پاکستان تحریک انصاف کے رہنما، رکن قومی اسمبلی،مذہبی سکالر اور میزبان عامر لیاقت حسین کو کورونا وائرس کے باعث طبیعت بگڑنے پر ہسپتال منتقل کردیا گیا۔

باغی ٹی وی : عامر لیاقت کی اہلیہ طوبیٰ عامر نے سماجی رابطے کی ویب سائٹ ٹوئٹر پر عامرلیاقت کی ہسپتال سے لی گئی تصاویر شئیر کیں اور ٹوئٹ میں بتایا کہ گزشتہ ہفتے ہم دونوں میں کورونا وائرس کی تصدیق ہوئی تھی۔

We had tested Covid positive last week but his health has now deteriorated to a point where his chest is badly infected. It’s my birthday today but there is nothing to celebrate as he is terribly sick & hospitalised,pls pray for us. It’s a difficult time.Cant see him like this https://t.co/PUrPFENoQ6

— Syeda Tuba Anwar (@syedatubaanwar) November 14, 2020

طوبیٰ عامر نے بتایا کہ اب عامر لیاقت حسین کی طبعیت اس قدر بگڑ گئی ہے کہ انہیں سانس لینے میں دشواری کا سامنا ہے۔

طوبیٰ عامر کا کہنا تھا کہ میری سالگرہ ہے لیکن ہم سیلیبریٹ نہیں کرسکتے کیونکہ عامر لیاقت شدید بیمار ہیں اور ہسپتال میں داخل ہیں-

ان کا کہنا تھا کہ برائے کرم ہمارے لیے دعا کریں یہ مشکل وقت ہے میں انہیں ایسے نہیں دیکھ سکتی۔

مرے ورد لب ہے نبی نبی
مرا دل مقام حبیب ہے
میں مریض عشق رسول ہوں
وہ حبیب میرا طبیب ہے !!

ہاتھ جوڑ کر دعاؤں کی گذارش

کیونکہ میں کورونا سے

لڑ نہیں رہاہوں پناہ مانگ رہا ہوں pic.twitter.com/1wOkyjreT5

— Aamir Liaquat Husain (@AamirLiaquat) November 14, 2020

علاوہ ازیں عامر لیاقت حسین کے اکاؤنٹ سے بھی ٹوئٹ کی گئی جس میں انہوں نے کہا کہ ہاتھ جوڑ کر دعاؤں کی گزارش ہے کیونکہ میں کورونا سے لڑ نہیں رہا بلکہ پناہ مانگ رہا ہوں-

ڈاکٹرعامر لیاقت اہلیہ طوبیٰ عامر سمیت کرونا وائرس کا شکار

خیال رہے کہ 5 نومبر کو عامر لیاقت حسین نے سماجی رابطے کی ویب سائٹ ٹوئٹر پر کی گئی ایک ٹوئٹ میں کورونا وائرس کا شکار ہونے کی تصدیق کی تھی۔

رکن قومی اسمبلی نے اپنی ٹوئٹ میں لکھا تھا کہ وہ اور ان کی اہلیہ سیدہ طوبیٰ عامر کووڈ-19 کے حملے کی زد میں ہیں۔

اس کے ساتھ ہی انہوں نے بیماری اور صحت سے متعلق قرآن شریف کی آیت شیئر کرتے ہوئے اسے وائرس کا علاج قرار دیا تھا۔

پاکستان فلم انڈسٹری کے سینئر ڈائریکٹر اقبال کاشمیری انتقال کر گئے۔

باغی ٹی وی : تفصیلات کے مطابق سینئر ڈائریکٹر اقبال کاشمیری گردوں کے عارضے میں مبتلا تھے جس کے باعث وہ گزشتہ ایک ہفتے سے لاہور کے اسپتال میں زیرِ علاج تھے-

اقبال کاشمیری گزشتہ کئی روز سے علیل ہونے کے باعث اسپتال میں داخل تھے تاہم گزشتہ روز ان کی حالت تشویشناک ہوگئی تھی۔ وہ گردے اور جگر کے عارضے میں مبتلا تھےاقبال کاشمیری کے اہل خانہ نے مداحوں سے ان کی صحت یابی کے لیے دعاؤں کی اپیل بھی کی تھی۔

