پاکستانی ٹک ٹاک اسٹار اور اداکارہ حریم شاہ کی پیپلز پارٹی کے صوبائی وزیر سے شادی کی خبریں گردش کررہی ہیں –
باغی ٹی وی : ٹاک ٹاکر حریم شاہ کی شادی ایک معمہ بن گئی ہے مشہور ٹک ٹاکر حریم شاہ ایک مرتبہ پھر خبروں میں ہیں،دو روز قبل انہوں نے اپنی سوشل میڈیا پر اپنی شادی کی تصدیق کی،ساتھ ہی اپنے ہاتھ اور شوہرکے ہاتھ کی تصویر لگائی مگر کچھ ہی دیر بعد انہوں نے یہ تصویر ڈیلیٹ بھی کردی –
تاہم بعد میں نجی ٹی وی چینل کے ساتھ ٹیلیفونک انٹرویو میں حریم شاہ نے خود تصدیق کی ہےکہ ان کے شوہر پیپلز پارٹی سے تعلق رکھنے والے رکن سندھ اسمبلی ہیں اور صوبائی وزیر بھی ہیں تاہم انہوں نے رکن اسمبلی کا نام نہیں بتایا۔
حریم شاہ کا کہنا تھا کہ ان کے شوہر پہلے سے شادی شدہ ہیں چند روزمیں اپنی پہلی بیوی کوراضی کرلیں گے جس کے بعد سب کو شوہر سے متعلق بتاؤں گی اور اپنے شوہرکی اجازت سے ان کی تصویر شائع کروں گی اور شوہر کے ساتھ 4 جولائی کو ترکی بھی جارہی ہوں۔
حریم شاہ کے اس انٹر ویو کے بعد سوشل میڈیا پر مختلف اراکین سندھ اسمبلی کے ساتھ حریم شاہ کا نا جوڑا جا رہا ہے جبکہ پریس کانفرنسز کے دوران میڈیا کی جانب سے اراکین سندھ اسمبلی سے اس حوالے سے سوالات بھی کئے جا رہے ہیں اور پیپلز پارٹی کا ہر رکن سندھ اسمبلی حریم شاہ کے حوالے سے آنے والی اس خبر کو صرف مذاق کے طور پر لے رہا ہے-
ترجمان سندھ حکومت بیرسٹر مرتضیٰ وہاب سے میڈیا کی جانب سے یہی سوال ہوا تو انہوں نے بھی اپنے دونوں ہاتھ کیمروں کے سامنے کرکے اپنی صفائی پیش کر ڈالی صوبائی وزیر سعید غنی سے سوال کیا گیا کہ وہ ایم پی اے کون ہیں تو سعید غنی نے ایم پی اے کی شادی سے متعلق سوال کا براہ راست جواب نہیں دیا ۔
سعید غنی سوال سنتے ہی مسکرادیے اور اپنے دونوں ہاتھ اٹھاکر دکھا دیے اور کہا کہ یہ میری گھڑی دیکھ لیں۔(سعید غنی نے سوشل میڈیا پر سامنے آنے والی تصویر کی طرف اشارہ کیا جس میں حریم کےساتھ مرد کے ہاتھ میں گھڑی اور انگوٹھی دیکھی جاسکتی ہے۔
پیپلزپارٹی کے رکن سندھ اسمبلی سید ذوالفقار علی شاہ نے سوشل میڈیا پر حریم شاہ سے منسوب گردش کرنے والی خبروں کی شدید الفاظ میں مذمت کرتے ہوئے اپنے بیان میں کہا کہ ان تصاویر سے میرا کوئی تعلق نہیں، ان جعلی پروپیگنڈہ سے گھبرانے والا نہیں ہوں۔
اپوزیشن لیڈرحلیم عادل شیخ کوتنقید کا نشانہ بناتے ہوئے ان کا کہنا تھا کہ گھٹیا سیاست کے لئے کسی کی ماں بہن کی عزت کے ساتھ کھیلنے والوں کوشرم آنی چاہئے۔
صوبائی وزیربرائے ترقی نسواں شہلارضا نے کہا کہ حریم شاہ کی اگرشادی ہوئی ہے تویہ شرعی معاملہ ہے، ہمیں اس پر بات نہیں کرنی چاہیے اور میرے علم میں نہیں ہے کہ حریم شاہ نے کس سے شادی کی ہے جبکہ دیگر خواتین اراکین نے اسے حریم شاہ کا ذاتی معاملہ قرار دے کر دعائیں دیں۔
تاہم اب اس وائرل خبروں اور لوگوں کی قیاس آرائیوں پر حریم شاہ کا بھی رد عمل سامنے آیا ہے اس حوالے سے انہوں نے اپنے انسٹاگرام اکاؤنٹ پر ایک ویڈیو شئیر کی ہے-
اپنی ویڈیو میں حریم شاہ نے کہا کہ میں بہت ہی صاف الفاظ میں ایک بات سب کو بولوں گی کہ کسی بھی ایرے غیرے کا نام میرے نام کے ساتھ نہ جوڑیں اس سے پہلے الحمداللہ نہ میرا کوئی بوائے فرینڈ تھا نہ میں کسی کے ساتھ ریلیشن میں تھی-
اداکارہ نے کہا کہ اگر ہم کسی کو بھی اپنی آئی ڈی سے پروموٹ کر رہے ہوتے ہیں یا کسی کی پروموشن کے لئے ان کے ساتھ ویڈیو بنا رہے ہوتے ہیں تو اس کا مطلب یہ نہیں ہوتا کہ اس بندے کا آپ کے ساتھ کوئی تعلق ہے-
ٹک ٹاک اسٹار نے کہا کہ اس سے پہلے میرا کسی کے ساتھ کوئی تعلق نہیں تھا اور جو ایرے غیرے اور مختلف لوگوں کی تصویریں میرے ساتھ شئیر کی جا رہی ہیں اس سے گریز کریں –
انہوں نے کہا کہ اگر میری آئی ڈی پر کسی کے ساتھ بھی میر ی ویڈیو دیکھی ہے تو میرا مقصد ان کی پروموشن تھا ان کو پروموٹ کرنا تھا اس کے علاوہ کوئی تعلق نہیں تھا اگر ہوتا تو میں اس چیز کا ضرور اقرار کرتی اظہار کرتی –
حریم شاہ نے کہا کہ میں پہلے بتا چکی تھی کہ ایسا کوئی ہے ہی نہیں جو مجھے اچھا لگا ہو اور ایسا کوئی ہے ہی نہیں تھا کہ جس کے ساتھ میرا دل کیا ہو کہ میں کسی بھی قسم کا کوئی بھی تعلق رکھنے کا تو اس سے پہلے کوئی بھی نہیں تھا اب جو ہے اس کا میں بتا چکی ہوں اقرار کر چکی ہوں-
