پاکستان کے معروف اور نامور گلوکار اور پی ٹی آئی کارکن ابرار الحق کی سوشل میڈیا پر بیٹی کے ہمراہ تصویروائرل ہو رہی ہےجسے مداحوں کی جانب سے خوب پسند کیا جا رہا ہے-

باغی ٹی وی کی رپورٹ کے مطابق گلوکار ابرار الحق نے سماجی رابطے کی ویب سائٹ ٹوئٹر پر اپنی ننھی بیٹی کے ساتھ ایک تصویر شیئر کی جسے ٹوئٹر صارفین کی جانب سے خوب پسند کیا جا رہا ہے۔

ابرارالحق کی جانب سے شیئر کی گئی تصویر میں دیکھا جا سکتا ہے کہ وہ اپنی بیٹی کے ساتھ ایک گاڑی میں موجود ہیں اور دھوپ سے بچنے کے لیے اپنے ماتھے پر ہاتھ رکھے ہوئے ہیں اور مسکر رہے ہیں اسی طرح اُن کی بیٹی بھی اپنے ہاتھ کے ذریعے اپنی آنکھوں کو دھوپ سے بچا رہی ہے۔

Be careful parents, they learn what they see, not what they are told 😊 pic.twitter.com/9v4hQCYTRL

— Abrar Ul Haq (@AbrarUlHaqPK) November 21, 2020

ابرارالحق نے یہ خوبصورت تصویر ٹوئٹ کرتے ہوئے ساتھ میں والدین کے لیے ایک بہت اہم اور معنی خیز پیغام بھی شیئر کیا ہے۔

ابرارالحق نے اپنی ٹوئٹ میں والدین کو مخاطب کرتے ہوئے کہا کہ والدین ہوشیار رہیں بچے وہی سیکھتے ہیں جو وہ دیکھتے ہیں بچے وہ ہر گز نہیں سیکھتے ہیں جو اُنہیں بتایا جاتا ہے۔

لاہور کی گارڈین کورٹ نے معروف صوفی اور لوک گلوکارہ صنم ماروی کے بچوں کی حوالگی کا فیصلہ سنا دیا ہے۔

باغی ٹی وی : تفصیلات کے مطابق گارڈین جج یعقوب نے گلوکارہ صنم ماروی کی درخواست پر فیصلہ سنایا عدالت نے ہفتے میں چار دن بچے ماں کے ساتھ رہنے کا حکم دے دیا ہے۔

عدالتی فیصلے کے مطابق تین دن بچوں کو باپ حامد کے ساتھ رہنے کا شیڈول جاری کیا جائے گا جبکہ صنم ماروی کے بیرون ملک ہونے پر بھی بچے سابق شوہر حامد کے پاس ہی رہیں گے۔

واضح رہے کہ گلوکارہ صنم ماروی نے گھریلو تنازعات کے بعد بچوں کی حوالگی کے لیے لاہور کی گارڈین کورٹ سے رجوع کر رکھا تھا۔

صنم ماروی نے اپنی درخواست میں کہا تھا کہ بچوں کے بغیر نہیں رہ سکتی، بچے زبردستی سابق شوہر نے اپنے پاس رکھے ہوئے ہیں۔

گلوکارہ صنم ماروی طبیعت ناسازی کے باعث ہسپتال منتقل

صنم ماروی کی جانب سے استدعا کی گئی کہ عدالت بچوں کو ماں کے حوالے کرنے کا حکم دے۔

یاد رہے کہ رواں ماہ گلوکارہ صنم ماروی کو اولاد کی پریشانیوں اور گھریلو مسائل کے باعث شدید ڈپریشن ہونے پر ہسپتال داخل کرایا گیا تھا گلوکارہ نے اپنے فیس بک پیج پر بتایا تھا کہ گزشتہ کئی دن سے وہ شدید ڈپریشن کا شکار تھیں جس کی وجہ سے اچانک ان کا بلڈ پریشر کم ہوگیا اور انہیں ہسپتال جانا پڑا جہاں انہیں چند گھنٹوں تک ہسپتال میں رکھ کر ان کا علاج کیا گیا۔

اداکارہ نے اپنے ڈپریشن کی وجہ بتاتے ہوئے لکھا تھاکہ گذشتہ کچھ دنوں میں میرے شہزادے بچوں مصطفيٰ علی اور ورد علی کی سالگرائیں تھی اور وہ سب مجھ سے دور تھے. اس سے زیادہ تکلیف اس بات کی ہے کہ ابھی اسکول کھل چکے ہیں مگر میرے بڑے بیٹے بہلول علی کا اسکول بند کر کے اسے گانا گانے پر لگایا گیا ہے. اس صورتحال نے مجھے اور سخت تکلیف میں مبتلا رکھا ہے.

