پاکستانی گلوکار اور اداکارہ سارہ کان کے شوہر فلک شبیر اور اداکار آغا علی کا ماننا ہے کہ عورت کو کھانا بنانا آنا چاہیے۔

باغی ٹی وی : سماجی رابطے کی ویب سائٹ انسٹاگرام پر اداکار آغا علی، اداکارہ سارہ خان ، فلک شبیر اور دیگر ساتھی اداکاروں کا ماضی میں نجی ٹی وی کے عید شو سے لیا گیا کلپ تیزی وائرل ہورہا ہے۔

ویڈیو میں خواتین میں پائی جانے والی خوبیوں سے متعلق میزبان کے سوال پرگلوکار فلک شبیر کا کہنا تھا کہ خواتین کو کھانا اچھا بنانا آنا چاہیے، فلک کی اس بات پرحنا الطاف کے شوہر اور اداکار و میزبان آغا علی نے بھی اتفاق کرتے ہوئے کہا کہ ہر لڑکی کو کھانا بنانا آنا چاہیے اس میں کوئی برائی نہیں ہے۔

دوران شو آغا کے مؤقف کی تائید کرتے ہوئے فلک کا کہنا تھا کہ لیکن کچھ لوگ سمجھتے ہیں کہ اگر انہیں کھانا بنانا نہیں آتا تو وہ ماڈرن ہیں جس پر آغا نے کہا پھر لڑکی کو چاہیے ماڈرن ڈشز بنالیں لیکن بنانی آنی چاہیے۔

دوران شو میزبان نے سارہ سے سوال کیا کہ کیا انہیں کھانا بناتا آتا ہے جس پر سارہ کا کہنا تھا کہ جی میں کھانا بنالیتی ہوں۔

اداکارہ مہوش حیات آج کل اپنے بالوں سے شدید پریشان ہیں جس پر انہوں نے مداحوں سے مشورہ مانگ لیا-

پاکستان کی معروف اداکارہ و تمغہ امتیاز مہوش حیات کو ان کے بالوں نے مشکل میں ڈال دیا جس کی وجہ سے وہ پریشان ہیں اور انہوں نے اپنے مداحوں سے رائے مانگ لی ہے کہ بال کٹوائیں یا بڑھنے دیں ؟

سماجی رابطوں کی ویب سائٹس پر اپنی نئی سیلفی شیئر کی جس میں دیکھا جاسکتا ہے کہ اداکارہ کے بالوں کی لمبائی بڑھ رہی ہے۔

انہوں نے مداحوں سے رائے طلب کرتے ہوئے لکھا کہ دوستو، میرے بالوں کی لمبائی بڑھ رہی ہے اور میں تھوڑی الجھن میں ہوں۔

اداکارہ نے مداحوں کی رائے دریافت کرتے ہوئے لکھا کہ کیا مجھے اپنے بالوں کی لمبائی کو بڑھانا چاہیے یا پھر اپنا ایک اچھا ہیئر کٹ کروا کر بالوں کی لمبائی چھوٹی کروالوں؟‘

اُنہوں نے لکھا کہ اس مشکل فیصلے میں میری مدد کریں۔

مہوش حیات نے مداحوں سے مشورہ مانگ لیا

اداکارہ کی اس پوسٹ پر صارفین نے انہیں مختیلف مشورے دیئے کسی نے کہا کہ وہ بال کٹوا دیں جبکہ زیادہ تر مداحوں نے مہوش حیات کو بال لمبے رکھنے کا مشورہ دیا اور کچھ نے کہاکہ آپ پر تو ہر طرح کا ہیئر اسٹائل اچھا لگتا ہے۔

البتہ، ان میں سب سے دلچسپ تبصرہ متھیرا کا ہے جس میں انہوں نے مہوش حیات کو بال بڑھانے کا مشورہ دیتے ہوئے لکھا کہ’آپ جانتی ہیں کہ آپ ہر چیز کو اسٹائل اسٹیٹمنٹ بنا سکتی ہیں۔ بالوں کو بڑھنے دیں۔‘

