Category: شوبز

سوشل میڈیا اسٹار ناصر خان جان کا کہنا ہے کہ اُن کے اور شاہ رخ خان کے درمیان کوئی فرق نہیں ہے۔

باغی ٹی وی : سوشل میڈیا اسٹار ناصر خان جان نے سماجی رابطے کی ویب سائٹ انسٹاگرام پر ایک دلچسپ پوسٹ شیئر کی ہے جس سے مداح خوب محفوظ ہو رہے ہیں-

انسٹاگرام پر شیئر کی گئی پوسٹ میں ناصر خان جان نے دو تصاویر پر مبنی ایک فوٹو کولاج شیئر کیا ہے جس میں ایک تصویر ناصرخان جان کی ہے جبکہ دوسری تصویر بالی وڈ سُپر اسٹار کنگ شاہ رخ خان کی ہے۔

ناصر خان جان نے فوٹو کولاج شیئر کرتے ہوئے کہا کہ دونوں خانز کے درمیان کسی قسم کا کوئی فرق نہیں ہے۔

سوشل میڈیا اسٹار نے اپنی پوسٹ میں ہیش ٹیگ شاہ رخ خان کا بھی استعمال کیا جبکہ صارفین سے اُنہیں اپنے دوستوں کو ٹیگ کرنے کے لیے کہا۔

ناصر خان جان کی اس انوکھی پوسٹ پر انسٹاگرام صارفین کی جانب سے مزاحیہ تبصروں کا سلسلہ جاری ہے۔

سوشل میڈیا اسٹار نے قائد اعظم کے اسٹیچو کے ساتھ ایک تصویر شئیر کی اور لکھا کہ قائداعظم کے ساتھ-

واضح رہے کہ مزاحیہ ویڈیوز اور مداحوں کو اپنے مخصوص اور منفرد انداز میں سالگرہ کی مبارکباد دینے کی وجہ سے ناصر خان جان کا شمار پاکستان کے سوشل میڈیا اسٹارز میں ہوتا ہے۔

معروف یوٹیوبر شاہ ویر جعفری سے متعلق سوشل میڈیا پر یہ خبر زیر گردش ہے کہ وہ رواں ماہ منگنی کرنے والے ہیں۔

باغی ٹی وی : خوبصورت اور نوجوان یوٹیوبر شاہ ویرجعفری نے پوری دنیا کی طرح پاکستان میں بھی اپنا نام روشن کیا ہے۔ وہ اپنے منفرد انداز کی وجہ سے منفرد پہچان بنائی ہے یوٹیوبر کو لاکھوں لوگ فالو کرتے ہیں-

دُنیا بھر میں مقبولیت کے جھنڈے گاڑنے والے یوٹیوبر شاہ ویر جعفری کی منگنی سے متعلق سوشل میڈیا پر کچھ خبریں زیرِ گردش ہیں کہ وہ رواں ماہ منگنی کرنے والے ہیں-

سوشل میڈیا پر شاہ ویر جعفری کی منگنی کے کارڈ کی ایک تصویر وائرل ہو رہی ہے جس کے مطابق وہ رواں ماہ 9 دسمبر کو عائشہ بیگ نامی لڑکی سے منگنی کریں گے۔

ذرائع کے مطابق عائشہ بیگ پیشہ کے لحاظ سے ڈیزائنر ہیں اُن کا ’عائشہ بیگ کوؤچر‘ کے نام سے انسٹاگرام پر ایک پیچ بھی ہے۔

تاہم شاہ ویر جعفری کی جانب سے ابھی تک اُن کی منگنی کی افواہوں کی تردید یا تصدیق سامنے نہیں آئی ہے۔

بالی وڈ سپر اسٹار سلمان خان کو راجستھان کے شہر جودھپور کی عدالت نے سیاہ ہرنوں کے غیر قانونی شکار کے کیس میں ریلیف دیتے ہوئے عدالت میں پیشی سے استثنیٰ دیدیا ہے اور اب اس کیس کی اگلی سماعت 16جنوری کوکی جائے گی۔

