پاکستانی صدف کنول کہنا ہے کہ آپ جب چھوٹے ہوتے ہیں تو آپ کو سمجھ نہیں ہوتی ماضی میں مختصر لباس پہننا اُن کی غلطی تھی، آئندہ ایسا نہیں کریں گی-

باغی ٹی وی : صدف کنول چند ہفتوں کے دوران کافی خبروں میں رہیں، اُن کی جانب سے دیا گیا شوہر سے متعلق بیان کافی مشہور ہوا، جہاں اُن کے اس بیان کو تنقید کا سامنا رہا وہیں لوگوں کی ایک بڑی تعداد ان کی حمایت میں سامنے آئی اور اُن کی سوچ کو سراہا-

صدف کنول کی اس ہی انٹرویو سے لیا گیا ایک اور مختصر سا ویڈیو کلپ سوشل میڈیا پلیٹ فارم انسٹا گرام پر خوب وائرل ہو رہا ہے جس میں وہ ماضی میں کی گئی اپنی غلطیوں سے متعلق بات کر ےی دکھائی دے رہی ہیں-

صدف کنول کا انٹرویو میں کہتی ہیں کہ آپ جب چھوٹے ہوتے ہیں تو آپ کو سمجھ نہیں ہوتی ، آ پ کوئی بھی فیشن کر لیتے ہیں کوئی بھی لباس پہن لیتے ہیں، مگر جب آپ بڑے ہوتے ہیں تو چیزوں کو صحیح طریقے سے سمجھتے ہیں اور بدلتے رہتے ہیں، وہ اب بڑی اور سمجھ دار ہو گئی ہیں-

صدف کنول نے مزید کہا کہ اُنہوں نے سوچ لیا ہے کہ اب وہ ایسا لباس نہیں پہنیں گیں جب اُنہوں نے مختصر لباس پہننے تھے تو اُس وقت پہن لیے اب وہ آگے ایسا فیشن نہیں کریں گی، آئندہ وہ کبھی مختصر لباس نہیں پہنیں گی میرے زندگی کے بارے نظریات بدل چُکے ہیں-

صدف کنول کے نوجوان لڑکیوں کو کامیاب ازدواجی زندگی سے متعلق مشورے ، ویڈیو کے سوشل…

معروف اداکارہ دردانہ بٹ کے انتقال پر شوبز برادری کی جانب سے افسوس کا اظہار کیا جا رہا ہے-

باغی ٹی وی : پاکستان شوبز انڈسٹری کی ماضی کی معروف اداکارہ دردانہ بٹ کو طبیعت ناسازی کے باعث وینٹی لیٹر پر منتقل کیا گیا تھا گزشتہ دو ہفتوں سے کورونا کی تشخیص کے بعد اسپتال میں زیر علاج تھیں۔

اداکار خالد ملک نے دردانہ بٹ کے انتقال کی تصدیق اپنے انسٹاگرام پوسٹ میں کی انہوں نے لکھا کہ دردانہ آپا دنیا چھوڑ کر خالقِ حقیقی سے جا ملی ہیں، عقلمند، مزاحیہ، بصیرت والی داردانہ بٹ ایک خاص روح تھیں، جو اب اس دنیا میں نہیں رہی ہیں۔

معروف اداکارہ دردانہ بٹ 83 برس کی عمر میں انتقال کرگئیں

جہاں اداکارہ کے مداحوں کی جانب سے افسوس کا اظہار کیا جا رہا ہے وہیں ساتھی فنکاروں کی جانب سے بھی شدید غم کا اظہار کیا جا رہا ہے-

صدر آرٹس کونسل احمد شاہ نے سینئیر اداکارہ کے انتقال پر افسوس کا اظہار کرتے ہوئے کہا کہ دُردانہ بٹ دو ہفتے سے اسپتال میں زیر علاج تھیں اداکارہ دُردانہ بٹ کینسر کے باعث انتقال کر گئیں-

