Category: شوبز

زلفی بخاری سال 2020 کے ‘100 پاکستانی پرکشش افراد‘ کی فہرست میں شامل

وزیر اعظم کے معاون خصوصی برائے بیرون ملک پاکستانی زلفی بخاری ملک کے 100 پرکشش افراد میں شامل واحد سیاستدان ہیں۔

باغی ٹی وی : زلفی بخاری کو ملٹی نیشنل پاکستانی فیشن میگزین ‘ہیلو‘ نے اپنی سالانہ ‘100 پرکشش افراد‘ کی فہرست میں شامل کیا ہے ہیلو میگزین سال کے اختتام پر فیشن، شوبز، ٹی وی، ماڈلنگ، سیاست اور دیگر شعبہ جات میں نمایاں خدمات سر انجام دینے والے 100 بہترین افراد کو پرکشش افراد کی فہرست میں شامل کرتا ہے۔

فیشن میگزین کی جانب سے سال 2020 کی جاری کردہ ‘100 پرکشش افراد‘ کی فہرست میں 40 سالہ زلفی بخاری واحد سیاستدان ہیں۔

میگزین نے ‘100 پرکشش افراد‘ کے خصوصی شمارے کے سرورق پر زلفی بخاری کو زینت بنایا ہے۔

Thank you @HELLO_Pak for the recognition, feels great to be honoured for efforts for 🇵🇰.@ZahraaSaifullah https://t.co/W0ZO7lowyM

— Sayed Z Bukhari (@sayedzbukhari) December 20, 2020

میگزین کی جانب سے سرورق کی زینت بنائے جانے اور فہرست کا حصہ بنائے جانے پر زلفی بخاری نے سماجی رابطے کی ویب سائٹ ٹوئٹر پر میگزین کا شکریہ بھی ادا کیا۔

2020 میں یو ٹیوب پر کمائی میں 9 سالہ بچہ سب سے آگے

اس سال میگزین کی فہرست میں شامل زیادہ تر افراد کا تعلق اداکاری سے ہے اور مجموعی طور پر 100 سے 90 کے افراد کا تعلق اداکاری سے ہے۔

اس سال پرکشش افراد کی فہرست میں واحد گلوکار عاطف اسلم بھی شامل ہیں جب کہ برطانوی نژاد پاکستانی میزبان تنویز وسیم المعروف تان فرانس بھی شامل ہیں۔

ار طغرل غازی نے بھارت میں بھی نیا اعزاز اپنے نام کر لیا

اس سال کی پرکشش افراد کی فہرست میں ترک اداکار انگین التان دوزیتان اور ایسرا بلجیک بھی شامل ہیں، جنہوں نے ترک ڈرامے ارطغرل غازی میں مرکزی کردار ادا کیے ہیں۔

ماہرہ خان سمیت 3 پاکستانی فنکار ایشیا پیسیفک کے 100 بااثر ترین ڈیجیٹل اسٹارز کی…

علاوہ ازیں اس سال کی فہرست میں عائزہ خان، حرا مانی، ہمایوں سعید، یمنیٰ زیدی، سجل علی، سونیا حسین، ثروت گیلانی، اقرا عزیز، ہانیہ عامر اور دیگر اداکار و اداکارائیں شامل ہیں۔

جبکہ فیشن میگزین کی جانب سے رواں سال کی جاری کی گئی فہرست میں مہوش حیات، ماہرہ خان، عائشہ عمر، صبا قمر، حریم فاروق، سائرہ یوسف اور حمیمہ ملک جیسی اداکاراؤں کو شامل نہیں کیا گیا۔

ایمن خان کا فوربز ایشیا 2021 کا حصہ بننے پر خوشی کا اظہار

2020 پاکستان کی کون سی شخصیات کو گوگل پر زیادہ سرچ کیا گیا گوگل نے فہرست جاری کر…

دسمبر 21, 2020
نہیا ککڑ کو گانے کی تشہیر کرنے کا منفرد انداز مہنگا پڑ گیا

بھارتی گلوکارہ نیہا ککڑ کو اپنے نئے آنے والے گانے کی تشہیر کرنے کے لیے اپنی حاملہ تصویر شیئر کرنا مہنگا پڑگیا۔

باغی ٹی وی :گلوکارہ نیہا ککڑ نے سماجی رابطے کی ویب سائٹ انسٹاگرام پر ایک تصویرپوسٹ کی تھی جس میں انہیں بظاہر اُمید سے دیکھا جا سکتا ہےجبکہ تصویر میں نیہا ککڑ کے ساتھ ان کے شوہر روہن پریت سنگھ بھی مسکراتے ہوئے دکھائی دے رہے ہیں۔

نیہا کی جانب سے تصویر شیئر کیے جانے کے بعد ان کے شوہر روہن پریت سنگھ سمیت گلوکارہ کے بھائی گلوکار ٹونی ککڑ سمیت دیگر شوبز شخصیات نے بھی مبارک باد کے کمنٹس کیے تھے-

گلوکارہ کی جانب سے مبہم تصویر شیئر کیے جانے پر بھارتی میڈیا نے اپنی خبروں میں بتایا کہ نیہا ککڑ حمل سے ہیں، کیوں کہ اہم شخصیات نے انہیں مبارک باد بھی دی ہے۔

نہیا ککڑ کے ہاں ننھے مہمان کی آمد متوقع ہے؟

تاہم بعد ازاں انسٹاگرام پر پر نیہا ککڑ نے اپنے آنے والے ایک گانے کی تشہیر کے لیے مداحوں کو پیغام دیا تھا اس پیغام کے ساتھ انھوں نے اپنے شوہر کے ہمراہ وہی تصویر شیئر کی جو انھوں نے اپنے حاملہ ہونے سے متعلق مداحوں کو بتانے کے لیے پہلے بھی شیئر کی تھی۔

اس تصویر پر سوشل میڈیا صارفین نے انہیں آڑے ہاتھوں لے لیا اور ان کی تصویر کو ایک تشہیری اسٹنٹ قرار دے دیا۔

