Category: شوبز

گلوکارہ و اداکارہ حدیقہ کیانی نے نسٹاگرام پر نعمان اعجاز کے ساتھ اپنی خوبصورت تصاویر شئیر کیں تصاویر میں حدیقہ کیانی گہرے فیروزی رنگ کی ساڑھی میں جبکہ نعمان اعجاز سوٹ میں ملبوس دکھائی دے رہے ہیں حدیقہ کیانی نے کیپشن میں لکھا کہ ” دل نے تیرا نام لیا” میں آپ لوگوں‌کے ساتھ کچھ خاص شئیر کرنے کے لئے مزید انتظار نہیں کر سکتی اور ساتھ ہی ”یاد” ہیش ٹیگ میں لکھا ہے ۔

انکی یہ پوسٹ‌شئیر کرتے ہی ان کے پرستاروں‌ نے کمنٹس کرنے شروع کر دئیے اور دونوں‌ کو ایکساتھ دیکھ کر خوشی کا اظہار کیا .بہت سارے لوگوں‌کو لگا کہ شاید یہ ان دونوں کے نئے ڈرامے کی شوٹنگ کی تصاویر ہیں اور کچھ نے پوچھا کہ کیا آپکی نئی میوزک وڈیو ہے. عمارا معظم نامی صارف نے جب حدیقہ سے سوال کیا کہ کیا یہ آپکا نیا میوزک وڈیو ہے تو حدیقہ نے جواب میں لکھا جی. یوں ان کے اس کمنٹ نے انکی طرف سے شئیر کردہ تصاویر کا معاملہ کلئیر کردیا کہ حدیقہ کیانی اور نعمان اعجاز ایک نئے میوزک وڈیو میں بہت جلد دکھائی دے رہے ہیں. واضح رہے کہ حدیقہ کیانی اور نعمان اعجاز کی جوڑی کو خاصا سراہا جاتا ہے ماضی قریب میں نعمان اعجاز اور حدیقہ کیانی کاشف نثار کے ڈرامہ سیریل ”رقیب سے” میں ایکساتھ نظر آئے اور آج کل ڈرامہ ” دوبارہ ” چل رہا ہے جس کی سیکنڈ لاسٹ‌قسط آج نشر ہوئی اس میں نعمان اعجاز اور حدیقہ کا ایک ساتھ کردار مختصر تھا لیکن کافی پسند کیا گیا .

ماڈل و اداکارہ سنیتا مارشل کے شوہر اداکار حسن احمد نے ٹی وی کی معروف جوڑی منیب بٹ اور ایمن خان سے معافی مانگ لی .حسن نے ایک وڈیو پیغام میں کہا کہ میں خود کا دفاع نہیں کر رہا لیکن میں ایمن خان ،منیب بٹ اور اذان سمیع خان کے متعلق کہے ہوئے اپنے تمام الفاظ واپس لیتا ہوں.ایمن اور منیب بٹ کے لئے خوشگوار زندگی کی دعائیں ہیں.عزت اللہ دیتا ہے میرا نہیں بنتا کہ میں کسی کے بارے مین کچھ کہوں. ہم سب کو جیلسی اور نیگیٹیویٹی سے اوپر ہونا چاہیے خصوصی طور پر مجھے..یاد رہے کہ حسن احمد نے کچھ روز پہلے ایک ٹی وی انٹرویو دیا اس میں انہوں نے ایمن خان اور منیب بٹ کے

انسٹاگرام فالورز کو فیک کہا اور ساتھ ہی اذان سمیع خان کی

اداکاری پر بھی سوال اٹھایا تھ .ان کے اس بیان کے بعد انہیں سوشل میڈیا پر کافی تنقید کا سامنا کرنا پڑا تھا تاہم ایمن اور منیب بٹ نے حسن احمد کے اس بیان پر تبصرہ نہیں کیا اسی طرح‌ سے اذان سمیع خان نے بھی خاموشی اخیتیار کئے رکھی. لیکن جیسے ہی حسن احمد کو اپنی غلطی کا احساس ہوا انہوں‌ نے ایک وڈیو پیغام جاری کر کے اپنے الفاظ واپس لیتے ہوئے شرمندگی کا اظہار کیا اور کہا کہ مجھے بالکل بھی کسی کے بارے میں ایسا نہیں کہنا چاہیے. حسن احمد عمومآ کسی پر تنقید نہیں کرتے عاجزی رکھنے والے انسان ہیں ان کے پرستار حیران تھے کہ انہوں‌ نے ایسا کیسے کہہ دیا لیکن انکے وڈیو پیغام کے بعد کافی خوش ہیں کہ کم از کم حسن نے اپنی غلطی کا احساس کر لیا.