باغی ٹی وی : بھارتی میڈیا رپورٹ کے مطابق اداکار سلمان خان کو بلیک بک پوچینگ کیس میں عدالت پیشی سے استثنیٰ دے دیا گیا ہے۔ اداکار کے وکیل نے عدالت کے روبرو ایک درخواست جمع کرائی تھی جس میں عدلیہ سے درخواست کی گئی تھی کہ وہ کچھ ریلیف دے اور جب تک COVID معاملات میں واضح کمی واقع نہ ہو اس وقت تک انہیں پیش نہ ہونے دیں۔

جس پر عدالت نے دو روز قبل منگل کو درخواست کی استثنیٰ کی اجازت دی اور اگلی سماعت 16 جنوری کو شیڈول کردی۔

واضح رہے کہ سلمان کے ساتھ سیف علی خان ، تبو ، سونالی بنڈری ، اور نیلم کو بھی بلیک بک شکاری کیس میں ملزم بنایا گیا تھا۔ تاہم ، سلمان کے علاوہ ، باقی سب کو بھی شک کی بنا پر ٹرائل کورٹ نے بری کردیا تھا-

سلمان خان اور ان کے خاندان کا کورونا وائرس ٹیسٹ نیگیٹو آ گیا

جبکہ سلمان خان کو ٹرائل کورٹ نے اس کیس میں 5 اپریل 2018 کو سیاہ ہرنوں کے غیرقانونی شکار پر پانچ سال قید کی سزا سنائی تھی۔ تاہم ، اداکار نے جودھ پور ضلع اور سیشن عدالت میں اس فیصلے کو چیلنج کیا اور سزا کی معطلی مل گئی۔ اس کے بعد عدالت نے انہیں ضمانت دے دی تھی-

یاد رہے کہ یہ واقعہ راجشری فلمز ’’ ہم ساتھ ساتھ ہیں ‘‘ کی شوٹنگ کے دوران پیش آیا تھا اب اب عدالت نے اس کیس میں سلمان خان کو عدالت میں پیشی کے حوالے سے استثنیٰ دیدیا ہے۔

خیال رہے کہ سیاہ ہرن معدومی کے خطرے سے دوچار جانوروں میں شامل ہے اور ان کا شکار خلاف قانون ہے۔

سلمان خان کون سے کھانوں کو تر جیح دیتے ہیں

سلمان خان نے کورونا کے خطرے کے پیش نظر خود کو آئسولیٹ کرلیا

دنیا کی کم عمرترین نوبل انعام یافتہ ملالہ یوسفزئی نے بھی ویڈیوشیئرنگ ایپ ٹک ٹاک کوجوائن کرلیا –

باغی ٹی وی : ملالہ یوسفزئی نے اپنی پہلی ٹک ٹاک ویڈیومیں اپنا تعارف کروانے کے ساتھ اپنی پسندیدہ چیزوں کے بارے میں بتایا اوراس ویڈیو کو انسٹاگرام پر بھی شیئر کیا۔

ملالہ یوسفزئی نے 56 سیکنڈ کے دورانیے کی ویڈیومیں اپنا تعارف کرواتے ہوئے کہا ہائے ٹک ٹاک میرا نام ملالہ یوسفزئی ہے میں 23 سال کی ہوں اورلڑکیوں کی تعلیم کے حوالے سے کام کرتی ہوں۔

ملالہ نے کہا کہ شاید آپ میں سے کچھ لوگ مجھے پہلے سےجانتے ہوں گے شاید آپ میں سے کچھ لوگوں نے میری اقوام متحدہ میں کی گئی تقریر سنی ہو یا شاید کچھ لوگوں نے میری کتاب ’آئی ایم ملالہ‘ پڑھی ہو۔

ہوسکتا ہے آپ میں سے کچھ لوگ مجھے نہ جانتے ہوں تو میں یہاں خود کو متعارف کرواؤں گی۔ میں نے حال ہی میں آکسفورڈ یونیورسٹی سے گریجویٹ کیا ہے مجھے شوز اور کامیڈی پسند ہے اس کے علاوہ کتابیں پڑھنا بھی اچھا لگتا ہے۔اس کے علاوہ میں گزشتہ 12 برس سے دنیا بھر کی لڑکیوں کی تعلیم اور محفوظ معیار تعلیم کے لیے سرگرم عمل ہوں۔