صارفین نے تمسخر اڑاتے ہوئے نیہا ککڑ کے گانے کو اس کی مارکیٹنگ کے باعث بلاک بسٹر قرار دے دیا۔

ایک صارف نے لکھا کہ ہر چیز پر گانا بنادو، تو دوسرے نے لکھ ڈالا کہ اب تمھارے گھر میں کچھ بھی ہو، سیدھا گانا ریلیز کر دینا۔

ایک صارف نے لکھا کہ واہ، چونا پرو میکس ہے یہ تو۔

ایک صارف نے لکھا کہ بس یہی رہ گیا تھا –

ایک صارف نے لکھا کہ بھئی سب چیز کے لئے ان کے گانے تیار ہیں-

ایک صارف نے پوچھا کہ گانے کے لئے بچہ کیا یا بچے کے لئے گانا-

جبکہ ایک صارف نے پوچھا کہ یہ چائنہ سے کوئی نئی ٹیکنالوجی آئی ہے کیا-

علاوہ ازیں کچھ لوگ ایسے بھی ہیں جو گانا ریلیز کی تشہیر دیکھ کر یہ سوچ رہے ہیں کہ کیا ان کا حاملہ ہونا بھی سچ ہے یا نہیں؟

واضح رہے کہ دونوں کی شادی رواں برس اکتوبر میں ہوئی تھی، جبکہ اپنی اس شادی کے دو ماہ بعد انھوں نے ایک تصویر شیئر کی جس میں انھوں نے بتایا کہ وہ حاملہ ہیں۔

تیمور خان کی سالگرہ پر کرینہ کپور خان کا بیٹے کے لئے جذباتی پیغام

دسمبر 21, 2020
لوگوں کو ڈرامے کا مقصد سمجھنے کے لئے تھوڑا صبر سے کام لینا چاہیئے فہد مصطفیٰ

پاکستان شوبز انڈسٹری کے معروف اداکار ، میزبان اور پروڈیوسر فہد مصطفیٰ کا کہنا ہے کہ لوگوں کو ڈرامے کا مقصد سمجھنے کے لئے تھوڑا صبر سے کام لینا چاہیئے ناظرین کو فیصلہ سنانا ہے تو کہانی ختم ہونے کے بعد سنائیں درمیان میں نہیں-

باغی ٹی وی : برطانوی نشریاتی ادارے بی بی سی اردو کو دیئے گئے انٹر ویو میں اداکار فہد مصطفیٰ نے ڈرامہ انڈسٹری کے بارے میں کُھل کر بات کی اور کہا کہ دوسرے اداکاروں کی طرح ان کے اندر اتنی صلاحیت نہیں کہ فلموں، اشتہارات اور پروڈکشنز کے بعد ٹی وی ڈراموں میں اداکاری کے لیے وقت نکال سکیں ایک ڈرامے میں اداکاری کرنے لگا تو باقی سب کام متاثر ہوں گے ایسا نہیں کہ ٹی وی کرنے کا دل نہیں ہے، شاید وقت نہیں ہے، جب وقت ہو گا تو یہ بھی کر لیں گے۔

فہد مصطفیٰ کا کہنا تھا کہ انہیں’بلا‘، ’چیخ‘، ‘نند‘ اور ’جلن‘ جیسے ڈرامے بنانے پر فخر ہے۔ ان کا کہنا تھا کہ ’ہر ڈرامے سے لوگوں کو سیکھا تو نہیں سکتے، لیکن جتنا کر سکتے ہیں، اس کی کوشش کرتے ہیں۔‘

اداکار کا کہنا تھا کہ ٹی وی اب انٹرٹینمنٹ کے ساتھ ساتھ بزنس بھی ہے اور ہم لوگوں کو ہر وقت ترغیب نہیں دے سکتے کہ ایسا کرو اور ایسا نہیں، اسی لیے شاید ہم کہانی کے ذریعے انھیں صحیح اور غلط کا فرق سمجھانے کی کوشش کرتے ہیں۔

ٹی وی پر چلنے والے مقبول ڈرامہ ’’نند‘ کے نام پر ان کا کہنا تھا کہ ’اس ڈرامے کا نام کچھ اور ہوتا تو شاید وہ بات نہ ہوتی، ہم ذرا سیدھے آجاتے ہیں اس لیے لوگوں کو پتہ چلتا ہے۔

ارطغرل ہمارے لئے خطرہ نہیں بلکہ موقع ہے ، سینیٹر فیصل جاوید اینگن کی حمایت میں بول…

میزبان و اداکار کا کہنا تھا کہ یہ سوشل میڈیا کا زمانہ ہے، لوگ پاکٹ فلمز دیکھ رہے ہیں، اس لیے انھیں 26 سے 30 اقساط تک جڑے رکھنے کے لیے ڈائریکٹ آنا پڑتا ہے۔ آپ کو ڈرامہ اچھا نہیں لگے گا تو چینل بدل دیں گے،اسی لیے ان ڈراموں کے نام ایسے رکھے جاتے ہیں جس سے لوگوں میں تجسس پیدا ہو۔

فہد مصطفیٰ کا کہنا تھا کہ ان کا خیال ہے کہ لوگوں کو ڈرامے کا مقصد سمجھنے کے لیے تھوڑا صبر سے بھی کام لینا چاہیے۔ ناظرین کو فیصلہ سنانا ہے تو کہانی ختم ہونے کے بعد سنائیں، درمیان میں نہیں۔

پاکستانی ڈرامہ انڈسٹری کے بارے میں بات کرتے ہوئے فہد کا کہنا تھا کہ اچھا لگے یا برا، لوگ ڈرامے دیکھ تو رہے ہیں اور یہ صرف پاکستان میں ہی نہیں بلکہ ملک سے باہر بھی دیکھا جا رہا ہے یہ ڈرامے نہ صرف ٹرینڈ پہ چلے جاتے ہیں، بلکہ لوگ انھیں انجوائے بھی کرتے ہیں۔

