دنیا بھر میں پھیلی عالمی وبا کورونا وائرس سے ہونے والی مالی بحران کے باعث پاکستان میں کپڑوں کا مقامی برانڈ ‘دامن’ بند کرنے کا اعلان کردیا گیا۔

باغی ٹی وی : کورونا وائرس کی وجہ سے نافذ رہنے والے لاک ڈاؤن کے بعد کئی کاروبار بری طرح متاثر ہوئے ہیں جس کے نتیجے مارکیٹس، یومیہ اجرت پر کمانے والوں کے، کپڑوں کے برانڈز بھی شدید مالی بحران کا شکار ہیں یہاں تک کہ کئی کاروبار اور برانڈز بند ہوگئے ہیں جن میں ایک فیشن برانڈ ‘دامن’ بھی شامل ہے۔

سوشل میڈیا پر دامن کی کریٹیو ڈائریکٹر ملیحہ چوہدری نے یہ اعلان کیا کہ یہ سال ختم ہونے کے ساتھ دامن برانڈ کے اسٹورز بھی بند ہوجائیں گے۔

ملیحہ چوہدری نے پوسٹ میں لکھا کہ میں آج انتہائی دکھ کے ساتھ آپ کو یہ بتارہی ہوں کہ برانڈ 31 دسمبر 2020 کو بند ہوجائے گا۔

پوسٹ میں لکھا کہ کوویڈ-19 نے ممالک، خاندانوں اور کاروبار کو یکساں طور پر تباہ کیا ہے اور بدقسمتی سے دامن بھی ان میں شامل ہے۔

پوسٹ میں کسٹمرز کا شکریہ ادا کرتے ہوئے کہا گیا کہ سالوں تک محبت اور تعریف کا شکریہ، اُمید کرتے ہیں کہ مستقبل میں کسی موقع پر کسی نئے انداز میں آپ کو دیکھیں۔

دامن کی پوسٹ میں واضح کیا گیا کہ ہماری کلیئرنس سیل آج (22 دسمبر ) سے شروع ہورہی ہے اور آخری دن تک جاری رہے گی۔

پاکستان ڈرامہ انڈسٹری کے سینئر اداکار نعمان اعجاز نے اپنی فیملی کو اپنی کُل کائنات قرار دے دیا۔

باغی ٹی وی :: اداکار نعمان اعجاز سوشل میڈیا ویب سائٹ انسٹاگرام پر اکثر اوقات معنی خیز اور دلوں کو چُھو لینے والے سبق آ موز پیغامات جاری کرتے رہتے ہیں جنہیں ان کے مداحوں اور سوشل میڈیا صارفین کی جانب سے کافی سراہا جاتا ہے –

تاہم اب اداکار نے فوٹو اینڈ ویڈیو شیئرنگ ایپ انسٹاگرام پر اپنی فیملی کے ہمراہ ایک خوبصورت تصویر پوسٹ کی ہے جس میں تمام لوگ ایک ساتھ خوش دکھائی دے رہے ہیں۔

مذکورہ تصویر میں نعمان اعجاز کے ساتھ اُن کی اہلیہ اور تینوں بیٹے شاہ میر، زاویار اور ریان موجود ہیں.

نعمان اعجاز نے فیملی فوٹو پوسٹ کرتے ہوئے کیپشن میں لکھا ہے کہ اُن لمحوں کو ہمیشہ زندہ رکھیں جنہیں آپ الفاظ میں بیان نہیں کرسکتے ہیں۔

اداکار نے اپنے اہلخانہ سے مخاطب ہوتے ہوئے لکھا کہ ’یہ میری دُنیا اور میری زندگی ہے۔

انسٹاگرام صارفین کی جانب سے نعمان اعجاز اور اُن کے اہلخانہ کی تصویر کو بہت پسندکیا جا رہا ہے۔

