مسلمانوں کی اسلامی فتوحت پر مبنی عالمی شیرت یافہ ترک سیریز ارطغرل غازی میں بہادر جنگجو کا کردار ادا کرنے والے ترک اداکار انجین التان دو روزہ دورے پر پاکستان پہنچ گئے-
باغی ٹی وی : ترکی اردو نے سماجی رابطے کی ویب سائٹ ٹوئٹر پر اپنی ٹوئٹ میں اطلاع دی کہ ترک اداکار انجین التان دو روزہ دورے پر لاہور پہنچ گئے ہیں –
ارطغرل کو چوہدری گروپ آف انڈسٹریز کے ایہم ڈی چوہدری محمد اسماعیل اور میاں کاشف ضمیر نے مدعو کیا ہے-
پاکستانی نژاد کینیڈین نژاد یوٹیوب اسٹار شاہ ویر جعفری نے فیشن ڈیزائنر عائشہ بیگ سےمنگنی کرکے اپنی زندگی کے نئے سفر کا آغاز کیا ہے۔
باغی ٹی وی :رواں ماہ کے شروع میں افواہیں سوشل میڈیا پر گردش کرنے لگی تھیں کہ شاہ ویر جعفری 9 دسمبر کو منگنی کرنے والے ہیں۔
اب انہوں نے ایک انسٹاگرام پوسٹ میں منگنی کی تصدیق کی اور اپنی منگیتر کی تصویر بھی شیئر کی۔
یوٹیوبر نے انسٹا گرام اکاؤنٹ پر اپنی ہم سفر عائشہ بیگ کے ہمراہ منگنی کی کچھ تصاویر شیئر کی ہیں جس کے کیپشن میں انہوں نے فخریہ لکھا کہ اب وہ دونوں منگنی شدہ ہیں۔
رپورٹس کے مطابق شاہ ویر جعفری اور عائشہ بیگ کی منگنی کی تقریب اسلام آباد میں منعقد ہوئی جس میں صرف قریبی رشتہ داروں اور دوستوں نے شرکت کی۔
واضح رہے کہ مزاحیہ ویڈیوز کی وجہ سے شہرت حاصل کرنے والے یوٹیب اسٹارشاہ ویر جعفری کے یوٹیوب پر اب تک 20 لاکھ جب کہ انسٹا گرام پر 10 لاکھ سے زائد فا لوورز ہیں۔ مقبولیت کی وجہ سے اکثر اُن کے مداح کسی نہ کسی لڑکی کے ساتھ جوڑنے کی کوشش کرتے رہے ہیں۔ جس میں ایک نام اداکارہ سارہ کی بہن نور خان کا بھی ہے جن کے ساتھ شاہ ویر کے تعلقات کی خبریں سامنے آئیں تھیں جس پر نور نے وضاحت دیتے ہوئے کہا تھا کہ ہم دونوں صرف ہیں اور شاہ ویر ان کے بھائی جیسے ہیں۔
پاکستان شوبز انڈسٹری کے سینئیر اداکار بہروز سبز واری نے کورونا کو شکست دے دی ہے-
باغی ٹی وی : حال ہی میں کورونا وائرس کی دوسری لہر کا شکار ہونے والے شوبز انڈسٹری کے سینئر اداکار بہروز سبزواری اسپتال سے ڈسچارج ہوگئے ہیں جس کی اطلاع اُن کے صاحبزادے شہروز سبزواری نے سوشل میڈیا کے ذریعے دی ہے۔
شہروز سبزواری نے اپنے انسٹاگرام اکاؤنٹ پرخصوصی اسٹوری شیئر کرتے ہوئے کہا کہ ہم یہاں پر اللہ تعالیٰ کے شُکر گزار ہیں کہ جس نے اپنی نبیﷺ کے صدقے ہم سب کی دُعاؤں کو قبول کرتے ہوئے میرے والد کو صحت و تندرستی عطا کی۔
اداکار نے کہا کہ میرے والد صاحب اسپتال سے ڈسچارج ہوکر گھر آگئے ہیں اور اب وہ پہلے سے کافی تندرست اور خوش ہیں۔
اُنہوں نے اپنی انسٹا اسٹوری میں اُن تمام لوگوں کا شکریہ بھی ادا کیا جنہوں نے بہروز سبزواری کے لیے دُعائیہ پیغامات جاری کیے تھے-
