پاکستان شوبز انڈسٹری کے معروف اداکار فیروز خان نے جوس بیچنے والے چین سے ایئرو ناٹیکل انجینئر کی ڈگری حاصل کرنے والے شخص کو ملازمت کی پیشکش کردی۔

باغی ٹی وی : حال ہی میں خبروائرل ہوئی تھی کہ پشتو، اردو، انگریزی، عربی اور چائنیز زبانیں پر عبور رکھنے والے سوات کے عبدالملک چین سے ایئرو ناٹیکل انجینئرنگ کی ڈگری لے کر وطن واپس آئے ہیں مگر سفارش نہ ہونےکے باعث آج بھی مناسب نوکری کی تلاش میں ہیں۔

عبدالملک کی اسکولنگ عرب امارات میں ہوئی جبکہ ایئروناٹیکل انجینئرنگ کی ڈگری انہوں نے چین کی یونیورسٹی سے حاصل کی اور اچھے مستقبل کا خواب لے کر پاکستان آیا تھا، ایئرو ناٹیکل کمپلیکس کامرہ میں انٹرن شپ کی۔

عبدالمالک کے مطابق پشاور فلائنگ کلب میں ٹرینی انجینئر اور ایک نجی ایئرلائن میں اسسٹنٹ ریمپ آفیسر کی ملازمتوں میں چند سال بھی لگائے مگر نہ اہلیت کے مطابق عہدہ ملا، نہ حق کے مطابق تنخواہ ہی ملی۔

جب بیس پچیس ہزار میں گھر چلانا ممکن نہ رہا تو عبدالملک زندگی کی گاڑی گھسیٹنے کراچی آ گئے اور یہاں تربوز کا جوس بیچنے لگے۔

حال ہی میں سوشل میڈیا سائٹ انسٹاگرام کے ایک معروف شوبز پیج کی جانب سے یہ خبر شیئر کی گئی کہ چین سے ایئرو ناٹیکل انجینئرنگ کی ڈگری لے کر وطن واپس آنے والا تربوز کا جوس بیچنے پر مجبور ہے۔

یہ خبر دیکھنے کے بعد جہاں صارفین نے شدید افسردگی کا اظہار کیا تو وہیں فیروز خان نے نوجوان کو ملازمت کی پیشکش کردی۔

فیروز خان نے پوسٹ پر کمنٹ کرتے ہوئے لکھا کہ ’اگر کوئی مجھ سے ان کا رابطہ کروا سکے تو میں اس نوجوان کو ملازمت دینا چاہتا ہوں۔‘

اداکار کی اس پیشکش پر سوشل میڈیا صارفین اداکار کی تعریف کر رہے ہیں-

چین سےانجینئرنگ کی ڈگری اور5 زبانوں پرعبوررکھنے والا نوجوان جوس کیوں بیچنے لگا؟

پاکستان شوبز انڈسٹری کے نامور اداکار فیروز خان کے ایک سے زائد شادیوں کے بیان پر سوشل میڈیا صارفین آگ بگولہ ہو گئے-

باغی ٹی وی : حال ہی میں اداکار فیروز خان نے اپنی بہین اور اداکارہ حمائمہ ملک کے ساتھ کا احسن خان کے شو ’’ٹائم آؤٹ ود احسن خان‘‘ میں بطور مہمان شرکت کی جس میں انہوں نے شادی کے حوالے سے بیان دیا جس کا مختصر کلپ گزشتہ چند دنوں سے سوشل میڈیا پر وائرل ہورہا ہے-

وائرل ویڈیو میں شو میں میزبان احسن خان نے فیروز خان سے سوال کیا کہ کیا کبھی وہ پچھتائے کہ وہ ابھی بچے تھے اور انہوں نے بہت جلدی شادی کرلی؟-

اس سوال کے جواب میں فیروز خان نے کہا نہیں بلکہ مجھے اور ینگ ایج میں جلدی شادی کرنی چاہئے تھی۔ فیروز خان نے اپنی بات کی مزید وضاحت کرتے ہوئے اور ایک سے زائد شادیوں کے حق میں بیان دیتے ہوئے کہا مجھے لگتا ہے شادی سے انسان بہت کچھ سیکھتا ہے اورہمیں میں بھی نبی اکرم ﷺ کی سنت پر عمل کرتے ہوئے ایک زیادہ زیادہ شادیاں کرنی چاہئیں۔

