ممبئی: آریان خان منشیات کیس میں اینٹی نارکوٹکس کنٹرول بیورو کا آزاد گواہ پربھاکرسائل دل کا دورہ پڑنے سے 36 برس کی عمر میں ہلاک ہوگیا۔

باغی ٹی وی : بھرتی میڈیا رپورٹس کے مطابق پربھاکر سائل کے وکیل تشار کھنڈارے نے بتایا کہ منشیات کیس کے آزاد گواہ پربھاکر سائل کو ان کی رہائش گاہ پر دل کا شدید دورہ پڑا جس کے باعث وہ جمعے کو چل بسا-

آریان خان کیس : این سی بی نے چارج شیٹ کیلئے مزید 90 دن کی مہلت مانگ لی

بھارتی میڈیا کے مطابق پربھاکر سائل اس کیس کے ایک اور گواہ کے پی گوساوی کا باڈی گارڈ تھا پربھاکر سائل نے اس وقت میڈیا کی توجہ حاصل کی جب اس نے اپنے حلفیہ بیان میں دعویٰ کیا تھا کہ نارکوٹکس کنٹرول بیورو کے زونل ڈائریکٹر سمیر وانکھیڑے نے آریان خان کی رہائی کے لیے 25 کروڑ روپے کا مطالبہ کیا تھا۔

رپورٹس کے مطابق پربھاکر سائل نے دعویٰ کیا تھا کہ اس نے کے پی گوساوی کو 25 کروڑ روپے کے مطالبے پر بات کرتے ہوئے سنا تھا یہ معاملہ 18 کروڑ میں فائنل ہونا تھا جس میں سے 8 کروڑ روپے مبینہ طور پر این سی بی کے زونل ڈائریکٹر سمیر وانکھیڑے کو ادا کیے جانے تھے اور باقی 10 کروڑ آپس میں بانٹنے کی بات ہورہی تھی۔

آریان خان منشیات کیس:این سی بی تفتیش کاروں کی شاہ رخ خان سے کروڑوں روپے رشوت طلب

اس کے علاوہ پربھاکر سائل نے یہ بھی دعویٰ کیا تھا کہ چھاپے کے دوران وہ بھی کروز پر موجود تھا۔ این سی بی نے اس سے خالی کاغذات (پنچ نامے) پر سائن کرنے کے لیے کہا تھا اسے آرین یا کسی اور کی گرفتاری کا علم نہیں تھا –

ڈی سی پی زون ون کے سامنے ریکارڈ کرائے گئے اپنے بیان میں سائل نے کہا تھا کہ اس نے شاہ رخ خان کی مینجر پوجا دادلانی سے بھی بات چیت کی تھی پربھاکر نے یہ بھی کہا تھا کہ وہ کسی دباؤ میں بیان نہیں دے رہے ہیں اور نہ ہی پیسے کے لیے ایسا کر رہے ہیں۔ انہوں نے مہاراشٹر کے کسی وزیر کے ساتھ کسی قسم کے تعلق سے بھی انکار کیا۔

ان الزامات کے بعد این سی بی نے انکوائری شروع کی تھی اور وانکھیڑے نے ان تمام الزامات سے انکار کیا تھا جبکہ اس معاملے میں این سی بی کی ایس آئی ٹی داخل ہوئی اور سمیر وانکھیڑے کو اس کیس سے الگ کر دیا گیا۔

شا ہ رخ کے بیٹے کی گرفتاری کے پیچھے اصل حقیقت کیا ہے؟ مبشر لقمان کے تہلکہ خیز…

مبئی: سلمان خان کے پنویل فارم ہاؤس کیس میں ممبئی سٹی سول کورٹ نے سلمان خان کو عبوری ریلیف دینے سے انکار کر دیا کہا کہ بالی ووڈ اداکار سلمان خان کے خلاف غیر قانونی تجاوزات اور فاریسٹ ایکٹ کی خلاف ورزی کے دعووں کو ثابت کرنے کے لیے دستاویزی ثبوت موجود ہیں۔

