سوشل میڈیا صارفین نے پاکستان کی پہلی خاتون لیفٹیننٹ جنرل نگار جوہر کی زندگی پر بننے والی فلم میں ماہرہ خان کو مرکزی کردار کے لیے کاسٹ کرنے پر اعتراض اٹھادیا-

باغی ٹی وی : چند روز قبل پاکستان کی پہلی خاتون لیفٹیننٹ جنرل نگار جوہر کی زندگی پر بننے والی ٹیلی فلم ’’ایک ہے نگار‘‘ کا پہلا ٹیزر جاری کیا گیا تھا فلم میں ماہرہ خان نے نگار جوہر کا مرکزی کردارادا کیا ہے۔

یہ فلم پاک فوج کی پہلی تھری اسٹار جنرل کے عہدے پر ترقی پاکر ملک کی پہلی لیفٹیننٹ جنرل اور پاکستان کی پہلی خاتون سرجن نگار جوہر کی زندگی پر مبنی ہے نگار جوہر پاکستان کی پہلی خاتون سرجن جنرل بھی تعنیات ہوئیں نگار جوہر ایک شاندار سرجن ہیں جنہوں نے اپنی زندگی لگن کے ساتھ میڈیکل کے شعبے میں کام کرتے ہوئے گزاری۔ وہ اس شعبے سے 1985 سے وابستہ ہیں۔

Presenting the much-awaited new project #AikHaiNigar, based on a true story!

Starring Mahira Khan as Nigar – only on #ARYDigital #AikHaiNigar #MahiraKhan #ComingSoon #StayTuned@TheMahiraKhan pic.twitter.com/Hu0LbBBSMP

— ARY Digital (@arydigitalasia) August 29, 2021

دوروز قبل ٹیلی فلم کا دوسرا ٹیزر جاری کیا گیا پہلے تو لوگوں نے ٹیلی فلم کے ٹیزر کو سراہاتاہم اب سوشل میڈیا صارفین نے نگار جوہر کے کردار کے لیے ماہرہ خان کو کاسٹ کرنے پر اعتراض اٹھایا ہے۔

سوشل میڈیا صارفین کا کہنا ہے کہ جب کسی کی بائیوگرافی پر فلم یا ڈراما بنایاجاتا ہے تو کوشش کی جاتی ہے کہ اداکار کے چہرے اور اُس شخص کے درمیان تھوڑی بہت مشابہت ہو جس کی زندگی پر فلم بنائی جارہی ہے۔ لیکن یہاں تو اس بات کا خیال ہی نہیں رکھا گیا۔ کیونکہ جنرل نگار جوہر اور ماہرہ خان کے چہرے میں مشابہت نہیں ہے۔

سوشل میڈیا صارفین کا کہنا ہے کہ جنرل نگار جوہر اور اداکارہ اریبہ حبیب کے چہرے میں بہت زیادہ مماثلت ہے لہذا اس کردار کے لیے ماہرہ خان کی جگہ اریبہ حبیب کو کاسٹ کرنا چاہئے تھا۔ قرۃ العین ندیم نے کہا یہ کردار اریبہ حبیب پر بہت زیادہ سوٹ کرتا۔ تاہم کچھ لوگوں نے جنرل نگار جوہر کے کردار کے لیے اداکارہ صنم بلوچ کا نام بھی تجویز کیا۔

ٹیلی فلم میں نگار جوہر کا کردار ماہرہ خان نے ادا کیا ہے جب کہ ان کے مقابل اداکار بلال اشرف مرکزی کردار میں نظرا ٓئیں گے ٹیلی فلم کا ابتدائی حصہ آرمی میڈیکل کالج میں شوٹ کیاگیا ہے جس میں نگار جوہر کی طالب علمی کی زندگی اور اس کے بعد پیشہ ورانہ زندگی کو دکھایا گیا ہے۔