اداکار کا کہنا تھا کہ ٹی وی آج سے نہیں، ہمیشہ سے ہی ایسا تھا، بولڈ اینڈ دی بیوٹی فل کے زمانے سے، لیکن اب چونکہ لوگوں کے پاس اپنی رائے کا اظہار کرنے کے لیے مخلتف پلیٹ فارم موجود ہیں تو سب دیکھتے بھی ہیں، اس پر منفی یا مثبت انداز میں بات بھی کرتے ہیں۔

فہد مصطفی نے کہا کہ ہمارے ڈرامے ’میری گڑیا‘، ’مقابل‘، ’رنگ لاگا‘، ’مبارک ہو بیٹی ہوئی ہے‘، ایسے ڈرامے تھے جنھوں نے لوگوں کو سوچنے پر مجبور کیا۔ ’نند‘ اور ’جلن‘ پر شور اس لیے مچ رہا ہے کیونکہ ابھی آئے ہیں اور سب انھیں دیکھ بھی رہے ہیں مجھے ایک پروڈیوسر ہونے کے ناطے دونوں ڈرامے پسند بھی ہیں اور میں ان کو اون کرتا ہوں، خوشی کی بات یہ ہے کہ امیر ہو یا غریب، ’نند‘ پر سب بات کر رہے ہیں۔

عمران عباس اور صبور علی نئے آنے والے پروجیکٹ میں ایک ساتھ نظر آئیں گے؟

انہوں نے کہا ’میں ایک کہانی دکھاتا ہوں، اچھی لگی تو لوگ دیکھیں گے،نہیں لگی تو نہیں دیکھیں گے، جس ڈرامے کی بات نہیں ہوتی وہ لوگ نہیں دیکھ رہے ہوتے لوگ ‘نند’ اور ‘جلن ‘دونوں کی بات کر رہے ہیں۔

فہد کے مطابق ہمارے ڈرامے لوگوں سے وہ سوالات کرتے ہیں جو شاید وہ سننا نہیں چاہتے، اور آپ ہمیشہ اس بات پر جھلملاتے ہیں یا چلاتے ہیں جس میں آپ خود غلط ہوتے ہیں۔ شاید یہی وجہ ہے کہ ہمارے ڈراموں پر پابندی لگتی بھی ہے اور ہٹتی بھی۔ پیمرا حکام سے بھی ہماری بات ہوتی ہے، وہ اچھے لوگ ہیں، انہیں مصروف رکھنا ہمارا کام ہے۔

اداکار کا کہنا تھا کہ پہلے تو کچھ بھی کہیں بھی چل جاتا تھا اور عشق ممنوع اس کی سب سے بڑی مثال ہے۔ مرکزی خیال کہیں سے بھی آ سکتا ہے۔ میرے لحاظ سے اس ڈرامے میں کوئی غیر اخلاقی بات نہیں ہوئی جس کو برا لگا اس کا اپنا دماغی مسئلہ ہے۔

نادیہ خان کی زندگی کی سب سے بڑی غلطی کون سی ہے؟

دسمبر 21, 2020
بھارتی فوج کے گولوں سے بننے والے مورچنگ کی موسیقی وادی نیلم کی ثقافت کا حصہ

بھارتی فوج کے گولوں سے بننے والے مورچنگ کی موسیقی وادی نیلم کے علاقے کیل میں مورچنگ ثقافت کا حصہ مانا جاتا ہے۔

باغی ٹی وی :انڈیپینڈنٹ اردو کو دیئے گئے انٹرویو میں وادی نیلم کے علاقے کیل کے رہائشی اور مورچنگ بنانے والے محمد جاوید کا کہنا ہے کہ اب بھی مورچنگ بناتے ہیں تاہم آمدن نہ ہونے کے برابر ہے۔

محمد جاوید کا کہنا تھا کہ کیل میں مورچنگ کو تنہائی کا ساتھی مانا جاتا تھا۔ یہاں کے زیادہ لوگ مال مویشی پالتے تھے جب خواتین ان مویشیوں کو چرانے جنگل جاتی تھی تو وقت گزارنے کے لیے یہ مورچنگ بجاتی تھی۔

مورچنگ مرد و خواتین میں یکساں مقبول تھا۔ مورچنگ بجانے والا ہر کوئی اپنی لے میں بجاتا تھا۔ کوئی ذکر اللہ کے ساز پر بجاتا تھا تو کوئی پہاڑی گیت یا ٹپے کے ساز پر –

کیل میں مورچنگ بنانے والے جاوید کا کہنا تھا کہ ہمارے خاندان میں مورچنگ بنانا ایک ہنر ہے۔ کیل میں مرد و خواتین مورچنگ بجاتے تھے لوگوں کی تنہائی کا ساتھی تھا مرد و خواتین اس کو بجا کر اپنا وقت گزارتے ہیں اس سے ہمارا روزگار چلتا تھا۔ جب سے موبائل آیا ہے۔ لوگوں کا رحجان مورچنگ کی طرف کم ہو گیا ہے۔

عدنان صدیقی نے سال 2020 کو بہترین سال قرار دیا

جاوید کا کہنا ہے کہ مال مویشی چرانے والی خواتین یہ بجاتی تھیں۔ مرد اکثر پیار کی نشانی کے طور پر اپنی محبوبہ کو تحفہ میں دیتے تھے۔ خواتین جنگل میں اکیلی ہوتیں تو مورچنگ بجا کر تنہائی دور کرتی تھیں اور اپنی محبت کو بھی یاد کر لیتی تھی۔

جاوید نے ایک حیران کن بات بتائی کہ پہلے ہم لوہا اور پیتل خرید کر مورچنگ بناتے تھے لیکن اب انڈین آرمی کی طرف سے پھینکے گئے گولے کے پیتل سے بنا رہے ہیں۔ انڈیا والے جو گولہ مارتے ہیں ان میں پیتل ہوتا ہے جسے ہم جنگل یا جہاں گولہ گرتا ہے ہم وہاں سے اکٹھا کر کے لے آتے ہیں۔

علی ظفر کا نئے ریپرز کے لئے آن لائن مقابلے کا اعلان

ایک مورچنگ بنانے میں تین گھنٹے لگتے ہیں۔ پہلے دن میں دس سے زائد مورچنگ فروخت ہوتے تھے لیکن اب تین چار دنوں میں ایک کی ڈیمانڈ آتی ہے۔

