ہدایت کار ندیم بیگ کے آنے والے میگا کاسٹ تھرلر ڈرامے ’صنف آہن‘ میں اداکارہ سجل علی کبریٰ خان اور یمنیٰ زیدی کے کرداروں کے ٹیزر جاری کردیئے گئے۔

باغی ٹی وی :ڈرامے میں مرکزی کردار ادا کرنے والی اداکاراؤں سجل علی، کبریٰ خان اور یمنیٰ زیدی کے کرداروں کے ٹیزر جاری کردیے گئے، جن میں انہیں ایک عام لڑکی سے فوجی افسر بنتے اور فوج میں شمولیت اختیار کرکے خاندان اور ملک کا نام روشن کرتے دکھایا گیا ہے-

کبریٰ خان کے کردار کے جاری کیے گئے ٹیزر میں ان کے گھریلو مسائل کو بھی دکھایا گیا ہے، جہاں ان کے والدین میں آئے روز جھگڑا ہوتا رہتا ہےٹیزر میں انہیں شہر کی پرآسائش زندگی گزارتے دکھایا گیا ہے، تاہم وہ گھر میں والدین کے جھگڑوں کی وجہ سے بیزار دکھائی دیتی ہیں۔

ٹیزر میں دکھایا گیا ہے کہ وہ گھریلو مسائل اور دیگر وجوہات کی بنا پر فوج میں شمولیت اختیار کرتی ہیں مگر خود انہیں ان کی والدہ صبا حمید ہی کہتی ہیں کہ وہ فوج کی نوکری نہیں کرپائیں گی۔

ٹیزر میں کبریٰ خان کو عام لڑکی سے فوجی افسر بنتے دکھانے سمیت انہیں سخت تربیت لیتے اور ہتھیار چلاتے بھی دکھایا گیا ہے ٹیزر میں انہیں علی رحمٰن کے ساتھ رومانوی جذبات کے ساتھ بھی دکھایا گیا ہے، تاہم وہ محبت کے اوپر فوج کو اہمیت دیتی دکھائی دیتی ہیں ’صنف آہن‘ میں کبریٰ خان ’ماہ جبین مستان‘ کا کردار ادا کرتی دکھائی دیں گی۔

سجل علی ’صنف آہن‘ میں ’رابعہ سفیر‘ نامی فوجی افسر کا کردار ادا کرتی دکھائی دیں گی جو آرمی کا حصہ بننے سے قبل عام لڑکی ہوتی ہیں ٹیزر میں عثمان مختار کا کردار بھی دکھایا گیا ہے جو کہ ڈرامے میں ’کیپٹن دانیال‘ کے روپ میں دکھائی دیں گے۔

مختصر دورانیے کے ٹیزر میں گلوکار عاصم اظہر کو بھی دیکھا جا سکتا ہے جو کہ سجل علی سے کسی شاپنگ مال میں ٹکراتے ہیں اور انہیں دیکھتے ہی رہ جاتے ہیں ٹیزر میں دکھایا گیا ہے کہ سجل علی کے والدین ان کے فوج میں شمولیت کے فیصلے سے خوش نہیں ہوتے جب کہ باقی لوگ بھی انہیں کہتے سنائی دیتے ہیں کہ فوج میں شامل ہونا مشکل کام ہے اور وہ اس کا حصہ نہیں بن پائیں گی۔

ڈراما سیریل’صنف آہن‘ کا ٹیزر جاری

ٹیزر میں سجل علی کو فوج میں شامل ہوتے اور تربیت لیتے ہوئے بھی دکھایا گیا ہے جب کہ انہیں ٹریننگ کے دوران بے ہوش ہوتے ہوئے بھی دکھایا گیا ہے۔

ٹیزر میں سجل علی کو والدین سمیت دیگر افراد سے لڑتے ہوئے بھی دکھایا گیا ہے کہ جب عام تعلیم یافتہ لڑکیاں اچھی اچھی نوکری کر سکتی ہیں تو وہ گولڈ میڈلسٹ ہونے کے ناتے فوج میں کیوں نہیں جا سکتیں؟ ٹیزر میں سجل علی کو کامیابی سے فوج کی تربیت حاصل کرنے کے بعد افسر کے روپ میں بھی دکھایا گیا ہے جب کہ انہیں گولیاں چلاتے اور مشکل ایکسرسائیز کرتے ہوئے بھی دکھایا گیا ہے۔