جبکہ انوشے اشرف اور صوفیا خان نے لمبے بالوں کو ہی خوبصورت قرار دیا-

اداکار فہد شیخ کا کہنا ہے کہ وہ مستقبل میں منفی کردار ادا کرنے کے خواہاں ہیں اور آج جوکچھ بھی ہیں اس میں فہد مصطفیٰ کا بڑا کمال ہے-

باغی ٹی وی : فہد شیخ حال ہی میں احسن خان کے شو ’ٹائم آؤٹ ود احسن‘ میں اداکارہ یشما گل کے ساتھ شریک ہوئے، جہاں انہوں نے اپنے کیریئر کے حوالے سے بات کی اور بتایا کہ وہ مستقبل میں منفی کردار ادا کرنے کے خواہاں ہیں۔

فہد شیخ نے بتایا کہ اداکاری سے قبل وہ لاہور میں کافی عرصے تک میزبانی کرتے رہے اور انہوں نے شوبز میں آنے سے قبل ہی شادی کرلی تھی۔

فہد شیخ نے بتایا کہ ان کے پسندیدہ اداکاروں میں امیتابھ بچن شامل ہیں، تاہم وہ خود قوی خان بننا چاہتے ہیں، کیوںکہ انہوں نے پاکستانی ڈراموں کے لیے بہت کچھ کیا اور وہ بھی ان کی طرح شاندار کام کرنا چاہتے ہیں۔

پسندیدہ اداکارہ کے سوال پر فہد شیخ نے کسی کا نام لینے سے گریز کیا، تاہم بعد ازاں انہوں نے اپنی ساس اداکارہ شاہدہ منی کا نام لیا اور بتایا کہ وہ ان کی پسندیدہ اداکارہ اور گلوکارہ ہیں۔

فہد شیخ نے بتایا کہ کیریئر کے آغاز میں انہیں طعنے دیے گئے کہ ان کا ’قد‘ چھوٹا ہے، ان کی ’اردو‘ اچھی نہیں، وہ ’متکبر‘ ہیں اور وہ ’اداکار‘ نہیں بن سکیں گے۔

فہد شیخ نے بتایا کہ انہوں نے اداکاری کے لیے لاہور سے کراچی منتقل ہونے کا فیصلہ کیا اور ان کی اہلیہ نے ان کا ساتھ دیا اور انہیں جب ’جلن‘ میں کام کی پیش کش ہوئی تو انہوں نے ڈرامے میں کام کی حامی بھری –

انہوں نے بتایا کہ ’جلن‘ میں کام کرنے کے بعد انہیں ایک کے بعد ایک ڈرامے میں کاسٹ کیا گیا اور ایک طرح سے ’جلن‘ میں کام کرنا ان کے لیے ’چھکا‘ ثابت ہوا۔

فہد شیخ نے کہا کہ ’جلن‘ کے پروڈیوسر فہد مصطفیٰ کی تعریف بھی کی اور کہا کہ وہ آج جو کچھ بھی ہیں یا وہ اس شو میں بیٹھے ہیں تو وہ فہد مصطفیٰ کا ہی کمال ہے فہد مصطفیٰ نے ایک طرح سے انہیں ’گود‘ لے لیا ہے اور وہ ان کے بڑے بھائیوں کی طرح ہیں۔

فہد شیخ نے کہا کہ اب تک انہوں نے ڈراموں میں قدرے اچھے کردار ادا کیے ہیں اور وہ صرف لڑکیوں سے محبت اور اظہار محبت کرتے دکھائی دیئے ہیں، تاہم اب ان کی خواہش ہے کہ انہیں منفی کردار ملیں-

اداکارہ یشما گل کا کہنا ہے کہ جو لوگ سوشل میڈیا پر خواتین کے لباس پر تنقید کرکے انہیں درس دیتے ہیں،دراصل وہ خود بھی ان جیسا ہی لباس پہنتے ہیں-

