بھارتی فلم انڈسٹری کے کنگ شاہ رخ خان اور سُپراسٹار اجے دیوگن کے ایک فریم میں آنے پر سوشل میڈیا پر دلچسپ تبصرے کئے جا رہے ہیں-

باغی ٹی وی : بھارتی میڈیا رپورٹ کے مطابق شاہ رخ خان اور اجے دیوگن کبھی بالی ووڈ فلم میں ایک فریم میں نہیں آسکے، البتہ شاہ رخ خان کی فلم ’کال‘ کے لیے اجے دیوگن نے ولن کا کردار نبھایا، جبکہ شاہ رخ خان خود اس فلم کے ٹائٹل سانگ میں نظر آئے۔

Vimal Cinematic Universe! #vimal #SRK #AjayDevgn https://t.co/rnq7MfMWlZ

— Hardik🐾 (@hardik_rathod) March 20, 2021

pic.twitter.com/ElDKQ9BPYY

— 🦀 (@_Shrextraa_24) March 20, 2021

تاہم اب حال ہی میں ایک کمپنی کی جانب سے دونوں کو ایک اشتہار میں ایک ساتھ لایا گیا اور یہ اشتہار بھارت میں نہیں بلکہ برطانیہ میں بنایا گیا۔

Kajol after seeing the Vimal ad #vimal pic.twitter.com/ea1yGxqfsh

— 🦀 (@_Shrextraa_24) March 20, 2021

اس اشتہار کی ویڈیو کو شیئر کرتے ہوئے سوشل میڈیا پر صارفین نے کاجول کی تصاویر کا بھی خوب استعمال کیا اور دلچسپ میمز بنائیں-
https://twitter.com/TujheKyaKarna/status/1373173235014057984?s=20

Kid- Cop universe
Adult- Marvel universe

Legend- Vimal Universe… 😂 pic.twitter.com/9RteQs4ZH0

— Aayush 𓀠𓀡𓁉𓀤 (@ibeingaayushh) March 20, 2021

خیال رہے کہ کاجول اجے دیوگن کی اہلیہ ہیں جبکہ بالی ووڈ نڈسٹری میں ان کی شاہ رخ خان کے ساتھ جوڑی کافی مقبول ہوئی تھی۔

پاکستان کی ٹِک ٹاک اسٹار حریم شاہ نے اپنے پیغام میں کہا ہے کہ ہمارے بہادر لیڈر عمران خان کورونا وائرس سے بھی اُسی طرح لڑیں گے جیسے ملک میں کرپشن کے خلاف لڑرہے ہیں۔

باغی ٹی وی : وزیراعظم عمران خان کا گزشتہ روز کورونا ٹیسٹ مثبت آیا تھا۔ وزیراعظم کے معاون خصوصی برائے امور صحت ڈاکٹر فیصل سلطان نے زیراعظم کی کورونا وائرس کی ٹیسٹ رپورٹ مثبت آنے کی تصدیق کی تھی ۔ بعد ازاں وزیراعظم نے خود کو گھر میں قرنطینہ کرلیا۔

سوشل میڈیا ویب سائٹ انسٹاگرام پر حریم شاہ نے وزیراعظم عمران خان کے لیے خصوصی ویڈیو پیغام جاری کیا ہے۔

حریم شاہ نے اپنے ویڈیو پیغام میں کہا کہ عمران خان کا کورونا ٹیسٹ مثبت آنے پر مجھے بہت افسوس ہوا ہے۔

ٹک ٹاک اسٹار نے کہا کہ انشاءاللّٰہ! ہمارے بہادر لیڈر عمران خان کورونا وائرس سے بھی اُسی طرح لڑیں گے جیسے ملک میں کرپشن کے خلاف لڑرہے ہیں۔

اُنہوں نے کہا کہ اللّٰہ تعالیٰ عمران خان کو ہمت دے اور جلد از جلد شفا عطا کرے خان صاحب مجھ سمیت پوری قوم کی دُعائیں آپ کے ساتھ ہیں۔

ٹک ٹاک اسٹار کا مزید کہنا تھا کہ جس بہادری کے ساتھ آپ ملک کی ترقی کے لیے جنگ لڑرہے ہو، اُسی بہادری کا مظاہرہ کرتے ہوئے اس عالمی وبا کورونا وائرس کو بھی شکست دیں۔

نور بخاری کی عوام سے وزیراعظم اور ان کی اہلیہ کے لئے دعاؤں کی اپیل

پاکستان شوبز انڈسٹری کی سابقہ اداکارہ و میزبان نور بخاری نے عوام سے کورونا میں مبتلا وزیراعظم عمران خان اور خاتون اوّل بشریٰ بی بی کے لیے دعاؤں کی اپیل کردی۔

