Category: شوبز

ممبئی: عامر خان نے مداح کو اہلخانہ سمیت گھر دعوت پر بُلا لیا-

باغی ٹی وی : بھارتی میڈیا کے مطابق کبھی کبھی خواب حقیقت کا روپ بھی دھار لیتے ہیں، ایسا ہی کچھ ہوا بھارتی انفلوئنسر روہی ڈوسانی کے ساتھ جب انہیں عامر خان نے بیساکھی منانے کے لیے اہل خانہ کے ساتھ اپنے گھر آنے کی دعوت دی۔

سائرہ بانو دلیپ کمارکی موت کے غم سے نہ نکل سکیں، مداح تشویش میں مبتلا، اداکارہ کوخط لکھ دیا

روہی دوسانی اپنے اہل خانہ کے ساتھ بیساکھی منانے کے لیے کینیڈا سے بھارت پہنچی تھیں جہاں عامر خان نے انہیں اپنے گھر آنے کی دعوت دے کر حیرت میں ڈال دیا دونوں نے گانے گاتے ہوئے، بھنگڑے ڈالتے ہوئے بیساکھی منائی جس کی ویڈیو سوشل میڈیا پر وائرل ہوگئی۔

روہی ڈوسانی نے ویڈیو اپنے انسٹاگرام پر شیئر کرتے ہوئے لکھا کہ ابھی تک نہیں معلوم کہ اس احساس کو الفاظ میں کیسے بیان کیا جائے اور اس حقیقت پر عمل کیا جائے کہ عامر خان نے مجھے اور میرے اہل خانہ کے ساتھ وقت گزارنے پر رضامندی ظاہر کی اور اتنے مہربان رہے-

سونم کپور کے گھر کروڑوں کی چوری میں ملوث ملزمہ گرفتار

روہی نے لکھا کہ شروع شروع میں میں بہت گھبرائی ہوئی تھی تاہم عامر خان کی شخصیت نے مجھے اچھا محسوس کرایا، وہ بہت زبردست انسان ہیں اور ان سے بہت کچھ سیکھا جاسکتا ہے۔

روہی ڈوسائی نے مداحوں کا شکریہ اد ا بھی کیا کہا کہ آپ لوگوں کا شکریہ ادا نہیں کر سکتی آپ کی تمام محبتوں اور نیک خواہشات کے لیے – میں اس مقام تک صرف آپ سب کی وجہ سے پہنچی ہوں!

دھوکا دہی اور فراڈ کیس : شلپا شیٹھی کی والدہ کو ضمانت مل گئی

اسلام قبول کرنے والے سابق جنوبی کورین پاپ گلوکار داؤد کم کی عمرے کی سعادت حاصل کرنے کی تصاویر اور ویڈیوز سوشل میڈیا پر وائرل ہو رہی ہیں-

باغی ٹی وی : داؤد کِم کا اصل نام ’جے کِم‘ تھا اور وہ 2019 تک بطور پاپ گلوکارہ پہچانے جاتے تھے، جس کے بعد انہوں نے اپنے آباؤ و اجداد کا مذہب چھوڑ کر اسلام کو قبول کیا داؤد کِم نےستمبر 2019 میں اسلام قبول کیا تھا اور انہوں نے دائرہ اسلام میں داخل ہونے کی ویڈیو بھی یوٹیوب پر جاری کی تھی۔

دائرہ اسلام میں داخل ہونے کے بعد داؤد کِم کو متعدد اسلامی ممالک کے دورے کرتے دیکھا گیا، جہاں وہ مساجد میں بھی گئے جب کہ وہ یوٹیوب پر اسلام اور مسلمانوں کے مسائل پر بھی ویڈیوز شیئر کرتے دکھائی دیئے۔

حال ہی میں داؤد کِم عمرے کی ادائیگی کے لیے سعودیہ عرب پہنچے اور کچھ دن قبل انہوں نے مدینہ منورہ اور مکہ مکرمہ میں موجود مقدس مقامات کی زیارت کی ویڈیوز بھی شیئر کیں۔

داؤد کِم نے عمرے کی سعادت حاصل کرنے کی ویڈیو شیئر کرتے ہوئے خود کو دنیا کا خوش قسمت انسان قرار دیا کہ انہیں مقدس مقامات دیکھنے کی سعادت ملی۔

