Baaghi TV

Category: شوبز

  • سلمان خان کے کہنے پر اپنا نام تبدیل کیا کیارا ایڈوانی

    سلمان خان کے کہنے پر اپنا نام تبدیل کیا کیارا ایڈوانی

    بالی ووڈ اداکارہ کیارا ایڈوانی نے انکشاف کیا ہے کہ انہوں نے سُپر اسٹار سلمان خان کے کہنے پر اپنا نام تبدیل کیا تھا-

    باغی ٹی وی : بھارتی میڈیا کے مطابق کیارا ایڈوانے اپنے حالیہ انٹرویو میں بتایا کہ انہوں نے سلمان‌خان کے کہنے پر سلو میاں اپنا نام تبدیل کرلیا تھا -انیتا شروف اداجانیہ کے شو میں گفتگو کرتے ہوئے بتایا کہ انہوں نے 22 سال کی عمر میں بالی وڈ میں قدم رکھا اور سب سے زیادہ سپورٹ سلمان خان نے کیا-

    انہوں نے بتایا کہ سلمان خان نے ، فلم انڈسٹری میں کام کے حوالے سے سلمان خان نے اداکارہ کی بہت راہنمائی کی۔

    کیارا ایڈوانی نے مزید بتایا کہ ’میرا اصل نام ’عالیہ‘ ہے، سلمان خان نے فلم انڈسٹری میں آگے بڑھنے کے لیے مجھے نام بدلنے کا مشورہ دیا، سلمان خان نے اداکارہ عالیہ بھٹ کی وجہ سے ایسا کیا کیونکہ بالی وڈ میں ایک ہی نام کی دوایکٹریس نہیں ہوسکتیں۔

    کیارا ایڈوانی نے کہا کہ سلمان خان کے کہنے پر میں نے اپنا نام کیارا ایڈوانی رکھنے کا فیصلہ کیا، اب میرے والدین بھی مجھے اسی نام سے پکارتے ہیں۔

    کرینہ کپور کوہندو دیوی "سیتا” کے کردار کی پیشکش پر ہندو مشتعل

    سلمان خان کا جلد ہی دو میگا بجٹ پراجیکٹ کا اعلان کرنے کا فیصلہ

    کمال آر خان کے بعد صوفیہ حیات بھی سلمان خان کے خلاف میدان میں آگئیں

  • اللہ نے موقع دیا تو ہانیہ اور عاصم اظہر کی صلح کراؤں گا

    اللہ نے موقع دیا تو ہانیہ اور عاصم اظہر کی صلح کراؤں گا

    پاکستان ڈرامہ انڈسٹری کے معروف اداکار علی عباس نے کہا ہے کہ اُنہیں اگر کبھی موقع ملا تو وہ ہانیہ عامر اور عاصم اظہر کے درمیان صلح کروائیں گے۔

    باغی ٹی وی : حال ہی میں اداکار علی عباس نے نجی ٹی وی چینل کے پروگرام’جشنَ کرکٹ‘ میں شرکت کی جہاں اُنہوں نے میزبان مختلف سوالات کے جوابات دیئے۔

    دورانِ پروگرام علی عباس نے ہانیہ عامر اور گلوکار عاصم اظہر کے تنازعے سے متعلق گفتگو کرتے ہوئے کہا کہ مجھے لگتا ہے ہانیہ عامر اور عاصم اظہر دونوں ہی اپنی جگہ پر بالکل درست ہیں۔

    علی عباس نے کہا کہ ’میں چونکہ وکالت پڑھ چکا ہوں تو اگر کبھی اللہ تعالیٰ نے مجھے موقع دیا تو میں ہانیہ اور عاصم کے درمیان جاری تنازعے کو ختم کرنے کے لیے اُن کی صلح کروانا پسند کروں گا۔‘

    اداکار نے مزید کہا کہ ’میں کرکٹ کا بہت بڑا مداح ہوں، اس بار پاکستان سپُر لیگ میں لاہور قلندرز کو سپورٹ بھی کررہا ہوں اور مجھے اُمید ہے کہ پی ایس ایل 6 کی ٹرافی لاہور قلندرز اپنے نام کرے گی۔‘

    یاد رہے کہ اداکار علی عباس کئی سُپر ہٹ ڈراموں میں اپنی اداکاری کے جوہر دِکھا چکے ہیں جن میں ان کے حالیہ ڈرامے فطرت سمیت دیگر شامل ہیں-

