تمغہ امتیاز اداکارہ مہوش حیات نے ملک میں خواتین اور بچوں کے خلاف بڑھتے جرائم پر حکومت پر پھٹ پڑیں-

باغی ٹی وی : ادکارہ مہوش حیات نے اپنے سوشل میڈیا اکاؤنٹ ٹوئٹر پر سلسلہ وار ٹوئٹس میں ملک میں خواتین اور بچوں پر ہونے والے جنسی اور صنفی تشدد کے بارے میں آواز اٹھاتے ہوئے کہا ہیش ٹیگز اور نعروں کا وقت ختم ہوچکا۔

Time for hashtags and slogans is over, we demand to know what the government is going to do to change the system. Sexual and gender violence and other forms of discrimination in a society cannot be eliminated without changing society itself.

— Mehwish Hayat TI (@MehwishHayat) July 28, 2021

اداکارہ نے مطالبہ کرتے ہوئے کہا حکومت بتائے کہ نظام کو تبدیل کرنے کے لیے کیا کرنے جارہی ہے معاشرے میں جنسی اور صنفی تشدد اور امتیازی سلوک کی دیگر اقسام کو نظام میں تبدیلی کے بغیر ختم نہیں کیا جاسکتا۔

Laws are there – we need to make the enforcement of them more rigorous and less traumatic for the victim. The judicial process in our country is so daunting, ineffective and outdated.

— Mehwish Hayat TI (@MehwishHayat) July 28, 2021

ایک اور ٹوئٹ میں مہوش حیات نے کہا ملک میں قوانین موجود ہیں ہمیں ان قوانین کے نفاذ کو زیادہ سخت اور متاثرہ افراد کے لیے کم تکلیف دہ بنانے کی ضرورت ہے۔

اداکارہ نے ملک کےعدالتی نظام پر سوال اٹھاتے ہوئے کہا ہمارے ملک میں عدالتی نظام خطرناک، غیر موثر اور فرسودہ ہے۔

Everyone has the basic human right to live in safety free from violence & abuse. No one should live in fear. It is simply not acceptable & cannot be ignored anymore. Apathy is not an option. Action has to be taken now before another victim becomes a hashtag.

— Mehwish Hayat TI (@MehwishHayat) July 28, 2021

مہوش حیات نے ایک اور ٹوئٹ میں کہا تشدد اور زیادتیوں سے پاک محفوظ زندگی گزارنا ہر شخص کا بنیادی حق ہے۔ کسی کو بھی زندگی گزارتے ہوئے خوف زدہ نہیں ہونا چاہئے۔ یہ آسانی سے قابل قبول نہیں ہے اور اسے نظر انداز نہیں کیا جاسکتا۔

انہوں نے کہا کہ بے حسی کوئی آپشن نہیں ہے کسی دوسرے متاثرہ شخص کا ہیش ٹیگ بننے سے پہلے ایکشن لینا ہوگا، کارروائی کرنی ہوگی۔

پاکستانی سابق اداکارہ وینا ملک نے کہا ہے کہ خواتین کو چاہیے کہ پردہ مرد اور عورت دونوں کے لیئے ضروری ہے-

باغی ٹی وی : حال ہی امریکی ٹی وی کو دیئے گئے انٹرویو میں پاکستانی وزیراعظم عمران خان نے کہا تھا کہ خواتین جو مرضی پہنیں، جو شخص زیادتی کرتا ہے وہی اس کا ذمہ دار ہےاور زیادتی سے متاثرہ شخص کبھی اس کا ذمہ دار نہیں ہوتا۔

وزیراعظم عمران خان نے کہا تھا کہ خواتین کے لباس سے متعلق میرے گزشتہ بیان کو سیاق و سباق سے ہٹ کر پیش کیا گیا۔عمران خان کا کہنا تھا کہ انہوں نے پردے کا لفظ استعمال کیا، پردے کا مطلب صرف لباس نہیں، پردہ صرف خواتین کے لیے نہیں مردوں کے لیے بھی ہے-

پردہ مرد اور عورت دونوں کے لیے ھے … عمران خان

مردوں کو چاہیے کہ نگاھیں نیچی رکھیں اور خواتین کو چاہیے کہ مناسب لباس پہنیں…!!!

