Category: شوبز

فلم ”رئیس “ سے بالی وڈ میں ہلچل مچانے والی ماہرہ خان کی انڈین سکرین پر واپسی آج سے ہوگی ۔رپورٹس کے مطابق آج سے ماہرہ خان کا ڈرامہ سیریل” صدقے تمہارے“ زی زندگی پر آن ائیر جائیگا ۔اس حوالے سے ماہر ہ خان کہتی ہیں مجھے خوشی ہے کہ میں میری واپسی انڈین سکرین پر ہو رہی ہے ۔صدقے تمہارے میرے دل کے بہت قریب ہے خصوصی طور پر شانو کا کردار میرا پسندیدہ ہے ۔اس ڈرامے کے زریعے ایک بار پھرمیرا میرے بھارتی پرستاروں کے ساتھ انٹریکشن ہو گا ۔
واضح رہے کہ صدقے تمہارے کو خلیل الرحمان قمر نے لکھا ہے اور ڈائریکشن محمد احتشام الدین نے کی ہے یہ کہانی اسی کی دہائی کی لو اسٹوری ہے ۔یہ کہانی لکھاری کی ذاتی زندگی کے قریب ہے اس کہانی میں

خلیل اور شانو دونوں کی منگنی بہت ہی چھوٹی عمر میں ہوجاتی ہے لیکن دس سال ان کا آپس میں رابطہ نہیں ہوتا ،شانو اپنے منگیتر سے ملنے کے لئے بیتاب رہتی ہے لیکن اس کا منگیتر شہر میں سیٹیل ہو چکا ہوتا ہے شرو ع میں خلیل شانو سے ملنے یا اس کو اپنانے سے ہچکچاہٹ کا شکار ہوتا ہے کیونکہ وہ شہر میں سیٹل ہو چکا ہوتا ہے وہاں اس کےلئے ہر لحاظ سے بہتر مواقع ہوتے ہیں لیکن آخر کار وہ شانو کی محبت میں گرفتار ہو ہی جاتا ہے۔ماہرہ خان نے شانو کے کردار میں اپنی زبردست اداکاری کے زریعے حقیقت کے رنگ بھر دئیے تھے یقینا ان کے انڈین پرستار ان کایہ ڈرامہ دیکھ کر لطف اندوز ہوں گے ۔
۔۔۔۔۔۔

اداکار بلال قریشی جو کنٹرورسی سے دور رہنے کی کوشش کرتے ہیں وہ کبھی بھی ایسا کچھ نہیں بولتے کہ جس پہ ان کو سوال ہوں لیکن بجلی کم اور بل زیادہ آنے پر ان کے صبر کا پیمانہ چھلک گیا اور وہ برس پڑے حکومت پر۔ تفصیلات کے مطابق بلال قریشی بجلی کے بار بار اور بہت زیادہ جانے پر کافی ناراض ہیں اور اس سے زیادہ بجلی کے بل زیادہ آنے پر ناراض ہیں۔ اپنی اس ناراضگی کا اظہار انہوں نے انسٹاگرام پر ایک سٹوری جاری کرکےکیا۔سٹوری میں انہوں نے لکھا کہ آج بجلی کا بل آیا ہے اور بہت زیادہ آیا ہے۔انہوں نے مزید کہا کہ جب بجل کم اور بل زیادہ آتا ہے تو بہت زیادہ غصہ آتا ہے۔ بلال قریشی نے غصے کا اظہار جس انداز میں کیا ہے لوگوں نے اسکو بہت پسند کیا ہے ۔بلال قریشی کی سٹوری بہت پسند کی جا رہی ہے اور اسے حالات کے عین مطابق قرار دیا جا رہا ہے۔

واضح رہے کہ پچھلے کچھ ہفتوں میں ملک میں بجلی کا بحران بہت زیادہ ہو رہا ہے اور کہیں ہر ایک گھنٹے کے بعد بجلی جا رہی ہے اور کہیں ہر دو گھنٹے کے بعد بجلی جا رہی ہے۔عوام بجلی کے مسلسل غائب رہنے کی وجہ سے بہت زیادہ نالاں ہیں ان کا کہنا ہے کہ بجلی آتی نہیں اور بل اتنے زیادہ آجاتے ہیں.

