Baaghi TV

Category: شوبز

  • کرینہ کپورایک بار پھر ہندو انتہا پسندوں کے نشانے پر

    کرینہ کپورایک بار پھر ہندو انتہا پسندوں کے نشانے پر

    ممبئی: بالی ووڈ اداکارہ کرینہ کپورایک بار پھربھارتی ہندو انتہا پسندوں کے نشانے پر آ گئیں-

    باغی ٹی وی: بھارتی میڈیا کے مطابق کرینہ کپور کے ماتھے پر بندی نہ لگانے پر ہندو انتہا پسند آپے سے باہر ہوگئے اور اس عمل کو ہندو رسم ورواج ختم کرنے کی سازش قرار دے دیا اور عوام سے اداکارہ کا بائیکاٹ کرنے کا مطالنہ کیا-

    سوشل میڈیا پرشدید تنقید،اکشے کمارنےگٹکےکےاشتہارمیں کام کرنے پرمعذرت کر لی

    بھارتی میڈیا کے مطابق بالی ووڈ اداکارہ نے جیولری کے برانڈ کے لیے ایک اشتہار میں کام کیا اور اس دوران وہ پوسٹر میں بغیر بندی کے نظر آئیں جس پر انتہا پسند آگ بگولہ ہوگئے۔

    بھارتی میڈیا کے مطابق برانڈ کی مارکیٹنگ کے لیے اشتہار میں کرینہ کپور نے مختلف رنگ کا عروسی لہنگا زیب تن کیا اور سونے کی جیولری پہنی۔


    https://twitter.com/Kunal_Thakur1/status/1517363355111272448?s=20&t=xMdZXLwqQ4FOAQhxabZf2w

    سونم کپور کے گھر کروڑوں کی چوری میں ملوث ملزمہ گرفتار

    واضح رہے کہ اس سے قبل بھی بیٹوں کے نام مسلمان بادشاہوں کے ناموں پر رکھنے کی وجہ سے اداکارہ کئی مرتبہ ہندو انتہا پسندوں کے نشانے پر آ چکی ہیں-

  • یشما گل نے عمرے کی سعادت حاصل کرلی،غلاف کعبہ بھی تحفے میں مل گیا

    یشما گل نے عمرے کی سعادت حاصل کرلی،غلاف کعبہ بھی تحفے میں مل گیا

    کراچی: پاکستانی اداکارہ یشما گل نے عمرے کی سعادت حاصل کرلی اور انہیں غلاف کعبہ بھی تحفے میں مل گیا۔

    باغی ٹی وی : اداکارہ نے سماجی رابطے کی ویب سائٹ انسٹاگرام پر کچھ تصاویر اور ویڈیو پوسٹ کیں جن میں انہیں غلاف کعبہ ہاتھ میں پکڑے دیکھا جاسکتا ہے۔

    سینیما کی بحالی کے بعد کتنے کروڑ سعودی شہری فلم دیکھ چکے ہیں؟

    اپنی پوسٹ کے ساتھ انہوں نے لکھا کہ ’میں بتا نہیں سکتی کہ میں کیسا محسوس کر رہی ہوں۔ ان جذبات کو الفاظوں میں نہیں ڈھالا جاسکتا۔ حقیقت یہ ہے کہ کہ اللہ نے مجھے اپنے گھر آنے کا موقع دیا وہ بھی رمضان المبارک میں بےشک وہ ہر چیز پے قادر ہے سب کچھ اللہ سبحانہ و تعالیٰ کی مرضی سے ہوتا ہے۔

    ان کا کہنا تھا کہ میرے اور میرے اہل خانہ کے لیے عمرہ ممکن ہوا،اللہ نے ہی مجھے ایسے لوگوں سے ملوایا جن سے ملاقات میری خوش نصیبی ہے اور انہوں نے مجھے دین کے بارے میں بہت کچھ بتایا اور سب سے بڑھ کر واپسی پر مجھے ایک تحفہ دیا جو اللہ کے گھر کا ایک حصہ ہے اور مجھے اس کے قریب کرتا ہے۔

    مایا علی اور عثمان خالد بٹ نے شادی اور دو بچوں کی خبروں پر خاموشی توڑ دی

    انہوں نے کہا کہ مجھے نہیں معلوم کہ میں نے ایسا کیا کیا کہ میں اس لائق ہوئی مگر دعا ہے کہ اللہ مجھ سے راضی رہے اور سیدھے راستے پر چلائے آمین۔