— VEENA MALIK (@iVeenaKhan) July 28, 2021

سماجی رابطے کی ویب سائٹ ٹوئٹر پر وینا ملک نے وزیراعظم عمران خان کے مذکورہ بالا بیان کا حوالہ دیتے ہوئے لکھا کہ پردہ مرد اور عورت دونوں کے لیے ہے۔

وینا ملک نے لکھا کہ مردوں کو چاہیے کہ نگاہیں نیچی رکھیں اور خواتین کو چاہیے کہ مناسب لباس پہنیں۔

اداکارہ کے اس پیغام پر سوشل میڈیا صارفین کا کہنا ہے کہ ہمارا دین بھی ہمیں یہی پیغام دیتا ہے لیکن افسوس نہ مرد اس پر عمل کررہا ہے اور نہ ہی عورت۔
صارفین کا کہنا ہے کہ مرد کی نگاہ نیچی رہے گا اگر عورت با حیاء اور با پردہ ہو-

پاکستانی اداکار عثمان مختار کو ہراساں اور بلیک میل کرنے والی مبینہ خاتون نے منظرِ عام پر آگئیں خاتون نے اداکار پر الزامات کی بوچھاڑ کر دی۔

باغی ٹی وی : حال ہی میں عثمان مختار نے انسٹاگرام پوسٹ پر مداحوں کو بتایا تھا کہ کیسے ایک خاتون انہیں ڈیڑھ سال سے ہراساں اور بلیک میل کر رہی ہے تاہم اب اداکار کے الزامات کے بعد خاتون بھی منظر عام پر آ گئیں ہیں –

مہروز وسیم نامی خاتون ڈائریکٹر کی جانب سے اپنے انسٹاگرام اکاؤنٹ سے ایف آئی اے کے لیے لکھے گئے بیان کو شیئر کیا گیاخاتون کے ایف آئی اے کے نام لکھے گئے وضاحتی بیان پر عثمان مختار کا نام درج ہے جب کہ خاتون نے یہ دعویٰ کیا ہے کہ انہوں نے 2016 میں عثمان مختار کو ‘آزاد’ نامی گانا بنانے کے لیے بطور ڈائریکٹر کاسٹ کیا تھا۔

مہروز وسیم کے مطابق عثمان مختار اس کی بہت زیادہ رقم وصول کر رہے تھے لیکن بات چیت کے بعد اداکار نے رقم میں کمی کا فیصلہ کر لیا تھا جس کے بعد دونوں فریقین اس پر راضی ہو گئے تھے۔

خاتون ڈائریکٹر کا مزید کہنا تھا کہ اداکار عثمان مختار گھریلو حالات کے باعث پریشانیوں کا شکار تھے اور وہ کام کرنے کے بجائے انہیں گرل فرینڈ کی باتیں اور اپنی نجی زندگی کے معاملات بتانا شروع کر دیے، وہ بتاتے تھے کہ انہیں کس قسم کی خواتین پسند ہیں بعدازاں اداکار کی جانب سے وقت پر کام مکمل نا ہونے کی صورت میں انہوں نے اپنا گانا ازخود بنا لیا۔

مہروز نے اپنی طویل پوسٹ میں کہا کہ عثمان مختار کام کرنے کی اخلاقیات سے ناآشنا ہیں، انہیں کام کے لیے فون کرتی رہی لیکن انہوں نے جواب نا دیا، بعدازاں مجھ پر بے تکے الزام لگاتے ہوئے ایف آئی اے میں درخواست دائر کر دی۔

دوسری جانب خاتون مہروز وسیم کے ان الزامات پرعثمان مختار نے تاحال کوئی ردعمل ظاہر نہیں کیا ہے-

پاکستانی اداکار عثمان مختار نے ایک خاتون پر مسلسل ڈیڑھ سال سے ہراسانی، بلیک میلنگ اور ڈرائے دھمکائے جانے کا الزام عائد کرتے ہوئےخاتون کی وجہ سے مسلسل ہراسانی اور بلیک میلنگ کی کہانی مداحوں کے ساتھ شئیر کردی۔

باغی ٹی وی : اپنے تصدیق شدہ انسٹاگرام اکاونٹ پر ’میری کہانی‘ کے عنوان سے طویل پوسٹ شئیر کرتے ہوئے اداکار نے لکھا کہ پچھلے ڈیڑھ سالوں سے ایک خاتون انہیں ڈرا دھمکا رہی ہیں، ان کے گھر والوں اور دوستوں کو بھی اس ہراسانی کے ذریعے نشانہ بنایا گیا ہے اور ان سے متعلق تکلیف دہ تبصرے کیے گئے ہیں۔