واضح رہے کہ اقبال کاشمیری نے سوگوران میں 4 بیٹیاں اور 2 بیٹے چھوڑے ہیں۔

یاد رہے کہ سن 1942 میں لاہور میں پیدا ہونے والے پاکستان فلم انڈسٹری کے لیجنڈ ہدایت کار اقبال کاشمیری نے ٹیکسی ڈرائیور، بابل، ضدی، اور بلیک وارنٹ سمیت لاتعداد اردو اور پنجابی فلموں کی ہدایت کاری دی تھی۔

پاکستان شوبز انڈسٹری کی مقبول ترین جوڑی ایمن خان اور منیب بٹ بھی دیگر اداکاروں کی طرح چھٹیاں گُزارنے کے لیے ترکی روانہ ہو گئے۔

باغی ٹی وی : معروف اداکار منیب بٹ نے سوشل میڈیا ویب سائٹ انسٹاگرام پر اپنی اور اہلیہ ماڈل و اداکارہ ایمن خان کی ترکی روانگی کی تصویر پوسٹ کی ہے جس میں دونوں پرواز میں موجود ہیں۔

منیب بٹ کی جانب سے پوسٹ کی گئی تصویر میں اُنہوں نے سیاہ رنگ کی ٹی شرٹ اور جینز زیب تن کی ہوئی ہے جبکہ ایمن خان گرے ٹی شرٹ اور جینز میں ملبوس ہیں۔

اداکار نے مداحوں کو اپنے دورے سے متعلق آگاہ کرتے ہوئے کیپشن میں لکھا کہ ہم ایک طویل عرصے کے بعد چھٹیاں گُزارنے جا رہے ہیں۔

اُنہوں نے اپنی پوسٹ کے کیپشن میں ہیش ٹیگ ترکی بھی استعمال کیا جس سے واضح ہوتا ہے کہ دونوں سیر سپاٹے کرنے کے لیے پاکستان کے دوست ملک ترکی جا رہے ہیں۔

دوسری جانب اداکارہ ایمن خان نے بھی اپنے انسٹاگرام اکاؤنٹ پر منیب بٹ کے ہمراہ پرواز کی وہی تصویر پوسٹ کی ہے۔

ایمن خان نے اپنی پوسٹ کے کیپشن میں صرف ہیش ٹیگ VacationMode استعمال کیا۔

واضح رہے کہ ایمن خان اور منیب بٹ سال 2018 میں رشتۂ ازدواج میں منسلک ہوئے تھے جبکہ گزشتہ سال اُن کے ہاں امل کی پیدائش ہوئی تھی ایمن خان اور منیب بٹ کی بیٹی امل رواں سال 30 اگست کو ایک برس کی ہوئی تھیں۔

خیال رہے کہ رواں سال پاکستان کے نامور فنکاروں نے سیر و تفریح کے لیے تُرکی کا رُخ کیا ہے اُن فنکاروں میں عدنان صدیقی، کنزہ ہاشمی، ایمان علی، عمران عباس ، آئمہ بیگ ،سعدیہ خان، شنیرا اور وسیم اکرم سمیت دیگر اداکار شامل ہیں۔

ادکارہ و ماڈل سائرہ یوسف اور شہریار منور کی حال ہی میں کیے گئے بولڈ فوٹوشوٹ کی تصاویر سوشل میڈیا پر وائرل ہورہی ہیں جن پر انہیں تنقید کا سامنا ہے-

باغی ٹی وی : حال ہی میں سائرہ یوسف اور شہریار منور ایک میگزین کے لیے فوٹو شوٹ کرایا فوٹوشوٹ میں سائرہ یوسف کے لباس اور بولڈ اسٹائل پر سوشل میڈیا پر مداحوں کی جانب سے مایوسی کا اظہار کرتے ہوئے شدید تنقید کی جارہی ہے۔

