پاکستان شوبز انڈسٹری کی معروف اداکارہ سونیا حسین نے پاکستان میوزک انڈسٹری کےمعروف گلوکار علی سیٹھی کو باد شاہ غزل قرار دے دیا ہے۔

باغی ٹی وی : علی سیٹھی پاکستان کے معروف اور نوجوانوں میں نہایت مقبول گلوکار ہیں، اُن کی آواز کا جادو ہر قسم کے گیتوں میں سر چڑھ کر بولتا ہے۔

گلوکار علی سیٹھی کی جانب سے سماجی رابطے کی ویب سائٹ انسٹاگرام پر کچھ تصاویر شیئر کی گئی ہیں۔

علی سیٹھی کی جانب سے شیئر کی گئی انسٹا گرام پوسٹ پر سب سے پہلی اُن کی تصویر ہے جبکہ دوسرے نمبر پر ایک گلاب کی ہے اور تیسرے چوتھے نمبر پر اُن کی جانب سے خوبصورت شعر شیئر کیا گیا ہے۔

36 سالہ گلوکارعلی سیٹھی کی جانب ایک صفحے ہر ہاتھ سے لکھا گیا شعرشیئر کیا گیا ہے جو کہ کچھ یوں ہے تم آئے ہو تو رنگ ہے، تم سے ہی ہے قرار، تم لائے ہو نظارے، تو بجے ہیں دل کے تار۔

گلوکار علی سیٹھی نے اپنی پوسٹ کے کیپشن میں لکھا ہے کہ کیا آپ مجھے سُن سکتے ہیں۔

علی سیٹھی کی اس پوسٹ پر اُن کے مداحوں کی جانب سے خوب تعریفی کمنٹ کیے جا رہے ہیں۔

دوسری جانب معروف اداکارہ سونیا حسین اور رحمت اجمل کی جانب سے بھی علی سیٹھی کی پوسٹ پر تعریفی کمنٹ کیا گیا ہے۔

سونیا حسین کا اپنے کمنٹ میں علی سیٹھی کے لیے کہنا ہے کہ اُنہوں نے آج تک علی سیتھی جیسا بہترین باد شاہ غزل نہیں دیکھا ہے۔

جبکہ رحمت اجمل نے لکھا ہمیشہ –

پاکستان میوزک انڈسٹری کے نامور گلوکار اور اداکار فرحان سعید اور ان کی اہلیہ اور اداکارہ عروہ حسین شادی کے چار سال بعد الگ ہوگئے۔

باغی ٹی وی کی رپورٹ کے مطابق شوبز انڈسٹری کے اس معروف جوڑی نے چار سال قبل شادی کرلی تھی اور ان الگ ہو گئے ہیں ۔ اس خبر کو انڈسٹری کی سب سے دل دہلانے والی خبروں میں سے ایک سمجھا جاسکتا ہے۔

ذرائع کے مطابق ، فرحان اور عروہ کے درمیان باہمی تنازعات تھے جو اس فیصلے کی وجہ بن گئے۔

مشہور جوڑی کی شادی 2016 میں ہوئی اور ان کی شادیوں کے واقعات کئی دنوں تک سوشل میڈیا پر ٹرینڈ پر رہے۔ جوڑی نے اسی سال پیرس میں منگنی کی اور بعد میں بادشاہی مسجد ، لاہور میں ایک سادہ سی تقریب میں شادی کے بندھن میں بندھ گئے۔

اطلاعات کے مطابق ، اس سے قبل عروہ حسین نے اپنے ایک انٹرویو میں کہا تھا کہ اگر فرحان سعید دوبارہ شادی کرنا چاہتے ہیں تو ، وہ دوسری بار شادی کرنے سے نہیں روکیں گی۔ یہ بیان ان دونوں کے مداحوں کے لئے حیرت زدہ تھا۔

تاہم اس معاملے کے بارے میں باضابطہ بیان ابھی پہنچنا باقی ہے۔

یاد رہے کہ دونوں اداکار فی الحال ٹی وی ڈراموں ’پریم گلی‘ اور ’مشک‘ میں دیکھے جاسکتے ہیں جسے شائقین کی جانب خوب پسند کیا جا رہا ہے-