ٹیلی فلم ’’ایک ہے نگار‘‘ کی کہانی عمیرہ احمد نے تحریر کی ہے فلم کی ہدایات عدنان سرور نے دی ہے جبکہ نینا کاشف اور ماہرہ خان کی پروڈکشن کمپنی سلفری فلمز کے بینر تلے اس فلم کو تیار کیا گیا ہے۔

پاکستان کی پہلی خاتون لیفٹیننٹ جنرل کی زندگی پر بننے والی ٹیلی فلم کا ٹیزر جاری

یہ ٹیلی فلم نجی ٹی وی چینل اے آر وائے ڈیجیٹل پر پیش کی جائے گی تاہم ابھی تک اس کی ریلیزکی تاریخ منظرعام پر نہیں آئی ہے۔

آئی ایس پی آر نے یوم دفاع اور شہدا سے متعلق ایک اور خصوصی پرومو جاری کر دیا

سوشل میڈیا کا ’کک آف’ چیلنج پورا کرنے کی کوشش میں پاکستانی اداکارہ و ماڈل آمنہ الیاس شدید تنقید کا نشانہ بن گئیں-

باغی ٹی وی : ماڈل آمنہ الیاس اکثر و بیشتر اپنے ’بولڈ‘ بیانات اور سماجی مسائل پر گفتگو کی وجہ سے خبروں میں رہتی ہیں لیکن اس بارانہوں نے سوشل میڈیا کا ’کک آف’ چیلنج کسی کے منہ پر جوتا مار دیا اور بعد ازاں اسے اپنے تصدیق شدہ انسٹاگرام پر پوسٹ بھی کر دیاجس کے بعد صارفین کی طرف سے انہیں شدید تنقید کا سامنا کرنا پڑ رہا ہے-

شئیر کی گئی ویڈیو میں اداکارہ ’کک آف‘ چیلنج پورا کرنے کے لیے اپنے سامنے کھڑے ایک شخص کے سر پہ رکھے سیب کو کک مار کر گرانے کی کوشش کر رہی ہیںاس کوشش کے دوران اداکارہ سیب کو تو نہ گرا سکیں مگر ان کی کک سامنے کھڑے شخص کے چہرے اور سر پر جا لگی۔

انسٹاگرام پر ویڈیو شیئر ہوتے ہی آمنہ الیاس پر تنقید شروع ہو گئی اور انسٹا صارفین نے نہ صرف ویڈیو بنانے بلکہ ویڈیو اپ لوڈ کرنے پر بھی اداکارہ پر تنقید کی۔

صارفین کا کہنا ہے کہ ایسی حرکت کو پوسٹ کرنا بے حسی کی علامت ہے، اگر آمنہ الیاس کی جگہ کوئی مرد اداکار ہوتا تو کیا ہوتا ؟ ایک اور صارف کا کہنا تھا کہ اب جسے آپ نے کک ماری ہے اسے اپنی جگہ دیں اور خود اس کی جگہ بیٹھیں اور پھر بتائیں کے کیسا لگتا ہے۔

اداکارہ ایمن خان نے بھی کمنٹ کے ذریعے اس ویڈیو کو سراہا جس پر صارفین نے انہیں بھی تنقید کا نشانہ بنایا ہے اور کہا کہ یہ کوئی سراہے جانا والا عمل نہیں تھا۔

اداکارہ صنم چوہدری نے اسلام کی خاطر شوبز کو خیر باد کہہ دیا

راولپنڈی: پاک فوج کے شعبہ تعلقات عامہ (آئی ایس پی آر) نے یوم دفاع و شہداء کے حوالے سے ایک اور ویڈیو جاری کر دی ہے۔

باغی ٹی وی : پاک فوج کے شعبہ تعلقات عامہ (آئی ایس پی آر) کی جانب سے سماجی رابطے کی ویب سائٹ ٹویٹر پر ویڈیو اپ لوڈ کی گئی۔ یوم دفاع و شہداء کے حوالے سے یہ پانچویں ویڈیو "جذبہ” کے عنوان سے جاری کی گئی ہے۔ اس ویڈیو میں دفاع وطن میں غازیوں شہیدوں اور ان کے اہلخانہ کے عزم اور جذبے کو خراج عقیدت پیش کیا گیا ہے۔