لوگ سائرہ یوسف کو بے حد پسند کرتے ہیں اور جب سے ان کی شہروز سبزواری کے ساتھ طلاق ہوئی ہے سوشل میڈیا پر زیادہ تر لوگوں کی ہمدردیاں سائرہ یوسف کے ساتھ ہیں۔ لہذا اس فوٹوشوٹ نے سائرہ کے مداحوں کو مایوس کیا ہے اور بہت سے لوگوں نے مایوسی کا اظہار کرتے ہوئے کہا ہے سائرہ یوسف آپ سے اس کی امید نہیں تھی۔

سائرہ اور شہریار کے فوٹوشوٹ پر لوگوں نے غصے کا اظہار کرتے ہوئے کئی تبصرے کیے کچھ لوگوں نے کہا استغفار جب کہ کچھ کا کہنا تھا لعنت ہے ایسی شوٹنگ پر۔ کچھ لوگوں نے تو سائرہ اور شہروز کی طلاق کو درمیان میں لاتے ہوئے کہا اسی لیے تو طلاق ہوتی ہے ان کی۔

ایک خاتون صارف کا کہنا تھا جب معاشرے میں زیادتی کے واقعات میں اضافہ ہوتا ہے تو پھر ہم روتے کیوں ہیں ایک صارف نے کہا کہ کیا سائرہ نے یہ فوٹوشوٹ اپنے سابق شوہر شہروز سبزواری کو جلانے کے لیے کیا ہے؟

جہاں بولڈ فوٹوشوٹ کے باعث سائرہ یوسف پر تنقید کی جارہی ہے وہیں کچھ لوگ ان کی حمایت میں بھی سامنے آئے ہیں۔ شکیلہ نامی صارف نے لکھا یہ بطور ماڈل اور اداکارہ صرف اپنی جاب کررہی ہیں۔ اس سب کا ان کے سابق شوہر سے کیا تعلق ہے۔ اس طرح کے فوٹوشوٹس وہ شادی سے پہلے اور شادی کے دوران بھی کرتی تھیں تو اب کیوں یہ اتنا مسئلہ بن گیا۔

خاتون نے مزید لکھا سائرہ کو کیوں اپنا کام صرف اس وجہ سے چھوڑدینا چاہیئے کہ انہیں طلاق ہوگئی ہے انہیں اپنی بچی کا خرچہ اٹھانا ہے اور یہ ان کا کیریئر ہے۔ لوگوں کو منفی باتوں اور مفروضوں سے پرہیز کرنے کی ضرورت ہے-

گزشتہ روز ذیا بیطس کے عالمی8 دن کے موقع پر معاشرتی مسائل پر ہمیشہ اپنی آواز بُلند کرنے والی معروف سماجی کارکن اور سابق قومی کرکٹر وسیم اکرم کی اہلیہ شنیرا کرم نے پیمرا کو جنک فوڈز کے اشتہارات پر پابندی عائد کرنے کی تجویز دے دی-

باغی ٹی وی : شنیرا اکرم نے گزشتہ روز سماجی رابطے کی ویب سائٹ ٹوئٹر پر جاری اپنے پیغام میں پاکستان الیکٹرانک میڈیا ریگولیٹری اتھارٹی(پیمرا) سے مخاطب ہوتے ہوئے کہا کہ دُنیا بھر میں سب سے زیادہ ذیابطیس سے متاثرہ افراد کی فہرست میں پاکستان اس وقت چوتھے نمبر موجود ہے۔

Hey PERMA, Pakistan ranks 4th country in the World for people living with Diabetes, so if you really want to ban irresponsible content I suggest you start looking at the impact junk food commercials have on our masses and go from there! #WorldDiabetesDay

— Shaniera Akram (@iamShaniera) November 14, 2020

شنیرا اکرم نے پیمرا کو مخاطب کرتے ہوئے کہا کہ لہٰذا اگر آپ واقعی غیر ذمہ دارانہ مواد پر پابندی عائد کرنا چاہتے ہیں تو میری تجویز ہے کہ آپ جنک فوڈ اشتہارات کے ہمارے عوام پر پڑنے والے اثرات کو دیکھنا شروع کریں اور ان کی تشہیر پر پابندی عائد کریں۔