گلوکارہ صنم ماروی طبیعت ناسازی کے باعث ہسپتال منتقل

گلوکارہ صنم ماروی اولاد کی پریشانیوں اور گھریلو مسائل کے باعث شدید ڈپریشن کا شکار

صنم ماروی نے فیس بُک پوسٹ میں اپنی طبعیت کے بارے میں بتایا تھا کہ سچ یہ ہے کہ مسلسل انزائٹی اور ہائی بلڈ پریشر کی دوائیاں لی رہی ہوں. آج انزائٹی اور بلڈ پریشر لو ہونے کی وجھ سے مجھے اسپتال لیجایا گیا، جہاں چند گھنٹے کے بعد میں بلکل ٹھیک ہوگئی، اس وقت میں گھر پر ہوں اور بلکل صحت مند ہوں.

پاکستان شوبز انڈسٹری کے عالمی شہرت یافتہ گلوکار اور اداکار علی ظفر نے مقبول ترین بلوچی گیت ’لیلا او لیلا‘ کی کامیابی کے بعد سندھی گیت ’ الّے ‘ کا پرومو جاری کردیا۔

باغی ٹی وی :بلوچستان سے تعلق رکھنے والی کم عمر 13 سالہ گلوکارہ عروج فاطمہ نے گزشتہ سال علی ظفر کے ساتھ گلوکاری کی خواہش کا اظہار کیا تھا جس پر گلوکار نے مداح کی خواہش کا خیر مقدم کرتے ہوئے عروج کے ساتھ بلوچی گیت ’لیلا او لیلا‘ بنایا تھا۔

علی ظفر اور عروج فاطمہ کے اس گیت کو شائقین کی جانب سے اتنا پسند کیا گیا کہ گیت نے مقبولیت کے ریکارڈ اپنے نام کرلئے یوٹیوب پر اب تک اس ویڈیو کو 2 کروڑ 73 لاکھ 59 ہزار 3سو سے زائد بار دیکھا جا چکا ہے اسی مقبولیت کے پیش نظر گلوکار نے اپنی مداح کے ساتھ ایک اور گیت کا پرومو جاری کردیا ہے۔

علی ظفر نے اپنے انسٹا گرام اکاؤنٹ پر جاری کردہ پرومو میں سندھی روایتی رقص کرتے نظر آرہے ہیں۔

ویڈیو کے ساتھ کیپشن میں انہوں نے لکھا کہ ’لیلا او لیلا‘ کی کامیابی کے بعد اس بار میں اور فاطمہ ’الّے‘ گیت کے ساتھ واپس آرہے ہیں جوکہ رواں ماہ 26 نومبر کو ریلیز کیا جائے گا۔

گلوکار نے لکھا کہ اس ویڈیو میں ہپ ہاپ ریپر عابد بروہی بھی نظر آئیں گے۔ ساتھ ہی انہوں نے جیے سندھ، جیے پاکستان اور اجرک کا ہیش ٹیگ بھی استعمال کیا۔

گزشتہ سال شوبز انڈسٹری سے کنارہ کشی اختیار کرنے والی رابی پیرزادہ نے مسلم لیگ ن کے قائد میاں نواز شریف اور قائدِ حزبِ اختلاف میاں شہباز شریف کی والدہ بیگم شمیم اختر کے انتقال پر شدید دُکھ کا اظہار کیا ہے۔

باغی ٹی وی :رابی پیرزادہ نے ٹوئٹر پر نواز شریف اور اُن کی مرحومہ والدہ بیگم شمیم اختر کی ایک یادگار تصویر شیئر کی ہے جس میں ماں بیٹے کو پیار کر رہی ہیں-

رابی پیرزادہ نے ٹوئٹر پر تصویر شیئر کرتے ہوئے مرحومہ بیگم شمیم اختر کے انتقال پر شدید دُکھ کا اظہار کیا اور اُن کی مغفرت کے لیے دُعا کی۔

اُنہوں نے لکھا کہ میں ہمیشہ کہتی ہوں ماں تو آخر ماں ہوتی ہے نا۔

واضح رہے کہ نواز شریف و شہباز شریف کی والدہ بیگم شمیم اختر گزشتہ روز لندن میں انتقال کرگئیں مرحومہ شمیم اختر کے بڑے صاحبزادے نواز شریف اپنے علاج کے لیے اس وقت لندن میں مقیم ہیں جبکہ اُن کے چھوٹے صاحبزادے شہباز شریف لاہور کی جیل میں ہیں۔