یمنیٰ زیدی کے کردار کے ٹیزر میں بھی انہیں ایک پشتون قبیلے کی لڑکی سے فوجی افسر بنتے دکھایا گیا ہے ڈرامے میں یمنیٰ زیدی ’شائستہ خانزادہ‘ کا کردار ادا کریں گی جو کہ پشتونوں کے قبائلی علاقے سے تعلق رکھتی ہیں اور ان کے قبیلے میں لڑکیوں کو ملازمت کی اجازت نہیں ہوتی۔

ٹیزر میں یمنیٰ زیدی کو گھر سے قبائلی روایات توڑ کر فرار ہوکر فوج میں شمولیت اختیار کرتے اور افسر بنتے دکھایا گیا ہے وہ پشتو انداز میں اردو بولتی دکھائی دیتی ہیں اور انہیں سخت تربیت سمیت ہتھیار چلاتے ہوئے بھی دکھایا گیا ہے۔

واضح رہے کہ ڈرامے کی کہانی عام گھرانوں سے تعلق رکھنے والی لڑکیوں کے گرد گھومتی ہے جو بعد ازاں فوجی افسر بنتی ہیں سائرہ یوسف، سجل علی، کبریٰ خان، یمنٰی زیدی اور رمشا خان سمیت سری لنکن اداکارہ یحالی تاشیا بھی ’صنف آہن‘ میں مرکزی کرداروں میں دکھائی دیں گی جبکہ مزید کاسٹ میں عثمان مختار، میرب علی، عاصم اظہر سمیت دیگر اداکار بھی شامل ہیں۔

ڈرامے کی کہانی عمیرہ احمد نے لکھی ہے اور اسے ہمایوں سعید کی اہلیہ ثمینہ سعید ثنا شاہنواز نے پروڈیوس کیا ہے جب کہ ڈرامے کو بنانے میں پاک فوج کے شعبہ تعلقات عامہ (آئی ایس پی آر) نے بھی تعاون کیا ہے۔

ڈرامے کو جلد اے آر وائے ڈیجیٹل پر نشر کیا جائے گا، تاہم اس کی ریلیز کی تاریخ کا اعلان نہیں کیا گیا۔

پاکستان کے معروف اداکار شہریار منورکا حال ہی میں بالی وڈ اداکارہ دپیکا پڈوکون اور نوازالدین صدیقی کے ہمراہ وائرل ہونے والی اپنی تصاویر پر وضاحتی بیان سامنے آیا ہے انہوں نے واضح کیا ہے کہ وہ نہ تو با لی وڈ اداکارہ دپیکا پڈوکون کے ہمراہ کسی منصوبے میں ایک ساتھ کام کرنے جا رہے ہیں اور نہ ہی وہ نوازالدین صدیقی کے پاؤں پڑے تھے۔

باغی ٹی وی : شہریار منور کی تصاویر اور ویڈیوز پر صارفین نے منفی تبصرے کئے تھے جس پر شہریار صدیقی نے وضاحت کرتے ہوئے برہمی کا اظہار کیا ہے اداکار ’فوچیا میگزین‘ کے ساتھ بات کرتے ہوئے اس بات پر برہمی کا اظہار کیا کہ متحدہ عرب امارات (یو اے ای) میں ایوارڈز تقریب کے دوران ان کی ذاتی ویڈیوز اور تصاویر بناکر انہیں غلط انداز اور رنگ میں شیئر کرکے وائرل کیا گیا۔

شہریار منور نے بتایا کہ ان کی اور دپیکا پڈوکون کی ملاقات حادثاتی طور پر ہوئی تھی، وہ جن دوستوں سے ملنے گئے تھے، ان سے ملنے کے لیے دپیکا پڈوکون بھی وہاں آئی اور پھر ان دونوں کے درمیان بطور فنکار نہیں بلکہ ایک عام انسان گفتگو ہوئی۔

شہریار منور نے بتایا کہ وہ دبئی میں فلم فیئر ایوارڈز میں شرکت کے لیے گئے تھے، جہاں انہیں ان کی مختصر فلم ’پرنس چارمنگ‘ پر ایوارڈ دیا گیا مگر کسی بھی ویب سائٹ نے اس متعلق کوئی خبر نہیں دی۔

انہوں نے بتایا کہ دپیکا پڈوکون کے ساتھ ان کی تصاویر وائرل کرکے ان دونوں سے متعلق غلط باتیں پھیلانا شروع کی گئی تھیں، جس پر انہوں نے اپنی پی آر ٹیم کی خدمات حاصل کرکے بہت ساری جگہوں سے وہ تصاویر ڈیلیٹ کروادیں۔