باغی ٹی وی :بھارتی میڈیا کے مطابق سلمان خان نے اپنے پڑوسی کیتن ککڑ کے خلاف ہتک عزت کا دعویٰ دائر کیا تھا ممبئی کی سول کورٹ نے کہا ہے کہ سلمان خان کے پڑوسی کیتن ککڑ کا بیان دستاویزی ثبوت سے ثابت ہوتا ہے۔

شو کے میزبان کو مذاق حد میں رہ کرکرنا چاہئیے،سلمان خان

عدالت نے کہا ہے کہ سلمان خان کا ان کے پڑوسی کے خلاف بدنامی کا دعویٰ درست نہیں کیونکہ سلمان خان یہ ثابت نہیں کرسکے کہ کیتن ککڑ مذکورہ ’ہتک آمیز‘ ویڈیو انٹرویو میں ان کے بارے میں بات کر رہے تھے جس کے خلاف سلمان خان نے اعتراض کیا تھا-

قبل ازیں، سلمان خان کی جانب سے کیتن ککڑ کو سوشل میڈیا پر کسی بھی مواد کو پوسٹ کرنے سے روکنے کے لیے ایک درخواست دائر کی گئی تھی جسے گزشتہ ہفتے ممبئی کی ایک عدالت نے مسترد کر دیا تھا۔ ایڈیشنل سیشن جج انیل لڈھاد نے سلمان خان کی درخواست کو مسترد کردیا تھا جس میں سلمان خان نے عدالت سے عبوری حکم کی درخواست کی تھی کہ کیتن ککڑ کو ان کے اور ان کے خاندان کے خلاف کوئی بھی مواد پوسٹ کرنے یا اپ لوڈ کرنے سے روک دیا جائے۔

خیال رہے کہ سلمان خان نے اپنے ایک پڑوسی کیتن ککڑ کے خلاف ہتک عزت کا دعویٰ دائر کیا تھا کیتن ککڑ ممبئی کے قریب رائے گڑھ ضلع میں پنویل میں سلمان خان کے فارم ہاؤس کے ساتھ والی ایک پہاڑی پر زمین کے ایک ٹکڑے کے مالک ہیں۔ سلمان خان کے ہتک عزت کے مقدمے کے مطابق کیتن ککڑ نے ایک یوٹیوبر (جس نے ویڈیو کو ایپ پر ڈالا) کو دئیے گئے انٹرویو میں اداکار کے خلاف ہتک آمیز ریمارکس دیے تھے۔

سلمان خان کے وکیل پردیپ گاندھی نے عدالت میں دلیل دی تھی کہ ککڑ نے ویڈیو، پوسٹ اور ٹویٹ میں جھوٹےاور ہتک آمیز الزامات لگائے۔ وکیل نے عدالت کو بتایا تھا کہ کیتن ککڑ نے سلمان خان کے فارم ہاؤس کے ساتھ ایک پلاٹ خریدنے کی کوشش کی تھی لیکن حکام نے یہ لین دین غیر قانونی ہونے کی بنیاد پر منسوخ کر دیا۔ جس پر کیتن ککڑ نے جھوٹے الزامات لگانا شروع کردیے کہ یہ لین دین سلمان خان اور ان کے خاندان کے کہنے پر منسوخ کیا گیا تھا۔

ہندو اگرشاہ رخ خان کی فلموں کا بائیکاٹ کردیں، تو وہ سڑکوں پر آجائیں گے ،ہندوانتہا پسند وزیراعلی

وہیں دوسری جانب سلمان خان کے پڑوسی کیتن ککڑ کے وکلا نے دعویٰ کیا کہ کیتن ککڑ نے زمین 1996 میں خریدی تھی۔ وہ 2014 میں ریٹائر ہوئے اور وہیں رہنا چاہتے تھے، لیکن سلمان خان اور ان کے خاندان کی وجہ سے اپنی زمین تک نہیں پہنچ سکے۔