لاہور: سبزہ زار میں تھیٹر مالک کی مبینہ فائرنگ سے اسٹیج اداکارہ زخمی ہوگئی۔
باغی ٹی وی : پولیس کے مطابق لاہور کے علاقے سبزہ زار میں اقرا نامی اسٹیج اداکارہ موٹر سائیکل پر اپنے دیور کے ساتھ جارہی تھی کہ تھیٹر مالک نصیر نے اپنے 2 ساتھیوں کے ہمراہ اس پر فائرنگ کردی جس کے باعث اداکارہ زخمی ہوگئی۔
پولیس کا کہنا ہے کہ اداکارہ کی ٹانگ میں گولیاں لگی ہیں تاہم اسے اسپتال منتقل کردیا گیا ہے جب کہ ملزمان موقع سے فرار ہونے میں کامیاب ہوگئے۔
میڈیا رپورٹس کے مطابق دوسری جانب سی سی پی او لاہور محمد عمر شیخ نے اسٹیج اداکارہ پر فائرنگ کا نوٹس لے لیا اور ملزمان کی گرفتاری کا حکم دیتے ہوئے ایس پی صدر آپریشنز سے رپورٹ طلب کرلی۔
سی سی پی او لاہور نے کہا آرٹسٹوں کو مکمل تحفظ فراہم کیا جائے اور قانون ہاتھ میں لینے والوں سے آہنی ہاتھوں سے نمٹا جائے۔
پاکستان شوبز انڈسٹری کی عالمی شہرت یافتہ اداکارہ ماورا حسین کا کہنا ہے کہ انہوں نے سوشل میڈیا پر کی جانے والی بے جا تنقید سے تنگ آ کر ملک چھوڑنے کا فیصلہ کیا تھا اور سڈنی چلی گئی تھیں۔
باغی ٹی وی : ماورانے حال ہی میں میرا سیٹھی کو دیئے گئے انٹرویو میں اعتراف کیا کہ وہ ابتدا میں کس طرح سوشل میڈیا پر ہونے والی تنقید سے تنگ آ کر ڈپریشن میں چلی گئی تھیں اور اداکاری چھوڑنے کا فیصلہ کر کے سڈنی چلی گئیں تھیں-
ماوراحسین کا کہنا تھا کہ آج کل سوشل میڈیا ہماری زندگیوں میں شامل ہوگیا ہے لیکن سوشل میڈیا اکیلا کچھ نہیں ہے بلکہ اگر میں آج کام کرنا چھوڑ دوں تو میرے سوشل میڈیا اکاؤنٹ کا کوئی مطلب نہیں ہے۔
اداکارہ ماوراحسین نے کہا کہ تقریباً 10 سال تک سوشل میڈیا استعمال کرنے کے بعد مجھے احساس ہوا ہے کہ زندگی سوشل میڈیا پر ختم نہیں ہوجاتی۔
ماورا حسین نے سوشل میڈیا پر تنقید کے حوالے سے بات کرتے ہوئے کہا کہ اب انہیں یہ سب ہینڈل کرنا آگیا ہے لیکن شروع میں تنقید سننا بہت مشکل تھا ۔ مجھے آج سے 5 سال پہلے اس بات کا احساس ہوا کہ آپ کے منہ سے نکلی ہوئی کوئی غلط بات، غلط نہیں ہوتی بلکہ گناہ ہے۔
انہوں نے کہا کہ سوشل میڈیا پر رہتے ہوئے آپ غلطی نہیں کرسکتے کیونکہ آپ کی یہی بات پکڑ کر آپ کو شدید تنقید کا نشانہ بنایاجاتا ہے۔
اداکارہ نے انکشاف کیا کہ وہ سوشل میڈیا پر ہونے والی تنقید سے اتنی تنگ آگئی تھیں کہ انہوں نے سوشل میڈیا اکاؤنٹس بند کرکے اور اداکاری چھوڑ کر باہر ملک جانے کا فیصلہ کرلیا تھا اور سڈنی چلی گئی تھیں۔
ماورا نے کہا کہ اب انہیں سمجھ آگیا ہے کہ سوشل میڈیا کو کس طرح ہینڈل کرنا ہے کن باتوں پر ردعمل ظاہر کرنا ہے اور کن باتوں پر نہیں۔
