پاکستان شوبز انڈسٹری کے معروف اداکار فیروز خان کا انڈسٹری کی چلبلی اداکارہ و گلوکارہ حرا مانی کے لیے کہنا ہے کہ انہیں حرا مانی سے بہت اپنائیت محسوس ہوتی ہے۔

باغی ٹی وی : فیروز خان نے حال میں اپنی بہن، اداکارہ حمیمہ ملک کے ساتھ نجی ٹی وی چینل پر احسن خان کے شو”ٹائم آؤٹ ود احسن ” میں شرکت کی، اس دوران انہوں نے جہاں اپنی نجی اور پیشہ ورانہ زندگی سے متعلق باتیں کی وہیں دوسرے فنکاروں کے بارے میں بھی اپنے خیالات کا اظہار کیا۔

شو کے دوران میزبا ن کی جانب سے پوچھے گئے حرا مانی سے متعلق سوال پر فیروز خان کا کہنا تھا کہ انہوں نے حرا مانی کے ساتھ کبھی کام نہیں کیا ہے پھر بھی وہ حرا مانی کے ساتھ بہت اُنسیت رکھتے ہیں، انہیں حرا مانی سے بہت اپنائیت محسوس ہوتی ہے۔

فیروز خان کا کہنا تھا کہ حرا مانی بہت صاف دل کی صاف دل کی کچی سی سادہ اور کھری اداکارہ ہیں، وہ بناوٹی بالکل بھی نہیں ہیں اور نہ بناوٹی بننے کی کوشش کرتی ہیں۔

فیروز خان کے شادیوں کے بیان پر سوشل میڈیا صارفین کا ردعمل

اس پر شو کے میزبان احسن خان کا بھی کہنا تھا کہ جب کوئی ایکٹر بنتا ہے بہت زیادہ اسے شہرت ملتی ہے تو وہ اتراتا ہے میں مشہور اداکار ہوں لیکن حرا میں ایسا کچھ نہیں ہے-

اس دوران حمیمہ ملک کا کہنا تھا کہ ہاں بالکل حرا مانی مشہور اداکارہ ہونے کے سبب بھی نخرے نہیں کرتیں، وہ عوام کے دلوں میں رہتی ہیں اور اپنے مداحوں کو بہت اہمیت دیتی ہیں، وہ اداکارہ ہونے پر اتراتی نہیں ہیں۔

واضح رہے کہ اس ی شو کا ایک ویڈیو کلپ وائرل ہوا تھا جس میں فیروز خان کا کہنا تھا کہ ہمیں اپنے نبی کریم صلی اللہ علیہ وآلہ وسلم کی سنت پر عمل کعتے ہوئے ایک سے زیادہ شادیاں کرنی چاہیئےاداکار کے اس بیان پر انہیں سوشل میڈیا پر تنقید کا نشانہ بھی بنایا گیا تھا-

ہمیں نبی اکرم ﷺ کی سنت پر عمل کرتے ہوئے زیادہ شادیاں کرنی چاہئیے فیروز خان

پاکستان شوبز انڈسٹری کی ہر دلعزیز اداکارہ سارہ خان نے حاملہ ہو نے کی تصدیق کر دی-

باغی ٹی وی : اداکارہ سارہ خان اور معروف گلوکار فلک شبیر کے ہاں جلد پہلے بچے کی پیدائش کی چہ مگوئیاں رواں برس اپریل سے جاری تھیں اور اب سارہ خان اور فلک شبیر نے سوشل میڈیا اکاؤنٹس پر شیئر کی گئی پوسٹس میں اس خوشخبری کی تصدیق کردی۔

رواں برس اپریل میں فلک شبیر کی جانب سے اہلیہ کی ویڈیوز شیئر کی گئیں، جن میں اداکارہ کوطبیعت خرابی کے باعث ہسپتال داخل کرایا گیا تھا تاہم انہوں نے واضح نہیں کیا تھا کہ سارہ خان کو کن مسائل کی وجہ سے ہسپتال داخل کرایا گیا تھا جبکہ کچھ میڈیا رپورٹس میں ان کے منیجر کا حوالہ دیتے ہوئے کہا گیا تھا کہ اداکارہ کو ٹائیفائیڈ ہوا تھا۔

بعدازاں فلک شبیر کی ایک انسٹاگرام اسٹوری بھی وائرل ہوئی تھی، جس میں انہوں نے ایک حاملہ خاتون اور ان کے شوہر کی گرافکس تصویر شیئر کی تھی اور لکھا تھا کہ یہی تعلقات کی خوبصورتی ہے۔

