پاکستان مقبول ترین ماڈل حسنین لہری کے والد انتقال کرگئے۔

باغی ٹی وی: معروف میک اپ آرٹسٹ اور اسٹائلسٹ کھوجی نے حسنین لہری کے والد کے انتقال کی اطلاع دی۔

میک اپ آرٹسٹ اور اسٹائلسٹ کھوجی نے اپنی انسٹاگرام اسٹوری میں کہا کہ حسنین لہری کے والد اب ہم نہیں رہے۔

اُنہوں نے حسنین لہری کے مداحوں اور دوستوں کو اُن کے والد کی نمازِ جنازہ کے اوقات کے بارے بھی بتایا-

واضح رہے کہ حسنین لہری نے سال 2014ء میں ماڈلنگ کی دُنیا میں اپنے کیرئیر کا آغاز کیا تھا حسنین لہری پاکستان کے وہ واحد ماڈل ہیں کہ جو اب تک پانچ بار ’لکس اسٹائل ایوارڈ‘ اپنے نام کرچکے ہیں۔

ماڈل نے اپنا چوتھا لکس اسٹائل ایوارڈ اپنے چھوٹے مرحوم بھائی کے نام کیا تھا جو سال 2019ء میں دل کا دورہ پڑنے کی وجہ سے انتقال کرگئے تھے۔

نو مسلم جرمن وی لاگر اور پاکستانی اداکارہ و ماڈل زویا ناصر کے سابقہ منگیتر کرسٹن بیٹزمین کا بھی منگنی ٹوٹنے کے حوالے بیان سامنے آگیا ہے-

باغی ٹی وی : منگنی ٹوٹنے کے حوالے سے بیٹز مین نے کہا ہے کہ زویا نے نہیں بلکہ اُنہوں نے خود زویا سے تمام تعلقات ختم کیے ہیں کرسٹن بیٹزمین نے اپنے یوٹیوب چینل پر ایک ویڈیو شیئر کی جس پر ان کی بھارتی مداح نے کمنٹ کیا۔

بھارتی صارف نے لکھا کہ ہم جانتے ہیں کہ آپ بہت دُکھی ہیں کیونکہ آپ کی منگیتر اور آپ کے دوستوں نے آپ کو تنہا چھوڑ دیا ہے جبکہ ہزاروں لوگ آپ پر شدید تنقید بھی کررہے ہیں آپ پریشان نہیں ہوں کیونکہ وقت سے بڑا مرہم کوئی نہیں ہوتا۔

بھارتی مداح کے کمنٹ کا جواب دیتے ہوئے جرمن وی لاگر کرسٹن بیٹزمین نے لکھا کہ زویا نے مجھے نہیں چھوڑا بلکہ میں نے خود اُس سے تمام تعلقات ختم کیے ہیں۔

جرمن وی لاگر کرسٹن بیٹزمین نے کہا کہ زویا کو چھوڑنے کی پیچھے کی کہانی بالکل مختلف ہے۔

زویا ناصر نے کرسٹن بیٹزمین کی اسرائیل کی حمایت اور پاکستان سے نفرت کے اظہار پر منگنی توڑ دی

واضح رہے کہ حال ہی میں زویا ناصر نے فوٹو اینڈ ویڈیو شیئرنگ ایپ انسٹاگرام پر جاری کیے گئے اپنے پیغام میں کہا تھا کہ ’میں بہت ہی دکھ کے ساتھ یہ اعلان کر رہی ہوں کہ میرا اور کرسچین بیٹزمین کا اب مزید کوئی تعلق نہیں ہے۔‘

زویا کا کہنا تھا کہ کرسٹن بیٹزمین کا میرے مذہب، میرے ملک اور میری ثقافت سے متعلق رائے تبدیل ہوگئی ہے جس کی وجہ سے مجھے یہ دشوار فیصلہ کرنا پڑ رہا ہے۔

زویا نے لکھا تھا کہ ایک دوسرے کے ساتھ عاجزی ، رواداری اور احترام وہ خوبیاں ہیں جن کا ہمیں ہمیشہ پابند رہنا چاہئے میں نے اس جذباتی اور نفسیاتی زخم کو بھرنے کے لیے اللہ سے رجوع کیا ہے کہ وہ مجھے دنیاوی جذباتی بربادی سے نمٹنے کے لئے طاقت فراہم کرے-