واضح رہے کہ حال ہی میں اداکارہ ہانیہ عامر سوشل میڈیا کی وجہ سے پریشان اور رونے پر مجبور ہوگئیں تھیں ہانیہ عامر نے اپنی غمگین تصویر انسٹاگرام اکاؤنٹ پر شیئر کرتے ہوئے اعتراف کیا کہ کچھ کمنٹس پڑھ کر ان کو رونا آگیا انہوں نے مداحوں پر زور دیا کہ وہ صحیح اور دانشمندانہ الفاظ استعمال کیا کریں۔
ہانیہ عامر نے تصویر کے ساتھ پیغام میں لکھا کہ لفظوں میں طاقت ہوتی ہے وہ بنا بھی سکتے ہیں اور تباہ بھی کرسکتے ہیں لفظوں کو کیوں لوگوں کو گرانے کے لئے استعمال کیا جائے جبکہ انہی لفظوں سے آپ ایک دوسرے کو اوپر اٹھا سکتے ہیں۔
ہانیہ عامر نے اپنی پوسٹ میں مزید لکھا تھا کہ مطلبی ہونا آسان اور کمزوری ہے یہ آپ کے اپنے خوف اور عدم تحفظ کی تصویر ہوتا ہے جبکہ مہربان اور اچھا ہونا خوبصورت اور طاقت ہوتا ہے۔
انہوں نے اپنے پیغام کے آخر میں لوگوں سے اپیل کی تھی کہ اپنے لفظوں کا سمجھداری سے انتخاب کریں۔
پاکستان شوبز انڈسٹری کی نامور اداکارہ نیلم منیر بھی کورونا وائرس کا شکار ہوگئی ہیں۔
باغی ٹی وی :اداکارہ نیلم منیر نے سماجی رابطے کی ویب سائٹ انسٹاگرام پر ایک نوٹ شئیر کیا جس پر انہوں نے لکھا ہے کہ میں آپ سب کو کچھ ضروری باتیں بتانا چاہتی ہوں جن سے پچھلے چند روز سے میں گزر رہی تھی۔
اداکارہ نے لکھا کہ میرا کورونا وائرس کا ٹیسٹ پازیٹو آیا ہےجبکہ میرے تمام گھر والے بالکل صحت منداور محفوظ ہیں۔
اداکارہ نیلم منیر نے لکھا کہ میرے اور میرے اہل خانہ کے لیےیہ ایک بہت بڑا چیلنج ہے ہم سب اس وقت ایک مشکل ترین دور سے گزر رہے ہیں۔میں نے خود کو قرنطینہ کرلیا ہےاور الحمداللہ میں اب بہت بہتر محسوس کررہی ہوں۔
انہوں نے مزید لکھا کہ میں اپنے تمام چاہنے والوں سے ایپل کرتی ہوں کہ پلیز میری جلد صحتیابی کے لیے دعا کریں اس کے علاوہ میں آپ سب سے درخواست کرتی ہوں کہ کورونا وائرس سے بچاؤکی احتیاطی تدابیر کے تحت بنائی گئیں ایس او پیز پر لازمی عمل کریں اور کہیں بھی جائیں تو ماسک لازمی لگائیں۔
نیلم منیر نےآخر میں مزید لکھا کہ اپنی قوت معدافعت کو مزید بہتر کریں اور اللہ پر بھروسہ رکھیں۔
اداکارہ کی جانب سے شئیر کی گئی س پوسٹ پر صارفین کی جانب سے اُن کی جلد صحتیابی کے لیے دعائیں بھی کی جارہی ہیں۔
پاکستان شوبز انڈسٹری کی نامور ادکارہ و ماڈل ایمن خان نے فوربز ایشیا 2021 کا حصہ بننے پر خوشی کا اظہار کیا ہے۔
باغی ٹی وی :انسٹاگرام پر سب سے زیادہ فالوورز رکھنے والی اداکارہ نے اسے حوالے سے سوشل میڈیا پر ایک پوسٹ شیئر کی جس میں انہوں نے فوربز کی جانب سے ان کے بارے میں لکھی گئی اسٹیٹمنٹ موجود تھی۔
ایمن خان نے اپنے پیغام میں لکھا کہ وہ فوربز ایشیا کا حصہ بننے پر خوش ہیں اور اسے اپنے لیے ایک اعزاز سمجھتی ہیں۔
