Category: کھیل

چیمپئنز ٹرافی کے ابتدائی میچ میں فیلڈنگ کے دوران انجری کا شکار ہونے والے قومی کرکٹ ٹیم کے اوپنر فخر زمان ٹورنامنٹ سے باہر ہوگئے ہیں۔ پاکستان کرکٹ بورڈ نے باضابطہ طور پر اعلان کیا ہے کہ فخر زمان چیمپئنز ٹرافی میں مزید شرکت نہیں کر سکیں گے۔

فخر زمان کی انجری کی نوعیت سنجیدہ ہے، اور ذرائع کے مطابق ان کا میدان میں دوبارہ اترنا ممکن نہیں رہا۔ چیمپئنز ٹرافی کے لیے پاکستان کرکٹ ٹیم آج 23 فروری کو بھارت کے خلاف ہونے والے میچ کی تیاری کے لیے کراچی سے دبئی روانہ ہوئی، تاہم فخر زمان ٹیم کے ہمراہ دبئی نہیں جا رہے ہیں۔پاکستان کرکٹ بورڈ نے فخر زمان کے متبادل کھلاڑی کے لیے آئی سی سی ٹیکنیکل کمیٹی سے رابطہ کیا ہے، اور پی سی بی فخر زمان کی جگہ نئے اوپنر کے انتخاب پر غور کر رہا ہے۔ ذرائع کا کہنا ہے کہ امام الحق کا فخر زمان کی جگہ چیمپئنز ٹرافی میں شامل ہونے کا امکان ہے، کیونکہ انہوں نے جنوبی افریقا کے خلاف وارم اپ میچ میں شاندار 98 رنز بنائے تھے۔

چیمپئنز ٹرافی کے ابتدائی میچ میں فخر زمان کی انجری کے باعث پاکستان نے اوپننگ کے لیے بابر اعظم کے ساتھ سعود شکیل کو میدان میں اتارا تھا، جبکہ فخر زمان کو مڈل آرڈر میں بیٹنگ کے لیے بھیجا گیا تھا۔ اس میچ میں نیوزی لینڈ نے پاکستان کو 60 رنز سے شکست دی تھی۔

پاکستان کرکٹ بورڈ کی جانب سے فخر زمان کی انجری کے حوالے سے مکمل تصدیق کی گئی ہے اور ان کے متبادل کھلاڑی کے لیے آئی سی سی سے باضابطہ اعلان کیا جائے گا۔ امام الحق کی شمولیت کا امکان چیمپئنز ٹرافی کے لیے بڑھ گیا ہے، جس سے ٹیم کو مزید تقویت ملے گی۔

ھارتی کرکٹ ٹیم کے کپتان روہت شرما نے کہا ہے کہ آئی سی سی چیمپئنز ٹرافی کا فارمیٹ بہت مشکل ہے اور ایک شکست کسی بھی ٹیم کو ناک آؤٹ مرحلے سے باہر کر سکتی ہے۔

دبئی میں بنگلادیش کے خلاف میچ سے قبل پریس کانفرنس میں روہت شرما نے اپنے خیالات کا اظہار کرتے ہوئے کہا کہ اس قسم کے چیلنجز کا سامنا کرنے کے لئے ہمیں زیادہ پریشان ہونے کی ضرورت نہیں ہے۔بھارتی کپتان کا مزید کہنا تھا: "چیمپئنز ٹرافی ایک مشکل فارمیٹ ہے، اور ایک غلطی یا شکست ٹیم کو ایونٹ سے باہر کر سکتی ہے۔ ہمیں اس بات کو ذہن میں رکھتے ہوئے زیادہ پاگل نہیں ہونا چاہیے۔” انہوں نے یہ بھی کہا کہ تمام ٹیمیں اس ٹورنامنٹ میں جیتنے کی نیت سے آتی ہیں، اور بھارتی ٹیم بھی ایک مضبوط کمبی نیشن کے ساتھ میدان میں اترے گی۔