جج نے ریکارڈ پر موجود ٹویٹس اور ویڈیوز کا جائزہ لینے کے بعد مشاہدہ کیا کہ سلمان خان نے وضاحت نہیں کی کہ ٹویٹس میں موجود اشارے ان سے کیسے متعلق ہیں اس لیے درخواست خارج کر دی گئی-

مسلم مخالف فلم "دی کشمیر فائلز” پر سلمان خان کی مبارک باد

ممبئی: بالی وڈ اداکار و ہدایتکار مہیش منجریکر نے قریبی دوست و اداکار سلمان خان کے حوالے سے اہم انکشاف کرتے ہوئے کہا کہ سلمان خان ’اکیلا‘ ہے، اسے کسی ساتھ کی ضرورت ہے-

باغی ٹی وی :بھارتی میڈیا کو دیئے گئے ایک انٹرویو میں مہیش کا کہنا تھا کہ میں سلمان سے ان معاملات پر بھی بات کرلیتا ہوں جو باقی لوگ نہیں کرپاتے ہیں، ہمیشہ ان سے کہتا ہوں کہ اس کے شادی نہ کرنے پر مجھے پریشانی ہے۔

شو کے میزبان کو مذاق حد میں رہ کرکرنا چاہئیے،سلمان خان

اداکار و ہدایتکار کا کہنا تھا کہ شادی سے متعلق سلمان میری باتیں نظرانداز کردیتا ہے لیکن میں محسوس کرتا ہوں اسے کسی کا ساتھ چاہیے کبھی کبھی سلمان باہر سے جتنا خوش نظر آتا ہے لیکن اندر سے اتنا ہی اکیلا ہے، اس کے کوئی شوق بھی نہیں ہیں۔

مسلم مخالف فلم "دی کشمیر فائلز” پر سلمان خان کی مبارک باد

مہیش منجریکر کا کہنا تھا کہ جب بھی سلمان کے گھر جاتا ہوں تو وہ آدھے سے زیادہ وقت صوفے پر لیٹے نظر آتے ہیں، وہ کامیاب انسان ہونے کے باوجود ایک مڈل کلاس شخص ہےسلمان کو کسی ایسے کی ضرورت ہے جو ہمیشہ اس کے ساتھ رہے۔

سلمان خان کو ایک نئی قانونی جنگ کا سامنا،عدالتی ثمن جاری

خیال رہے کہ سلمان خان اور مہیش منجریکر اچھے دوست بھی ہیں اور کئی فلموں میں ایک ساتھ کام کرچکے ہیں اس کے علاوہ وہ سلمان خان کی فلم’اینٹم’ کے بھی ہدایتکار ہیں۔ سلمان خان کی عمر 56 سال ہے اور اب تک انہوں نے شادی نہیں کی ہے۔

سلمان خان نے دوستی کی خاطر کروڑوں روپے ٹھکرا دیئے

ممبئی: بالی ووڈ سُپراسٹار سلمان خان کا کہنا ہے کہ شوز کے میزبان کو مذاق حد میں رہ کرکرنا چاہئیے۔

باغی ٹی وی : بالی وڈاسٹارسلمان خان نے ہالی وڈ اداکار کی جانب سے شوکے میزبان کوتھپڑ مارنے کے واقعے پرردعمل میں کہا کہ میزبان کے طورپرحساس ہونا اورمذاق کرنا اچھی بات ہے لیکن مذاق ایک حد میں رہ کرنا چاہئیے۔

ول اسمتھ نے کرس راک سے معافی مانگ لی

سلمان خان کا مزید کہنا تھا کہ ’ بگ باس‘ اور ’دس کا دم‘ سمیت متعدد لائیو شوز کی میزبانی کرچکا ہوں شوز کے دوران نامناسب واقعات بھی ہوتے ہیں جس پر دکھ اور مایوسی کا اظہار شوز کے دوران کردیتا ہوں مگر میں اپنی حد میں رہتا ہوں۔

