گلوکار قمرسلیم نے ترک گلوکارہ میلس اردگان کے ساتھ گانا "دوریاں”ریلز کرنے کا اعلان کیا ہے-

باغی ٹی وی :تفصیلات کے مطابق گانا 11 فروری کو یوٹویب سمیت تمام میوزک پلیٹ فارمز پر ریلیز کیا جائے گا قمر سلیم کے اس اعلان پر دونوں گلوکاروں کے مداح پر جوش ہیں میوزک کی فیلڈ میں یہ اپنی نوعیت کا پہلا پاکستانی ترک تعاون ہے-

سونی ورلڈ فوٹوگرافی ایوارڈز 2022 کا اعلان کر دیا گیا

قمر سلیم کا کہنا ہے کہ "دوریاں” معنی خیز اور مختلف گانا ہو گا۔ یہ گانا رشتوں میں دوریوں کی عکاسی اور مایوسی اور امید کا مکالمہ ہے۔

اس سے قبل2021ء میں مسلسل چار بین الاقوامی ہٹ گانوں کے ساتھ، قمر سلیم ایک عالمی فنکار کے طور پر ابھرے ہیں جنہیں لاکھوں سامعین نے سراہا ہے۔ ان کے پہلے چار گانوں صرف یوٹیوب پر 10 ملین سے زیادہ مرتبہ دیکھا۔

اداکاروں کی نازیبا ویڈیو بنانے سے متعلق کیس: اداکارہ خوشبوسمیت 6 ملزمان کی عبوری ضمانت میں توسیع

میلس بھی ترکی کی ایک ممتاز فنکار اور اسٹیج پرفارمر ہے "دوریاں” پاکستان اور ترکی کے فنکاروں کا ایک اہم قدم ہےجو دونوں ممالک کو ثقافتی طور پر قریب لائے گا۔

ورسٹائل اداکارمسعود اختر کی اسپتال میں زیرعلاج تصاویر وائرل

لاہور:جنسی زیادتی کیس : میشا شفیع عدالت کے ساتھ زیادتی کرگئی:عدالت کی طرف سے قابل ضمانت وارنٹ جاری،اطلاعات کے مطابق علی ظفر کے خلاف سوشل میڈیا پر جنسی ہراسانی کی مہم چلانے کا کیس میں جوڈیشل مجسٹریٹ کی عدالت نے میشا شفیع کے قابل ضمانت وارنٹ گرفتاری جاری کردیے۔

لاہور کی سیشن عدالت میں میشا شفیع ہتک عزت دعویٰ پر سماعت ہوئی، جوڈیشل مجسٹریٹ غلام مرتضیٰ ورک نے کیس پر سماعت کی، عدالت کے روبرو پیش نہ ہونے پر میشا شفیع کے قابل ضمانت وارنٹ جاری کیے گئے۔ اس حوالے سے ذرائع کا کہنا ہے کہ ضلعی کچہری کی جوڈیشل مجسٹریٹ کی عدالت نے گلوکارہ میشا شفیع کے قابل ضمانت وارنٹ جاری کردیئے۔

عدالت نے گلوکارہ میشا شفیع کو 50ہزار روپے کے مچلکے جمع کرانے کا حکم دیا ہے، عدالت نے میشا شفیع کی حاضری معافی کی درخواست مسترد کر دی۔ذرائع کے مطابق میشا شفیع کینیڈا میں ہونے کے باعث عدالت پیش نہیں ہوئیں بعد ازاں عدالت نے مقدمے کی سماعت 19 فروری تک ملتوی کردی۔

عدالت نے آئندہ سماعت پر علی ظفر کے وکیل کو دلاٸل دینے کا حکم دے دیا، مقدمے میں نامزد ملزمہ عفت عمر، فیضان رضا، حسیم الزمان، فریحہ ایوب، علی گل اور لینا غنی نے پیش ہو کر حاضری مکمل کروائی۔

ایف آئی اے نے علی ظفر کی مدعیت میں میشا شفیع سمیت آٹھ ملزمان کے خلاف چالان پیش کررکھا ہے جس میں کہا گیا ہے کہ میشا شفیع سمیت دیگر ملزمان نے علی ظفر کے خلاف سوشل میڈیا پر مہم چلائی مگر ملزمان اپنے الزامات کے ٹھوس شواہد پیش نہیں کرسکے۔