کیا زویا ناصر اورکرسٹن بیٹزمین نے راہیں جدا کر لیں؟

واضح رہے کہ فروری میں اسلام قبول کرنے والے جرمن ولاگر نے کچھ روز قبل انسٹاگرام پر اسکرین شاٹ شیئر کیا تھا جس میں انہیں صارفین نازیبا القابات سے مخاطب کر رہے تھےکرسٹن بیٹزمین نے کیپشن میں پاکستان کو تیسرے درجے کا ملک قرار دیا تھا۔

خیال رہے کہ جرمن یوٹیوبر کرسٹن نے حال ہی میں اسلام قبول کیا تھا جس کے بعد زویا ناصر نے اُن سے منگنی کرلی تھی۔زویا اور کرسٹین کی شادی کی تمام ترتیاریاں مکمل تھیں، تقریباََ 3 ہفتے قبل زویا کے قریبی دوست اور معروف یوٹیوبر شاہ ویر جعفری نے دونوں کے لیے سرپرائز ڈھولکی کا اہتمام بھی کیا تھا-

زویا ناصراورنومسلم یوٹیوبرکرسٹن بیٹزمین کی شادی کی تقریبات کا آغازہو گی

پاکستانی اداکارہ و ماڈل نوشین شاہ کو سوشل میڈیا صارفین نے پاکستان کی کنگنا رناوت قرار دے دیا۔

باغی ٹی وی : حال ہی میں ایک انٹر ویو میں نوشین شاہ نے سوشل میڈیا پر شادی کے حوالے سے ایک بیان دیا تھا جس میں اُنہوں نے اپنے ہی ملک کے لیے نازیبا لفظ کا استعمال کیا تھا۔

بعد ازاں انسٹاگرام پر اداکارہ کی جانب سے حال ہی میں ایک اسٹوری شیئر کی گئی جس میں انہوں نے شادی کے لیے والدہ کی طرف سے ملنے والے مستقل دباؤ پر بات کی۔

نوشین شاہ نےاپنی اسٹوری میں ملک کے لیے بھی نامناسب لفظ کا استعمال کیا اور لکھا کہ ایسا صرف یہیں ہوسکتا ہے کہ اگر آپ شادی شدہ نہ ہوں تو آپ کی والدہ کی طرف سے یہ بات آپ کو ہر روز یاد کروائی جائےکہ شادی کرلو ، شادی کرلو نہیں کرنی بھئی شادی معاف کرو۔

نوشین شاہ کا پاکستان مخالف بیان دیکھنے کے بعد جہاں شوبز ستارے بھڑکے تو وہیں سوشل میڈیا صارفین بھی آگ بگولہ ہو گئے-

سوشل میڈیا صارف نے نوشین شاہ کے بیان پر تبصرے کرتے ہوئے اُنہیں شدید تنقید کا نشانہ بنایا۔

انمول نامی صارف نے لکھا کہ نوشین شاہ بالکل کنگنا رناوت کی طرح بول رہی ہیں۔

ایک اور صارف نے لکھا کہ اس بیان کے بعد نوشین شاہ پاکستان کی کنگنا رناوت ہیں۔

ایک صارف نے کہا کہ جو اداکار پاکستان کی عزت نہیں کرسکتے اُنہیں تو ملک بدر ہی کردینا بہتر ہے۔

ایک صارف نے کہا کہ نوشین شاہ کے بیان سے اُن کی تربیت کا اندازہ ہوتا ہے کہ وہ اپنے ملک اور والدہ کی کتنی عزت کرتی ہیں۔

صارف نے کہا کہ جب وہ عوامی سطح پر اپنے ملک اور والدہ کی عزت نہیں کرسکتیں تو اکیلے میں کیا خاک کرتی ہوں گی۔

بلاگز بائے مونا نے کہا کہ نوشین شاہ کو زبان سنبھال کر بات کرنی چاہیے۔

ایک صارف نے کہا کہ یہ لوگ جس تھالی میں کھاتے ہیں، اُسی میں چھید کرتے ہیں۔

ایک صارف نے کہا کہ اسے بولیں پاکستان سے دفع ہو جائے اور اسرائیل چلی جائے-

جبکہ ڈیزائنر عمر سعید نے نوشین شاہ کو آڑے ہاتھوں لیتے ہوئے کہا کہ ہاں جب شادی نہیں ہو پاتی کوششیں کر کر کے تو پھر یہی کہنا پڑتا ہے عزت بچانے کے لئے-

