پاکستان کی معروف ٹِک ٹاک اسٹار اور اداکارہ حریم شاہ کی حالیہ سوشل میڈیا پوسٹ نے صارفین کو کشمکش میں مبتلا کردیا۔

باغی ٹی وی : اداکارہ حریم شاہ نے اپنے تصدیق شدہ انسٹاگرام اکاؤنٹ پر ایک خصوصی پوسٹ شیئر کی ہے جس میں انہوں نے ہاتھوں میں انگوٹھی پہن رکھی ہے جس نے صارفین کو کشمکش میں مبتلا کردیا ہے-

اداکارہ کی تصدیق شدہ انسٹاگرام اکاؤنٹ پر شئیر کی گئی پوسٹ میں دیکھا جا سکتا ہے کہ ایک لڑکے اور لڑکی کا ہاتھ نظر آرہا ہےتصویر میں دیکھا جاسکتا ہے کہ لڑکے اور لڑکی دونوں نے اپنے ہاتھوں میں منگنی کی انگوٹھی پہنی ہوئی ہے۔

حریم شاہ نے اپنی اس پوسٹ کے کیپشن میں کچھ نہیں لکھا لیکن ایک سوالیہ نشان چھوڑ دیا ہے کہ کیا واقعی حریم شاہ کی منگنی ہوگئی ہے۔؟ٹک ٹاکر کی یہ پوسٹ دیکھنے کے بعد صارفین کی جانب سے بھی سوشل میڈیا پر اس طرح کے سوال ہی پوچھے جارہے ہیں تاہم حریم شاہ خاموش ہیں۔

واضح رہے کہ حریم شاہ اپنی پہلی ویب سیریز ’راز‘ میں اداکاری کے میدان میں قدم رکھا ہے جس کا ٹریلر ریلیز کیا گیاتھا’راز‘ کی ہدایتکاری اسد علی زیدی نے دی ہے، یہ ویب سریز اردو فلکس پر پیش کی جائے گی-

ویب سیریز ’راز‘ کے 55 سیکنڈ دورانیے پر مشتمل ٹریلر میں حریم شاہ کی مفتی عبدالقوی کو تھپڑ مارنے کی ویڈیو بھی شامل ہے۔

یہ واضح نہیں ہے کہ ’راز‘ کی کہانی حریم شاہ کی ذاتی زندگی پر مبنی ہے یا نہیں تاہم ٹریلر سے ایسا ظاہر ہوتا ہے کہ سیریز کی کہانی ان کی زندگی سے متاثر ہوکر بنائی گئی ہے۔

حریم شاہ کے برائیڈل فوٹو شوٹ کے سوشل میڈیا پر چرچے

معروف اداکارہ صبور علی کا کہنا ہے کہ انٹرویو ز میں جان بوجھ کر حساس موضوعات کو چھیڑتے ہیں۔

باغی ٹی وی : اداکارہ صبور علی نے ایک انٹرویو میں کہا کہ میں اگر کسی انٹرویو پر جاتی ہوں تو مجھے پتا ہوتا ہے کہ یہ جان بوجھ کر میری والدہ کے بارے میں سوال کریں گے۔

اداکارہ نے کہا کہ وہاں بلا کر والدہ کے متعلق سوال کیا جاتا ہےاسوقت وہ کیمرہ میرے منہ پر زوم کردیں گے، یہ ایسا معاملہ ہے کہ انسان حساس ہو جاتا ہے، ہم بہن بھائی بھی آپس میں اس بارے میں بات نہیں کرتے کیونکہ دِل بھر آتا ہے۔

صبور علی نے دکھ کا اظہار کرتے ہوئے کہا کہ لوگ جان بوجھ کر حساس موضوعات کو چھیڑتے ہیں، سب لوگ اسی طرح کام چلا رہے ہیں کیونکہ انہیں لگتا ہے کسی اور طرح نہیں چل سکتا۔

واضح رہے کہ حال ہی میں برطانوی نشریاتی ادارے کو دیئے گئےانٹرویو میں کہنا تھا کہ لوگ سوشل میڈیا پر میرا اور سجل کا موازنہ کرتے ہیں۔ شکل و صورت ملانے کی حد تک تو ظاہر ہے بہنوں کا آپس میں موازنہ ہوتا ہی ہے لیکن لوگ بعض اوقات موازنہ کرتے کرتے اسے مقابلے میں بدل دیتے ہیں-

موازنہ تو ٹھیک لیکن جب سجل کیساتھ مقابلہ کیا جاتا ہے تو بہت عجیب لگتا ہے صبور علی