South Korea's famous #Pop_Singer #Daud_Kim went to perform Umrah for the first time after accepting #Islam.@kimguilfoyle pic.twitter.com/wraqMYTGFB

— Zeeshan Kayyum Bijnor (@KayyumBijnor) April 10, 2022

دائرہ اسلام میں داخل ہونے کے بعد پہلے عمرے کی سعادت حاصل کرنے پر دنیا بھر کے شائقین سمیت پاکستانی مداحوں نے بھی ان کے لیے نیک خواہشات کا اظہار کیا۔

اليوتيوبر الكوري Daud Kim اثناء أدائه لمناسك العمرة بعد اعتتاقة الاسلام و قال " اخيراََ جئت إلى مكة وانا سعيد لأن الله اختارني وأتى بي الي هنا " ⁦❤️⁩ pic.twitter.com/OKyaLSFz0M

— Screen Mix (@ScreenMix) April 12, 2022

دائرہ اسلام میں داخل ہونے کے بعد داؤد کِمِ نے گلوکاری کو خیرباد کہہ کر بطور یوٹیوبر کام شروع کیا اور وہ عام طور پر مسلمانوں اور اسلام سے متعلق جنوبی و شمالی کوریا کے عوام سمیت دیگر لوگوں کے خیالات کی ویڈیوز شیئر کرتے رہتے ہیں۔

داؤد کِمِ اپنے یوٹیوب پر پاکستان سے متعلق مواد اور ولاگ شیئر کرتے رہتے ہیں اور گزشتہ برس رمضان المبارک میں انہوں نے جنوبی کوریا میں موجود پاکستانی افراد کے ساتھ افطاری کرنے کی ویڈیو بھی شیئر کی تھی، جسے کافی پسند کیا گیا تھا۔

با لی ووڈ کے لیجنڈ اداکار دلیپ کمار اس دنیا سے رخصت ہو چکے ہیں دلیپ کمار کی موت کے بعد ان کی اہلیہ سائرہ بانو اکیلی رہ گئی ہیں۔ وہ زیادہ باہر نہیں جاتیں سائرہ بانو نے لوگوں سے رابطے بھی کم کردیئے ہیں وہ اپنے شوہر اور لیجنڈ اداکار دلیپ کمار کی موت کے صدمے سے ابھی تک نہیں نکل پائی ہیں۔

باغی ٹی وی : بھارتی میڈیا رپورٹس کے مطابق بھارتی میڈیا کے مطابق 7 جولائی 2021 کو 98 سال کی عمر میں انتقال کرنے والے دلیپ کمار کی اہلیہ نے حال ہی میں ٹائمز آف انڈیا کو انٹرویو دیا جس میں انہوں نے کہا کہ وہ دلیپ صاحب کے غم سے نکل نہیں پا رہیں اور یہی وجہ ہے کہ وہ گھر سے باہر نکل کر لوگوں میں گھل ملنا نہیں چاہتیں۔

سلمان خان کامیاب انسان ہونے کے باوجود ایک مڈل کلاس شخص ہے، قریبی دوست کا انکشاف

سائرہ بانو نے کہا کہ میں بہت پریشان ہوں، میں اس صدمے سے باہر نہیں نکل سکتی سب کچھ بہت اچھا تھا، ہم دونوں ایک ساتھ تھے مجھے ’صاحب‘ کے ساتھ گھر میں رہنا اچھا لگتا تھا اور اب میں اس وقت تک باہر نہیں نکلنا چاہتی جب تک اُن کے بچھڑنے کا غم ہلکا نہ ہوجائے۔ باہر نکلنے کا کوئی فائدہ نہیں مجھے اپنی زندگی میں ’صاحب‘ کی اشد ضرورت ہے۔

سائرہ بانو انڈسٹری کے لوگوں کی کال کا جواب نہیں دے رہی ہیں جہاں ان کے قریبی ساتھی اداکاروں دھرمیندر، شتروگھن سنہا اور ممتاز نے بھی سائرہ بانو کی موجودہ حالت پر تشویش کا اظہار کیا وہیں سائرہ بانو کے بارے میں ان کے مداح بھی کافی پریشان ہیں جبکہ ایک مداح نے اپنی تشویش میں سائرہ بانو کو خط بھی لکھا ہے۔