نوشین شاہ نے عمر سعید کی اس پوسٹ پر شدید ردعمل دیا-

کامیڈین اور میزبان عدیل امجد نے اداکارہ پر شدید تنقید کرتے ہوئے انہیں ملک چھوڑجانے کا مشورہ دیا اور لکھا کہ آپ کہہ رہی ہیں والدہ جان چھوڑدیں جس دن والدہ نے جان چھوڑ دی آپ کی جان نکل جائے گی۔

جہاں لوگوں نے نوشین شاہ پر سخت تنقید کی وہیں صارفین نے نوشین شاہ کا ساتھ بھی دیا اور ان کے بیان کو ٹھیک قرار دیا-

پاکستان شوبز انڈسٹری کی نامور اداکارہ اور پروڈیوسر یاسرہ رضوی کے گھر بیٹے کی پیدائش ہوئی ہے۔

باغی ٹی وی : ویب سیریز ’’چڑیلز‘‘ میں اداکاری کے جوہر دکھانے والی اداکارہ یاسرہ رضوی کے گھر بیٹے کی پیدائش ہوئی ہے۔ یاسرہ نے سوشل میڈیا پر یہ خبر اپنے نومولود بیٹے کی تصویرکے ساتھ شیئر کی۔

اداکارہ یاسرہ نے تصویر کے کیپشن میں اپنے بیٹے کے لیے بہت خوبصورت الفاظ کہے انہوں نے اپنے بیٹے کو مخاطب کرتے ہوئے لکھا’انسان ہونا ہی تمہارا واحد تعارف ہے اور دیگر انسانوں کی خدمت کرنا تمہارا واحد مقصد ہے، عظیم زندگی گزارو۔‘

یاسرہ رضوی نے مزید بتایا کہ ان کے بیٹے کی پیدائش 22 مئی 2021 کو صبح 9 بج کر 50 منٹ پر ہوئی۔

اداکارہ کی اس پوسٹ پر فنکاروں اور مداحوں کی جانب سے یاسرہ رضوی کو مبارکباد دینے کا سلسلہ جاری ہے۔

یاسرہ رضوی کے ہاں ننھے مہمان کی آمد متوقع

خیال رہے کہ یاسرہ رضوی نے دسمبر 2016 میں خود سے 10 سال کم عمر ڈراما پروڈیوسر عبدالہادی سے شادی کرکے سب کو حیران کردیا تھا یاسرہ رضوی کی شادی کے وقت 34 سال عمر تھی جب کہ ان کے شوہر 24 سال کے تھے یاسرہ رضوی نے اپنے شوہر سے حق مہر میں پیسوں کے بجائے فجر کی نماز پڑھنے کا مطالبہ کیا تھا اور ان کے اس عمل پر بھی کئی سوالات اٹھائے گئے تھے۔

خود سے کم عمر لڑکے سے شادی کرنے پر یاسرہ رضوی کو اس وقت بھی سوشل میڈیا پر تنقید کا نشانہ بناتے ہوئے انہیں کہا جاتا رہا تھا کہ انہوں نے کسی بچے سے شادی کی ہےبعدازاں رواں برس جنوری میں اداکارہ نے ایک انٹرویو میں اس مسئلے پر بات کرتے ہوئے کہا تھا کہ انہیں خود سے ایک دہائی کم عمر لڑکے سے شادی کرنے پر بہت کچھ برداشت کرنا پڑا۔

یاسرہ رضوی ڈراما نگار بی گل کی لکھی کہانی کی ہدایات دیں گی؟

کراچی میں 22 مئی 2020 کو حادثے کا شکار ہونے والی پی آئی اے کی پرواز پی کے 8303 میں جاں بحق ہونے والی معروف ماڈل زارا عابد کی پہلی برسی پر اداکارہ عائشہ عُمر نے پیغام شئیر کیا ہے۔

باغی ٹی وی :عائشہ عُمر نے ماڈل زارا عابد کی پہلی برسی کے موقع پر اپنے تصدیق شدہ انسٹاگرام اکاؤنٹ پر خصوصی اسٹوری شیئر کی۔

اداکارہ نے اپنی انسٹا اسٹوری میں سوشل میڈیا پیچ کی ایک خبر کا اسکرین شارٹ شیئر کیا جس میں لکھا تھا کہ آج زارا عابد کو ہم سے بچھڑے ایک سال مکمل ہوگیا ہے۔