Pakistan is ranked 4th in the World for Diabetes. Until we have more awareness about the importance of body health,nutrition & every single person is out exercising, we don’t stand a chance in changing this status. Education is our only way to fight Diabetes 💪 #WorldDiabetesDay

— Shaniera Akram (@iamShaniera) November 14, 2020

وسیم اکرم کی اہلیہ نے اپنے ایک اور ٹوئٹ میں لکھا کہ ذیابیطس سے متاثرہ افراد کی حوالے سے پاکستان دنیا میں چوتھے نمبر پر ہے۔جب تک کہ ہم جسمانی صحت اور اپنی غذائیت کی اہمیت کے بارے میں شعور حاصل نہیں کریں گے تب تک ہم ذیابطیس جیسے مرض کے شکار ہونے سے نہیں بچ سکیں گے۔

شنیرا نے مزید کہا کہ ذیابیطس سے لڑنے کے لیے تعلیم ہی ہمارا واحد ہتھیار ہے۔

بہنوئی اور سالی کے درمیان عشق کی کہانی کے گرد گھومنے والی ڈرامے ‘جلن’ میں نشا نامی لڑکی کا کردار ادا کرنے والی اداکارہ منال خان کے مطابق ‘جلن’ پر تنقید کرنے والے زیادہ افراد نے ڈرامے کو مکمل دیکھے بغیر ہی ان کے کردار پر تنقید کی لیکن اب لوگوں کو احساس ہونے لگا کہ دراصل ڈرامے کی کہانی سالی اور بہنوئی کے عشق کے گرد نہیں گھومتی۔

باغی ٹی وی : اداکارہ منال خان کے دو ڈرامے ’جلن‘ اور ’نند‘ پاکستانی نجی چینل سے پیش کیے جارہے ہیں منال خان نے دونوں ڈراموں میں ایک دوسرے کے بالکل برعکس کردار ادا کیے ہیں ڈرامے ’نند‘ میں انہوں نے سیدھی سادی ظلم سہنے والی بیچاری بہو کا کردار ادا کیا ہے۔ جب کہ ’’جلن‘‘ میں ان کا کردار مکمل طور پر منفی ہے جو اپنی پسندیدہ چیز حاصل کرنے کے لیے کسی بھی حد تک جاسکتی ہے اور اپنے بہنوئی کو اپنا بنانے کے لیے اپنی سگی بہن کا گھر اجاڑ دیتی ہے۔

منال خان کو جہاں ڈرامے ’نند‘کے لیے ناظرین کی تعریفیں سننے کو ملتی ہیں وہیں ڈرامے ’جلن‘میں منفی کردار ادا کرنے کے لیے بے تحاشہ تنقید کا بھی سامنا کرنا پڑتا ہےیہاں تک کہ سالی بہنوئی کا عشق دکھانے پر پاکستان میڈیا ریگولیٹری اتھارٹی (پیمرا) نے بھی اس پرپابندی عائد کردی تھی، تاہم بعد ازاں اس سے پابندی ہٹالی گئی تھی۔

بلال عباس خان بھارتی ہدایت کار کے ساتھ کام کرنے کے خواہشمند

جلن کو نجی ٹی وی اے آر وائی ڈیجیٹل پر نشر کیا جا رہا ہے اور اس میں بہنوئی اور سالی کے عشق کے علاوہ بھی دیگر سماجی مسائل کو دکھایا گیا ہے۔

مذکورہ ڈرامے میں اریبہ حبیب اور منال خان نے بہنوں کا کردار ادا کیا ہے جب کہ اس میں عماد عرفانی نے اریبہ حبیب کے شوہر اور منال خان کے بہنوئی کا کردار ادا کیا ہے۔

ڈرامے میں دکھایا گیا ہے کہ اریبہ حبیب اور عماد عرفانی کی شادی ہوجاتی ہے، تاہم کچھ ہی عرصے بعد عماد عرفانی کی سالی منال خان ان میں دلچسپی لینے لگتی ہیں اور اسی معاملے پر ہی ڈرامے کو تنقید کا نشانہ بنایا گیا۔