حالانکہ یہ شو ابھی تک نشر نہیں ہوا ہے لیکن شو کا یہ مختصر کلپ سوشل میڈیا پر وائرل ہوگیا اور صارفین فیروز خان کے اس بیان پر اپنی اپنی رائے کا اظہار کررہے ہیں۔

کچھ لوگ فیروز خان کے اس بیان پر ناراضی کا اظہار کرتے ہوئے کہہ رہے ہیں نبی پاک ﷺ نے اور بھی بہت سی باتیں کہی ہیں ان پر بھی عمل کرلیں، سوائے چار شادیوں کے۔ ایک اور صارف نے ایک مفتی کا حوالہ دیتے ہوئے کہا مسلمان مرد اور کسی فرض کو اتنا فالو نہیں کرتے لیکن ایک سنت ہے چار بیویوں کی اسے ضرور فالو کرتے ہیں-

صارفین نے کہا کہ مطلب کہ شادیوں والی بات پر عمل کرنا چاہیئے یہ اسلام ہے باقی جو بھی گناہ شوبز میں بے غیرتیاں پھیلاؤ بہت اچھے-صارف نے کہا کہ ہمارے پیارے پیغمبر نے ایسے ہی زیادہ شادیاں نہیں کیں انہوں نے بیواؤں اور مطلقہ عورتوں سے شادی کی وہ اپنی قوم کو پیغام دینا چاہتے تھے بیواؤں اور طلاق یافتوں عورتوں کا سہارا بننے کا-

ہمیں نبی اکرم ﷺ کی سنت پر عمل کرتے ہوئے زیادہ شادیاں کرنی چاہئیے فیروز خان

کراچی: اداکارہ سونیا حسین کی معروف مصنف اور ہدایت کار خلیل الرحمان پر تنقید کہا ایسے لوگ پسند نہیں جو عورتوں کو بدنام کرتے ہیں-

باغی ٹی وی : پاکستان شوبز انڈسٹری کی معروف اداکارہ سونیا حسین نجی ٹی وی چینل کے پروگرام جشن کرکٹ میں شریک ہوئیں۔ جہاں انہوں نے فردوس عاشق اعوان اور قادر مندوخیل کے معاملے اور خلیل الرحمان قمر کے بارے میں اپنے خیالات کا اظہار کیا۔

سونیا حسین نے حال ہی میں فردوس عاشق اعوان اور قادر مندوخیل کے معاملے پر بھی بات کرتے ہوئے کہا کہ لوگوں کو ٹی وی پر لائیو شو میں آکر ذمہ داری کا مظاہرہ کرنا چاہئے۔

اداکارہ نے خلیل الرحمان کی مثال دیتے ہوئے کہا کہ اب جیسے خلیل الرحمان قمر صاحب ہیں وہ لائیو ٹی وی پر آکر عورتوں کے بارے میں کس طرح کی باتیں کرتے ہیں مجھے ایسا لگتا ہے جب آپ ٹی وی پر ہوں تو آپ لوگوں کے بارے میں اپنے نظریات خود تک محدود رکھیں۔

اداکارہ سونیا حسین نے کہا خلیل الرحمان قمر ٹی وی پر آکر عورتوں کے بارے میں جو باتیں کرتے ہیں وہ بہت غلط ہیں اور مجھے بالکل پسند نہیں۔

سونیا حسین نے کہا کہ میرے خیال میں خلیل الرحمان قمر کی پڑھائی ٹھیک ہے لیکن انہیں اس بارے میں بھی پڑھنے کی ضرورت ہے کہ عورتوں کے کیا حقوق ہیں اور عورتوں کے اتنے ہی حقوق ہیں جتنے آپ مردوں کے لیے لکھتے ہیں۔