باغی ٹی وی : کورونا وائرس میں مبتلا وزیراعظم عمران خان کی اہلیہ و خاتون اوّل بشریٰ بی بی کے لئے میزبان نور بخاری نے سوشل میڈیا ویب سائٹ انسٹاگرام پر خصوصی اسٹوری شیئر کی ہے۔

نور بخاری نے اپنی انسٹا اسٹوری میں وزیراعظم عمران خان اور خاتون اوّل بشریٰ بی بی کے کورونا میں مبتلا ہونے کی خبر شیئر کی۔

سابقہ اداکارہ نے انسٹا اسٹوری میں عوام سے اپیل کرتے ہوئے کہا کہ براہِ کرم ہمارے وزیراعظم عمران خان اور خاتون اوّل بشریٰ بی بی کی جلد اور مکمل صحتیابی کے لیے دُعا کریں۔

اس کے علاوہ نور بخاری نے اپنی والدہ کی تصویر بھی انسٹاگرام اسٹوری میں شیئر کی جس میں وہ عالمی وبا کورونا وائرس سے بچاؤ کے لیے ویکسین لگوا رہی ہیں۔

نور بخاری نے تصویر کے کیپشن میں لکھا کہ الحمداللّٰہ! میری امّی نے کورونا ویکسین لگوالی ہے۔

اُنہوں نے لکھا کہ آپ بھی اپنے والدین کا خیال رکھیں اور اپنے گھروں میں موجود 60 سال سے زائد عُمر کے افراد کو کورونا ویکسین لازمی لگوائیں۔

واضح رہے کہ گزشتہ روز وزیر اعظم عمران خان کا کورونا ٹیسٹ مثبت آ گیا تھا جس کی اطلاع عمران خان کے معاون خصوصی برائے صحت فیصل سلطان نے اپنے ٹوئٹر اکاؤنٹ پر دی تھی۔

فیصل سلطان نے کہا تھا کہ کورونا ٹیسٹ مثبت آنے کے بعد وزیراعظم عمران خان نے خود کو گھر میں قرنطینہ کرلیا ہے۔

دوسری جانب وزیراعظم عمران خان کی اہلیہ خاتون اوّل بشریٰ بی بی بھی کورونا وائرس میں مبتلا ہوگئیں جس کی اطلاع عمران خان کے معاون خصوصی زلفی بخاری نے دی۔

پاکستان شوبز انڈسٹری کی مقبول جوڑی اداکار حسن احمد اور ان کی اہلیہ اداکارہ و ماڈل سنیتا مارشل نے اپنے بچوں کے مذہب سے متعلق بتایا۔

باغی ٹی وی : اداکار حسن احمد اور سنیتا مارشل 2009 میں رشتہ ازدواج میں منسلک ہوئے تھے اور اداکار جوڑی کے دو بچے بھی ہیں۔

اداکار حسن احمد حال ہی میں اپنی اہلیہ سنیتا مارشل کے ہمراہ نجی ٹی وی چینل کے پروگرام ٹائم آؤ ٹ ود احسن خان میں جلوہ گر ہوئے جس میں اداکار جوڑی نے اپنے کیرئیر اور ذاتی زندگی کے بارے میں کھل کر بات کی-

اداکارہ سنیتا مارشل کا تعلق کرسچنمذہب سے ہے جبکہ اداکار احمد حسن مسلمان فیملی سے تعلق رکھتے ہیں تاہم بچوں کے حوالے سے سنیتا کا کہنا تھا کہ ان کے دونوں بچے مکمل طور پر مسلمان ہیں۔

سنیتا مارشل کے مطابق حسن سے تعلق کے پہلے روز ہی ہم نے فیصلہ کرلیا تھا کہ ہمارے بچے مکمل طور پر مسلمان ہوں گے۔

سنیتا کا کہنا تھا کہ اگر میرے گھر میں کوئی تقریب کرسمس یا میرے پیرنٹس کے گھر ڈنر ہو تو میرے بچے ان تقریبات میں شرکت ضرور کرتے ہیں لیکن چرچ نہیں جاتے تاہم کرسمس ٹری لگاتے ہیں-

اداکارہ کا مزید کہنا تھا کہ ان کے والد نے ہمیشہ ان کا ساتھ دیا۔

پاکستان میوزک انڈسٹری کی نامور گلوکارہ آئمہ بیگ اور اداکار وماڈل شہباز شگری نے منگنی کرلی۔