تاہم منال خان ڈرامے میں اپنے کردار پر کی جانے والی تنقید کو بے جا قرار دیتے ہوئے کہتی ہیں کہ ‘جلن’ کی کہانی بہنوئی اور سالی کے عشق کے گرد نہیں گھومتی بلکہ کہانی کا اصل مرکز ایک لڑکی کی ضروریات ہیں۔

بی بی سی اردو کو دیے گئے انٹرویو میں منال خان نے یہ دعویٰ بھی کیا کہ پاکستانی ڈراموں میں ان کہانیوں کو ہی دکھایا جاتا ہے جو معاشرے میں موجود ہوتی ہیں-

منال خان نے کہا کہ اس ڈرامے کی کہانی بنیادی طور پر سالی اور بہنوئی کے درمیان نہیں گھومتی بلکہ اس کی کہانی ایک لڑکی کے بارے میں ہے جو سب کچھ حاصل کرنا چاہتی ہے۔ انہوں نے کہا’جلن‘میں ’نشا‘کے کردار کے لیے مجھے بہت منفی ردعمل بھی ملتا ہے لیکن میں اسے مثبت انداز میں لیتی ہوں۔ یہاں تک کہ راہ چلتے خواتین مجھ سے لڑنے لگتی ہیں اور سمجھتی ہیں کہ شاید میں حقیقی زندگی میں بھی ایسی ہی ہوں۔

ڈرامہ سیریل سراب میں ذہنی مریضہ کا کردار نبھانا چیلنج تھا سونیا حسین

ڈرامے ’جلن‘پر نامناسب سین دکھائے جانے پر پیمرا کی جانب سے لگائی جانے والی پابندی کے حوالے سے منال خان نے کہا کہ میں پیمرا کا نام سنتی تھی لیکن کبھی سوچا نہیں تھا کہ پیمرا میرے ڈرامے پر پابندی لگادے گا۔ اور جب پیمرا نے میرے ڈرامے پر پابندی لگائی تو مجھے بہت ڈر لگاتھا کیونکہ یہ صرف میرا ڈراما نہیں ہے بلکہ پوری ٹیم کی محنت ہے لہذا اگر کسی ڈرامے پر پابندی لگتی ہے تو یہ پابندی اس پوری ٹیم کی محنت کو ضائع کرنے کے مترادف ہوتی ہے۔

منال خان نے انکشاف کرتے ہوئے کہا کہ ڈرامے ’جلن‘میں بہت سارے لڑائی جھگڑے والے سینز تھے جو ہم نے شوٹ کیے تھے لیکن جب ڈراما آن ایئر ہوتا ہے تو اس میں وہ سین موجود نہیں ہوتے کیونکہ انہیں سنسر شپ کی پالیسی کی وجہ سے ہٹادیا جاتا ہے۔

منال خان نے کہا جب کوئی ڈراما چل رہا ہو تو اس دوران اس پر پابندی نہیں لگانی چاہیئے اور ناظرین کے ہاتھ میں پابندی لگانے کا یا نہ لگانے کا اختیار نہیں دینا چاہیئے ان کے پاس صرف یہ اختیار ہونا چاہیئے کہ اگر انہیں ڈراما پسند آرہا ہے تو دیکھیں ورنہ نا دیکھیں-

مدیحہ امام نے خواتین پر شادی کے لیے دباؤ کو پاکستانی سماج کی حقیقت قرار دیا

منال خان نے کہا کہ جب خواتین انہیں ان کے منفی کردار کی وجہ سے ڈانٹتی ہیں اور کہتی ہیں کہ تمہیں ایسے کردار نہیں کرنے چاہیئں تو میں کہتی ہوں کہ پھر کیسے کردار کرنے چاہیئں کیونکہ وہ آپ ہی لوگ ہیں جو کہتے ہیں کہ ڈرامے میں ہیروئن ہر وقت روتی رہتی ہے اور اب جب رونے کے بجائے رلارہی ہوں تو بھی آپ سے برداشت نہیں ہورہا تو بس یہ کہنا چاہوں گی کہ لوگ کبھی خوش نہیں ہوتے۔