ہندو اگرشاہ رخ خان کی فلموں کا بائیکاٹ کردیں، تو وہ سڑکوں پر آجائیں گے ،ہندوانتہا…

مداح نے خط میں لکھا کہ سائرہ جی، آپ کیسی ہیں؟ میں آپ کے لیے اچھی میڈیا رپورٹس نہیں دیکھ رہا ہوں وہ لکھ رہے ہیں کہ آپ افسردہ ہیں اور خود کو تنہا کر لیا ہے اور کوئی فون نہیں اٹھا رہی ہیں۔ میں آپ کے بارے میں اس حوالے کافی پریشان ہوں۔ –

مداح نے خط میں لکھا کہ سائرہ جی، میں کچھ غلط نہیں کہنا چاہتا لیکن آپ کو زندگی کی حقیقت کو قبول کرنا ہوگا۔ کوئی بھی لافانی نہیں، سب کو اس دنیا سے جانا ہے خدا نے دلیپ صاحب کو پوری زندگی دی جو خوشی، کامیابی اور شان و شوکت سے بھرپور تھی۔ ساری دنیا آپ سے پیار کرتی ہے اور جب آپ ناخوش ہوتے ہیں تو وہ بھی اداس ہوتے ہیں۔

مداح نے لکھا کہ اپنے خیر خواہوں کے لیے تنہائی سے باہر آئیں اور اپنی زندگی کو اس دنیا کے ساتھ بانٹیں یہ ایک خیر خواہ کی گزارش ہےجس نے ہمیشہ آپ کے کرداروں کی تعریف کی ہے۔ خدا نے جو بھی زندگی آپ کو دی ہے، آپ کو اسے اپنے آس پاس کے لوگوں کے لیے جینا ہے۔ ساری دنیا آپ کے آس پاس ہے۔

یاد رہے کہ دلیپ کمار کے انتقال کے بعد سائرہ بانو کی طبیعت ٹھیک نہیں ہے۔ کچھ عرصہ قبل طبیعت کی خرابی کے باعث انہیں اسپتال میں داخل کرایا گیا تھا۔

صحافی کا فون چھیننے کا معاملہ: عدالت نے سلمان خان کو طلب کر لیا

نئی دہلی: باولی وڈ کی معروف اداکارہ سونم کپور کے گھر سے ہونے والی کروڑوں روپے کی چوری کے الزام میں ان کی ایک نرس کو شوہر سمیت گرفتار کرلیا گیا –

باغی ٹی وی : بھارتی میڈیا رپورٹس کے مطابق پولیس کا کہنا ہے کہ اپرنا رتھ ولسن اداکارہ کی ساس کی نرس تھیں جبکہ ان کے شوہر نریش کمار ساگر ایک نجی ادارے میں اکاؤنٹنٹ تھے۔

عالیہ اور رنبیرکپور کی شادی کی تقریبات کا آغاز ،سخت سیکیورٹی انتظامات

یہ چوری 11 فروی کو ہوئی تھی اور 23 فروری کو اس کی رپورٹ درج کرائی گئی تھی جس میں کہا گیا تھا کہ تقریباً 2 کروڑ 40 لاکھ روپے کا نقدی اور زیورات چوری کیا گیا ہے۔

سونم کی دادی ساس سرلا آہوجا اپنے بیٹے اور بہو کے ساتھ دہلی کے گھر میں رہتی ہیں۔ گھر میں تقریباً 35 نوکر ہیں جو گھر کا سارا کام کرتے ہیں ان سب سے پولیس نے پوچھ گچھ کی تھی بتایا جا رہا تھا کہ سونم کی دادی ساس سرلا نے 11 فروری کو الماری کھولی تھی جس کے بعد انہیں چوری کا علم ہوا واقعے کی رپورٹ 23 فروری کو سونم کپور اور ان کے شوہر انند اہوجا کے گھر کے مینیجر نے درج کرائی تھیں-

سینیئر پولیس افسر کا کہنا ہے کہ دہلی پولیس کرائم برانچ نے سریتا ویہاڑ کے علاقے میں چھاپہ مار کر ملزمہ اور اس کے شوہر کو گرفتار کرلیا ہے تاہم چوری کیا گیا نقدی اور زیورات بازیاب کرانا اب بھی باقی ہے۔