لاہور کی سیشن عدالت نے نازیبا ویڈیو بنانے سے متعلق کیس میں اداکارہ خوشبو اور چھ ملزمان کی عبوری ضمانت میں توسیع کر دی ہے ۔

باٍغی ٹی وی : تفصیلات کے مطابق لاہور کی سیشن عدالت میں تھیڑاداکاراوں کی نازیبا ویڈیو بنانے سےمتعلق کیس کی سماعت ہوئی ڈیوٹی پر موجود جج نے عبوری درخواست ضمانتوں پر سماعت کی اس موقع پراداکارہ خوشبو سمیت دیگر ملزمان بھی پیش ہوئے۔

ساتھی اداکاراؤں کی نازیبا ویڈیو بنوانے کے الزام میں خوشبو کے خلاف مقدمہ درج

دوران سماعت ایف آئی اے حکام نے رپورٹ جمع کرائی اور بتایا کہ ملزمان تاحال شامل تفتیش نہیں ہوئے جس پرعدالت نے عبوری ضمانتوں میں 24فروری تک توسیع کرتے ہوئے ملزمان کو شامل تفتیش ہونے کا حکم دے دیا جج کے رخصت ہونے کے باعث سماعت بغیر کارروائی ملتوی کر دی گئی ۔

بے بنیاد تحقیقات نہ رکیں تو مزید ویڈیوز اور آڈیوز جاری کر دوں گی،حریم شاہ دھمکیوں…

واضح رہے کہ ایف آئی اے نے اداکارہ خوشبو سمیت دیگر کے خلاف مقدمہ درج کیا تھا اداکارہ خوشبو کا کہنا تھا کہ وہ ہر تاریخ پر پیش ہورہی ہیں جلد سچ سامنے آ جائے گا مقدمہ جھوٹا ہے، خوشبو سمیت ملزمان کے خلاف اسٹیج اداکاروں کی نازیبا ویڈیوز بنا کر واٸرل کرنے کا مقدمہ درج ہے-

حریم شاہ سے شادی کی تاریخ یاد نہیں،رپورٹ بنانے اور بنوانے والوں کے خلاف قانونی جنگ لڑوں گا ،بلال شاہ

یاد رہے کہ گزشتہ ماہ لاہور کے نجی تھیٹر میں ڈانسر کی کپڑے بدلنے کی ویڈیو لیک کے معاملے پر ایف آئی اے سائبر کرائم ونگ نے اداکارہ خوشبو خان سمیت دیگر کے خلاف مقدمہ درج کیا تھا ایف آئی اے نے مذکورہ مقدمہ تھیٹر مالک کی مدعیت میں خوشبو خان ،عمران شوکی، کاشف چن اور احمد کے خلاف تھیٹر مالک کی مدعیت میں درج کیا تھا۔

حریم شاہ کا شوہرجرائم پیشہ سرگرمیوں میں ملوث پولیس کا برطرف سپاہی نکلا

پاکستان کے سینئیر،ورسٹائل اور معروف اداکار مسعود اختر کی اسپتال میں زیر علاج لی گئی تصاویر سوشل میڈیا پر گردش کر رہی ہیں-

باغی ٹی وی : اداکار لاہور کے گنگا رام اسپتال میں زیرِ علاج ہیں سوشل میڈیا پر زیرِ گردش تصویر میں دیکھا جاسکتا ہے کہ ٹیلی ویژن اسکرین پر اپنی جاندار اداکاری سے سب کے دلوں میں گھر کر جانے والے مسعود اختر اسپتال کے بستر پر بےسُدھ لیٹے ہیں۔

حرامانی بھی سیاسی ہوگئیں:عمران خان کے خلاف نوازشریف کی کمپین چلانے لگیں‌

خیال رہے کہ کچھ دن قبل اہلیہ مسعود اختر کا بتانا تھا کہ مسعود اختر کی طبیعت زیادہ خراب ہونے پر اسپتال میں داخل کرا دیا گیا مسعود اختر پھیپھڑوں کے عارضے میں مبتلا ہیں مداحوں کی جانب سے اداکار کی صحتیابی کے لئے دعائیں اور نیک تمناؤں کا اظہار کیا جا رہا ہے-