مرحومہ کی میت پاکستان لائی جائے گی جبکہ تدفین جاتی امراء میں ان کے شوہر میاں شریف کے پہلو میں مختص جگہ پر ہوگی انتقال کے بعد مسلم لیگ (ن) نے اپنی سیاسی سرگرمیاں معطل کردیں مرحومہ بیگم شمیم اختر کے جنازے میں شرکت کے لیے شہباز شریف اور ان کے بیٹے حمزہ شہباز کو پیرول پر رہا کیا جائے گا۔

پاکستانی فلموں کے لیجنڈ اداکاراورچاکلیٹی ہیر وحید مراد کی کومداحوں سے بچھڑے 37 برس بیت گئے۔

باغی ٹی وی :وحید مراد نے 2 اکتوبر1938ء کو سیالکوٹ میں فلم ساز نثار مراد کے گھر پیدا ہوئے کراچی یونیورسٹی سے انگریزی ادب میں ایم اے کیا وہ معروف فلمساز و تقسیم کار نثار مراد کی اکلوتی اولاد تھے جنہوں نے 1960ء میں بطور فلم ساز پہلی فلم ’انسان بدلتا ہے‘ بنا کر اپنی فلمی زندگی کا آغاز کیا۔

1961ء میں انہیں ایس ایم یوسف کی فلم ’اولاد‘ میں ایک اہم رول کے لیے پہلی بار کاسٹ کیا گیا اور یوں بطور اداکار وحید مراد کی پہلی فلم ’اولاد‘ اگست 1962ء میں ریلیز ہوئی اور گولڈن جوبلی کا اعزاز حاصل کیا-

بطور ہیرو وحید مراد کی پہلی فلم ’ ہیرا اور پتھر‘ تھی۔ سلور اسکرین پر 75 ہفتے مسلسل چلنے والی فلم ’ ارمان ‘ نے وحید مراد کو شہرت کی بلندیوں پر پہنچایا اور وہ پاکستانی فلم انڈسٹری کے پہلے باقاعدہ سپر اسٹار کہلائے وہ برصغیر میں دلیپ کمار کے بعد واحد ہیرو تھے جن کے بالوں کے اسٹائل اور ملبوسات کی نقل کی گئی۔

اپنے دور میں اداکار وحید مراد نے ہدایت کار پرویز ملک، گیت نگار مسرور انور، موسیقار سہیل رعنا، گلوکار احمد رشد ی کے ساتھ فلم میکنگ کے دوران کامیابیوں کے ریکارڈ قائم کیے۔ فلمی ناقدین کہتے ہیں کہ وحید مراد ایک فرد نہیں بلکہ ایک ادارہ تھے-

چاکلیٹی ہیرو وحید مراد نے فلم دوراہا، عندلیب، جب جب پھول کھلے، سالگرہ، انجمن، جہاں تم وہاں ہم، پھول میرے گلشن کا اور دیور بھابھی سمیت کل 124 فلموں میں کردار نگاری کی۔

وحید مراد کے فلمی عروج و زوال کو ہالی وڈ اداکار ایلوس پریسلے سے تشبیہ دی جاتی ہے جنھوں نے طویل شہرت کے بعد اچانک زوال کا منہ دیکھا۔

23 نومبر 1983ء کو پاکستانی فلم انڈسٹری کو نئی جدتیں دینے والے وحید مرادانتقال کرگئے۔ فنی خدمات کے صلے میں انہیں ستارہ امتیاز، نگار، گریجویٹ، نیشنل ، مصورسمیت دیگرمتعدد ایوارڈز سے نوازا گیا۔

خیرپور میں بیمار والد کے پیسے دینے سے انکار پر ٹک ٹاکر ماروی خلجی نے گھر کو آگ لگا دی-

باغی ٹی وی :رپورٹس کے مطابق ٹک ٹاکر ماروی خلجی نے بیمار والد سے ماڈلنگ کے لیے 2 لاکھ روپے مانگے تھے والد کے انکار کرنے پر ملزمہ نے گھر کو آگ لگا دی تھی۔

واقعے کے بعد ٹک ٹاکر ماروی خلجی کے والد نے بیٹی کے خلاف مقدمہ درج کروادیا تھا والد کی جانب سے تھانہ پیرجوگوٹھ میں مقدمہ درج ہونے پر پولیس نے بیٹی کو گرفتار کیا گیا تھا۔