    خیال رہے کہ چند روز قبل اداکارہ یشما گل عمرہ کرنے کے لیے سعودی عرب روانہ ہوئی تھیں۔

    یشما گل کے مداحوں اور ساتھی اداکاروں کی جانب سے اداکارہ کو عمرہ کی سعادت حاصل کرنے کی مبارک باد دی جارہی ہے۔

    بیٹی سے متعلق صاحبہ کے بیان پر فنکاروں کا ردعمل

    قبل ازیں رمضان المبارک کے بابرکت مہینے میں معروف ٹک ٹاکر حریم شاہ بھی اپنے شوہر بلال شاہ کے ہمراہ عمرہ ادائیگی کے لیے سعودی عرب پہنچیں تھیں انسٹاگرام اکاؤنٹ پر ٹک ٹاکر حریم شاہ نے چند ویڈیوز جاری کی تھیں جس میں انہوں نے برقع پہنے اور چہرے کو ماسک سے ڈھانپ رکھا تھا جبکہ حریم شاہ کے شوہر بلال شاہ نے احرام پہن رکھا تھا-

    دوسری جانب دینِ اسلام کے لیے اپنی زندگی وقف کرنے کی خاطر بالی ووڈ کو خیر باد کہنے والی سابق اداکارہ ثنا خان نے شوہر مفتی انس سید کے ہمراہ عمرے کی سعادت حاصل کرلی ہے ثنا خان نے سماجی رابطے کی فوٹو اور ویڈیو شیئرنگ ایپ انسٹاگرام پر شوہر کے ساتھ تصویر شیئر کی تھی جس میں دونوں مسجد الحرام میں خانہ کعبہ کے سامنے کھڑے دیکھے جاسکتے ہیں۔

    آغا علی نے اپنی اور حنا الطاف کی علیحدگی کی خبروں پر خاموشی توڑ دی

    سابق اداکارہ نے کیپشن میں لکھا تھا الحمداللہ، اللہ کی مدد سے ہم نے عمرے کی ادائیگی مکمل کرلی ہے، اللہ ہم سب کے عمرے کی ادائیگی اور عبادات کو قبول فرمائے، جو لوگ اب تک یہاں نہیں آسکے ان کے لیے اللہ دروازے کھولے۔

    علاوہ ازیں بھارتی ماڈل گوہر خان نے بھی اپنے شوہر زید دربار کے ساتھ عمرے کی سعادت حاصل کر لی ہے-

    دائرہ اسلام میں داخل ہونے والےسابق جنوبی کورین پاپ گلوکار کی عمرے کی تصاویر سوشل…

  • مائیکل ڈگلس کابیٹی کیریز زیٹا کو سالگرہ پر دل کو چھونے والے پیغام

    مائیکل ڈگلس کابیٹی کیریز زیٹا کو سالگرہ پر دل کو چھونے والے پیغام

    لندن: مائیکل ڈگلس کابیٹی کیریز زیٹا کو سالگرہ پر دل کو چھونے والے پیغام ،اطلاعات کے مطابق مائیکل ڈگلس نے بیٹی کیریز زیٹا کو سالگرہ پر دل کو چھونے والے پیغام کے ساتھ مبارکباد دی۔

    مائیکل ڈگلس نے اپنی بیٹی کیریز زیٹا پر اس کی 19ویں سالگرہ پر ایک دل دہلا دینے والے صوتی پیغام کے ساتھ محبت کا اظہار کیا۔

    انسٹاگرام پر جاتے ہوئے، جان لیوا کشش اداکارنےایک خوبصورت خواہش کےساتھ اپنی بیٹی کی ایک خوبصورت تصویرشیئرکی۔ “سالگرہ مبارک ہو میری کیریز زیٹا!” اداکار کو وائس میمو میں یہ کہتے ہوئے سنا جا سکتا ہے۔

    اس نے مزید کہا، “یہ تمہارا بوڑھا آدمی ہے! آپ کے بارے میں چمک رہا ہے، آپ پر بہت فخر ہے اور آپ کو ایک عظیم نئے سال کی خواہش ہے!”