باغی ٹی وی : یشما گل حال ہی میں احسن خان کے شو ’ٹائم آؤٹ ود احسن‘ میں اداکار فہد شیخ کے ساتھ شریک ہوئیں دوران شو اداکارہ نے بتایا کہ انہیں انڈسٹری میں آئے ہوئے چار سال ہوچکے ہیں اور انہوں نے کئی اچھے کردار بھی ادا کیے ہیں، تاہم وہ ہا لی وڈ کردار ’ہارلی کئن‘ جیسا کردار ادا کرنا چاہتی ہیں جو کہ خاتون سپر ولن کا کردار ہے۔

یشما گل نے بتایا کہ ان کا ارادہ ہے کہ وہ مستقبل میں ماہر نفسیات بنیں گی، کیوں کہ انہوں نے آسٹریلیا سے سائکالوجی میں ماسٹر کر رکھا ہے اور وہ پاکستان سے بھی سائکالوجی میں ماسٹر کرنے کے بعد اپنا کلینک کھولنے کا ارادہ رکھتی ہیں۔

شو کے دوران اداکارہ نے یہ انکشاف بھی کیا کہ وہ کم عمری میں ڈپریشن اور انزائٹی کا شکار ہو گئیں تھیں، جس سے وہ کافی عرصے بعد نکلیں ڈپریشن کا علاج کروانے میں کوئی شرمندگی نہیں ہونی چاہیے، یہ بیماری بھی اس طرح ہی ہے، جیسے کسی شخص کو شوگر ہوجاتا ہے تو وہ اس کا علاج کرواتا ہے، اسی طرح ذہن بھی خراب ہو سکتا ہے، اس کا بھی علاج کروایا جا سکتا ہے۔

اداکارہ نے سوشل میڈیا کے معاملے پر بات کرتے ہوئے کہا کہ ایک طرح سے سوشل میڈیا کے کئی فوائد بھی ہیں اور بہت سارے لوگوں کو سوشل میڈیا پلیٹ فارمز پر بہت کچھ کرنے کے مواقع مل جاتے ہیں جو پہلے دستیاب نہیں تھے۔

اداکارہ نے شادی کے سوال پر بتایا کہ کچھ عرصہ قبل انہیں امریکا میں مقیم خاندان کی جانب سے پیش کش ہوئی تھی اور انہوں نے ٹکٹ بھجوانے کا بھی کہا، کیوںکہ وہ خاندان ان سے ملاقات کرنا چاہتا تھا مگر انہوں نے انکار کردیا۔

یشما گل نے بتایا کہ ابھی فوری طور پر ان کا شادی کا کوئی ارادہ نہیں، تاہم اہل خانہ کی جانب سے ان پر شادی کے لیے دباؤ رہتا ہے گھر والے انہیں کہتے رہتے ہیں کہ وہ شوبز میں کام بھی جاری رکھیں مگر شادی کرلیں۔

یشما گل نے بتایا کہ ابھی ان کا فوری طور پر شادی کرنے کا ارادہ نہیں، انہیں جب کوئی اچھا لڑکا مل جائے گا تو رشتہ ازدواج میں بندھ جائیں گی، کیوںکہ ان کے خیال میں انسان کو ایک ہی بار شادی کرنی چاہیے اور سوچ سمجھ کر کرنی چاہیے۔

سوشل میڈیا پر خواتین پر تنقید کے حوالے سے پوچھے گئے ایک سوال کے جواب میں اداکارہ نے بتایا کہ عام طور پر اداکاراؤں یا خواتین پر وہی لوگ لباس کے حوالے سے تنقید کرتے ہیں جنہوں نے خود بھی ان جیسا ہی لباس پہن رکھا ہوتا ہے۔

اداکارہ کے مطابق انسٹاگرام پر لڑکے انہیں میسیج بھیجتے ہیں کہ اسلام میں انسٹاگرام پر لڑکیوں کی تصاویر لگانا جائز نہیں، تاہم وہ خود سوشل میڈیا پر استعمال کر رہے ہوتے ہیں اور اپنی تصاویر بھی شیئر کر رہے ہوتے ہیں۔

اداکارہ نے ایسے لوگوں کو تجویز دی کہ اگر انہیں یہ سب کچھ پسند نہیں تو وہ سوشل میڈیا استعمال کرنا چھوڑ دیں یا پھر دوسروں پرتنقید کرنے سے گریز کریں۔

