کورونا ویکسین کو فروغ دینے کیلئے پاکستان کے عالمی شہرت یافتہ گلوکار عاطف اسلم اور”پسوڑی” گانے میں اپنی آواز کا جادو جگانے جگانے والی شائے گل کی سُریلی آواز میں خصوصی گانا ریلیز کر دیا گیا۔
باغی ٹی وی: امریکی سفارتخانے کے تعاون سے پیش کیے گئے اس گانے ‘منزل’ کو یوٹیوب پرجاری کیا گیا ہے جس میں عاطف اسلم اور شائے گل نے اپنی میٹھی آواز کا جادو جگایا ہے۔
گانے کے آغاز میں ماسک پہنےطلباء کے ایک گروپ کو دکھایا گیا ہےجو پچھلےدو سالوں کےدوران کورونا کےپھیلاؤ کو روکنے کیلئے کی گئی جدوجہد پر ایک ڈرامہ پیش کررہے ہیں جس میں فرنٹ لائن ورکرزکےساتھ ساتھ ان لوگوں کوخراج تحسین پیش کیا گیا ہےجو بیماری کی وجہ سے انتقال کر گئے ہیں۔
https://www.youtube.com/watch?v=z-Q-hG2nOF4
خصوصی گانے میں پاکستان میں کورونا وائرس کے پھیلاؤ کی روک تھام کے لیے کی جانےوالی کوششوں کو سراہا گیا ہے جس میں پاکستان شوبز انڈسٹری کی معروف اداکارہ ثروت گیلانی کو اداکاری کرتے دیکھا جا سکتا ہے۔
اس خصوصی گانے کے بول پاکستان کے مشہور مصنف محمد حنیف نے لکھے ہیں جبکہ اس گانے کی ویڈیو کو ہدایتکار سرمد کھوسٹ نے انتہائی خوبصورت انداز میں تخلیق کیا ہے۔
پاکستان: پاکستانی فلم ’جاوید اقبال: دا ان ٹولڈ سٹوری آف آ سیریل کلر‘ نے برطانوی ایشین فیسٹیول میں دو ایوارڈز جیت لئے ہیں۔
باغی ٹی وی : 90 کی دہائی کے لاہور کے سب سے بدنام زمانہ سیریل کلر کی حقیقی زندگی کی کہانی پر بنائی گئی فلم جاوید اقبال کو پاکستان میں پابندی کے باوجود برطانیہ میں فلم فیسٹیول میں بہترین ہدایتکاری کا ایوارڈ مل گیا۔
رپورٹس کے مطابق یاسر حسین نے فلم میں مرکزی کردار ادا کرکے یوکے فلم فیسٹیول میں بہترین اداکاری کا ایوارڈ حاصل کیا جبکہ کرائم تھرلر کے مصنف اور ہدایت کار ابو علیحہ کو بہترین ہدایت کار کا ایوارڈ ملا انٹرنیٹ مووی ڈیٹا بیس پر فلم جاوید اقبال کی ریٹنگ 10 میں سے 8.4 ہے۔
https://twitter.com/abualeeha/status/1525842929306181632?s=20&t=noOhyxBoe0vUx2GEgo5vSQ
فلم کےڈائریکٹر اور پروڈیوسر نےسماجی رابطے کی ویب سائٹ ٹوئٹرمیں اپنی ٹویٹ میں لکھا کہ پھر ایشین یوکے فلم فیسٹول میں یاسر حسین کو جاوید اقبال پر بہترین اداکار کا ایوارڈ مل گیا اور ابوعلیحہ کو بہترین ہدایت کار کا یہ اس فلم کو ملنے والے پہلے ایوارڈز ہیں اور اسے دنیا کے ہر معتبر فیسٹیول میں نمائش کے لیے پیش کیا جائے گا۔
فیسٹول میں فلم میں جاوید اقبال کا کردار ادا کرنے والے اداکار یاسر حسین کا کہنا تھا کہ آٹھ سال قبل ایک شخص میرے پاس آیا، میں ان کا نام بھول گیا ہوں۔ وہ میرے پاس ایک سکرپٹ لے کر آئےجس کا نام جاوید اقبال تھا اوروہ ایک ڈاکیومنٹری ڈرامہ بنانا چاہتے تھےاور میں نے اس کے لیے ہامی بھر لی اداکار کا کہنا تھا کہ پھر وہ غائب ہوگئے۔
یاسر حسین نے کہا کہ پھر دو، تین سال بعد ایک اورپروڈیوسر جاوید اقبال کےسکرپٹ کےساتھ آئے اور وہ اس پرایک ویب سیریز بنانا چاہتے تھےمیں نےپھرہامی بھرلی اور پھر وہ بھی غائب ہو گئےپھرتیسری مرتبہ ابوعلیحہ میرے پاس ایک بہترین سکرپٹ کےساتھ آئےمیں نے ہامی بھری اور ہم نے یہ فلم کرلی۔
اداکارہ نے اپنی پوسٹ میں لکھا کہ اب تک صرف چند ہزار لوگوں نے یہ فلم دیکھی ہے کیونکہ اس فلم کی ریلیز کے لیے پاکستانی حکومت کی اجازت کا انتظار ہے اور اسے بس یوکے ایشین فلم فیسٹول میں افتتاحی تقریب کی فلم کے طور پر چلایا گیا ہے۔
