی ۔

بہت عرصے سے یہ کہا جا رہا تھا کہ شاہ رخ خان براہمسٹرا میں ہیں یا نہیں یا دیپیکا پاڈوکون اس میں نظر آئیں گی یا نہیں تو یہ بات اب کنفرم ہو گئی ہے کہ دونوں اداکار براہمسٹرا میں نظر آئیں گے ۔کرن جوہر کی پرڈیوس کر دہ اس فلم میں شاہ رخ خان فلم کے اس پوائنٹ پر اینٹری دیں گے جب کہانی اپنے عروج پر پہنچی ہو گی شاہ رخ خان کا کردار کافی پاور فل ہے ۔یہ پہلی بار نہیں ہے کہ شاہ رخ خان کرن جوہر کی کسی فلم میں مختصر کردار میں نظر آرہے ہیں اس سے قبل بھی شاہ ر خ خان کرن جوہر کی فلم اے دل ہے مشکل میں نظر آئے تھے اس میں انہوں نے رنبیر کپور اور ایشوریا رائے بچن کیساتھ سکرین شئیر کی تھی ۔دوسری طرف دیپیکا پاڈوکون بھی فلم میں رنبیر کے ساتھ سکرین شئیر کریں گی دیپیکا اور رنبیر کپور یہ جوانی ہے دیوانی کے بعد اب اس فلم میںایکساتھ نظر آرہے ہیں ۔

یادرہے کہ کرن جوہر اور شاہ رخ خان کی جوڑی جب بھی کسی پراجیکٹ میں ایک ساتھ دکھائی دیتی ہے تو یقینا وہ کامیابی سے ہمکنار ہوتا ہے ۔شاہ رخ خان اور کرن جوہر نے ایک ساتھ فلم دل والے دلہنیا لے جائیں گے میں نظر آئے تھے کرن جوہر نے اس میں اداکاری کی تھی ۔

ریڈ چلی اینٹرٹینمنٹ کے بینر تلے بننے والی فلم ”جوان“ کا پہلا ٹیزر جا ری ہو چکا ہے اس میں شاہ رخ خان کو ایک الگ روپ میں دیکھا جا سکتا ہے شاہ رخ خان کے سر اور ہاتھوں پر پٹیاں بندھی ہوئی نظرآرہی ہیں ۔شاہ رخ خان اس فلم کی شوٹنگ کے سلسلے میں حیدر آباد پہنچے ،ان کے ائیر پورٹ پہنچنے کی وڈیو بھی سوشل میڈیا پر دیکھی جا سکتی ہے کہ شاہ رخ خان حفاظتی ٹیم کے حصار میں ہیں انہوں نے ہوڈاور ماسک پہن رکھا ہے ۔شاہ رخ خان نے اس فلم کے حوالے سے بات کرتے ہوئے کہا کہ جوان فلم کو بنانے کا کریڈٹ سارا کا سارا اتلی کمار کو جاتا ہے

وہ ایک منفرد فلم بنانے کےلئے جا رہے ہیں اور میرا ان کے ساتھ کام کرنے کا تجربہ بہت اچھا ہے میں ایکشن فلموں کو بہت پسند کرتا ہوں جو ٹیزر ریلیز کیا گیا ہے اس وہ تو صرف ایک چھوٹی سی جھلک ہے ہمارے کام کی،اس کو دیکھ کر اندازہ لگایا جا سکتا ہے کہ فلم میں کیا کچھ دیکھنے کو ملے گا ۔شاہ رخ خان کی اس فلم کو ان کی اہلیہ گوری خان پرڈیوس کررہی ہیں کہا جا رہا ہے کہ اگلے سال دو جون کو فلم ریلیز کی جائیگی ۔فلم جوان کا ٹیزر ریلیز ہوا تو شائقین نے تو پسند کیا ہی کیا لیکن شاہ رخ خان کے ساتھی اداکاروں نے بھی اسکو بہت سراہا جن میں سلمان خان کا نام قابل زکر ہے انہوں نے ٹیزر دیکھ کر بہت تعریف کی اور امید کی کہ لوگ اسے بہت زیادہ پسند کریں گے ۔

فلم” فنا“ جس کی ریلیز کو سولہ برس بیت گئے ہیں اپنے دور کی سپر ہٹ اس فلم کی یادیں شئیر کرتے ہوئے فلم کے ڈائریکٹر کنال کوہلی نے ایک انٹرویو دیا اس میںانہوں نے بتا دی ایک ایسی بات کہ جس پہ وہ خود بھی ہنس رہے تھے انہوں نے بتایا کہ فلم کی شوٹنگ اکتوبر 2005سے مارچ 2006تک ہونی تھی جب شوٹنگ شیڈیول بنایا جا رہا تھا تو اس وقت عامر خان میرے پاس آئے اور کہا کہ مجھے دس دن کی چھٹیاں چاہیں میں نے وجہ پوچھی تو بولے کہ میں نے کرن راﺅ سے شادی کرنی ہے میں نے ان کو مبارکباد دی لیکن ساتھ ہی انہوں نے کہا کہ ” لیکن تُو یہ بات کسی کو نہیں بتائے گا “ میں نے عامر سے کہا کہ ادیتہ چوپڑا کو بتانا پڑے گا عامر خان نے ایسا کرنے سے منع کر دیا اور کہا کہ اس طرح بات پھیل جائیگی ۔