جبکہ متنازع بیانات کی وجہ سے خبروں میں رہنے والی کنگنا رناوت نے بھی آسکرایوارڈز کی تقریب میں میزبان کوتھپڑمارنے والے اداکار ول اسمتھ کی حمایت میں بیان جاری کیا-

کنگنا رناوت نے سوشل میڈیا پرپیغام میں کہا کہ کوئی میری بیمار ماں یا میری بیمار بہن کے بارے میں مذاق کرے تومیں بھی اسے تھپڑ ماروں گی ول اسمتھ نے میزبان کوتھپڑ مارکے اچھا کیا کسی کے گھروالوں کی بیماری کے حوالے سے مذاق کرنے والے کے ساتھ یہی سلوک کرنا چاہئیے۔امید ہے ول اسمتھ میرے شو میں شرکت کریں گے۔

رز احمد آسکر ایوراڈ جیتنے والے پہلی مسلمان اداکار بن گئے

آسکر ایوارڈ 2022 کے سلسلے میں جاری لائیو شو کے دوران کامیڈین کرس راک کی جانب سے میزبانی اور شرکاء کو ہنسانے کا سیشن جاری تھا، اس دوران کرس راک نے شرکاء کو ہنسانے کی غرض سے بہترین اداکار نامزد ہونے والے اداکار ول اسمتھ کی اہلیہ، اداکارہ جاڈا پنکیٹ اسمتھ کو مذاق کا نشانہ بنایا تھا-

کرس راک کا جاڈا پنکٹ کے بالوں کی کٹنگ کا مذاق اور ایک فلم کے سیکوئل میں کام کرنے سے متعلق تجویز دی تھی اپنی اہلیہ کا نام آنے پر ول اسمتھ اپنے جذبات پر قابو نہ رکھ سکے اور سیخ پا ہو گئےول اسمتھ اپنی کرسی سے اُٹھ کر اسٹیج پر جا پہنچے اور کرس راک کو مکا دے مارا، اسٹیج سے واپس آتے ہوئے ول اسمتھ کا کرس راک پر چلّاتے ہوئے کہنا تھا کہ ’میری بیوی کا نام اپنے منہ پر مت لاؤ۔ ول اسمتھ کی بیوی مخصوص بیماری کی وجہ سے بالوں سے محروم ہوگئی ہیں۔

مسلم مخالف فلم "دی کشمیر فائلز” پر سلمان خان کی مبارک باد

ممبئی:ہندوانتہاپ سند شاہ رخ خان کی آنے والی فلم ’ پٹھان ‘ کے بائیکاٹ کا مطالبہ کررہے ہیں۔

باغی ٹی وی : بھارتی ریاست اترپردیش کے ہندوانتہا پسند وزیراعلی یوگی آدتیہ ناتھ نے بالی ووڈ کنگ شاہ رخ خان کے خلاف زہراگلتے ہوئے انہیں ملک دشمن قراردے دیا۔

آریان خان کیس : این سی بی نے چارج شیٹ کیلئے مزید 90 دن کی مہلت مانگ لی

اترپردیش کے مسلمان دشمن وزیراعلی آدیتیہ ناتھ نے بھارت کے سب سے بڑے اسٹارشاہ رخ خان کیخلاف ہرزہ سرائی کرتے ہوئے کہا کہ ہندو اگرشاہ رخ خان کی فلموں کا بائیکاٹ کردیں تو وہ عام مسلمان کی طرح سڑکوں پرخوار ہوتے پھریں گے۔

یوپی کے وزیراعلی نے مزید کہا کہ شاہ رخ خان ملک دشمن فلمیں بنا رہے ہیں اوروہ ماضی میں بھی ایسی حرکتیں کرچکے ہیں۔