اداکار اور میزبان فیصل قریشی نے کہا ہے کہ ہماری انڈسٹری میں کئی جگہوں پر یہ دیکھتا ہوں کہ سوشل میڈیا پر فالوونگ کی وجہ سے لوگوں کے نخرے اٹھائے جارہے ہیں-

باغی ٹی وی : ایک انٹرویو میں فیصل قریشی نے کہا کہ ہمارے گھروں میں جو کچھ ہورہا ہے اسی کا عکس ہمارے ڈراموں میں بھی آتا ہے، ہمارے ملک میں رنگت، معمولی نین نقش اور کم سوشل میڈیا فالوونگ کی وجہ سے کئی اچھے اداکار ضائع ہوگئے-

انہوں نے کہا کہ ہمیں اچھے اداکاروں کی ضرورت ہے، میں کئی جگہوں پر یہ دیکھتا ہوں کہ سوشل میڈیا پر فالوونگ کی وجہ سے لوگوں کے نخرے اٹھائے جارہے ہیں اس کا مطلب یہ نہیں کہ دیگر لوگ فارغ ہیں، مجھے کچھ چیزیں دیکھ کر تکلیف ہوتی ہیں یہ تکلیف ان لوگوں کے لیے ہوتی ہے جو اپنی صلاحیتوں کے مطابق بہت اونچے مقام کے مستحق ہیں لیکن انہیں چھوٹے کردار دے کر ضائع کیا جارہا ہے۔

فیصل قریشی نے کہا کہ بھارت میں کئی اداکار ایسے ہیں جو بہت معمولی شکل کے مالک ہیں لیکن انہیں بہت اچھے کردار دیئے جاتے ہیں اور وہ ان کرداروں میں جان ڈال دیتے ہیں لیکن ہمارے ملک میں اداکار کے چہرے پر اپنے کردار کے تاثرات نہیں نہیں ملتے۔

انہوں نے مزید کہا کہ مقابلہ اداکاری میں ہونا چاہیے لوگوں کے منہ سے جملہ نہیں نکلتا لیکن اسے سوشل میڈیا کی فالوونگ کی بنیاد پر لیا جاتا ہے، ان سے بات کریں تو پتہ چلتا ہے وہ اندر سے صفر ہیں ان میں روح ہی نہیں۔

معروف اداکارہ مہوش حیات نے اپنے بالوں کے حوالے سے مداحوں سے مشورہ مانگ لیا۔

باغی ٹی وی : پاکستان کی معروف اداکارہ و تمغہ امتیاز مہوش حیات کو ان کے بالوں نے مشکل میں ڈال دیا جس کی وجہ سے وہ پریشان ہیں اور انہوں نے اپنے مداحوں سے رائے مانگ لی ہے کہ بال کٹوائیں یا بڑھنے دیں ؟

Hello friends. My hair is at an odd length right now and I am a little confused.. Should I let them grow longer ? or get a fresh hair cut and go shorter ?? 💇🏻‍♀️ help me decide .. x pic.twitter.com/SDM08QRSCP

— Mehwish Hayat TI (@MehwishHayat) July 18, 2021

مہوش حیات نے سماجی رابطے کی ویب سائٹ ٹوئٹر پر اپنی نئی سیلفی شیئر کی جس میں دیکھا جاسکتا ہے کہ اداکارہ کے بالوں کی لمبائی بڑھ رہی ہے۔

انہوں نے مداحوں سے رائے طلب کرتے ہوئے لکھا کہ دوستو، میرے بالوں کی لمبائی بڑھ رہی ہے اور میں تھوڑی الجھن میں ہوں۔

اداکارہ نے مداحوں کی رائے دریافت کرتے ہوئے لکھا کہ کیا مجھے اپنے بالوں کی لمبائی کو بڑھانا چاہیے یا پھر اپنا ایک اچھا ہیئر کٹ کروا کر بالوں کی لمبائی چھوٹی کروالوں؟‘