یاد رہے کہ اس فلم کو رواں سال جنوری میں ریلیز کیا جانا تھا لیکن اس کی ریلیز سے صرف دو دن پہلے ہی پنجاب کی حکومت نے اس پر پابندی عائد کردی تھی جس کے بعد فلم کی نمائش کو مؤخر کر دیا گیا تھا۔
رواں سال ہ 27 جنوری کو سینٹرل بورڈ آف فلم سنسرز (سی بی ایف سی) نے فلم کو ریلیز نہ کرنے کا حکم نامہ جاری کیا تھا۔ سنسر بورڈ کے ایک حکام کا کہنا تھا کہ پنجاب انفارمیشن اور کلچر ڈیپارٹمنٹ نے فلم کی ریلیز روکی، فلم پر کچھ اعتراضات سامنے آئے ہیں، بورڈ فلم کا دوبارہ سے جائزہ لے گا جس کے بعد اس کی ریلیز سے متعلق حتمی فیصلہ کیا جائے گا۔
واضح رہے کہ فلم کی کہانی پاکستان کے بدنام زمانہ سیریل کلر جاوید اقبال کے گرد گھومتی ہے۔ جس نے 1998 سے 1999 کے دوران لاہور میں 100 سے زائد بچوں کو نہ صرف جنسی طور پر ہراساں کیا تھا بلکہ انہیں قتل کرکے بچوں کی لاشوں کے ٹکڑوں کو تیزاب میں گلا کر دریا برد کردیا تھا قاتل جاوید اقبال کو 16 مارچ 2000 کو عدالت نے اسے 100 بار سزائے موت کا حکم دیتے ہوئے کہا تھا کہ مجرم اور اس کے ساتھی کو بچوں کے ورثا کے سامنے اسی زنجیر سے پھانسی دی جائے جس سے وہ بچوں کا گلا گھونٹتا تھا اس کے بعد ان کی لاشوں کے ٹکڑے بھی اسی طرح تیزار کے ڈرم میں ڈالے جائیں جیسے وہ بچوں کی لاشوں کے ٹکڑے ڈالتا تھا۔
لیکن اس کی نوبت نہیں آئی کیونکہ گرفتاری کے دو سال بعد 9 اکتوبر 2001 کو جاوید اقبال اور اس کا ساتھی لاہور کی کوٹ لکھپت جیل میں مردہ پائے گئے تھے-
ان کا کہنا تھا کہ نواز شریف سے ملاقات بہت زبردست رہی اور انہوں نے ملاقات میں انڈسٹری کی بہتری کیلئے اقدامات کا بتایا ملاقات میں فلم پالیسی سے متعلق بھی گفتگو ہوئی۔
خیال رہے کہ نواز شریف نومبر 2019 سے لندن میں زیرعلاج ہیں اور ان سے مختلف شعبوں سے تعلق رکھنے والی شخصیات ملتی رہی ہیں۔
قبل ازیں مریکی کانگریس کی خاتون رکن الہان عمر نے پاکستانی اداکار عدنان صدیقی اور نئی آنے والی فلم ‘دم مستم’ کی ٹیم سے ملاقات کی تھی عدنان صدیقی نے اپنے انسٹاگرام پر امریکی کانگریس کی خاتون رکن الہان عمر کے ساتھ ایک تصویر شیئر کی تھی ، جنہوں نے اپنے حالیہ دورہ پاکستان کے دوران، اُن کی ٹیم سے ملاقات کی تھی۔
تصویر میں فلم کے مرکزی اداکار عمران اشرف اور دیگر اراکین بھی موجود تھے ۔ اداکار نے الہان عمر کے ساتھ اپنی گفتگو کے بارے میں ایک نوٹ لکھا تھا کہ امریکا کی پہلی صومالی نژاد امریکی اور پہلی دو مسلم خواتین میں سےایک، حیرت انگیز الہان عمرکےساتھ جغرافیائی سیاست، تفریح، ثقافت اور کھانے سمیت متعدد فکر انگیز موضوعات پر شاندار گفتگو ہوئی۔
واضح رہے کہ حال ہی میں سینئر پاکستانی اداکارو فلمساز عدنان صدیقی نے حکومت کو مقامی فلم انڈسٹری کی ترقی کے لیے چند تجاویز پیش کی تھیں شوبز انڈسٹری کے ساتھی فلم ساز وجاہت رؤف اور یاسر نواز کے ساتھ مشترکہ پریس کانفرنس میں عدنان صدیقی نے حکومت سے درخواست کی تھہ کہ’ وہ سب ابھی چھوٹے پیمانے کے فلمساز ہیں، اس لیے حکومت کو ان کے مواد کی حوصلہ افزائی کرنی چاہیے۔