انہوں نے فوربز ایشیا 2012 کا حصہ بننے والے دیگر دو فنکاروں اداکارہ ماہرہ خان اور گلوکار عاطف اسلم کو بھی اس کی مبارکباد پیش کی۔
ایمن نے لکھا کہ میں اس سے زیادہ اور خوش نہیں ہوسکتی کہ میں اپنے پسندیدہ فنکاروں کے ساتھ اس کا حصہ ہوں۔
دوسری جانب فوربز نے اپنے پیغام میں لکھا تھا کہ ایمن خان 80 لاکھ سے زائد فالوورز کے ساتھ انسٹاگرام پر سب سے زیادہ فینز رکھنے والی پاکستانی اداکارہ ہیں۔ ایمن اور ان کی جڑواں بہن منال خان انسٹاگرام پر اپنا کلودنگ برانڈ ایمن منال کلوزیٹ چلاتی ہیں۔ جس کے تقریباً 2 لاکھ 49 ہزار فالوورز ہیں۔ گزشتہ برس ایمن خان کو ڈراما سیریل ’باندی‘ اور ’عشق تماشا‘ میں بہترین اداکارہ کے لیے ہم ایوارڈز میں نامزد کیا گیا تھا۔
منال کی اس پوسٹ پر ساتھی ادکاراؤں سمیت مداحوں کی جانب سے مبارکباد کا سلسلہ جاری ہے اور اداکارہ کے لئے نیک تمناؤں کا اظہار کیا جا رہا ہے-
واضح رہے کہ امریکی جریدے فوربز نے رواں سال ایشیا پیسیفک کے 100 بااثر ترین فنکاروں کی فہرست جاری کی ہے۔ جن کے سوشل میڈیا پر نہ صرف لاکھوں کی تعداد میں فالوورز ہیں ان کو ان کے کام، ان کی جانب سے انسانی حقوق پر واضح مؤقف، معاشرے میں بہتری لانے کی کاوشوں اور ان کے اقدامات کے معاشرے پر پڑنے والے اثرات کا جائزہ لے کر انہیں فہرست کا حصہ بنایا گیا ہے۔
100ڈیجیٹل اسٹارز کی ’فوربز‘ کی پہلی فہرست میں مجموعی طور پر ایشائی ممالک کی 100 شوبز، فیشن، ٹیکنالوجی، اسپورٹس و لگژری برانڈز کی ایسی شخصیات کو شامل کیا گیا ہے جو سوشل میڈیا پر اپنی پوسٹس سے سماج اور لوگوں پر اثر انداز ہوتے ہیں۔
با لی وڈ میگا اسٹار امیتابھ بچن، مادھوری ڈکشٹ، شاہ رخ خان، اکشے کمار، کترینہ کیف، انوشکا شرما، جیکولین فرنانڈس، شاہد کپور، عالیہ بھٹ، رنویر سنگھ، شریا گوشل، نیہا ککڑ اور ہریتھک روشن سمیت دیگر بھارتی شخصیات کو بھی فہرست میں شامل کیا گیا ہے۔
فہرست میں سب سے زیادہ چین کی شخصیات شامل ہیں جب کہ فہرست میں جنوبی کوریا، ہانگ کانگ، سنگاپور، ملائیشیا، انڈونیشیا، آسٹریلیا اور ایران سمیت دیگر ممالک کی شخصیات کو بھی شامل کیا گیا ہےفہرست میں شامل کی گئی –
نہ صرف شخصیات بلکہ برانڈز، گروپس اور بینڈز کو بھی لسٹ میں شامل کیا گیا ہے اور پہلے نمبر پر جنوبی کوریا کے خواتین کے میوزیکل بینڈ بلیک پنک کو رکھا گیا ہے، اسی فہرست میں جنوبی کورین بینڈ بی ٹی ایس کو بھی شامل کیا گیا ہے۔
فہرست میں ہولی وڈ اداکارہ 40 سالہ ربل ولسن کو بھی شامل کیا گیا ہے جو اصل میں آسٹریلوی ہیں، اسی فہرست میں آسٹریلوی نژاد ہولی وڈ ہیرو کرس ہیمس ورتھ کو بھی شامل کیا گیا ہے وہیں پاکستانی فنکاروں ماہرہ خان ایمن خان اور عاطف اسلم بھی اس فہرست میں اپنی جگہ بنانے میں کامیاب ہو ئے ہیں-