پاکستان شوبز انڈسٹری کے مزاحیہ اداکار یاسر حسین نے اہلیہ اقرا عزیز کی 23 ویں سالگرہ کے موقع پر سوشل میڈیا پر محبت بھرا پیغام جاری کیا ہے-

باغی ٹی وی : اداکار یاسر حسین نے سوشل میڈیا ویب سائٹ انسٹاگرام پر اہلیہ اقرا عزیز کے ہمراہ ایک تصویر شیئر کرتے ہوئے اقرا کے لیے محبت بھرا پیغام لکھا کہ ’سالگرہ مبارک ہو، اللہ کرے جتنی خوش تم اس سال ہو، ہمیشہ رہو، آمین۔‘

یاسر نے اہلیہ کیلئے پیار کا اظہار کرتے ہوئے شاعر مشرق علامہ اقبال کا شعر بھی لکھا۔

ستاروں سے آگے جہاں اور بھی ہیں، ابھی عشق کے امتحاں اور بھی ہیں

جواب میں اقرا حسین نے لکھا کہ شادی کے اس سال میں آپ نے جتنا خوش مجھے رکھا اب آگے زندگی اور بھی حسین ہو گی انشاءاللہ ساتھ ہی اقرا عزیز نے یاسرکو لائف لائن کہتے ہوئے اپنے لیے یہ پیار ہمیشہ برقرار رہنے کی دُعا کی۔

اقرا عزیز نے شوہر یاسر حسین کا ہر چیز کے لئے شکریہ ادا کیا-

واضح رہے کہ یاسر اور اقرا کی شادی 28 دسمبر 2019 کو کراچی میں ہوئی تھی۔

پاکستان ڈرامہ انڈسٹری کی سینئر اداکارہ بشریٰ انصاری نے عالمگیر وبا کورونا وائرس کے باعث ملتوی ہونے والی شوٹنگز دوبارہ شروع ہونے پر خوشی کا اظہار کیا ہے۔

باغی ٹی وی : بشریٰ انصاری نے سماجی رابطے کی ویب سائٹ انسٹاگرام پر اپنی ایک خوبصورت تصویر شئیر کی اور بتایا کہ وہ 9 ماہ بعد جیو ٹی وی کے ڈرامہ سیریل ’مہلت‘ کی شُوٹنگ میں مصروف ہوئی ہیں۔

بشریٰ انصاری نے بتایا کہ انہوں نے اپنے نئے پراجیکٹ کا آغاز کیا ہے جو جیو ٹی وی کا ڈرامہ ’مہلت‘ ہے۔

خیال رہے کہ آج کل بشریٰ انصاری سوشل میڈیا پر فعال دکھائی دے رہی ہیں، پرانی یادیں بھی شیئر کررہی ہیں اور نئے پراجیکٹس کے حوالے سے بھی پوسٹ کررہی ہیں۔

اس سے قبل انسٹاگرام پر بشریٰ انصاری نے ایک فیملی فوٹو شئیر کی ہے جس میں اداکارہ کے ہمراہ اُن کی نانی، اُن کی امّی اور اُن کی بیٹی موجود ہیں جبکہ بشریٰ انصاری نے گود میں اپنے پوتے کو بھی اُٹھایا ہوا ہے۔

بشریٰ انصاری نے تصویر پوسٹ کرتے ہوئے کیپشن میں لکھا تھا کہ پانچ نسلیں ایک ساتھ۔-

اداکارہ نے بتایا تھا کہ مذکورہ تصویر میں اُن کے ساتھ اُن کی نانی، امّی، بیٹی اور پوتا موجود ہیں جبکہ یہ یادگار تصویر 14 سال قبل لی گئی تھی-

علاوہ ازیں بشریٰ انصاری نے اپنی جوانی کی ایک تصویر بھی انسٹاگرام پراپنے مداحوں کے ساتھ شیئر کی جس میں اُنہوں نے اس دور کے حساب سے فیشن کو فالو کیا ہوا ہے۔