  • نیوزی لینڈ:کرائسٹ چرچ کی مساجد اور جیسینڈا آرڈرن پر بننے والی فلم تنقید کا شکار

    نیوزی لینڈ:کرائسٹ چرچ کی مساجد اور جیسینڈا آرڈرن پر بننے والی فلم تنقید کا شکار

    نیوزی لینڈ کے شہر کرائسٹ چرچ کی 2 مساجد، النور مسجد اور لین ووڈ، میں دہشت گرد برینٹن ٹیرنٹ کی جانب سے 15 مارچ 2019 کو کیے جانے والے سفاکانہ حملے پر جیسنڈا آرڈرن کے ردِعمل پر فلم کی تیاری جاری ہے تاہم یہ فلم پروڈکشن کے مرحلے میں ہی تنقید کا شکار ہوگئی۔

    باغی ٹی وی : فلم کا ٹائٹل ’’They are Us‘‘ ہے جو ان کی تقریر کے دوران ایک جملے سے ہی لیا گیا ہے۔ جیسنڈا آرڈرن نے کہا تھا حملہ آور نہیں، مسلم کمیونٹی ہماری اپنی ہے فلم میں صرف ان کی کاوشیں ہی دکھائی جائیں گی۔

    فلم کی مرکزی کہانی مساجد پر دہشت گردی کے حملوں اور متاثرین کی مشکلات کو دکھانا نہیں بلکہ وزیر اعظم جیسنڈا آرڈرن کی کاوشوں کو دکھانے کے گرد گھومتی ہے فلم میں جیسنڈا آرڈرن کا کردار آسٹریلوی اداکارہ روز بیرنی ادا کریں گی جب کہ فلم کی تمام شوٹنگ نیوزی لینڈ میں ہی کی جائے گی۔

    دوسری جانب نیوزی لینڈ میں بسنے والے کچھ مسلمانوں کا کہنا ہے کہ یہ مسلمانوں کے ساتھ ہوئے سانحے کی کہانی ہے فلم کا مرکز حکومت کو نہیں بلکہ یہاں بسنے والے مسلمانوں کو ہونا چاہیے۔

    خبر رساں ادارے ’رائٹرز‘ کے مطابق فلم ساز نیوزی لینڈ کی فلم ساز اینڈریو نکولو کی جانب سے مساجد پر حملے کے تناظر میں فلم بنائے جانے کے اعلان کے بعد وہاں کے مسلمانوں نے ناراضی اور افسوس کا اظہار کیا ہے اور فلم نہ بنانے کا مطالبہ کیا ہے-

    مسلمانوں کی تنظیم ’مسلم ایسوسی ایشن آف سینٹربری‘ نے بھی اپنے بیان میں مذکورہ فلم بنائے جانے کے معاملے پر خدشات کا اظہار کرتے ہوئے کہا کہ ’مسلمانوں پر اب بھی حملے کیے جانے کے خطرات منڈلا رہے ہیں-

    تنظیم کے مطابق مذکورہ دہشت گردی کے حملے کے بعد وزیر اعظم جیسنڈا آرڈرن کا کردار اہم رہا لیکن اب بھی مسلمان خوف محسوس کر رہے ہیں اور مساجد پر حملوں کے تناظر میں فلم بنانا اچھا خیال نہیں۔

    دوسری جانب وزیر اعظم نیوزی لینڈ جیسنڈا آرڈرن نے بھی فلم سے لاتعلقی کا اظہار کیا ہے-

    جبکہ مسلمانوں کی جانب سے ناراضی کا اظہار کیے جانے کے باوجود تاحال فلم ساز اینڈریو نکولو نے کوئی وضاحت جاری نہیں کی ہے۔

    واضح رہے کہ نیوزی لینڈ کی مساجد پر دہشت گردی کے حملوں میں 51 نمازی شہید جب کہ 50 زخمی ہوگئی تھےحملوں کے بعد دہشت گرد بیرنٹن ٹیرنٹ کو گرفتار کرکے ان کے خلاف دہشت گردی کی دفعات کے تحت مقدمہ چلایا گیا تھا اور اسے اگست 2020 میں مرتے دم تک قید کی سزا سنائی تھی۔

