فلم کے سیٹ پر شوٹنگ کے دوران فائرنگ سے خاتون کی ہلاکت پر مشہور ہالی ووڈ اداکار ایلک بالڈون مشکل میں پھنس گئے۔

باغی ٹی وی :”روئٹرز” کے مطابق گزشتہ ماہ 21 اکتوبر کو ہالی ووڈ اداکار الیک بالڈون نیو میکسیکو میں فلم کی شوٹنگ میں مصروف تھے کہ اس دوران حادثاتی طور پر ان سے فلموں میں استعمال ہونے والی گن سے گولی چل گئی جس کے نتیجے میں موقع پر موجود خاتون سنیماٹو گرافر 42 سالہ ہیلینا ہِچنس ہلاک اور ہدایت کار جول سوزا زخمی ہوگئے تھے۔

تاہم اب اداکار پر فلم کے کریو نے ان کے خلاف قانونی چارہ جوئی شروع کردی عملے کے ایک رکن نے ایلک بالڈون اور فلم ’رسٹ‘ کے پروڈویسرز کے خلاف مجرمانہ غفلت برتنے کا مقدمہ دائر کردیا۔

'Rust' crew member files negligence lawsuit against actor Alec Baldwin and the film's producers https://t.co/N0A9BYivEn pic.twitter.com/lAnEYTK4zz

— Reuters (@Reuters) November 11, 2021

امریکی شہر لاس اینجلس میں فلم کے چیف الیکٹریشن سارجیو سیوتنو نے مقدمے میں پروڈیوسرز اور دیگر ملزمان پر حفاظتی اقدامات کے نفاذ میں ناکام رہنے اور گولیوں سے بھرے ریوالور کا رخ زندہ انسانوں کی طرف کرنے کی اجازت دینے کے الزامات عائد کیے ہیں۔

چیف الیکٹریشن سارجیو سیوتنو نے پریس کانفرنس کرتے ہوئے کہا کہ فلم سازی ایک شاندار فن ہے لیکن دوسروں کی تفریح کی خاطر کسی کو مرنا نہیں چاہیے، انتظامیہ کو کسی صورت سیٹ پر اصل گولیاں استعمال نہیں کرنی چاہئیں تھیں۔

سارجیو سیوتنو واقعے کے عینی شاہد ہیں اور سینے پر گولی لگنے کے بعد انہوں نے ہیلینا ہِچنس کو اٹھایا تھا انہوں نے کہا کہ وہ منظر ساری زندگی انہیں پریشان کرتا رہے گا مقدمے میں اداکار اور پروڈیوسرز کے ساتھ ساتھ اسلحے کی انچارج حنا گوتریز اور اسسٹنٹ ڈائریکٹر ڈیو ہالز کو بھی نامزد کیا گیا ہے جنہوں نے ریہرسل کے دوران اداکار الیک بالڈون کو پستول پکڑائی تھی۔

یہ اس واقعے پر دائر کردہ پہلا مقدمہ ہے امریکی ریاست نیو میکسیکو میں پیش آنے والے اس واقعے میں پولیس تاحال معاملے کی تحقیقات کررہی ہے اور کسی کے خلاف فوجداری مقدمہ دائر نہیں کیا گیا ہے-

بالی ووڈ کے سلطان نے بالی ووڈ کنگ خان سے دوستی کی ایک اور مثال قائم کرکے ثابت کر دیا کہ وہ واقعی ایک اچھے اورمخلص دوست ہیں-

باغی ٹی وی : بالی ووڈ اداکارشاہ رخ خان کے بیٹے آریان خان کی منشیات کیس میں گرفتاری کے بعد سلمان خان وہ پہلے شخص تھے جوانہیں کو تسلی دینے ان کے گھر پہنچے تھے سلمان خان کے اس قدم کو میڈیاپر بہت سراہا گیا اور اپنے اس عمل سے انہوں نے ثابت کیا کہ وہ شاہ رخ کی ہر مشکل گھڑی میں ہمیشہ ان کے ساتھ کھڑے ہیں۔

دونوں کی دوستی کے چرچے ایک مرتبہ پھر میڈیا کی زینت بنے سلمان خان نے شاہ رخ خان سے سچی دوستی کا ثبوت دیتے ہوئے اپنی فلم ’’ٹائیگر3‘‘کی شوٹنگ بھی ملتوی کردی تھی۔

