پاکستان ٹی وی انڈسٹری کی سینئیر اداکارہ جویریہ عباسی نے بتایا ہے کہ کیریئر کی ابتدا میں پی ٹی وی اور ادبی دنیا کی معروف شخصیت فاطمہ ثریا بجیا نے انہیں آڈیشن کمرے سے باہر نکال دیا تھا۔

باغی ٹی وی : اداکارہ جویریہ عباسی نے حال ہی میں دئیے گئے ایک انٹرویو کے دوران کیرئیر کی ابتدا میں پیش آنے والی مشکلات اور سینئیرز کے رویوں پر کھل کر بات کی –

دوران انٹر ویو اداکارہ نے انکشاف کیا کہ انہوں نے اور ان کے سابق شوہر شمعون عباسی ایس ٹی این میں ہونے والے ایک مقابلے کو جیت کر اداکاری دنیا میں قدم رکھا تھا۔

جویریہ عباسی نے ابتدائی کیریئر کی مشکلات کی بارے میں بتاتے ہوئے کہا کہ جس وقت انہوں نے شو جیتا تھا اسی وقت معروف ڈائریکٹرکاظم پاشا نے انہیں ایک ڈرامے کے لیے سائن کرلیا تھا۔

اداکارہ کے مطابق جب وہ اس ڈرامے کے سلسلے میں ان سے ملنے گئیں تو کاظم پاشا نے انہیں وہاں سے یہ کہہ کر بھگادیا کہ تم جاؤ یہاں سے تمہیں آتا کیا ہے ایک شو کو جیت کر تمہیں لگتا ہے کہ میں تمہیں ڈرامے میں کاسٹ کروں گا۔

اسی انٹر ویو میں جویریہ عباسی نے ایک اور قصہ بتاتے ہوئے کہا پی ٹی وی میں آڈیشنز ہورہے تھے میں آڈیشن دینے گئی تو فاطمہ ثریا بجیا نے بھی مجھے کمرے سے نکال دیا جس پر میں نے کہا میں پورے پاکستان سے شو جیت کر آئی ہوں اور میں اتنی بری اداکاری بھی نہیں کررہی تو آپ کیوں مجھے نکال رہی ہیں۔

جویریہ نے بات جاری رکھتے ہوا کہا لیکن بجیا نے مجھے اس لیے نکالاتھا کہ وہ میرے گھروالوں کو جانتی تھیں میری والدہ حکیم تھیں لہذا بجیا نے کہا تمہیں کوئی ضرورت نہیں ہے یہ کام کرنے کی جاؤ اور گھر جاکر پڑھائی کرو۔

واضح رہے کہ جویریہ عباسی ان دنوں ڈراما سیریل ’رقص بسمل‘ میں نظر آرہی ہیں۔

’پیار کے صدقے‘ ، ’اب دیکھ خدا کیا کرتا ہے‘ اور ’مجھے خدا پر یقین ہے‘جیسے کامیاب ڈراموں کی معروف اداکارہ یشما گل کا کہنا ہے کہ خواتین کے ساتھ ساتھ مرد بھی جنسی ہراسانی اور تشدد کا شکار ہوتے ہیں۔

باغی ٹی وی : اداکارہ یشما گل نے حال ہی میں سوشل میڈیا پرجنسی ہراسانی پر اپنا موقف بیان کرتے ہوئے کہا کہ جنسی ہراسانی صنف کی پابند نہیں۔

یشما گل نے اپنے تصدیق شدہ انسٹاگرام انسٹاگرام اسٹوریز میں کہا ’مرد بھی جنسی تشدد کا شکار ہوسکتے ہیں۔ حالانکہ مرد اور لڑکے تشدد کے مرتکب افراد کی ایک بڑی اکثریت ہیں لیکن وہ بھی تشدد کا نشانہ بنتے ہیں۔ مردوں کو اکثر نہ صرف پریشان کیا جاتا ہے بلکہ جنسی طور پر ہراساں بھی کیا جاتا ہے ۔‘

واضح رہے کہ دو سال قبل پاکستان کے معروف فلمساز جامی نے انکشاف کیا تھا کہ انہیں میڈیا کے ایک طاقتور شخص نے 13 سال قبل جنسی زیادتی کا نشانہ بنایا تھا جس کے بعد کئی برس تک انہیں نفسیاتی اور سماجی مسائل کا سامنا رہا تھا۔

پاکستان ٹی وی انڈسٹری کی معروف اداکارہ ارسہ غزل اداکار ساجد شاہ کے ساتھ رشتہ ازدواج میں منسلک ہوگئیں۔

باغی ٹی وی : ارسہ غزل اداکارہ اشنا شاہ کی بہن اور ورسٹائل اداکارہ عصمت طاہرہ کی بیٹی ہیں انہوں نے فوٹوشیئر نگ ایپ انسٹاگرام پر سوتیلے بیٹے اور شوہر کے ہمراہ تصویر شیئر کرتے ہوئے اپنی شادی کا اعلان کیا-