باغی ٹی وی : گلوکارہ آئمہ بیگ نے گزشتہ روز سماجی رابطے کی ویب سائٹ انسٹاگرام پر اپنی منگنی کی انگوٹھی کی تصویر شیئر کی اور اس پوسٹ کو شہباز شگری کو بھی ٹیگ کیا جس سے اس بات کی تصدیق ہوگئی کہ دونوں نے منگنی کر لی ہے-

آئمہ بیگ کی جانب سے منگنی کی خوشخبری شیئر کرتے ہی ان کے مداحوں اور شوبز فنکاروں کی جانب سے انہیں مبارکباد دینے کا سلسلہ جاری ہوگیا۔

تاہم دوسری جانب شہباز شگری نے آئمہ بیگ کے ساتھ منگنی کرنے کے حوالے سے کوئی بھی پوسٹ اپنے انسٹاگرام اکاؤنٹ پر شیئر نہیں کی۔

واضح رہے کہ آئمہ بیگ اور شہباز شگری کافی عرصے سے ایک دوسرے کے دوست ہیں آئمہ بیگ اور شہباز شگری کئی مواقعوں پر ایک دوسرے کے ساتھ دیکھے گئے ہیں ان کی جوڑی کو بے حد پسند کیا جاتا ہے-

جبکہ آئمہ بیگ نے ایک مارننگ شو کے دوران اس بات کا اعتراف کیا تھا کہ ان دونوں کے درمیان رشتہ دوستی سے بڑھ کر ہے ۔

پاکستان میوزک انڈسٹری کے عالمی شہرت یافتہ گلوکار عاطف اسلم کا گانا ‘چلے تو کٹ ہی جائے گا’ ریلیز ہوا ہے جس نے چند گھنٹوں میں ہی نیا ریکارڈ بنالیا ہے۔

باغی ٹی وی :عاطف اسلم کا نیا گانا صوفی اسکور کے یوٹیوب چینل پر ریلیز ہوا ہے اور اسے مداحوں کی جانب سے بہت زیادہ پسند کیا جارہا ہے۔
https://twitter.com/itsaadee/status/1372928361027284998?s=20
‘چلے تو کٹ ہی جائے گا’ ریلیز ہونے کے بعد سے سوشل میڈیا پر مختلف ہیش ٹیگز بھی ٹرینڈ کررہے تھے اس گانے کو ایک دن سے بھی کم وقت میں 40 لاکھ سے زائد مرتبہ دیکھا جاچکا ہے جو بیک وقت پاکستان اور بھارت میں ریلیز ہوا تھا۔

عاطف اسلم میں گائے جانے والے اس گانے کی موسیقی احسن پرویز مہدی نے ترتیب دی ہے اور اس کی ہدایات ڈیوڈ زینی نے دی ہیں۔

گلوکار عاطف اسلم کی آواز میں ریلیز ہونے والے یہ گانا دراصل پاکستانی گلوکارہ مسرت نذیرکے ہی گانے کا ری میک ہے ‘چلے تو کٹ ہی جائے گا سفر ‘ گانے کو ابتدائی طور پر پاکستانی گلوکارہ مسرت نذیر نے گایا تھا جو ان کی آواز میں آج بھی مقبول ہے۔

سوشل میڈیا پر مداحوں کی جانب سے عاطف اسلم کے گانے کو بہت زیادہ سراہا جارہا ہے مداحوں نے عاطف اسلم کے اس گانے کو ماسٹر پیس اور حیرت انگیز قرار دیا۔
https://twitter.com/singer_zamir/status/1373042458863362048?s=20

کوک اسٹوڈیو نے یوم پاکستان 23 مارچ کی مناسبت سے حب الوطنی سئے بھر پور نیا گانا ریلیز کر دیا ہے-

باغی ٹی وی :’آو عہد کریں ‘ کے عنوان سے جاری کوک اسٹوڈیو کے پانچ منٹ دو سیکنڈ پر مبنی اس خصوصی ترانے کو صرف20 گھنٹؤں میں 1 لاکھ 30 ہزار سے زائد مرتبہ دیکھا جاچکا ہے۔

اس میوزک ویڈیو میں پاکستان کی متنوع ثقافت، روایات اور تاریخی مقامات کو بھی دکھایا گیا ہے علاوہ ازیں اس ویڈیو میں پہاڑوں سے لے کر سمندر تک، مغل تاریخی ورثے، ساحل سمندر پر غروبِ آفتاب کے حسین منظر اور مینار پاکستان سمیت کئی خوبصورت مناظر دکھائے گئے۔

81 years since Qarardad-e-Pakistan.#AoEhadKarain #CokeStudio #PakistanDayhttps://t.co/JC1tx4yA09