سلمان خان نے آریان خان کیس کا معاملہ حل ہونے تک شوٹنگ منسوخ کر دی

یاد رہے کہ دراصل سلمان خان اور شاہ رخ خان ایک دوسرے کی فلموں ’’ٹائیگر3‘‘ اور ’’پٹھان‘‘ میں کیمیو یعنی مختصر کردار ادا کررہے ہیں آریان خان کی گرفتاری کی وجہ سے شاہ رخ خان پہلے ہی اپنی تمام شوٹنگ کینسل کرچکے تھے اب جب کہ آریان ضمانت پر رہا ہوچکے ہیں تو شاہ رخ خان اس وقت صرف اور صرف اپنے بیٹے اور فیملی کو وقت دینا چاہتے ہیں-

اس لیے انہوں نے فی الحال کوئی بھی کام نہ کرنے کا ارادہ کیا ہے اور اسی سلسلے میں انہوں نے سلمان خان سے درخواست کی ہے کہ وہ اس ماہ کوئی شوٹنگ نہیں کرنا چاہتے بطور دوست سلمان خان نے شاہ رخ خان کی درخواست قبول کرتے ہوئے شوٹنگ کا سخت شیڈول ایک بار پھر دسمبر تک بڑھادیا ہے۔

سلمان خان نے کترینہ کیف کی شادی کیلئے ’ٹائیگر تھری‘ کی شوٹنگ ملتوی کر دی

واضح رہے کہ آریان خان کو این سی بی نے منشیات کیس میں گرفتار کیا تھا اور 26 دن تک جیل میں قید رہنے بعد آریان خان کو بومبے ہائی کورٹ نے ضمانت پر رہا کردیا تھا۔

نہ صرف شاہ رخ خان کے مشکل وقت میں سلمان خان پیچھے رہے بلکہ کترینہ کیف کی خوشیوں میں بھی انہوں نے ایک مخلص اور سچے دوست ہونے کا ثبوت دیا یہاں تک کہ بالی ووڈ کے سلطان سلمان خان نے بھی فلم ’ٹائیگر تھری‘ کی شوٹنگ ملتوی کردی اور فلم کی شوٹنگ کترینہ کی شادی کے بعد جنوری میں دوبارہ سے شروع کی جائے گی۔

یاد رہے کہ بھارتی میڈیا میں بالی ووڈ اداکارہ کترینہ کیف کی اداکار وکی کوشل سے شادی کی خبریں زیرگردش ہیں یہ بھی خبریں ہیں کہ دیوالی کے موقع پر دونوں نے نامور ہدایت کار کبیر خان کے گھر پر منگنی کرلی ہے اور دسمبر میں راجھستان میں شادی کریں گے-

اداکارہ کترینہ کیف نے کترینہ "خان” بننے کا موقع گنوا دیا سلمان خان

ممبئی: بالی ووڈ سلطان سلمان خان نے کترینہ کیف کی شادی کے لیے فلم ’ٹائیگر تھری‘ کی شوٹنگ روک دی۔

باغی ٹی وی : بھارتی میڈیا میں بالی ووڈ اداکارہ کترینہ کیف کی اداکار وکی کوشل سے شادی کی خبریں زیرگردش ہیں یہ بھی خبریں ہیں کہ دیوالی کے موقع پر دونوں نے نامور ہدایت کار کبیر خان کے گھر پر منگنی کرلی ہے اور عنقریب شادی کے بندھن میں بندھ جائیں گے۔

اداکارہ کترینہ کیف نے کترینہ "خان” بننے کا موقع گنوا دیا سلمان خان

اب بھا رتی میڈیا میں یہ خبر سامنے آئی ہے کہ اداکارہ کترینہ کیف اور وکی کوشل دسمبر میں راجھستان میں شادی کریں گے جس کی وجہ سے بالی ووڈ کے سلطان سلمان خان نے بھی فلم ’ٹائیگر تھری‘ کی شوٹنگ ملتوی کردی اور فلم کی شوٹنگ کترینہ کی شادی کے بعد جنوری میں دوبارہ سے شروع کی جائے گی۔

کترینہ کیف اور وکی کوشل کی ’روکا‘ کی رسم فلمساز کبیر خان کے گھر ادا بھارتی میڈیا

واضح رہے کہ اس سے قبل سلمان خان نے شاہ رخ خان کے ساتھ فلم ’ٹائیگر تھری‘ اور ’پٹھان‘ کی شوٹنگ بھی ملتوی کردی ہے کیوں کہ شاہ رخ خان اپنے بیٹے آریان خان کی جیل سے رہائی کے بعد شوٹنگ کے بجائے اپنا سارا وقت اپنی فیملی کے ساتھ گزارنا چاہتے ہیں۔