عدنان صدیقی نے مقامی فلم انڈسٹری کی ترقی کے لیے حکومت کو چند تجاویز بھی پیش کیں تھیں اُنہوں نے کہا تھا کہ ’ایک مناسب پالیسی ہونی چاہیے جس کی مدد سے اس بات کا فیصلہ کیا جاسکے کہ غیر ملکی فلموں کے لیے کتنا وقت اور جگہ مختص کی جائے گی اور کتنی جگہ مقامی فلموں کے لیےمختص کی جائے۔
اُنہوں نے کہا تھا کہ پیمرا کا قانون ہے کہ ٹیلی ویژن 10 فیصد سے زیادہ غیر ملکی مواد نہیں چلایا سکتا اور اسی طرح ایک اور پالیسی بھی ہے کہ یہاں 15 فیصد سے زیادہ غیر ملکی فلمیں نہیں دکھائی جائیں گی براہ کرم، ہماری درخواستوں کو سنجیدگی سے لیں اور ہمیں وہ کمانے کا موقع دیں جس کے ہم حقدار ہیں ۔
واضح رہےکہ اس سال عید الفطرکے موقع پر ریلیز ہونے والی پاکستان کی 4 اردو فلموں اور ایک پنجابی فلم نے کورونا وباء کے بعد پاکستان میں سینما گھروں کی رونقیں بحال کرنے میں مثبت کردار ادا کیا تھا اور باکس آفس پر اچھی کارکردگی دکھا ئی تھی-
لیکن عید کے تیسرے دن ہی سینما گھر نے غیر ملکی پروڈکشن کو ترجیح دی، جس کی وجہ سے 50 فیصد سے زیادہ اسکرینز اور یہاں تک کہ کچھ سینما گھروں میں 100فیصد اسکرینز پر غیر ملکی فلموں نے جگہ لے لی تھی-
نئی دہلی: بھارتی اداکار اکشے کمار کا ایک بار پھر کورونا وائرس ٹیسٹ مثبت آ گیا۔
باغی ٹی وی :بالی ووڈ اداکار اکشے کمار نے سماجی رابطے کی ویب سائٹ ٹوئٹر پر کورونا وائرس میں مبتلا ہونے سے آگاہ کیا اداکار نے اپنی ٹوئٹ میں لکھا کہ وہ کینز 2022 میں اپنے ملک کی نمائندگی کرنے کے خواہشمند تھے لیکن بہت افسوس کے ساتھ بتانا پڑ رہا ہے کہ ان کا کورونا وائرس ٹیسٹ مثبت آیا ہے۔
Was really looking forward to rooting for our cinema at the India Pavilion at #Cannes2022, but have sadly tested positive for Covid. Will rest it out. Loads of best wishes to you and your entire team, @ianuragthakur. Will really miss being there.
اکشے کمار نے کہا کہ وہ اس ایونٹ میں شریک نہیں ہو پائیں گے تاہم بھارت کی نمائندگی کرنے والوں کے لیے نیک خواہشات کا بھی اظہار کیا ۔ اس سے قبل بھی سال 2021 میں اکشے کمار کا کورونا ٹیسٹ مثبت آیا تھا۔
واضح رہے کہ ہندوستان میں کورونا نے پھر سر اٹھا لیا ہے 14 مئی کو 24 گھنٹوں کے دوران 2,858 نئے کوویڈ 19 کیسز ریکارڈ کیے گئے جبکہ 11 افراد کورونا وائرس کی وجہ ہلاک ہوئے تھے CoVID-19 کی وجہ سے نئی اموات کے اضافے کے ساتھ، ملک میں کورونا وائرس سے ہونے والی اموات کی کل تعداد 14 مئی تک 5,24,201 تھا وزارت صحت نے کہا کہ ملک گیر ویکسینیشن مہم کے تحت اب تک کل 191.15 کروڑ ویکسین کی خوراکیں دی جا چکی ہیں-
بین الاقوامی خبررساں ادارے "دی گارجئین” نے اپنے حال ہی میں شائع کئے گئے آرٹیکل میں پاکستانی گلوکار علی سیٹھی اور گلوکارہ شائی گل کے عالمی سطح پر ہٹ گانے "پسوڑی” کو پاکستانی پاپ کے لیے دنیا بھر میں ڈور اوپنر قرار دیا ہے-
باغی ٹی وی : دی گارجئین میں شائع کردہ پسوڑی کے بارے لکھے گئے آرٹیکل میں کہا گیا کہ اسلام آباد کے ریڈیو اسٹیشنوں سے لے کر دہلی کے نائٹ کلبوں اور کھٹمنڈو میں ہاؤس پارٹیوں تک، یہ ایک ایسا گانا ہے جس سے بچنا حالیہ مہینوں میں ناممکن ہےجیسے ہی پاکستانی گلوکار علی سیٹھی اور ان کی ساتھی شائی گل کی طرف سے پسوڑی کی مخصوص دھنیں سنائی دیتی ہیں، اکثر اس کا خیر مقدم کیا جاتا ہے۔