چھوٹی سکرین کے بڑے اداکار منیب بٹ جن کا آج کل لاہور میں ایک ڈرامہ شوٹ ہو رہا ہے وہ کہتے ہیں کہ مجھے لاہور آکر کام کرنے میں بہت مزہ آرہا ہے یہاں لوگ بہت اچھا ریسپانس دیتے ہیں بہت پیار دیتے ہیں تاہم کراچی میں‌کام کرنے کا بھی اپنا ہی مزہ ہے منیب بٹ نے اپنے حالیہ ایک انٹرویو میں کہا کہ میں سوشل میڈیا پر متحرک ہوں اور جو ٹھیک لگتا ہے وہی کہتا ہوں مجھے لگتا ہے کہ عمران خان اس ملک کے لئے بہترین چوائس ہیں اور ان کی حکومت کے خلاف سازش تو ہوئی ہے وہ سازش کس نے کی ہے یہ میں‌حتمی طور پر کچھ نہیں کہہ سکتا. انہوں نے مزید کہا کہ مجھے لگتا ہے کہ اگر لوگ میری بات سنتے ہیں تو میں ان کو وہ بتائوں جو مجھے پتہ ہے یا میں ٹھیک سمجھتا ہوں. منیب بٹ نے ایک سوال کے جواب میں کہا کہ فلموں میں‌کام کروں گا لیکن ابھی ایسا کوئی سکرپٹ سمجھ میں‌نہیں آیا کہ حامی بھر لوں.حالیہ فلمیں اپنے کام کی مصروفیت کی وجہ سے نہیں دیکھ سکا لیکن مجھے یقین ہے کہ ساری فلمیں اچھی تھیں یقینا اچھی تھیں تو لوگ سینما گھروں میں جوق در جوق گئے.منیب نے کہا کہ مجھے ہر قسم کے کردار کرنا اچھا لگتا ہےاور انٹرویوز اس لئے کم دیتا ہوں کیونکہ میرا ایک یوٹیوب چینل ہے وہاں میں اپنے حوالے سے ہر چیز شئیر کرتا ہوں لہذا جس کو میرے بارے کچھ جاننا ہے کچھ پوچھنا ہے تو وہ آئے اور دیکھے میں انہی کے لئے ہر چیز اپ لوڈ کرتا ہوں.

اداکار احسن خان جنہوں نے حال ہی میںایک انٹرویو میں سوال کئے جانے پر جواب دیا کہ میں نے بالی وڈ کی فلم اپنے ہنی مون کی وجہ سے رد کی تھی اور میکا ل نے بعد میں یہ فلم کی ۔اس کے بعد ایک کنٹرورسی نے جنم لیا کسی نے کچھ کہا تو کسی نے کچھ ۔احسن خان کا اس حوالے سے کہنا ہے کہ میں نے جو بالی وڈ فلم چھوڑی تھی اس میں اکشے کمار سرے سے ہی نہیں تھے غلط خبریں پھیلائی جا رہی ہیں کہ اس فلم میں اکشے کمار تھے اور میرا کام بہت اہم ہے میں مانتا ہوں لیکن کہیں پر کبھی کبھی ذاتی زندگی کو بھی دیکھنا پڑتا ہے اور جب مجھے بالی وڈ کی فلم آفر ہوئی میری نئی نئی شادی ہوئی تھی تو میں نے فلم کرنے سے انکار کر دیا اور ہنی مون پر چلا گیا ۔میکال نے اگر یہ فلم کر لی تو کیا ہوا؟ احسن کا مزید کہنا تھا کہ سوشل میڈیا کا دور ہے جس کا جو دل کرتا ہے وہ لکھ دیتا ہے بول دیتا ہے بھئی پہلے کسی کی بات پوری توجہ سے سن لیا کریں ۔ انہوں نے واضح کیا کہ میں نے جو فلم چھوڑی تھی اس میں اکشے کمار بالکل بھی نہیں تھے ۔
یاد رہے کہ آج کل احسن خان کا ڈرامہ سیریل فراڈ چل رہا ہے ان کے پرستار ہر بار کی طرح ان کے اس رول کو بھی سرا ہ رہے ہیں احسن اس ڈرامے میں منفی کردار کے زریعے سامنے آئے ہیں ان کے ساتھ کملی فلم کی ہیروئین صبا قمر نظر آرہی ہیں۔