سلمان خان کے لیے سعودی عرب کا "پرسنالٹی آف دی ایئر” ایوارڈ

یاد رہے کہ پاکستان کے نامور اداکار مسعود اختر 5 ستمبر 1940ء کو ساہیوال میں پیدا ہوئے۔ 60 کی دہائی میں انہوں نے اپنے فنی کیرئیر کا آغاز کیا اور جلد ہی اسٹیج کے مشہور اداکاروں میں شمار ہونے لگےان کے فن کو نکھارنے میں نذیر ضیغم نے بڑا نمایاں کردار ادا کیا-

نیلم منیر کی مسٹری تھرلر فلم ’چکر‘ کا ٹیزر جاری،فلم عید الفطر پرریلیز کرنے کا…

ٹی وی ڈراموں سے مقبولیت پانے والے فن کار مسعود اختر نے کئی فلموں میں ولن کی حیثیت سے کام کیا فلم ’سنگدل‘ میں ان کی اداکاری کو سراہا گیا، اداکار مسعود اختر کو فنی خدمات پر پرائیڈ آف پرفارمنس ایوارڈ بھی مل چکا ہے حکومت پاکستان نے انہیں 14 اگست 2005ء کو صدارتی تمغہ برائے حسن کارکردگی عطا کیا تھا۔

سلمان خان کی نئی فلم آئندہ برس عید پر ریلیزہو گی

ماضی میں لالی ووڈ کی صف اول کی فلمی اداکارہ صائمہ نور نے ٹی وی اسکرین سے دوری کی وجہ بتادی ہے۔

باغی ٹی وی :سوشل میڈیا ویب سائٹ انسٹاگرام پر اداکارہ نے سوال و جواب کا سیشن رکھا جس میں مداحوں نے سوالات کئے جن کے اداکارہ نے دلچسپ جواب دیئے-

ایک مداح نے اداکارہ صائمہ نور سے سوال کیا کہ آپ پی ٹی وی پر کیوں نہیں آتیں اب ؟ جس کے جواب میں اداکارہ نے کہا کہ ’بات بہت ہی زیادہ کڑوی ہے مگر سچی ہے، وہ زمانے اور تھے جب ہمارے ڈرامے آیا کرتے تھے، اور ہر بندہ ہی باخبر ہوتا تھا، اور ہر بندہ ہی حد سے زیادہ پُرجوش ہوتا تھا، اب کیا ہے؟‘

مریم نواز کی شخصیت میں کچھ الگ سی بات ہے،نادیہ خان

انہوں نے مزید لکھا کہ ’اب موبائل کا جدید دور ہے اور ہر کوئی اپنے کاموں میں ،پب جی میں، ٹک ٹاک میں مصروف ہوتا ہے اب سرکاری چینل تو بالکل ہی ایک طرح سے ختم ہوچکا ہے، لوگ اب زیادہ اہمیت ہی نہیں دیتے۔

کامیاب شادی کے حوالے سے پوچھے گئے سوال پر انہوں نے کہا کہ انہوں نے کہا کہ ’جو ملے اس پر رب کا شکر ادا کرنا ، زیادہ اچھا کھانے، پہننے کا ہرگز نہ سوچنا، جو مل گیا اس پر راضی ہوجانا کامیاب شادی کا راز ہے۔

شعیب اختر نے بھی ٹک ٹاک پر اکاؤنٹ بنا لیا

ایک مداح نے صائمہ سے سوال کیا کہ کیا انہیں کبھی اولاد کی کمی محسوس ہوئی، کیا شادی کے رشتے میں اولاد ہونا بہت ضروری ہے جواب میں فلم اسٹار نے کہا کہ اولاد کی کمی مجھے کیوں محسوس ہوگی، الحمداللہ ، اللہ پاک میری بیٹی ملیحہ کو لمبی زندگی دے ، آمین۔