تاہم اب انسٹاگرام پر یک شوبز پیج پر فلک شبیر اور سارہ خان کی ویڈیو شیئر کی گئی، جس میں سارہ علی خان کو ہلکا پھلکا کام کرتے ہوئے دیکھا جا سکتا ہے مذکورہ ویڈیو میں سارہ خان کو قدرے ڈھیلے لباس میں دیکھا جاسکتا ہے، جس سے شائقین نے اندازہ لگایا کہ وہ امید سے ہیں-

آخر کار اب سارہ خان اور فلک شبیر نے مداحوں کا انتظار ختم کراتے ہوئے ​تصدیق کردی ہے کہ وہ جلد والدین بننے والے ہیں۔

سارہ خان نے انسٹاگرام پر فلک شبیر کے ساتھ تصاویر شیئر کیں اور پوسٹ کے کیپشن میں قرآنی آیت کا ترجمہ بھی لکھا اور لکھا کہ ‘الحمداللہ ہمارے ہاں پہلے بچے کی آمد متوقع ہے، ہمیں اپنی دعاؤں میں یاد رکھیں۔

دوسری جانب گلوکار نے بھی اسی کیپشن کے ساتھ انسٹاگرام پر تصاویر پوسٹ کیں۔

جس کے بعد سے مداحوں کی جانب سے جوڑی کو مبارکباد دینے اور ان کے لیے نیک تمناؤں کا اظہار کرنے کا سلسلہ جاری ہے۔

واضح رہے کہ جوڑی نے 14 جولائی کو منگنی کا اعلان کیا تھا اور اگلے ہی دن دونوں کی شادی کی تقریبات کا آغاز ہوا تھا اور وہ 17 جولائی کو شادی کے بندھن میں بندھ گئے تھے

دنیا بھر میں آج موسیقی کا عالمی دن منایا جا رہا ہے-

باغی ٹی وی :اس دن کو منانے کا آغاز انتیس سال پہلے سن 1981 میں فرانسیسی دارالحکومت پیرس سے ہوا۔ چند ہی سال میں یہ دن ایشیائی ممالک سمیت پوری دنیا میں منایا جانے لگا موسیقی کا عالمی دن دنیا بھر میں بسنے والے لوگوں کو موسیقی کے ذریعے امن، محبت اور بھائی چارے کی زنجیر میں باندھنے کی ایک خوبصورت کوشش ہے۔

ہزاروں سال پرانے آثار قدیمہ سے آلات موسیقی کا برآمد ہونا، جو زیادہ تر پتھروں سے بنائے گئے، اس بات کا ثبوت ہے کہ موسیقی کی تاریخ نسل انسانی جتنی ہی پرانی ہے۔

برصغیر میں موسیقی کی روایت بہت پرانی ہے اس فن نے مغلیہ دور سے بہت پہلے عروج حاصل کر لیا تھا۔ امیر خسرو کے بعد تان سین اور بیجو باورا، کے ایل سہگل اور مختار بیگم سے ماضی قریب تک سینکڑوں کلاسیک گائیک اس فن کے امین بنے کلاسیکل موسیقی کے علاوہ غزل، گیت، فوک اور پلے بیک سنگنگ وغیرہ بھی یہاں کے لوگوں میں انتہائی مقبول ہے-

موسیقی روح کی غذا بھی سمجھی جاتی ہے، امیر خسرو، تان سین، نصرت فتح علی خان، نازیہ حسن سمیت متعدد گلوکاروں نے فن موسیقی کو بام عروج تک پہنچایا۔

قیام پاکستان کے بعد موسیقی کے شعبہ میں نصرت فتح علی خان، نور جہاں، مہدی حسن، فریدہ خانم، اقبال بانو، خورشید بیگم، غلام علی، پرویز مہدی، احمد رشدی اور مسعود رانا جیسے ناموں نے لازوال گیت تخلیق کیے اور گائے اور اپنے سُریلے گیتوں سے کروڑوں افراد کو اپنا دیوانہ بنایا۔

کلاسیکی موسیقی کے خوبصورت رنگوں میں ٹھمری، دادرہ، کافی اور خیال گائیکی کا ذکر کبھی بھی شام چراسی، پٹیالہ، گوالیار اور قصور گھرانوں کے بنا مکمل نہیں ہو سکتا۔

فوک موسیقی میں عالم لوہار، شوکت علی، ریشماں، پٹھانے خان، عابدہ پروین، سائیں اختر، عارف لوہار اور دیگر نے اس فن کو بام عروج پر پہنچایا جبکہ غزل گائیکی کا ذکر مہدی حسن، فریدہ خانم، اقبال بانو، خورشید بیگم، غلام علی اور پرویز مہدی کے بغیر ادھورا ہے۔