پاکستانی وزیر اعظم عمران خان کے مشہور جملے ’گھبرانا نہیں ہے‘ پر بنائی جانے والی فلم کی شوٹنگ رواں برس مارچ کورونا وائرس کی وجہ سے روک دی گئی تھی تاہم اب فلم کی شوٹنگ کا دوبارہ آغاز کردیا گیا اور فلم کی ٹیم کو اُمید ہے کہ اسے آئندہ سال کے وسط یا اختتام تک ریلیز کردیا جائے گا۔
باغی ٹی وی :میڈیا رپورٹس کے مطابق کورونا کی دوسری لہر کے باوجود سخت احتیاطی تدابیر کے ساتھ فلم ’گھبرانا نہیں ہے‘ کی شوٹنگ صوبہ سندھ کے دارالحکومت کراچی میں جاری ہے۔
فلم گھبرانا نہیں ہے‘ کی شوٹنگ اس وقت کراچی کے ضلع ملیر میں جاری ہے، جہاں پر فلم کے مرکزی اور اہم سین فلمائے جانے ہیں۔
فلم کی شوٹنگ، کہانی، اداکاری اور فلم سے وابستہ توقعات سے متعلق بات کرتے ہوئے فلم پروڈیوسر جبران بیگ نے بتایا کہ مذکورہ فلم صرف کامیڈی پر مشتمل نہیں ہے بلکہ یہ ایک اہم سماجی مسئلے پر مبنی ہے۔
انہوں نے بتایا کہ فلم کی کہانی خواتین کی خودمختاری اور خواتین کو طاقتور بنانے کے گرد گھومتی ہے اور فلم میں نہ صرف سماجی بلکہ سیاسی مسائل کو بھی منفرد اور ہلکے پھلکے انداز میں دکھایا گیا ہے فلم کی کہانی ایک بیٹی اور ان کے والد کے گرد گھومتی ہے اور ان کا خاندان جب مشکل میں پھنس جاتا ہے تو بیٹی والد کو کہتی ہیں کہ ’گھبرانا نہیں ہے‘ وہ مسئلے کو حل کرنے کے لیے موجود ہیں۔
فلم ’گھبرانا نہیں ہے‘ کی کاسٹ میں صبا قمر، سید جبران، زاہد احمد اور نیر اعجاز سمیت دیگر اداکار شامل ہیں جب کہ اس فلم کی ہدایات کے ذریعے ثاقب خان ڈائریکٹوریل ڈیبیو کریں گے۔
جبکہ فلم’گھبرانا نہیں ہے‘ کو نیوپلیکس سینما کے مالک، صنعت کار جبران بیگ پروڈیوسر حسن ضیا کے ساتھ پروڈیوس کر رہے ہیں-
امریکی گیت نگار و موسیقار 79 سالہ باب ڈیلن نے اپنے تمام 600 گیتوں کے مالکانہ حقوق ہالی وڈ میوزک پروڈکشن ہاؤس کو فروخت کردیئے۔
باغی ٹی وی :خبر رساں ادارے ایسوسی ایٹڈ پریس (اے پی) کے مطابق ہالی وڈ کے میوزک و فلم پروڈکشن کمپنی یونیورسل میوزک نے 7 دسمبر کو تصدیق کی کہ اس نے باب ڈیلن کے گانوں کو خرید لیا۔
میوزک کمپنی نے اگرچہ باب ڈیلن کے گانوں کے مالکانہ حقوق حاصل کیے جانے سے متعلق کوئی وضاحت جاری نہیں کی تاہم تصدیق کی گئی کہ اب گیت نگار و موسیقار کے 600 ہی گانے ان کی ملکیت بن گئے۔
باب ڈیلن اور یونیورسل میوزک کے درمیان ہونے والے معاہدے کی رقم بھی نہیں بتائی گئی تاہم میوزک و فلم انڈسٹری کے کاروباری تجزیہ نگاروں کا خیال ہے کہ معاہدہ 30 کروڑ سے 50 کروڑ ڈالر کے درمیان طے ہوا ہوگا۔
امریکا کے اقتصادی جرائد و اخباروں نے بھی تجزیہ نگاروں کا حوالہ دیتے ہوئے بتایا کہ باب ڈیلن اور یونیورسل میوزک کے درمیان معاہدہ 9 اعداد کی رقم میں ہوا ہوگا، جس کا مطلب یہ ہے کہ معاہدے کی رقم ایک ارب ڈالر سے کم ہے مگر معاہدہ بہت بھاری رقم میں طے ہوا ہوگا۔