شہریار منور کے مطابق ان کی اور دپیکا پڈوکون کی ملاقات ذاتی تھی اور ان کی پرائیویسی میں مداخلت کرکے ان کے لیے مسائل پیدا کرنے کی کوشش کی گئی انہوں نے کہا کہ دپیکا پڈوکون کے ساتھ تصویر وائرل ہونے سے ان سمیت بولی وڈ اداکارہ کے ساتھ بھی کوئی مسئلہ ہوسکتا تھا دپیکا کے ساتھ کسی بھی فلم یا دوسرے منصوبے میں کام نہیں کرنے جا رہے، بس وہ اتفاقی ملاقات تھی، جسے غلط رنگ دیا گیا۔

شہریار منور کے مطابق انہوں نے نوازالدین صدیقی کے پاؤں احترامًا اور اپنی سندھی روایات کے مطابق چھوئے، کیوں کہ سندھی روایات کے مطابق جس شخص کا احترام کیا جاتا ہے، انہیں ہاتھ جوڑ کر اور ان کے پاؤں چھوکر ان کی عزت کی جاتی ہے۔

انہوں نے بتایا کہ وہ اور ماہرہ خان جب نوازالدین صدیقی کے ساتھ گفتگو کر رہے تھے تو ماہرہ نے ان سے مذاق میں کہا کہ نوازالدین صدیقی مرشد ہیں، ان کے پاؤں چھوئیں، جس پر انہوں نے بھی مذاق مذاق میں ان کے پاؤں پر ہاتھ رکھے اور سوشل میڈیا پر 30 منٹ کی گفتگو میں صرف اسی منظر کو وائرل کیا گیا۔

سینئر اداکار سہیل اصغر انتقال کر گئے۔

باغی ٹی وی : تفصیلات کے مطابق سینئر ادا کار سہیل اصغر کچھ ایک ہفتے سے علیل اور اسپتال میں داخل تھے، ان کا ڈیڑھ سال قبل بڑی آنت کا آپریشن بھی ہوا تھا۔

سہیل اصغر کے اہل خانہ نے بھی ان کے انتقال کی تصدیق کی ہے، اہل خانہ کے مطابق ان کی نماز جنازہ کل نماز عصر کے بعد کراچی بحریہ ٹاؤن میں ادا کی جائے گی۔

واضح رہے کہ سہیل اصغر پاکستانی مزاح کار، اسٹیج اور ٹی وی اداکار ہیں، اُنہوں نے لاہور سے اپنے کریئر کا آغاز کیا، اُنہوں نے لاہور میں تیار کیے جانے والے مزاحیہ اسٹیج ڈراموں سے بنیادی شہرت حاصل کی۔

اُن کے مشہور ٹی وی ڈراموں میں لاگ، خدا کی بستی، کاجل گھر، دکھ سکھ ، حویلی، ریزہ ریزہ، پیاس، چاند گرہن اور دیگر ڈرامے شامل ہیں اِس کے علاوہ 2003 میں اُنہوں نے پہلی مرتبہ چھوٹی اسکرین سے بڑی اسکرین پر قدم رکھا اور فلم ’مراد ‘ میں اپنی اداکاری کے جوہر دکھائے، اُس کے بعد اُنہوں نے فلم ’ماہ نور‘ میں بھی کام کیا۔

ہدایت کار ندیم بیگ کے نئے آنے والے ڈراما سیریل’صنف آہن‘ کا ٹیزر جاری کردیا گیا ہے-

باغی ٹی وی : اے آر وائے ڈیجیٹل کی جانب سے سوشل میڈیا پر جاری کیے گئے مختصر دورانیے کے ٹیزر میں فی الحال صرف کرداروں کو متعارف کرایا گیا ہے جن میں سائرہ یوسف، سجل علی، کبریٰ خان، یمنٰی زیدی اور رمشا خان شامل ہیں-

ٹیزر میں دکھایا گیا ہے کہ عام گھرانوں کی لڑکیاں کس طرح پاک فوج کا حصہ بن کر ’صنف نازک سے صنف آہن‘ کا سفر طے کرتی ہیں ٹیزر میں اداکاراؤں کو فوجی تربیت لینے سمیت یونیفارم میں ہتھیار چلاتے ہوئے بھی دکھایا گیا ہے۔