بے بنیاد تحقیقات نہ رکیں تو مزید ویڈیوز اور آڈیوز جاری کر دوں گی،حریم شاہ دھمکیوں پر اترآئیں

معروف شخصیات کا عام لوگوں سے دوستی کے حوالے سے سوال پر صائمہ نور نے کہا کہ معروف شخصیات بھی عام لوگ ہی ہوتے ہیں، بس کچھ لوگ پیسہ آجانے پر اللہ کا شکر ادا کرنے کے بجائے اپنے آپ کو ہی بڑا سمجھنے لگتے ہیں ہم سب ایک ہی مٹی سے بنے ہیں، ایک ہی مٹی میں جانا ہے تو پھر غرور کیسا؟-

ایک مداح نے اداکارہ سے ان کی عمر سے متعلق بھی سوال کیا صارف کے عمر پوچھنے کے سوال کے جواب میں اداکارہ نے ازراہِ مذاق جواب دیا کہ میں ابھی 12سا ل کی ہوں ، پھر انہوں نے بتایا کہ میری عمر 54 سال ہے۔

اس کے بعد اداکارہ نے ایک شعر بھی لکھا۔

اے ساقی تیرے مہ خانے میں کیا رکھا ہے

او بھائی عمر چھپانے میں کیا رکھا ہے

چند روز قبل 54 سالہ اداکارہ صائمہ نور نے اپنی جوانی کی ایک تصویر شیئر کی جس کے کیپشن میں انہوں نے تصویر کی تفصیل بھی گانے کے بول کے ذریعے بتائی –

اداکارہ صائمہ نے تصویر کے کیپشن میں ’اٹھارہ برس کی کنواری کلی تھی‘ لکھا کیپشن سے اندازہ ہوتا یے صائمہ نور کی جانب سے شیئر کی جانے والی تصویر 1985 کی ہے 1967 کو پیدا ہونے والی اداکارہ نے 1985 تک 18 بہاریں دیکھ لی تھیں۔

یاد رہے کہ صائمہ نور نے 1990ء میں لالی ووڈ میں قدم رکھا اور بہت جلد پنجابی فلموں کی صفِ اول کی اداکارہ بن گئی تھیں اور آج بھی ڈراموں میں اپنی جاندار اداکاری سے لوگوں کے دلوں پر راج کرتی ہیں۔

حریم شاہ کا شوہرجرائم پیشہ سرگرمیوں میں ملوث پولیس کا برطرف سپاہی نکلا

معمر رانا کے ساتھ صائمہ کی فلم ’چوڑیاں‘ نے کامیابیوں کے نئے ریکارڈ قائم کیے تھے اس فلم کے ڈائریکٹر سید نور تھے بعد میں صائمہ اور سید نور کا تعلق مزید گہرا ہوتا گیا تھا۔

اداکارہ صائمہ نور نے ڈائریکٹر سید نور سے 2005ء میں شادی کر لی تھی لیکن انہوں نے 2007ء میں ایک پریس کانفرس میں اپنی شادی کا باقاعدہ طور پر اعلان کیا تھا۔

شاہ رخ خان پر تنقید،اداکارہ ریشم حمایت میں سامنے آگئیں

ٹک ٹاکر حریم شاہ کے شوہر بلال شاہ نے پولیس کی جانب سے اپنے اوپر لگائے گئے الزامات کے خلاف عدالت سے رجوع کر لیا ہے-

باغی ٹی وی : ٹک ٹاکر حریم شاہ کے شوہر بلال شاہ نے نجی خبررساں ادارے سے گفتگو کرتے ہوئے بتایا کہ ان کا اس وقت پولیس سمیت کسی سرکاری محکمے سے تعلق نہیں ہے شوق کے لیے پولیس میں بھرتی ہو گیا تھا لیکن جاتا نہیں تھا ساتھ ہی انہوں نے دعویٰ کیا کہ پولیس کی نوکریاں پیسے دے کر خریدی جاسکتی ہیں لیکن میں میرٹ پر بھرتی ہوا تھا-

ہم لوگ سچے ہیں، کھوٹے نہیں ہیں جو جھک جائیں گے،حریم شاہ اپنے شوہر بلال کی حمایت میں سامنے آ گئیں