سجل نے کہا موازنہ برا نہیں ہے یہ تو دنیا بھر میں ہوتا ہے مگر جب لوگ اس طرح کے کمنٹ کرتے ہیں کہ یہ زیادہ پیاری ہے یا وہ، اس کا کام ایسا ہے تو اس کا کام ویسا تو بہت عجیب لگتا ہے۔ میں کہتی ہوں کہ میری الگ شناخت ہے اور سجل کی الگ شناخت اور میرے خیال میں ہم دونوں کی اداکاری کے انداز بھی مختلف ہیں۔

صبور علی نے انکشاف کیا تھا کہ وہ شوبز انڈسٹری میں نہیں آنا چاہتی تھیں لیکن انہیں حالات لے آئےوہ اور سجل اتفاقاً شوبز انڈسٹری میں آئے مگر فرق صرف یہ تھا کہ سجل نے اِس کام کو بخوشی اپنایا لیکن وہ تھوڑے نخرے کر کے اس فیلڈ میں آئیں۔

صبور نے کہا کہ مجھے یہ کہتے ہوئے تھوڑا عجیب لگتا ہے کیونکہ بہت سارے لوگ یہاں تک پہنچنے کے لیے بہت محنت کرتے ہیں اور اگر میں یہ کہوں کہ میں ایسا نہیں چاہتی تھی مگر مجھے یہ سب مل گیا تو تھوڑا عجیب لگتا ہے کیونکہ میں ائیروناٹیکل انجینیئر بننا چاہتی تھیں مگر اُن کے مطابق کچھ معاملات ویسے ہو نہ سکے جیسا وہ چاہ رہی تھیں۔

صبور علی کا کہنا ہے کہ شوبز میں آنے کی اُن کی حوصلہ افزائی اُن کی والدہ نے کی وہ اکثر کہا کرتی تھی کہ دیکھو سجل کتنی ترقی کر رہی ہے، میں چاہتی ہوں کہ تم بھی اسی طرح سے ترقی کرو۔ وہ نہ سپورٹ کرتیں تو میں یہاں تک کبھی نہ پہنچتی۔ تاہم میں آگے بڑھنے کے لیے محنت کر رہی ہوں۔

علی انصاری کا صبور علی کے لئے جذباتی پیغام

پاکستان شوبز انڈسٹری کی عالمی شہرت یافتہ صفِ اول کی اداکارہ ماہرہ خان کی شوبز میں ایک دہائی مکمل ہو گئی-

باغی ٹی وی : پاکستان سمیت سرحد کے اُس پار لاکھوں مداح رکھنے والی اداکارہ ماہرہ خان کو ادکاری کی دُنیا میں قدم رکھے 10 سال مکمل ہوگئے۔

اس حوالے سے ماہرہ خان نے اپنے لاکھوں مداحوں اور دوستوں کا شکریہ ادا کرنے کے لیے اپنے تصدیق شدہ انسٹاگرام اکاؤنٹ پر خصوصی پوسٹ شیئر کی ہے۔

ماہرہ خان نے اپنی انسٹاگرام پوسٹ میں کہا کہ ’میں نے دو دن پہلے بطورِ اداکارہ اس انڈسٹری میں 10 سال مکمل کرلیے ہیں۔‘

انہوں نے کہا کہ ’میری فلم ’بول‘ اور میرا ڈرامہ سیریل ’نیت‘ بھی 24 جون 2011ء کو ہی ریلیز ہوا تھا۔‘

ماہرہ نے اپنے مداحوں سے مخاطب ہوتے ہوئے لکھا کہ ’میں آپ سب کا شکریہ ادا کرتی ہوں کیونکہ آپ سب نے میرے اس جادوئی سفر میں میرا بہت ساتھ دیا۔‘

ماہر خان نے کہا کہ اس سفر کے دوران بہت سے اُتار چڑھاؤ آئے ہیں، اچھے اور بُرے لمحات آئے لیکن میرے مداحوں نے میرا ساتھ نہیں چھوڑا۔

اداکارہ نے کہا کہ میں اپنے مداحوں کی محبت کی شُکرگزار ہوں اور میں وعدہ کرتی ہوں کہ اب مزید محنت کروں گی میں وعدہ کرتی ہوں کہ آپ کی محبت رائیگاں نہیں جائے گی، آمین۔

ڈرامے کو بدلنے سے پہلے دیکھنے والوں کا نظریہ بدلنے کی ضرورت ہے صبور علی

واضح رہے کہ ماہرہ خان نے اپنے شوبز کیریئر کا آغاز 2006 میں بطور وی جے کیا تھا  ایم ٹی وی پاکستان پر براہ راست شو موسٹ وانٹڈ کی میزبانی کی ، جو ہفتے میں تین دن نشر کیا جاتا تھا  اس کے بعد انہوں نے اے جی ٹی وی کے رئیلٹی شو ویک اینڈ کی میزبانی 2008 میں کی جہاں انہوں نے موسیقی کی ویڈیو چلائیں اور مشہور شخصیات سے گفتگو کی اور ناظرین سے براہ راست فون کال پربات کی –