    “یہ شاندار ہونے والا ہے اور آپ بہترین ہیں۔ میں تم سے پیار کرتا ہوں!” مائیکل نے ان کلمات کے ساتھ یہ پیغام بھیجا اوربیٹی کے لیے خوشیوں بھرا جہاں بنا دیا

    تصویر میں، 19 سالہ سالگرہ کی لڑکی سفید کوٹ کے ساتھ دلکش نظر آرہی ہے اور اس کے کندھے پر اس کے مکمل بھورے بال پڑے ہیں۔کیریس نے تبصرے کے سیکشن میں اپنے والد کی تعریف کی جب اس نے دلی خراج تحسین کے لیے اظہار تشکر کیا۔

    اس نے لکھا، “بہت شکریہ دادا! آپ دنیا کے سب سے شاندار والد اور پریرتا ہیں۔

    کیریز نے مزید کہا، “آپ جو کچھ میرے لیے کرتے ہیں اس کے لیے آپ کا شکریہ، میں آپ سے بہت پیار کرتا ہوں۔مائیکل کی بیوی اور کیریز کی والدہ، کیتھرین زیٹا جونز نے تصویر پر “محبت” کا تبصرہ کرتے ہی دلوں کو گرا دیا

  • سوشل میڈیا پرشدید تنقید،اکشے کمارنےگٹکےکےاشتہارمیں کام کرنے پرمعذرت کر لی

    سوشل میڈیا پرشدید تنقید،اکشے کمارنےگٹکےکےاشتہارمیں کام کرنے پرمعذرت کر لی

    ممبئی: نشہ آور اشیاء سے دوری اختیار کرنے والے بالی ووڈ اداکار اکشے کمار کی گٹکے کے اشتہار میں انٹری پر سوشل میڈیا صارفین بھڑک اٹھے یہاں تک کہ اداکار کو اشتہار میں کام کرنے پر معذرت کرنی پڑی-

    با غی ٹی وی : بالی ووڈ اداکار اکشے کمار، اجے دیوگن اور شاہ رخ خان نے ایک گٹکے کے اشتہار میں کام کیا جس کی ویڈیو ریلیز ہوتے ہی ناقدین نے اکشے کمار کو آڑے ہاتھوں لےلیا۔

    سوشل میڈیا صارفین کی جانب سے اکشے کمار کو تنقید کا نشانہ اس لیے بنایا جارہا ہے کیوںکہ وہ سگریٹ، شراب اور منشیات سے دور رہتے ہیں اکشے کمار بالی ووڈ کے واحد اداکار ہیں جو صبح 4 بجے اٹھتے ہیں 5 بجے شوٹنگ کیلئے سیٹ پر پہنچ جاتے ہیں۔

    سوشل میڈیا صارفین کا کہنا ہے کہ اکشے کمار کا جملہ ہے کہ ’ایک سگریٹ کے پیسوں سے تم دو زندگیاں خرید سکتے ہو‘ اور وہ خود گٹکے کے اشتہار میں کام کررہے ہیں۔


    بالی ووڈ اداکار نے 2018 میں کہا تھا کہ مجھے گٹکا کمپنیز سے متعدد مرتبہ بھاری معاوضے کے عوض پیشکش ہوئی اشتہار میں کام کرنے کی مگر میں غلط کام نہیں کروں گا۔

    تاہم اب حال ہی میں اداکار کو گٹکے کے اشتہار میںدیکھ کر سوشل میڈیا صارفین بھڑک گئے تھے اور اداکار پر غصے کا اظہار کیا تھا جب تنقید حد سے بڑھ گئی تو اکشے کمار نے ٹوئٹر پر ایک نوٹ شیئر کیا جس میں انہوں نے گٹکے کے اشتہار میں کام کرنے پر معافی مانگی ہے۔


    اکشے کمار نے لکھا کہ میں اپنے مداحوں، خیرخواہوں اور آپ تمام لوگوں سے معافی مانگتا ہوں پچھلے کچھ دنوں میں آپ لوگوں کی جانب سے ملنے والے ردعمل نے مجھے بے حد متاثر کیا اگرچہ میں تمباکو کی توثیق نہیں کرتا اور نا ہی کروں گا میں ویمل الائچی کے ساتھ اپنی وابستگی کی روشنی میں آپ کے جذبات کے اظہار کا احترام کرتا ہوں۔