بعدازاں پولیس نے ٹک ٹاکر ماروی خلجی کو گرفتار کرکے عدالت میں پیش کیا جہاں اسے 14 روزہ ریمانڈ پر جیل بھیج دیا گیا۔

پولیس کا کہنا ہے کہ آگ لگنے سے گھر کا فریج، واشنگ مشین اور دیگر سامان جل گیا۔

پولیس کا کہنا ہے کہ ملزمہ نے والد سے 2 لاکھ روپے کا تقاضا کیا تھا لڑکی کا والد فالج کا مریض ہے اور واپڈا کا ریٹائرڈ ملازم ہے اور ٹک ٹاکر کو ماروی خلجی کو جیل بھیج دیا گیا ہے-

شوبز انڈسٹری کی خوبصورت جڑواں بہنوں ایمن خان اور منال خان نے اس سال اپنی سالگرہ الگ الگ منائی ایمن خان نے ترکی میں اپنے شوہر اداکار منیب بٹ کے ہمراہ اپنی سالگرہ کا کیک کاٹا جبکہ منال خان نے پاکستان میں ہی اپنے دوستوں کے ساتھ سالگرہ منائی۔

باغی ٹی وی :سماجی رابطے کی ویب سائٹ انسٹاگرام پر اداکارہ ایمن خان نے اپنی اور منیب بٹ کی ساتھ میں کچھ تصاویر شیئر کی ہیں جن میں وہ اپنی سالگرہ مناتی دکھائی دے رہی ہیں۔

ان تصاویر میں ایمن خان نے ہلکے براؤن رنگ کا مغربی لباس پہن رکھا ہے جبکہ منیب بٹ پیلی ٹی شرٹ اور کالی جیکٹ میں نظر آرہے ہیں۔

انسٹاگرام پر شیئر کردہ تصاویر کے ساتھ کیپشن میں اداکارہ نے لکھا کہ منیب بٹ میری سالگرہ کے دن کو اسپیشل بنانے کے لیے آپ کا بے حد شکریہ اور جن لوگوں نے مجھے سالگرہ کی مبارک باد دی ہےاُن کا بھی بہت شکریہ۔

دوسری جانب منیب بٹ نے بھی اپنے انسٹاگرام اکاؤنٹ پر کچھ پوسٹ شیئر کی ہیں جن میں انہوں نے محبت بھرے انداز منفرد انداز میں اہلیہ ایمن خان کو سالگرہ کی مبارک باد دی ہے۔

انسٹاگرام پر اداکارہ نےکچھ ویڈیوز اور کچھ تصاویر جاری کی ہیں جس کے کیپشن میں منیب بٹ نے لکھا کہ میرے دل کی ملکہ آپ کو سالگرہ کی بہت بہت مبارک باد۔

منیب بٹ نے ایک اور ویڈیو شیئر کی ہے جس میں وہ ایمن خان کی آنکھوں پر ہاتھ رکھے اُنہیں برتھ ڈے سرپرائز کے لیے ساتھ لارہے ہیں۔ان کی اس ویڈیو کو مداحوں کی جانب سے بے حد پسند کیا گیا ہے –

اداکار احسن محسن اکرام کا منال خان سے محبت کا اظہار

دوسری جانب منال خان کے دوستوں نےگزشتہ روز اُن کی سالگرہ کے دن کو یادگار بنادیا اُن کے قریبی دوستوں میں اداکار احسن محسن، کنزہ ہاشمی، صبورعلی، سارہ علی اور چند دیگر شامل تھے۔

منال خان کے لیے سرپرائز برتھ ڈے پارٹی احسن محسن اکرام کی جانب سے ارینج کی گئی تھی احسن اور منال ان دنوں کئی مواقع پر ایک ساتھ دیکھے جا رہے ہیں جبکہ اس سے قبل ان دونوں کی تصاویر بھی سوشل میڈیا پرخوب وائرل ہوئیں احسن اور منال نے اپنی انسٹا اسٹوریز میں بھی سالگرہ کی متعدد تصاویر اور ویڈیوز شیئر کی ہیں۔

علاوہ ازیں منال خان نے اپنے انسٹا گرام اکاؤنٹ پر اپنے تینوں بھائیوں کی جانب سے 2 سرپرائز برتھ ڈے سیلیبریشن کی تصاویر بھی شیئر کیں۔

منال خان اور احسن محسن کے بارے میں سوشل میڈیا صارفین کی قیاس آرائیاں حقیقت میں بدل…

منال خان اور احسن محسن کی نئی تصویر کے سوشل میڈیا پر چرچے