روہت شرما نے یہ بھی کہا کہ دیگر ٹیمیں اپنی طاقت پر کھیلتی ہیں اور ہم بھی دبئی کے ماحول میں اپنی بہترین حکمت عملی کے ساتھ کھیلنے کی کوشش کریں گے۔ انہوں نے بھارتی ٹیم کی متوازن ساخت کو سراہا، جہاں اسپنرز اور آل راؤنڈرز کا بہترین کمبی نیشن موجود ہے۔ بھارتی کپتان نے دبئی کے گرم اور خشک ماحول کا ذکر کرتے ہوئے کہا کہ ٹیم اس کے ساتھ ہم آہنگ ہونے کی بھرپور کوشش کر رہی ہے۔ انہوں نے یہ بھی کہا کہ بلے بازوں کو میدان میں ذمہ داری کا مظاہرہ کرنا ہوگا۔

روہت شرما نے اپنی ٹیم کے نئے اسپنر ورون چکروتی کے بارے میں کہا کہ پریکٹس سیشنز میں وہ اتنا اسپن نہیں کر رہے تھے، تاہم اگر وہ کچھ چھپانے کی کوشش کر رہے ہیں تو وہ میچ کے دوران سامنے آ جائے گا۔ بھارتی ٹیم نے جیسوال کی جگہ اسپنر ورون چکروتی کو ٹیم میں شامل کیا ہے۔

بھارت اور بنگلادیش کے درمیان 20 فروری کو دبئی میں ہونے والا میچ بہت اہمیت کا حامل ہے، جس میں دونوں ٹیموں کے لیے جیتنے کا موقع ہے۔

پاکستان کرکٹ ٹیم کے کھلاڑی خوشدل شاہ نے کہا ہے کہ انہوں نے کبھی بھی اپنے لیے کرکٹ نہیں کھیلی، اور اگر وہ اپنے اسکور کے لیے کھیلتے تو آج ان پر کی جانے والی تنقید کا سامنا نہ ہوتا۔

آئی سی سی چیمپئنز ٹرافی 2025 کے افتتاحی میچ میں نیوزی لینڈ کے ہاتھوں 60 رنز سے شکست کے بعد مکسڈ زون میں میڈیا سے گفتگو کرتے ہوئے خوشدل شاہ نے اپنی کارکردگی اور اس میچ کے حوالے سے اہم باتیں شیئر کیں۔خوشدل شاہ نے کہا، "شروع میں فخر کے نہ ہونے کی وجہ سے ہمارا آغاز اچھا نہیں ہو سکا۔ چاہے جو بھی درکار رن ریٹ ہو، میں وکٹ کی پرواہ کیے بغیر ہمیشہ ٹیم کے لیے بہتر سے بہتر کرنے کی کوشش کرتا ہوں۔” انہوں نے مزید کہا کہ وہ ہمیشہ اپنی بیٹنگ کے دوران اس بات پر توجہ دیتے ہیں کہ ٹیم کے لیے کیا بہتر ہو سکتا ہے۔

خوشدل شاہ کا کہنا تھا، "آج بھی میری کوشش یہی تھی کہ ٹیم کے لیے بہترین کروں۔ نسیم شاہ سے یہی بات ہو رہی تھی کہ اگر ہم آخری اوور تک گئے تو میچ ہمارے ہاتھ میں ہوگا۔ میں نے کبھی بھی اپنے لیے کرکٹ نہیں کھیلی، اگر میں اپنے اسکور کے لیے کھیل رہا ہوتا تو آج پرچی پرچی کی آواز نہ لگتی۔ لوگ تو مجھ پر دو سال سے آوازیں لگا رہے ہیں، اب تو یہ عادت بن چکی ہے، اور اب تو میں کہتا ہوں کہ اور آوازیں لگاؤ۔”انہوں نے مزید کہا کہ "ہوم گراؤنڈ پر کھلاڑی کو انجوائے کرنے کا موقع ملنا چاہیے، ایسا نہیں ہونا چاہیے کہ کھلاڑی کو تنقید کا سامنا ہو۔” خوشدل شاہ نے اس بات کا اعتراف کیا کہ کھلاڑیوں کے لیے غلط نعرے لگنا برا لگتا ہے، لیکن انہوں نے کہا کہ وہ اس صورتحال کو انجوائے کر رہے ہیں اور اسے ہینڈل کر سکتے ہیں۔