میزبان نے سونیا حسین سے کہا کہ خلیل الرحمان قمر نے ایک انٹرویو کے دوران کہا کہ انہوں نے ڈرامہ سیریل ’’میرے پاس تم ہو‘‘ میں سونیا حسین کو کام کرنے کی پیشکش نہیں کی تھی کیونکہ ان کے نزدیک سونیا کا وہ کیلیبر ہی نہیں کہ وہ میرے لکھے گئے ڈرامے میں کام کرسکیں۔

خلیل الرحٰمن قمر کی بیٹی کے نکاح کی تصاویر انٹرنیٹ پر وائرل

اس بات پر سونیا حسین نے کہا کہ میں خلیل الرحمان قمر کے بارے میں بات نہیں کرنا چاہتی کیونکہ جو انسان اپنے الفاظ کے ساتھ سچا نہیں اس کے بارے میں بات کرنے کا کوئی فائدہ نہیں۔ یہ تو آپ کو خلیل الرحمان بتائیں گے کہ انہوں نے مجھے کتنی بار اپنے پروجیکٹ میں کام کرنے کی پیشکش کی ہے اور ابھی تک کررہے ہیں۔

اداکارہ نے کہا کہ خلیل الرحمان قمر ایک مصنف ہیں اور ان کے پاس کرداروں کو کاسٹ کرنے کا اختیار ہی نہیں۔ مجھے تو خلیل الرحمان قمر کا نام سن کر غصہ آنے لگتا ہے مجھے اس طرح کے لوگ پسند نہیں ہیں جو عورتوں کو بدنام کریں۔

واضح رہے کہ یہ سونیا حسین کا معروف مصنف کیساتھ تنازع تب شروع ہوا جب گزشتہ برس سونیا حسین نے ایک انٹرویو کے دوران انکشاف کیا تھا پاکستان میں کئی ریکارڈ توڑنے اور بنانے والے ڈرامے ’’میرے پاس تم ہو‘‘میں عائزہ خان والا کردار پہلے انہیں آفر ہوا تھا لیکن انہوں نے اس ڈرامے میں کام کرنے سے انکار کردیا تھا۔

بعدا زاں خلیل الرحمان قمر کا اس بارے میں کہنا تھا کہ جب ڈرامہ ہٹ ہوگیا تو کوئی بھی اس کے بارے میں کچھ بھی کہہ سکتا ہے میں کہتا ہوں کہ مجھے امریکا کا صدر بننے کی پیشکش ہوئی تھی لیکن میں نے منع کردیا اور کہا کہ ٹرمپ کو موقع دیں، کہنے کو تو کچھ بھی کہہ سکتے ہیں۔

انہوں نے مزید کہا تھا کہ ابھی سونیا حسین کو مزید محنت کی ضرورت ہے ابھی وہ اس قابلیت پر نہیں پہنچیں کہ میرا اسکرپٹ کر سکیں۔

خود کو دیکھتی ہوں تو لگتا ہے جیسے کوئی خواجہ سرا کھڑا ہے ایمان علی

اداکارہ سجل علی اور اداکار احد رضا میر کی ویب سیریز ‘دھوپ کی دیوار’ کا ٹریلر ریلیز کردیا گیا۔

باغی ٹی وی : معروف ڈراما اور ناول نگار عمیرہ احمد کی تحریر کردہ کہانی پر بنی ویب سیریز ‘ دھوپ کی دیوار’ کی ہدایات حسیب حسن نے دی ہیں جو محبت، خاندان اور نقصان کی داستان سناتی ہے اس میں احد رضامیر اور سجل علی نے مرکزی کردار ادا کئے ہیں-

مقبوضہ کشمیر میں بھارتی مظالم اور وہاں 2019 میں ہونے والے پلوامہ حملے کے تناظر میں بنائی جانے والی اس ویب سیریز کو یوں تو سرحد پار محبت کی کہانی کے طور پر پیش کیا جارہا ہے لیکن یہ سیریز اس سے کہیں زیادہ ہے۔

ٹریلر میں دیکھا جاسکتا ہے کہ ویشال (احد رضا میر) اور سارہ (سجل علی) جب جنگ میں اپنے والد کو کھودیتے ہیں تو اپنی زندگیوں کو ایک دوسرے سے جڑا ہوا پاتے ہیں اور ان کا مشترکہ دکھ ان کی دوستی کی بنیاد بن جاتا ہے جس سے ان کے خاندان ناخوش ہوتے ہیں۔