بلال شاہ نے اپنے اوپر لگائے گئے تمام الزامات کو جھوٹا قرار دیتے ہوئے کہا کہ میں نے کبھی بلاول ہاؤس میں نوکری نہیں کی اور میرے پاس ویگو نہیں، اس سے بہت اچھی اچھی گاڑیاں ہیں، کرائے کے گھر پر نہیں رہتا بلکہ گھروں کو کرائے پر دیا ہوا ہے۔

ذریعہ معاش سے متعلق سوال کے جواب پر بلال شاہ کا کہنا تھا کہ جم انسٹرکٹر ہوں، ڈیفنس میں اپنا جم ہے، جو 3 سال سے چلا رہا ہوں اور یہی ذریعہ معاش ہے، حکومتِ پاکستان کو ٹیکس دیتا ہوں لیکن یاد نہیں کتنا ٹیکس دیتا ہوں۔

حریم شاہ سے شادی سے متعلق سوال پر بلال شاہ کا کہنا تھا کہ حریم شاہ سے 4 ماہ قبل شادی ہوئی، تاریخ یاد نہیں بلال شاہ کا کہنا تھا کہ بھائی حاضر سروس پولیس اہلکار ہے، گرفتاری سے متعلق معلوم نہیں اور یہ جھوٹ ہے۔

انہوں نے کہا کہ حریم شاہ سے شادی اور سندھ ہائی کورٹ سے ایف آئی اے کے خلاف اپنی بیوی کے لیے حکمِ امتناع لینے کے بعد میرے خلاف انتقامی کارروائی شروع کی گئی اپنے اوپر لگائے گئے الزامات کے خلاف عدالت سے رجوع کیا ہے، رپورٹ بنانے اور بنوانے والوں کے خلاف قانونی جنگ لڑوں گا۔

واضح رہے کہ پولیس رپورٹ میں حریم شاہ کے شوہر بلال شاہ پر الزام عائد کیا گیا ہے کہ انہیں سندھ پولیس سے جرائم پیشہ سرگرمیوں پر برطرف کیا گیا ذرائع کے مطابق بلال شاہ پر بھتہ جمع کرنے، منیشات فروشی، مساج سینٹر سے بھتہ وصول کرنے کا الزام ہے ٹک ٹاکر حریم شاہ کے شوہر بلال شاہ سندھ پولیس کے برطرف سپاہی ہیں، بلال شاہ کو جرائم پیشہ سرگرمیوں پر پولیس سے یکم اکتوبر 2021ء کو برطرف کیا گیا تھا اسپیشل برانچ نے اپنی رپورٹ میں بلال شاہ پر منشیات فروشی اور مساج سینٹر سے بھتہ وصول کرنے کا الزام عائد کیا ہے۔

جنون گروپ کے سلمان احمد کا لتا منگیشکر کو خراج تحسین،کہا ہمیشہ یاد رکھوں گا

اسپیشل برانچ کی رپورٹ کے مطابق فون لوکیشن اور انٹیلی جنس رپورٹ میں بلال شاہ کا جرائم پیشہ سرگرمیوں میں ملوث ہونا ثابت ہوا ہے 21 ستمبر 2021ء کو ایس ایس پی ہیڈکوارٹر ساؤتھ عرفان زمان نے بلال شاہ کے خلاف انکوائری شروع کی اور انہیں 3 شوکاز نوٹس بھیجے گئے، کسی نوٹس کا جواب نہ دینے پر بلال کو ملازمت سے برطرف کیا گیا۔

بلال شاہ قیوم آباد کی کچی آبادی کے رہائشی ہیں، کچھ ماہ قبل ہی انہوں نے ڈیفنس میں رہائش اختیار کی بلال شاہ بطور کانسٹیبل بلاول ہاؤس میں رہے جس پر انہوں نے اپنی تصاویر کئی اہم سیاسی شخصیات کے ساتھ بنوائیں سپاہی بلال شاہ کے پاس ویگو گاڑی کہاں سے آئی؟ اتنی مہنگی گھڑی اور شاہانہ اخراجات پر پولیس افسران بھی حیران ہیں۔