کترینہ کیف کے” امید” سے ہونے کی خبریں زیرگردش

واضح رہے کہ سونم کپور اور آنند آہوجا اس وقت ممبئی میں ہیں ان دنوں سونم کپور حاملہ ہیں، جس کی وجہ سے یہ جوڑا ممبئی میں مقیم ہے سونم کپور تقریباً چار ماہ کی حاملہ ہیں جوڑے نے خود ہی سوشل میڈیا پر مداحوں کو یہ خوشخبری دی حال ہی میں سونم کپور نے اپنا میٹرنٹی فوٹو شوٹ بھی شیئر کیا۔

ممبئی: دھوکا دہی اور فراڈ کیس میں بالی ووڈ اداکارہ شلپا شیٹھی کی والدہ سنندا شیٹھی کو ضمانت مل گئی-

باغی ٹی وی : بھارتی میڈیا کے مطابق ممبئی کی میٹروپولیٹن مجسٹریٹ کی عدالت نے حال ہی میں اداکارہ شلپا شیٹھی کی والدہ سنندا شیٹھی کو دھوکا دہی اور فراڈ کے ایک کیس میں ان کے خلاف جاری کردہ قابل ضمانت وارنٹ گرفتاری کو منسوخ کرنے کے بعد ضمانت دے دی۔

رپورٹس کے مطابق سنندا شیٹھی نے عدالت میں پیش ہوکر اپنے وارنٹ گرفتاری جو کہ گزشتہ ماہ ان کے کیس کی سماعت کے دوران عدالت میں حاضر نہ ہونے پر اندھیری کے میٹروپولیٹن مجسٹریٹ آر آر خان نے جاری کیے تھے کو منسوخ کرنے کی درخواست دائرکی تھی۔

سنندا کے وکیل نے سماعت سے استثنیٰ کی درخواست کی تھی لیکن عدالت نے درخواست مسترد کرتے ہوئے 1000 روپے کے وارنٹ جاری کردئیے تھے اب عدالت نے انہیں ضمانت پر رہائی کی اجازت دے دی ہے عدالت نے سنندا شیٹھی کی 15 ہزار کے ذاتی مچلکوں کے عوض اور 25000 رو پے کی عبوری ضمانت منظور کرلی ہے۔

آریان خان منشیات کیس کا اہم گواہ دل کا دورہ پڑنے سے جاں بحق

واضح رہے کہ شکایت کنندہ بزنس مین پرہاد امرا نے الزام لگایا ہے کہ شلپا شیٹھی کندرا کے آنجہانی والد سریندر شیٹھی نے ان سے 2015 میں 21 لاکھ روپے بطور قرض لیے تھے جو انہیں جنوری 2017 میں واپس کرنے تھے لیکن انہوں نے ان کے پیسے ادا نہیں کیے اور اب ان کی بیوی اور بیٹیاں بھی انہیں مذکورہ رقم واپس کرنے سے انکار کررہی ہیں-

رواں برس ریلیز ہونے والی بالی ووڈ کی پانچ فلمیں

بالی ووڈ اداکارہ عالیہ بھٹ اور اداکار رنبیر کپور کی شادی کی تقریبات کا آغاز آج سے ہو رہا ہے۔

باغی ٹی وی : بھارتی میڈیا کے مطابق آج اس خوبصورت جوڑی عالیہ اور رنبیر کی ہلدی کی رسم ہوگی جبکہ بھارتی ویب سائٹس اور سوشل میڈیا اس شادی کومکمل کوریج دے رہا ہے جبکہ یہ جوڑی اداکارہ کترینہ کیف اور وکی کوشل کی طرح اپنی شادی کو انتہائی نجی رکھنا چاہتی ہے۔

رنبیر کپوراورعالیہ بھٹ کی شادیاں کی تیاریاں مکمل ،مہمانوں کی فہرست سامنے آ گئی

اسی لیے اس تقریب میں سجاوٹ، اور کھانے پینے کا اہتمام کرنے کے لیے رنبیر کپور کے گھر آنے والے عملے کو سخت سیکیورٹی انتظامات سے گزرنا پڑ رہا ہے۔

سوشل میڈیا پر رنبیر کپور کے گھر کے باہر سے وائرل ہوتی ویڈیو میں دیکھا جا سکتا ہے کہ دو گارڈز ہاتھ میں اسٹیکرز لیے کھڑے ہیں اور گھر کے اندر جانے والے ہر فرد کے موبائل فون کیمرہ پر یہ اسٹیکر چسپاں کیے جا رہے ہیں۔