سن 2000 میں اس کی قیمت 50 روپے تھی اب 2020 میں اس کی قیمت 400 روپے ہے۔ لوہے والے مورچنگ کی قیمت 200 روپے اور پیتل والے کی قیمت 400 روپے ہے۔

2020 میں یو ٹیوب پر کمائی میں 9 سالہ بچہ سب سے آگے

دسمبر 21, 2020
اردو فلکس نے اپنی پہلی اوریجنل ویب سیریز کا پہلا ٹیزر جاری کر دیا

رواں ماہ اردو فلکس کی جانب سے انسٹاگرام اکاؤنٹ پر جاری پوسٹ میں کہا گیا تھا کہ ای میکس میڈیا آئندہ سال 2021 میں جنوری میں اردو سروس لانچ کردے گا۔

باغی ٹی وی : آئندہ سال جنوری 2021 میں ممکنہ طور پر لانچ ہونے والے اردو اسٹریمنگ پلیٹ فارم ‘اردو فلکس’ نے اپنی پہلی اوریجنل ویب سیریز کی جھلک جاری کردی۔

رواں ماہ اردو فلکس کی جانب سے انسٹاگرام اکاؤنٹ پر جاری پوسٹ میں کہا گیا تھا کہ ای میکس میڈیا آئندہ سال 2021 میں جنوری میں اردو سروس لانچ کردے گا۔

پوسٹ میں کہا گیا تھا کہ بین الاقوامی سطح پر تسلیم کردہ ڈیجیٹل نیٹ ورک ای میکس میڈیا نے پاکستان میں پہلے اردو او ٹی ٹی پلیٹ فارم کے اعلان کے ساتھ آن-ڈیمانڈ اسٹریمنگ سیگمنٹ کی تیاری پر کام شروع کردیا ہے اس او ٹی ٹی پلیٹ فارم پر دنیا بھر میں اردو زبان میں اصل اور خصوصی مواد پیش کیا جائے گا۔

نجی ڈیجیٹل میڈیا پلیٹ فارم اردو فلکس متعارف کرانے کو تیار

پوسٹ میں کہا گیا تھا کہ او ٹی ٹی پلیٹ فارم جنوری 2021 کے وسط میں باضابطہ طور پر لانچ ہونے کا امکان ہے۔

علاوہ ازیں اردو فلکس کی ویب سائٹ بھی متعارف کرادی گئی ہے جس کے مطابق اردو فلکس کے صارفین کو اوریجنل اردو سیریز، فلمز، ویب سیریز، ڈراما سیریز اور اردو میں ڈَب کیے گیے ترک ڈراموں تک رسائی حاصل ہوگی۔

تاہم اب اردو فلکس نے اپنے انسٹاگراپ اکاؤنٹ پر اپنی پہلی اوریجنل ویب سیریز کی پہلی جھلک جاری کردی ہے۔

پاکستان میں نیٹ فلکس کی طرز پر پہلی تیز ترین او ٹی ٹی سروس شروع کرنے کے اعلان پر شوبز ستارے فواد چوہدری کے متعرف

پاکستان کے ڈیجیٹل اسٹریمنگ پلیٹ فارم اردو فلکس کی جانب سے اوریجنل سیریز ‘دلہن اور 1 رات’ کی پہلی جھلک جاری کر دی گئی ہے۔

اس حوالے سے اردو فلکس نے اپنی پوسٹ میں کہا کہ اردو فلکس کی اوریجنل سیریز ‘ دلہن اور ایک رات ‘ کا پوسٹر پیش کردیا گیا ہے۔

اردو فلکس کی اس سیریز میں اداکارہ علیزے شاہ موجود ہیں جس کی ہدایات راؤ ایاز شہزاد نے دی ہیں۔

اس ویب سیریز ‘ کی کہانی منصور سید نے لکھی ہے اور اسے ایلے 14 فلمز کی جانب سے اردو فلکس پر پیش کیا جائے گا۔

یاد رہے کہ گزشتہ دنوں اردو فلکس کے انسٹاگرام اکاؤنٹ پر اداکارہ علیزے شاہ کی ایک تصویر جاری کی گئی تھی جس میں وہ کسی کردار کے لیے شوٹ کروارہی ہیں اور اس کے ساتھ ہی پوسٹ میں ویب سیریز کا ہیش ٹیگ بھی استعمال کیا گیا تھا۔

خیال رہے کہ ایسی ویب سائٹس پر صارف اس وقت ہی کوئی ڈراما یا فلم دیکھ سکتا ہے جب وہ اس ویب سائٹ کی پیسوں کے عوض سبسکرپشن کرواتا ہے صارف کو ماہانہ فیس ادا کرنی پڑتی ہے، جس کے عوض مذکورہ ویب سائٹ صارف کو فلموں، ڈراموں اور شوز دیکھنے تک رسائی دیتی ہے۔

پاکستان میں اردو فلکس لانچ کرنے کی تاریخ سامنے آ گئی

عام طور پر ایسی ویب سائٹس کی ماہانہ فیس پاکستانی ایک ہزار روپے سے 1500 تک ہوتی ہے، تاہم حالیہ کچھ عرصے میں ٹی وی اور سینما کے مقابلے اسٹریمنگ ویب سائٹس کے رجحان میں اضافے کے باعث ان کی فیس میں بھی اضافہ دیکھا جا رہا ہے۔

ابھی یہ کہنا قبل از وقت ہے کہ ‘اردو فلکس’ کی ماہانہ فیس کتنی ہوگی، تاہم خیال کیا جا رہا ہے کہ اس کی ماہانہ فیس 750 سے لے کر 1200 تک ہوسکتی ہے۔

دسمبر 21, 2020
مسلسل 3 ایوارڈ :بیگم اقرا عزیز ایسی ہیٹ ٹرک تو لیجنڈری کرکٹر وسیم اکرم نے بھی نہیں کی یاسر حسین