نوے کی دہائی میں شاہ رخ خان نے فلم انڈسٹری میںقدم رکھا اور دیکھتے ہی دیکھتے وہ کنگ خان بن گئے ۔ان کے پرستارون نے ان کی اداکاری کو اتنا سراہا کہ ان کے سر پر بالی وڈ کے بادشاہ کا تاج رکھ دیا یہ تاج آج تک شاہ رخ خان کے سر پر ہی ہے لیکن حال ہی میں جب کارتیک آریان کی فلم بھول بھلیاں ٹو نے کامیابی کے تمام ریکارڈ توڑ دئیے ہیں تو ایسے میں انہیں نیا کنگ آف بالی وڈ کہا جا رہا ہے ۔کارتیک کا موازنہ شاہ رخ خان سے کیا جا رہا ہے اور انہیں نیا بالی وڈ کا بادشاہ کہا جانے لگا ہے ۔کارتیک آریان جو کہ آج ہر فلمساز کی اولین چوائس بنے ہوئے ہیں ان سے حا ل ہی میں جب ایک انٹرویو کیا گیا تو اس میں ان سے جب کنگ آف بالی وڈ کہلائے جانے کا سوال ہوا تو انہوں نے ہنستے مسکراتے ہوئے کہا کہ ایسے خطابات سننے میں اچھے لگتے ہیں لیکن میں بادشاہ کا خطاب تو نہیں لیکن شاید شہزادے کا خطاب قبول کر لوں ۔انہوں نے کہا کہ مجھے جتنی محبت میرے پرستاروں کی جانب سے مل رہی ہے میںان کا شکر گزار ہوں ۔میرے پرستاروں کا مجھے چاہنا مجھے سراہنا یہ کسی بھی خطاب سے بڑھ کر ہے ،کارتیک کا مزید کہنا تھا کہ مجھے ابھی بہت سارا کام کرنا ہے طویل سفر طے کرنا ہے ابھی ایسے القابات قبول کرنا قبل از وقت ہیں۔

اداکارہ مشی خان جو ایک عرصہ سے اداکار ی کرتی تو نہیں دکھائی دے رہی ںلیکن دوسروں پر تنقید کرتی ضرور نظرآتی ہیں ۔مشی خان سیاسی طور پر عمرا ن خان کی بہت بڑ ی سپورٹر ہیں ان کا بس چلے تو وہ ہر ااس انسان کا منہ نوچ لے جو عمرا ن خان کو سپورٹ نہیں کرتا ۔ڈاکٹر عامر لیاقت جو پہلے عمران خان کے ساتھ تھے لیکن اب وہ ان کے خلاف بات کرتے ہوئے دکھائی دیتے ہیں اور یہ چیز شاید مشی خان کو کھل رہی ہے اس لئے وہ کوئی بھی موقع ہاتھ سے نہیں جانے دیتیں اور برس پڑتی ہیں ڈاکٹر عامر لیاقت پر۔ حال ہی میں اداکارہ نے ایک انٹرویو دیا ہے اس میں ان سے جب سوال ہواکہ آپ کو ڈاکٹر عامر لیاقت کی شادیوں سے کیا مسئلہ ہے تو انہوں نے کہا کہ مجھے کوئی مسئلہ نہیں ہے بس میں تو یہ کہتی ہوں کہ وہ اپنی شادیوں کے بعد اپنی بیویوں کے ساتھ تصاویر ہمیں کیوں دکھاتے ہیں؟ ٹاک ٹاک شئیر کرکے ہمیں کیوں دکھاتے ہیں وہ یہ سب کریں لیکن اپنے تک رکھیں ہمیں نہ دکھائیں اور وہ ایک نہیں چاہے ہزار شادیاں کریں ہمیں کیا مسئلہ ہے ۔اس انٹرویو میں مشی خان نے عامر لیاقت کا ایک بیان بھی انہیں یاد دلایا اور پوچھا کہ آپ نے تو باہر جانا تھا کیا ہوا آپ کے باہر جانے کے پلان کا؟ کیا کسی نے روک لیا ہے؟