خوشدل شاہ نے اس بات پر زور دیا کہ چیمپئنز ٹرافی پاکستان میں ہو رہی ہے اور عوام کو چاہیے کہ وہ اپنی ٹیم اور کھلاڑیوں کی بھرپور حمایت کریں۔ "لوگوں کو چاہیے کہ ٹیم اور پلیئرز کو بیک کریں، ڈومیسٹک کرکٹ میں میری پرفارمنس سب کے سامنے ہے۔” انہوں نے یہ بھی کہا کہ جب وہ ٹیم سے ڈراپ ہوئے تھے تو انہوں نے یہ فیصلہ کیا تھا کہ وہ اتنا اچھا کم بیک کریں گے کہ کسی کو شک نہ ہو۔خوشدل شاہ نے بتایا کہ "چھٹے یا ساتویں نمبر پر کھیلنا ایک کھلاڑی کے لیے سخت چیلنج ہوتا ہے، اور میں کبھی ایسی صورتحال میں نہیں آیا جب ٹیم مشکل میں نہ ہو۔” ان کا کہنا تھا کہ ان کے لیے اپنی پوزیشن پر کھل کر کھیلنا اور اس کے نتائج کو قبول کرنا ایک بڑا چیلنج ہے۔

انہوں نے کہا کہ "آج ہم چالیس فیصد گیم میں واپس آ گئے تھے، لیکن اس کے بعد وکٹ نہ ہونے کی وجہ سے مشکلات پیش آئیں۔ ہمارا فوکس ہمیشہ یہی ہوتا ہے کہ ہم میچ کس طرح جیتیں، اور آج یہ میچ ہمارے ہاتھ سے نکل گیا۔ لیکن ہم آگے کی جانب اپنے کھیل میں بہتری لانے کی کوشش کریں گے تاکہ میچ کو اچھے انداز میں ختم کیا جا سکے۔”

نیوزی لینڈ سے شکست،مبشر لقمان نے پی سی بی،پاکستانی کھلاڑیوں کو آئینہ دکھا دیا

چیمپئنز ٹرافی ، افتتاحی میچ میں پاکستان کی شکست، سوشل میڈیا پر بابر اعظم سمیت ٹیم پر تنقید

آئی سی سی چیمپئنز ٹرافی 2025 کے افتتاحی میچ میں پاکستان کو نیوزی لینڈ کے ہاتھوں 60 رنز سے شکست کا سامنا کرنا پڑا۔ اس میچ کے دوران پاکستانی کرکٹ ٹیم نے نیوزی لینڈ کے 320 رنز کے ہدف کو حاصل کرنے کی کوشش کی، مگر قومی ٹیم 48 ویں اوور میں 260 رنز پر ڈھیر ہوگئی۔

نیوزی لینڈ نے پہلے بیٹنگ کرتے ہوئے 50 اوورز میں 5 وکٹوں کے نقصان پر 320 رنز بنائے، جس میں ان کے کھلاڑیوں نے عمدہ بیٹنگ کا مظاہرہ کیا۔ اس کے جواب میں پاکستان کی بیٹنگ لائن اپ میں خوشدل شاہ 69 رنز، بابر اعظم 64 رنز اور سلمان آغا 42 رنز کے ساتھ نمایاں رہے۔

تاہم، میچ کے نتائج پر سوشل میڈیا پر شدید ردعمل دیکھنے کو ملا۔ پاکستان کی شکست کے بعد سوشل میڈیا صارفین خاص طور پر بابر اعظم پر شدید تنقید کر رہے ہیں۔ بابر اعظم نے 64 رنز کی اننگز 90 گیندوں پر کھیلی، جس پر شائقین کرکٹ نے سست روی پر ناپسندیدگی کا اظہار کیا۔ ایک صارف نے پاکستان کی جانب سے 321 رنز کے ہدف کے تعاقب میں سست روی کو بالی وڈ فلم کے سین کے ذریعے میم بنا کر طنز کیا۔

سوشل میڈیا پر ایک صارف نے کہا کہ بابر اعظم صرف ون ڈے رینکنگ کے لیے کھیل رہے ہیں، نہ کہ ملک کی فتح کے لیے۔ ایک اور صارف نے سلمان آغا کی تعریف کی، کہ وہ صرف اپنی انفرادی پرفارمنس کی نہیں بلکہ ملک کی فتوحات کے لیے کھیلے۔