  • سوشانت سنگھ راجپوت کو مداحوں سے بچھڑے ایک سال ہو گیا

    سوشانت سنگھ راجپوت کو مداحوں سے بچھڑے ایک سال ہو گیا

    بولی وڈ اداکارسوشانت سنگھ راجپوت کومداحوں سے بچھڑے ایک سال ہو گیا 34 سالہ سوشانت سنگھ راجپوت کی موت نے ایک بار پھر بھارت سمیت دنیا بھر میں ان کے مداحوں کو غمزدہ کردیا ہے اور اداکار کی موت ایک بار پھر ٹوئٹر پر ٹاپ ٹرینڈ ہے –

    باغی ٹی وی: سوشانت سنگھ راجپوت نے بھارتی ریاست مہاراشٹر کے دارالحکومت ممبئی کے پرتعیش علاقے ویسٹ باندرا میں اپنی رہائش گاہ پر اپنے دوستوں اور ملازمین کے ساتھ رہنے کے باوجود اپنی زندگی کا خاتمہ کیا تھا-

    پولیس کو ان کی رہائش گاہ سے ان کے علاج و معالجے کے دستاویزات ملے تھے جس سے اندازہ لگایا گیا کہ وہ ڈپریشن کا علاج کروا رہے تھے۔

    اداکار کے قریبی دوستوں کے ذرائع کا کہنا تھا کہ وہ گزشتہ چند ماہ سے ڈپریشن اور ذہنی دباؤ کا شکار تھے، تاہم ان کی پریشانی میں کورونا کے باعث لاک ڈاؤن ہونے کے باعث اضافہ ہوا –

    بعد ازاں سوشانت کے مداحوں نے اداکار کی گرل فرینڈ ریا وتی کو موردالزام ٹھہراتے ہوئے ان کے خلاف کاروائی کا مطالبہ کیا 25 جولائی کو سوشانت سنگھ کے والد کی جانب سے درج کرائی گئی ایک ایف آئی آر میں ریا پر سوشانت کو خودکشی کے لیے مائل کرنے کا الزام عائد کیا گیا۔

    انہوں نے ریا پر سوشانت کا پیسہ چوری کرنے، انھیں نشہ آور ادوات دینے، ان کی ذہنی صحت کے بارے میں لوگوں کو بتانے کی دھمکی دینے کے علاوہ خاندان سے دور کرنے کا الزام بھی عائد کیا تاہم وہ اس چیز کی تردید کرتے ہیں کہ ان کے بیٹے کسی قسم کے ذہنی مسائل سے دوچار تھے۔


    سوشانت سنگھ راجپوت نے کیریئر کا آغاز 2008 میں ٹی وی سے کیا تھا، تاہم انہوں نے 2013 میں فلمی کیریئر کا آغاز کیا ، انہوں نے اب تک محض ایک درجن فلموں میں ہی کام کیا تھا۔

    سوشانت سنگھ راجپوت کی فلموں میں کائی پو چے، شدھ دیسی رومانس، پی کے، ڈیٹیکٹو بایو مکیش بخشی، ایم ایس دھونی: دی یونائیٹڈ اسٹوری ، رابطہ، ویلکم ٹو نیویارک، کیدرناتھ، سون چڑیا، چھچھورے اور ڈرائیو شامل ہیں۔

    سوشانت سنگھ راجپوت کو ان کے 12 سالہ کیریئر کے دوران 20 کے قریب ایوارڈز کے لیے نامزد کیا گیا اور انہوں نے 9 ایوارڈز جیتے، انہوں نے بہترین ڈیبیو اداکار، بہترین پاپولر اداکار اور بہترین اداکار کے فلم فیئر، اسکرین ایوارڈ اور زی سائن ایوارڈز جیتے۔

    انہیں سب سے زیادہ شہرت عامر خان کی فلم پی کے میں پاکستانی مسلمان لڑکے سرفراز کا کردار ادا کرنے سے ملی، جس سے فلم میں بھارتی ہندو لڑکی یعنی انوشکا شرما محبت کرتی ہیں۔

    پی کے کے بعد انہوں نے 2016 میں بھارتی کرکٹر مہندرا سنگھ دھونی کی زندگی پر بننے والی فلم ایم ایس دھونی: دی یونائیٹڈ اسٹوری میں ان کا کردار ادا کیا اور ان کی مقبولیت میں مزید اضافہ ہوا۔