یوپی کے ہندوانتہاپسند وزیراعلی شاہ رخ خان کوپاکستان جانے کا مشورہ بھی دے چکے ہیں۔ ہندوانتہاپسند شاہ رخ خان کی آنے والی فلم ’ پٹھان ‘ کے بائیکاٹ کا مطالبہ کررہے ہیں۔

دوسری جانب بھارتی میڈیا کے مطابق مسلم مخالف فلم "دی کشمیر فائلز ” تاحال تنازعات کی زد میں ہے کشمیرفائلز پر کیجریوال حکومت اوربی جے پی آمنے سامنے ہیں۔ بدھ کے روز، ایم پی تیجسوی سوریا کی قیادت میں بی جے پی کارکنوں نے سی ایم کیجریوال کی رہائش گاہ کے باہر مظاہرہ کیا اور ان کے گھر کے باہر نعرے لگائے۔ اس کے بعد سے، عام آدمی پارٹی بی جے پی پر حملہ آور ہو گئی ہے اور بی جے پی کارکنوں پر وزیر اعلی کی رہائش گاہ میں توڑ پھوڑ کا الزام لگایا ہے۔

ول اسمتھ نے کرس راک سے معافی مانگ لی

دہلی کے نائب وزیر اعلیٰ منیش سسودیا نے بدھ کو ٹویٹ کر کے الزام لگایا کہ کچھ سماج دشمن عناصر نے وزیر اعلیٰ اروند کیجریوال کے گھر کے باہر نصب سی سی ٹی وی کیمروں کو توڑ دیا اور وہاں نصب بوم بیریئر کو بھی توڑ دیا۔

جبکہ شمالی ضلع کے ڈی سی پی ساگر سنگھ کلسی نے کہا کہ بدھ کے روز بی جے پی یووا مورچہ کے کارکنوں نے کشمیر فائلز سے متعلق دہلی کے وزیر اعلیٰ کے بیان کے خلاف دھرنا دیا تھا۔ ان کا دھرنا 11.30 بجے شروع ہوا جس میں تقریباً 150-200 لوگ وزیر اعلیٰ کی رہائش گاہ کے باہر پہنچے تھے دوپہر تقریباً 1.00 بجے کچھ مظاہرین نے وزیر اعلیٰ کی رہائش گاہ کا حفاظتی حصار توڑ کر وزیر اعلیٰ کی رہائش گاہ کے باہر گھس کر نعرے بازی کرتے ہوئے ہنگامہ آرائی کی۔

ان کے پاس پینٹ کا ایک چھوٹا سا ڈبہ تھا جسے انھوں نے وزیراعلیٰ کی رہائش گاہ کے دروازے پر پھینک دیا۔ اس کے ساتھ بوم بیریئر اور ایک سی سی ٹی وی کیمرہ بھی ٹوٹا ہوا پایا گیا۔ پولیس نے فوری کاروائی کرتے ہوئے تقریباً 70 مظاہرین کو حراست میں لے لیا۔

لڑکیوں کو جینے دو ،بھارتی مس یونیورس نے حجاب پر پابندی کے خلاف آواز بلند کردی

ان میں بی جے پی کے نوجوان لیڈر کا نام بھی بتایا جا رہا ہے ان کے خلاف قانونی کارروائی کی جا رہی ہے ادھر نائب وزیراعلیٰ منیش سسودیا نے اس سلسلے میں ایک ٹویٹ میں پورے واقعہ کے لئے بی جے پی کو ذمہ دار ٹھہرایا ہے اور دعویٰ کیا ہے کہ یہ سب پولیس کی موجودگی میں ہوا ہے۔