نوجوان نسل کی نمائندہ گلوکارہ آئمہ بیگ اور سجاد علی نے لندن میں ہونے والے کنسرٹ میں میلہ لوٹ لیا انہوں نے شو میںموجود پاکستانی شائقین کو اپنا دیوانہ بنا لیا ان کی شاندار پرفارمنس پہ شائقین جھومتے رہے ۔سوشل میڈیا پر اس شو کے حوالے سے وڈیوز بھی موجود ہیں جن میں دیکھا جا سکتا ہے کہ کس طرح شائقین ان دونوں گلوکاروں کی پرفارمنس سے محظوظ ہورہے ہیں ۔یہی نہیں آئمہ بیگ نے اپنے اس شاندارشو کی کچھ تصاویر بھی اپنے انسٹاگرام اکاﺅنٹ سے جاری کیں یہ خوبصورت تصاویر دیکھ کر اندازہ لگایا جا سکتا ہے کہ ان دونوں گلوکاروں کا یہ شو کتنا ہٹ رہا ہے ۔آئمہ بیگ اور سجاد علی کے مزید شوز بھی مختلف جگہوں پر ہونے جا رہے ہیں امید کی جا رہی ہے لندن میںموجود پاکستانی میوزک کے متوالے ان شوز میں شرکت کریں گے اور اپنے پسندیدہ گلوکاروں کی پرفارمنس سے لطف اندو ز ہوں گے ۔
یادرہے کہ نوے کی دہائی میںپاکستانی پاپ میوزک اپنے پورے عروج پر تھا اور ہر دوسرا پاپ سٹار ہٹ تھا اور عوام کا پسندیدہ تھا بعض اوقات تو یہ طے کرنا مشکل ہوجاتا تھا کہ شہر میں اگر تین پاپ گلوکاروں کے شوز منعقد ہو رہے ہیں تو کس گلوکار کے شو میں جایا جائے ۔امید ہے کہ وہ دن دوبارہ وطن عزیز میں واپس آئیں گے اور لوگ اپنے ملک میں بھی خوشیوں کو دیکھ سکیں گے ۔

مہوش حیات جب ویب سیریز مس مارول کے پریمئیر پر نظر آئیں تو ایک کھلبلی سی مچ گئی کہ شاید یہ اس سیریز کا حصہ ہیں لیکن کہیں سے کوئی تصدیق نہیںہو پا رہی تھی لیکن ان کے پرستاروں میں بے چینی ضرور تھی ہر کوئی یہ جاننے کے لئے بے چین تھا کہ آخر حقیقت کیا ہے کیوں مہوش حیات ویب سیریز مس ماورل کے پریمئیر پر دیکھی گئی ہیں۔مہوش حیات نے اپنے پرستاروں کی اس بے چینی کو خودہی ختم کر دیا انہوں نے انسٹاگرام پر پریمئیر کی کچھ تصاویر شئیر کیں اور لکھا کہ میں مس مارول کا حصہ ہوں اور میں نے اپنے اس خوب پورا ہونے پرشکرانے کے نفل بھی ادا کئے ہیں۔ مہوش حیات کی اس پوسٹ کے بعد ان کے پرستاروں میں خوشی ایک لہر دوڑ گئی اور پاکستان کا سر فخر سے بلند کرنے پر مہوش کا شکریہ ادا کرتے رہے ۔مس مارول میں مہوش حیات کس قسم کا کردار ادا کریں گی اسکی تفصیلات ابھی سامنے نہیں آئیں تاہم خبریں ہیں کہ ممکنہ طور پر مہوش حیات اور فواد خان ویب سیریز کی ہیروئن کمالہ خان یعنی مس مارول کے پڑ پوتے اور پڑ پوتی کا کردار ادا کرتے دکھائی دیں گے۔
یاد رہے کہ مہوش حیات نے ٹی وی اور فلم دونوں جگہ اپنی صلاحیتوں کا لوہا منوایا ہے کافی برس کے بعد وہ ٹی وی پر ”میں منٹو نہیںہوں“ سے واپسی کررہی ہیںاس ڈرامے میں ان کے ساتھ ہمایوں سعید اور مایا علی دکھائی دیں گے ۔