  • شہنشاہ غزل مہدی حسن کو دنیا سے رخصت ہوئے 9 برس بیت گئے

    شہنشاہ غزل مہدی حسن کو دنیا سے رخصت ہوئے 9 برس بیت گئے

    شہنشاہ غزل مہدی حسن کو دنیا سے رخصت ہوئے 9 برس بیت گئے-

    باغی ٹی وی : مہدی حسن 1927 میں بھارتی ریاست راجستھان کے علاقے لونا میں پید اہوئے۔ مہدی حسن کے گھرانے نے کئی پُشتوں نے موسیقی کی خدمت کی مہدی حسن نے 1956 میں ریڈیو پاکستان سے گائیکی کا آغاز کیاجبکہ 1962 میں پاکستانی فلم ’شکار‘ کے لیے پہلی مرتبہ گیت ریکارڈ کرایا۔

    انہوں نے 365 سے زائد فلموں میں اپنی آواز کا جادو جگایا اور 40 سال تک فن موسیقی کے افق پر حکمرانی کی وہ موسیقی کا ایک پورا عہد تھے ان کے گائے راگ کو دنیا بھر میں پے پناہ شہرت ملی اسی وجہ سے مہدی حسن کو ’شہنشاہ غزل‘ کے خطاب سے نواز گیا۔

    مہدی حسن نے 25 ہزار سے زائد گیت اور غزلیں ریکارڈ کراکے ایک تاریخ رقم کی موسیقی میں غیر معمولی خدمات پر انہیں تمغہ امتیاز، ہلال امتیاز جبکہ بھارت میں سہگل اور نیپال میں گورکھا دک شینا باہو ایوارڈ سے نوازا گیا۔

    موسیقی کی دنیا کا عظیم الشان ستارہ 13 جون 2012 کو اپنے خالق حقیقی سے جا ملا لیکن ان کی غزلیں اور گیت آج بھی شائقین کی سماعتوں میں گونجتے ہیں-

  • بھارتی یوٹیوبر کے والدین کورونا کے باعث جاں بحق

    بھارتی یوٹیوبر کے والدین کورونا کے باعث جاں بحق

    بھارتی معروف یوٹیوبر بھون بام المعروف بی بی کے والدین کورونا کے باعث انتقال کر گئے-

    باغی ٹی وی : یوٹیوبر بھون بام نے سماجی رابطے کی ویب سائٹ انسٹاگرام پر اپنے والدین کے ہمراہ اپنی زندگی کی چند حسین یادیں شیئر کرتے ہوئے مداحوں کو بتایا کہ میرے والدین اب اس دنیا میں نہیں رہے –

    بھارتی یوٹیوبر نے پوسٹ کے کیپشن میں لکھا کہ ’کورونا وائرس نے مجھ سے میری دونوں لائف لائنز چھین لیے۔

    بھون بام نے لکھا کہ ماں اور بابا کے بغیر اب کچھ بھی پہلے جیسا نہیں رہے گا، صرف ایک مہینے میں سب بکھر چُکا ہے، گھر، خواب سب کچھ۔‘

    اُنہوں نے لکھا کہ میری ماں میرے ساتھ، میرے بابا میرے ساتھ نہیں، اب دوبارہ سے جینا سیکھنا پڑے گا ،جس کا من نہیں کر رہا-

    بھون بام نے مزید لکھا کہ مجھے ہمیشہ ان سوالات کے ساتھ جینا پڑے گا کہ کیا میں ایک اچھا بیٹا تھا؟ کیا میں نے اپنے والدین کو بچانے کے لیے کوشش کی؟

    یوٹیوبر نے لکھا کہ میں اس دن کا انتظار نہیں کر سکتا جب میں انہیں دوبارہ دیکھوں میری خواہش ہے کہ وہ دن جلد آئے-

    واضح رہے کہ بھون بام کا شمار بھارت کے معروف ترین یوٹیوبرز میں ہوتا ہے، اُن کے چینل کا نام ’بی بی کی وائنز‘ ہے-