    اکشے کمار نے گٹکے کے اشتہار میں کام کرنے پرافسوس کا اظہار کرتے ہوئے کہا پوری عاجزی کے ساتھ میں پیچھے ہٹتا ہوں اور اس اشتہار میں کام کے لیے ملنے والی پوری فیس کو میں نے ایک اچھے مقصد کے لیے استعمال کرنے کا فیصلہ کیا ہے۔

    انہوں نے کہا کہ برانڈ اس معاہدے کی قانونی مدت تک اشتہارات نشر کرنا جاری رکھ سکتا ہے، لیکن میں وعدہ کرتا ہوں کہ میں مستقبل میں اشتہارات کے انتخاب میں انتہائی محتاط رہوں گا بدلے میں ہمیشہ آپ کی محبت اور نیک تمناؤں کا طلبگار رہوں گا۔ اکشے کمار‘‘۔

  • بیٹی سے متعلق صاحبہ کے بیان پر فنکاروں کا ردعمل

    بیٹی سے متعلق صاحبہ کے بیان پر فنکاروں کا ردعمل

    کراچی: پاکستان کی ماضی کی معروف اداکارہ اور مقبول ترین اداکار جان ریمبو کی اہلیہ صاحبہ کے بیٹی سے متعلق دئیے گئے بیان پر فنکاروں کی جانب سے شدید ردعمل سامنے آیا ہے-

    باغی ٹی وی : اداکارہ صاحبہ حال ہی میں اپنے شوہر افضل خان المعروف جان ریمبو کے ہمراہ ندا یاسر کے شو میں شریک ہوئیں۔ جہاں ان کا بیٹی سے متعلق دیا گیا بیان سوشل میڈیا پر خوب وائرل ہورہا ہے۔

    شُکرگزار ہوں کہ اِس زمانے میں اللہ نے بیٹی نہیں دی، اداکارہ صاحبہ

    بیٹی سے متعلق سوال پرریمبو نے کہا تھا کہ ‘بالکل، مجھے بیٹی کی کمی بہت محسوس ہوتی ہے، جب رات کو دونوں بیٹے صاحبہ سے مل کر چلے جاتے ہیں تو میں کہتا ہوں کہ بیٹا میں بھی باپ ہوں تمہارا ۔

    اداکار نے مزید کہا تھا کہ جب میں ساتھی اداکار اور دوست شان شاہد کی بیٹیوں یا سعود کی بیٹی جنت کو دیکھتا ہوں، اس وقت بہت احساس ہوتا ہے، وہ لوگ اپنی بیٹیوں سے بہت محبت کرتے ہیں۔

    جبکہ اداکارہ صاحبہ نے ندا یاسر کے شو میں کہا تھا کہ انہیں شوق تھا کہ ان کے صرف بیٹے ہوں، بیٹی نا ہو۔ اللہ نے مجھے اس زمانے میں بیٹی نہیں دی تو میں خدا کا شکر ادا کرتی ہوں۔

    اداکارہ صاحبہ نے بیٹی کی خواہش نہ ہونے کی وجہ بتاتے ہوئے کہا تھا کہ بیٹیوں پر دباؤ بہت زیادہ ہوتا ہے، بیٹیاں زندگی بھر کبھی اپنی من منانی کرہی نہیں سکتیں، پہلے والدین کا اور پھر شوہر کا پریشر۔ لڑکیوں کی اپنی کوئی مرضی اور اپنی کوئی زندگی نہیں ہوتی۔

    مایا علی اور عثمان خالد بٹ نے شادی اور دو بچوں کی خبروں پر خاموشی توڑ دی

    اداکارہ صاحبہ کا یہ بیان سوشل میڈیا پر وائرل ہوگیا اور جہاں صارفین نے اداکارہ کو خوب آڑے ہاتھوں لیا وہیں اداکاروں نے بھی شدید ردعمل دیا-

    اداکارہ کرن تعبیر نے صاحبہ کے بیٹیوں سے متعلق بیان پر کہا کہ اللہ بیٹی بھی ان کو دیتا جو اس قابل ہوتا، افسوس ہوا ہماری آج کی عورت کی ایسی سوچ دیکھ کر۔