کانز فلم فیسیٹیول میں جیوری ایوارڈ جیتنے والی فلم ”جوائے لینڈ“ کو پاکستان میں ریلیز کرنے کی پلاننگ کی جا رہی ہے ۔جب کانز فلم فیسیٹیول میں اس فلم کو عزت بخشی گئی ہے تب سے پاکستان میں بھی فلمی شائقین کی خواہش ہے کہ انہیں بھی یہ فلم دیکھنے کا موقع دیا جائے ۔رپورٹس کے مطابق یہ فلم جلد ہی سینما گھروں میں ریلیز کی جائیگی اور اس بات کی تصدیق لکھاری صائم صادق کی انسٹاگرام پوسٹ سے بھی ہو گئی ہے اس پوسٹ کے مطابق فلم جوائے لینڈ کو نہ صرف پاکستان بلکہ امریکہ ،آسٹریلیا ،کینڈا اور برطانیہ کے فلم فیسٹیولز میں بھی پیش کیا جائیگا بعداذاں اسے پاکستان کے سینما گھروں کی زینت بھی بنایا جائیگا ۔صائم صادق کی پوسٹ کے مطابق ابھی فلم کو سڈنی کے فلم فیسیٹول میں پیش کیا جا رہا ہے پاکستا ن میںکب ریلیز کی جائیگی اس کا اعلان جلد ہی کیا جائیگا ۔
یاد رہے کہ پروڈیوسر سرمد کھوسٹ اور اپوروا چرن کی اس ایوارڈ یافتہ فلم میں علی جونیجو، علینا خان، سفینہ جعفری اور دیگر اداکاروں نے بہترین اداکاری کا مظاہرہ کیا ہے۔یہ پاکستان کی پہلی فلم ہے جسے دنیا کے سب سے بڑے فلمی میلے میں جیوری ایوارڈ ملا ہے ۔سرمد سلطان کھوسٹ کی فلم کملی حال ہی میں سنیما گھروں یں ریلیز ہوئی ہے لوگوں کی بڑی تعداد فلم دیکھنے کےلئے جا رہی ہے

بھول بھلئیاں ٹواور کئی سپر ہٹ فلموں کے ڈائریکٹر انیس بزمی کہتے ہیں کہ میں عام لوگوں میں رہتا ہوں ،رکشہ میں گھومتا ہوں ،دل میں کچھ نہیں رکھتا کسی سے کتنی بھی ناراضگی ہو دوسرے تیسرے دن وہ ناراضگی ختم کر دیتا ہوں۔انہوں نے حال ہی میں اپنے ایک انٹرویو میں کہا ہے کہ میرے ساتھ جنہوں نے اچھا کیا ہے ان کو بھی اچھا سمجھتا ہوں جنہوں نے نہیں کیا ان کے بارے میں سوچتا ہوں کہ ان کی کوئی مجبوری رہی ہوگی ۔میرا ماننا ہے کہ جب ہم عام لوگوں سے دور ہوتے ہیں تو ہماری سوچ بھی بدل جاتی ہے جن لوگوں نے ایسا کیا انکو نقصان بھی ہوا ۔میں جب فلم بناتا ہوں تو دیکھتا ہوں کہ عام آدمی کیا دیکھنا چاہتا ہے اب اگر میرا ڈرائیور جس کو میں تنخواہ دیتا ہوں وہ میری بنائی فلم نہ دیکھے اور دوسروں کی بنائی فلمیں دیکھے تو اس کا مطلب یہی ہوا کہ میں ان لوگوں کے مزاج اور ان کے رہن سہن ان کی سوچ کی نمائندگی کرنے والی فلمیں
نہیں بناتا ۔انیس بزمی نے مزید یہ بھی کہا کہ جو لوگ عام لوگوں سے دور ہوئے اپنی سوچ کا سٹینڈرڈ اونچا کیا تو ان کی فلموں میں بھی اس بات کی جھلک دکھائی دی لوگوں نے نہیں دیکھیں ان کی فلمیں جب ان کے ساتھ مسلسل ایسا ہوا تو ان کو سمجھ آئی کہ وہ کہاں غلطی کررہے ہیں ۔انیس بزمی جنہوں نے نانا پاٹیکر کے ساتھ تین فلمیں بنائیں ہیں ان کا ان کے بارے میں کہنا ہے کہ نانا بہترین اداکار ہونے کے ساتھ بہترین انسان بھی ہیں ۔وہ بہت اچھے سے چلتے ہیں لیکن جب ان کو کوئی دھوکہ دے تو یہ چیز ان سے برداشت نہیں ہوتی ۔