جنگ، دکھ اور ایک دوسرے کے دکھ سے واقفیت کی اس کہانی پر مبنی ٹریلر نے مداحوں کو بہت متاثر کیا ہے اور وہ جلد ویب سیریز ریلیز ہونے کے منتظر ہیں۔
https://twitter.com/ahadrazamir/status/1404721213444968449?s=20
https://twitter.com/ahadrazamir/status/1404721213444968449?s=20

Good content created by the Indian Media Zee5 and written by Omera Ahmad, either could it not better that hero belongs to Pakistan and heroine from India?
Then what would be the indian response? Either Zee5 produce it?

— REHMAT ULLAH BASHIR (@rubashir512) June 15, 2021

اسما نام صارف نے لکھا کہ میں اس ویب سیریز کا بے صبری سے انتظار کررہی ہوں۔

OMG THIS LOOKS SO GOOD I CAN'T WAIT TO WATCH!!!! https://t.co/xhpQmCpnII

— Asma 🍉 (@Asmayyx) June 15, 2021

ایک اور صارف نے کہا کہ احد اور سجل کے علاوہ میں منظرصہبائی کی پرفارمنس کا منتظر ہوں، مجھے الف میں ان کی پرفارمنس بہت پسند آئی تھی۔

DKD TRAILER OUT NOW

Apart from ahad and sajal i am really excited for manzar ji performance I really loved his acting in alif

— Bhavana (@bhavuthecutie) June 15, 2021

پاکستان شوبز انڈسٹری کی سینئر اداکارہ عتیقہ اوڈھوایکٹرز کلیکٹو ٹرسٹ کی چیئرپرسن منتخب ہوگئیں۔

باغی ٹی وی : عتیقہ اوڈھوکو اداکاروں کے حقوق کے تحفظ اور پاکستانی انٹرٹینمینٹ انڈسٹری کے بہتر مستقبل کے لیے کام کرنے کے لیے ایکٹرز کلیکٹو ٹرسٹ ادارے نے سماجی رابطے کی ویب سائٹ انسٹاگرام پر اس حوالے سے اپنے بیان میں لکھا کہ ہم اے سی ٹی میں، اپنی نو منتخب چیئرپرسن، نمایاں اداکارہ عتیقہ اوڈھو کا استقبال کرتے ہیں۔

ادارے نے اداکارہ کی انڈسٹری کے لیے خدمات کی تعریف کرتے ہوئے لکھا کہ عتیقہ پہلے ہی ہماری انڈسٹری کی بہتری کے لیے پردے کے پیچھے بہت سارے کام کر چکی ہے، ان کا حالیہ کارنامہ اے سی ٹی کے تمام ممبروں کے لیے کم لاگت والا میڈیکل اور ہیلتھ انشورنس کا حصول ہے۔

دوسری جانب اداکارہ عتیقہ اوڈھو نے انسٹاگرام پر خوشی کا اظہار کرتے ہوئے لکھا کہ وہ ایکٹرز کلیکٹو ٹرسٹ کی چیئرپرسن منتخب ہوکر اپنے آپ کو خوش قسمت محسوس کررہی ہیں۔

ایکٹرز کلیکٹو ٹرسٹ کی چیئرپرسن منتخب ہونے کا اعزاز حاصل کرنے پر انہوں نے ادارے کا شکریہ ادا کرتے ہوئے اداکارہ نے مزید لکھا کہ یہ ایک بہت بڑی ذمہ داری ہے جسے میں وقار اور عزم کے ساتھ ادا کروں گی۔

موسیقارزلفی کوک اسٹوڈیو کے سیزن 14 کے نئے پروڈیوسر مقرر

سجل علی گلوکار عاطف اسلم کی میوزک ویڈیو میں نظر آئیں گی؟

پاکستان شوبز انڈسٹری کے معروف اداکار سعد قریشی کی والدہ کورونا وائرس سے انتقال کرگئیں۔

