سانحہ آرمی پبلک اسکول (اے پی ایس) میں 8 گولیاں لگنے کے باوجود معجزانہ طور پر زندہ بچ جانے والے طالبِ علم ولید خان نے سوشل میڈیا پیغام میں کہا ہے کہ براہ کرم ان کا موازنہ ملالہ سے نہ کیا جائے۔

باغی ٹی وی : ملالہ کے شادی کے حوالے سے بیان پر شدید تنقید کا سلسلہ جاری ہے اور سوشل میڈیا پر صارفین نے ملالہ کو ولید خان سے سیکھنے کے مشورے دیئے جس پر ولید خان نے بھی ردعمل دیا ہے۔

ولید خان نے اپنے سلسلہ وار ٹوئٹس میں بتایا کہ گزشتہ کچھ دنوں سے میری اور ملالہ کی موازنہ کرتی کچھ پوسٹس اور تصاویر زیر گردش ہیں، میری آپ سب سے درخواست ہے کہ یہ موازنہ بند کیا جائے۔

From a long time I have been seeing images of me and Malala circulating around. I would like to request everyone please stop this comparison. We can’t uplift one person by degrading the other. Malala is an inspiration for many young ppl like me and millions around the world.

— Waleed Khan (@WaleedKhanAPs) June 4, 2021

انہوں نے لکھا کہ آپ کسی کو نیچا دکھا کر دوسرے کا دل نہیں جیت سکتے، ملالہ مجھ سمیت لاکھوں لوگوں کیلئے متاثر کن شخصیت ہیں۔

Malala’s family has been like a family to me throughout this journey. We should be proud of every person that has earned great name for Pakistan instead of drawing constant comparison between them.

— Waleed Khan (@WaleedKhanAPs) June 4, 2021

ولید خان نے لکھا کہ ملالہ کی فیملی ان کی فیملی کی طرح ہے اور ان کی زندگی کے مشکل وقت میں ملالہ کی فیملی نے جو ساتھ دیا وہ کبھی نہیں بھلا سکیں گے۔

انہوں نے کہا کہ ہمیں ہر اس شخص پر فخر کرنا چاہئے جو ہماری پاک سر زمین کا نام مستقل مزاجی سے روشن کرتا ہے۔

I also want to clarify that I am living in Birmingham for my treatment and getting my education here. I have always been in awe for the love I get .It’s humble request to all to plz stop this comparison.

— Waleed Khan (@WaleedKhanAPs) June 4, 2021

ولید خان نے اپنی ایک اور ٹوئٹ میں اس بات کی وضاحت بھی دی کہ وہ اس وقت برمنگھم میں ہی مقیم ہیں جہاں وہ اپنا علاج کروارہے ہیں اور تعلیم حاصل کررہے ہیں۔

انہوں نے لکھا کہ ’میں آپ سب کی محبتوں اور پیار کا شکرگزار ہوں لیکن براہِ کرم یہ موازنہ اب بند کیا جانا چاہئے۔

ملالہ کے شادی سے متعلق بیان پر متھیرا کا شدید رد عمل

کسی کواپنی زندگی میں رکھنےکےلیےنکاح نامے پردستخط کی کیاضرورت:پارٹنر کیوں نہیں رہاجاسکتا؟ملالہ یوسفزئی

پاکستان شوبز انڈسٹری کی معروف اداکارہ حرا مانی نے بیٹے کو امتحان میں نقل کرنے کا مشورہ دے دیا-

باغی ٹی وی : فوٹو اینڈ ویڈیو شیئرنگ ایپ انسٹاگرام پر حرا مانی نے اپنے بیٹے ابراہیم کے ہمراہ اپنی ایک خوبصورت تصویر شیئر کی اور انکشاف کیا کہ انہوں نے بیٹے کو امتحان میں نقل کرنے کا مشورہ دیا تھا-

حرا مانی نے اپنی پوسٹ کے کیپشن میں ابراہیم سے مخاطب ہوتے ہوئے لکھا کہ مجھے اس بچے سے بہت محبت ہے-

اداکارہ نے لکھا کہ ’یہ پوسٹ ابراہیم کے لیے ہے، میں نے اُسے کہا تھا کہ وہ امتحان میں نقل کرلے لیکن اُس نے نہیں کی جس کے لیے مجھے اپنے بیٹے پر بہت فخر ہے۔‘

اُنہوں نے لکھا کہ مجھے ابراہیم پر غصّہ تو بہت آیا تھا کیونکہ آن لائن امتحان تھے اور اگر وہ نقل کر بھی لیتا تو کسی کو معلوم بھی نہیں ہوتا۔