یاد رہے کہ اس سے قبل نعمان اعجاز نے اپنے سوشل میڈیا پیغام میں کہا تھا کہ مشکل وقت میں کوئی آپ کو بچانے نہیں آئے گا کیونکہ یہ زندگی سو فیصد صرف آپ کی ذمہ داری ہے لہٰذا براہِ کرم خود اپنے آپ کی دیکھ بھال کریں-

ایک اور تصویر شئیر کرتے ہوئے اداکار نے لکھا تھا کہ اپنے خوابوں کو سچ کرنے کا بہترین طریقہ وقت پرجاگنا ہے جبکہ ایک انسٹا پوسٹ میں نعمان اعجاز کا کہنا تھا کہ سب لوگ دل کے برے نہیں ہوتے کچھ کا دماغ بھی خراب ہوتا ہے-

نعمان اعجاز نے خوابوں کو سچ کرنے کا بہترین طریقہ بتادیا

پاکستان شوبز انڈسٹری کے معروف اداکار ہمایوں سعید نے کورونا میں مبتلا ماہرہ خان کی جلد صحت یابی کے لیے سوشل میڈیا پر دُعائیہ پیغام جاری کیا ہے۔

باغی ٹی وی :گزشتہ روز عالمی شہرت یافتہ اداکارہ ماہرہ خان کی 36ویں سالگرہ تھی اس موقع پر جہاں دُنیا بھر سے ماہرہ خان کے لیے محبت بھرے پیغامات آئے تو وہیں سوشل میڈیا پر ساتھی اداکاراؤں نے بھی نیک خواہشات کا اظہار کرتے ہوئے دعائیہ پیغامات جاری کئے-

اداکار ہمایوں سعید نے بھی ماہرہ خان کے لیے خصوصی پیغام جاری کیا ہے۔

ہمایوں سعید نے فلم ’بن روئے‘ کے ایک سین کی خوبصورت تصویر ٹوئٹر پر شیئر کی جس میں دونوں اداکار ایک دوسرے کی طرف دیکھ رہے ہیں.

Happy birthday!! May you get well soon Guddi jee and may Allah always keep you happy & healthy @TheMahiraKhan pic.twitter.com/qw8BtzUJxO

— Humayun Saeed (@iamhumayunsaeed) December 21, 2020

اداکار نے تصویر کے کیپشن میں شیئر کرتے ہوئے ماہرہ خان کو سالگرہ کی مبارکباد دیتے ہوئے لکھا کہ گُڈی جی جلدی سے ٹھیک ہوجاؤ۔

اُنہوں نے لکھا کہ اللہ تعالیٰ تمہیں ہمیشہ خوش اور صحت و تندرست رکھے آمین۔

ماہرہ خان کی سالگرہ ٹویٹر پر ٹاپ ٹرینڈ

دوسری جانب ماہرہ خان نے اپنی حالیہ انسٹا گرام اسٹوری میں اپنے تمام چاہنے والوں کے لیے خصوصی اسٹوری شیئر کی ہے جس میں انہوں نے سالگرہ پر پیغام بھیجنے والوں کا شکریہ ادا کیا کہا کہ مجھے میری سالگرہ کے موقع پر ڈھیر سارے محبت بھرے پیغامات ، خطوط اور ویڈیو پیغام موصول ہوئے ہیں جنہیں دیکھ کر میں واقعی بہت خوش ہوئی ہوں۔

اداکارہ نے اپنی طبیعت کے حوالے سے کہا کہ الحمداللہ میری طبیعت بہتری کی طرف جارہی ہے یہ آپ سب کی دُعاؤں کا نتیجہ ہے کہ اب میرے دل میں کورونا وائرس کے حوالے سے کوئی شک نہیں ہے اور مجھے اُمید ہے کہ میں بہت جلد مکمل طور پر ٹھیک ہوجاؤں گی۔

واضح رہے کہ گزشتہ دنوں ماہرہ خان نے اپنی انسٹاگرام پوسٹ میں بتایا تھا کہ اُن کا کورونا وائرس ٹیسٹ مثبت آگیا ہے جس کے بعد اُنہوں نے خود کو گھر میں ہی آئسولیٹ کرلیا ہے-

