Category: شوبز

پاکستان شوبز انڈسٹری کے نامور اداکار شہریار منور اپنی ڈریسنگ کی وجہ سے سوشل میڈیا صارفین کی سخت تنقید کا سامنا ہے-

باغی ٹی وی :حال ہی میں شہریار منور کی وائرل تصاویر میں اداکا ر کا ڈریسنگ سینس مداحوں کو بالکل پسند نہیں آیا جس کے بعد اداکار کو سوشل میڈیا صارفین کی جانب سے سخت تنقید کا سامنا کرنا پڑا۔

حال ہی میں شہریار منور نجی ٹی وی چینل کی ایک پروگرام میں شریک ہوئے جس میں انہوں نے گرے رنگ کا کرتا اور سفید پاجامہ پہنا پروگرام کی تصاویر سوشل میڈیا پر وائرل ہونے کے بعد مداح کچھ خوش نہیں دکھائی دیئے اور اداکار کو طنزو مزاح کا نشانہ بنایا-

ایک صارف نے شہریار کے پاجامے کو لڑکیوں والا پاجامہ قرار دے دیا ایک صارف نے لکھا کہ کپڑے نہیں ہیں اس کے پاس، ایسا کیا ہوگیا اس کے ساتھ۔

ایک صارف نے کہا کہ انہوں نے جلدی میں بہن کا ٹراؤزر اور ابو کا کرتا پہن لیا ہے جب کہ ایک صارف نے ہدایت دیتے ہوئے کہا کہ مرد پر ہمیشہ مردوں والا لباس اچھا لگتا ہے۔

ایک صارف نے تو یہاں تک کہہ دیا کہ شہریار نے ساتھی اداکارہ مائع کے کپڑے پہن لئے ہیں ایک صارف نے کہا عورت لگ رہے ہو ایک صارف نے کہا بہت ہی بکواس ڈریسنگ ہے-

اداکارہ صباقمر نے غزہ پر اسرائیلی بمباری سے معصوم بچوں سمیت 20 فلسطینیوں کی شہادت پرشدید غم کا اظہار کیا ہے۔

باغی ٹی وی : اداکارہ صباقمر نے اپنے تصدیق شدہ انسٹاگرام اکاؤنٹ پر فلسطینیوں پر ہونے والے مظالم پر غصہ اور افسوس کا اظہار کرتے ہوئے خصوصی اسٹوری شیئر کی ہے جس میں ایک معصوم فلسطینی بچہ ہاتھ میں مسجدالاقصٰی کی تصویر اور فلسطین کا جھنڈا تھامے اداس کھڑا نظر آرہا ہے۔

اداکارہ نے یہ تصویر شیئر کرتے ہوئے افسوس ناک واقعے کی مذمت کرتے ہوئے کہا ہے کہ ’فلسطین کو سانس لینے دو۔‘

اس سے قبل احسن خان نے اپنے پیغام میں کہا تھا کہ دنیا یروشلم میں رمضان کے پورے مہینے میں ہونےوالی قتل و غارت گری کی گواہ ہے اور اس کے ساتھ کھڑی ہے۔

اداکار نے دنیا کی خاموشی پر شدید افسوس کا اظہار کرتے ہوئے کہا کہ مسجد الاقصٰی پر حملہ اور ننھے بچوں پر تشدد ہو رہا ہے اگر ہم خاموش رہیں گے تو اللّٰہ ہمیں معاف نہیں کرے گا۔

واضح رہے کہ گزشتہ رات غزہ پراسرائیلی فوج نے وحشیانہ بمباری کی جس کے نتیجے میں معصوم بچوں سمیت 20 فلسطینی شہید ہو گئے تھے دوسری جانب مقبوضہ بیت المقدس میں مسجد الاقصیٰ کے احاطے میں فلسطینیوں اور اسرائیلی فورسز میں دوبارہ جھڑپیں بھی شروع ہوگئی ہیں۔

غزہ پر اسرائیلی مظالم دیکھ کر خاموش رہے تو اللہ ہمیں معاف نہیں کرے گا احسن خان

پاکستان شوبز انڈسٹری کے نامور اداکار اور ملکہ ترنم میڈم نور جہاں کے نواسے احمد علی بٹ نے نانی اور والدہ ظلِ ہما کو مدر
ڈے کے موقع پر خراج تحسین پیش کیا ہے-