عائشہ عُمر نے خبر شیئر کرتے ہوئے لکھا کہ زارا کو اپنی دُعائیں میں یاد رکھیں ساتھ ہی کیپشن میں ٹوٹے ہوئے دل والے ایموجی کا استعمال کیا

واضح رہے کہ گزشتہ سال کراچی میں حادثے کا شکار ہونے والے طیارے میں 99 افراد سوار تھے محکمہ صحت سندھ کے حکام نے بتایا کہ 2 مسافر محمد زبیر اور ظفر مسعود حادثے میں معجزاتی طور پر بچ گئے جبکہ 97 مسافروں کے جاں بحق ہونے کی تصدیق کردی گئی تھی۔

زارا عابد پاکستان نے گزشتہ سال ہم اسٹائل ایوارڈز میں بہترین فیمیل ماڈل کا ایوارڈ اپنے نام کیا تھا انہوں نے انڈسٹری کے معروف ڈیزائنرز کے ساتھ کام کیا اور کیرئیر کا آغاز ثنا سفیناز کے ساتھ کیا جبکہ بہت جلد وہ عظیم سجاد کی فلم چوہدری سے بڑی اسکرین پر بھی ڈیبیو کرنے والی تھیں۔

اداکارہ زویا ناصر نے حال ہی میں اسلام قبول کرنے والے جرمن ولاگر یوٹیوبر کرسٹن بیٹزمین کی اسلام سے دوری، اسرائیل کی حمایت اور پاکستان سے نفرت کے اظہار پر منگنی توڑ دی-

باغی ٹی وی : پاکستانی اداکارہ زویا ناصر اور جرمن ولاگر کرسٹن بیٹزمین کی رواں برس فروری میں منگنی ہوئی تھی۔ منگنی سے قبل ہی کرسٹن بیٹزمین نے اسلام بھی قبول کرلیا تھا۔ دونوں کی منگنی کی سوشل میڈیا پر خوب دھوم رہی تھی تاہم اب زویا ناصر نے منگنی توڑنے کا اعلان کردیا۔

سماجی رابطے کی ویب سائٹ انسٹا گرام میں زویا ناصر نے اپنی پوسٹ میں منگنی توڑنے کی وجوہات بتاتے ہوئے لکھا کہ کرسٹن بیٹزمین کا میرے مذہب، میرے ملک اور میری ثقافت سے متعلق رائے تبدیل ہوگئی ہے جس کی وجہ سے مجھے یہ دشوار فیصلہ کرنا پڑ رہا ہے۔

زویا ناصر نے مزید لکھا کہ ہمارے کچھ مذہبی اور سماجی حدود ہیں جنہیں نظر انداز نہیں کیا جا سکتا، ان حدود سے تجاوز کرنے بجائے راستے الگ کرنے کا فیصلہ کیا ہے-

زویا نے لکھا ایک دوسرے کے ساتھ عاجزی ، رواداری اور احترام وہ خوبیاں ہیں جن کا ہمیں ہمیشہ پابند رہنا چاہئے میں نے اس جذباتی اور نفسیاتی زخم کو بھرنے کے لیے اللہ سے رجوع کیا ہے کہ وہ مجھے دنیاوی جذباتی بربادی سے نمٹنے کے لئے طاقت فراہم کرے۔

زویا ناصر نے پوسٹ کے آخر میں کرسٹن کے لیے خوشگوار اور روشن زندگی کا خواہش اظہار کرتے ہوئے کہا کہ امید کرتی ہوں اس مشکل وقت میرے اور میرے اہل خانہ کی پرائیویسی کا خیال رکھا جائے گا۔

زویا ناصر کے اس فیصلے اور پوسٹ پر نہ صرف شوبز شخصیات کی جانب سے بلکہ مداحوں کی جانب سے حوصلہ افزا اور نیک تمناؤں کے پیغامات شئیر کئے جا رہے ہیں-

واضح رہے کہ فروری میں اسلام قبول کرنے والے جرمن ولاگر نے کچھ روز قبل انسٹاگرام پر اسکرین شاٹ شیئر کیا تھا جس میں انہیں صارفین نازیبا القابات سے مخاطب کر رہے تھےکرسٹن بیٹزمین نے کیپشن میں پاکستان کو تیسرے درجے کا ملک قرار دیا تھا۔

زویا ناصراورنومسلم یوٹیوبرکرسٹن بیٹزمین کی شادی کی تقریبات کا آغازہو گیا