    کرینہ کپور کوہندو دیوی "سیتا” کے کردار کی پیشکش پر ہندو مشتعل

    سابقہ اہلیہ کے شلپا شیٹھی پر الزامات، راج کندرا نے خاموشی توڑ دی

    منیشا لامبا نے مداحوں سے براہ راست رابطے کیلئے ایپ لانچ کر دی

    وکی کوشل سے افئیر کی تصدیق پر کترینہ کیف انیل کپور کے بیٹے پر برہم

  • صبیحہ خانم کی آج پہلی برسی منائی جا رہی ہے

    صبیحہ خانم کی آج پہلی برسی منائی جا رہی ہے

    لالی ووڈ کی سینئیر اداکارہ صبیحہ خانم کی آج پہلی برسی منائی جا رہی ہے-

    باغی ٹی وی :لالی ووڈ کی پہلی سپر اسٹار صبیحہ خانم کا اصل نام مختار بیگم تھا، وہ 1935 میں گجرات میں پیدا ہوئیں،فلمی کیریئر کا آغاز ’بیلی‘ سے کیا-

    لیکن 1954 میں ریلیز ہونے والی فلم ’گمنام‘ سے ان کو شہرت حاصل ہوئی صبیحہ خانم نے نامور اداکار سنتوش کمار کے ساتھ47 فلموں میں کام کیا ، فلم ”حسرت“ کے دوران دونوں نے شادی کر لی-

    صبیحہ خانم کی کامیاب ترین فلموں ’سات لاکھ‘، ’دو آنسو‘، ’گمنام‘‘، ’دلا بھٹی‘، ’سرفروش‘، ’مکھڑا‘، ’دیور بھابھی‘، ’حسرت اور دامن‘ نےانہیں پاکستان کی پہلی سُپراسٹار بنا دیا-

    لالی ووڈ میں چار دہائیوں تک راج کرنے اور پاکستانی سینما کی خاتون اول قرار پانے والی صبیحہ خانم کو 6 بارنگار ایوارڈزاور صدارتی تمغہ برائے حسن کارکردگی سے نوازا گیا۔

    صبیحہ خانم آخری ایام میں بلڈ پریشر اور شوگر سمیت کئی بیماریوں میں مبتلا ہو گئی تھیں اور طویل علالت کے بعد13جون 2020 کو انتقال کر گئیں تھیں-

  • سابقہ اہلیہ کے شلپا شیٹھی پر الزامات، راج کندرا نے خاموشی توڑ دی

    سابقہ اہلیہ کے شلپا شیٹھی پر الزامات، راج کندرا نے خاموشی توڑ دی

    بالی ووڈ اداکارہ اور معروف رئیلٹی شو کی جج شلپا شیٹھی کے شوہر راج کندرا پہلی بیوی کویتا کے الزامات پر بول پڑے-

    باغی ٹی وی : بھارتی میڈیا کے مطابق شلپا شیٹھی کے شوہر راج کندرا کی پہلی بیوی کویتا کی ایک پرانی ویڈیو سوشل میڈیا پر وائرل ہورہی ہے جس میں وہ شلپا شیٹھی پر الزام لگاتے ہوئی کہہ رہی ہیں کہ ان کی اور راج کندرا کی طلاق کے پیچھے شلپا شیٹھی کا ہاتھ تھا۔

    رپورٹس کے مطابق راج کندرا نے اپنی سابق اہلیہ کویتا کی جانب سے لگائے جانے والے تمام الزامات کی تردید کرتے ہوئے کویتا کے بارے میں ہی کئی انکشاف کیے ہیں۔

    ایک انٹرویو کے دوران اس حوالے سے بات کرتے ہوئے راج کندرا نے کہا کہ ان کی سابق اہلیہ کویتا کو ان کی موجودہ اہلیہ شلپا شیٹھی کے خلاف بیانات اور انٹرویوز دینے کے لیے کئی ہزار پاؤنڈز دئیے گئے۔

    راج کندرا نے اپنی سابق اہلیہ کے بارے میں مزید بتاتے ہوئے کہا کہ جب وہ لوگ لندن میں رہتے تھے اس وقت ان کی بیوی کے میرے بہنوئی کے ساتھ تعلقات تھے۔

    شلپا شیٹھی کے شوہر نے کہا کہ جب میں بزنس کے سلسلے میں باہر جاتا تھا تو دونوں ایک دوسرے کے ساتھ زیادہ سے زیادہ وقت گزارتے تھےمجھے ان دونوں کے تعلقات کے بارے میں میرے گھر والوں یہاں تک کہ میرے ڈرائیور نے بھی بتایا تھا۔