پاکستان شوبز انڈسٹری کے مزاحیہ اداکار یاسر حسین نے اپنی اہلیہ اقرا عزیز کو بہترین اداکارہ کا ایوارڈ دینے پر خوشی کا اظہار کرتے ہوئے اپنا فخر قرار دیا-

باغی ٹی وی : اداکار یاسر حسین نے فوٹو اینڈ ویڈیو شیئرنگ ایپ انسٹاگرام پر اپنی اہلیہ اداکارہ اقرار عزیز کے ساتھ تصویر شیئر کرتے ہوئے انہیں بہترین اداکارہ کا ایوراڈ ملنے پر خوشی کا اظہار کرتے ہوئے مبارکباد کا پیغام جاری کیا-

یاسر حسین نے اپنی پوسٹ میں لکھا کہ آپ بہترین اداکارہ کے ساتھ ساتھ ایک اچھی دوست اور بیوی بھی ہیں، مجھے آپ پر فخر ہے-

اداکار یاسر حسین نے لکھا کہ کسی بھی سطح پر ہیٹ ٹرک کرنا، زبردست کامیابی ہے۔

انہوں نے لکھا ’بیگم اقرا عزیز‘ آپ کو 2 سال میں 3 بہترین اداکارہ کے ایوارڈز لینے پر مبارکباد، ایسی ہیٹ ٹرک تو لیجنڈری کرکٹر وسیم اکرم نے بھی نہیں کی۔

لکس اسٹائل ایوارڈ: خلیل الرحمن قمر کا تحریر کردہ ڈرامہ میرے پاس تم ہو بہترین ڈرامہ قرار

دوسری جانب اداکارہ اقرا عزیز نے اپنے شوہر کے جانب سے اس پذیرائی پر شکریہ ادا کرتے ہوئے لکھا کہ ’ مجھے ہمیشہ سپورٹ کرنے کا شکریہ، تم نے مجھے اتنی طاقت اور پیار دیا کہ یہ سب غیر حقیقی محسوس ہوتا ہے‘۔

یاسر حسین کی اس پوسٹ پر اداکار اعجاز اسلم نے بھی رد عمل دیتے ہوئے مبارکباد دی-

واضح رہے اداکارہ کو 2019 میں ڈرامہ سیریل ’سنو چندا‘ کے لیے بیسٹ ویورز چوائس اور کریٹکس چوائس میں بہترین اداکارہ کا ایوارڈ دیا گیا جب کہ اقرا کو رواں سال ڈرامہ سیریل ’رانجھا رانجھا کردی‘ کیلیے کریٹکس چوائس میں بہترین اداکارہ کا ایوارڈ سے نوازا گیا۔

خیال رہے کہ حال ہی میں دنیا بھر میں پھیلی کورونا وبا کے باعث رواں سال لکس اسٹائل ایوارڈ آن لائن منعقد ہوئے۔ 19 ویں لکس اسٹائل ایوارڈ کو آن لائن اگلے ہفتے نشرکیا جائے گا جن میں ڈرامہ سیریل رانجھا رانجھا کر دی نے 4 ایوارڈ اپنے نام کئے جن میں بہترین ڈرامہ ہدایتکار: کاشف نثار (رانجھا رانجھا کردی)،بہترین ڈرامہ مصنف: فائزہ افتخار (رانجھا رانجھا کردی)،بہترین ٹی وی اداکارہ (کرٹکس): اقرا عزیز (رانجھا رانجھا کردی)،بہٹرین ٹی وی اداکار(کرٹکس): عمران اشرف (رانجھا رانجھا کردی) شامل ہیں-

سوشل میڈیا نے دوسروں پر تنقید کرنے والوں کی زندگیاں آسان کردی ہیں علیزے شاہ

دسمبر 21, 2020
علی ظفر کا نئے ریپرز کے لئے آن لائن مقابلے کا اعلان

پاکستان کے معروف ہر دلعزیز اور عالمی شہرت یافتہ گلوکار و اداکار علی ظفر نے اپنے نئے گانے ’بھائی حاضر ہے‘ میں نئے ریپرز کو موقع دینے کے لئے آن لائن مقابلے کے انعقاد کا اعلان کیا ہے-

باغی ٹی وی : گلوکار و اداکار علی ظفر نئے ٹیلنٹ کو ہمیشہ سے ہی سپورٹ کرتے ہیں اور نئے نئے ٹیلنٹ سامنے لانے کے لئے کوشاں رہتے ہیں تام اب بھی سوشل میڈیا ویب سائٹس پر علی ظفر نےایک ویڈیو پیغام شیئر کیا جس میں انہوں نے آن لائن مقابلے کا اعلان کیا ہے-

All rappers, get ready to shine! Rap on the beat in the link for the “HAZIR HAI” track, win up to 1 lakh rupees and feature in the official video. 🏆 Let’s show the world Pakistan’s rap swag. 😎 https://t.co/doPitjUR0d #rap #bhaeehazirhai pic.twitter.com/hEUC66MgRM

— Ali Zafar (@AliZafarsays) December 20, 2020

سوشل میڈیا پر شئیر کی گئی ویڈیو کے آغاز میں اُن کے نئے گانے بھائی حاضر ہے کا میوزک بج رہا ہے۔

علی ظفر نے ویڈیو کے آغاز کے چند سیکنڈ بعد اعلان کیا کہ ’بھائی حاضر ہے‘ کے حوالے سے ہم ایک مقابلے کا انعقاد کرنے جارہے ہیں جس میں ریپ گانے والے گلوکار حصہ لے سکتے ہیں۔

علی ظفر کے ریپ اینتھم بھائی حاضر ہے کے ٹیزر نے دھوم مچا دی

علی ظفر نے کہا کہ بھائی کا ریپ پبس مناسب ہی ہے لیکن ہم اب ایکچوئل ریپرز کو سامنے لانا چاہتے ہیں اس کے لئے ہم کریں گے کیا کہ تمام ریپرز علی ظفر کے یو ٹیوب چینل پر جائیں اور اس کو سبسکرائب کر کے ’بھائی حاضر ہے‘ کی بیٹ کو ڈاؤن لوڈ کر کے اُس پر ریپنگ کریں‌ اور ویڈیو ریکارڈ‌ کر کے اُسے اپنے فیس بک پیج پر اپلوڈ کریں۔