بشریٰ انصاری نے مداحوں کے ساتھ اپنی 5 نسلوں کی تصویر شئیر کر دی

اس سے قبل پاکستان کی سینئر اداکارہ بشریٰ انصاری نے موجودہ اور ماضی کے حالات پر تبصرہ کرتے ہوئے کہا کہ زمانہ نہیں بدلا اب دنیا بدل گئی ہے۔

ہمارے وقت میں ہمیں نظم وضبط کی بہت عادت تھی اور ہم وقت کے بہت پابند تھے بشریٰ انصاری

انہوں نے کہا تھا کہ فرق تو زمانے میں ہر چیز کا ہوتا ہے ہم یہ نہیں کہہ سکتے کہ اس زمانے کے ڈیزائنر اچھے نہیں ہیں اور پرانے ڈیزائنرز اچھے تھے ہر وقت کے اپنے تقاضے ہوتے ہیں رویے اور ماحول ماحول بدل جاتے ہیں اور معاشی صورتحال بدلنے سے بھی بہت کچھ تبدیل ہوجاتا ہےجو کہ اب ہم دیکھ رہے ہیں۔

انہوں نے کہا تھا کہ روایات بدلتی ہیں بہت سارے رشتے بھی بدل جاتے ہیں سو ہم یہ کیسے کہہ سکتے ہیں کہ پہلے اور اب کے اداکاروں میں یہ فرق ہے آپ کسی بھی شعبے سے تعلق رکھتے ہوں آپ کا ایسا پیشہ ورانہ رویہ اور کمٹمنٹ ضروری ہوتی ہے جس سے آپ کام نکھر کر سامنے آئے۔

ان کا مزید کہنا تھا کہ ویسے تو ہم سب کا زمانہ ساتھ چل رہا ہے لیکن یہ ضرور ہے کہ ہمارے وقت میں ہمیں نظم وضبط کی بہت عادت تھی اور ہم وقت کے بہت پابند تھے۔

چیئر مین پاکستان الیکٹرونک میڈیا ریگولیٹری اتھارٹی ( پیمرا) نے تحصیل پتوکی کے ریڈیو چینل کےلیے زبیر قصوری کو لائسنس دے دیا-

باغی ٹی وی : آج اسلام میں پیمرا کے ہیڈ کوارٹر میں ایک تقریب کے دوران چئیرمین پیمرا محمد سلیم بیگ نے تحصیل پتوکی کے ریڈیو چینل کے لئے ایم ایس فلئیر کے سی ای او زبیر قصوری کو لائسنس دیا-

Chairman PEMRA, Muhammad Saleem Baig awarding FM Radio License for Tehsil Patokki to Mr. Zubair Kasuri, C.E.O. of M/s. Flare SMC Private Ltd. today at PEMRA HQs. pic.twitter.com/HqKV4oFc9C

— Report PEMRA (@reportpemra) November 24, 2020

پیمرا کی جانب سے سماجی رابطے کی ویب سائٹ ٹویٹر پر کی گئی ٹویٹ میں تقریب کی تصاویر کا کولاج شئیر کیا گیا جس میں چئیر مین پیمرا محمد سلیم بیگ کو تحصیل پتوکی کے ریڈیو چینل کے لئے ایم ایس فلئیر کے سی ای او زبیر قصوری کو لائسنس دیتے ہوئے دیکھا جا سکتا ہے-

خیال رہے کہ پاکستان الیکٹرانک میڈیا ریگولیٹری اتھارٹی ( پیمرا) ایک آزاد اور آئینی طور پر قائم وفاقی ادارہ ہے جو ماس میڈیا کلچر ، پرنٹ اور الیکٹرانک میڈیا کے قیام کے لئے چینل لائسنس کو باقاعدہ اور جاری کرنے کا ذمہ دار ہے۔