باغی ٹی وی : اداکارسعد قریشی نے انسٹاگرام اسٹوریکے ذریعے مداحوں اور دوستوں کو اپنی والدہ کے انتقال کی افسوسناک خبر دی اداکار نے بتایا کہ اُن کی والدہ انتقال کرگئی ہیں اور وہ گزشتہ 56 روز کورونا وائرس کی وجہ سے اسپتال میں داخل تھیں جہاں انتہائی نگہداشت وارڈ میں اُن کا علاج جاری تھا۔

سعد قریشی نے کہا کہ اگرچہ میری والدہ نے مجھے بہت سی چیزیں سکھائیں لیکن اپنے آخری دنوں میں جس طرح سے اُنہوں نے اپنی بیماری کا مقابلہ کیا اس سے مجھے طاقت اور ہمت ملی۔

سعد قریشی نے مداحوں اور دوستوں سے مخاطب ہوتے ہوئے کہا کہ اپنے اِن انمول رشتوں کی قدر کیجیے۔

اداکار نے کہا کہ ’میں آئی سی یو میں اپنی والدہ کے ساتھ ہر وقت ہوتا تھا، وہاں روزانہ موت دیکھ کر میرے اندر کافی بدلاؤ آیا ہے۔

سعد قریشی نے کہا کہ میری امّی میری جان جاتے جاتے بھی کچھ دے کر گئی ہیں۔

واضح رہے کہ سعد قریشی نے ڈرامہ انڈسٹری میں اپنے کیرئیر کا آغاز مقبول ترین ڈرامہ سیریل ’خدا اور محبت 2‘ سے کیا تھا –

لالی ووڈ کی معروف اداکارہ میراکا کہنا ہے کہ وہ وزیر اعظم کے ساتھ ملک کر قبضہ مافیا کے خلاف لڑیں گی-

باغی ٹی وی : لاہور پریس کلب میں اداکارہ میرا نے والدہ اور بھائی کے ہمراہ پریس کانفرنس کی،جس میں انہوں نے کہا کہ قبضہ مافیا نے کروڑوں کی پراپرٹی ہتھیانے کے لیے میری والدہ کو قتل کرنے کی کوشش کی پولیس کی برقت کارروائی سے میری ماں کی جان بچ گئی۔

پریس کانفرنس میں انہوں نے سی سی پی او لاہور کا شکریہ ادا کرتے ہوئے کہا کہ میری ماں کی پراپرٹی پر قبضہ ہونے والا تھا، جسے پولیس نے ناکام بنایا اگر پولیس بروقت کارروائی نہ کرتی تو ان کی ماں کو قتل کردیا جاتا۔

پریس کانفرنس کے دوران اداکارہ نے زاروقطار روتے ہوئے کہا کہ پانچ ایف آئی آر درج ہونےکے باوجود ملزم کو گرفتار نہیں کیا جا سکا، وزیر داخلہ شیخ رشید سے درخواست ہے کہ ملزم شاہد محمود کا نام ای سی ایل میں ڈالا جائے اور میرے گھر والوں کو تحفظ دیا جائے۔

اداکارہ کا کہنا تھا کہ وہ ’میرا‘ ہیں اس لئے ان کی پراپرٹی پر قبضہ نہیں ہوسکا، لیکن اب وہ وزیر اعظم پاکستان کے ساتھ مل پاکستان میں موجود قبضہ مافیا کے خلاف لڑیں گی اب میں پاکستان کے نظام کو شفاف بنانے کے لیے حکومت کا ساتھ دوں گی۔

واضح رہے کہ حال ہی میں اداکارہ میرا کے بھائی نے والدہ شفقت زہراپر حملے اورغالب مارکیٹ میں پلازے پر قبضہ کی کوشش کرنے والے ملزمان کيخلاف تھانے میںمقدمہ درج کرایا تھا جس کے بعد اداکارہ میرا نے سی سی پی او لاہور سے ملاقات کی اور ملزمان کی گرفتاری کا مطالبہ کیا تھا

پولیس نے کارروائی کرتے ہوئے مقدمہ میں نامزد پانچ ملزمان کو گرفتار کرکے اسلحہ برآمد کرلیا تھا-