اُنہوں نے لکھا کہ اس مشکل فیصلے میں میری مدد کریں۔

اداکارہ کی اس پوسٹ پر صارفین نے انہیں مختیلف مشورے دیئے کسی نے کہا کہ وہ بال کٹوا دیں جبکہ زیادہ تر مداحوں نے مہوش حیات کو بال لمبے رکھنے کا مشورہ دیا اور کچھ نے کہاکہ آپ پر تو ہر طرح کا ہیئر اسٹائل اچھا لگتا ہے۔

پاکستان شوبز انڈسٹری کی سینئر اداکارہ بشریٰ انصاری، سابق اداکارہ عائشہ خان اور اداکار عدنان صدیقی نے اداکارہ نائلہ جعفری کے انتقال شدید افسوس کا اظہار کیا ہے۔

باغی ٹی وی : بشریٰ انصاری نے انسٹاگرام پر پُرانے دنوں کی ایک تصویر شیئر کی ہے، تصویر میں بشریٰ انصاری کے ساتھ اُن کی مرحومہ بہن سنبل شاہد، اداکارہ نائلہ جعفری، روبینہ اشرف سمیت دیگر سینئر اداکارائیں موجود ہیں۔

اداکارہ نے تصویر شیئر کرتے ہوئے کیپشن میں لکھا کہ ’میری پیاری دوست نائلہ جعفری کو الوداع۔‘

اُنہوں نے لکھا کہ نائلہ جعفری ایک بہادر فائٹر تھیں، وہ اپنے مرض سے بہت اچھا لڑیں لیکن یہ سب خُدا کی مرضی تھی ’اللہ تعالیٰ آپ کو جنت الفردوس میں اعلیٰ مقام عطا کرے، آمین۔میری پیاری دوست، ہم آپ کو بہت یاد کریں گے۔

دوسری جانب ٹوئٹر پر عدنان صدیقی نے نائلہ جعفری کی یادگار تصویر شیئر کی جس میں وہ مُسکرا رہی ہیں عدنان صدیقی نے ٹوئٹر پر تصویر شیئر کرتے ہوئے لکھا کہ نائلہ جعفری کا انتقال، ہمارے لیے ایک اور دل دہلا دینے والا نقصان ہے۔

Another heartbreaking loss…#NailaJafri, you fought with spirited courage. We would always remember not just your work but also how you became our voice for royalty. Even in your last days, you did not forget to help others. pic.twitter.com/S05oY0Y6BV

— Adnan Siddiqui (@adnanactor) July 17, 2021

اداکار نے لکھا کہ ’نائلہ جعفری نے ہمیشہ ہر ایک کی حوصلہ افزائی کی اور ہم صرف اُن کے کام کو نہیں بلکہ اُن کی خوش اخلاقی اور ایمانداری کو ہمیشہ یاد رکھیں گے نائلہ جعفری نے تو اپنی زندگی کے آخری ایام میں بھی لوگوں کی ہر ممکن مدد کی۔

جبکہ سابق اداکارہ عائشہ خان نے نائلہ جعفری کی یاد میں اپنے تصدیق شدہ انسٹاگرام اکاؤنٹ کی اسٹوری میں اداکارہ کی یادگار تصویر شیئر کی ہے عائشہ خان نے اپنی انسٹاگرام اسٹوری میں لکھا کہ مجھے یقین نہیں آرہا کہ میں اب نائلہ جعفری کی آواز نہیں سُن سکوں اور نہ ہی اُن کی خوبصورت مُسکراہٹ دیکھ سکوں گی۔

اُنہوں نے لکھا کہ نائلہ جعفری ایک مضبوط فائٹر تھیں، وہ اپنی بیماری کی جنگ میں بہادری سے لڑیں میری دُعا ہے کہ نائلہ جعفری کو جنت الفردوس میں اعلیٰ مقام عطا ہو، آمین۔

واضح رہے کہ گزشتہ روز پاکستان کی معروف اداکارہ نائلہ جعفری انتقال کرگئیں، اداکارہ طویل عرصے سے کینسر جیسی مہلک بیماری میں مبتلا تھیں۔

فیصل قریشی کا نائلہ جعفری کے انتقال پر افسوس کا اظہار

اداکارہ نائلہ جعفری قضائے الٰہی سے وفات پا گئیں