حرا مانی نے ابراہیم کو مخاطب کرتے ہوئے لکھا کہ مجھے تمہاری ایمانداری بہت پسند آئی ہے اور اسی وجہ سے میں نے آپ کے لیے یہ خصوصی پوسٹ کی ہے۔

واضح رہے کہ حرا مانی ڈرامہ انڈسٹری کی مقبول ترین اداکارہ ہیں اُن کے شوہر مانی کا تعلق بھی شوبز انڈسٹری سے ہے جبکہ اس جوڑی کے دو بیٹے ہیں۔

پاکستانی اداکارہ، وی جے اور میزبان متھیرا نے ملالہ یوسفزئی کے شادی کے حوالے سے دئیے گئے بیان پرانسٹاگرام پر رد عمل دیا ہے-

باغی ٹی وی : گزشتہ روز ملالہ یوسفزئی نے اپنے سوشل میڈیا اکاؤنٹ پر برطانوی فیشن میگزین ووگ کے سرورق کی تصویر شیئر کرائی تھی۔ ووگ میگزین نے آئندہ ماہ کے شمارے کے سرورق کے لیے ملالہ یوسفزئی کو منتخب کیا ہے۔

فیشن میگزین ووگ کی ویب سائٹ پر ملالہ یوسفزئی کا انٹرویو بھی شائع ہوا تھا جس میں انہوں نے اپنے بارے میں کئی باتیں کرتے ہوئے شادی کے حوالے سے بھی گفتگو کی تھی۔

انٹرویو میں جب تیئیس سالہ کم عمر ترین نوبل انعام یافتہ ملالہ سے شادی اور محبت کے حوالے سے پوچھا گیا تو پہلے انہوں نے کوئی واضح جواب نہیں دیا۔

دوسری بار شادی اور محبت کے حوالے سے سوال پوچھے جانے پر ملالہ یوسفزئی نے، اپنی سوچ اور دل کی بات عیاں کردی، ملالہ نے کہا کہ مجھے ابھی تک سمجھ نہیں آتا کہ لوگوں کو شادی کیوں کرنا ہے؟ اگر آپ اپنی زندگی میں کسی کے ساتھ رہنا چاہتے ہیں تو نکاح نامے پر دستخط کرنے کی کیا ضرورت ہے؟ صرف پارٹنر بن کر کیوں نہیں رہ سکتے؟

ملالہ نے بتایا کہ ان کی والدہ ہمیشہ انہیں شادی کی خوبصورت رشتے کے حوالے سے بتاتی رہتی ہیں، اور ان کے والد کے پاس ایسے لوگوں کی ای میلز آتی ہیں جو انہیں اپنی جائیداد اور پیسوں کے بارے میں بتاکر مجھ سے شادی کرنے کی خواہش کا اظہار کرتے ہیں۔

ملالہ کا مزید کہنا تھا میں یونیورسٹی میں سوچتی تھی کہ میں کبھی شادی نہیں کروں گی، اور نہ ہی بچے پیدا کروں گی صرف اپنا کام کروں گی۔ میں ہمیشہ اپنی فیملی کے ساتھ رہوں گی اور خوش رہوں گی۔ مجھے احساس نہیں تھا کہ آپ ہر وقت ایک شخص نہیں ہوتے جب آپ بڑھتے ہیں آپ میں بدلاؤ آتے ہیں۔‘‘

ملالہ یوسفزئی کے شادی سے متعلق اس بیان پر اداکارہ متھیرا نے انسٹاگرام اسٹوری پر ردعمل دیتے ہوئے کہا ہے ’’مجھے ووگ میگزین کے سرورق پر ملالہ کی تصویر پسند آئی۔

پھر انہوں نے ملالہ یوسفزئی کو مینشن کرتے ہوئے لکھا براہ کرم ہمیں اپنی نئی نسل کو شادی کرنے کی ترغیب دینے کی کوشش کرنی چاہئے اور یہ بھی بتانا ہے کہ نکاح کرنا سنت ہے یہ صرف کاغذات پر دستخط کرنا نہیں ہے آپ کوئی پلاٹ نہیں خرید رہے۔ بلکہ اس طرح آپ درست طریقے سے اپنی نئی اور خوشگوار زندگی کا آغاز کرتے ہیں۔

متھیرا نے مزید لکھا زبردستی کی شادی، شادی میں تشدد اور کم عمری کی شادی غلط ہے لیکن خدا کی رحمت کے سائے میں نکاح کرنا خوش آئند ہے۔ لہذا اگر آپ کو لگتا ہے کہ کسی کو اپنی زندگی میں شراکت دار بنانا اچھا ہے تو آپ اسے حلال طریقے سے کریں۔‘