اپنے پہلے ٹوئٹ میں نائب وزیر اعلیٰ نے لکھا، سماج دشمن عناصر نے دہلی میں وزیر اعلیٰ اروند کیجریوال کے گھر پر حملہ کرکے سی سی ٹی وی کیمرے اور سیکورٹی رکاوٹوں کو توڑ دیا ہے گیٹ پر لگائے گئے بوم بیریئر بھی ٹوٹ گئے ہیں۔

اگلے ٹویٹ میں سسودیا نے بی جے پی پر الزام لگاتے ہوئے لکھا، بی جے پی کے غنڈے سی ایم کیجریوال کے گھر میں توڑ پھوڑ کرتے رہے۔ بی جے پی پولیس اسے روکنے کے بجائے گھر کے دروازے تک لے آئی۔

اروند کیجریوال نے فلم کشمیر فائلز کو ٹیکس فری بنانے کے اپوزیشن کے مطالبے پر حملہ کیا۔ انہوں نے کہا کہ ایک فلم ڈائریکٹر کروڑوں کما رہا ہے اور بی جے پی والے پوسٹر لگا رہے ہیں۔ اگر ہر کسی کوفلم دکھانا چاہتے ہیں تو ڈائریکٹر سے کہیں کہ وہ اسے یوٹیوب پر ڈال دیں، ہر کوئی اسے مفت دیکھ سکے گا۔

ٹیکس میں چھوٹ کی کیا ضرورت ہے؟ ان کے اس بیان نے دہلی اسمبلی میں غم و غصے کو جنم دیا اور جب تک وہ اپنی تقریر ختم کر پائے، یہ سوشل میڈیا پر وائرل ہو گیا۔ تاہم بعد میں ان کی اور پارٹی رہنماؤں کی جانب سے اس کی وضاحت کی گئی-

شوبز شخصیات کی ’امر بالمعروف‘ جلسے کی حمایت،وزیراعظم کو "گھبرانا نہیں…

عالمی وبا کورونا وائرس کی وجہ سے عائد پابندیاں ہٹنے کے بعد جہاں دنیا بھر میں کاروباری سرگرمیوں کا آغاز ہو چکا ہے، وہی دنیا بھر کے شائقین بھی اپنی پسندیدہ فلمیں دیکھنے کے لیے سینما گھروں کا رخ کرنے لگے ہیں-

باغی ٹی وی : بھارتی میڈیا کے مطابق بالی ووڈ میں بھی رونقیں لوٹنے لگیں مداح شوبز ستاروں کو بڑے پردے پر دیکھنے کے لیے بے چین ہیں اور ان کو اپنے پسندیدہ ستاروں کی فلموں کا شدت سے انتظار ہر-

ذیل میں رواں سال ریلیز ہونے والی ان پانچ بڑی فلموں کا ذکر ہے جن پر سب کی نگاہیں جمی ہوئی ہیں تاہم بھارتی میڈیا کے مطابق ان فلموں کی ریلیز میں متعدد وجوہات کی بنا پر تاخیر بھی ہو سکتی ہے۔

1: اٹیک: ایکشن سے بھرپور یہ فلم یکم اپریل کو سینما گھروں کی زینت بنے گی فلم کی کہانی ہے انڈیا کے پہلےسولجر کی، جس کا کردار اداکار جان ابراہیم نبھا رہے ہیں ان کے ساتھ اداکارہ جیکولین فرنینڈس بھی مرکزی کردار ادا کر رہی ہیں۔

2: جرسی: اداکار شاہد کپور کی یہ سپورٹس ڈرامہ فلم 14 اپریل کو ریلیز ہوگی فلم میں شاہد کرکٹر کے کردار میں نظر آئیں گے جو صرف اپنے بیٹے کی خاطر اس کھیل میں واپس آتے ہیں۔