اور یہ صرف جنوبی ایشیا میں نہیں ہے فروری میں ریلیز ہونے کے بعد سے، یہ گانا، جو روایتی اور جدید موسیقی کے اثرات کو اپنی طرف متوجہ کرتا ہے، ایک عالمی رجحان بن گیا ہے اور سالوں سے پاکستان کی مقبول ترین موسیقی کی برآمدات میں سے ایک ہے اسے یوٹیوب پر 111 ملین سے زیادہ بار دیکھا سنا گیا، یہ سپاٹی فائے کے عالمی وائرل چارٹس میں سرفہرست ہونے والا پہلا پاکستانی گانا تھا، اور اس کے آفیشل عالمی گانوں کے چارٹ میں جگہ بنانے والا پہلا پاکستانی گانا تھا۔
سیٹھی، ایک کلاسیکی تربیت یافتہ موسیقار کے ساتھ ساتھ ایک گلوکار، موسیقار اور افسانہ نگار، پاکستان کے مقبول ترین پاپ اسٹارز میں سے ایک بن گئے ہیں، حالانکہ وہ پچھلے پانچ سالوں سے امریکہ میں مقیم ہیں، انہوں نے کہا ہے کہ وہ خود کو ایک "ایک ڈائاسپورک آواز” کے طور پر دیکھتے ہیں۔
یہ گانا سرحدوں کو عبور کرنے کے لیے پیش کیا گیا ہے، خاص طور پر ہندوستان اور پاکستان کے درمیان، ثقافت کی ایک طویل روایت کو جاری رکھتے ہوئے ان دونوں ممالک کو متحد کیا گیا ہے جہاں سیاست ہمیشہ ناکام رہی ہے۔ بھارت میں، پاکستانی ڈیلی سوپ سب سے زیادہ مقبول ٹیلی ویژن شوز میں سے ہیں، جب کہ پاکستان میں لوگ بالی ووڈ فلموں اور موسیقی کو شوق سے دیکھتے اور سنتے ہیں-
پسوڑی، جس کا تقریباً ترجمہ "مشکلات” کے طور پر ہوتا ہے، سیٹھی کے انکاؤنٹرس سے آیا جو بھارت اور پاکستان کے درمیان موجود اکثر ناقابل تسخیر دیواروں کے ساتھ ہوتا ہے، جس کی وجہ سے وہ بھارت کا دورہ کرنے اور پرفارم کرنے کے قابل نہیں رہے۔ یہ غزلیں ممنوعہ محبت کی پرانی کہانی پر مبنی ہیں، اور پنجابی میں لکھی گئی ہیں، جو ہندوستان اور پاکستان دونوں میں بولی جانے والی زبان ہے۔
علی سیٹھی نے کہا کہ یہ کئی سالوں سے میری زندگی میں چل رہا ایک تھیم رہا ہے مجھے اپنے ہندوستانی مداحوں اور دوستوں کے ساتھ پردے کے ذریعے مشغول ہونا پڑا، ایسا نہ ہو کہ ہم ان انتہا پسند عناصر کی توجہ مبذول کر لیں جن کا کام ہندوستان اور پاکستان کے درمیان سخت سرحد کو برقرار رکھنا ہے۔ "لہذا میں کئی مہینوں سے ممانعت کے موضوع پر غور کر رہا تھا۔
انہوں نے اس بات پر زور دیا کہ کلاسیکی اور لوک روایات جن پر گانا گایا جاتا ہے، جس میں قوالی موسیقی کی صوفی روایات بھی شامل ہیں، تقسیم سے بہت پہلے آچکی تھیں اور اس لیے ان کو ہندوستانی یا پاکستانی کے طور پر مرتب نہیں کیا جا سکتا تھا، اور اس کے دونوں اطراف میں صدیوں پرانی جڑیں تھیں۔
انہوں نے کہا کہ وہ ایک ایسا گانا لکھنا چاہتے تھے جو "کلاسیکی محسوس ہو لیکن عصری زندگی سے بھی مطابقت رکھتا ہو”، لیکن اعتراف کیا کہ انہیں اندازہ نہیں تھا کہ یہ پورے خطے میں اتنا مقبول ہو جائے گا۔
علی سیٹھی لاہور کے ایک اعلیٰ اور پڑھے لکھے گھرانے سے ہیں، ہارورڈ میں تعلیم حاصل کی اور اب نیویارک میں رہتے ہیں نے انہیں اور ان کی موسیقی کو ایک ایسا پلیٹ فارم فراہم کیا جو پاکستان کے بہت سے دوسرے فنکاروں کو نہیں ملتا تھا۔
ذوالفقار جبار خان، جو کوک اسٹوڈیو کے اس حالیہ سیزن کے پروڈیوسر اور کیوریٹر، زلفی کے نام سے جانے جاتے ہیں، نے کہا کہ جس لمحے انہوں نے پسوڑی کو سنا تھا، میں نے محسوس کیا کہ میرے اندر جوش و خروش دوڑ رہا ہے میں نے اسیٹھی سے کہا کہ جب لوگ اسے سنیں گے تو وہ نہیں جان پائیں گے کہ انہیں کس چیز نے متاثر کیا اور یہ گانا عالمی سطح پر جانے کی صلاحیت رکھتا ہے۔