عثمان مختار نے اپنی پوسٹ میں کہا کہ انہوں نے اس کے متعلق وفاقی تحقیقاتی ادارے (ایف آئی اے) میں شکایت بھی درج کرا رکھی ہے، لیکن ڈیڑھ سال کا عرصہ گزر جانے کے بعد بھی کچھ کیا نہیں جا سکا، جس سے ان کی ذہنی حالت پر بہت برا اثر پڑا ہے۔

انہوں نے اپنے مداحوں سے معافی بھی مانگی اور کہا کہ وہ خواتین کی عزت کرتے ہیں اور ان کے حقوق کے لیے ہمیشہ کھڑے رہیں گے،میں چاہتا تھا کہ یہ معاملہ خاموشی سے حل ہوجائے اور ایک خاتون کا منفی تاثر لوگوں تک نہ پہنچے لیکن اب میں تھک چکا ہوں اور بولنے کا فیصلہ کیا ہے۔

عثمان مختار نے بتایا کہ انہوں نے 2016 میں ایک خاتون آرٹسٹ کے ساتھ ایک میوزک ویڈیو پر کام کیا تھا اور اس پورے شوٹ کے دوران ان کے ویڈیو سے متعلق تخلیقی بنیادوں پر اختلافات رہے اور ان کی کئی مرتبہ بحث بھی ہوئی تاہم وہ خاتون کے پروجیکٹ سےعلیحدہ ہوگئے تھے۔

انہوں نے بتایا کہ خاتون نے ویڈیو میں ہدایت کار کے طور پر انہیں کریڈٹ بھی نہیں دیا تھا اور انہیں اس پر بھی مسئلہ نہیں تھا کچھ برسوں بعد خاتون آرٹسٹ نے سوشل میڈیا پر ان سے متعلق جھوٹے دعوے کرنا شروع کردیے جس سے ان کی ذہنی صحت متاثر ہوئی ہے۔

اداکار نے خاتون آرٹسٹ کا انہیں کیا گیا میسج کا اسکرین شوٹ تو شیئر کیا لیکن نام اور شناخت کے حوالے سے کچھ نہیں بتایا۔

عثمان مختار کا ساتھ دینے نامور ساتھی اداکار بھی میدان میں آگئے تارہ محمود، ماہرہ خان، کبریٰ خان، رابعہ چوہدری اور دیگر نے ان کی پوسٹ کے نیچے کمنٹس کے ذریعے انہیں ہمت اور حوصلہ دیا-

یاد رہے کہ عثمان مختار ہم ٹی وی کے نئے میگا سیریل “ہم کہاں کہ سچے تھے” میں ماہرہ خان کے ساتھ جلد نظر آئیں گے۔ اسی ڈرامے کے ذریعے ماہرہ خان پانچ سالوں بعد ٹی وی سکرین پر دوبارہ جلوہ گر ہوں گی۔

سابق پاکستانی ٹیسٹ کرکٹر عبدالرزاق نے اسٹیج اداکارہ دیدار کے ساتھ تعلقات اور شادی کی خبروں پر خاموشی توڑدی۔

باغی ٹی وی :تفصیلات کے مطابق سابق کرکٹرعبدالرزاق حال ہی میں نجی ٹی وی چینل کے کرکٹ اسپیشل شو ’باؤنسر‘ میں شریک ہوئے شو کے دوران میزبان نے عبدالرزاق سے ان کے اور اسٹیج اداکارہ دیدار کے درمیان تعلقات اور شادی سے متعلق افواہوں کے بارے میں سوال کیا اور ساتھ ہی یہ بھی کہا کہ اگر آپ چاہیں تو اس سوال کا جواب دیں ورنہ نا دیں۔

میزبان نے سوال کیا آپ کے اور دیدار کے بارے میں لوگوں کا خیال تھا کہ آپ اسٹیج اداکارہ دیدار کا اتنا دیدار کرتے تھے کہ لوگوں نے کہنا شروع کردیا تھا کہ شاید آپ اداکارہ دیدار سے شادی کرنے جارہے ہیں۔ کیا یہ سچ تھا یا ویسے ہی بس افواہیں تھیں؟-