اداکار فردوس جمال نے اظہار افسوس کرتے ہوئے کہا کہ دُردانہ بٹ کے انتقال پرافسوس ہوا،دُردانہ بٹ بہت اچھی آرٹسٹ تھیں انہوں نے میرے ساتھ تھیٹر میں بھی کام کیا-

اداکار قوی خان نے کہا کہ دُردانہ بٹ ہمارے لیے بہت محترم تھیں ان کے انتقال پر افسوس ہوا دُردانہ بٹ کا انتقال کورونا کی وجہ سےہوا-

لاہور:بزنس مین کو بلیک میل کرنے اورویڈیو کا جھانسہ دے کر بھتہ مانگنے کی کیس میں پیشرفت-

باغی ٹی وی :تفصیلات کے مطابق ایف آئی اے نےاداکارہ اورماڈل افرا خان کوجوڈیشل ریمانڈ پرجیل بھجوادیا جوڈیشل مجسٹریٹ احمد عمران مظہر نے ملزمہ کا جوڈیشل ریمانڈ منظور کیا-

واضح رہے کہ اداکارہ و ماڈل افرا خان کو فیڈرل انوسٹی گیشن ایجنسی (ایف آئی اے) کے سائبر کرائم ونگ نے گرفتار کرلیا تھا وفاقی تحقیقاتی ادارے (ایف آئی اے) کے سائبر کرائم ونگ نے اداکارہ اور ماڈل افرا خان کو بلیک میلنگ کے الزام میں گرفتار کیا تھا ایف آئی اے حکام کے مطابق ماڈل افرا خان پر ایک بزنس مین کو بلیک میل کرنے کا الزام ہے۔

حکام کا کہنا تھا کہ اداکارہ و ماڈل افرا خان نے شہر کے ممتاز تاجر کے ساتھ ویڈیو بنا کر انہیں مبینہ طور پر بلیک میل کیا تھا اداکارہ و ماڈل مبینہ طور پر تاجر سے ایک کروڑ روپے کا بھتہ بھی مانگ رہی تھی۔

بلیک میلنگ کا الزام :ماڈل افرا خان کو ایف آئی اے نے گرفتار کرلیا

اس ضمن میں ذرائع نے دعویٰ کیا تھا کہ اداکارہ افرا خان کی جانب سے بزنس مین سے 5 لاکھ روپے بینک میں ٹرانسفر بھی کرائے گئے تھے ایف آئی اے سائبر کرائم ونگ کے مطابق ماڈل افرا خان کے خلاف مقدمہ درج کر لیا گیا ہے۔

پاکستان کے معروف اداکار عدنان صدیقی نے حکومت کی جانب سے اپنے ہیروز کو نظرانداز کیے جانے پر افسوس کا اظہار کیا ہے-

باغی ٹی وی : حال ہی میں پاکستانی ایتھلیٹ ارشد ندیم نے ٹوکیو اولمپکس میں جیولن تھرو مقابلے کے دوران پانچویں پویشن حاصل کی پاکستانی ایتھلیٹ طلحہ طالب ویٹ لفٹنگ مقابلوں میں صرف دو کلوگرام کے فرق سے میڈل کی دوڑ سے باہر ہوگئے۔

پاکستانی ایتھلیٹس کا کہنا تھا کہ اگر انہیں دنیا کے باقی اولمپکس کھلاڑیوں جیسی سہولیات ملتیں تو آج پورا پاکستان جشن منارہا ہوتا۔

پاکستان کے ان دونوں ایتھلیٹس کے نام ٹوئٹر پر کئی روز تک ٹرینڈنگ میں رہے اور لوگ حکومت اور متعلقہ اداروں سمیت اسپورٹس ایسوسی ایشن انتظامیہ پر زور دیتے نظر آئے کہ وہ ارشد ندیم اور طلحہ طالب جیسے ایتھلیٹس اور اسپورٹس شخصیات کو سپورٹ کریں تاکہ ان کی صلاحیتوں کو مزید نکھارا جاسکے۔