گلوکار نے کہا کہ اپنے فیس بک پیج پر اپلوڈ کر کے theraprevolution کو ٹیگ کریں اور اس کے نیچے کمنٹس اور لائک کے ذریعے جو ووٹنگ ہو گی اس کے ذرعیے ہم دیکھیں گے کہ عوام کا ری ایکشن کس پر زیادہ آ رہا ہے اور ساتھ میں ہم خود بھی اسٹوڈیو میں دیکھیں اور ہمارے سینئیر پروڈیوسر دیکھیں گے کہ کون شاطر ہے-

دھمکی دینا بند کرو میں ہر بار حقائق اور ثبوتوں کے ساتھ عدالت میں حقیقت کو بے نقاب…

علی ظفر نے اعلان کیا کہ اس حساب سے سب سے زیادہ پسند کیے جانے والے ریپر کو ایک لاکھ، دوسرے پر آنے والے کو پچاس ہزار اور تیسرے نمبر پر آنے والے ریپر کو 25 ہزار روپے نقد انعام دیا جائے گا۔

گلوکار نے کہا کہ نئے ریپرز کو نقد انعام کے ساتھ ’بھائی حاضر ہے‘ میں پرفارم کرنے کا موقع ملے گا اور ویڈیو میں وہ بھی شامل ہوں گے اور اپ لوگ ہوں گے اسٹارز-

The videos we are receiving are insane! Such raw undiscovered talent! Mark my words. This is going to be the biggest music revolution of the year and the first Rap revolution in Pakistan. Super exciting! #theraprevolution

— Ali Zafar (@AliZafarsays) December 20, 2020

علی طفر نے اپنے ایک ٹوئٹ میں کہ میرے الفاظ یاد رکھنا. یہ سال کا سب سے بڑا میوزک انقلاب اور پاکستان میں پہلا ریپ انقلاب ہونے جا رہا ہے۔ سپر دلچسپ!

دسمبر 21, 2020
عدنان صدیقی نے سال 2020 کو بہترین سال قرار دیا

عالمی وبا کورونا وائرس کی وبا کے باعث جہاں دنیا بھر میں سال 2020 کو انسانی تاریخ کا مشکل ترین سال قرار دیا گیا ہے، وہیں پاکستانی اداکار عدنان صدیقی اس سال کو بہترین قرار دے رہے ہیں۔

باغی ٹی وی :حال ہی میں عدنان صدیقی نے اپنی انسٹاگرام پوسٹ میں رواں سال کی کچھ اچھی باتیں شیئر کرتے ہوئے دلیل دی کہ کیوں 2020 ان کی نظر میں بہترین سال ہے۔

اداکار نے اپنی انسٹاگرام پوسٹ میں لکھا کہ جلد سال 2020 ماضی کا قصہ بن جائے گا تاہم یہ سال ان سمیت ہر کسی کی زندگی کے لیے اہم سبق چھوڑ جائے گا۔

انہوں نے اپنی پوسٹ میں لکھا کہ اب سے تین ہفتوں میں ، 2020 ماضی ہو جائے گا۔ ایک انتہائی غیر معمولی سال۔ جب ہم اس کی بات کرتے ہیں تو ، مجھے نہیں لگتا کہ کسی کو بھی مبہم خیال تھا کہ اس میں تین ماہ اور ہماری زندگی ، جیسے ہم جانتے ہیں ، رک جائیں گے۔ ایک فروغ پزیر دنیا اچانک رک گئی اور ہم اب بھی معمول کی واپسی کے منتظر ہیں۔ تعجب کی بات نہیں ، مارچ 2020 کے بعد سے ہماری سب سے عام سوچ یہ ہے کہ ، ’’ زندگی کب معمول پر آئے گی ‘‘۔

نعمان اعجاز نے خوابوں کو سچ کرنے کا بہترین طریقہ بتادیا

انہوں نے لکھا کہ رواں برس ان سے اکثر پوچھا گیا کہ وہ 2020 کو بہترین سال کیوں قرار دیتے ہیں، جس پر انہوں نے جواب دیا کہ اس لیے اس سال کورونا کی وجہ سے ‘لاک ڈاؤن’ نافذ ہونے سے انہیں مصروفیت سے چھٹکارہ حاصل ہوا اور انہوں نے بچوں کے ساتھ اچھا وقت گزارا۔

انہوں نے لکھا کہ ‘لاک ڈاؤن’ کو خدا نے ہی بھیجا تھا اور وہ ان کے لیے نیند مکمل کرنے، کتابیں پڑھنے، شاعری لکھنے، موسیقی سننے اور اپنی اولاد کے ساتھ بہترین وقت گزارنے کا ذریعہ بنا۔

اداکارہ نے بتایا کہ صرف تین ماہ کے ‘لاک ڈاؤن’ نے اس سال دنیا کو بہت کچھ سکھایا اور کاروبار زندگی معطل ہوتے ہی ہم سب کا یہی سوال تھا کہ زندگی معمول پر کب آئے گی؟

عثمان مختار کی عوام کوکورونا ایس اوپیز پر عمل کرنے کی تلقین

انہوں نے بتایا کہ سال 2020 میں انہیں زندگی اور دنیا کو دوسرے زاویے سے دیکھنے کا موقع دیا اور اس سال ان سمیت ہر کسی نے کچھ ایسے کام کیے، جو ‘لاک ڈاؤن’ کے بغیر کرنا ممکن نہیں تھے۔

رواں سال میں نے یہ سیکھا کہ انسان ، چاہے وہ خود کو قادر مطلق قرار دے ، فطرت کو کبھی فتح نہیں کرسکتا۔ 2020 میں بھی مجھے تھوڑا سا آہستہ ہونا ، اپنے پیاروں کو قریب رکھنا ، دعا کرنا ، اور زندگی کو کبھی بھی حرام نہیں سمجھنا سکھایا گیا۔