    اداکار معمر رانا نے صاحبہ کا نام لیے بغیر ان کے بیان پر ردعمل دیتے ہوئے انسٹاگرام پر بیٹیوں کے ہمراہ اپنی تصویریں پوسٹ کیں۔ اداکار معمر رانا کی بیوی نے بھی اس بات کا شکر ادا کیا کہ وہ 2 بیٹیوں کی ماں ہیں اس کے علاوہ انہوں نے حضورﷺ کی ایک حدیث بھی شیئر کی وہ عورت خوش قسمت ہے جس کی پہلی اولاد بیٹی ہوتی ہے-

    آغا علی نے اپنی اور حنا الطاف کی علیحدگی کی خبروں پر خاموشی توڑ دی

  • سینیما کی بحالی کے بعد کتنے کروڑ سعودی شہری فلم دیکھ چکے ہیں؟

    سینیما کی بحالی کے بعد کتنے کروڑ سعودی شہری فلم دیکھ چکے ہیں؟

    ریاض: سینیما بحالی کے بعد کتنے کروڑ سعودی شہری فلم دیکھ چکے ہیں؟ سعودی پریس ایجنسی نے اعداد و شمار جاری کر دیئے ہیں-

    باغی ٹی وی : سعودی پریس ایجنسی نے دعویٰ کیا ہے کہ سنیما آباد ہونے کے بعد سے باکس آفس پر 4 سالوں میں 3 کروڑ 8 لاکھ افراد ٹکٹس خرید چکے ہیں۔

    رپورٹ کے مطابق سعودی حکومت نے 56 تھریٹرز کو 20 شہروں میں لائسنس جاری کیا ہے جہاں 518 اسکرینیں نصب کی گئی ہیں جہاں اب تک چار سالوں میں 1 ہزار 144 فلمیں دیکھائی گئی ہیں جس میں 22 سعودی فلمیں شامل ہیں۔

    ایجنسی کے اعدادو شمار کے مطابق 4 سالوں میں سنیما کے ٹکٹس خریدنے والوں کی کل تعداد 3 کروڑ 86 لاکھ سے زائد ہے جبکہ نشر کی گئی فلمیں 22 زبانوں میں 38 ممالک کی تھیں۔

    واضح رہے کہ سعودی عرب میں سنیما کی بحالی سے 4 ہزار سے زائد مرد و خواتین کو ملازمتوں کے مواقع میسر ہوئے ہیں جبکہ انہیں مزید ملازمتیں ملنے کی امید ہے ولی عہد محمد بن سلمان کے سعودی وژن 2030 کے اہداف میں سینما انڈسٹری میں مزید ہزاروں نوکریاں پیدا کرنا بھی شامل ہے۔

    بابا صدیقی کی افطار پارٹی میں خانز کے چرچے

    سعودی عرب میں سینما گھر کھولنے کی اجازت دیئے جانے کے بعد چار سالوں میں 44 سینما کھل چکے ہیں مملکت میں پہلا سینما 18 اپریل 2018 کو ریاض میں کھلا تھا جبکہ آخری 2 سینما 19 اگست 2021 کو ریاض اور طائف میں کھولے گئے-

    سعودی وزارت اطلاعات و نشریات کی جانب سے گزشتہ برس ستمبر میں جاری کی جانےوالی رپورٹ میں بتایا گیا تھا کہ سعودی عرب کے 13 میں سے 9 صوبوں میں سینما کھل چکے ہیں جن میں سے 21 ریاض، 9 مکہ مکرمہ ریجن اور 8 مشرقی ریجن میں واقع ہیں مملکت بھر میں کھولے جانے والے ان سینماؤں کی مالک 5 کمپنیاں ہیں سعودی عرب میں سینما کا سب سے زیادہ افتتاح 2018 سے 2021 کے دوران اگست میں ہوا ہر سال اگست میں 10 سینما کھولے گئے۔

    عامر خان نے مداح کو اہلخانہ سمیت گھر دعوت پر بُلا لیا

    خیال رہے کہ 2019 میں سینما گھروں کی تعداد 12 تھی جو 2020 میں بڑھ کر 33 تک پہنچی اوربعد ازاں ستمبر 2021 تک 44 ہوگئی سعودی عرب نے 35 برس کے بعد ملک میں سینما گھر کھولنے کی اجازت دیتے ہوئے پہلا لائسنس امریکی کمپنی اے ایم سی انٹرٹینمنٹ کو جاری کیا تھا۔