2011 میں ماہرہ خان نے اپنے فلمی کیریئر کی شروعات شعیب منصور کی ہدایتکاری میں بننے والی فلم بول میں معاون کردار سے کی تھی شعیب منصور کی فلم ’بول‘ سے لالی ووڈ فلم نگری میں قدم رکھا جس میں انہوں نے معاون کردار نبھایا  انھوں نے اس فلم میں عائشہ کا کردار ادا کیا جو ایک قدامت پسند نچلے متوسط ​​طبقے کی لڑکی ہے جو لاہور کے پرانے علاقے میں رہتی ہے۔ فلم ایک تجارتی طور پر بہت کامیاب رہی اور اب تک کی سب سے زیادہ کمائی کرنے والی پاکستانی فلموں میں شامل ہوگئی۔

ماہرہ خان نے یوں تو 2011 میں پہلا ڈرامہ ’نیت‘ کیا تھا لیکن شہرت اور مقبولیت سرمد بخش کی ہدایتکاری میں بننے والے ڈرامہ سیریل ’ہمسفر‘ سے حاصل کی جس میں انہوں نے ’خرد‘ کا مرکزی کردار ادا کیا، جسے پاکستان سمیت بھارت میں بھی خوب پسند کیا گیا۔

ماہرہ خان ابھی تک متعدد فلمیں میں کام کر چکی ہیں اداکارہ نے 2015 میں فلم ’بن روئے‘ کی جبکہ 2016 میں فلم ’ہو من جہاں‘میں جلوہ گر ہوئیں۔اس کے بعد 2017 میں ان کی بالی ووڈ ڈبیو فلم ’رئیس‘ ریلیز ہوئی جس میں انہوں نے بالی ووڈ کنگ شاہ رخ خان کے ساتھ اداکاری کے جوہر دکھائے۔

حرامانی کی "عورت مارچ” کے نعرے”اپنا کھانا خود گرم کرو” کی…

پاکستانی خوبرو اداکارہ درفشاں نے انکشاف کیا ہے کہ اداکار عفان وحید نے ان کے ساتھ کام کرنے سے انکار کردیا تھا۔

باغی ٹی وی : اداکارہ درفشاں حال ہی میں معروف اداکار عفان وحید کے ہمراہ ایک ویب انٹرویو میں جلوہ گرہوئیں اس دوران اداکارہ نے انکشاف کیا کہ عفان وحید میرے ساتھ کام کرنے کے حوالے سے مطمئن نہیں تھے، انہوں نے پروڈکشن ہاؤس کو بھی بتادیا تھا کہ وہ میرے ساتھ کام کرنا نہیں چاہتے۔

درفشاں نے مزید بتایا کہ بعد ازاں جب ہمارے ڈرامے کا پہلا سین شوٹ ہورہا تھا تو عفان نے مجھے آکر یہ بات بتادی تھی کہ اس سے قبل ان کے میرے بارے میں کیا خیالات تھے۔

ریپ کی وجہ خواتین کا لباس نہیں بلکہ تعلیم و تربیت کی کمی ہے ماریہ واسطی

اداکارہ نے کہا کہ اس کے اگلے دن ہی ہم گھل مل گئے تھے اور ایک دوسرے کے ساتھ کام کے دوران اچھاوقت گزرا، کسی بڑے پروجیکٹ پر اور نئے اداکار کے ساتھ کام کرنے کا خوف سمجھنے کے قابل ہے لہٰذا عفان کا میرے ساتھ کام کا وقت قدرتی سا عمل تھا۔

دوسری جانب اداکار عفان وحید نے درفشاں کی بات سے اتفاق کرتے ہوئے بتایا کہ وہ پروڈکشن ہاؤس کو بتاچکے تھے کہ وہ درافشاں کو نہیں جانتے لہٰذا ان کے ساتھ کام کرنا نہیں چاہتے۔

عالمی شہرت یافتہ گلوکار و اداکار علی ظفر کے نانا انتقال کرگئے –

باغی ٹی وی : علی ظفر نے مائیکرو بلاگنگ ویب سائٹ ٹوئٹر پر اپنے نانا کے انتقال کی خبر شئیر کی جس کے بعد اداکار کے نانا کے انتقال کی افسوسناک خبر پر مداحوں کی جانب سے شدید دُکھ اور افسوس کا اظہار کیا جارہا ہے۔
https://twitter.com/AliZafarsays/status/1408798926170374148?s=20
اداکار نے مرحوم نانا کی زندگی کی کچھ یادگار تصاویر شیئر کیں جس کے ساتھ اُنہوں نے ایک جذباتی پیغام بھی درج کیا لکھا کہ میرے نانا! محمد امین، جو میرے بہت قریب تھے اور بچپن ہی سے میرے آئیڈیل رہے ہیں۔