باغی ٹی وی :احمد علی بٹ نے اپنے تصدیق شدہ انسٹا گرام اکاؤنٹ پرنانی اور والدہ کی یاد گار تصویر شئیر کی اداکار نے والد ہاور نانی کی تصویر شیئر کرتے ہوئے ’ماواں ٹھنڈیاں چھاواں‘ لکھتے ہوئے انہیں خراج عقیدت پیش کیا۔

احمد علی بٹ نے لکھا کہ یہ مدرز ڈے ان تمام خواتین کے نام جو بغیر سوال کیے قربانیاں دیے چلی جاتی ہیں۔

انہوں نے یہ بھی لکھا کہ وہ والدہ اور نانی کو بہت یاد کرتے ہیں۔

واضح رہے کہ اس سے قبل بھی اداکار والدہ اور نانی سے جُڑی یادیں مداحوں کے ساتھ شیئر کرتے رہتے ہیں۔

پاکستان سمیت دنیا بھر میں ماؤں کا عالمی دن منایا گیا جس میں ہر عام و خاص نے اپنی والدہ سمیت دنیا بھر کی ماؤں کو اس دن کی مبارک دی۔

باغی ٹی وی : پاکستان شوبز انڈسٹری کی معروف جڑواں اداکار بہنیں منال خان اور ایمن خان تقریباً ایک جیسی ہی دکھتی ہیں، اسی دھوکے کا شکار ہو کر ایمن خان کی بیٹی امل نے اپنی خالہ منال خان کو مدرز ڈے کی مبارکباد دے دی۔

منال خان کی جانب سے اپنے انسٹا گرام اکاؤنٹ پر ایک تصویر شیئر کی گئی جس میں وہ اپنی بھانجی، ایمن خان کی بیٹی امل کے ساتھ کھیل رہی ہیں۔

منال خان کا اپنی اس پوسٹ کے کیپشن میں بتایا کہ ’ایک مزاحیہ سچ، کوئی بھی نہیں جانتا کہ امل یہاں اُنہیں مدرز ڈے پر مبارکباد دے رہی ہے۔

منال خان نے اپنی پوسٹ میں اپنی والدہ سمیت دنیا کی تمام ماؤں کو بھی مدرز ڈے کی مبارکباد دی۔

مختصر ویڈیو سے شہرت کی بلندیوں پر پہنچنے والی دنانیر مبین نے عاطف اسلم کا کلام ’سلام عاجزانہ‘ پڑھ کر مداحوں کے دل جیت لیے ہیں۔

باغی ٹی وی :دن نیر نے سوشل میڈیا ویب سائٹ انسٹاگرام پر ایک ویڈیو شیئر کی جس میں انہیں عاطف اسلم کا حالیہ کلام سُریلی آواز میں پڑھتے دیکھا جاسکتا ہے۔

دنانیر مبین نے ویڈیو کے کیپشن میں لکھا کہ ’مصطفیٰ جانِ رحمت پر لاکھوں سلام، آج کی خوبصورت اور مقدس رات۔‘

انہوں نے لکھا کہ اس خوبصورت کلام کو پڑھنے کی عاجزانہ سی کوشش کی ہے جسے حال ہی میں عاطف اسلم نے ریلیز کیا تھا اگر اس میں کوئی غلطی ہوگئی ہے تو وہ پیشگی معذرت خواہ ہیں۔

دنا نیر کی آوز میں کلام کو مداحوں سمیت اداکارہ ہانیہ عامر کی جانب سے کافی پسند کیا گیا ہے

واضح رہے کہ عاطف اسلم نے گزشتہ ماہ رمضان المبارک کی مناسبت سے نبی آخری الزماںﷺ کو درود و سلام پیش کرتا کلام ’سلامِ عاجزانہ‘ ریلیز کیا تھا جو ریلیز ہوتے ہی مقبول ہوگیا تھا۔

کلام میں عاطف اسلم کے ہمراہ علی پرویز، نعمان جاوید، علی پرویز مہدی، احسان پرویز مہدی اور کمیل جعفری نے اپنی آواز کا جادو جگایا ہے۔