    18 اپریل 2018 کو ریاض میں پہلے سینما گھر کی تقریب رونمائی ہوئی تھی جبکہ سینما کو عوام کے لیے کھولنے سے قبل آزمائشی طور پر کامیاب ترین فلم ’بلیک پینتھر‘ کی اسکریننگ بھی کی گئی تھی۔

    یاد رہے کہ مذہبی حلقوں کی جانب سے سینما گھروں کو بے حیائی کے فروغ اور معاشرے کے لیے نامناسب سمجھا جاتا تھا، جس کے بعد 1980 کی دہائی میں اس پر پابندی عائد کی گئی تھی تاہم ان کی دوبارہ بحالی کو اصلاحات پسند ولی عہد محمد بن سلمان کی جدت پسند ریاست کا ایک حصہ کہا گیا کیونکہ تیل کی قیمتوں میں عدم استحکام اور معیشت پر اس کے اثرات کے باعث سعودی ولی عہد کی جانب سے اس طرح کی مختلف اصلاحات متعارف کروائی گئی تھیں۔

    یوکرینی صدرولادیمیر زیلنسکی کی گریمی ایوارڈز کی تقریب میں شرکت

  • مایا علی اور عثمان خالد بٹ نے شادی اور دو بچوں کی خبروں پر خاموشی توڑ دی

    مایا علی اور عثمان خالد بٹ نے شادی اور دو بچوں کی خبروں پر خاموشی توڑ دی

    اداکارہ مایا علی اور اداکار عثمان خالد بٹ نے دونوں کی شادی اور دو بچوں کی خبروں پر خاموشی توڑ دی ہے-

    باغی ٹی وی : اداکارہ مایا علی ساتھی اداکار عثمان خالد بٹ کے ہمراہ ندا یاسر کے شو میں شریک ہوئیں، جہاں انہوں نے دیگر سوالات کے علاوہ اپنی شادی کے حوالے سے گردش کرنے والی افواہوں پر کھل کر بات کی اور جوابات دیئے-

    مایا علی نے بتایا کہ ان کی عثمان خالد بٹ کے ساتھ شادی کی خبریں ابھی سے نہیں بلکہ کئی برس پہلے جب ان دونوں کا ڈراما ’’عون زارا‘‘ نشر ہوا تھا اس وقت سے میڈیا میں گردش کررہی ہیں۔

    آغا علی نے اپنی اور حنا الطاف کی علیحدگی کی خبروں پر خاموشی توڑ دی

    ساتھ ہی مایا علی نے اس حوالے سے ایک دلچسپ واقعہ بتاتے ہوئے کہا کہ جب ان دونوں کے ڈرامے ’’عون زارا‘‘ کا پوسٹر جاری ہوا تھا تو ان کی والدہ کو بھی لگا تھا کہ ہم نے سچ میں شادی کرلی ہے اور انہوں نے فون کرکے مجھے خوب ڈانٹا تھا۔

    اداکار عثمان خالد بٹ نے مایا کی بات میں اضافہ کرتے ہوئے کہا کہ سرچ انجن گوگل اور وکی پیڈیا پر ہمارے بارے میں نا صرف یہ لکھا ہوا ہے کہ ہم دونوں شادی شدہ ہیں بلکہ یہ بھی لکھا ہوا ہے کہ ہمارے دو بچے بھی ہیں۔

    مایا علی اور عثمان خالد بٹ نے اپنی شادی اور بچوں کی افواہوں کی تردید کرتے ہوئے کہا کہ ہم دونوں بہت اچھے دوست ہیں، میاں بیوی نہیں اور نا ہی ہمارے بچے ہیں۔

    شُکرگزار ہوں کہ اِس زمانے میں اللہ نے بیٹی نہیں دی، اداکارہ صاحبہ

  • شُکرگزار ہوں کہ اِس زمانے میں اللہ نے بیٹی نہیں دی، اداکارہ صاحبہ

    شُکرگزار ہوں کہ اِس زمانے میں اللہ نے بیٹی نہیں دی، اداکارہ صاحبہ

    اداکارہ صاحبہ کا کہنا ہے کہ شکر ہے اِس زمانے میں اللہ نے بیٹی نہیں دی-

    باغی ٹی وی : پاکستان فلم انڈسٹری کی معروف جوڑی صاحبہ اور افضل خان المعروف جان ریمبو حال ہی میں اپنے دونوں بیٹوں کے ہمراہ نجی ٹی وی پر میزبان ندا یاسر کے پروگرام میں شریک ہوئے۔