— Coke Studio Pakistan (@cokestudio) March 19, 2021

اس گانے میں ینگ اسٹنرز، سعادت شفقت امانت علی، زاور علی، علی حمزہ، نمرہ رفیق، مہک علی، عدنان دھول، ہارون شاہد نے اپنی آواز کا جادو جگایا ہے علاوہ ازیں سرتال اکیڈمی، نبیحہ سلیم، سعد احمد، زہاب حسین، ردا بتول، فروا بتول، شموں بائی، کاشف دن اور وشنو ساگر بھی اس گانے کا حصہ ہیں۔

پاکستان ڈے کی مناسبت سے ریلیز کیا گیا کوک اسٹوڈیو کا خصوصی گانا علی حمزہ نے پروڈیوس کیا ہے اس خصوصی ٹریک میں ‘وطن کی مٹی’ ، ‘اپنی قوت اپنی جان جاگ رہا ہے پاکستان’، ‘اتنے بڑے جیون ساگر میں’، ‘اللہ اکبر ‘ اور ‘میرا انعام پاکستان، میرا پیغام پاکستان’ کے نغمے شامل ہیں۔

کوک اسٹوڈیو کے اس ٹریک کو موسیقی کے شائقین کی جانب سے بہت زیادہ پسند کیا جارہا ہے۔

پاکستان شوبز انڈسٹری کی معروف اداکارہ و ماڈل صبا قمر کے کراچی میں سمندر پر نئے فوٹو شوٹ کے سوشل میڈیا پر چرچے ہو رہے ہیں-

باغی ٹی وی : سماجی رابطے کی ویب سائٹ انسٹاگرام پر صبا قمر نے اپنے نئے فوٹو شوٹ کی چند تصاویر شئیر کیں جن میں انہیں ساحل سمندر پر دیکھا جا سکتا ہے اور اس میں انکا اپنایا گیا دلکش انداز مداحوں کو خوب پسند آرہا ہے۔

صبا قمر نے انسٹاگرام پر اپنی چند تصاویر شیئر کرتے ہوئے لکھا کہ آپ سمندر کی طرح پُرسکون، خوبصورت، لامحدود یا ناراض اور سخت ہوسکتے ہیں۔

اداکارہ کی تصاویر کو بے حد سراہا جا رہا ہے کچھ ہی دیر میں مجموعی طور پر 1لاکھ 20 ہزار سے زائد بار لائک کیا گیا ہے-

لاہور: اداکار و گلوکار علی ظفر کی جانب سے گلوکارہ میشا شفیع کے خلاف ہتک عزت دعوی پر سماعت ہوئی-

باغی ٹی وی :عدالت میں میشا شفیع کی والدہ صبا حمید اپنے وکیل کے ہمراہ پیش ہوئیں ایڈشنل سیشن جج ظفر اقبال رانجھا نے دعوی پر سماعت کی-

میشا شفیع کے مینجر فرحان علی اور لینا جرح لئے پیش نہ ہوئے عدالت نے وکلا کو دونوں کو جرح کے لیے پیش کرنے کا حکم دے دیا عدالت میں کسی گواہ کا بیان قلمبند نہ ہوسکا، عدالت نے میشا شفیع کے دونوں گواہوں کی حاضری معافی منظور کرلی۔

وکیل علی ظفر نے کہا کہ علی ظفر کو اربوں روپے کا نقصان ہو رہا ہے، میشا شفیع کے گواہ نہیں آرہے، عدالت نے میشا شفیع کے وکیل کو 3 اپریل کی سماعت پر گواہوں کوپیش کرنے کا حکم دے دیا۔

میشا شفیع کی والدہ صبا حمید کا کہنا ہے کہ میشا شفیع اور ہم انصاف کے تمام تقاضے پورے کر رہے ہیں، جب میشا شفیع کوعدالت طلب کرے گی وہ ضرور پیش ہوں گی ہم کیس کو التوا نہیں کررہے

اداکارہ صبا حمید نے میڈیا سے گفتگو کرتے ہوئے کہا کہ کہا کہ کورونا وائرس کی ویکسین ہر پاکستانی کو ضرور لگوانی چاہیے، کورونا وائرس کی ویکسین خود لگوا چکی ہوں۔

انہوں نے کہا کہ عوام سے اپیل ہے کہ کورونا وائرس ویکسین فوری لگوائیں، کورونا وائرس سے بچاؤ کی ویکسین کا کوئی سائیڈ افیکٹ نہیں ہے۔

میشا شفیع سمیت 4 شریک ملزمان کے پیش نہ ہونے پر عدالت برہم