زلفی نے کہا کہ پسوڑی کی مقبولیت نے پاکستانی پاپ میوزک کے لیے "محبت کے عالمی دروازے” کھول دیے ہیں اور "چارٹس کو بار بار دیکھنے کا موقع بھی کھل گیا ہے”۔
انہوں نے کہا کہ ایمانداری سے میں مستقبل کے لیے بہت پرجوش ہوں کیونکہ میں جانتا ہوں کہ پاکستان دنیا کو حیران کرنے کی صلاحیت رکھتا ہے اور یہ یقینی بنانے کے لیے کہ ہم ایسا کرتے رہیں، ہمیں اپنے ترقی پسند اور فنکارانہ پہلو کو دنیا تک پہنچاتے رہنا چاہیے۔
معروف اداکارہ عروہ حسین نے سینیئر اداکار اعجاز اسلم کی جانب سے اپنے حوالے سے سنی سنائی باتوں کو ٹی وی اسکرین پر کرنے پر ردعمل دیا ہے-
باغی ٹی وی : کچھ دن قبل ’دی کپل شو‘ میں اعجاز اسلم سے سوال ہوا کہ کسی ایسی اداکارہ کا نام بتائیں جس کے ساتھ آپ نے کام کیا ہو اور آپ کو لگتا ہے کہ انہیں مینرز(تمیز، آداب، طور طریقے) کی ضرورت ہے؟
جس پر اداکار نے تھوڑی دیر سوچنے کے بعد جواب دیا تھا کہ ’’عروہ حسین‘‘، کیوںکہ ان کے بارے میں لوگوں سے سن رکھا ہے کہ وہ بہت جلد غصہ کر جاتی ہیں، ایک دو بار ڈائریکٹرز سے تلخی بھی ہوئی لیکن یہ جھوٹ بھی ہوسکتا ہے اور اگر یہ سچ ہے تو انہیں انڈسٹری میں تمیز سیکھنے کی ضرورت ہے۔
انہوں نے وضاحت کی تھی کہ میری یہ بات جھوٹ بھی ہوسکتی ہے کیوں کہ میرے پاس دونوں طرف کی رائے نہیں آئی اور نہ میں نے عروہ کو کسی سے بدتمیزی کرتے دیکھا، اداکارہ مجھ سے بہت اچھے سے پیش آتی ہیں۔
عروہ حسین نے کہا کہ وہ اپنے تمام سینیئرز کی عزت کرتی ہیں اور ساتھ ہی وہ ان کی رائے کا احترام بھی کرتی ہیں، تاہم وہ یہ بھی امید رکھتی ہیں کہ سینیئرز کو بھی بولتے وقت جونیئرز کے جذبات، احساسات اور کام کا خیال رکھنا چاہیے۔
انہوں نے کہا کہ سینیئرز کو سوچنا چاہیے کہ جونیئرز کے حوالے سے بات کرتے وقت ذمہ داری کا مظاہرہ کرنا ان کی اولین ترجیح ہونی چاہیے، کیوں کہ ان کی ایک چھوٹی سی غلط بات بھی دوسروں کی ذہنی صحت اور کیریئر کو تباہ کر سکتی ہے۔
انہوں نے اعجاز اسلم کا نام لکھے بغیر کہا کہ یہ سچ ہے کہ وہ اپنے پروڈیوسرز اور ہدایت کاروں کے ساتھ تخلیقی بحث کرتی ہیں اور انہیں یہ معلوم نہیں کہ ان کی بحث ڈراما سازوں کو ناگزیر لگتی ہے۔
اداکارہ نے بیان میں کہا کہ انہوں نے خود پر تنقید کرنے والے شخص کے ساتھ کبھی کام نہیں کیا اور نہ ہی وہ ان سے متعلق مزید کوئی رائے رکھتی ہیں۔
عروہ حسین نے ’دی کپل شو‘ کے میزبانوں آغا علی اور حنا الطاف کی تعریف کی کہ وہ اعجاز اسلم کی جانب سے کہی گئی باتوں پر نہیں گئے اور نہ ہی انہوں نے ان کا ساتھ دیا۔
دوسری جانب اعجاز اسلم نے بھی بعد ازاں انسٹاگرام پر اپنے بیان کی وضاحت کی اور کہا کہ انہوں نے واضح کیا تھا کہ انہوں نے عروہ حسین سے متعلق باتیں سن رکھی ہیں، وہ ذاتی طور پر اس ضمن میں کچھ نہیں جانتے۔
اعجاز اسلم نے وضاحتی بیان میں کہا کہ وہ اپنے تمام فنکار ساتھیوں کی عزت کرتے ہیں اور ان کے بیان کو سیاق و سباق سے ہٹ کر شائع کیا گیا، انہوں نے پروگرام میں ہی واضح کیا تھا کہ انہوں نے عروہ سے متعلق کچھ باتیں سن رکھی ہیں، جن سے متعلق انہیں علم نہیں کہ وہ سچی ہیں کہ جھوٹی ہیں۔
دبئی: ماڈل ایان علی نے پی ٹی آئی کے چیئرمین عمران خان کو آڑے ہاتھوں لیتے ہوئے ” گھبرانا نہیں ہے” کا مشورہ دے دیا-