اداکار نے مداحوں سے بھی سوال کیا کہ 2020 سے آپ نے کیا سیکھا ہے؟

سابق صدر آصف علی زرداری فلم میں بھی اداکاری کر چکے ہیں

ساتھ ہی انہوں نے اپنی ایک مسکراتی تصویر شیئر کرتے ہوئے وبا، یادیں اور سال 2020 کے ہیش ٹیگز بھی استعمال کیے۔

اسلام آباد میں پاکستان کا پہلا ڈرائیو-اِن سینما کھول دیا گیا

دسمبر 21, 2020
اداکارہ نیلم منیر کورونا کو شکست دینے میں کامیاب

پاکستان شوبز انڈسٹری کی نامور اور با صلاحیت اداکارہ نیلم منیر نے 11 دن میں ہی کورونا کو شکست دے دی-

باغی ٹی وی : نیلم منیر میں رواں ماہ 9 دسمبر کو کورونا کی تشخیص ہوئی تھی جس کے بعد انہوں نے خود کو قرنطینہ کرلیا تھا۔

اداکارہ کی جانب سے خود میں کورونا کی تشخیص کی تصدیق سے دو دن قبل ہی سوشل میڈیا پر ان کے بیمار ہونے کی خبریں گردش میں تھیں تاہم انہوں نے خود 9 دسمبر کو تصدیق کی تھی کہ انہیں کورونا ہوگیا۔

کورونا کی تشخیص کے بعد انہوں نے خود کو قرنطینہ کرلیا تھا اور بتایا تھا کہ ان میں کورونا کی شدید علامات ظاہر نہیں ہوئیں۔

اداکارہ ماہرہ خان بھی کورونا وبا کا شکار ہو گئیں

اداکارہ نیلم منیر نے سماجی رابطے کی ویب سائٹ انسٹاگرام پر ایک نوٹ شئیر کیا جس پر انہوں نے لکھا ہے کہ میں آپ سب کو کچھ ضروری باتیں بتانا چاہتی ہوں جن سے پچھلے چند روز سے میں گزر رہی تھی-

انہوں نے بتایا تھا کہ میرا کورونا وائرس کا ٹیسٹ پازیٹو آیا ہےجبکہ میرے تمام گھر والے بالکل صحت منداور محفوظ ہیں۔

اداکارہ نیلم منیر نے لکھا تھا کہ میرے اور میرے اہل خانہ کے لیےیہ ایک بہت بڑا چیلنج ہے ہم سب اس وقت ایک مشکل ترین دور سے گزر رہے ہیں۔میں نے خود کو قرنطینہ کرلیا ہےاور الحمداللہ میں اب بہت بہتر محسوس کررہی ہوں۔

صنم جنگ بیٹی سمیت کورونا وائرس کا شکار

اداکارہ نے بتایا تھا کہ اگرچہ انہوں نے خود کو محفوظ کرنے کے لیے تمام لازمی اقدامات کر رکھے تھے،تاہم اس باوجود وہ کورونا میں مبتلا ہوگئیں۔

کورونا کی تصدیق کرنے کے 11 دن بعد ہی اب نیلم منیر نے بتایا کہ ان کا کورونا کا پی سی آر ٹیسٹ منفی آگیا اور وہ اب صحت مند ہیں۔

اداکارہ نے انسٹاگرام پر مختصر ویڈیو میں اپنا کورونا ٹیسٹ منفی ہونے کا بتایا اور وہ ویڈیو میں بلکل صحت مند اور خوش دکھائی دیں۔

اداکارہ و فلمساز سنگیتا بھی کورونا وائرس کا شکار ہو گئیں

اداکارہ نے بتایا کہ ان میں قرنطینہ کے دوران کورونا کی کون سی علامات ظاہر ہوئی تھیں اور انہوں نے ان سے کیسے خود کو بچایا اور قرنطینہ میں انہوں نے کیا کھایا، کیا پیا، اس متعلق وہ جلد ہی ویڈیوجاری کریں گی۔

اداکارہ نے دعائیں کرنے پر مداحوں کا شکریہ بھی ادا کیا اور ساتھ ہی تمام افراد کو کورونا سے احتیاط کرنے کی اپیل بھی کی۔

واضح رہے کہ داکارہ نیلم منیر کے علاوہ ماہرہ خان، سینئیر اداکارہ سنگیتا ، بہروز سبز واری،مریم نفیس،عامر لیاقت حسین اور ان کی اہلیہ طوبی عامر ،اداکار امیر گیلانی ،گلوکارجواد احمد ،عثمان مختار ، فروا علی کاظمی ،ماڈل صحیفہ جبار ، روبینہ اشرف ، اداکار یاسر نواز اور ان کی اہلیہ ندا یاسر ،واسع چوہدری اور دیگر شامل ہیں-

کورونا کوئی مزاق نہیں بلکہ جان لیوا وبا ہے اس سے بچنے کیلئے ہمیں احتیاطی تدابیرکوسختی سے اپنانا ہوگا شوبز فنکار

عامر لیاقت حسین نے عالمی وبا کورونا وائرس کو شکست دے دی

عامر لیاقت حسین کورونا وائرس کے باعث طبیعت بگڑنے پر ہسپتال منتقل

ڈاکٹرعامر لیاقت اہلیہ طوبیٰ عامر سمیت کرونا وائرس کا شکار

ایک اوراداکار امیر گیلانی بھی کورونا وائرس کا شکار ہوگئے

جواد احمد عالمی وبا کورونا وائرس کا شکار ہوگئے

عثمان مختار کے بعد ماڈل فروا علی کاظمی بھی کورونا وائرس کا شکار

عثمان مختار بھی عالگیر وبا کورونا وائرس میں مبتلا ہو گئے

ماڈل صحیفہ جبار بھی کورونا وائرس کا شکار

اداکارہ مریم نفیس بھی کورونا وائرس کا شکار ہو گئیں

اداکارہ نیلم منیر بھی کورونا وائرس کا شکار

اداکار بہروز سبزواری بھی کورونا وائرس کا شکار ہو گئے

دسمبر 21, 2020
ماہرہ خان کی سالگرہ ٹویٹر پر ٹاپ ٹرینڈ

پاکستان شوبز انڈسٹری کی عالمی شہرت یافتہ اداکارہ ماہرہ خان کی سالگرہ کا ٹوئٹر پر ٹاپ ٹرینڈ بن گیا۔