عبدالرزاق نے جواب دیا یہ افواہیں نہیں تھیں ٹھیک باتیں تھیں 1999 میں میری اور دیدار کی دوستی ہوئی تھی میں نے دیدار سے کبھی شادی کا وعدہ نہیں کیا تھا بلکہ یہ کہا تھا مجھے 6 ماہ دے دو اس میں ہم اس بات کا فیصلہ کریں گے کہ شادی کرنی ہے یا نہیں دیدار میری بات سے اتفاق کرتی تھی-

عبدالرزاق نے بتایا کہ اس کے علاوہ دیدار نے اپنے اسٹیج پروگرام چھوڑنے سے منع کردیا تھا اس نے کہا تھا میں اسٹیج پروگرام کرنا نہیں چھوڑ سکتی جس پر میں نے اس سے کہا تھا پھر میرے لیے تم سے شادی کرنا مشکل ہوجائے گا کیونکہ ہمارا جو فیملی بیک گراؤنڈ ہے وہ اس بات کی اجازت نہیں دیتا کہ میں اسٹیج پروگرام کرنے والی خاتون سے شادی کروں۔

سابق کرکٹر نے مزید بتایا میں نے دیدار سے کہا تھا اگر آپ اسٹیج پروگرام اور پرفارمنس چھوڑ دیں گی تو میں آپ سے شادی کرنے کے بارے میں سوچ سکتا ہوں۔لیکن دیدار نے منع کردیا اور کہا یہ میرا کیریئر ہے اور میں یہ نہیں چھوڑسکتی جس کی وجہ سے ہمارا بریک اپ ہوگیا۔

میزبان نے عبدالرزاق سے سوال کیا آپ کو دیدار سے سچی محبت تھی؟ جس پر انہوں نے جواب دیا محبت سچی ہی ہوتی ہے۔

پاکستانی تمغہ امتیاز اداکارہ مہوش حیات کو وزیراعظم عمران خان کے ساتھ خود کا موازنہ کرنے پر سوشل میڈیا پر شدید تنقید کا سامنا ہے-

باغی ٹی وی : یاد رہے کہ چند روز قبل مہوش حیات نے ایک انٹرویو کے دوران سیاست میں دلچسپی کا اظہار کرتے ہوئے کہا تھا عمران خان پہلے ایک کرکٹر تھے تو جب ایک کرکٹر وزیراعظم بن سکتا ہے تو ایک اداکارہ ملک کی وزیراعظم کیوں نہیں بن سکتی۔ مہوش حیات کی اس بات پر میزبان نے حیرانی سے ان سے پوچھا تھا کیا آپ عمران خان کو چیلنج کرنے کا ارادہ رکھتی ہیں؟

جس کے جواب میں مہوش حیات نے کہا تھا میں عمران خان کو چیلنج نہیں کررہی لیکن ان کی جگہ آگے جاکر کسی نے تو لینی ہے تو میں بھی وزیراعظم کی ایک امیدوار بن سکتی ہوں۔ تاہم سوشل میڈیا صارفین کو مہوش حیات کا یہ بیان پسند نہیں آیا اور انہوں نے وزیراعظم عمران خان کےساتھ خود کا موازنہ کرنے پر انہیں شدید تنقید کا نشانہ بنایا ہے۔

صارفین نے لکھا مہوش حیات زیرو قابلیت کے بل پر وزیراعظم بننا چاہتی ہیں۔ کسی نے لکھا عمران خان پیدائشی کرکٹر نہیں بلکہ پیدائشی لیڈر ہیں اس لیے وہ آج ملک کی قیادت کررہے ہیں۔

سوشل میڈیا صارفین نے عمران خان کی سیاست میں 25 سالہ جدوجہد کا بھی حوالہ دیا اور کہا عمران خان نے ملک کا وزیراعظم بننے کے لیے برسوں جدوجہد کی ہےکسی نے مہوش حیات کے اس بیان پر انہیں اپنا دماغی علاج کروانے مشورہ دیا –

نزہت قمر نامی خاتون نے لکھا جب اوقات سے زیادہ بغیر محنت کے مل جائے تو ایسے ہی خواب آنے لگتے ہیں، بی بی اپنا علاج کرواؤ۔

ایک صارف نے لکھا عمران خان چیمپئن ہیں ان میں بہت ساری خوبیاں ہیں ان کی سوچ دنیا میں موجود کسی بھی انسان سے بالا تر ہے کوئی بھی اپنا موازنہ عمران خان کی شخصیت سے نہیں کرسکتا۔