متھیرا نے ایک اور انسٹا اسٹوری میں نکاح کے حق میں ووٹ دیتے ہوئے کہا اس سے کوئی فرق نہیں پڑتا کہ میں کتنی ماڈرن ہوں میں ہمیشہ اپنے بچوں کو نکاح کرنے پر زور دوں گی اور یہ سیکھاؤں گی کہ شادی کے ذریعے خود کو کسی کے ساتھ باندھنا بالکل صحیح ہے اور اس رشتے میں ایک دوسرے کی مدد کرنا آپ کی زندگی کے لیے اچھا ثابت ہوگا۔

متھیرا نے لکھا کہ شادی کرنا اچھی بات ہے۔ بعض اوقات شادی میں مشکلات آتی ہیں لیکن کوئی بات نہیں اللہ آپ کے لیے کسی خاص کو بھیجتا ہے۔

متھیرا نے مزید کہا ہاں میں طلاق یافتہ ہوں لیکن میں اب بھی شادی پر یقین رکھتی ہوں اور شاید جب مجھے صحیح شخص ملے تو میں دوبارہ شادی کرلوں۔ لہذا مہربانی کرکے مجھے بتانا بند کریں کہ میں طلاق یافتہ ہوں۔ کیا ہوا اگر میری شادی نہیں چلی۔ اکیلے رہ کر خوش رہنا بہتر ہے بجائے اس کے کہ آپ ایک ناخوشگوار شادی میں پریشان اور دکھی رہیں۔

کسی کواپنی زندگی میں رکھنےکےلیےنکاح نامے پردستخط کی کیاضرورت:پارٹنر کیوں نہیں رہاجاسکتا؟ملالہ یوسفزئی

ممبئی:پولیس نے کورونا ایس او پیز کی خلاف ورزی پر بالی ووڈ اداکار ٹائیگر شروف اور ان کی گرل فرینڈ دیشا پٹانی کے خلاف مقدمہ درج کیا ہے-

باغی ٹی وی : ٹائمز آف انڈیا کے مطابق اداکار ٹائیگر شروف اور دیشا پٹانی کے خالف گزشتہ روز باندرا پولیس نے لاک ڈاؤن قوانین کی خلاف ورزی کرنے کا مقدمہ درج کیا۔

رپورٹ کے مطابق اداکاروں کے خلاف آئی پی سی کی دفعہ 188 (سرکاری ملازم کی طرف سے جاری کردہ احکامات کی نافرمانی) اور 34 (مشترکہ ارادے) کے تحت ایف آئی آر درج کی گئی تھی۔ ان کے ڈرائیور پر بھی مقدمہ درج کیا گیا ہے۔ کوئی گرفتاری عمل میں نہیں آئی ہے۔

پولیس نے بتایا کہ وہ بغیر کسی وجہ کے گھوم رہے تھے وجہ پوچھنے پر وہ کوئی جواب فراہم نہ کر سکے اور یہ COVID ہدایات کی خلاف ورزی کے خلاف ہے-

پاکستان کے عالمی شہرت یافتہ اداکار اور ماڈل عمران عباس شہری زندگی کی ہلچل اور شور شرابے سے دور سکون کی تلاش میں نکل پڑے۔

باغی ٹی وی : اداکار عمران عباس ان دنوں گلگت بلتستان کی وادیوں کی سیر کررہے ہیں اور اپنے اس ٹور کی تصاویر فوٹو اینڈ ویڈیو شیئرنگ ایپ انسٹاگرام پر مداحوں کے ساتھ شئیر کر رہے ہیں جسے مداحوں کی جانب سے خوب پسند کیا جا رہا ہے-

ایک پوسٹ میں اداکار نے قدرتی مناظر کی ساتھ اپنی تصویر شیئر کرتے ہوئے لکھا ’’شہری زندگی کی ہلچل سے دور اصل سکون کی تلاش میں قدرت کے قریب پہنچ گیا ہوں‘‘۔

ایک اور تصویر میں عمران عباس نے مقامی شہریوں کے ساتھ تصویر شیئر کرتے ہوئے لکھا ’’میرا دیس ، میرے اپنے‘‘۔

جبکہ ایک تصویر میں اداکار عمران عباس نے گلگت بلتستان کی حسین وادیوں کی تعریف کرتے ہوئے لکھا کہ ہم نے اس کو اتنا دیکھا جتنا دیکھا جا سکتا تھا، پھر بھی دو آنکھوں سے کتنا دیکھا جاسکتا تھا-