3: رن وے 34: اجے دیوگن اور امیتابھ بچن کی یہ سسپنس سے بھرپور فلم 29 اپریل کو بڑے پردے کی زینت بنے گی ’رن وے 34‘ ایک پائلٹ کے ساتھ ہونے والے حادثے کی کہانی ہے (جس کا کردار اجے دیوگن ادا کر رہے ہیں) جو اصولوں کی پابندی نہیں کرتا اس میں امیتابھ بچن ایک تحقیقاتی افسر کا کردار ادا کر رہے ہیں جو اس افسوسناک حادثے کے اصل محرکات کی تلاش میں ہے۔

4: بھول بھلیاں 2: 2007 کی کامیاب ہارر کامیڈی ’بھول بھلیاں‘ کا سیکوئل ’بھول بھلیاں 2‘ کے نام سے 20 مئی کو ریلیز ہوگا۔ فلم میں مرکزی کردار اداکار کارتک آریان ادا کر رہے ہیں۔

5: پرتھوی راج: گذشتہ کئی سالوں سے بالی وڈ میں تاریخی موضوعات پر فلمیں بنانے کا سلسلہ جاری ہے، اور اب اس حوالے سے نئی آنے والی فلم ’پرتھوی راج‘ ہے جس میں اداکار اکشے کمار ماضی کے ایک جنگجو بادشاہ کا کردار ادا کر رہے ہیں۔ فلم تین جون کو سینما گھروں میں ریلیز ہوگی۔

مبئی : نارکوٹکس کنٹرول بیورو (این سی بی) نے بالی ووڈ اداکار شاہ رخ خان کے بیٹے آریان خان منشیات کیس میں چارج شیٹ کے لیے وقت کی توسیع کے لیے ممبئی کی ایک عدالت سے رجوع کیا ہے۔

باغی ٹی وی :بھارتی میڈیا کے مطابق سنٹرل ڈرگس انفورسمنٹ ایجنسی نے پیر کو ایک درخواست دائر کی جس میں نارکوٹک ڈرگس اینڈ سائیکو ٹراپک سبسٹنس ایکٹ (این ڈی پی ایس ایکٹ) کے تحت کیس میں چارج شیٹ داخل کرنے کے لیے مزید 90 دن کا وقت مانگا گیا ہے۔

منشیات کیس:وزیراعلیٰ ممتا بینرجی کا شاہ رخ کے بیٹے کی گرفتاری کے حوالے بڑا انکشاف

ایجنسی نے 2 اکتوبر 2022 کو کیس درج کیا تھا اور اس معاملے میں 20 لوگوں کو گرفتار کیا تھا۔ این سی بی کے پاس کیس میں چارج شیٹ داخل کرنے کے لیے 180 دن کا وقت تھا، جو 2 اپریل 2022 کو ختم ہو رہا ہے چونکہ ایجنسی نے تفتیش مکمل نہیں کی ہے، اس لیے اس نے چارج شیٹ داخل کرنے کے لیے وقت کی توسیع مانگی ہے۔

آریان خان منشیات کیس:این سی بی تفتیش کاروں کی شاہ رخ خان سے کروڑوں روپے رشوت طلب

این سی بی نے نارکوٹک ڈرگس اینڈ سائیکوٹرپک مادہ (این ڈی پی ایس) ایکٹ کی دفعات کے تحت مقدمہ اس وقت شروع کیا جب اس نے کروز جہازپر چھاپہ مارا تھا جو 2 اکتوبر 2021 کو ممبئی انٹرنیشنل پورٹ ٹرمینل سے گوا کے لیے روانہ ہونا تھا بالی ووڈ اداکار شاہ رخ خان کے بیٹے آریان خان سمیت 19 افراد کو گرفتار کیا تھا گرفتار 20 لوگوں میں سے 18 ضمانت پر باہر ہیں، جب کہ دو عدالتی تحویل میں ہیں آریان خان کوعدالت نے 28 اکتوبر 2021 کو ضمانت پر رہا کیا تھا-