    خیال رہے کہ بالی ووڈ اداکارہ شلپا شیٹھی اور راج کندرا کی شادی سن 2009 میں ہوئی تھی شلپا راج کندرا کی دوسری بیوی ہیں دونوں کا ایک بیٹا ویان راج کندرا بھی ہے۔

  • کرینہ کپور کوہندو دیوی "سیتا” کے کردار کی پیشکش پر ہندو مشتعل

    کرینہ کپور کوہندو دیوی "سیتا” کے کردار کی پیشکش پر ہندو مشتعل

    بالی ووڈ اداکارہ کرینہ کپور خان کو فلم ’سیتا: دی انکارنیشن‘ میں مرکزی کردار ادا کرنے کی پیشکش پر بھارتی عوام بھڑک اٹھی یہاں تک کہ ٹوئٹر پر بائیکاٹ کرینہ کپور ٹرینڈ میں رہا-

    باغی ٹی وی : بھارتی میڈیا کے مطابق فلم ساز الوکک ڈیسائی کی جانب سے آنے والی میگا بجٹ میتھالوجیکل فلم کے مرکزی کردار ’سیتا‘ کی پیشکش کرینہ کپور کو کیے جانے کے دو دن بعد ٹوئٹر پر ’بائیکاٹ کرینہ کپور‘ کا ٹرینڈ ٹاپ پر آگیا۔

    رپورٹ کے مطابق بھارت کی عوام کرینہ کپور کو ’سیتا‘ کے کردار کی پیش کیے جانے پر برہم دکھائی دیے کہا کہ وہ ہندو دیوی کے کردار میں کسی ہندو اداکارہ کو ہی دیکھنا چاہیں گے صارفین نے فلم کی ٹیم سے مطالبہ کیا کہ ان کی بجائے کسی اور اداکارہ کو کاسٹ کیا جائے۔

    ٹوئٹر صارفین کا کہنا ہے کہ کرینہ کپور ہندو مذہب میں یقین نہیں رکھتیں اور ساتھ ہی وہ ’تیمور‘ کی ماں بھی ہیں، اس لیے وہ ہندو دیوی‘ سیتا‘ کا کردار ادا نہیں کر سکتیں۔
    https://twitter.com/JayatuHindu/status/1403600757870391297?s=20
    کئی لوگوں نے کرینہ کپور کی مسلمان اداکار سیف علی سے شادی اور ان کے بچے کو بھی تنقید کا نشانہ بنایا اور ان کے بیٹے ’تیمور‘ کو ماضی کے بادشاہ ’تیمور‘ سے بھی جوڑا اور کہا کہ ماضی میں افغانستان سے آنے والے تیمور نے بھارت پر حملہ کیا تھا اور اب تیمور کو کرینہ کپور نے جنم دیا ہے، اس لیے وہ ’سیتا‘ کا کردار ادا نہیں کرسکتیں۔


    کچھ صارفین نے کہا کہ سیف علی خان کی اہلیہ اور تیمور خان کی ماں ’سیتا ماتا‘ کا کردار ادا نہیں کرسکتیں۔
    https://twitter.com/arpitahindu/status/1403591910355202052?s=20


    کچھ صارفین نے کرینہ کپور کی جانب سے ’سیتا‘ کے کردار کے لیے فلم سازوں سے 12 کروڑ روپے وصول کرنے پر بھی تنقید کی-


    زیادہ تر افراد نے کرینہ کپور کو مذہب کی بنیاد پر تنقید کا نشانہ بنایا اور دعویٰ کیا کہ وہ مسلمان ہو چکی ہیں اور وہ ہندو مذہب اور ہندو دیویوں کا احترام بھی نہیں کرتیں، اس لیے اسے ’سیتا‘ کا کردار نہیں دیا جا سکتا۔
    https://twitter.com/Saumya_miishra/status/1403658202294611973?s=20
    واضح رہے کہ چند دن قبل خبریں آئی تھیں کہ کرینا کپور نے فلم ساز الوکک ڈیسائی کی فلم ’سیا: دی انکارنیشن‘ میں ’سیتا‘ کے کردار کے لیے 12 کروڑ روپے کا مطالبہ کیا ہے۔
    https://twitter.com/Deepa__bansal/status/1403598388688416770?s=20
    تاہم یہ واضح نہیں ہوسکا تھا کہ فلم کی ٹیم نے کرینہ کپور کو ’سیتا‘ کے کردار کے لیے فائنل کیا تھا یا نہیں؟