تصویر میں تینوں افراد کو خوشگوار موڈ میں دیکھا جاسکتا ہے جبکہ تصویر کے کیپشن میں اداکارہ نے لکھا کہ ’میں، میرے شوہر ساجد شاہ اور ہینڈسم سوتیلے بیٹے تبریز علی شاہ کے ہمراہ ۔‘

ارسہ غزل نے اپنی پوسٹ میں معروف اداکارہ شگفتہ اعجاز کوبھی ٹیگ کیا۔

خیال رہے کہ جب اداکارہ کی جانب سے پہلی مرتبہ ان کی شادی سے متعلق کوئی پوسٹ سوشل میڈیا پر شیئر کی گئی ہے۔

چند روز قبل ہانیہ نامی خاتون نے دعویٰ کیا تھا کہ وہ ماڈل اور اداکارہ ہیں اور ڈاکٹرعامرلیاقت کی تیسری بیوی ہیں اوران کے پاس اس کے قوی ثبوت بھی ہیں-

باغی ٹی وی : پاکستانی سوشل میڈیا پر عامر لیاقت کی تیسری شادی کی خبریں گردش کررہی ہیں نے دعویٰ کیا ہے کہ وہ عامر لیاقت کی تیسری بیوی ہیں ہانیہ کی طرف سے اس انکشاف کے ساتھ ساتھ مختلف پلیٹ فارمز پریہ سلسلہ کافی دنوں سے چل رہا تھا اور وہ اپنی فیس بک آئی ڈی سے اکثر اوقات اپنی اور عامر لیاقت حسین کی ویڈیو کالز کے اسکرین شاٹس اور ویڈیوز شیئر کرتی رہیں۔

ان کا کہنا تھا کہ کافی عرصہ سے ان کی اور ان کی فیملی کی ڈاکٹر عامر لیاقت سے بات چیت ہوتی رہی اور ہماری محبت کو دیکھتے ہوئے گھر والوں نے ہماری شادی کروا دی لیکن ان کی دوسری بیوی طوبیٰ عامر نے اس شادی اور اس محبت کے خلاف ایک مہم شروع کردی۔

ڈاکٹر عامر لیاقت کے موبائل پیغامات کا ایک سلسلہ بھی اسکرین شاٹس کے ذریعے انہوں نے شیئر کیا جس میں عامر لیاقت نے بارہا اپنی محبت کا اظہار بھی کیا ہانیہ نے عامر لیاقت کی دوسری اہلیہ سیدہ طوبیٰ پر الزام لگایا ہے کہ طوبیٰ نے ان پر کالا جادو کروایاہے۔

اداکارہ ہانیہ کا کہنا تھا کہ انہوں نے چار بار خود کشی کی کوشش کی، ڈاکٹر عامر لیاقت کے کہنے پر انہوں نے اپنی والدہ اور والد پر ہاتھ بھی اٹھایا لیکن اب طوبیٰ کی باتوں میں آکر ڈاکٹر صاحب نے مجھے تنہا کردیا ہے-

تاہم اب قومی اسمبلی کے رکن اور معروف اینکر پرسن عامر لیاقت حسین نے اپنی تیسری شادی کی خبروں پر وضاحتی ویڈیو جاری کی ہے۔

عامر لیاقت نے تیسری شادی کی وضاحت کرتے ہوئے انسٹاگرام پر ایک ویڈیو پیغام جاری کیا ہے جس میں انہوں نے ہانیہ خان سے شادی کرنے کی تردید کرتے ہوئے لوگوں سے مخاطب ہو کر کہا عورت کی لمبی زبان کا شکوہ تو سب ہی کرتے ہیں لیکن گونگی عورت سے شادی کرنا نہیں چاہتا چاہتے یہی ہیں سب کہ شادی کرے تو تو بولتی عورت سے کرے’ویسے بھی آپ میری ماشااللہ تین، چار، پانچ شادیاں کراچکے ہیں ، لیکن میری ایک ہی شادی ہے جو طوبیٰ سے ہے۔

ویڈیو جاری کرتے ہوئے عامر لیاقت نے کیپشن میں ایک شعر بھی لکھا کہ ہم سلسلے جو وفا کے رکھتے ہیں،تو حوصلے بھی انتہا کے رکھتے ہیں-

واضح رہے کہ طوبیٰ عامر سے قبل عامر لیاقت نے بشریٰ سے شادی کی تھی جس سے ان کے دوبچے ہیں۔ اور سیدہ طوبیٰ سے عامر لیاقت نے خفیہ طور پر شادی کی تھی لیکن الیکشن کے دوران وہ اپنی دوسری شادی منظرعام پر لے آئے تھے۔

ڈاکٹرعامرلیاقت کی لیاقت کے پرخچے اڑگئے: تیسری بیوی ہوں:اداکارہ ہانیہ نے دعویٰ کرکے پول کھول دیا