شا ہ رخ کے بیٹے کی گرفتاری کے پیچھے اصل حقیقت کیا ہے؟ مبشر لقمان کے تہلکہ خیز…

واجح رہے کہ رواں ماہ کے شروع میں ہندوستان ٹائمز نے ذرائع کے حوالے سے دعویٰ کیا تھا کہ نارکوٹکس کنٹرول بیورو (این سی بی) کی خصوصی تحقیقاتی ٹیم کو ایسا کوئی ثبوت نہیں ملا جس سے یہ ثابت ہو کہ شاہ رخ خان کے بیٹے آریان خان منشیات کی کسی بڑی سازش کا حصہ ہیں یا کسی بین الاقوامی منشیات اسمگلنگ سنڈیکیٹ کا حصہ تھے۔

منشیات کیس میں آریان کی گرفتاری:متعدد شوبز شخصیات کے بچوں کا بھارت چھوڑنے کا فیصلہ

منشیات کیس میں گرفتار آریان کو جیل میں مشکلات کا سامنا، شاہ رخ بھی صحت کے مسائل سے…

آپ جانتے ہیں شاہ رخ کے بیٹے اور امیتابھ کی نواسی کے درمیان مضبوط رشتہ ہے؟

رپورٹ میں بتایا گیا تھا کہ خصوصی تحقیقاتی ٹیم کی جانچ کے دوران کروز پر چھاپے میں کئی بے ضابطگیاں بھی پائی گئی ہیں یہ تحقیقاتی ٹیم کابینہ کے وزیر نواب ملک کی طرف سے این سی بی کے زونل ڈائریکٹر سمیر وانکھیڈے کے خلاف لگائے گئے الزامات کے بعد تشکیل دی گئی تھی-

منشیات کیس:آریان خان نے ہفتہ وار حاضری سے استثنٰی کیلئے عدالت میں درخواست دائر کر دی

ایس آئی ٹی کی تحقیقاتی رپورٹس میں بتایا گیا تھا کہ آریان خان نے کبھی منشیات نہیں لی تھی، اس لیے ان کا فون اٹھانے اور ان کی چیٹ چیک کرنے کی ضرورت نہیں تھی، بات چیت سے یہ معلوم نہیں ہوسکا کہ آریان کسی بین الاقوامی ڈرگ سنڈیکیٹ کا حصہ تھے این سی بی کے دستور کے برعکس چھاپے کی ویڈیو ریکارڈ نہیں کی گئی تھی، کیس میں گرفتار کئی ملزمان سے برآمد ہونے والی منشیات کو بیک وقت ضبطی کے طور پر دکھایا گیا ہے، آریان نے کبھی اپنے دوست ارباز مرچنٹ کو کروز پر منشیات لانے کو نہیں کہا۔

منشیات کیس : آریان خان کے خلاف کوئی ثبوت نہیں مل سکا

کاغذ ات میں دعویٰ کیا گیا تھا کہ ایس آئی ٹی کی تحقیقات ابھی مکمل ہونا باقی ہے اور این سی بی کے ڈائریکٹر جنرل ایس این پردھان کو اپنی حتمی رپورٹ پیش کرنے میں چند ماہ لگ سکتے ہیں۔

آریان خان مخصوص سنٹر سے جیل کی عام بیرک میں منتقل

شاہ رخ خان کے بیٹے آریان خان کو قیدی نمبر جاری

آریان خان سے منشیات کی برآمدگی کا معاملہ بھارتی سپریم کورٹ پہنچ گیا

آریان خان نے ضمانت مسترد ہونے کا فیصلہ چیلنج کر دیا

بیٹے سے ملاقات شاہ رخ خان کو مہنگی پڑی،نارکوٹکس کنٹرول بیوروحکام گھر پہنچ گئے

گوری خان بیٹے سے ملنے آرتھر روڈ جیل پہنچ گئیں

بیٹا جیل میں، شاہ رخ خان کی زندگی کیسی گزر رہی تھی؟ آریان کے وکیل کے اہم انکشاف