واضح رہے کہ اس سے قبل بھی عالیہ بھٹ اور رنبیر کپور کی شادی کی سیکیورٹی کے خصوصی انتظامات سے متعلق خبر سامنے آئی تھی جس میں اس شادی کے دوران 200 باؤنسرز اور ڈرونز بھی استعمال کیے جانے کا انکشاف کیا گیا تھا –

ول اسمتھ سے شادی نہیں کرنا چاہتی تھی، مجبور کیا گیا،جاڈا اسمتھ کا حیران کن انکشاف

اس سلسلے میں مہیش بھٹ کے بیٹے راہول بھٹ کا کہنا تھا کہ گارڈز آر کے اسٹوڈیو اور چیمبور میں واقع وستوو میں بھی تعینات کیے جائیں گے، جبکہ پٹرول آفیسرز ہر مہمان پر کڑی نگاہ رکھیں گے۔

بھارتی میڈیا کے مطابق شادی کی اہم تقریب یعنی پھیرے 17 اپریل کو لیے جائیں گے۔

قبل ازیں اداکار رنبیر کپور اور عالیہ بھٹ کی شادی کی خبروں پر سنجے دت کا کہنا تھا کہ اگر رنبیر شادی کر رہا ہے تو میں اس کے لیے بے حد خوش ہوں انہوں نے رنبیر کپور کو جلد بچے پیدا کرنے کا مشورہ دیا اور خوشیوں بھری زندگی کی دعا بھی دی۔

ان کا کہنا تھا کہ عالیہ بھٹ میرے سامنے پیدا اور بڑی ہوئیں، شادی ایک وعدہ ہے جو دو لوگ آپس میں کرتے ہیں اور انہیں اس وعدے کو نبھانا ہوتا ہے-

ممبئی: بالی ووڈ کی معروف اداکارہ کترینہ کیف کے امید سے ہونے کی خبریں سوشل میڈیا پر زیر گردش ہیں۔

باغی ٹی وی : بھارتی میڈیا رپورٹ کے مطابق گزشتہ سال دسمبر میں اداکار وکی کوشال سے رشتہ ازدواج میں منسلک ہونے والی بالی ووڈ اداکارہ کترینہ کیف کی ایئرپورٹ پر بنائی گئی نئی تصاویر اور ویڈیوز وائرل ہوئیں جس پر مداح اُن کے حاملہ ہونے کی قیاس آرائیاں کررہے ہیں۔

بالی ووڈ اداکارہ ایئرپورٹ پر گلابی رنگ کے ڈھیلے ڈھالے کپڑے زیب تن کیے نظر آئیں جبکہ عموماً وہ اس طرح کے ملبوسات زیب تن نہیں کرتیں، لباس کی وجہ سے پرستاروں نے اندازہ لگایا کہ اداکارہ جلد خوشخبری سنائیں گی۔

رنبیر کپوراورعالیہ بھٹ کی شادیاں کی تیاریاں مکمل ،مہمانوں کی فہرست سامنے آ گئی

مداحوں کی جانب سے اداکار جوڑے کو پیشگی مبارک باد کا سلسلہ بھی شروع ہوچکا ہے اور وہ نیک خواہشات و تمناؤں کا اظہار کررہے ہیں۔

ایک سوشل میڈیا صارف نے لکھا کہ اگر کترینہ واقعی حاملہ ہیں تو یہ بہت بڑی خوشخبری ہے، دنیا میں ان کی جیسی کوئی دوسری اداکارہ نہیں ہیں ایک اور مداح کا کہنا تھا کہ مجھے صرف کترینہ کیف کی وجہ سے بالی ووڈ میں دلچسپی ہے جبکہ کترینہ کیف یا وکی کوشال کی جانب سے تصدیق یا تردید نہیں کی گئی ہے۔

واضح رہے کہ کترینہ کیف نے وکی کوشل سے گزشتہ برس 9 دسمبر کو راجھستان میں شادی کی تھی شادی میں قریبی دوستوں اور خاندان کے افراد نے شرکت کی تھی۔

ول اسمتھ سے شادی نہیں کرنا چاہتی تھی، مجبور کیا گیا،جاڈا اسمتھ کا حیران کن انکشاف