The hypocrisy of making them heroes when they bring medals and leaving them to live a life of misery. These champs are our pride, our responsibility🙏🏽 #takecareofourstars pic.twitter.com/SKBk1utwRC

— Adnan Siddiqui (@adnanactor) August 10, 2021

عدنان صدیقی نے بھی سوشل میڈیا ویب سائٹ ٹوئٹر پر اولمپیئن سے رکشہ ڈرائیور بننے والے قومی ہیرو محمد عاشق کی افسوسناک مثال شیئر کی۔ جنہیں حکومت کی جانب سے نظر انداز کیا گیا اور وہ اپنے ہی ملک کی طرف سے مایوس ہوکر 2018 میں اس دنیا سے چلے گئے۔

عدنان صدیقی نے اولمپیئن محمد عاشق کی تصویر شئیر کرتے ہوئے کہا کہ جب یہ میڈل (تمغے) لاتے ہیں تو انہیں ہیرو بنادیا جاتا ہے اور پھر انہیں مصائب اور مشکلات بھری زندگی گزارنے کے لیے چھوڑدیا جاتا ہے یہ چیمپئن ہمارا فخر اور ہماری ذمہ داری ہیں۔

پنجاب حکومت کا ارشد ندیم اور طلحہٰ طالب کو نقد انعام دینے کا اعلان

واضح رہے کہ اولیمپیئن سائیکلسٹ و قومی ہیرو محمد عاشق نے 1960 سے 1964 میں اولمپکس میں حصہ لے کر پاکستان کی نمائندگی کی تھی تاہم حکومتی سرپرستی نہ ہونے کے باعث وہ آخری ایام میں رکشہ چلانے پر مجبور ہوگئے تھے اور پھر انتہائی کسمپرسی کی حالت میں 83 برس کی عمر میں انتقال کرگئے۔

اپنی موت سے قبل محمد عاشق نے حکومتی رویے پر مایوسی کاا ظہار کرتے ہوئے کہا تھا میں اپنی جیتی ہوئی ٹرافیوں کو دیکھ کر ان کے خیالات میں کھوجاتا ہوں۔ میں لوگوں اور حکومت کے رویے سے حیران ہوں کہ مجھے یہ لوگ کیسے بھول گئے۔ میں پچھلے کئی سالوں سے لاہور کی سڑکوں پر رکشہ چلاکر اپنے اہل وعیال کے لیے روزی روٹی کماتاہوں۔

محمد عاشق نے رکشے پر اپنی سائیکلنگ کی ایک تصویر بھی لگائی ہوئی تھی اور تصویر کے ساتھ ایک کونے پر لکھا ہوا تھا اے حکمرانوں خیال کرو، قومی ہیرو کو سزا مت دو۔

داکارہ ومیزبان فضا علی نے گلوکار سجاد علی اور دیگر کے ساتھ شادی کی خبروں پر خاموشی توڑ دی۔

باغی ٹی وی : اداکارہ فضا علی نے اپنے انسٹاگرام اکاؤنٹ پر ایک ویڈیو شیئر کی جس میں انہوں نے سجاد علی، عامر لیاقت حسین، سابق صدر آصف زرداری سمیت متعدد شخصیات کے ساتھ اپنی شادی کی خبروں پر ایک طویل وضاحتی بیان جاری کیا ہے۔

فضا علی نے ویڈیو پیغام میں ان کے اور گلوکار سجاد علی کی شادی کے حوالے سے یوٹیوب پر چلنے والی خبروں کے مختصر کلپ شیئر کیے اور کہا ’’کیا ملتا ہے آپ لوگوں کو دوسروں کے بارے میں جھوٹی باتیں چھاپنے میں یا لوگوں کے بارے میں جھوٹ بولنے میں، کسی کے اوپر تہمت اور الزام لگانے میں، کسی کی ذاتی زندگی کو اچھالنے میں یا کسی کے کردار پربحث کرنے میں۔