باغی ٹی وی : ماڈل ایان علی نے خود سے متعلق عمران خان کے بیان کا حوالہ دیتے ہوئے پی ٹی آئی کے چیئرمین کو تنقید کا نشانہ بنا ڈالا ایان علی کا کہنا تھا کہ میں نے 20 سال کی عمر میں جھوٹے مقدمات لڑے اور جیت چکی، امید ہے آپ بھی گھبرائیں گے نہیں-
https://twitter.com/AYYANWORLD/status/1524853542800048133?s=20&t=YH053bPwkJDyDIqUbtcWFg
ایان علی نے عمران خان کو مخاطب کرتے ہوئے کہا کہ دیکھتے ہیں آپ کتنے دن برداشت کرتے ہیں جو میں نے کیا مزید عزت افزائی کروانی ہو تو پھر میرا نام لیں-
https://twitter.com/AYYANWORLD/status/1524852936043552770?s=20&t=yZKd3TMOOAmF4mpkRUJjgg
آپ کی جانب سے ایک پولیس آفیسر پر حملہ Live TV پر کیا گیا دوسرے آفیسرز کو دھمکیاں بھی Live TV پر دی گئیں وقت آ گیا ہے کہ آپ ان اور دوسرے مقدمات بشمول آٹا چوری، رنگ روڈ، مالم جبہ، بی آر ٹی، ادویات، پٹرولیم، مہمند ڈیم، بلاسفیمی، فارن فنڈنگ کا جواب دیں-
https://twitter.com/AYYANWORLD/status/1524849620026900483?s=20&t=YH053bPwkJDyDIqUbtcWFg
ایان علی نے کہا کہ دو عادات شاید آپ مرتے دم تک نہیں چھوڑ سکتے پہلی میرے نام پرٹی آر پی کمانا (کیونکہ خود کمانا و کھانا آپ کی فطرت نہیں) دوسری جھوٹ بولنا (کیونکہ سچ بولنا آپ نے سیکھا نہیں) چار سال وزیر اعظم رہے، پھر بھی مجھ پر جھوٹا الزام لیے بغیر آپ کی تقریر و خبر نہیں بنتی جیسے پہلے نہیں بنتی تھی-
https://twitter.com/AYYANWORLD/status/1524849855172165649?s=20&t=yZKd3TMOOAmF4mpkRUJjgg
آج بھی آپ کو میری ضرورت ہے اس سے جُڑے رہنے کے لیے یہ آپ کے اقتدار کی Damming Indictment ہےاپنا کیا کرایا کچھ ہوتا تو بیان کر لیتے، آخیر عمر میں میرے نام پر جھوٹ تو نہ بولتےآپ چار سال وزیر اعظم رہے، میں اس دوران بھی جھوٹے مقدمات سے بری ہوئی کیونکہ میں سچی آپ جھوٹے تھے اور ہیں-
https://twitter.com/AYYANWORLD/status/1524850149436149762?s=20&t=yZKd3TMOOAmF4mpkRUJjgg
جھوٹ کے کوئی پاؤں نہیں ہوتےجیسے آپ کے اس جھوٹ کے کہ میرے کیس کے تفتیشی افسر کا قتل ہوامیرے کیس میں تفتیشی افسر ایک انسپکٹر سلیم تھے پہلے دن سےآج تک زندہ ہیں ہٹے کٹے ہیں اور اپنے ڈیپارٹمنٹ سے انعام لے رہے ہیں مجھ پر جھوٹی کیس ڈالنے کے
ہر کورٹ ڈوکیومنٹ پر اُن کا نام ہے
https://twitter.com/AYYANWORLD/status/1524850505637322752?s=20&t=yZKd3TMOOAmF4mpkRUJjgg
ان سمیت ہر شخص جو کورٹ ڈوکیومنٹس میں ہے زندہ ہے آپ شاید آپنی تھرڈ ڈویژن یا addiction کی وجہ سے پڑھ نہیں سکتےاس لیے الف لیلا کی کہانیاں سناتے ہیں جن کا قتل ہوا ان کا نام انسپکٹر اعجاز تھا (ٱللَّٰه مغفرت کرے)دور دور تک میرے کیس سے تعلق نہ تھایہ ہائی کورٹ میں ثابت ہوا-
https://twitter.com/AYYANWORLD/status/1524850946446073856?s=20&t=yZKd3TMOOAmF4mpkRUJjgg
ایک سال تک سب بشمول آپ کے دوست چوہدری نثار یہجانتے تھے کہ مرحوم میرے کیس سے متعلقہ نہیں تھے اور ڈکیتی میں قتل ہوئے
ایک سال بعد جب میں سب مقدمات جیت گئی تو ان کے قتل کا الزام بھی مجھ پر ڈال دیا گیا اوپر سے دہشت گردی کی دفعات بھی لگائی گئی
https://twitter.com/AYYANWORLD/status/1524851184212877314?s=20&t=yZKd3TMOOAmF4mpkRUJjgg