واضح رہے سلمان خان فلم ’پٹھان‘ جب کہ شاہ رخ خان ’ٹائیگر تھری‘ میں مختصر کردار اد کریں گے سلمان خان ان دنوں اپنی نئی فلم ’اینتھم‘ کی پروموشن میں مصروف ہیں جو رواں ماہ سینما گھروں کی زینت بنے گی۔

سلمان خان کے قریبی دوست کا کترینہ کیف کی جلد شادی کا عندیہ

واضح رہے کہ ان کی ’روکا‘ کی رسم کی خبروں سے قبل گزشتہ ماہ اکتوبر کے آخر میں یہ خبریں سامنے آئی تھیں کہ دونوں رواں برس دسمبر میں رشتہ ازدواج میں بندھ جائیں گے تاہم ایسی خبروں کے فوری بعد کترینہ کیف نے ’بولی وڈ لائف‘ سے خصوصی بات کرتے ہوئے شادی کی خبروں کو جھوٹا قرار دیا تھا انہوں نے مختصرا بتایا تھا کہ وہ دسمبر 2021 میں شادی نہیں کرنی جا رہیں۔

سلمان خان نے آریان خان کیس کا معاملہ حل ہونے تک شوٹنگ منسوخ کر دی

کویتی گلوکارہ شمس الاسلمی نے دنیا کے امیر ترین شخص اور مائیکرو سافٹ کے بانی بل گیٹس کو شادی کی پیشکش کر دی ہے۔

باغی ٹی وی : سماجی رابطے کی ویب سائٹ ٹوئٹر پر کویتی گلوکارہ شمس الاسلمی نے بل گیٹس کا ایک بیان ری ٹوئٹ کیا جس میں مائیکرو سافٹ کے بانی کا کہنا تھا کہ دنیا ممکنہ طور پر مستقبل میں چیچک کا سامنا کر سکتی ہے، لہٰذا تحقیق کے لیے فنڈز مختص کرنا ہوں گے۔

جميل هذا الانسان نبي العصر الالكتروني عاجبني تنبؤاته ومعرفته بلي جاي انا اعرض عليه الزواج تتوقعون يوافق؟؟؟ https://t.co/H2WLlHtQeQ

— شمس ☀️ shams (@shamsofficial) November 5, 2021

شمس الاسلمی نے اس بیان پر اپنے ردِ عمل کا اظہار کرتے ہوئے لکھا کہ ’بل گیٹس کافی اسمارٹ (ذہین) شخص ہیں اور وہ موجودہ ڈیجیٹل دور کے چراغ ہیں، ان کی مستقبل کے حوالے سے پیش گوئیاں اور معلومات مجھے متاثر کرتی ہیں، ان باتوں کو مدِ نظر رکھتے ہوئے میں بل گیٹس کو شادی کی پیشکش کرتی ہوں۔

گلوکارہ نے اپنے مداحوں کو مخاطب کرتے ہوئے پوچھا کہ ’کیا بل گیٹس میری پیشکش قبول کریں گے؟‘۔

واضح رہے کہ بل گیٹس کے پاس 82 ارب ڈالر ہیں اور اپنی دولت کو اپنے ایک فلاحی ادارے کے ذریعے انسانوں کی فلاح کے لیے خرچ کر رہے ہیں جبکہ بِل گیٹس نے اپنی بے پناہ دولت کا ایک حصّہ سماجی کاموں کے لیے بھی مختص کیا ہے۔

یاد رہے کہ بل گیٹس اور ملینڈا گیٹس نے رواں ماہ مئی میں اپنی 27 سالہ شادی شدہ زندگی کو ختم کر دیا تھا ان کا کہنا تھا کہ ‘ہمارے نزدیک اب ہم اب ایک دوسرے کے ساتھ رہتے ہوئے ترقی نہیں کر سکتے جوڑے کی جانب سے سوشل میڈیا پلیٹ فارم ٹوئٹر کے ذریعے کیے گئے اعلان میں کہا گیا تھا کہ ‘بہت زیادہ سوچ بچار اور اپنے رشتے پر بہت زیادہ کام کرنے کے بعد ہم نے اپنی شادی کو ختم کرنے کا فیصلہ کیا ہے۔’