موسیقی کی ایک اور جہت قوالی بھی ہے جس کا سب سے درخشاں ستارہ استاد نصرت فتح علی خان ہیں، غلام فرید صابری اور عزیز میاں سمیت کئی دوسرے قوالوں نے بھی اپنی گائیکی سے دنیا بھر میں اپنے مداح پیدا کیے۔

پاکستان میں پوپ موسیقی کے آغاز کا سہرا نازیہ حسن کے سر ہے جنہوں نے 80 کی دہائی میں اپنے گانوں سے بے پناہ مقبولیت حاصل کی۔جبکہ موجودہ دور میں پوپ موسیقی میں علی ظفر، عاطف اسلم، عمیر جسوال اور مومنہ مستحسن وغیرہ مقبول نام ہیں۔

ہندوستان میں لتا منگیشکر، محمد رفیع، کشور کمار اور مکیش جیسے گلوکار موسیقی کی دنیا میں دھوم مچاتے رہے اور ان کے گائے ہوئے گیت برسوں بعد بھی بالکل تازہ محسوس ہوتے ہیں۔

موجودہ عہد پاپ اور دیگر جدید طرزِ موسیقی کا ہے جس پر امریکہ و برطانیہ کے گلوکار چھائے ہوئے ہیں جس میں مائیکل جیکسن لیڈی گاگا، جسٹن بیبر اور کیٹی پیری جیسے سنگرز شامل ہیں جنھیں دنیا بھر میں انتہائی مقبولیت حاصل ہے۔

تُرک ڈراموں سے ہماری ڈرامہ انڈسٹری بہت بہتر ہوئی ہے سمیع خان

نیوزی لینڈ : کرائسٹ چرچ کی مساجد پر بننے والی فلم کا تنازعہ، وزیراعظم جیسنڈا کا…

پاکستان شوبز انڈسٹری کی معروف اداکارہ صنم سعید اور اداکار محب مرزا کی شادی کی خبریں گردش کررہی ہیں۔

باغی ٹی وی :دونوں ورسٹائل اداکار صنم سعید اور محب مرزا ایک ساتھ کئی پراجیکٹس میں کام کرچکے ہیں جن میں ڈراما سیریل ’فراق‘، ’دیدن‘ اس کے علاوہ فلم ’بچانا‘ اور ’عشرت میڈ ان چائنا‘ شامل ہیں۔

ایکسپریس کی رپورٹ کے مطابق محب مرزا اور صنم سعید دونوں ہی پہلے سے شادی شدہ تھے لیکن دونوں نے اپنے اپنے پارٹنرز سے طلاق لے لی ہے۔ محب مرزا نے اداکارہ و ماڈل آمنہ شیخ کے ساتھ شادی کی تھی دونوں کی ایک خوبصورت بیٹی ہے تاہم شادی کے 14 برس بعد دونوں نے ایک دوسرے سے راہیں جدا کرنے کا فیصلہ کیا۔

اداکارہ صنم سعید نے 2015 میں فرحان حسن کے ساتھ شادی کی تھی جس کے بعد وہ دبئی منتقل ہوگئی تھیں تاہم انہوں نے بھی کچھ اختلافات کی وجہ سے اپنے شوہر سے علیحدگی اختیار کرلی تھی۔

دوسری جانب صنم سعید اور محب مرزا کی سابق اہلیہ آمنہ شیخ آپس میں بہترین دوستیں تھیں۔ دونوں نے ایک ساتھ فلم ’کیک‘ میں کام کیا تھا اور اس فلم کے بعد دونوں کی بہت اچھی دوستی ہوگئی تھی۔

لیکن اب دونوں نے ہی ایک دوسرے کو سوشل میڈیا پر اَن فالو کردیا ہےجبکہ محب مرزا اور صنم سعید نے ایک دوسرے کو سوشل میڈیا پر فالو کیا ہوا ہے جس کے بعد سوشل میڈیا پر یہ خبریں گردش کررہی ہیں کہ صنم سعید اور محب مرزا نے شادی کرلی ہے جس کی وجہ سے آمنہ شیخ اور صنم سعید کی دوستی میں دراڑ آگئی ہے۔

دوسری جانب حال ہی میں ایک آن لائن شو کے دوران ایک صارف نے شو کی میزبان سے اس بارے میں سوال پوچھا کہ کیا صنم سعید اور محب مرزا شادی کے بندھن میں بندھ گئے ہیں؟ –

جس کے جواب میں شو کی میزبان نے جواب دیا، شاید ان دونوں نے شادی کرلی ہے کیونکہ میں نے بھی اڑتی اڑتی خبر سنی ہے کہ صنم سعید اور محب مرزا شادی کے بندھن میں بندھ گئے ہیں لیکن ابھی تک اس خبر کی تصدیق نہیں ہوسکی ہے اور نہ ہی ان دونوں نے اس بارے میں کوئی بیان جاری کیا ہے۔