بالی وڈ فلم میکر کرن جوہر آج اپنی پچاسویں سالگرہ دھوم دھام سے منانے جا رہے ہیں برتھ ڈے پارٹی انہوں نے کسی فائیو سٹار ہوٹل میں نہیں بلکہ یش راج سٹوڈیوز میں رکھی ہے۔ اس تقریب کو یادگار بنانے کےلئے کرن جوہر تمام انتظامات اپنی نگرانی میں کروا رہے ہیں.برتھ ڈے پارٹی میں شمولیت کے لئے خصوصی طور پر مہمانوں‌ کو کارڈ بھجوایا گیا. پارٹی میں شاہ رخ خان گوری خان ،کرینہ کپور ،سیف علی خان،منہیش ملہوترا،رنبیر کپور،ورون دھون ،سدھارتھ ملہوترا، کائرہ ایڈوانی، کترینہ کیف ،اننیا پانڈے ،جھانوی کپور، سارا علی خان و دیگر شامل ہو ں گے.سلمان خان کی بھابھی اور ارباز خان کی سابقہ اہلیہ ملائکہ اروڑا اپنے بوائے فرینڈ ارجن کپور کے ساتھ آئیں گی.عالیہ بھٹ جو کہ کرن جوہر کی بہت ہی قریبی دوست ہیں وہ آج کل ہالی وڈ کی فلم کی شوٹنگ کے لئے بیرون ملک ہیں‌کہا جا رہا ہے کہ شاید وہ اس پارٹی میں شرکت کےواسطے ایک دن کے لئے بھارت آئیں گی.دیپیکا پاڈکون جو کہ کانز فلم فیسٹیول میں شریک تھیں وہ اور ان کے شوہر رنویر سنگھ بھی وہاں سے خصوصی طور پر برتھ ڈے پارٹی کے لئے ممبئی پہنچے ہیں. کرن جوہر کو شوبز کی نامور شخصیات سوشل میڈیا پر سالگرہ کی مبارکباد دے رہی ہیں. جیا بچن نے ایک تصویر شئیر کی(تصویر میں‌امیتابھ بچن کچھ بچوں کے ساتھ کھڑے ہیں ان میں‌کرن جوہر بھی شامل ہیں ) اور کرن جوہر کو سالگرہ مبارک کہا.

اسی طرح سے

ارجن کپور، عالیہ بھٹ، انوشکا شرما،منیش ملہوترا، کرشمہ کپور،کرینہ کپور

و دیگر نے تصاویر لگا کر خوبصورت انداز میں کرن کو سالگرہ وش کی.

کرن جوہر نے اپنی سالگرہ کے موقع پر اعلان کیا کہ وہ اگلی فلم ایکشن بنائیں گے جس کی شوٹنگ اپریل میں شروع ہو گی.

اداکارہ صبا قمر کا حال ہی میں ایک انٹرویو ہوا اس میں انہوں نے بتایا کہ وہ شادی سے ڈرتی تھیں جب اس ڈر کی وجہ پوچھی گئی تو انہوں‌ نے بتایا کہ رشتے ٹوٹ جانے سے ڈر لگتا ہےزندگی میں عجیب قسم کے حادثات ہوتے ہیں بس اسی وجہ سے شادی سے ڈرتی تھی لیکن اب کی صبا کو ڈر نہیں لگتا،جیسے ہی اچھا انسان ملا اور اللہ کو منظور ہوا تو یقینا شادی کے بندھن میں‌بندھ جائوں گی. صبا قمر نے اس انٹرویو میں مزید کہا کہ میں نے کبھی نہیں دیکھا کہ میرا کسی سے تعلق خراب ہوجائیگا مجھے جو جہاں جب ٹھیک لگتا ہے بول دیتی ہوں دل میں کچھ نہیں رکھ سکتی اگر کچھ برا لگ رہا ہے تو کہے بغیر نہیں رہ سکتی۔ انہوں نے مزید یہ بھی کہا کہ نعمان اعجاز کیساتھ کام کرنا انہیں ہمیشہ ہی بہت اچھا لگتا ہے، انڈین اداکار عرفان خان کیساتھ کام کرنے کی خواہش تھی وہ بھی پوری ہو گئی۔ واضح رہے کہ صبا قمر کی ماضی قریب میں ویب سیریز مسز اینڈ مسٹر شمیم آئی جس میں وہ نعمان اعجاز کے ساتھ نظر آئیں، اس کے بعد عید پر ان کی فلم "گھبرانا نہیں ہے” میں سید جبران اور زاہد احد کے ساتھ نظر آئیں اور تین جون کو صبا ہمیں "کملی” کے روپ میں نظر آئیں گی.صبا کو ان کے پرستار ہر روپ میں بے حد پسند کرتے ہیں.