گلوکار نے لکھا کہ میرے نانا خود ساختہ انسان تھے جنہوں نے ہمیشہ ہمیں محنت، دیانت، شفقت اور دوسروں کی دیکھ بھال کی اہمیت کا درس دیا۔

نہوں نے جذباتی انداز میں لکھا کہ ’آج میرے نانا اس دُنیا سے رخصت ہوگئے ہیں میرے نانا کی زندگی کا خلاصہ چند لائنوں میں نہیں کیا جاسکتا۔

گلوکار و اداکار نے مداحوں سے اپنے نانا کے لیے دُعائے مغفرت کرنے کی اپیل بھی کی۔

So sorry for your loss, Ali. May Allah give him the highest ranks in Jannat. Ameen summ ameen.

— Mahwash Ajaz 🇵🇰 (@mahwashajaz_) June 26, 2021

بلاگر مہوش اعجاز نے علی ظفر کے نانا کے انتقال پر افسوس کا اظہار کیا اور جنت میں اعلیٰ مقام کی دعا کی-

شاہ رخ خان نے انکشاف کیا کہ ان کا نام ان کی نانی نے عبدالرحمن تھا اداکار نے مزید کہا کہ ان کے والد میر تاج محمد خان نے ان کا نام شاہ رخ رکھا تھا۔

باغی ٹی وی : ہندوستان ٹائمز کی رپورٹ کے مطابق ایک بار شاہ رخ خان نے انکشاف کیا تھا کہ کہ ان کی نانی نے بچپن میں اداکار کا نام عبدالرحمان رکھا تھا۔مجھے یہ نام پسند نہیں تھا جبکہ میرے کزن مجھے اس نام سے بہت تنگ کرتے تھے-

پروگرام میں بطور مہمان شرکت کی جہاں اُنہوں نے مداحوں کو ایک اہم راز سے آگاہ کیا۔

پروگرام میں انوپم کھیر نے شاہ رخ خان سے سوال کیا کہ ’کیا آپ کسی عبدالرحمٰن نامی شخص کو جانتے ہیں؟ جس پر اداکار نے کہا کہ نہیں! میں اس نام کے کسی شخص کو جانتا تو نہیں ہوں لیکن بچپن میں یہ میرا نام ہوا کرتا تھا، میری نانی نے بچپن میں میرا نام عبدالرحمٰن رکھا تھا۔

شاہ رخ خان کے جواب پر میزبان نے پوچھا کہ ’آپ کو میرے اس سوال پر حیرانی ہوئی؟‘ جس پر اداکار نے کہا کہ ’ہاں! مجھے حیرانی ہوئی ہے کیونکہ میرا یہ نام کہیں رجسٹر نہیں ہوا اور نہ ہی کسی کو معلوم ہے۔

شاہ رخ خان نے کہا تھا کہ اگر ‘بازی گر نے عبدالرحمٰن کی کردار کشی کی اور کہا کہ’ یہ بازی گر اسٹار ہے تو یہ اچھا نہیں لگے گا شاہ رخ خان نے یہ بھی کہا کہ ان کے والد میر تاج محمد خان نے شاہ رخ نام دیا تھا۔ شاہ رخ کا مطلب ہے ‘شہزادے جیسا چہرہ’ ،اور اسی نام سے میری ہر جگہ رجسٹریشن ہوئی اور یہی نام میری پہچان بنا جبکہ میری بہن کا نام لالہ رخ رکھا-

شاہ رخ نے کہا جب میں تھوڑا سا بڑاہوا تو میرے کزن مجھے اس نام سے چھیڑتے تھے گانا گاتے تھے کہتے تھے جب تمہاری شادی ہو گی ہم گانا گائیں گے ” عدبالرحمن کی عبدالرحمانیہ ” یہ کوئی پرانا گانا تھا-

واضح رہے کہ سپراسٹار شاہ رخ خان نے 1980ء میں ٹی وی انڈسٹری سے آغاز کیا اور 1992ء میں فلم ’دیوانا‘ میں پہلی بار کام کیا جس کے بعد انہوں نے ایک نہیں کئی نہیں بلکہ سینکڑوں سُپر ہٹ فلمیں کرکے بالی ووڈ سمیت دنیا بھر میں اپنی ایک الگ پہچان بنائی۔