Defence & Martyrs’ Day
شُہداء، غازیوں اوراُن سے جُڑے تمام رِشتوں کو سَلام
شُہدائے پاکستان، ہمارا فَخر#6September#ShuhadaKoSalam pic.twitter.com/X583hDPwUM

— DG ISPR (@OfficialDGISPR) August 31, 2021

آئی ایس پی آر کی جانب سے اس ویڈیو میں پاکستان کے نوجوانوں اور ان کے اہلخانہ کا اپنے پاک وطن کے لئے جذبے اور عقیدت اور وطن کے لئے اپنا سب کچھ قربان کر دینے جیسے انمول جذبوں کو بیان کیا گیا ہے-

ڈی جی آئی ایس پی آر نے ٹویٹر پر لکھا کہ راہِ حق کے غازیوں شہیدوں کو سلام، ان محافظوں سے وابستہ سبھی رشتوں کو سلام، شہداء، غازیوں اوران سے جُڑے تمام رِشتوں کو سلام، شہدائے پاکستان، ہمارا فَخر ہیں۔

اس سے قبل آئی ایس پی آر کی جانب سے یوم دفاع و شہداء کے حوالے سے ” وطن کی مٹی گواہ رہنا” گانے کے "سُپر ہیرو” ،”سہارا”اور "خوشخبری” کے عنوان سے خصوصی پرومو شئیر کئے جا چکے ہیں-

یومِ دفاع ہر سال 6 ستمبر کو پاکستان میں بطور ایک قومی دن منایا جاتا ہے۔ یہ دن پاک بھارت جنگ 1965ء میں افواج کی دفاعی کارکردگی اور قربانیوں کی یاد میں منایا جاتا ہے۔ء

اس کا مقصد پاکستان کے دفاع اور عسکری طاقت کو مضبوط کرنے کی یاددہانی ہے تا کہ ہر آنے والے دن میں کسی بھی حملے سے بطریق ءاحسن نمٹا جا سکے

اس دن سکول کالجز اور جامعات کے علاوہ سرکاری دفاتر میں6ستمبر 1965کی پاک بھارت جنگ کے شہداء اور غازیوں کو خراج تحسین پیش کیا جاتا ہے اور بھارت کے اس حملے کی پسپائی کا تذکرہ کیا جاتا ہے جس میں اسے شکست کا سامنا کرنا پڑا تھا،

ہر پاکستانی اپنی فوج کے دفاع پر فخر کرتا ہے اور یقین رکھتا ہے کہ پاک فوج ہر محاذ پر سرخرو ہے،

6ستمبر 1965ء کا دن عسکری اعتبار سے تاریخ عالم میں کبھی نہ بھولنے والا قابلِ فخردن ہے جب کئی گنا بڑے ملک نے افرادی تعداد میں کئی گنا زیادہ لشکر اور دفاعی وسائل کے ساتھ اپنے چھوٹے سے پڑوسی ملک پر کسی اعلان کے بغیر رات کے اندھیرے میں فوجی حملہ کر دیا۔ اس چھوٹے مگر غیور اور متحد ملک نے اپنے دشمن کے جنگی حملہ کا اس پامردی اور جانثاری سے مقابلہ کیا کہ دشمن کے سارے عزائم خاک میں مل گئے۔ بین الاقوامی سطح پر بھی اسے شرمندگی اٹھانا پڑی۔ جارحیت کرنے والا وہ بڑا ملک ہندوستان اور غیور و متحد چھوٹا ملک پاکستان ہے

1965ء کی ہندوستان اور پاکستان کے درمیان ہونے والی اس جنگ میں ثابت ہوا کہ جنگیں ریاستی عوام اور فوج متحد ہو کر ہی لڑتی اور جیت سکتی ہیں۔ پاکستانی قوم نے اپنے ملک سے محبت اور مسلح افواج کی پیشہ وارانہ مہارت اورجانثاری کے جرأت مندانہ جذبے نے ملکر نا ممکن کو ممکن بنا کر دکھایا-