اپنی ایک تصویر شئیر کرتے ہوئے اداکار نے لکھا کہ اپنے من میں ڈوب کر پا جا سراغ زندگی-

واضح رہے کہ اس سے قبل عمران عباسنے ایک ویڈیو شئیر کی تھی پاکستان کے خوبصورت شمالی علاقے سوات کا سفر کر رہےتھے اور ڈرائیونگ کے دوران بالی ووڈ کا ماضی کا مقبول ترین گانا گنگنا رہے تھے جس کو جہاں مداحوں نے سراہا تھا وہیں بھارتی نامور گلوکارہ اللکا ہاگنگ نے بھی تعریف کی تھی –

بھارتی گلوکارہ الکا یاگنک عمران عباس کی آواز کی گرویدہ ہو گئیں

پاکستانی ماڈل و اداکارہ علیزے گبول نے جعلی سوشل میڈیا اکاؤنٹس بناکر خواتین اور خصوصی طور پر اداکاراؤں کو بدنام کرنے والے افراد کے خلاف قانونی چارہ جوئی کرنے پر خوشی کا اظہار کیا ہے-

باغی ٹی وی : علیزے گبول نے اس حوالے سے انسٹاگرام پر خصوصی اسٹوریزشئیر کیں جن میں ماڈل و اداکارہ نے بتایا کہ متعدد جعلی سوشل میڈیا اکاؤنٹس پر ان کی تصاویر اور دیگر معلومات کو غلط انداز میں پیش کرکے انہیں پریشان کیا جا رہا تھا، جن کے خلاف ان کے وکیل حارث شہباز نے قانونی چارہ جوئی کی۔

اداکارہ نے عدالت میں کامیاب قانونی چارہ جوئی کرنے پر حارث شہباز کا شکریہ ادا کیا –

اداکارہ نے انسٹاگرام اسٹوری میں بتایا کہ جعلی اکاؤنٹ بنا کر دوسرے لوگوں کی تصاویر اور ان سے متعلق غلط معلومات پھیلانا جرم ہے اور ایسا عمل دوسرے کی تضحیک اور ذہنی پریشانی کا باعث بھی ہے۔

علیزے گبول نے اسٹوریز میں لکھا کہ جعلی اکاؤنٹس سے دوسروں کے لیے غلط بیانی کرنے معصوم افراد کے لیے ذہنی اذیت کا باعث بنتی ہے اور خاص طور پر مذکورہ عمل خواتین کے لیے خطرناک ثابت ہوتا ہے۔

اداکارہ نے ایک انسٹا اسٹوری میں عدالتی احکامات کی کاپی بھی شیئر کی جس میں عدالت نے پولیس کو جعلی اکاؤنٹس بنا کر اداکاراؤں کو بدنام کرنے والے افراد کے خلاف مقدمہ دائر کرنے کی ہدایت کی تھی۔

علیزے گبول کے علاوہ دیگر خواتین اور شوبز شخصیات نے بھی اس اقدام پراپنے وکیل حارث شہباز کا شکریہ ادا کیا –

دوسری جانب وکیل حارث شہباز نے اپنی انسٹاگرام اسٹوریز میں عدالتی احکامات کی کاپی شیئر کی جب کہ انہوں نے ایک جعلی پیروڈی اکاؤنٹس کی جانب سے شیئر کی گئی اسٹوری بھی شیئر کی۔

عدالت نے جن جعلی اکاؤنٹس کے خلاف کارروائی کا حکم دیا، ان میں سے ایک اکاؤنٹ نے انسٹاگرام اسٹوری میں واضح کیا کہ ان کا اکاؤنٹ مزاحیہ تھا، جس کا مقصد لوگوں کو تفریح فراہم کرنا تھا تاہم ساتھ ہی وضاحتی اسٹوری میں خواتین کے لیے نامناسب الفاظ بھی استعمال کیے گئے۔

مذکورہ اکاؤنٹ سے شیئر کی گئی اسٹوری میں تصدیق کی گئی کہ وہ قانونی چارہ جوئی کی وجہ سے اکاؤنٹ بند کر رہے ہیں تاہم جلد ہی نئے نام سے دوبارہ آجائیں گے۔

مذکورہ اکاؤنٹ کی اسٹوری کو شیئر کرتے ہوئے حارث شہباز نے لکھا کہ کسی خاتون یا اداکارہ کو ’جسم فروش‘ لکھنا تفریح نہیں ہے-