    آغا علی نے اپنی اور حنا الطاف کی علیحدگی کی خبروں پر خاموشی توڑ دی

    دوران انٹرویو میزبان ندا یاسر نے اداکار جوڑے سے مداحوں کی جانب سے پوچھے گئے سوالات کے جواب دیئے جن میں سے ایک سوال یہ تھا کہ ‘آپ کے دو بیٹے ہیں کیا کبھی آپ کو بیٹی کی کمی محسوس ہوئی؟’ جواب میں ریمبو نے کہا کہ ‘بالکل، مجھے بیٹی کی کمی بہت محسوس ہوتی ہے، جب رات کو دونوں بیٹے صاحبہ سے مل کر چلے جاتے ہیں تو میں کہتا ہوں کہ بیٹا میں بھی باپ ہوں تمہارا’۔

    اداکار نے مزید کہا کہ جب میں ساتھی اداکار اور دوست شان شاہد کی بیٹیوں یا سعود کی بیٹی جنت کو دیکھتا ہوں، اس وقت بہت احساس ہوتا ہے، وہ لوگ اپنی بیٹیوں سے بہت محبت کرتے ہیں۔

    کترینہ کیف کے” امید” سے ہونے کی خبریں زیرگردش

    اس موقع پر صاحبہ نے کہا لیکن مجھے ہمیشہ سے شوق تھا کہ میرے بیٹے ہوں، اس زمانے میں اللہ نے بیٹی نہیں دی جس کی میں شکر گزار ہوں ساتھ ہی اداکارہ نے اپنی بات کی وضاحت پیش کی اور کہا کہ بیٹی پر معاشرے کا دباؤ بہت زیادہ ہوتا ہے، زندگی بھر وہ اپنی من مانی کر ہی نہیں سکتی، پہلے والدین اور پھر شوہر کی مرضی، مجھے لگتا ہے کہ لڑکیوں کی اپنی زندگی نہیں ہوتی-

    صاحبہ نے کہا کہ مجھے لگتا ہے لڑکے اپنی مرضی باآسانی کرسکتے ہیں اور میرا دل کرتا ہے کہ میں بھی ایک لڑکا ہوتی اور اپنی مرضی کرتی۔

    واضح رہے کہ ریمبو اور صاحبہ کے دو بیٹے ہیں جن کے نام احسن خان اور زین خان ہیں۔

    ثناء جاوید کیخلاف سوشل میڈیا پر مہم چلانے کا کوئی ثبوت نہیں ملا،سائبر کرائم ونگ

  • عدالت نےمنشیات کیس میں رہا ہونیوالی غیر ملکی ماڈل کو بیرون ملک جانے سے روک دیا

    عدالت نےمنشیات کیس میں رہا ہونیوالی غیر ملکی ماڈل کو بیرون ملک جانے سے روک دیا

    اسلام آباد: سپریم کورٹ نے منشیات کیس میں جمہوریہ چیک سے تعلق رکھنے والی ماڈل ٹریزا کو بیرون ملک جانے سے روک دیا۔

    باغی ٹی وی : تفصیلات کے مطابق عدالت نے کسٹم کی اپیل پر غیر ملکی ماڈل کو نوٹس جاری کردیا، سپریم کورٹ میں جمہوریہ چیک سے تعلق رکھنے والی ماڈل ٹریزا کے خلاف منشیات کیس کی سماعت ہوئی-

    اے این ایف کی کاروائی :ایمبولینس کے ذریعے منشیات اسمگلنگ کی کوشش ناکام

    دوران سماعت کسٹم کے وکیل وقار اے شیخ نے موقف اختیار کیا کہ ٹرائل کورٹ نے ملزمہ ٹریزا کو منشیات کیس میں 8 سال کی سزا سنائی تھی، لیکن اپیلیٹ عدالت نے ملزمہ کو بری کردیا تھا جس کے خلاف ہم نے اپیل دائر کی ہے، تاہم ملزمہ نے وطن واپسی کا ٹکٹ کروا لیا ہے اور 23 اپریل کو وہ بیرون ملک روانہ ہو جائے گی۔