باغی ٹی وی : پاکستان کی صف اول اداکارہ ماہرہ خان آج اپنی 36ویں سالگرہ منا رہی ہیں اور اِس ضمن میں گزشتہ رات 12بجتے ہی سماجی رابطے کی ویب سائٹ ٹوئٹر پر ہیش ٹیگ ’ہیپی برتھ ڈے ماہرہ خان‘ ٹاپ ٹرینڈز کی فہرست میں پانچویں نمبر پر رہا۔

ٹوئٹر پر ماہرہ خان کے مداح اس ہیش ٹیگ کو استعمال کرتے ہوئے اُنہیں سالگرہ کی مبارکباد پیش کر رہے ہیں اور ساتھ ہی اُن کے لیے نیک خواہشات کا اظہار بھی کرتے نظر آرہے ہیں۔

Happy birthday to the superstar, the pride of Pakistan @TheMahiraKhan ❤️
May you always shine, many many successful and happy years ahead. We love you 😘❤️ lots of love and prayers 💘#MahiraKhan #HappybirthdayMahiraKhan pic.twitter.com/RXQQpW3HV6

— Muhammad Waheed (@WaheedViews) December 21, 2020

اس ہیش ٹیگ کا استعمال کرتے ہوئے محمد وحید نامی صارف نے لکھا کہ ’پاکستان کی سُپر اسٹار اور فخر کو سالگرہ مبارک ہو،آپ ہمیشہ روشن رہیں، آپ کو بہت ساری کامیابیاں ملیں اور نیا سال آپ کے لیے خوش آئند ثابت ہو۔
https://twitter.com/Prince_Rana_/status/1340891183954989057?s=20
پرنس رانا نامی صارف نے ماہرہ خان کو سالگرہ کی مبارکباد دیتے نیک تمناؤں کا اظہار کیا اور ان کی کامیابیوں کے لئے دعا کی-
https://twitter.com/dramavrama/status/1340766639005024259?s=20

Happy birthday to my favourite hooman ❤️ our Superstar and our sitara ⭐ May you always be surrounded with love and genuine laughter and joy 💋 Love love you x @TheMahiraKhan #HappyBirthdayMahiraKhan pic.twitter.com/dBgbRscxUg

— Travel the world ✈ (@iqraaa7) December 21, 2020

ایک صارف نے لکھا کہ ’میری پسندیدہ سُپر اسٹار اور ہمارے ستارہ کو سالگرہ مبارک ہو، آپ ہمیشہ محبت، حقیقی ہنسی اور خوشیوں سے گِھری رہیں-

RAEES Ki asiya… Apko jannam din Mubarak#HappyBirthdayMahiraKhan #2YearsOfZERO pic.twitter.com/NLkB3DWUZn

— Bashir Biloti (@iamsrkbiloti) December 20, 2020

دل والے خان نامی صارف نے فلم ’رئیس‘ کے ایک منظر کی تصویر شیئر کرتے ہوئے لکھا کہ ’رئیس کی آسیہ آپ کو جنم دن مبارک ہو۔

Get well soon @TheMahiraKhan
And a very HAPPY BIRTHDAY to Beautiful and Talented Actress
#happybirthdaymahirakhan

— Zohaib latif (@zohaiblatif92) December 21, 2020

زوہیب لطیف نامی صارف نے کورونا میں مبتلا ماہرہ خان کو جلدی ٹھیک ہونے کی دعا کی اور لکھا کہ خوبصورت اور بہت زیادہ ٹیلنٹڈ اداکارہ کو سالگرہ مبارک-

Pride of Pakistan🙌#HappyBirthdayMahiraKhan pic.twitter.com/enhOG0oq5O

— SoN! 🦋💫 || Ignore & Fly 🥂🦋 (@fanatic_devil16) December 20, 2020

ایک صارف نے ماہرہ خان کو سالگرہ کی مبارکباد دیتے ہوئے پاکستان کا فخر قرارا دیا-

May you continue to smile for thousand of years. Amen #HappyBirthdayMahiraKhan pic.twitter.com/LxGn3mBeWj

— Fareed (@FaredSays) December 20, 2020

فرید نامی صارف نے اس ٹرینڈ میں حصہ لیتے ہوئے ماہرہ خان کی تصویر شئیر کی جس میں وہ مسکرا رہی ہیں اور اپنی پسندیدہ اداکارہ کے لئے نیک خواہشات کا اظہار کیا اور کہا کہ ماہرہ خان آپ ہزراوں سال یسے ہی مسکراتی رہیں-

I love you, M. 🤍#HappyBirthdayMahiraKhan pic.twitter.com/GIKhkv5eFH

— ayme. (@aymx_infinity) December 20, 2020

Who does a saree better than this QUEEN?#HappyBirthdayMahiraKhan pic.twitter.com/ZKfnOM5nsD

— ` (@jeezfatima) December 21, 2020

https://twitter.com/sidk24/status/1340723956236611593?s=20
https://twitter.com/FarahNa90673228/status/1340895549462093824?s=20

Channdi ki gurya 🧿🧿♥️♥️♥️🦩🦩
.
Praying for you happiness, health, peace & success. Here are many many more birthdays to come full of happiness & love. In Sha Allah#HappyBirthdayMahiraKhan pic.twitter.com/VqfQo4GVXD

— Fareed (@FaredSays) December 20, 2020

فرید نامی صارف نے ماہرہ خان کو چاندی کی گڑیا قرار دیتے ہوئے نیک خواہشات کا اظہار کیا ور لکھا کہ آپ کے لئے خوشی ، صحت ، امن اور کامیابی کی دعا ہے۔اسی طرح خوشی اور محبت سے بھرپور بہت سی سالگراہیں آپ کی منتظر ہیں-۔ انشاء اللہ

دسمبر 21, 2020