یکم مارچ 2002 کو قائم کیا گیا پیمرا کے بنیادی مقاصد نجی الیکٹرانک ماس میڈیا انڈسٹری کی سہولت اور ان کو منظم کرنا اور معلومات ، تعلیم اور تفریح ​​کے معیار کو بہتر بنانا ہیں۔

آئین پاکستان کے آرٹیکل 19 کے تحت ضابطہ اخذ کردہ ، اس کا دائرہ اختیار ہے کہ وہ مذہب ، سالمیت اور پاکستان کے قومی سلامتی کے مفاد میں مناسب پابندیاں عائد کرے-

اس کا آئینی مینڈیٹ پاکستانی عوام کو دستیاب خبروں ، موجودہ امور ، دینی علم ، فن اور ثقافت کے ساتھ ساتھ سائنس اور ٹکنالوجی کو بڑھانا ہے۔ 28 جون 2018 کو سپریم کورٹ کے حکم کے بعد سلیم بیگ کو پیمرا کا چیئرمین مقرر کیا گیا تھا-

پاکستان شوبز انڈسٹری کی معروف اداکارہ میرا کو پنجاب پولیس کی اچھے برتاؤ سے نہا ہو گئیں کہا مجھے ایسا لگا کہ پنجاب پولیس واقعی بدل رہی ہے-

باغی ٹی وی : پنجاب پولیس کی جانب سے سماجی رابطے کی سائٹ ٹوئٹر پر ایک ویڈیو شئیر کی گئی جس میں اداکارہ میرا پنجاب پولیس کی خوش اخلاقی کی تعریف کر رہی ہیں-

پنجاب پولیس کا ایسا کام کہ فلمسٹار میرا بھی تعریف کرنے پر مجبور#PunjabPolice #ٖFilmStarMeera #AtYourService pic.twitter.com/vrFjMDaZOP

— Punjab Police Official (@OfficialDPRPP) November 23, 2020

ویڈیو میں اداکارہ میرا کا کہنا تھا کہ کام کے سلسلے میں تھانہ ڈیفنس آئی جہاں دو پولیس افسران نے بہت اچھے طریقے سے برتاؤ کیا، میری درخواست وصول کی-

میرا نے کہا کہ یہاں آکر مجھے ایسا لگا کہ پنجاب پولیس واقعی بدل رہی ہے دونوں افسران نے میری بات کو انتہائی دلچسپی اور اچھے انداز میں سنا جس پر میں پولیس افسران کی نہایت مشکور اور شکر گزار ہوں۔

انہوں نے ویڈیو کے آخر میں پنجاب پولیس زندہ باد پاکستان زندہ باد بھی کہا-

پاکستان میوزک انڈسٹری کے عالمی شہرت یافتہ گلوکار علی حیدر نے اپنئ نئے گانے کی جھلک مداحوں کے ساتھ شئیر کر دی-

باغی ٹی وی : گلوکار علی حیدر جو کہ گزشتہ 5 برسوں سے امریکہ میں اپنی فیملی کے ساتھ رہائش پذیر ہیں اور وہاں پر اپنے میوزک کنسرٹ کرتے ہیں اور ساتھ ساتھ نئے گانے بھی ریلیز کرتے ہیں-

عالمی شہرت یافتہ گلوکار آج کل اپنے نئے گانے ’تم سے کچھ کہنا ہے‘ کی ریلیز کی تیاریوں میں مصروف ہیں-

علی حیدر نے سماجی رابطے کی ویب سائٹ انسٹاگرام پر اپنے نئے گانے کی جھلک جاری کردی ہے جس کو سوشل میڈیا پر بہت زیادہ پسند کیا جارہا ہے

خیال رہے کہ علی حیدر نے 90 کی دہائی میں شہرت کی بلندیوں کو چھوا ان کے سپر ہٹ گانوں میں پرانی جینز اور گٹار، چاند سا مکھڑا، سیونی میرا ماہی اور دیگر شامل ہیں۔

واضح رہے کہ انہوں نے گلوکاری کے علاوہ پاکستانی فلم اور ڈراموں میں اداکاری بھی کرچُکے ہیں۔