اگر باب ڈیلن اور یونیورسل میوزک کے درمیان مذکورہ معاہدہ 30 کروڑ ڈالر میں بھی ہوا ہے تو یہ رقم پاکستانی تقریبا 50 ارب روپے کے قریب بنتی ہے اور اگر یہ معاہد 50 کروڑ ڈالر میں ہوا ہے تو اس کی رقم لگ بھگ 80 ارب روپے بنے گی۔
معاہدے کے تحت اب یونیورسل میوزک کمپنی کو یہ حق حاصل ہوگیا کہ وہ گیت نگار کے گانوں کو فلموں، ڈراموں، ویب سیریز، گیمز اور ریئلٹی شوز سمیت اپنے فیسٹیولز میں بھی پیش کر سکتی ہے۔
واضح رہے کہ باب ڈیلن دنیا کے وہ واحد گیت نگار و موسیقار ہیں جنہیں 2016 میں ان کے شہرہ آفاق گیتوں کی وجہ سے ادب کا نوبیل انعام دیا گیا تھا۔
باب ڈیلن کو ادب کا نوبیل انعام دیے جانے پر نوبیل کمیٹی کو تنقید کا نشانہ بھی بنایا گیا تھا کیوں کہ کروڑوں لوگوں کا خیال ہے کہ گیت لکھنا یا گیتوں کو تیار کرنا ادب کا حصہ نہیں تاہم نوبیل کمیٹی نے باب ڈیلن کو ان کے شاندار گیتوں کے عوض نوبیل انعام دیا اس سے قبل بھی وہ میوزک کے متعدد ایوارڈز جیت چکے تھے۔
باب ڈیلن نوبیل انعام جیتنے سے قبل ہی آسکر، گریمی، گولڈن گلوب اور صدارتی فریڈم میڈل جیتنے کے علاوہ متعدد ایوارڈز جیت چکے تھےباب ڈیلن کا گیت نگاری کا کیریئر نصف صدی سے زائد عرصے پر محیط ہےانہیں ہر وقت کا دنیا کا عظیم گیت نگار بھی کہا جاتا ہے۔
باب ڈیلن نے 1960 سے قبل ہی گیت نگاری میں شہرت حاصل کرلی تھی اور اس وقت ان کے گانے انسانی حقوق کی ریلیوں اور جلسوں میں ترانوں کی صورت میں گائے جاتے تھے۔
باب ڈیلن کے 600 کے قریب گانوں کو دنیا بھر کے درجنوں آرٹسٹ نے تقریبا 6 ہزار مختلف اندازوں میں گایا ہے اور ان کے متعدد گانوں کو ہر دور کے بہترین گانوں کا اعزاز بھی حاصل ہے جبکہ باب ڈیلن کو مغربی موسیقی میں ایک ادارے کی حیثیت بھی حاصل ہے اور بڑے گلوکاروں و موسیقاروں کی خواہش رہتی ہے کہ وہ ان کے ساتھ کام کریں۔
ماہرہ خان، ایمن خان اور عاطف اسلم ایشیا پیسیفک کے 100 بااثر ترین ڈیجیٹل اسٹارز کی فہرست میں شامل ہوگئے۔
باغی ٹی وی : امریکی جریدے فوربز نے رواں سال ایشیا پیسیفک کے 100 بااثر ترین فنکاروں کی فہرست جاری کی ہے۔ جن کے سوشل میڈیا پر نہ صرف لاکھوں کی تعداد میں فالوورز ہیں ان کو ان کے کام، ان کی جانب سے انسانی حقوق پر واضح مؤقف، معاشرے میں بہتری لانے کی کاوشوں اور ان کے اقدامات کے معاشرے پر پڑنے والے اثرات کا جائزہ لے کر انہیں فہرست کا حصہ بنایا گیا ہے۔
100ڈیجیٹل اسٹارز کی ’فوربز‘ کی پہلی فہرست میں مجموعی طور پر ایشائی ممالک کی 100 شوبز، فیشن، ٹیکنالوجی، اسپورٹس و لگژری برانڈز کی ایسی شخصیات کو شامل کیا گیا ہے جو سوشل میڈیا پر اپنی پوسٹس سے سماج اور لوگوں پر اثر انداز ہوتے ہیں۔