پاکستانی اداکارہ و ماڈل صوفیہ مرزا کی ایک ویڈیو سوشل میڈیا پر وائرل ہو رہی ہے جس میں وہ گھڑ سواری سے لطف اندوز ہو رہی ہیں-

باغی ٹی وی : اداکارہ صوفیہ مرزا نے سماجی رابطے کی ویب سائٹ یو ٹیوب پر اپنے اکاؤنٹ پر ایک ویڈیو شئیر کی ہے ویڈیو میں دیکھا جا سکتا ہے کہ وہ ایک گھوڑوں کے فارم ہاؤس میں موجود ہیں جہاں وہ گھڑ سواری کرتے دکھائی دے رہی ہیں-

اداکارہ نے سماجی رابطے کی ویب سائٹ انسٹاگرام پر بھی تصاویر شئیر کیں جن میں انہیں گھڑسواری کرتے دیکھا جا سکتا ہے اور تصاویر میں وہ خوشگوار موڈ میں انجوائے کرتے دلکش دکھائی دے رہی ہیں-

ویڈیو شئیر کرتے ہوئے انہوں نے کیپشن میں لکھا کہ ماشاءاللہ یہ خوبصورت گھوڑا مستحکم ہے اور میں اس پیارے گھوڑے کو چھوتے ہوئے ڈر محسوس کر ہی ہوں جبکہ یہاں موجود ہر گھوڑا مجھے چھونے کی کوشش کر رہا ہے-

انہوں ساتھ ہی گھوڑے کی قیمت کے بارے میں بتایا کہ اس گھوڑے کی قیمت 1 کروڑ روپے ہے-

مداحوں کی جانب سے اداکارہ کی ویڈیوز اور تصویر کو خوب سراہا جا رہا ہے اور نیک خواہشات کا اظہار کرتے ہوئے تعریفی تبصرے کئے گئے-

جھنڈیوں کے ساتھ ایک پودا بھی ضرور لگائیں یوم آزادی پر صوفیہ مرزا کا مداحوں کو پیغام

واضح رہے کہ اس سے قبل ایک پیغام میں اداکارہ و ماڈل صوفیہ مرزا کا جشن آزادی کے حوالے سے اپنے پیغام میں کہناتھا کہ 14 اگست پر جھنڈیوں کے ساتھ ایک پودا بھی لگائیں-

صوفیہ مرزا کا کہنا تھا کہ پاکستانی اداکارہ صوفیہ مرزا نے پاکستان کے 75 ویں یوم آزادی کے حوالے سے جاری کئے گئے اپنے پیغام میں کہا کہ انہوں اس 14 اگست کو وزیر اعظم پاکستان کے ویژن گرین پاکستان کے مدنظر پودے لگائے ساتھ ہی انہوں نے پاکستانی عوام سے اپیل کی کہ وہ اس پُر مسرت موقع پر جھنڈیوں کے ساتھ ایک پودا لگائیں

اداکارہ صوفیہ مرزا نے دوران سماعت ایسا الزام لگایا کہ عدالت نے کیس سننے سے معذرت کر لی

صوفیہ مرزا کا مزید کہنا تھا کہ ہمیں پاکستان کی حفاظت کرنی ہے ، اسکے لئے ضروری ہے کہ اتحاد و یکجہتی کے ساتھ رہیں ، ملک سے نفرتوں کو ختم کریں اور وطن کی بقا کے لئے شجر کاری مہم میں ضرور حصہ لیں، سرسبز پاکستان وزیراعظم کا خواب ہے اور اسے عملی جامہ پہنانا ضروری ہے-