فضا علی نے یوٹیوب پرگردش کرنے والی ان کی اور سجاد علی کی شادی کی خبروں پر کہا سجاد علی صاحب میرے بھائیوں کی طرح ہیں میرے استادوں میرے گُرو کی طرح ہیں۔ وہ پاکستان کا بہت بڑا سرمایہ ہیں پوری دنیا انہیں پسند کرتی ہے، ان کے ساتھ میری شادی کروادی اور نہ صرف میری اور ان کی شادی کروادی بلکہ یہاں تک بولا گیا کہ سجاد علی کی بیوی نے بھی مجھے قبول کرلیا ہے۔ اس کے علاوہ میں نے میڈیا پر یہ بیان دیا ہے کہ سجاد علی بہت اچھے باپ اور شوہر ہیں۔ فضاعلی نے غصے میں کہا میں نے ایسی بکواس کب کی ہے کیا کوئی مجھے بتائے گا۔

اسی ویڈیو میں فضا علی نے کہا یہ بغدادی صاحب اب کو ہیں یہ بغدادی سنگر کہاں سے آگیا یہ کیا بغداد سے الہ دین کے جن کے چراغ سے نکل آئے ہیں جن سے میری زبردستی کی شادی کرادی کچھ خدا کا خوف کریں یہ سارے گلوکار لوگ میرے شو پر آتے ہیں میرے ساتھ سیلفی کی فرمائش کرتے ہیں میرے شو کی ٹیم سے رجوع کرتے ہیں ان سے اجازت ملتی ہے تو میرے ساتھ سیلفی بنواتے ہین

اسی ویڈیو میں فضا علی نے اپنی اور عامر لیاقت حسین کی شادی پر بھی وضاحت دیتے ہوئے کہا کبھی میری شادی عامر لیاقت سے کرادی جاتی ہے کبھی کہاجاتا ہے نکاح پر نکاح کرلیا طوبی عامر کے سامنے اور ان کے درمیان طلاق کی وجہ بن گئین ہیں فضا علی- کبھی میری شادی آصف زرداری سے کرادی جاتی ہے تو کبھی وزیراعظم عمران خان میرے شوہر بنادئیے جاتے ہیں۔ اس کے علاوہ انہوں نے دیگر ٹک ٹاکرز کے ساتھ ان کا نام لیے جانے پر بھی وضاحت کی اور کہا نہ تو ان کے کسی کے ساتھ تعلقات ہیں اور نہ ہی انہوں نے کسی کے ساتھ شادی کی ہے۔

انہوں نے کہا ذیشان روکڑی میرے بھائیوں کی طرح ہیں بلکہ چھوٹے بھائیوں کی طرح ہیں انہوں نے میرے ساتھ گانے گائے ہیں ان کو تاک ٹاک ویڈیوز بنانے کا شوق ہے انہوں نے میرے ساتھ ویڈیوز بنائیں ہیں-

فضا علی نے سوشل میڈیا پر ان کے حوالے سے چلنے والی ان بے بنیاد اور جھوٹی خبروں پر برہمی کا اظہار کرتے ہوئے کہا میں شادی شدہ ہوں یا نہیں یہ میرا مسئلہ ہے۔ انہوں نے ہاتھ جوڑ کر سب سے درخواست کی کہ آپ لوگ رشتہ کرانے والی مائی کا کردار ادا نہ کریں۔

اس ویڈیو کے ساتھ پیغام میں فضا علی نے لکھا براہ مہربانی کوئی بھی بات کرنے سے پہلے سوچ لیا کریں۔ شاید سب نے اپنا اپنا جواب دینا ہے اللہ کو، میں نے بھی اور آپ نے بھی-