با لی وڈ میگا اسٹار امیتابھ بچن، مادھوری ڈکشٹ، شاہ رخ خان، اکشے کمار، کترینہ کیف، انوشکا شرما، جیکولین فرنانڈس، شاہد کپور، عالیہ بھٹ، رنویر سنگھ، شریا گوشل، نیہا ککڑ اور ہریتھک روشن سمیت دیگر بھارتی شخصیات کو بھی فہرست میں شامل کیا گیا ہے۔
فہرست میں سب سے زیادہ چین کی شخصیات شامل ہیں جب کہ فہرست میں جنوبی کوریا، ہانگ کانگ، سنگاپور، ملائیشیا، انڈونیشیا، آسٹریلیا اور ایران سمیت دیگر ممالک کی شخصیات کو بھی شامل کیا گیا ہےفہرست میں شامل کی گئی –
نہ صرف شخصیات بلکہ برانڈز، گروپس اور بینڈز کو بھی لسٹ میں شامل کیا گیا ہے اور پہلے نمبر پر جنوبی کوریا کے خواتین کے میوزیکل بینڈ بلیک پنک کو رکھا گیا ہے، اسی فہرست میں جنوبی کورین بینڈ بی ٹی ایس کو بھی شامل کیا گیا ہے۔
فہرست میں ہولی وڈ اداکارہ 40 سالہ ربل ولسن کو بھی شامل کیا گیا ہے جو اصل میں آسٹریلوی ہیں، اسی فہرست میں آسٹریلوی نژاد ہولی وڈ ہیرو کرس ہیمس ورتھ کو بھی شامل کیا گیا ہے وہیں پاکستانی فنکاروں ماہرہ خان ایمن خان اور عاطف اسلم بھی اس فہرست میں اپنی جگہ بنانے میں کامیاب ہو ئے ہیں-
ماہرہ خان کا شمار پاکستان میں سوشل میڈیا پر سب سے زیادہ فالوورز رکھنے والی اداکاراؤں میں ہوتا ہے۔ ان کے انسٹاگرام پر تقریباً 7 ملین اور فیس بک پر 4 ملین سے زیادہ فالوورز ہیں۔ ماہرہ خان نے رواں سال اپنے سوشل میڈیا اکاؤنٹس کو دماغی صحت کے مسائل، خواتین پر تشدد اور چھاتی کے کینسر سے متعلق آگاہی پھیلانے کے لیے استعمال کیا۔
پاکستان کے مقبول ترین گلوکار و اداکار عاطف اسلم کے انسٹاگرام پر 5.3 ملین فالوورز ہیں۔ انہوں نے رواں سال مئی میں کورونا وبا کے دوران لوگوں میں امید جگانے اور لوگوں کی حوصلہ افزائی کے لیے’اسما الحسنیٰ‘ ریلیز کیاتھا جس میں انہوں نے خد اکے 99 ناموں کی تلاوت کی تھی۔ یوٹیوب پراس ویڈیو کو 22 ملین (2کروڑ 20 لاکھ) سے زائد لوگوں نے دیکھا تھا۔
عاطف اسلم کے فیس بک پر تقریباً 20 ملین فالوورز ہیں انہوں نے اپنے سوشل میڈیا اکاؤنٹس کے ذریعے لوگوں کو گھروں میں رہنے پر زور دیا کہ وہ کورونا وائرس کے پھیلاؤ کو روکنے کے لیے گھروں پر ہی رہیں۔
ایمن خان 7.7 ملین فالوورز کے ساتھ انسٹاگرام پرپاکستان کی سب سے زیادہ فالو کی جانے والی اداکارہ ہیں۔ ایمن اور ان کی جڑواں بہن منال خان انسٹاگرام پر اپنا کلودنگ برانڈ ایمن منال کلوزیٹ چلاتی ہیں۔ جس کے تقریباً 2 لاکھ 49 ہزار فالوورز ہیں۔ گزشتہ برس ایمن خان کو ڈراما سیریل ’باندی‘ اور ’عشق تماشا‘ میں بہترین اداکارہ کے لیے ہم ایوارڈز میں نامزد کیا گیا تھا۔