آج کل سارے لڑکے دکھنے میں لڑکیوں کی طرح ہو گئے ہیں : آمنہ الیاس

کراچی: مارننگ شو کی سابق میزبان اور اداکارہ نادیہ خان نے کہا ہے کہ مریم نواز کی شخصیت میں کچھ الگ سی بات ہے-

باغی ٹی وی : اداکارہ و میزبان نادیہ خان حال ہی میں پاکستان تحریک انصاف کے رہنما عثمان ڈار کے ہمراہ نجی ٹی وی چینل کے پروگرام’’جشن کرکٹ‘‘ میں شریک ہوئیں جہاں انہوں نے میزبان کے سوالوں کے دلچسپ جوابات دئیے۔

میزبان نے نادیہ خان سے سوال پوچھا کیا عمران خان ملک کی واحد اور آخری امید ہیں؟ اس سوال کا جواب نادیہ خان نے ’ہاں‘ میں دیا تاہم انہوں نے یہ بھی کہا کہ عمران خان اب عوام کو گھبرانے کی اجازت دے دیں۔

پی پی رہنما شرمیلا فاروقی نے اداکارہ نادیہ خان کو قانونی نوٹس بھجوادیا

نادیہ خان نے کہا مریم نواز کی شخصیت میں کچھ الگ سی بات ہے میزبان نے نادیہ سے سوال پوچھا اگر بلاول آپ کے داماد بننا چاہیں تو آپ خوشی خوشی قبول کریں گی؟ اس سوال پر پہلے تو نادیہ خان حیران رہ گئیں پھر کہا یہ کیسا سوال ہے۔ بعد ازاں انہوں نے جواب دیتے ہوئے کہا کیوں نہیں۔ لیکن خواہش یہ ہے کہ بلاول شادی چھوڑیں پہلے وزیراعظم بنیں پھر شادی کا فیصلہ کریں۔

ایک سول کے جواب میں نادیہ خان نے کہا کہ میں پاکستان سپر لیگ میں تمام ٹیموں کو سپورٹ کررہی ہوں جبکہ پاکستان کے سابق فاسٹ بولر شعیب اختر نے کہا کہ میری خواہش ہے کہ لاہور قلندرز جیتے-

شرمیلا فاروقی کے "بےشرم عورت” کہے جانے پر نادیہ خان کا ردِعمل

میزبان نے نادیہ خان سے ان کے اور شرمیلا فاروقی کے درمیان اختلافات اور ہرجانے کے نوٹس کے بارے میں سوال کیا۔ آپ اپنے مداحوں کو کہنا چاہیں گی کہ مداح بھروسہ رکھیں 5 کروڑ جائیں گے نہیں بلکہ 50 کروڑ آئیں گے؟ نادیہ خان نے کہا جی بالکل 50 کروڑ آئیں گے نادیہ خان کا کہنا تھا کہ 75 فیصد لوگ دوسروں کو جلانے کے لئے سوشل میڈیا پر تصویر لگاتے ہیں-

پروگرام میں 500 کی دوڑ میں نادیہ خان اور عثمان ڈار اداکارہ اریبہ حبیب کو ہرانے میں ناکام رہے، نادیہ خان نے 438 اور عثمان ڈار نے 427 پوائنٹس اسکور کیے-

واضح رہے کہ شرمیلا فاروقی نے نادیہ خان پر ان کی والدہ کا مذاق اڑانے کے لیے 5 کروڑ ہرجانے کا کیس کیا ہوا ہے جس کے جواب میں نادیہ خان نے بھی شرمیلا فاروقی کو 50 کروڑ ہرجانے کا نوٹس بھجوانے کا کہا ہے نادیہ خان نے شرمیلا فاروقی کے بارے میں مزید کہا انہیں نہیں لگتا کہ شرمیلا فاروقی جیسی باہمت اور نڈر خواتین کا سیاست میں آنا ضروری ہے۔

ہتک عزت کا دعویٰ: نادیہ خان نے شرمیلا فاروقی کو 50 کروڑ ہرجانے کا نوٹس بھیج دیا