ملالہ نے اپنی ویڈیو میں لوگوں سے امریکا میں فنڈ اکھٹا کرنے والی مہم ’گیونگ ٹیوزڈے‘ میں چندہ دینے کی اپیل کی اس کے علاوہ انہوں نے لوگوں سے ملالہ فنڈ کو سپورٹ کرنے کی بھی گزارش کی-

واضح رہے کہ ملالہ یوسفزئی نے رواں سال آکسفورڈ یونیورسٹی سے فلاسفی، سیاست اور اکنامکس میں گریجویشن کی ڈگری حاصل کی ہے-

پاکستان شوبز انڈسٹری کی معروف ماڈل و اداکارہ ربیعہ چوہدری نے موسیقار و گلوکار میکال حسن سے طلاق لے لی ہے۔

باغی ٹی وی : سماجی رابطے کی ویب سائٹ انسٹاگرام پر ربیعہ چوہدری نے خود اپنی طلاق سے متعلق کھل کر اظہار کیا ہے 2016 میں گلوکار میکال حسن سے رشتہ ازدواج میں منسلک ہونے والی ربیعہ چوہدری نے اپنی شادی کی تقریب اور نجی زندگی کو کافی حد تک پرائیوٹ ہی رکھا تھا۔

حال ہی میں ربیعہ نے طلاق کے حوالے سے معاشرے کی سوچ پر بات کرتے ہوئے کہا کہ ہم لڑکیوں کو طلاق لینے پر اتنا بیچارہ کیوں بنا دیتے ہیں، ایسا کیوں لگتا ہے کہ اب لڑکی کی زندگی ختم ہوگئی، ہائے بیچاری کے ساتھ یہ کیا ہوگیا، ہائے بیچاری کی زندگی تباہ ہوگئی طلاق کا مطلب ہمیشہ دکھ اور موت نہیں ہوتا ہے-

انہوں نے کہا کہ یہ بھی تو ہوسکتا ہے کہ طلاق وقت پر لینے کی وجہ سے اس کی باقی زندگی تباہ ہونے سے بچ گئی ہو۔

ربیعہ چوہدری نے اپنی زندگی کے بارے میں بتایا کہ یہ سچ ہے کہ میں نے پسند سے شادی کی اور میں اپنی شادی سے بہت خوش تھی لیکن شادی کے فوراً بعد ہی مجھے اپنی غلطی کا احساس ہوا اور میں نے کچھ ہی وقت میں طلاق لے لی۔

اداکار فیروز خان اور ان کی اہلیہ علیزہ فاطمہ نے بھی راہیں جدا کر لیں؟

ربیعہ چوہدری نے کہا کہ میں کبھی نہیں چاہتی تھی کہ اس موضوع پر بات کروں یا اپنی ذاتی زندگی کو سامنے لاؤں لیکن یہ صرف میں نہیں لکہ ہزاروں عورتیں ہیں جو اس وقت سے گزرتی ہیں اور اکثر خود کو الزام دیتی ہیں کہ ان کی شادی چل نہیں پائی۔

اداکارہ نے لکھا کہ انہیں یہ بتایا جاتا ہے تم میں کوئی مسئلہ ہے، ایک اچھی بیوی کے ماڈل میں فٹ ہونے کے لیے تمہیں خود کو بدلنا ہوگااور یہ سوچ اکثر لڑکیوں کی شخصیت کو ختم کردیتی ہے۔

فرحان سعید اور عروہ حسین نے شادی کےچار سال بعد راستے جدا کر لئے

انہوں نے کہا کہ میں اپنیا س تحریر کے ذریعے ان لڑکیوں کو ہمت دینا چاہتی ہوں جو طلاق کے بعد خود میں ہی غلطیاں تلاش کرکے اپنی شخصیت کو کھو دیتی ہیں، درحقیقت وہ زندگی ان کے لیے مناسب ہی نہیں ہوتی اس لیے ان کا الگ ہونا ہی بہتر ہوتا ہے۔

اپنی پوسٹ کے آخر میں ربیعہ نے لکھا کہ کچھ تو لوگ کہیں گے، لوگوں کا کام ہے کہنا، چھوڑو بیکار کی باتوں میں کہیں بیت نا جائے رینا-

فیروز خان اور علیزے فاطمہ کی علیحدگی کی وجہ ہانیہ عامرہیں سوشل میڈیا صارفین