دونوں کی پہلی ملاقات 1980 کے اوآخر میں ہوئی تھی جب ملینڈا نے بل گیٹس کی کمپنی مائیکروسافٹ میں نوکری کا آغاز کیا تھا۔ ان کے اب تین بچے ہیں دونوں مشترکہ طور پر فلاحی تنظیم بل اینڈ ملینڈا گیٹس فاؤنڈیشن کا انتظام بھی سنبھالتے ہیں۔

ان کی جانب سے ٹوئٹر پر پوسٹ کیے جانے والے اعلامیے میں لکھا گیا تھا کہ ‘گذشتہ 27 سالوں کے دوران ہم نے تین قابلِ فخر بچوں کی پرورش کی ہے اور ایک ایسی فاؤنڈیشن بنائی ہے جو دنیا بھر میں کام کرتی ہے اور لوگوں کو صحت مند اور سود مند زندگی گزارنے میں مدد کر رہی ہے ’ہم اب بھی اس مشن پر یقین رکھتے ہیں اور ہم اس فاؤنڈیشن کے لیے ساتھ مل کر کام کرتے رہیں گے، تاہم ہمارے نزدیک ہم بطور جوڑا اپنی زندگیوں کے اگلے مراحل میں ایک ساتھ ترقی نہیں کر سکتے۔‘

پاکستانی سوشل میڈیا صارفین نے ٹی ٹوئنٹی ورلڈکپ میں اپنی ٹیم کے لیے بڑھا چڑھا کے تعریفیں کرنے پر بھارتی اداکار امیتابھ بچن کو آڑے ہاتھوں لے لیا۔

باغی ٹی وی : ٹی ٹوئنٹی ورلڈکپ میں پاکستان کی بھارت کو شکست اور مسلسل فتوحات کی بناء پر پاکستانی شائقین کرکٹ جوش و خروش میں ہیں جب کہ پاکستان کے آخری گروپ میچ میں سابق کپتان شعیب ملک کی تیز ترین ففٹی نے شائقین کرکٹ کے جوش میں مزید اضافہ کردیا ہے۔

ایسے میں بھارت کے لیجنڈ اداکار امیتابھ بچن نے 7 نومبر کو ایک ٹوئٹ کی جس میں انہوں نے بھارت کی خراب کارکردگی کے باوجود اپنی ٹیم اور کھلاڑی کی تعریف کی۔

T 4088 – Irrespective of what the results of tomorrow's NZ v AFG game are in the T20 ICC World Cup ..
remember this .. we have scored the highest total , till date , in the tournament ; KL Rahul made the fastest 50 ; and we defeated the opposing team, in a record 6+ overs ..🇮🇳

— Amitabh Bachchan (@SrBachchan) November 6, 2021

امیتابھ بچن نے اپنے ٹوئٹ میں لکھا کہ نیوزی لینڈ اور افغانستان کے میچ کے نتیجے سے ہٹ کر یاد رکھیں کہ اب تک ہم نے سب سے بڑا ٹوٹل کیا ہے امیتابھ نے بھارتی اوپنر کے ایل راہول کی ففٹی کا بھی حوالہ دیا کہ انہوں نے ٹی ٹوئنٹی ورلڈکپ میں تیز ترین ففٹی بنائی ہے اور بھارتی ٹیم نے اپنے حریف کو صرف 6 اوورز میں ڈھیر کیا۔

بھارتی اداکار کی اس ٹوئٹ کے بعد پاکستان کے آخری گروپ میچ میں سابق کپتان شعیب ملک نے امیتابھ کی خوش فہمی کو اچھی طرح سے دور کیا اور ایونٹ میں تیز ترین 18 گیندوں پر 54 رنز بناکر ایک نیا ریکارڈ بنادیا جبکہ شعیب ملک کی اس اننگ کے بعد پاکستانی سوشل میڈیا صارفین نے امیتابھ بچن کو آڑے ہاتھوں لیا۔

Who has the fastest fifty record now?
Remember the name SHOAIB MALIK. pic.twitter.com/9yROgH2fIX

— Saima Khan (@isktweets) November 7, 2021

ایک خاتون صارف نے لکھا کہ اب تیز ترین ففٹی کا ریکارڈ کس کے پاس ہے؟شعیب ملک کا نام یاد رکھیں۔

Add one more fact to your list… The only team to lose by 10 wickets too😂😂
By the way you spoke too early…@realshoaibmalik also scored 50 in 18 balls. #India #Pakistan pic.twitter.com/jdLecoYBqp