میں نے یہ مقدمہ سیشن کورٹ، انسداد دہشت گردی کورٹ، ہائی کورٹ و سپریم کورٹ میں لڑا و جیتاہر جگہ یہ ثابت ہوا کہ میں اس مقدمہ میں ملزمہ بھی نہیں بالآخر مجھے سپریم کورٹ نے اس مقدمے سے آزاد کیاجانتے ہیں اس بنچ میں کون تھا جسٹس ثاقب نثار اور شیخ عظمت سعید جن کی آپ تک نے تعریف کی-
https://twitter.com/AYYANWORLD/status/1524851615664115712?s=20&t=yZKd3TMOOAmF4mpkRUJjgg
سپریم کورٹ تک سے میرے بری ہونے کے بعد اگر آپ کے شکی دماغ میں غلل تھا تو اپنے چار سالہ منحوس دور میں دوبارہ تفتیش یا اپیل کرتے بطور وزیر اعظم تو چار سال آصف علی زرداری، نواز شریف، مریم، بلاول یا مجھے قانونً کچھ کہ نہیں سکےاب پھر ٹی آر پی کے لیے ہم سے بھیک مانگنے لگے-
https://twitter.com/AYYANWORLD/status/1524851942404636676?s=20&t=yZKd3TMOOAmF4mpkRUJjgg
جو کچھ میں نے ان جھوٹے مقدمات میں سہا اسے ہائی کورٹ نے بے مثال شکار اورقومی سانحہ کہاآپ میں شرم ہوتی تو ان جھوٹوں کو پھر سے پھیلاتے مگر آپ میں شرم ہوتی تو آپ آپ تو نہ ہوتے ہمیں کیسے پتہ چلتا Sports Quota پر آکسفورڈ جانے والوں Caliber کا کیا ہوتا ہے-
ایان علی نے کہا کہ انہیں جھوٹوں نے پہلے بھی آپ کا منحوس اقتدار ختم کیا اور یہی جھوٹ آپ کو مزید بھی Expose کریں گےیہاں تک کہ پاکستان کے عوام آپ اور آپ کے غلیظ اطوار سے آزاد ہوں تب تک میں آپ کے خود پر بولے جھوٹ بے نقاب کرتی رہوں گی اور یہ بھی پوچھوں گی کہ آپ پر درج اقدام قتل کے کیس کا کیا بنا-
https://twitter.com/AYYANWORLD/status/1525019437514080258?s=20&t=YH053bPwkJDyDIqUbtcWFg
جھوٹ 7 سال بولا جائے یا 700 سال ایک دن اپنی موت مرتا ہے آپ نے ایک 20 سالہ لڑکی پر بہتان باندھ کر اپنی رقیق سیاست کی میں نے آپ کو توجہ یا جواب کے قابل نہ سمجھا مگر آپ اپنی حرکتیں بدلنے کو تیار نہیں تو آپ کو جواب دوں گی تاکہ کسی اور عورت پر بہتان باندھنے سے پہلے 100 مرتبہ سوچیں-
کوک اسٹوڈیو کے سیزن 14 کے گانے پسوڑی کی دھن نے پوری دنیا میں دھوم مچادی ہے پاکستانی گلوکار علی سیٹھی اور گلوکارہ شائی گل نے گایا جس نے پڑوسی ملک میں بھی مقبولیت کے ریکارڈ قائم کردیئے ہیں۔
باغی ٹی وی : ڈچ سنگر ایما ہیسٹرز کے بعد بھارتی ریئلٹی ٹی وی اسٹار اور معروف ریئلٹی شو بگ باس سیزن 13 سے مقبولیت حاصل کرنے والی شہناز گل نے بھی اس گانے کی دھن پر ویڈیو بنانے والوں میں شامل ہوگئی ہیں اداکارہ نے انسٹاگرام پر اپنی تازہ ترین ویڈیواپ لوڈ کی ہے جس میں وہ پسوڑی پر ڈانس کرتی دکھائی دے رہی ہیں-
شیئر کی گئی ویڈیو میں شہناز گل سرخ رنگ کے لباس میں ڈانس کرتی نظر آرہی ہیں۔ ویڈیو کے ساتھ کیپشن میں انہوں نے گانے کی چند سطریں لکھیں، آ چلے لیکر تجھے، ہے جہاں سلسلے۔
واضح رہے کہ شہناز گل سلمان خان کی فلم ’’کبھی عید کبھی دیوالی‘‘میں جلوہ گر ہوں گی سلمان خان نے شہناز کی اداکاری اور معصومیت کی ہمیشہ تعریف کی ہے جبکہ مداحوں کو بھی اداکارہ کی ادائیں بہت پسند ہیں۔
فلم کو ممکنہ طور پر سلمان خان ہی ڈائریکٹ کریں گے سلمان خان کی جانب سے اداکارہ سے فلم میں کام کرنے کے لیے رابطہ کیے جانے کے بعد شہناز گل نے فوراً منظوری دے دی تھی ایک بھارتی ویب سائٹ کے مطابق سلمان خان نے شہناز گل کو کہا ہے کہ وہ فلم میں کام کرنے کی جتنی رقم چاہیں وصول کرسکتی ہیں ہر کوئی جانتا ہے کہ سلمان خان شہناز گل کو بے حد پسند کرتے ہیں وہ بگ باس 13 میں اپنی معصومیت سے سلمان خان کا دل جیتنے میں کامیاب رہی تھیں۔