    واضح رہے کہ کرینہ کپور ہندو مذہب سے تعلق رکھتی ہیں، انہوں نے 16 اکتوبر 2012 کو مسلمان اداکار سیف علی خان سے شادی کی تھی شادی کے بعد اگرچہ چہ مگوئیاں تھیں کہ کرینہ کپور نے اسلام قبول کیا ہے لیکن اس کی تصدیق نہیں ہوسکی تھی اور نہ ہی جوڑی نے کبھی اس معاملے پر کھل کر بات کی ہے۔

    کرینہ کپور کے ہاں شادی کے 4 سال بعد 20 دسمبر 2016 کو پہلے بیٹے ’تیمور‘ علی خان کی پیدائش ہوئی تھی جبکہ رواں برس 21 فروری کو ان کے ہاں دوسرے بیٹے کی پیدائش ہوئی تھی جن کا نام ابھی تک منظر عام پر نہیں لایا گیا-

  • بہادر پرندے تنہا اُڑنے سے نہیں ڈرتے علیزے شاہ

    بہادر پرندے تنہا اُڑنے سے نہیں ڈرتے علیزے شاہ

    پاکستان شوبز انڈسٹری کی معروف اور نوجوان اداکارہ علیزے شاہ نے خود کو ’بہادر پرندہ‘ قرار دیتے ہوئے کہا کہ بہادر پرندے تنہا اُڑنے سے نہیں ڈرتے-

    باغی ٹی وی : سوشل میڈیا صارفین کی تنقید کا نشانہ بننے والی نوجوان اداکارہ علیزے شاہ نے ناقدین کے لئے معنی خیز پوسٹ شئیر کی ہےعلیزے شاہ نے اپنے تصدیق شدہ انسٹاگرام اکاؤنٹ پر اپنی نئی تصویر شیئر کی ہے جس میں وہ کافی پُراعتماد نظر آرہی ہیں۔

    تصویر میں دیکھا جاسکتا ہے کہ علیزے شاہ کے ہاتھ پر ’پرندوں‘ والا ٹیٹو بنا ہوا ہے۔

    اداکارہ نے تصویر کو ایک معنی خیز کیپشن دیتے ہوئے لکھا کہ ’بہادر پرندے تنہا اُڑنے سے نہیں ڈرتے۔‘

    علیزے شاہ کی اس معنی خیز پوسٹ کو جہاں اُن کے ناقدین ناپسند کررہے ہیں تو وہیں اداکارہ کے مداح ان کی پوسٹ پر تعریفی ردعمل دیتے نظر آ رہے ہیں-

    علیزے شاہ کے ساتھ کام کرکے پچھتانا پڑا یاسر نواز

    واضح رہے کہ حال ہی میں علیزے شاہ پچھلے کچھ ہفتوں سے لباس کی وجہ سے شدید تنقید کی زد میں ہیں انہوں نے ساحر علی بگا کے ہمراہ گانے سے میوزک انڈسٹری میں ڈیبیو کیا تھا جس میں اداکارہ بولڈ مغربی لباس کی وجہ سے شدید تنقید کا نشانہ بن گئیں تھیں-

    علیزے شاہ کا تنقید کرنے والوں کو کرارا جواب

    جس کے بعد علیزے شاہ نے ناقدین کو جواب دیتے ہوئے کہا تھا کہ میں نے وہ میمز اور تنقید بھری پوسٹس دیکھی ہیں جو میرے ناقدین کی جانب سے میرے لیے تیار کی گئی ہیں اس وقت دُنیا بھر کی طرح پاکستان کے لیے بھی سب سے اہم مسئلہ فلسطین ہے لیکن افسوس ہمارے لوگ فلسطینی آواز کے لیے اپنی آواز بُلند کرنے کے بجائے مجھ پر تنقید کررہے ہیں۔

    علیزے شاہ نے سوالیہ انداز میں کہا تھا کہ آخر ہمارے لوگوں کے ساتھ مسئلہ کیا ہے-

    علیزے شاہ ٹاب ٹریند پر ، ہم طالب شہرت ہیں ہمیں‌ ننگ سے کیا عار

    علیزے شاہ کا پہلا گانا ریلیز ہوتے ہی مقبول