مہروز نامی صارف نے مہوش حیات پر طنز کرتے ہوئے لکھا آپ وزیراعظم بننا چاہتی ہیں اور اس کے بعد وزیراعظم ہاؤس میں آئٹم نمبر پر ڈانس کریں گی؟

ٹوکیو اولمپکس میں پاکستان کے ویٹ لفٹر طلحہ طالب البتہ میڈل نہیں جیت سکے لیکن اپنی انتھک محنت اور کاوشوں کی وجہ سے لاکھوں پاکستانیوں کے ساتھ ساتھ قومی کرکٹرز اور شوبز ستاروب کے دل جیت لیے ہیں-

باغی ٹی وی :ٹوکیو اولمپکس میں ویٹ لفٹنگ کے مقابلے میں پانچویں پوزیشن پر آنے والے طلحہ طالب کی کوششوں پر پاکستانی ستاروں اور کرکٹر محمد حفیظ نے انہیں زبردست داد دی اور پاکستان کا فخر اور قومی ہیرو قرار دیا-

سوشل میڈیا ویب سائٹس پر پاکستانی ستاروں نے طلحہ طالب کو قومی ہیرو قرار دیتے ہوئے کہا کہ تمغہ نہ سہی لیکن انہوں نے اپنی کاوشوں سے سب کے سر فخر سے بلند کیے ہیں۔

Ur passion & hard work leads u to be a Achiever. Congratulations #TalhaTalib 👏🏼👏🏼👏🏼 #Olympics . U made Pakistan 🇵🇰 proud. Ppl or federations not supporting Athletes like u by not providing necessary facilities should be accountable pic.twitter.com/GjxsAmFEJQ

— Mohammad Hafeez (@MHafeez22) July 25, 2021

کرکٹر محمد حفیظ نے ٹوئٹر پر طلحہ کی تصاویر شئیر کرتے ہوئے لکھا کہ ایسے افراد یا فیڈریشن جو آپ جیسے ایتھلیٹوں کی مدد نہیں کرتے اور ضروری سہولیات فراہم نہیں کرتے ہیں ان سے جواب لیا جانا چاہیے۔

You’ve made us all very very proud! #TalhaTalib 🙌🏼🇵🇰 pic.twitter.com/nblmscSCsj

— Mahira Khan (@TheMahiraKhan) July 25, 2021

معروف پاکستانی اداکارہ ماہرہ خان نے ٹوئٹر پر طلحہ طالب کی ٹوکیو اولمپکس مقابلے کی تصویر شیر کرتے ہوئے لکھا کہ آپ نے ہم سب کے سر فخر سے بلند کردیے ہیں۔

Girte hain shahsawar hi maidan-e-jung mai… you stood up & made the whole nation proud. 🇵🇰💪🏽 #TalhaTalib #Tokyo2020 pic.twitter.com/x9Buh9DqRP

— Asim Azhar (@AsimAzharr) July 25, 2021

پاکستانی گلوکار عاصم اظہر نے اپنے ٹوئٹر پیغام میں لکھا کہ گرتے ہیں شہسوار ہی میدان جنگ میں، آپ ڈٹے رہے اور پوری قوم کا سر فخر سے بلند کیا-

https://twitter.com/yumnazaidiactor/status/1419299425420259332?s=20
پاکستانی اداکارہ یمنیٰ زیدی نے ٹویٹر پر پوسٹ شیئر کرتے ہوئے لکھا کہا کہ آپ نےاولمپکس میں اپنی کارکردگی سے ہمارے دل جیت لیے ہیں-

خیال رہے کہ ٹوکیو اولمپکس میں طلحہ طالب میڈل کے بہت قریب آگئے تھے لیکن صرف دو کلوگرام کے فرق کی وجہ سے وہ ایک یقینی تمغے سے محروم رہ گئے اور پانچویں پوزیشن حاصل کرلی۔

تمام پاکستانیوں کے دل جیتنے والے ویٹ لفٹر طلحہ طالب نے افسوس کا اظہار کرتے ہوئے کہا تھا کہ صرف دو کلو گرام سے میڈل نہ جیت سکا، مد مقابل کھلاڑیوں کو جو سہولتیں میسر تھیں اگر مجھے بھی ملتیں تو میڈل جیت جاتا۔