امید ہے بہت جلد ٹھیک ہو جاؤں گی ماہرہ خان

پاکستان شوبز انڈسٹری کی سابقہ اداکارہ نیمل خاور عباسی کی اپنی بہن فضا خاور کی مہندی کی تقریب میں ڈانس کرنے کی ویڈیو سوشل میڈیا پر وائرل ہوگئی ہے۔

باغی ٹی وی : سابقہ اداکارہ اور اداکار حمزہ علی عباسی کی اہلیہ نیمل خاور کی چھوٹی بہن فضا خاور کی شادی کی تقریبات کا سلسلہ جاری ہے اور گزشتہ روز اُن کی بہن فضا خاور کی مہندی کی تقریب ہوئی جس کی تصویریں اور ویڈیوز سوشل میڈیا پر وائرل ہوگئی ہیں۔

سوشل میڈیا پر وائرل ہونے والی تصویروں میں دیکھا جاسکتا ہے کہ نیمل خاور نے اپنی بہن کی مہندی کی تقریب میں سُرخ رنگ کا خوبصورت لہنگا زیب تن کیا ہوا ہے اور اُس کے ساتھ ہی دلکش جیولری بھی پہنی ہوئی ہے۔

جن میں نیمل خاور کی ڈانس کی ویڈیوز بھی خوب مقبول ہورہی ہے جس میں وہ اپنی بہن فضا خاور اور دیگر کے ہمراہ بھارتی گانے پر ڈانس کرتی نظر آرہی ہیں۔

نیمل خاور کے ڈانس کی اس ویڈیو کو صارفین کی جانب سے بے حد سراہا جا رہا ہے-

بہن کی شادی پر نیمل ہر تقریب خوبصورت ملبوسات زیب تن کئے دلکش نظر آ رہی ہیں-

پاکستانی ٹک ٹاک اسٹار حریم شاہ نے وفاقی وزیر داخلہ شیخ رشید کو ’ بھائی‘ قرار دے دیا ہے۔

باغی ٹی وی : حال ہی میں ایک انٹرویو میں حریم شاہ نے وفاقی وزیر داخلہ سے متعلق کہا کہ شیخ رشید میرے بھائی ہیں۔ بہن ہونے کے ناتے میں انہیں یہ مشورہ دینا چاہوں گی کہ اب انہیں جلد شادی کر لینی چاہئے جوکہ اُن کے لئے بہتر بھی ہے ورنہ کہیں یہ نہ ہو کہ ان کی مزید ویڈیوز ہی سامنے آجائیں۔

حریم شاہ نے اپنی شادی سے متعلق بات کرتے ہوئے کہا کہ ابھی تک مجھے کوئی ایسا نہین ملا جس کے ساتھ شادی کے بارے سوچ سکوں جیسے ہی مجھے ایسا کوئی لڑکا سمجھ آئے گا میں فوری طور پر اس سے شادی کرلوں گی لیکن فی الحال میرا کسی اور سے شادی کرنے کا کوئی ارادہ نہیں ہے۔

پریس کانفرنس کے دوران ،حریم شاہ نے بنیادی طور پر کراچی میں جائداد غیر منقولہ پراجیکٹ تیار کرنے کے بارے میں بات کی جو لوگوں کو سستی رہائش فراہم کرے گی۔

واضح رہے کہ گزشتہ سال شیخ رشید کے ساتھ حریم شاہ اور صندل خٹک کی ویڈیو کال سوشل میڈیا پر وائرل ہوئی تھیں جو کہ خود حریم شاہ نے اپنے اکاؤنٹ سے جاری کی تھی۔ بعدازاں انہوں نے مزید ویڈیوز بھی جاری کرنے کا کہا تھا۔

زلفی بخاری سال 2020 کے ‘100 پاکستانی پرکشش افراد‘ کی فہرست میں شامل

علی ظفر میشا شفیع کیس: ایف آئی اے کے پاس کسی کو مجرم یا معصوم قرار دینے کا کوئی اختیار نہیں وومن…