خیال رہے کہ اداکارہ ماڈل و میزبان صوفیہ مترزا متعدد معروف ڈراموں میں اپنی اداکاری کے جوہر دکھا چکی ہیں صوفیہ مرزا کی ڈرامہ فہرست میں گل بشری ، اپنائے ہوئے پرائے ، سسر ان لاء ، اگر تم نا ہوتے ، نقاب ، کرواچوت جیسے ڈرامے شامل ہیں –

ڈائریکٹرایف آئی اے کی صوفیہ مرزا کی بچیوں کی بازیابی کے لیے اقدامات کی یقین دہانی

پاکستان شوبز کی معروف اداکارہ و ماڈل صنم چوہدری نے شوبر انڈسٹری کو خیرباد کہہ دیا۔

باغی ٹی وی : تفصیلات کے مطابق اداکارہ صنم چوہدری نے انسٹاگرام سے اپنی تمام تصاویر ڈیلیٹ کر دی ہیں جس کے بعد کہا جا رہا ہے کہ انہوں نے شوبز سے کنارہ کشی اختیار کر لی ہے۔

گزشتہ دنوں صنم نے ایک مبہم پوسٹ شیئر کی تھی جس میں بتایا گیا تھا کہ میرے گھر والوں نے میرے فیصلے کی حمایت کی ہے اور مجھے بھرپور سپورٹ کیا ہے تاہم اداکارہ نے فیصلے کے متعلق کوئی وضاحت نہ دی تھی تاہم اس کے بعد انہوں نے اپنی تمام تر تصاویر اپنے اکاؤنٹ سے ڈیلیٹ کردی ہیں۔

اب مداحوں کی جانب سے قیاس کیا جارہا ہے کہ اداکارہ نے شوبز انڈسٹری سے کنارہ کشی اختیار کر کے اللہ کی راہ پر چلنے کا فیصلہ کرلیا ہے۔

اداکارہ صنم چوہدری جو معروف ٹی وی اداکارہ زیب چوہدری کی چھوٹی بہن ہیں صنم چوہدری نے تیس سے زائد ٹی وی ڈراموں میں اداکاری کے ساتھ ساتھ ماڈلنگ بھِی کی اس کے علاوہ انہوں نے ایک فلم میں بھی کام کیا۔

منال خان اور احسن محسن کی شادی کی تاریخ طے پا گئی، کارڈ سوشل میڈیا پر وائرل

صنم چوہدری نے 2013 کے ڈرامے ʼعشق ہماری گلیوں میںʼ کے ساتھ ٹیلی ویژن پر ڈیبیو کیا جبکہ اداکارہ ʼآسمانوں پہ لکھا‘،’ ʼبھول‘، ’گھر تتلی کا پر‘اور ’میر آبرو‘ جیسے کامیاب ڈراموں میں کام کرچکی ہیں۔

خیال رہے کہ سال 2019 میں اداکارہ صنم چوہدری پنجابی گلوکار سومی چوہان سے رشتۂ ازدواج میں منسلک ہوئی تھیں۔ گزشتہ برس اکتوبر میں ان کے ہاں بیٹے کی پیدائش ہوئی تھی۔

واضح رہے کہ اس سے قبل سا بق ادا کا رہ نو ر بخاری نے بھی مذہب کی خا طر شو بز کو چھو ڑ دیا تھا ۔

نائن الیون کے سازشی نظریات پر یقین رکھتا ہوں آسکر ایوارڈ یافتہ ہالی ووڈ ڈائریکٹراسپائیک لی

پاکستان کے معروف اداکار عمران اشرف کی ڈھول کی تھاپ پر ڈانس کرنے کی ویڈیو سوشل میڈیا پر وائرل ہو گئی۔

باغی ٹی وی :نجی ٹی وی چینل کا سُپر ہٹ ڈرامہ رقص بسمل میں موسیٰ کا کردار نبھانے والے اداکار عمران اشرف نے شوٹنگ کے دوران فلمائی گئی ڈانس ویڈیو شیئر کی ہے۔