ممبئی:بالی ووڈ کے سپر اسٹار سلمان خان کے بھائی ، اداکار وفلم ساز سہیل خان نے اپنی اہلیہ ماڈل سیما خان سے شادی کے 24 سال بعد طلاق کا فیصلہ کرلیا ہے۔
باغی ٹی وی : بھارتی میڈیا کی رپورٹ کے مطابق جوڑے کی علیحدگی کی خبریں کافی عرصے سے چل رہی تھیں اور انہوں نے گزشتہ روزعلیحدگی کےلیےعدالت سے رجوع کیاجوڑی کوممبئی کی فیملی کورٹ کے باہر دیکھا گیا جو اپنی اپنی گاڑیوں میں عدالت پہنچے تھے جس کے بعد پتا چلا کہ دونوں نے طلاق کی درخواست جمع کرائی ہے۔
جوڑے کی شادی 1998 میں ہوئی جن کے دو بچے بھی ہیں۔ ذہنی ہم آہنگی اور مزاج کے میل نہ ہونے کے سبب دونوں گزشتہ چند سالوں سے الگ بھی رہ تھے تاہم اب اداکار اور ماڈل نے طلاق لینے کا فیصلہ کیا۔
میڈیا رپورٹ میں یہ بھی کہا گیا ہے کہ جوڑی کے الگ الگ رہنے کے سبب بچے بھی کبھی والد تو کبھی والدہ کے پاس رہتے تھے تاہم اب یہ واضح نہیں ہوسکا کہ طلاق کے بعد بچے کس کے ساتھ رہیں گے۔
سیما سہیل The Fabulous Lives of Bollywood Wives کا بھی حصہ رہ چکی ہیں جس میں دونوں کو علیحدہ رہتے ہوئے دکھایا گیا تھا سیما خان اس سے قبل اعتراف کرچکی ہیں کہ ان کی شادی ایک غیر معمولی شادی ہے اور شو میں جو کچھ دکھایا جارہا ہے وہ قطعی طور تک سچ ہے-
واضح رہےکہ اس سے قبل سلمان خان اورسہیل خان کے بھائی اداکار وفلمساز ارباز خان اور ان کی ڈانسر و اداکارہ ملائکہ اروڑا کے درمیان بھی 19 سال شادی رہنےکےبعد 2017ء میں طلاق ہوئی تھی ملائکہ اروڑا اور ارباز خان نے سال 1998ء میںشادی کی تھی دونوں کے ہاں 2002 میں بیٹے ارہان خان کی پیدائش ہوئی تھی-
ارباز خان سے طلاق کے بعد ملائکہ اروڑا نے بالی ووڈ کے نوجوان اداکار ارجن کپور کے ساتھ قریبی تعلقات قائم کیے، دونوں اداکاروں کی جانب سے کئی بار کہا گیا کہ وہ بہت جلد شادی کرلیں گے۔
عامر لیاقت حسین کی تیسری اہلیہ دانیہ شاہ نے سوشل میڈیا پر اپنا نام تبدیل کرلیا۔
باغی ٹی وی : سماجی رابطے کی ویب سائٹ انسٹاگرام پر دانیہ شاہ کا اکاؤنٹ ’دانیہ عامر‘ کے نام سے تھا تاہم اب اُنہوں نے اپنا تبدیل کرلیا ہے اُنہوں نے انسٹاگرام اکاؤنٹ کا نام تبدیل کرکے ’دانیہ ملک‘ کردیا ہے ساتھ ہی دانیہ شاہ نے اپنے اکاؤنٹ سے عامر لیاقت حسین کے ہمراہ اپنی تمام تصاویر ڈیلیٹ کردی ہیں-
واضح رہے کہ دانیہ شاہ نے عامر لیاقت کے ساتھ تقریباً 4 ماہ تک ازدواجی تعلقات کے بعد تنسیخ نکاح کے لیے دعویٰ دائر کردیا ہے اور اس کےساتھ ہی طلاق لینےکی وجہ بتاتے ہوئے کہا تھا کہ عامر لیاقت نہ صرف نشہ کرتا ہے بلکہ نشے میں دھت ہوکر مجھ پر تشدد بھی کرتا ہے عامرلیاقت عیاش آدمی ہےمیں نےعامرلیاقت کےساتھ بہت اذیت میں وقت گزارا ہےعامر لیاقت مجھےنماز بھی نہیں پڑھنےنہیں دیتا تھا کہتاتھا نماز میں صرف دو رکعتیں ہوتی ہیں یہ کیسا عا لم ہوا جسے نہ عورت کی عزت کا پتہ ہے اور نہ نماز کا لہذا عدالت عامر لیاقت سے تنسیخ نکاح کی ڈگری جاری کرے –
دانیہ شاہ نے عامر لیاقت کے خلاف 11 کروڑ 51 لاکھ، 50ہزار روپےحق مہراور ایک لاکھ روپے ماہانہ بطور نان نفقہ کا دعویٰ کیا ہے تنسیخ نکاح کا دعویٰ فیملی کورٹ میں دائر کیا گیا، فیملی کورٹ نے دعوے پر سماعت 7 جون مقرر کردی۔