عامر خان نے کہا کہ تئیس دسمبر 2005 سے جنوری تین 2006 کے علاوہ تم جب اور جہاں کہو گے میں شوٹنگ کروانے کے لئے حاضر ہوں گا ۔کنال نے مزید کہا کہ جب آدیتیہ چوپڑا نے شوٹنگ کا شیڈیول دیکھا تو مجھ سے پوچھا کہ یہ دس دن کا گیپ کیوں ہے ؟انہوں نے پوچھا کہ کیا میں کرسمس منانے کےلئے دس دن کی چھٹیاں لے رہا ہوں میں نے کہا نہیں پھر بولے عامر یا کاجول ایسا کررہے ہیں تو میں نے پھر سے کہا نہیں ۔میں نے کہا مجھے ان دس دنوں یں کام نہیں کرنا انہوں نے کہا کیا بکواس کررہا ہے تو شوٹ کریگا ان دس دنوں میں یوں میرے لئے سیچوایشن کو سنبھالنا بہت مشکل تھا لیکن میں نے کسی نہ کسی طرح ان کو منا لیا ۔پھر آدیتیہ چوپڑا کو بعد میں پتہ چلا تو وہ مجھے بولے کہ تم نے مجھے بتایا کیوں نہیں تو میں نے پھر ان سے کہا کہ عامر خان نے مجھے کسی کو بھی بتانے سے منع کیا تھا ۔

ٹائمز گروپ نے اداکارہ انوشکا شرما اور ویرات کوہلی کی بیٹی وامیکا کی تصویر اپنے سوشل میڈیا اکاﺅنٹ جاری کر دی جس پر انوشکاشرما ہوئیں غصے سے لال پیلی انہوں نے ٹائمز گروپ کو کھری کھری سناتے ہوئے کہا کہ لگتا ہے کہ ٹائمز گروپ والدین سے بھی زیادہ بہتر جانتا ہے ان کے بچوں کے لئے کیا بہتر ہے کیا نہیںکیونکہ بار بار درخواست کرنے کے باوجود یہ لوگ بچوں کی تصاویر اتارنے اور پھر ان کو پوسٹ کرنا نہیں چھوڑ سکتے ۔بلکہ انوشکا نے تو ٹائمز گروپ کودوسرے میڈیا ہاﺅسز اور پاپا رازی سے کچھ سیکھنے کا مشورہ بھی دے ڈالا ۔

یادرہے کہ ٹائمز گروپ نے انوشکا شرما اور ان کی بیٹی کی تصاویر اس وقت کلک کیں جب وہ والدین کے ہمراہ ساحل پر چھٹیاں گزارنے کے بعد واپس آرہی تھیں۔یہ کوئی پہلی بار نہیں ہے کہ جب انوشکا شرما اپنی بیٹی کی تصویر شائع ہونے یا شکل نظر آنے پر بھڑکی ہیں اس سے پہلے بھی ایک بار ایسا ہو چکا ہے جب بھارت اور جنوبی افریقہ کے درمیان ون ڈے سیریز کے آخری میچ کے دوران وامیکا کو سکرین پر دکھایا گیا تھا جس پر انہوں نے غصے کا اظہار کرتے ہوئے کہا کہ ایسا دوبارہ نہ کیا جائے اس سے پہلے انہوں نے پاپا رازی کو بھی کھری کھری سنا دیں تھیں اور اپنی بیٹی کی تصاویر نہ اتارنے کا کہہ چکی ہیں۔انوشکا شرما کوئی پہلی اداکارہ نہیں ہیںجو ایسا کررہی ہیں بہت سارے باولی وڈ سٹار ز ایسا کرتے دکھائی دے چکے ہیں۔

فلم براہمسٹرا کے پرڈیوسرکرن جو ہر نے گزشتہ روز ایک ٹویٹ کیا جس میںانہوں نے لکھا کہ میں اس فلم کا ٹریلر لانچ کرتے ہوئے بہت زیادہ فخر محسوس کررہا ہوں اس فلم کا پہلا پارٹ ”شیو نائن“ ستمبر میں ریلیز کیا جائیگا ۔تین سو کروڑ کے بجٹ کی اس فلم کا ٹریلر جیسے ہی ریلیز ہوا سوشل میڈیا پر اس کے چرچے ہونے لگے وی ایف ایکس ایفیکٹ سے بھرپور اس فلم میں عالیہ بھٹ اور رنبیر کپور مرکزی کرداروں میں دکھائی دے رہے ہیں۔ حقیقی زندگی کے دونوں ساتھیوں کو شائقین سکرین پر دیکھنے کےلئے بھی بے تاب ہیں ۔فلم میں امیتابھ بچن اور ٹی وی کی اداکارہ موہنی رائے بھی اہم کردارں میں نظر آئیں گی کہا جا رہا ہے کہ شاہ رخ خان اس میں بہت ہی مختصر کردار ادا کریں گے ۔آیان مکھر جی کی ڈائریکشن میں بننے والی اس فلم میں مارول اور ڈی سی یونیورس کی طرز پر وی ایف ایکس کا استعمال کیا گیا ہے۔

یاد رہے کہ یہ بالی وڈ کی پہلی ایسی فلم ہو گی جس میں وی ایف ایکس کا استعمال کیا گیا ہے اسی چیز کو دیکھتے ہوئے شاید اس فلم کا ٹریلر لوگوں کے دل جیت رہا ہے ۔فلم کی کاسٹ سمیت خصوصی طور پر پرڈیوسر کرن جوہر فلم سے بہت زیادہ امیدیں وابستہ کئے ہوئے ہیں ان کا کہنا ہے کہ یہ فلم کامیابی کے نئے ریکارڈز قائم کریگی ۔