سماجی رابطے کی ویب سائٹ انسٹاگرام سے جاری ویڈیو میں انہیں ڈھول کی تھاپ پر ڈانس کرتے دکھایا گیا ہے ویڈیو کے کیپشن میں انہوں نے لکھا کہ زہرا کے ملنے پر موسی نے ایک ڈانس کیا تھا جو آپ نے ٹی وی پر دیکھ لیا، جو خوشی عمران اشرف کو ہوئی تھی وہ بھی دیکھ لیں۔

ویڈیو میں دیکھا جا سکتا ہے کہ عمران اشرف کے ساتھ ڈرامے میں ان کے بھائی کا کردار ادا کرنے والے اداکار ثاقب مومن بھی خوب ڈانس کرتے ہیں۔

پاکستان شوبز انڈسٹری کی مقبول ترین جوڑی احسن محسن اکرام اور اداکارہ منال خان کی شادی کی تاریخ طے پا گئی شادی اگلے ماہ ستمبر میں ہو گی-

باغی ٹی وی :سوشل میڈیا ویب سائٹ انسٹاگرام پراداکار احسن محسن اکرام نے شادی کے کارڈ کی تصویر پر شیئر کی جس میں یہ 10 ستمبر 2021 بروز جمعہ کو اداکرہ منال خان کے ساتھ رشتہ ازدواج میں منسلک ہوں گے۔

سوشل میڈیا ویب سائٹ انسٹاگرام پر احسن محسن اکرام نے کپشن میں لکھا کہ الحمداللہ ہم شادی کررہے ہیں۔

پوسٹ کے کیپشن میں منال خان کو مخاطب کرتے ہوئے احسن محسن نے لکھا کہ ’’میں اپنی آخری سانس تک آپ سے محبت کرتا رہوں گا‘‘۔

احسن محسن کی پوسٹ پر ردعمل دیتے ہوئے منگیتر منال خان نے حیرانگی کا اظہار کرتے ہوئے لکھا کہ یا اللہ کیا یہ واقعی ہونے جا رہا ہے-

دوسری جانب منال خان نے بھی کارڈ کی فوٹو شئیر کرتے ہوئے اللہ کا شکر ادا کیا اور احسن محسن کو مخاطب کرتے ہوئے لکھا کہ تم کہاں سے آئے ہو؟ اور اب آپ ہمیشہ کے لیے رہیں گے۔

سوشل میڈیا پر کارڈ کی تصویر منظر عام پر آتے ہی مداحوں اور شوبز شخصیات کی جانب سے جوڑے کو مبارکبادیں دینے کا سلسلہ بھی شروع ہو گیا ہے۔

خیال رہے اداکارہ منال خان اور احسن محسن اکرام کی رواں برس مئی میں بات پکی ہوئی تھی جبکہ دونوں کی منگنی جون میں ہوئی تھی-

معروف ٹک ٹاکر حریم شاہ کی نئی ڈانس ویڈیو کے سوشل میڈیا پر چرچے-

باغی ٹی وی : تفصیلات کے مطابق حریم شاہ اپنی شادی کے بعد ابھی تک ہنی مون پر ترکی میں موجود ہیں اوروہاں سے اپنی نت نئی و یڈیوز مداحوں کے ساتھ شئیر کرتی رہتی ہیں مذکورہ ویڈیو بھی وہیں سے سامنے آئی ہے۔

حریم شاہ کے ٹک ٹاک اور انسٹاگرام اکاﺅنٹس پر پوسٹ کی گئی اس ویڈیو میں دیکھا جا سکتا ہے کہ وہ معروف گیت’بسم اللہ کراں‘ پر رقص کر رہی ہیں حریم شاہ کی ویڈیو میں دکھائی دینے والا کمرہ بظاہر کوئی دفتر لگ رہا ہوتا ہے۔

کمرے میں ترکی اور پاکستان کے پرچموں کے ساتھ دو دیگر جھنڈے بھی پس منظر میں موجود ہیں جبکہ ایک طرف ایک کرسی پڑی ہوئی ہے اور سامنے میز پر ایک لیپ ٹاپ بھی رکھا ہوا ہے-