— MS Salim 🏏 (@MSa1im) November 7, 2021

ایک صارف نے بھارتی اداکار کو ان کی ٹیم کی 10 وکٹوں سے شرمناک شکست یاد دلائی اور کہا کہ بھارت واحد ٹیم ہے جو 10 وکٹوں سے ہاری جب کہ انہوں نے ساتھ ہی اداکار کو مخاطب کرتے ہوئے شعیب ملک کی ففٹی یاد دلائی اور کہا کہ آپ نے بہت جلدی بات کردی۔

Damad k hotay huwe asay brag ni krtay pic.twitter.com/ICyIIOLgjK

— Aqsa. (@ItsmeAqsaa) November 7, 2021

ایک صارف نے شعیب ملک حوالے سے کہا کہ داماد کے ہوتے ہوئے ایسے شیخی نہیں بگھاڑتے-

Remember the name Shaheen Shah Afridi
While Kl Rahul against Pakistan pic.twitter.com/mDfVh8MK7J

— Muhammad Nadeem (@nadeemcharagh) November 7, 2021

https://twitter.com/Rabiyashams/status/1457637076107608064?s=20https://twitter.com/QJustcallme/status/1457520615984963587?s=20

بھارتی اداکارہ پونم پانڈے پر شوہر کا تشدد اداکارہ زخمی حالت میں اسپتال منتقل ، پولیس نے ان کے شوہر کو مبینہ تشدد کرنے کے الزام میں گرفتار کرلیا ہے۔

باغی ٹی وی :بھارتی میڈیا کے مطابق اداکارہ پونم پانڈے نے الزام لگایا ہے کہ ان کے شو ہر سیم بومبے نے ان پر تشدد کیا اداکارہ پونم اس وقت اسپتال میں داخل ہیں کیونکہ ان کا سر، آنکھیں اور چہرہ زخمی ہے جبکہ ان کے شوہر سیم کو گزشتہ روز گرفتار کیا گیا سیم بومبے جن کا پورا نام سیم احمد بومبے ہے ان کا تعلق بھی بالی ووڈ انڈسٹری سے ہے وہ ڈائریکٹر، پروڈیوسر اور ایڈیٹر ہیں۔

"ٹائمز آف انڈیا” کے مطابق اداکارہ اور سوشل میڈیا سنسیشن پونم پانڈے کے شوہر سیم بمبئی کو ممبئی پولیس نے 7 نومبر کو ایک بار پھر گرفتار کر لیا جب اداکارہ نے شکایت کی کہ ان کے ساتھ زیادتی کی جا رہی ہے۔ پونم کو سیم کی طرف سے حملہ کے بعد ممبئی کے ایک ہسپتال میں داخل کرایا گیا تھا۔

ایک بھارتی خبررساں ادارے سے بات کرتے ہوئے پونم پانڈے نے اپنی شادی شدہ زندگی کے بارے میں بتایا کہ ان کے شوہر سے تعلقات ہمیشہ ہی خراب رہےاور ایک ایسے شخص کے ساتھ تعلقات جاری رکھنا جس نے انہیں جانوروں کی طرح مارا ہو ایک اچھا خیال نہیں ہے۔

اس سے قبل، پونم نے یہ بھی انکشاف کیا تھا کہ کس طرح وہ سیم بومبے کے ساتھ پچھلے تین سالوں سے بدسلوکی کے ساتھ تعلقات میں تھیں اور اس امید پر ان کے ساتھ شادی کے بندھن میں بندھ گئے کہ حالات بہتر ہوں گے۔

واضح رہے یہ پہلی بار نہیں ہے جب پونم پانڈے نے اپنے شوہر کے خلاف شکایت درج کرائی ہو گزشتہ برس 2020 میں بھی انہوں نے سیم کے خلاف انہیں ہراساں کرنے اور دھمکانے کے لیے پولیس میں شکایت درج کروائی تھی اور کہا تھا کہ انہوں نے سیم سے شادی ختم کرنے کا فیصلہ کرلیا ہے۔ اداکارہ پونم کے شکایت درج کروانے کے بعد ان کے شوہر کو گوا سے گرفتار کیا گیا تھا۔

یاد رہے کہ اداکارہ پونم پانڈے اور سیم بومبے گزشتہ برس ستمبر میں شادی کے بندھن میں بندھے تھے دونوں شادی سے تین سال قبل سے ایک دوسرے کو جانتے تھے۔