یہ شکست پاکستان کے لیے ایک بڑا دھچکہ ہے، خاص طور پر اس وقت جب آئی سی سی ایونٹ 29 سال بعد پاکستان میں ہو رہا ہے اور شائقین کی توقعات بہت زیادہ تھیں۔ اس میچ کی شکست پر سوشل میڈیا پر مزید بحث جاری ہے اور قومی ٹیم کے اگلے میچ میں بہتری کی امیدیں وابستہ کی جا رہی ہیں۔

پاکستان کرکٹ ٹیم کے نائب کپتان سلمان آغا نے نیوزی لینڈ کے ہاتھوں آئی سی سی چیمپئنز ٹرافی 2025 کے افتتاحی میچ میں 60 رنز سے شکست کے بعد ایک پریس کانفرنس میں اپنی ٹیم کی کارکردگی پر تبصرہ کیا۔ انہوں نے کہا کہ اس وکٹ پر 300 رنز کا اسکور عبور کیا جا سکتا تھا، لیکن ہماری بیٹنگ میں اچھا آغاز نہیں مل سکا۔ سلمان آغا کا ماننا تھا کہ اگر 320 رنز کرنے ہیں تو پاور پلے میں اچھا کھیلنا ضروری ہوتا ہے۔

سلمان آغا نے اس میچ میں پارٹنرشپ اور مومینٹم نہ بننے کو شکست کی اہم وجہ قرار دیتے ہوئے کہا کہ اگر فخر زمان ٹیم میں موجود ہوتے تو پاور پلے کے دوران اسکور زیادہ ہو سکتا تھا، اور شاید میں اپنی اننگز کو لمبا کھیل سکتا تھا، جس سے نتیجہ مختلف ہو سکتا تھا۔انہوں نے مزید کہا کہ ہماری کارکردگی میں تسلسل لانے کی ضرورت ہے۔ ہمیں اپنے تیس چالیس رنز کو بڑے اسکور میں تبدیل کرنا ہوگا، کیونکہ اگر ہم دنیا کی بہترین ٹیم بننا چاہتے ہیں تو ہمیں اپنی کارکردگی میں تسلسل لانا ہوگا۔سلمان آغا نے کہا کہ ہم اس میچ کو بھلا کر اگلے میچ کے لیے میدان میں اتریں گے۔ انہوں نے کہا کہ دنیا کی ٹاپ ٹیموں کو ہرانے کے لیے ہمیں مسلسل اچھا کھیلنا ہوگا، اور آج ہم نے کسی بھی شعبے میں اپنی توقعات کے مطابق کارکردگی نہیں دکھائی۔

مایوسی نہیں، آگے بڑھنا ہے.نسیم شاہ
قومی ٹیم کے فاسٹ بولر نسیم شاہ نے مکسڈ زون میں میڈیا سے بات کرتے ہوئے کہا کہ شروعات اچھی نہ ہو تو مایوسی تو ہوتی ہے، لیکن اس کے باوجود ہمیں مایوسی سے بچنا ہوگا۔ انہوں نے کہا کہ بہت ساری چیزوں کو اگلے اہم میچ سے قبل ٹھیک کرنا ہوگا اور اپنی غلطیوں کو درست کرکے اگلے میچ پر فوکس کرنا ہوگا۔نسیم شاہ کا کہنا تھا کہ اس وکٹ پر بولرز کو زیادہ مدد نہیں ملتی، لیکن یہاں پر بڑے اسکور بن سکتے ہیں۔ انہوں نے کہا کہ آخری کے چھ سے آٹھ اوورز وہ نہ ہو سکے جو ہم کرنا چاہتے تھے، اور ہمیں ان ایریاز پر کام کرنے کی ضرورت ہے۔انہوں نے یہ بھی کہا کہ ان کا فوکس بنیادی طور پر بولنگ پر ہے، لیکن وہ بیٹنگ پر بھی کام کر رہے ہیں۔ کلب میچز میں وہ اوپر کے نمبروں پر بیٹنگ کرنے کی کوشش کرتے ہیں۔ نسیم شاہ نے کہا کہ ایسا نہیں کہ ایک خراب میچ کے بعد ہم بالکل گر جائیں گے، بلکہ ہم اپنا مورال بلند رکھیں گے اور اگلے دونوں میچز جیتنے کی کوشش کریں گے۔

مریم نواز ثابت قدم رہنا. آپ تاریخ کا روشن باب رقم کرنے جا رہی ہیں. تحریر: ملک سلمان