    جسٹس اعجاز الااحسن کی سربراہی میں تین رکنی بینچ نے کسٹم کی اپیل پر ماڈل کو نوٹس جاری کرکے سماعت 20 اپریل تک ملتوی کردی۔

    حریم شاہ بڑی مشکل میں پھنس گئی

    واضح رہے کہ نومبر 2021 میں لاہور ہائیکورٹ نے منشیات کیس میں 8 سال قید کی سزا پانے والی ٹریزا ہلیسکووا کو بری کردیا تھا ہائی کورٹ کے دو رکنی بنچ نے منشیات کیس میں ماڈل ٹریزا کی سزائے قید کے خلاف اپیل کی سماعت کی تھی عدالت نے تفصیلی دلائل سننے کے بعد فیصلہ سناتے ہوئے ٹریزا کی سزا کے خلاف اپیل منظور کی تھی-

    قبل ازیں ٹرائل کورٹ نے ماڈل ٹریزا کو منشیات کیس میں قید کی سزا سنائی تھی جسے ٹریزا نے لاہور ہائیکورٹ میں چیلنج کردیا تھا۔ یورپی ملک چیک ری پبلک سے تعلق رکھنے والی ماڈل ٹریزا کو 10 جنوری 2018 کو ساڑھے 8 کلو ہیروئن بیرون ملک اسمگل کرنے کی کوشش میں لاہورایئر پورٹ سے متحدہ عرب امارات جاتے ہوئے گرفتار کیا گیا تھا۔

    آریان خان منشیات کیس کا اہم گواہ دل کا دورہ پڑنے سے جاں بحق

  • بابا صدیقی کی افطار پارٹی میں خانز کے چرچے

    بابا صدیقی کی افطار پارٹی میں خانز کے چرچے

    کورونا دور کے بعد رمضان المبارک میں اب افطار پارٹیوں کا دور بھی جاری ہے اتوار کو ممبئی میں سیاست دان روایتی افطار پارٹی میں بالی وڈ کے سلطان سلمان خان نے شرکت کی جس کی تصاویر وائرل ہوگئیں۔

    باغی ٹی وی : بھارتی میڈیا کے مطابق سیاست دان بابا صدیقی کی روایتی افطار پارٹی ہر سال منعقد کی جاتی ہے جس میں بالی وڈ کی بڑی بڑی شخصیات شرکت کرتی ہیں بابا صدیقی کی روایتی افطار پارٹی بالی ووڈ کا ایک بڑا ایونٹ بن چکی ہے اس بار افطار پارٹی میں سلمان خان نے اپنے والد سلیم خان کے ساتھ شرکت کی کورونا وائرس کی وبا کے باعث پچھلے دو سال افطار پارٹی کا انعقاد نہیں کیا گیا تھا –

    سائرہ بانو دلیپ کمارکی موت کے غم سے نہ نکل سکیں، مداح تشویش میں مبتلا، اداکارہ کوخط لکھ دیا

    ممبئی کے مقامی ہوٹل میں منعقد افطار پارٹی میں سیاسی و سماجی شخصیات کے ساتھ ساتھ سلمان خان ، ان کے والد سلیم خان، ارباز خان سمیت بہنیں بھی شریک تھے افطار پارٹی میں انیل کپور، شترو گھن سنہا، رمیش تورانی، علی عباس ظفر، سنیل شیٹھی، تشار کپور، رتیش دیش مکھ سمیت کئی اداکار شامل تھے۔

    صحافی کا فون چھیننے کا معاملہ: عدالت نے سلمان خان کو طلب کر لیا

    بابا صدیقی کی جانب سے جاری کردہ بیان میں کہا گیا کہ بھارت میں کورونا کی وبا کے سبب دو سال اس کا انعقاد نہیں کیا گیا، دو سالوں میں، میں نے اس پروگرام کو یاد کیا، ہماری فیملی اب پارٹی کے انعقاد کے لیے تیار ہے۔ افطار پارٹی میں بالی وڈ فنکاروں کے علاوہ اہم شخصیات اور سیاست دانوں نے بھی شرکت کی-

    سعودی وزیر ثقافت شہزادہ بدرکی بالی ووڈ اسٹارز سے ملاقاتیں