مختصر دورانیے کے ٹیزر کو اے آر وائے ڈیجیٹل کے سوشل میڈیا پیجز سمیت ڈرامے کی کاسٹ میں شامل اداکاراؤں نے بھی شیئرکیا ڈرامے کو جلد ہی نشر کیا جائے گا، تاہم اس کی حتمی تاریخ کا اعلان نہیں کیا گیا-

سائرہ یوسف، سجل علی، کبریٰ خان، یمنٰی زیدی اور رمشا خان کے علاوہ ’صنف آہن‘ کی مزید کاسٹ میں عثمان مختار، میرب علی اور سری لنکن اداکارہ یحالی تاشیا سمیت دیگر اداکار بھی شامل ہیں-

ڈرامے کی کہانی عمیرہ احمد نے لکھی ہے اور اسے ہمایوں سعید کی اہلیہ ثمینہ سعید ثنا شاہ نواز نے پروڈیوس کیا ہے جب کہ ڈرامے کو بنانے میں پاک فوج کے شعبہ تعلقات عامہ (آئی ایس پی آر) نے بھی تعاون کیا ہے۔

ڈرامے کے حوالے سے اداکارہ سائرہ یوسف کا کہنا ہے کہ صنف آہن‘ کی کہانی فوج کی 5 خواتین افسران کے گرد گھومتی ہے جو مختلف طبقہ ہائے زندگی سے تعلق رکھنے والے خاندانوں سے تعلق رکھتی ہیں مگر آرمی کا حصہ بننے کے بعد ان کی منزل ایک ہوجاتی ہے۔

قومی کرکٹ ٹیم کے آل راؤنڈر شعیب ملک کی اداکارہ ہانیہ عامر کے ساتھ فوٹو شوٹ وائرل ہوگئی۔

باغی ٹی وی : جہاں شعیب ملک ٹی ٹو ئنٹی ورلڈ کپ میں اپنی عمدہ اور شاندار پرفارمنس کی وجہ خوب تعریفیں سمیٹ رہے ہیں اپنے مداحوں کی آنکھوں کا تارہ بنے ہوئے ہیں وہیں ان پر تنقید بھی کی جا رہی ہے-

قومی کرکٹر نے اداکارہ ہانیہ عامر کے ساتھ فوٹو شوٹ کی تصاویر بھی سوشل میڈیا اکاؤنٹ پر پوسٹ کیں جو کچھ ہی دیر میں وائرل ہوگئیں جب کہ یہی تصاویر اداکارہ ہانیہ عامر نے بھی اپنے سوشل میڈیا اکاؤنٹ سے شیئر کی ہیں تاہم مداحوں کو ان کا یہ انداز پسند نہ آیا اور دونوں پر تنقید شروع کردی۔

شعیب ملک نے اداکارہ ہانیہ عامر کے ساتھ فوٹو شوٹ ‘ہیلو پاکستان’ کیلئے کروایا ہے جس کی تصاویر ہیلوپاکستان کے آفیشل پیچ سے بھی شیئر کی گئیں جس میں کرکٹر اور اداکارہ کو مختلف لباس میں الگ الگ پوز کے ساتھ دکھایا گیا ہے۔

واضح رہے کہاس سے قبل شعیب ملک کا اداکارہ عائشہ عمر کے ساتھ بولڈ فوٹو شوٹ بھی خوب وائرل ہوا تھا جو صارفین کو ایک آنکھ نہیں بھایا تھا اور دونوں کے بولڈ انداز پر صارفین نے عائشہ عمر اور شعیب ملک سے طرح طرح کے سوالات پوچھنے شروع کردیئے تھے ایک صارف نے عائشہ عمر سے سوال کیا تھا کہ کیا وہ اور شعیب ملک شادی کر رہے ہیں؟ جس پر عائشہ عمر نے کہا نہیں شعیب ملک اور ثابنیہ مرزا ان کے اچھے دوست ہیں-

خیال رہے کہ آئی سی سی ٹی ٹوئنٹی ورلڈکپ کا دوسرا سیمی فائنل آج پاکستان اور آسٹریلیا کے درمیان ابوظہبی میں کھیلا جارہا ہے ایسے میں شعیب ملک سوشل میڈیا پر اپنی ناساز طبیعت کی وجہ سے موضوع بحث رہے ان کے مداح ان کی سحت کو لے کر تشویش میں مبتلا تھے تاہم اب پی سی بی نے انہیں صحتیاب قرار دیتے ہوئے کہا کہ وہ آج کے میچ کے لیے دستیاب ہوں گے-